السلام عليكم ورحمة الله
تم تحديث الرسالة

بالنسبة لإعلان اعتماد فترة الاتاش
التقديم ينتهي يوم 10 ديسمبر 2025

الاعلان يخص اي زول اقسم في 2023 وما بعدها وانتهى من الاتاش حتى 5 ديسمبر 2025
الهدف انهاء الانتظار ومعالجة اوضاع العالقين بدون توزيع او بس بيفرغو حالياً.
{الشفتات قبل القسم ما معتمدة}

ثانياً وهي النقطة الأهم:
ممكن تقدم حتى لو ما عندك تمهيدي، طالما اقسمت واشتغلت اتاش في الفترة المقصودة، تقدم بفورم القسم "لو عندك تمهيدي ارفقو برضو عندو خانة" ومطلوب ايضاً اثبات شخصية وشهادة جامعة.

ثالثاً:
اذا كنت اشتغلت اتاش في الفترة المقصودة لكن اتوزعت حالياً وشغال ريقيولار سواء في الشفت الاول او غيره وبتفرغ حالياً *سجل برضو* وانتظر قرار اللجنة بعد يراجعو ملفك، اذا وافقو ليك خلاص انت كدا انتهيت من الامتياز.
والنقطة الاهم
اذا كنت مخلص اتاش ومخلص ريقيولار برضو اعتماد الريقيولار برضو فاتح قدم فيهو هو احسن ليك

المستندات المطلوبة:
تمهيدي لو متوفر
فورم القسم
شهادة الجامعة
اثبات شخصية
ويا ريت تكون محتفظ باللوق بوك كلها معاك يمكن يطلبوها لاحقاً كإثبات او معالجة.
ما ترفع ورق الاتاش في اعتماد الريقيولار
وما ترفع ورق الريقيولار في اعتماد الاتاش

ولازم يكون عندك استلام براهو واخلاء براهو لكل شفت
عالج تواريخك بطريقتك بس المهم الشفت يكون 3 شهور كاملة


بعد يفتح التسجيل املا البيانات المطلوبة وارفع المستندات
وانتظر قرار الادارة.
بعد تعمل ارسال وتلقى ملفك قيد المراجعة تاني ما بتقدر تعدل الا يراجعو الملف ويكتبو ليك النتيجة

لازم تتابع ملفك دا كل يوم تشوف لو ردو عليك
نتيجة المراجعة بتلقاها مكتوبة تحت عبارة {نتيجة المراجعة:- }
بكتبو ليك عديل عاوزين شنو

الرد بكون اما تم اعتماد الامتياز خلاص وبكدا تنتظر الامتحان ان شاء الله
او طلبو منك تعديل او ارفاق مستند ناقص بيحددوه ليك بالاسم

التقديم فتح من يوم 27 اكتوبر حتى 10 ديسمبر 2025

دا رابط التقديم
https://fmoh.gov.sd/HRDS/public/CreateDoctorFile/DoctorsInventory

منصة الحيدر الطبية| قناة الإعلانات
https://whatsapp.com/channel/0029VadDRYxCBtx5yTSWOT0B

وزارة الصحة الاتحادية
الإدارة العامة لتنمية الموارد البشرية الصحية
إدارة الامتياز

تعلن إدارة الامتياز عن فتح باب اعتماد فترة الامتياز التدريبية لفئة الأطباء النظامين (بشري - صيدلة- أسنان) ممّن أكملوا فترة الامتياز حتى تاريخه، عن طريق دخول الرابط الخاص بصفحة اعتماد فترة الامتياز بنظام الإدارة العامة لتنمية الموارد البشرية الصحية في الفترة من 20 نوفمبر 2025 م وحتى 10 ديسمبر 2025م مع الوضع في الاعتبار الموجّهات التالية:

1. فئة الأطباء الذين لديهم حساب إلكتروني مُحدّث: يتم الدخول عبر الرابط الخاص بنظام إدارة الموارد البشرية الصحية - صفحة الاعتماد https://fmoh.gov.sd/HRDS باستخدام بيانات الحساب المحدّث (البريد الإلكتروني وكلمة المرور المرسلة مُسبقًا في البريد الإلكتروني).
2. فئة الأطباء الذين ليس لديهم حساب إلكتروني: يتم إنشاء حساب خاص بالطبيب عبر الدخول للتسجيل في الرابط :https://fmoh.gov.sd/HRDS/public/CreateDoctorFile/Create-New

3. فئة الأطباء الذين لديهم حساب بالنظام القديم غير محدّث: يتم تحديث الحساب عبر الرابط: https://fmoh.gov.sd/HRDS/public/GetAccount

4. بعد انشاء الحساب الإلكتروني أو الدخول يتم الدخول الي الأيقونة الخاصة بتوزيع الامتياز ثم الدخول إلي أيقونة اعتماد فترة الامتياز و ملء البيانات بحسب المطلوب.

