انت وزوجك شخصين مختلفين
كل واحد له شخصية وطباع مختلفة عن الآخر لكن اكيد فيه حاجات مشتركة بينكم
كل واحد فيه مميزات وعيوب
في عيوب او طباع تقدري تعدلي منها دي جاهدي نفسك فيها برفق ولين واسلوب غير مباشر
في طباع او عيوب متقدريش تغيريها
تقبليها زي ما هي واتعلمي تتعاملي معها إزاي
لكن فكرة اني لازم اغير زوجي ويبقى نفس تفكيري ونفس طباعي دي فكرة غلط جداً ومش صح ابداً لأنه مش زيك ولا انت زيه

الكلام للزوج كمان 👌

#لحياة_زوجية_سعيدة

المرأة التي تنحني لتمر العاصفة؛ هي 💕المرأة الحكيمة العاقلة التي تعمر بيتاً للأبد.

⚡️والمرأة التي تقف كالعود اليابس هي من تنكسر وقد لا ينجبر كسرها

فيه ست بتشوف جوزها شاري قميص جديد فتبصله و تقوله مش بيتك أولى بفلوس القميص ده؟
و فيه ست بتنزل بنفسها تجيب القميص ده و تفاجىء جوزها بيه .
و الفرق بينهم عظيم ! ⁦♥️⁩

فيه راجل بيشوف خطيبته متواضعة في طلباتها و بتقوله جيب اللي تجيبه يا حبيبي فيقرر يستغلها و يقلل منها و يجيبلها أقل حاجة .
و فيه راجل كل ما خطيبته تقوله مش عايزة يجيبلها أكتر ، كل ما تقلل طلباتها يعافر عشان يعملها أحسن حاجة .
و الفرق بينهم عظيم ! ⁦♥️⁩

فيه ست لما حبيبها يحكيلها غلطة عملها تتقمص و تصوت و تزعق و تنكد و تمرر عيشته و تندمه عاليوم اللي فكر يبقى صريح معاها فيه .
و فيه ست بتسمع إعترافه و تحيد مشاعرها و تبقى صديقة و أخت و ترجع تعاتب بعدين لما الجو يروق .
و الفرق بينهم عظيم ! ⁦♥️⁩

فيه راجل لما يشوف مراته مشغولة في حاجة تخصها و لا عايزة تفصل ساعة من الدنيا يقرفها في عيشتها طلبات و زن و إنتي قاعدة فاضية وراكي إيه طول النهار ؟
و فيه راجل لما بيشوف مراته ناسية نفسها بيقولها إيه رأيك تتصلي بصحباتك تخرجي و لا تروحي الكوافير تتبسطي شوية و تفصلي من البيت ؟
و الفرق بينهم عظيم ! ⁦♥️⁩

فيه شريك حياة ضاغط عبارة عن بلوة متحركة ، تحس نومه عبادة ، خروجه بره البيت راحة نفسية ، إنشغاله عنك عيد.
و فيه شريك حياة وجوده مريح ، بيعرف يخليك مبتسم طول الوقت ، بيخليك متطمن ، الساعة بعيد عنه عذاب .
و الفرق بينهم عظيم ! ⁦♥️⁩

منقووول

ملحوظة : طبعا المقصود بالحبيب والخطيب الزوج أو العاقد علاقة الخاطب علاقة أجنبى بأجنبية

‏من الوصفات الجميلة :
‏
‏إذا غضب الزوج فلتسكت الزوجة،
‏وإذا غضبت الزوجة فليسكت الزوج،
‏
‏أما غضب يصادم غضب فجحيم ثم إفتراق

حلوة الزوجة اللي بتقطع وقت النرفزة بكلمة حاضر.. بتوطي صوتها وهي بتتكلم.. بتفتكر المواقف الحلوة اللي جوزها عملها.. اللي بتبقي سند لزوجها ودايما يسمع صوتها بتدعيله
#مايسة_كمال

#نصائح_البيت_السعيد_للزوجة
‏ـ الزوجة الذكيّة العاقلة تحسن استقبال زوجها وتحسن قراءة مشاعره.. وتقدر على تغييرها بسرعة: فهي لا تلبث أن تداويه سريعاً

‏هدوء الزوجة وصمتها وعدم مقاومتها وجدالها أثناء الخلاف الزوجي هو موطن قوتها ، الذي من خلاله تتهاوى شدة الرجل وينكسر قلبه لها
‏.
‏.
‏جرّبي!

