#الطميه_بديوان_أقل_الوفاء_في_رثاء_أولاد_مسلم_عليهم_السلام_٢٢_.


لطميه لأولاد مسلم عليهم السلام


ظيعت البزر جاوين الاكيهم
وابن امي ذبيح اومادره بيهم
❥━──➸➽❥💔❥━──➸➽❥💔
ضيعت البزر وحسين مايدري
مابين العده وامحيره بمري
حركو خيمتي اومني مشو بزري
ماظلي ولي ليدوّر عليهم
❥━──➸➽❥💔❥━──➸➽❥💔
ضيعت الصبايه اوهلن عيوني
مابين العده خواني عافوني
يدري حسين بيهم مايرحموني
ابنفسي اكعد وياهم واحاجيهم
❥━──➸➽❥💔❥━──➸➽❥💔
بعد جاوين اشوف اولادي الحلوين
نايم علتراب وماسمعني حسين
تاهو مادريت اليابلد ماشين
يتامه بلغرب مايدري واليهم
❥━──➸➽❥💔❥━──➸➽❥💔
مني ضاع بزري اومادره الوالي
مابين العده اوينهظم ياحالي
نايم علوطيه ايكوم حسبالي
ياحر الترب غير معانيهم
❥━──➸➽❥💔❥━──➸➽❥💔
مايدري الحنين اعله الترب نايم
ابهيمه اويلغرب ضيعت الايتايم
علتربان طاحت ذيج الاعمايم
مايدرون ويلادي اشسده عليهم
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/t198t

#الطميه_بديوان_أقل_الوفاء_في_رثاء_أولاد_مسلم_عليهم_السلام_٢٢_.


لطميه لأولاد مسلم عليهم السلام


ادور علبزر فريت بلحومه
اكعدو ياهلي بسكم امنلنومه
❥━──➸➽❥💔❥━──➸➽❥💔
اكعدو ياهلي ضيعت ويلادي
محد كاملي من صحت بلوادي
ازغار اومادريت عليهم اشسادي
علتربان اخيي امسلبه اهدومه
❥━──➸➽❥💔❥━──➸➽❥💔
ماادري الصبايه وين الاكيهم
القصر ازياد كالولي اموديهم
والسجان ضالم مايحن بيهم
طاهر ضيعيته الحلوه ارسومه
❥━──➸➽❥💔❥━──➸➽❥💔
ضيعت الصبايه وانه ابلاوالي
مسلوبه اوغريبه اوبلهضم حالي
ادوّر ياكتر مدري على اطفالي
واصورهم ابكلبي اليوم مرسومه
❥━──➸➽❥💔❥━──➸➽❥💔
اكعدو ياهلي دورو مداليلي
ترانه امدوهنه اومني مشه حيلي
ضيعت الصبايه او مانمت ليلي
من يوم اوصلت كربله الميشومه
❥━──➸➽❥💔❥━──➸➽❥💔
صبايه ازغار كالولي امسجنيهم
اعله جرف الماي ويلادي امذبحيهم
عونه الشافهم عونه اليلاكيهم
انه الوالده اوضليت مهضومه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/t198t

#الطميه_بديوان_أقل_الوفاء_في_مصائب_كربلاء_الجزء_٢٠_.


لطميه للعباس عليه السلام


بلكلفات يرهب صيت عباس
يلمتروس غيره او يرفع الراس
❥━──➸➽❥💔❥━──➸➽❥💔
يرهب بلكلايف صيت الامجنه
هذا الحيد اخوي اليطلع الونه
ايكزبر شاربه لو ردت اندبنه
حيد اوبلمراجل هيبه جرناس
❥━──➸➽❥💔❥━──➸➽❥💔
يرهب لو غضب عباس ابو الرايه
ياسبع الطفوف البيه الاكفايه
دوم اهوه لخوه حسين تجايه
ماخله الخيم بوجوده تنجاس
❥━──➸➽❥💔❥━──➸➽❥💔
ابو فاضل تضهضب فوك الاخياله
هز ميدانه وبيده للوه شاله
اشحده الكابلا فنه التدناله
ابحملاته الكفيل امحير الناس
❥━──➸➽❥💔❥━──➸➽❥💔
ابو فاضل يهزهه لو صرخ بيهه
وبكاس المنايا ابسيفه يرويهه
يصيح ابصوت انه العباس ساقيهه
بيده امذهبه او يحصد بلارجاس
❥━──➸➽❥💔❥━──➸➽❥💔
يشهد للبطل تاريخ اله اويومه
حصد روس الزلم من صال بلحومه
خله اجثاث كلهه امطرحة اونومه
بيده السيف لابس درعه والطاس
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/t198t

#الطميه_بديوان_أقل_الوفاء_في_مصائب_كربلاء_الجزء_٢٠_.