5.بعد التأكد من صحة البيانات يقوم الطبيب بإرسال الطلب للمراجعة.

تنويه:
بعد التسجيل يُرجى متابعة الصفحة الشخصية للطبيب لمعرفة حالة الملف (معتمد/غير معتمد) والاستجابة في حالة وجود مطلوبات او ملاحظات تحول دون إكمال الاعتماد لملف الطبيب.

قناة تحتوي على تسجيلات بوص كبريت ومستر مجاهد بعد تنقية الصوت وزيادة جودته 🎧🖤
جزى الله خيراً القائمين على المبادرة.

✅ملخصات بوص كبريت وبوص مجاهد رفيقة درب الأطباء من الجامعة ولحدي البيرمننت وبعده.

https://t.me/AmarahProjects

بحمد لله قام زميلنا دكتور محمد الرفيع بتصميم تطبيق للاندرويد للمساعدة في إجتياز إمتحان البريمننت السوداني
حيث يحتوي حالياً على الامتحانات السابقة،
بنظام حل السؤال وتبين إذا صح او خطأ مع ال explanation
ومع نظام مؤقت زمني للحل في قسم ال simulation exam ليماثل الامتحان الحقيقي
و كل هذا مجاني تماماً وخالي من الاعلانات و لا يتطلب وصولا للانترنت
و سيقوم تباعا بتحديثه وزيادة محتواه إذا اتيح له الوقت.


فلا تنسونا من صالح الدعوات
والمشاركة مع الزملاء


رابط التحميل من تليقرام
https://t.me/perminanteasy/

تعلن الإدارة العامة لتنمية الموارد البشرية الصحية ( إدارة الامتياز) بوزارة الصحة الاتحادية لأطباء الامتياز (بشري-أسنان)، عن فتح الموقع الإلكتروني للتقديم للمستشفيات من يوم الثلاثاء الموافق 25.11.2025 ، علماً بأنه سيتم إغلاق الموقع يوم الاحد 30.11.2025 و عليه يُرجى الإسراع في التقديم عبر رابط الموقع أدناه:
https://fmoh.gov.sd/HRDS

مع أطيب أمنياتنا بالتوفيق

📣 *تم إطلاق النسخة الثانية المحسّنة من التطبيق!*

بحمد لله قمت بإصدار النسخة الثانية المحسنة من التطبيق للحوجة لها

*✨ أبرز المميزات الجديدة:*
- ✅ إضافة أقسام جديدة من الأسئلة مع *شرح تفصيلي لكل إجابة*.
- ✅ تمديد فترة محاكاة الإمتحان من *ساعتين إلى 4 ساعات*.
- ✅ إمكانية *البحث برقم السؤال* للوصول السريع لأي سؤال داخل كل قسم.
- ✅ تنبيه تأكيد الخروج لتجنّب الإغلاق غير المقصود للتطبيق.
- ✅ مع الحفاظ على المميزات الأساسية:
- تطبيق *مجاني بالكامل*.
- *خالٍ من الإعلانات*.
- لا يحتاج اتصال بالإنترنت.

نأمل أن تنال هذه التحديثات رضاكم
لا تنسونا من دعواتكم و المشاركة للتطبيق للإستفادة القصوى منه