‏ما أجمل شعور ⁧ #الزوج ⁩ حينما يخرج إلى عمله وزوجته تودعه وتستودعه ربه وتوصيه بالحذر من القيادة المسرعة وتطمئن ع وصوله بمكالمة.
‏⁧ #السعادة_الزوجية ⁩

رايكم بالنصائح الزوجية؟؟؟؟ واواصل فقرة النصائح في القناة؟؟؟؟

اذكروني بدعوه لعلي ٲسعد بها دومآ ...ولكم بالمثل ♥️🤗

أعرف زوجه لو كانت بره البيت وجابت لنفسها آيس كريم ما تروحش بيتها غير ومعاها نفس الآيس كريم لزوجها حتي لو ما كانش موجود تشيلها في التلاجة لغاية ما يرجع 💚

تروح بيتها تجهز أكل وتنضف وتعمل كل حاجه قبل ما يرجع عشان ما يساعدهاش وهو راجع تعبان ،
تصحي تصلي الفجر وقبل ما تنام تاني تعمله ساندويتشات وتغلفهاله وتعلقها في الباب عشان يأخدها لأنه بيرفض يصحيها تعمله فطار الصبح بدري
ما بتحاولش تمسك تليفونه تدور ورآه ولو مسكته بيكون قدّامه ولغرض مهم

_ طَيِّب يا بنتي ما ممكن بيكلم حد ..!
=لو كلم حد هو عارف إنه معصية وعارف إنه داين تدان ولو ما خافش من ربنا اللي هو أحق أن يخشاه فمش هيخاف مني :")

_ طَيِّب إيه اللي وصلك للمرحلة دي معاه ومش خايفة يعمل سي السيد ويلغي شخصيتك..؟
= لأ ... لأن ببساطة لما بيصحى يروح شغله بيخاف يصحيني عشان ما يقلقش نومي رغم إنه عارف إنِّي باخد راحتي ف النوم وما عنديش حاجه تمنعني أنام في أي وقت ،

لما بيجيب حاجه من السوبر ماركت بيروح يجبلي انواع الفاكهه والحاجات اللي بحبها من غير ما أطلب منه

لما يسمعني بتكلم عن حاجه نفسي فيها وبفكر أجيبها بعدين بعد فترة بلاقيه داخل عليا بيها ولما اقوله جبتها ليه دي غالية ﺟﺪًﺍ و أنا ما طلبتهاش يقولي كان نفسك فيها فكان لازم أجبهالك ثم أنا بشتغل عشان مين يعني :")

لما يلاقيني زهقانه يديني فلوس يقولي أخرجي اتمشي وأشتري ولما أقوله مش محتاجه حاجه يقولي غيري جو وهاتيلك أي حاجه حتي لو شنطة عجبتك مثلًا

لما يحصل بينا مشكله ما يخلنيش أنام إلا وهو مصالحني حتي لو أنا اللي زودتها شوية

ولما يغلط في حقي يعتذرلي ويبوس دماغي ويجبلي الأكل اللي بحبه عشان يصالحني بيه

ولما أتعب يقوم يعملي حاجات سخنة وأكل وشوربة ويأكلني لغاية ما ربنا يشفيني

ولما يتكلم عني مع الناس يحكي عن مميزاتي ويخبي عنهم عيوبي عشان ماحدش يبصلي نظرة مهانة :")

ولما حد يزعلني ياخد منه موقف وممكن ما يحاولش يتعامل معاهم تاني عشان كانوا سبب زعلي :")

ولما أبقى جعانه ومش قادرة أعمل أكل وماليش نفس لأكل البيت وأقرر أنام خفيف يخرج يشتري أكل عشان ما أنامش وأنا جعانه :")

ورغم إن فيا عيوب زي أي إنسان عمره ما قعد يعددلي عيوبي ولا يقولي فيكي وفيكي بالعكس دايمًا يحسسني إن ربنا بيحبه عشان رزقه بيا :")

ولو واحدة حاولت تكلمه أو تتلزق فيه من النوعيات الملزقة دي يقولها ما أضيعش من إيدي الغالي عشان كلمة ولا نظرة من الرخيص :")