لطميه للعباس عليه السلام


اشلون اتموت وانته اتخوف الموت
واسمك بلحرب عباس منعوت
❥━──➸➽❥💔❥━──➸➽❥💔
واسمك بلحرب عباس ابو الغيره
زودك بلكلايف حار تفسيره
اشلون اتموت واتخلي اختك ابحيره
علناكه الهزل من يمك اتفوت
❥━──➸➽❥💔❥━──➸➽❥💔
اشلون اتموت وانته الي اكفلت زينب
ضخر أم البنين الحيد الامنتب
وابيوم الكلايف زودك امجرب
يصيح آنه الكفيل ابعالي الصوت
❥━──➸➽❥💔❥━──➸➽❥💔
اعرفك حيد ابد متطيع للنومه
وانته البلمراجل شاعت اعلومه
هاي اختك غريبه او مشت مهضومه
من ضرب العده ونتهه بسكوت
❥━──➸➽❥💔❥━──➸➽❥💔
اعرفك زين وانته البيك الامروه
واتضهضب كبل ما تسمع النخوه
حنين وبلمحنه خوّتك حلوه
اعرفك علمنايه ابرجلك اتفوت
❥━──➸➽❥💔❥━──➸➽❥💔
حيد او للكلايف عارض امتونك
اسد والجابتك حره او يعرفونك
تذل فرسانهه من صدت عيونك
كل اثنين تطبكهم ابتابوت
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/t198t

#الطميه_بديوان_أقل_الوفاء_في_مصائب_كربلاء_الجزء_٢٠_.


لطميه للعباس عليه السلام


اعتاب يجرح للولي وديته
اشلون يتعذرني ماظنيته
❥━──➸➽❥💔❥━──➸➽❥💔
اشلون خلاني يسيره اويه الغرب
اويدري الحرمه وحدهه اشكد صعب
لا اهل لا والي لا ضلي محب
امشيت حرمه او علترب خليته
❥━──➸➽❥💔❥━──➸➽❥💔
امشيت حرمه او عفت سبع الكنطره
والجفوف اعله الشريعه امشمره
والشمر يضربني واهوه مادره
يوم شفته اعله النهر عذريته
❥━──➸➽❥💔❥━──➸➽❥💔
اعتاب وديت الشبل حامي الدخيل
امحيره خلاني واعيوني تسيل
مادره ماضل ولي بس العليل
عافني حرمه او غريبه ابيته
❥━──➸➽❥💔❥━──➸➽❥💔
اعتاب وديته لخيي اوبي بجي
كتله ذبه اعله الولي اليشري الحجي
كله حرمه ابكيت ماضلي تجي
الدرب يكلف يلولي وامشيته
❥━──➸➽❥💔❥━──➸➽❥💔
عاتبت عباس شو ماكام الي
اميسره ماجني زينب بت علي
تيهاني الكال ليه اتدللي
الدمع من عيني دمه هليته
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/t198t

#الطميه_بديوان_أقل_الوفاء_في_مصائب_كربلاء_الجزء_٢٠_.


لطميه للعباس عليه السلام


طب راعي العلم فنه التدناله
ثوب المرجله للبطل يحلاله
❥━──➸➽❥💔❥━──➸➽❥💔
طب راعي العلم وايجول ابو فاضل
ابن حامي الحميه او للضعن كافل
يعدل الحمل لو جان الحمل مايل
دك صدره الكفيل وللحمل شاله
❥━──➸➽❥💔❥━──➸➽❥💔
طب للمعركه او فنهم يكربونه
واتخاف الزلم من صدت عيونه
ابن حيدر علي كلهم يهابونه
لو صال الكفيل ابظهر الاخياله
❥━──➸➽❥💔❥━──➸➽❥💔
ابو فاضل امعرب وامه بدويه
الامشيم يلوج السيف برحيه
ضهضب علعده وصايل ابظهريه
امشيم بلوفه والنصر يبراله
❥━──➸➽❥💔❥━──➸➽❥💔
تشهدله المراجل تشهد الغيره
امعرب والعده معرفو تفسيره
خله اجيوش اميه طايحه ابحيره
يشبه حيدر الكرار بمثاله
❥━──➸➽❥💔❥━──➸➽❥💔
ذكرهم ابحملاته اببدر وحنين
خله الزلم ماتندل دربهه امنين
صاح ابصوت ارخص الروح لجل الدين
افدي ركبتي لحسين وعياله
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/t198t

#الطميه_بديوان_أقل_الوفاء_في_مصائب_كربلاء_الجزء_٢٠_.