مع تحياتي ،
*د. محمد الرفيع*

رابط التحميل
https://t.me/perminanteasy

-الطب دا ما محصور في حمى كحة وصداع ..الخ في اعرض نفسية وانت كطبيب لازم تعرفها كويس عشان زي ما بترفر لي ناس السيرجري ولي ناس الديرما تكون عارف اعراض الامراض النفسية الشائعة عشان برضو ترفر لي ناس السايكاترك
- بتمر علينا كيسات HYS كتيرة الناس بتتعامل معاها بي سخرية وضحك واستهتار لحدي ما الموضوع بقى over diagnosis وفي امثلة كتيرة لي حالات اتوفت بي سبب كسل ، حكم مسبق ، جهل ..الخ من الطبيب واتعامل مع الحالة HYS والكيس بباصي ، طيب نتكلم عن نقطة مهمة في حالات الHYS انت كطببب ما من حقك تحكم ولا تتهكم علي حالة المريض ، اعرف السبب الاساسي الخلاها تتدعي المرض شنو وحاول بقدر الامكان تحل المشكلة من جزورها لأنه لو اديت الكيس اي حاجة وخارجتها من الحوادث بعد كم يوم حتجي تاتي ، حاول حل المشكلة والمجتمع بتاعنا كسودانين بسمعو كلام الطبيب لو اتكلمت معاهم بطريقة كويسة ، استدعي ناس الوحدة النفسية يقدرو هم يتعاملو مع المريض ويحلو المسألة ، ولازم تفرق بين مصطلحات ال
-malingering /factitious/somatic symptoms/conversion/ illness anxiety disorder
لأنه كل حالة مختلفة تماما عن التانية وعلي ضوءها تقدر تتعامل معاها كويس ، ندي امثلة للمصطلحات الفوق دي عشان ما كل حالة تتعامل معاها ك HYS وتخارجها ساي :
ال factitious disorder ديل زول بيدعي المرض عشان ياخد دور العيان assume sick role لجذب التعاطف طيب دي بتتعامل معاها كيف ؟ تستدعي ناس الوحدة النفسية يعرفو الاسباب شنو ومشكلتها بالضبط ، وبالمناسبة ممكن الزول يعمل الحاحة دي في نفسه يعني يجي ويدعي المرض ، او يقوم بيها علي ولده او والده الكبير في السن كل مرة يجي بيهو المستشفى ويدعي انه مرض معين ...الخ
ناس الmalingering زول بيدعي المرض وعنده هدف واضح ورا الموضوع ، زي داير ياخد اجازة من الشغل ، يزوغ من تفتيش ...الخ ودا يفترض ما تديهو الحاجة العايزها مالم يكون في داعي واضح .
ناس ال conversion ديل زول بيظهر ليهو عرض وغالبا بكون نيورولوجيكال وقدر ما تحاول تشخص ما بتقدر تصل للتشخيص ودا لأنه في سبب نفسي انعكس علي الصحة الجسدية وفي كيس ذكرتها لينا الدكتورة زمان انه جاتها عيانة فقدت البصر فجأة وقدر ما حاولت تعرف الاسباب ماقدرت والفحوصات سليمة في الاخر طلع الموضوع والدها اتوفى قبل فترة وكانت متعلقة بيهو شديد وخشت في دبرشن ، اتعالج الدبرشن والبنت رجعت تشوف تاني عادي ، الموضوع قد تشوفوه غريب بس دي حاجة مثبتة وعلمية ، فما نستهتر بأخد تاريخ مرضي ممتاز ، زي ما قلنا دا واجب ما منحة منك .
نجي لي ناس ال somatic ديل بجو بي اكتر من عرض جسدي مثلا وجع بطن وفتور ، الموضوع بستمر شهور وسنين بجو العيادة بي نفس الاعراض والاكزامنيشن ما ماشي مع الاعراض وديل يفترض ما تعمل ليهم invasive or unnecessary investigations وتعمل ليهم reassuring كويس
ناس ال illness anxiety disorder ديل بكون الواحد مقتنع تماما انه عنده كانسر مثلا ، والفحوصات نضيفة وتلقاهوومشى قبليلك لي ٣٠٠ دكتور ومل دكتور يقول ليهو انت كويس لكن هو مقتنع تماما انه عنده كانسر ديل تخلي ناس الوحدة النفسية يقعدو معاه ويفنعوه انه تماما هو سليم وماعنده حاجة وبرضو ما تعمل unnecessary investigations,
دي حالات بسيطة عشان نقدر نفرق بين حالات ادعاء المرض ونقدر نتعامل مع شكوى المريض ايا كانت هي ما مقنعة بالنسبة ليك بي احترام واهتمام وتعرف المشكلة الاساسية ، ما مهمتنا كأطباء كتابة الحبوب واخد الحقن دي وانتهى الموضوع لما ترشد العيان للوحدة التفسية دا علاج برضو ، لمن تناقش مشكلة العيان الحقيقة دا علاج مهم برضو ، طريقة كلامك مع العيان مهمة شديد في نتائج العلاج ، والله بعرف كيسات باصت بي سبب ال poor counseling ، تشوفو الكلام دا ككلام خواجات ساي ، كرفاهية ، كإدعاء للمثالية لكن والله العظيم دي اساسيات الاساسيات وحق عديل مسؤول منه أمام الله وامام المريض .