ولما يعمل حاجه خير يقسم فلوسها نص ليا ونص ليه عشان أشاركه الأجر ولو معايا فلوس يقولي خلي معاكي زيادة عشان ما تتزنقيش في أي موقف

ولو بوظت حاجه ولا كسرت حاجه ولا ضيعت حاجه حتي لو غاليه وقعدت أبكي يقولي فداكي كنوز الدنيا ولا تنزل دمعة من عينك الفلوس إحنا اللي بنعملها مش هي اللي بتعملنا ونقدر نعوض أي حاجه بس دموعك ما تتعوضش :")

وده يا ستي جزء صغير من تصرفات إنسان بسيط عايش معايا بما يرضي الله لا فَقِيه الأمة ولا شيخ الإسلام لكنه عارف حدود دينه وبيتفقه في حدود حياته ومحافظ علي صلاته وقرءآنه والخير اللي بينه وبين ربنا أنا بسمع بيه من الناس وعمره ما قالي عليه :")

_ تفتكري راجل زي ده يتشال تاج فوق الراس ولا لأ ..؟

= يتشال والله يتشال اللهم بارك ولا قوة إلا بالله :")💚🌸

القصة دي مش خيال ده واقع ملموس وأعرف أصحابها شخصيًا ، وزواجهم كان صالونات :")
الزواج عمره ما كان فار تجارب ف الخطوبة وضمان حقوق في العقد وهات وخد بعد الزواج

الزواج سكن خالي من كوليسترول الماديات
ودهون المصالح الشخصية والأنانية
وسعرات المشاكل اللي بتتراكم فوق بعض من غير حلول
وخالي من المواد الضارة للقلوب طول ما فيه " مودة ورحمة " وكل طرف بيتقِ الله

العيب مش في الزواج ، العيب في الأشخاص اللي اعتبروا الزواج صفقة يا تكسب يا تخسر
ولا هو قصة حب روميو وچوليت وقيس وليلى
الزواج اندماج روح بروح لتُصبح روحًا واحدة .

هَذِهِ يدي في يدك لا أكتحلُ بغمَضٍ حتى ترضى :")💚🌸

#c
مما اعحبني

كيف استعيد الحب بينى وبين زوجى؟

دايما تسمع من زوجة مبقاش فى حب بينا زى زمان انا حتى بطلت اسال او اهتم عشان بقيت احس ان الجو ده مبقاش لايق علينا وهو كمان بيحسسنى بكده

1/ غيرى الفكرة اللى حابسة نفسك فيها كل ما تفكرى تتغيرى وتتصرفى كويس وبلاش تفضلى محتفظة بصورتك اللى كلها فقدان امل وقلة ثقة بنفسك جددى نيتك وابدى الفكرة دى مش موجودة غير فى عقلك بس حتى لو هو بيأكدهالك طول الوقت اول ما تقررى تتخلى عنها وتؤمنى بنفسك هتلاقى العيون كلها شفتك برضه بنفس النظرة .. الناس كلها بتشوفنا حسب ما احنا بنفكر فى الأشياء..

2/ كان فى قصة لزوجة كانت قربت تكره جوزها عشان مبقاش يهتم بيها فسألت حكيم عن طريقة تنتقم بى منه قبل ما تطلب الطلاق ... الحكيم طلب منها انها تدى لنفسها شهر تعمل كل حاجة تخليه يحبها قالها لو حبك فعلا وبعد كده فكرتى تسبية ساعتها فعلا هيبقى ده اكبر انتقام وفعلا عملت فى الفترة دى كل حاجة هو بيحبها .. اكل .. طريقة كلام .. معاملة مع اهله المهم انها كانت مركزة اوى انه يحبها لانها فعلا عايزة لما تسيبه يكون فعلا حابها .. بعد الفترة دى قابلت الحكيم ده وقالتله انها خلاص مبقتش عايزة تسيبه لانها مجرد ما خليته يحبها بدأت هى كمان تنسى اى حاجة عملها (المقصود بدال ما تدورى على حاجات تبعد بينكوا ركزى فى الحل واللى بديته ازاى تكسبية)

3/افهمى واتاكدى ان اى حاجة هتعمليها هيقابلها باستنكار ومش هيقدر بس مع التكرار والبال الطويل هياخد باله وهيتاكد انك فعلا صادقة فى نيتك مش بتعملى كده بالصدفة معاه او انك مثلا عايزة حاجة عشان كده بدأتى تتغيرى للاحسن ..