لطميه للعباس عليه السلام


صدك عباس طاح او كطعوا اجفوفه
هذا الحاط بكلوب الزلم خوفه
❥━──➸➽❥💔❥━──➸➽❥💔
صدك عباس طاح اعله الامسنايه
امدد علتراب وطايحه الرايه
النومه موش الك يلبيك الاكفايه
حملاتك على العدوان موصوفه
❥━──➸➽❥💔❥━──➸➽❥💔
صدك علنهر طاح اليوم الامجنه
هذا الحاط بكلوب الزلم ونه
مكطوع الجفوف اليوم اشوفنه
فوك المشرعه العدوان مصفوفه
❥━──➸➽❥💔❥━──➸➽❥💔
صدك عباس طاح امخضب ابدمه
مكطوع الجفوف اورايته يمه
اشلون البطل طايح صاحب الهمه
مضروب ابسهم والعين متلوفه
❥━──➸➽❥💔❥━──➸➽❥💔
صدك عباس طاح اوسلهم عيونه
هذا البلمراجل مايدرجونه
حصاد الركب كلهم يعرفونه
عليه الخيل والعدوان محفوفه
❥━──➸➽❥💔❥━──➸➽❥💔
صدك عباس طايح من علا الشكره
بسيوف الاعادي هشمو صدره
خله حسين وحده ومنحني ظهره
زينب علنياك اتروح واتعوفه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/t198t

#الهوسات_بديوان_أقل_الوفاء_في_مصائب_كربلاء_الجزء_٢٠_.


هوسات للعباس عليه السلام


بطل عباس غيرت علي الشايلهه
يحصد بلرجال اليوم كافلهه
الحد نهر الفرات اجثاث وصلهه
( يلهيبه فنه اليدنالك )
❥━──➸➽❥💔❥━──➸➽❥💔
امعرب واللثام ايلوك لعيونه
فنهم كابلو فنهم يكحمونه
عوده المرتضى كلهم يعرفونه
( من عوده عباس امشيم )
❥━──➸➽❥💔❥━──➸➽❥💔
يشهد يوم عاشر علسده والصار
لمن جال ابو فاضل على الكفار
شال العلم بيده او جرد البتار
( لحدودي فنه اليتكرب )
❥━──➸➽❥💔❥━──➸➽❥💔
حيد او مايهاب اجيوش عدوانه
صاح ابصوت عباس الكفيل انه
غيره اومرجله والزود عنوانه
( مشهوده عباس ايامك )
❥━──➸➽❥💔❥━──➸➽❥💔
انه العباس انه السقى انه الرواي
للخوه اضحي يسرتي اويمناي
ماهاب المنايه اولا اهاب اعداي
( لعضيدي اجفوفي افديهن )
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/t198t

#النعي_بديوان_أقل_الوفاء_في_مصائب_كربلاء_الجزء_٢٠_.


نعي للعباس عليه السلام


يلي جبتني بلكفاله
وطلعت مهيوبه ابجلاله
ياهو الزمطلي او حملي شاله
❥━──➸➽❥💔❥━──➸➽❥💔
شال الحمل بلدرب عني
اخوي دك صدره اوكفلني
وايكلي يازينب تمّني
❥━──➸➽❥💔❥━──➸➽❥💔
يكلي عليه اتدللي اليوم
بلكلفه دومه اخوج جيدوم
عذريني لاجن على المحتوم
❥━──➸➽❥💔❥━──➸➽❥💔
انه جبتج اباريج ابيميني
افديلج يبنت الزهره عيني
لاجن يخويه تعذريني
❥━──➸➽❥💔❥━──➸➽❥💔
محنتك يخويه من مثلهه
اترجاك خوتك لا تفلهه
ابغربه يخويه مو محلهه
❥━──➸➽❥💔❥━──➸➽❥💔
ابشيمتك طلعيت عباس
وياك خويه رافعه الراس
محنتك جبيره اشلون تنقاس
❥━──➸➽❥💔❥━──➸➽❥💔
انه ابشاربك ياحامي الاضعون
لتبيع خدري ابرخص وابهون
يوالي الحرم يانور الاعيون
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/t198t

#الطميه_بديوان_فرسان_الطفوف_الجزء_٥_.