-د/أبوبكر عبدالله

https://whatsapp.com/channel/0029Vb5VdQUADTO5tBt8Bt3I

رابط القناة على واتساب 🖤✅

اعتماد فترة الامتياز خارج السودان
https://docs.google.com/forms/d/e/1FAIpQLSco6wOpnZyATcBDkwCKHtXvwkjBZl2EDf3oSZUEDTkr7UnhYA/viewform

زول اتخرج جديد في أواخر ٢٠٢٥ دي مفروض يعمل شنو؟

السؤال دا يتبادر لأذهان كتير منكم،
بإذن الله تعالى حنجاوبكم
تعالوا وجيبوا أصحابكم 🧋

خريجين ٢٠٢٥ جاهزين؟ 👀

الخميس الدسيس 🔥

بسم الله السميع العليم

الزملاء خريجي 2025
مبارك ليكم التخرج 🎊

جواكم في أسئلة كتيرة مفادها أنه مفروض نعمل شنو بعد اتخرجنا؟ حننزل إمتياز متين؟ وحننزل كيف؟
بإذن الله تعالى حنحاول اليوم في قناة طبيب على الدرب نجاوب على الأسئلة دي حسب علمنا مستعينين بالله.
ولو عندكم أي استسفار تاني ما تترددوا أنكم تراسلونا وإن شاء الله نقدر نفيدكم.

خطوات ما بعد التخرج في جزء منها بتعملوا الجامعة وفي جزء بتعملوا أنت الطبيب المعني بالإجراء
▪️ الجامعة بعد تجيز النتيجة وتطلّع ليكم إفادات التخرج مفروض ترفع أسماءكم للمجلس الطبي السوداني بطريقة قوائم معينة، أنتو العليكم أنكم تتابعوا مع الجامعة عشان تعجّل بالخطوة دي.

▪️تاريخ تخرجك المكتوب في الإفادة مفروض تحفظوا لأنه حيلازمك فترة طويلة، كذلك اسمك بالعربي والانجليزي تحفظه حرف حرف ونقطة نقطة، لأنه أي خلل فيهم أو عدم تطابق حيعمل ليك مشكلة، مفروض كل أوراقك يكون الاسم فيها موّحد.

▪️تابع صفحة المجلس الطبي السوداني في فيسبوك، بتلقاها اسمها
Sudan medical council

▪️بعد أسماءكم توصل للمجلس الطبي بيعلن عبر صفحته أنه تدخلوا تسجلوا فيهو، حتلقى جزء من بياناتك الرفعتها الجامعة موجود، وحتكمل باقي البيانات بنفسك، صور مستندات.. وصورة حديثة ليك بمواصفات معينة، ومعلومات خاصة بيك أهمها بريدك الإلكتروني، فلو ما عندك بريد أعملو من أسي واحفظه واحفظ الباسوورد بتاعو زي ما بتحفظ اسمك.

▪️سابقاً كان القسم الطبي بعد الخطوة دي، وبعد تقسم حتى يدوك شهادة التسجيل التمهيدي الحتتوزع بيها للإمتياز.
♨️بس حالياً قالوا القسم بقى بعد الإمتياز، فأنت بعد الخطوة دي تنتظر شهادة التمهيدي تجيك في بريدك عشان تتوزع بيها للإمتياز.
▪️توزيع الإمتياز مسؤولة منه وزارة الصحة الإتحادية، برضو تابع صفحتها في فيسبوك بنفس اسمها.
▪️في الصفحة حيعلنوا عن خطوة اسمها فتح الملف الإلكتروني عند إدارة الموارد البشرية-دا القسم المسؤول من توزيع الإمتياز داخل الوزارة-، دا بيكون بالبريد بتاعك والتمهيدي، حتكتب معلوماتك كلها بما فيها سكنك والتمهيدي وحتى حسابك البنكي عشان الراتب 🫠
المطلوب منك تركز في كل مرة يطلبوا فيها بياناتك، تركز في كل نقطة وحرف ورقم، عشان ما تضيع حقك وتأخر نفسك.

