تَبعثُر ..💙

مسافر ليه ..؟! 💔
و نار أشواقنا ما زالت
موقدة في الخطاويّ أسى ..

مدفقة في الغناويّ حنيّن ♥️🎶

672 viewsHiñd Azhari 🇸🇩💙, 13:42

خلونا نتفق انو مافي اعظم من حب مصطفى سيد احمد ل وجيدة..اول ما علاقتهم بدت قال ليها.."نحنا مشينا الخطوة الاولى وانتي معاي مشوارنا بيقصر"..💜 وفي واحدة من اغانيهو مصطفى ناداها "وجيدة" 11 مره و كل نداء كان بإحساس مختلف و معنى لوحده..ودا كلو تعظيم لحبو ليها..💜سافر واغترب وبعد عنها بس دا كلو ما اثر في حبو ليها‏ كسر مجاديف الاسباب كلها لم قال وهو مليان أمل وعناد للشوق "أصلي لمن ادور أجيك ..بجيك لا بتعجزني المسافة ..لابقيف بيناتنا عارض ..لا الظروف تمسك في إيدي ..ولا من الأيام مخافه ..💜🎶" دا بيعني انو مهما بعدت بينهم المسافة ح يظل هو معاها ومتمسك بيها.. ‏ لمن قال وغنى.."كل م تباعد بينا عوارض كل م هواك يا طيبة مكني
تلد الغربه القرب الواحد وبيكي أسمي الشوق وأكني لما أفوتك من دون خاطر أو دون خاطر مني تفوتي بلقي حبايب في كل حته وكل بيوت الفقرا بيوتي لا غيرت وراك الحته لا بدلت ملامح صوتي💜🎶"
ولما ربنا رزقهم بأولاد غنى وقال ليها.."الا باكر يا حليوة لما اولادنا السمر يبقوا افراحنا البنمسح بيها احزان الزمن💜🎶" لما يطول ما يتكلم معاها يغني ليها ويقول: "والمواعيد لا بتجيب منك تودي ..لا الشجن قادر يشيلني عليك أعدي..لا التحايا و لا المشاعر الحية في جوة الحنايا..لا رسالة تجيني منك ..لا خبر طمني عنك .. وإنت سايئ فيني ظنك.. رغم إنك إنت عارف إنو منك..💜🎶 "
كم شوق اختصرو لما قال ليها "ونغني لو زاد الحنين ياريتو كان سفراً معاك 💜🎶"اللحظة دي بتحتاج إلى أجهزة قياس كي تقاس بها درجة الحنين التي ترتفِع بداخله إليها..💜 لما غنى وقال " وسرحتَ يا مهوّن تهوّن شان أجيك💜🎶" ..
عارف إنو المسافة اللي بينهم طويلة والظروف معاندة والطريق اصعب، بس عارِف كرم ربّنا وإنو لو أراد مصيرو يوم يوصَل ، ونادى وجيدة وقال ليها:
" كان أصَل يوم لي حضورك كُت بريدك ومُشتهيك" المقطع دا فيهو شوق تجاهها بكمية خيالية..💔 ،هو بالضبط ما كان عارف الطريقة الحتوصلوا ليها كيف بس كل العايز يوصلو انو كان محتاج ليها..💜 ولما خلاص قرر بأي طريقة يوصلها..غنى وقال ليها.."كتبت ليك وأنا جاي من زمن الشقا"
قادرين تتخيلوا المسافة المشاها بعيدة قدر شنو ومرهقة قدر شنو..!💔
ف لما شافها جاية غنى و قال ليها.."لمحت فيك راحة المشاوير البعيدة ولفحة النسمة الحنينة الجاية من جوف المضيق💜🎶"
وكان مصطفى يبدي مشاعره لها ويقول.. "مداك اتعدى حدّ الشوق دخلت على الشعر انسان ، هواك اتخت جوه الجوف ، و انتحر النهار هسّه..💜🎶"منجدة كانت السند الحقيقي والضهر البيتكل عليهو مصطفى ودا بيظهر لما غنى وقال ليها "اقيفي معاي نشيل كتف الغنا الميل💜🎶" وقال ليها.."وحبوك حُب.. قدر الحروف الحايمة في بطن الكُتب ، قدر الخيال ما مدَ إيدو على السُحب💜🎶" ولما خلاص عرف انو ما ح يقدر يوصل ليها احساسو بكل الطرق اختصر كلامو وقال ليها.." ازيد اصرار و احلف بيك .. اغير سكة التيار ..واقول يا انتي يا اغرق💜🎶"
#عصماء..🌸

220 viewsHiñd Azhari 🇸🇩💙, 13:54