لطميه للقاسم عليه السلام( كبرت الولد )


كبرت الولد     للضيچ اريدنه
جرعه وللگبر هليوم ازنته
❥━──➸➽❥💔❥━──➸➽❥💔
كبرت الولد وعله الترب نايم
للضيجه نريده وتعرف الوادم
هاي امك تون اعليك يا جاسم
علتربان عفته وغربت عنه
❥━──➸➽❥💔❥━──➸➽❥💔
جرعه الوالده وشافته علتربان
نايم علرمل يا زينة الشبان
هاي الوالده اتهل الدمع غدران
خليته وراي وما ادفننه
❥━──➸➽❥💔❥━──➸➽❥💔
يا ناس الولد مريود للعازه
هوه ايروح بمه كون جنازه
ليام الكبر والضيچ تحتازه
يشيعني وينوح ويجذب الونه
❥━──➸➽❥💔❥━──➸➽❥💔
كبرت الولد واليوم علغبره
والفاگد وليده ينحني ضهره
الله يعين عمه امدلل الزهره
يون عليه ابو السجاد اشوفنه
❥━──➸➽❥💔❥━──➸➽❥💔
كبرتك يجاسم تالي اتذبني
اليوم ابكربله يبني تضيعني
يا تعبي وسهر ليلي وتعب متني
ما حسبت تالي اوليدي افگدنه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/t198t

#الطميه_بديوان_أئمة_الهدى_الجزء_٦_.


لطميه للقاسم عليه السلام


اليوم أم الولد علولد حزنانه
جاسم بلحرب طايح امنحصانه
❥━──➸➽❥💔❥━──➸➽❥💔
جاسم بلحرب طايح يجر ونه
وين اليوم ابوه المجتبى عنه
واسهام المنايه اليوم حاطنه
جابوه للخيم مجتول خوانه
❥━──➸➽❥💔❥━──➸➽❥💔
رمله تون لبنهه واعجنت حنته
فرحانه وتهلهل للولد زفته
ربته وضخر للضيج رادته
منلعريس ليش الخيمه خلوانه
❥━──➸➽❥💔❥━──➸➽❥💔
رمله اليوم علعريس مابيهه
حزنانه وتون والضيم غاطيهه
شايل يلولد ما ينشد عليهه
نايم علترب ومغيره الوانه
❥━──➸➽❥💔❥━──➸➽❥💔
رمله اليوم صبح حالهه شلونه
من شافت ابنهه امسلهم عيونه
من دم ركبته كامو يحنونه
يلعريس يومك حيل بجانه
❥━──➸➽❥💔❥━──➸➽❥💔
اليوم ام الولد تنعاه وابعبره
علتفكد ولدهه العمر شيصبره
يافركه الولد وسط الكلب جمره
لا شوفه بعد لا يرجع ويانه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/t198t

#الطميه_بديوان_أئمة_الهدى_الجزء_٦_.


لطميه للقاسم عليه السلام


خيمه للولد      يحسين لا تبني
بلميدان جنه اليوم نام ابني
❥━──➸➽❥💔❥━──➸➽❥💔
بلميدان طاح وسلهم اعيونه
وبدماه الولد كاموا يحنونه
طايح علترابه منخطف لونه
وامصاب الولد هاليوم شيبني
❥━──➸➽❥💔❥━──➸➽❥💔
جسام انجتل واتخضب ابدمه
والله ايعين كلب الوالده امه
اتكنطر بالحرب واحتار بيه عمه
ويالبيك الزمان اليوم حاربني
❥━──➸➽❥💔❥━──➸➽❥💔
يبو السجاد لا تبنيله صيوانه
وبسهام او نبل زتوه عدوانه
عليه الوالده هاليوم حزنانه
ويا جاسم تكله ارباك تعبني
❥━──➸➽❥💔❥━──➸➽❥💔
لا تبنيله خيمه الولد بالحومه
طايح علترابه وغرك بدمومه
امدد بالشمس وامغيره ارسومه
اليوم ابكربله العريس ضيعني
❥━──➸➽❥💔❥━──➸➽❥💔
ميت بالحرب لا تبني صيوانه
جاسم مات وادري موش ميحانه
خلصانه عليه الروح خلصانه
تاليتي العمر يوليدي اتذبني
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/t198t

#النعي_بديوان_أئمة_الهدى_الجزء_٦_.