▪️بعد عملت خطوة فتح الملف دي تنتظر تاني ناس الوزارة يرسلوا ليك باسوورد في بريدك عشان تفتح بيهو حسابك عندهم، الدخول للحساب بكون عبر بريدك الإلكتروني كـ اسم مستخدم والباسوورد البرسلوهو ليك هم، فاحتفظ بيهو في مكان آمن وما تضيعو وما تشاركو مع زول.

▪️كدة يا عزيزي أنت بقى عندك حساب في وزارة الصحة وحتنتظر أقرب توزيع عشان تبدأ تشتغل الإمتياز، حتراقب الصفحة في فيسبوك كل مرة عشان تعرف في توزيع جديد ولا لا.

▪️بالنسبة لموضوع الأتاش خلاص الوزارة قفلت الباب دا بأنها عملت اعتماد للأتاش للناس الاشتغلتو في ٢٠٢٣ و٢٠٢٤ و٢٠٢٥، وأصدرت قرار للمستشفيات أنها ما تقبل طبيب أتاش وما تفرّع أتاش،
فيا طبيب أحسن ما تنزل أتاش وانتظر التوزيع الرسمي (الريقيولار) بتاعك عشان ما تضيع زمنك وتضطر تعيد الشيفت.

▪️لو أنت ما فاهم يعني شنو أتاش وتفريغ فأنت زول مرتاح وضارب الهم بالفرح🙈🤣لكن نحن ما بنقصر معاك ولازم نشبع فضولك، أرجع للمنشور دا وبتفهم :
https://t.me/tabeebme/21

🫶🏽نصائح أخيرة ليك يا طبيب في بداية الدرب:
ما تسترخص أرواح الناس وما تستهين بتعبهم، ما تبقى زول ما مهتم، الاهتمام والإخلاص بتتعلموا في بداية طريقك فمن شب على شيء شاب عليه، فما تخلي وراك سيرة ما طيبة، واحترم الزملاء سواء كانوا سناير أو جناير، بس ما تخلي زول يحقر بيك ويهضم حقك أو يستهزأ بيك مهما كان، اقرأ... اقرأ... اقرأ... ما تخجل من أنك تسأل أو تقول ما عارف، أحسن من تتصرف من رأسك وتمش في درب غلط. المجال الطبي دا ساهل جداً أنك تكسب من وراهو حرام؛ عشان كدة خلي قدامك طوالي ميزان الحلال والحرام والحق والباطل وما تخجل من أنك ترفض حاجة عشان هي حرام حتى لو كل الناس بتعملها، لأنه الحساب بعدين فردي يا حبيبنا، وما تبخل على نفسك بأنك تبحث عن رأي الدين في كل حاجة أنت عايز تعملها مهما كنت شايفها بسيطة أو الناس قالت ليك عادي.

نسأل الله الإخلاص والقبول وأن يوفقنا وإياكم لما يحب من الأقوال والأعمال.

11 Dec 2025
-طبيب على الدرب 🎒.

نقول "مستشفى عامّ"، ولا نقول "مستشفى عامة".
ونقول "مستشفى خاصّ"، ولا نقول "مستشفى خاصَّة".
ونقول "مستشفى دوليّ"، ولا نقول "مستشفى دوليَّة".
ونقول "مستشفى عسكريّ"، ولا نقول "مستشفى عسكريَّة".
وحين نقول إن كلمة "مستشفى" مذكَّر، يُقال "بل هي مؤنث أو يجوز فيها الوجهان"!
أو يقول قائل إن "جمع المستشفى مستشفيات، وهو جمع مؤنث"، كأننا لا نجمع "مستوصَف" و"مستحضَر" و"مستقَرّ" على "مستوصَفات" و"مستحضَرات" و"مستقَرَّات"!
أو يقول قائل "يمكن تأنيثها لأنه معناها (دار الشفاء)"! كأنما يمكننا أن نقول "هذا المدرسة" لأنها "بيت العلم"، وتأنيث المنزل لأنه "دار"، وتذكير الدار لأنها "بيت"، وتذكير الشمس لأنها "نجم"، وتذكير الأرض لأنها "كوكب"...