4/كل رجل لى نقطة ضعف ممكن تكون اكله حلوة معاملة حلوة لاهلة .. ضحكة فى وشه .. حاولى تحرزى نقاط كبيرة جدا فى المواضيع اللى انت اكتر واحدة عارفة انها مدخل لقلبه..

5/بطلى تبقى كثيرة البكاء والقمص على الاقل فى البدايه واختارى الوقت المناسب اللى تعاتبيه فى لو صدر منه حاجة زعلتك..

6/حاولى يكون ليكى اى اهتمامات غيره عشان تقللى تركيزك الدائم للخناق معاه مثلا (قراءة ..رياضة.. حفظ قران .. وصفات طبخ على اليوتيوب ) او اكتبى قائمة بالحاجات اللى بتحبيها واقعدى فكرى ايه اللى بيسعدك وممكن يملى وقتك وابدئ فورا..

7/اكتبى ورقة فيها كل الحاجات الحلوة اللى عملهالك حتى من ايام الخطوبة وتغاضى عن ذلاته والمشاكل اللى فاتت واعرفى كل البيوت فيها مشاكل وخلافات المهم امتى نقرر نعيش حياتنا على مزجنا..

8/اسجدى... طلعى اى طاقة سلبية عندك وتعبك مع اطفالك او مع اى ضغوط وانتى ساجدة اظن الفترة اللى فاتت اشتكيتى كتير للناس ومسمعتيش غير معلش .. واخيرااا الدعاء ادعى وكان الدعاء هو مفتاحك الاول والاخير لقلبه واعرفى انى اى استقرار هتوصليله معاه هيعود على اطفالك بالراحة
#مايسة_كمال

وشككككراااا لكل وحدة بتدعي لي في ظهرر الغيب😊😊😊<big love>😻😻😻

ام سونا:
كلام درر والله ربنا يحفظك ويخلي ليك شباب وزوجك وحبايبك ويديك لمن يرضيك ويوفقك ويعليك ما يدليك يارب

مدام عمار😍:
اللهم امييييييييييييييين ياااااااااااااارب ولكي بالمثل حبيبتي❤️

وعن جمااااال احلللللي دعوووووة😭😭😭في اخر ساعات من يوم الجمعة 😻😻😻<حب كبييييير ليكي>

علامات تدل ان الراجل اللي في حياتك بيحبك حب صحي ؟!
😍😍
1/ بيحب يسمعك ويتكلم معاكي ويتونس بيكي

2/ بيحب اللي تحبيهم ويزعل لو حد زعلك

3/ بيفرح لنجاحك وبيفتخر بيكي وبيحسسك ان قيمته من قيمتك

4/بيقدم تضحيات عشانك ومستعد يتناقش لمجرد ان الموقف يخصك انتي

5/شايف الحلو اللي فيكي زي ما شايف عيوبك وفرحان بمميزاتك ومش بينكرها

6/ بيشوفك حلوة حتى في اسوء حالتك ودايما ياخد باله ويحس ب اي تغيير عليكي او تعب

7/ مش بيتكلف وهو بيتعامل معاكي وبيتصرف بجزء كبير من العفوية

8/عايز يجبلك الدنيا كلها ويفرحك

9/ وقت زعله وغلطه بيرجع يراضيكي ويوم ما بتغلطي بياخد موقف حتى لو بحزم لكن مش بتهوني عليه يمشي وينهي اللي بينكم

10/ بيقولك دايما انك العوض ❤

#مايسة_كمال

#‏الزوجه_المثاليه_بعيون_زوجها

💢 المرأة المرحــ🙂ـة . .

قد تكون بعض النساء أقل جمالا أو ذات جمال متوسط ولكنها عندما تتصف بالمرة وخفة الظل فتجد الابتسامة والبشاشة والمزاح الطيب دائما في حديثها , يزيد لمعانها في عيون زوجها فيجدها من اجمل الجميلات ..

💢 عكس المرأة العبــ😑ـوس . .

التي تتأثر بمشاغل الحياة والأولاد فينعكس عليها كل ذلك فتنسى الضحك والمرح وتقابل زوجها بكشف الحساب اليومي والتقارير المعبأة بالغيوم عن البيت والأولاد مما يجعله يتردد كثيرا في العودة إلى البيت كل يوم  . .