نعي للقاسم عليه السلام


يجسام يايمه يوالي
صبح عليك ابهضم حالي
يلتيهت امك يغالي
❥━──➸➽❥💔❥━──➸➽❥💔
حك الربه والتعب وينه
منهو اليردني للمدينه
نايم وليدي وغمض عينه
❥━──➸➽❥💔❥━──➸➽❥💔
يجاسم ييمه زين الاولاد
عليك كلبي ابد ما هاد
مصابك حرمني النوم والزاد
❥━──➸➽❥💔❥━──➸➽❥💔
اكعد يمن لمك ضخرهه
الوالده خلص صبرهه
عكب الولد شلهه بعمرهه
❥━──➸➽❥💔❥━──➸➽❥💔
القاسم ييمه ونور عيني
رايح ييمه وما تجيني
زودت يوليدي ونيني
❥━──➸➽❥💔❥━──➸➽❥💔
نايم عله التربان نايم
وامك تره شبعت هضايم
كلبهه عليك اليوم هايم
❥━──➸➽❥💔❥━──➸➽❥💔
ابعازتك بين عليهه
يانور الاعيون ووليهه
يريع الكلب ماترد ليهه
❥━──➸➽❥💔❥━──➸➽❥💔
نايم ييمه اعله الترابه
احاه يوليدي وشبابه
ما يحمل كليبي غيابه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/t198t

#الطميه_بديوان_أقل_الوفاء_في_مصائب_كربلاء_الجزء_٢٥_.


لطميه لعلي الأكبر عليه السلام


نايم ياعلي وماتنشد اعليه
منهو للوطن يمه يرد بيه
❥━──➸➽❥💔❥━──➸➽❥💔
حلتلك نومة التربان يالاكبر
رايح للمنيه يبني امحسر
امك يلولد مهظومه تتعثر
فلت وانتهت هاي الوداعيه
❥━──➸➽❥💔❥━──➸➽❥💔
هاي امك تريدك ترد وياهه
اگعد يلولد جازيهه برباهه
دين الهه برگبتك سهر عيناهه
اوغذت ييمه لين حنيه
❥━──➸➽❥💔❥━──➸➽❥💔
اگعد ياعزيزي وياصبي عيني
بيدك للوطن ردتك توديني
ضيعت التعب ياشمعت سنيني
تضل دوم اعله دربك عيني اربيه
❥━──➸➽❥💔❥━──➸➽❥💔
نايم مادريت اشصاير ابحالي
عفت امك يلاوحيد بلا والي
تعبي ضاع مني وخابت امالي
واخذتك ييمه مني الامنيه
❥━──➸➽❥💔❥━──➸➽❥💔
نايم علتراب وغمضت عينك
اوحال الموت يمه بيني اوبينك
حلوه وياي يمه مرت اسنينك
اتاني العمر كله لو الك جيه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/t198t

#الطميه_بديوان_أقل_الوفاء_في_رثاء_علي_الأكبر_عليه_السلام_الجزء_٢٥_.


لطميه لعلي الأكبر عليه السلام


اشلون امشي واعوفك فوك الأترابه
الحرمه اخلاف ابنهه مالهه اهيابه
❥━──➸➽❥💔❥━──➸➽❥💔
اشلون امشي واعوفك يلولد يبني
وافراكك ييمه اعله الحزن ذبني
اشلون امشي الدرب وارباك تعبني
خزن جرح كلبي وانغلك بابه
❥━──➸➽❥💔❥━──➸➽❥💔
نايم مادريت ابحالي اشلونه
جسمي اوياك ياريته يدفنونه
يلأكبر ييمه ترد مضنونه
يايوم الكلب ترجعله غيابه
❥━──➸➽❥💔❥━──➸➽❥💔
يبني ياعلي ياشمعت آمالي
اكعد ياعزيزي اوعاين الحالي
امصابك دوهناني اوهل شده بالي
مهضوم الكلب من شالو احبابه
❥━──➸➽❥💔❥━──➸➽❥💔
مالي روح علتربان اعوفنه
هذا ابني اوعزيزي المشبعت منه
بعد طوله الحلو جا وين اشوفنه
شيصبر الكلب لو مرو اصحابه
❥━──➸➽❥💔❥━──➸➽❥💔
اشلون امشي واعوف الغاليه ارسومه
جنه اعله الترابه امطول النومه
ابد ماكال خاف اتروح مهضومه
لديار البعيده ابعين سجابه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/t198t

#الطميه_بديوان_أقل_الوفاء_في_رثاء_علي_الأكبر_عليه_السلام_الجزء_٢٥_.