الإخوة الكرام...
لا يُتعامل مع اللفظ على أساس لفظ آخَر يرادفه، فقد يرادف المذكَّر المؤنَّث كالبيت والدار، ولا تؤخَذ اللغة من اللسان العامِّيّ ولا مما يشيع بين الناس، بل تؤخَذ من قواعدها ومعاجمها ومنطقها.
المستشفى اسم مكان من الفعل "استشفى"، أي "مكان طلب الشفاء"، وهو على وزن "مستفعَل"، وكل ما جاء في اللغة العربية على وزن "مستفعَل" فهو مذكَّر.
وبعض العامة يؤنِّث المستشفى لأنه ينطقها "مستشفة"، حتى إن بعضهم يجمعها على "مستشفات"! وكل هذا لا علاقة له باللغة العربية.

-نحو وصرف.

📢 تنويه مهم لأطباء الامتياز (بشري – أسنان)
تعلن الإدارة العامة لتنمية الموارد البشرية الصحية – إدارة الامتياز بوزارة الصحة الاتحادية عن فتح باب التقديم الإلكتروني للمستشفيات عبر الرابط:
🔗 https://fmoh.gov.sd/HRDS

🗓 يبدأ التقديم يوم الخميس 25/12/2025
⏳ وينتهي يوم الثلاثاء 30/12/2025

نرجو من الجميع الإسراع في إكمال إجراءات التقديم قبل إغلاق الموقع.
مع تمنياتنا بالتوفيق والنجاح للجميع 🌸

بحمد الله وفضله
وصل عدد متابعين القناة 3k 🖤🔥🎉

رغم انشغالنا بنحاول نقدم محتوى ينفع الناس ويجاوب على أسئلة الزملاء.
حاسين أننا مقصرين في حقكم لكن بإذن الله المتابعين موعودين بالأحسن في قادم الأيام. 🫶🏽

وفقنا الله وإياكم لما يحب ويرضى ويسّر لنا دروب الخير ورزقنا الإخلاص في القول والعمل. 🌸

-طبيب على الدرب 🎒.

قناتنا على واتساب
https://whatsapp.com/channel/0029Vb5VdQUADTO5tBt8Bt3I

أعوذ بالله السميع العليم، بسم الله الرحمن الرحيم

أهم ملف بالنسبة ليك يا دكتور في مرحلة ما بعد الجامعة هو الملف دا،
بورتوكول علاج الملاريا في السودان
لأنه الملاريا من أكثر الأمراض شيوعاً في السودان، أظنها أكتر مرض ممكن يلاقيك في حياتك كطبيب في الدولة دي، عشان كدة الدولة حريصة أنه تطلّع بورتوكول خاص بيها ويتم تحديثه كل فترة وفقاً للمتغيرات وعن طريق الدراسات.
دا البورتوكول الأنت كطبيب هنا مفروض تكون ملزم بيهو حرف حرف وتنفذه بحذافيره، وأي خروج عنه قد يعرّضك للمساءلة من قِبل الجهات القانونية.
دا آخر تحديث، تم في منتصف العام ٢٠٢٣ وما زال ساري إلى يوم الناس هذا، وشامل لكل الأقسام والفئات العمرية.
أحرص أنك تكون ملم بكل جوانبه،
وبالتوفيق 🔹

-طبيب على الدرب🎒.

