https://t.me/joinchat/-rKDzvw5Cu5lYTE0 انسخوهو
وخلي اصحابكم يشيرهو عشان يصل لي اكبر عدد ممكن

طيب ي شباب بالنسبة للمعدل اامعدل هو شنو ؟! المعدل دا النسبة بتاعتك و المعدل بكون من 4 و نسبة النجاح من 2 فما فوق و طريقة حساب المعدل بتكون علي حسب عدد المواد و بتعتمد اكتر علي عدد الساعات المعتمدة بتاعت اامادة وعدد ااساعات المعتمدة بتختلف من مادة لي التانية علي حسب نوع المادة في مواد بتكون ساعة واحدة و في مواد ساعتين و في مواد بتكون 3 ساعات و المواد ال3 ساعات دي هي المواد الاساسية و الناس تحاول تركز عليها لانها بترفع من معدلك

+ النظام الشغالين بيهو جامعتنا هو التراكمي وحالاتو كالاتي
1. لو انتا جبتا 3 فما فوق حتتخرج بي مرتبه الشرف دي أعلى مرتبه
2. ومابين 2.70 و 2.99 خريج درجه تانيه القسم الاول
3.ومابين 2.40 و 2.69خريج درجه تانيه القسم التاني
4.ومابين 2.0 و 2.39 دي خريج درجه تالته ادنى درجه
#كسره
ول جبتا اقل من اتنين ما حتتخرج لانو نص الدرجه ف اذا انتا معدلك مثلا كان 1.65 بدوك انذار اول دا معناهو انتا لازم ترفع معدلك في السمستر البعديهو طيب اذا معدل السمستر التاني عمل مثلا1.9 حيدوك انذار تاني واذا معدلك بقا اقل من 1.50 في الانذار الثاني ح تربت سنه واذا الطالب ما استطاع يرفع معدلو فوق الاتنين بعد الانذارين ح يطرد تقريبا

ف الطالب يحاول يخلي معدلو فوق التلاته بقدر الإمكان +ماصعب والله بس الزول يشد حيلو ويحاول ما يشيل ماده لانو بتأثر علي معدلك

شباب ازيكم
طيب بما انو التقويم نزل والجامعه حتفتح بدايه 8 ف شنو حابب أوصيكم بي حاجه واحده لو عملتوها ما اظن تقلقو من الاكاديميات وكدا علي الغالب عندك في السمستر الاول او التاني ماده اسمها الحسبان الماده دي ثقيله جدا جدا واغلبيه الطلبه بكونو شايلنها ما عشان هي صعبه بس كتيره والتركيز بكون عليها فإذا انتا حابب معدلك يكون فوق التلاته من هسا انا بوصيك أنجز الحسبان بدري باقي المواد بتهون ف شنو انا ح اعمل استفتاء واشوف راي الناس في الموضوع دا

#كسره
الصوت بي نزلت يرسل لي الاسكرين في الخاص

⭕شباب سلام عليكم
مشتاقين والله
كيفكم ان شاء الله بخير

⭕المنصه فتحت والمطرة بدت تنقط وادارة الجامعه مصرة تنزلكم هجين (الكتروني +تقليدي) يعني في مواد بتدرس في الجامعه وفي مواد حتنزل في المنصه ف شنو شدو حيلكم وركزو في قرايتكم وماتخافو من الالكتروني دا بنقيف معاكم ان شاء الله

طبعا المنصه بتاعت الجامعه تقيله والسيرفرات تعبانة ف عشان كدا انحنا عملنا القناة دي عشانكم ح تسهل ليكم كتير ما ح تحتاجو تخشو المنصه واي جديد بنزل هنا ان شاء الله
فرجاً شيرو الرابط عشان الناس تستفيد اوكي

#مواد_سمستر_ون
#الفيرياء
#الحسبان
#ميكانيكا_الهندسه (الاستاتيكا)
#الجبر_الخطي
#اللغة_الانجليزيه
#اساسيات_حاسوب
#رسم_هندسي

#بسم الله نبدا

🔶 #الفيرياء

🔶 #ميكانيكا_الهندسه