لطميه لعلي الأكبر عليه السلام


اصوابك صوباني ياعلي يبني
مكسور الكلب واعله الحزن ذبني
❥━──➸➽❥💔❥━──➸➽❥💔
اصوابك صوباني اونيشن عليه
اشوفنك اموذر فوك الاوطيه
ياشريان كلبي اوحيلي البيه
ماتدري ابرباك اشكثر عذبني
❥━──➸➽❥💔❥━──➸➽❥💔
ابصدري عليك يمه امكسره العبره
كلب الوالده اعله الولد شيصبره
الله ايعين ابوك مدلل الزهره
حاله عليك يمه حيل هاضمني
❥━──➸➽❥💔❥━──➸➽❥💔
اصوابك صوباني ياضوه عيوني
واحد ياعزيزي اوبيك فجعوني
ربيتك ييمه اوخابن اضنوني
عتبي اعله المنايه البيك فجعتني
❥━──➸➽❥💔❥━──➸➽❥💔
كلبي عليك يمه تنزف جروحه
لمّن عاينت جثتك مطروحه
عنك غربت والعين مشبوحه
من يمك مشيت اوماتجاوبني
❥━──➸➽❥💔❥━──➸➽❥💔
سهمك ياعزيزي صوب اجروحي
اوزوّد ياعلي الأكبر علي نوحي
ياريت المنايه اتبدل ابروحي
مشوارك طويل اوحيل تعبني
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/t198t

#الطميه_بديوان_أقل_الوفاء_في_رثاء_علي_الأكبر_عليه_السلام_الجزء_٢٥_.


لطميه للرضيع عليه السلام


هاك اشرب ييمه دمع الاعيون
وادري اعداك يمه مايرحمون
❥━──➸➽❥💔❥━──➸➽❥💔
يمه منين كلي اجيبن الماي
واهوه ياعزيزي ابحكمت اعداي
عطشان اوتجر النفس بهداي
تكضون ابعطش يبني يريدون
❥━──➸➽❥💔❥━──➸➽❥💔
در ثديي عليك اوهملت العين
تدري الماي بطراف الملاعين
اجيبه منين ياشبل الميامين
كطرة ماي عدوانك مينطون
❥━──➸➽❥💔❥━──➸➽❥💔
درب المشرعه يايمه سدوه
والجيمان درب الماي حاطوه
عطشان الطفل شربه مينطوه
كفره مايرحمون الزغيرون
❥━──➸➽❥💔❥━──➸➽❥💔
هاك اشرب ييمه دمعت عيوني
كفره عداك وادري مايرحموني
ادري بيك يوليدي يفجعوني
على امصابك لذبل حتى الاجفون
❥━──➸➽❥💔❥━──➸➽❥💔
سهم الصوبك ياريته صاباني
يلغيرك ييمه ما الي ثاني
اضوك المر ييمه البين خلاني
على فركاك يمه موش بلهون
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/t198t

#الفزاعيه_بديوان_أقل_الوفاء_في_رثاء_علي_الأكبر_عليه_السلام_الجزء_٢٥_.


فزاعيه للرضيع عليه السلام


صديت المهد هليوم
خالي امنبني اشوفنه
❥━──➸➽❥💔❥━──➸➽❥💔
صديت المهد خالي
وآنه امدوهنه احوالي
حرمه ابكيت لاوالي
دمعي دم اهلنه
❥━──➸➽❥💔❥━──➸➽❥💔
عبدالله المهد خلوان
اشوفه والكلب حزنان
امردت الكلب ياعطشان
اون ونه بثر ونه
❥━──➸➽❥💔❥━──➸➽❥💔
اشلون اتهود احوالي
واشوفن مهدك اكبالي
اهزن بلمهد خالي
ليلي ما انامنه
❥━──➸➽❥💔❥━──➸➽❥💔
كلبي امحير اوونيت
يمه اوللمهد صديت
شفته يبني اوونيت
من ضيمي اهزنه
❥━──➸➽❥💔❥━──➸➽❥💔
انوح اودمعتي ابخدي
غيرك بعد ماعندي
اشلون اكضي العمر وحدي
اخلافك ماريدنه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/t198t

#الطميه_بديوان_بحر_الولاء_الجزء_٢٨_.