ﻗﻠﺖ : ﺃﻭﺻﻨﻲ ﻓﻲ ﺍﻟﻄﺐ ﻭﺻﻴﺔ
ﺍﺗﻤﺴﻚ ﺑﻬﺎ ﺣﺘﻰ ﺃﻟﻘﻰ ﺍﻟﻤﻨﻴﺔ
ﻗﺎﻝ : ﺍﺣﺴﻦ ﺍﺧﺬ ﺗﺎﺭﻳﺦ ﺍﻟﻤﺮﺽ
ﻓﺒﻪ ﻛﺜﻴﺮﺍ ﻣﺎ ﻳﺘﺤﻘﻖ ﺍﻟﻐﺮﺽ
ﻭﺍﻭﺻﻞ ﺍﻟﺘﺸﺨﻴﺺ ﺍﻟﺼﺤﻴﺢ
ﻭﺗﺠﺎﻭﺯ فحصا ﻣﻨﻪ ﻳﺼﻴﺢ ﺍﻟﻔﺼﻴﺢ
ﻭ ﺍﺟﺘﻬﺪ ﻓﻲ ﺍﻟﻜﺸﻒ ﺑﺎﺗﻘﺎﻥ
ﻓﻔﻲ ﺍﻟﻜﺸﻒ ﺍﻟﺴﺮﻳﺮﻱ ﻋﻼﻣﺎﺕ ﻭﺑﻴﺎﻥ
ﻭﻛﻠﻤﺎ ﺍﺣﺴﻨﺖ ﻓﻲ ﺍﻟﻜﺸﻒ
ﻭﺻﻠﺖ ﻟﻮﺻﻒ ﺩﻭﺍﺀ ﻓﺎﻋﻞ ﻳﺸﻔﻲ
ﻭﺍﺧﺘﻢ ﻟﻤﺮﻳﻀﻚ ﺑﺎﻟﺘﺤﺎﻟﻴﻞ ﺍﻟﻤﻌﻤﻠﻴﺔ
ﻭ ﺑﺬﺍ ﺗﻜﺘﻤﻞ ﻋﻨﺪﻙ ﺍﻟﻠﻮﺣﺔ البهية
ﻭﺍﺟﻠﺲ ﻟﻤﺮﻳﻀﻚ ﻋﻠﻰ ﺍﻧﻔﺮﺍﺩ
ﺍﻭ ﻓﻲ ﺻﺤﺒﺔ ﻣﻦ ﺷﺎﺀ ﻣﻦ ﺍﻻﻫﻞ ﻭ ﺍﻻﻧﺪﺍﺩ
ﺣﺪﻳﺚ ﺃﺥ ﻋﻠﻴﻪ ﻣﺸﻔﻖ ﺣﺎﻧﻲ
ﻋﻤﺎ ﺃﺻﺎﺑﻪ ﻣﻦ ﺍﻷﺳﻘﺎﻡ ﻭجعله ﻳﻌﺎﻧﻲ
ﺍﻓﺼﺢ ﻟﻪ ﺑﻠﻐﺔ ﺑﺴﻴﻄﺔ ﺣﺴﺐ ﻋﻠﻤﻪ
ﻓﺎﻟﺘﻨﻄﻊ ﺍﻭ ﺍﻻﺣﺘﻘﺎﺭ ﻳﺰﻳﺪ ﺃﻟﻤﻪ
ﻭﺍﻭﺻﻪ ﻓﻲ ﻣﺮﺿﻪ ﻣﺎ ﻳﺤﺘﺎﺝ ﻣﻦ ﻭﺻﺎﻳﺎ
ﺍﻭ ﺍﻛﺘﺒﻬﺎ ﻟﻪ ﻭﺍﻥ ﺍﺣﺘﺠﺖ ﻓﺼﺎ ﻭ ﺩﻭﺍﻳﺎ
ﻭﺍﺑﺘﻎ ﻓﻴﻤﺎ ﺃﺗﺎﻙ ﺍﻟﻠﻪ ﺍﻟﺪﺍﺭ ﺍﻵﺧﺮﻩ
ﻣﻘﺪﻣﺎ ﺧﻴﺮﻙ ﻟﻴﻮﻡ ﺗﻜﻮﻥ ﻓﻴﻪ ﺍﻟﻌﻈﺎﻡ ﻧﺨﺮﻩ
ﻫﺬﻱ ﻭﺻﺎﻳﺎ ﻛﺘﺒﺘﻬﺎ ﻋﻠﻰ ﻋﺠﻞ
ﻓﺎﻋﻘﻠﻬﺎ ﻭ ﺯﺩ ﻋﻠﻴﻬﺎ ﺑﻼ ﺧﻮﻑ ﻭ ﻻ ﻭﺟﻞ

د/محمد عوض الكريم الإدريسي.

🔸 تعلن رابطة طلاب كلية الطب جامعة الجزيرة عن إقامة قافلة صحية مجانية لخدمة أهالي قرية السريحة في يوم الخميس الموافق 2 يناير، وحرصاً منهم على ضمان أفضل الخدمات الصحية المقدمة، بيقدموا دعوة الأطباء الأخصائيين والنواب الراغبين في التطوع للمشاركة ضمن فريق القافلة.
(محتاجين أطباء أطفال ونساء وعيون)

◼️ للراغبين بالانضمام أو الاستفسار، التواصل عبر الواتس آب أو الاتصال على الرقم التالي : 0114251889

نثمّن كل جهد يُسهم في إنجاح هذه المبادرة، ولكم جزيل الشكر والتقدير.

تعديل
الجمعة ٢ يناير