لطميه للوداع


شلون ليله والحرم سهرانه
للصبح وانودع ابوليانه
❥━──➸➽❥💔❥━──➸➽❥💔
للصبح توديع زينب والكمر
اتصيح يخواني تره كلبي انكسر
ناركم تسعر ابدلالي جمر
الليله بس ويه الولي واخوانه
❥━──➸➽❥💔❥━──➸➽❥💔
للصبح نتوادع أو يهل الكرم
الليله بس باجر نضل ابلا زلم
علشريعه يضل شيال العلم
للصبح ما ينكطع مبجانه
❥━──➸➽❥💔❥━──➸➽❥💔
بس سواد الليل نبكه ابلا ولي
علترب باجر تضل نومه هلي
ريت باجر يحضر اوليده علي
يشوفه علتربان يا ملفانه
❥━──➸➽❥💔❥━──➸➽❥💔
شلون ليله ايشيب من عدهه الطفل
للصبح حارس خوانه ابو الفضل
بس سواد الليل وايضل الكفل
علشريعه امكطعه ذرعانه
❥━──➸➽❥💔❥━──➸➽❥💔
شلون ليله أمست علينه ابكربله
ضل يودع حسين هاي العايله
يدري برقيه العزيزه امدلله
عكب ابو اليمة الشمر ويانه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/t198t

#الطميه_بديوان_بحر_الولاء_الجزء_٢٨_.


لطميه للوداع


زينب هلمسيه اتريد ولياهه
تريد اهل العلم تتسامر وياهه
❥━──➸➽❥💔❥━──➸➽❥💔
ويه اهل العلم هليوم سهرانه
بس الليله اخوي حسين ويانه
باجر عكب عينه وين ملفانه
تمشي هلحرم والشمر يبراهه
❥━──➸➽❥💔❥━──➸➽❥💔
الليله اتصيح زينب لاتعوفوني
اخذني وياك للميدان يعيوني
شلون ايهون ترحون وتخلوني
روحي اتريد يبن امي الجاباهه
❥━──➸➽❥💔❥━──➸➽❥💔
تريد الروح خويه اليوم واليهه
مثل ما جابهه هوه اليرد بيهه
بس اليوم باجر وين تاليهه
روحي امنلهظم متمرد احشاهه
❥━──➸➽❥💔❥━──➸➽❥💔
زينب هلمسيه اتوادع اخوتهه
آ يم عون تفجع حيل ونتهه
الطرت الفجر واهيه اتصب دمعتهه
يوادع الاحبه حيل اذاهه
❥━──➸➽❥💔❥━──➸➽❥💔
تتعاتب وتهمل عينهه الليله
ملتمه على الوليان هلعيله
اتعاين للولي والمدمع اتسيله
ما بين الغرب وحسين خلاهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/t198t

#الفزاعيه_بديوان_بحر_الولاء_الجزء_٢٨_.


فزاعيه للوداع


الليله الخيل مرجونه          على حسين
❥━──➸➽❥💔❥━──➸➽❥💔
الليله الخيل ملتمه
وهوه حارس أخيمه
وعليه العده لمه
جيوش ايزيد ملتمه الصوبين
❥━──➸➽❥💔❥━──➸➽❥💔
الليله كربله ترهب
بيهه خيولهم تلعب
جا وين الطبر مرحب
يشوف ابنه غريب ايدير بلعين
❥━──➸➽❥💔❥━──➸➽❥💔
احا ياليلت العاشر
الليله ابكربله اشصاير
باجر ما يضل ناصر
يضل لا راس نايم بلميادين
❥━──➸➽❥💔❥━──➸➽❥💔
وينه حاضر الشده
حسين ابكربله وحده
باجر لا نصر عنده
الينصر هلحريم وينصر الدين
❥━──➸➽❥💔❥━──➸➽❥💔
اشصار ابكربله الليله
كلهه التمت العيله
احا يا ساعت الشيله
لا خيمه التلم هاي النساوين
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/t198t