Super Neuron. Neuroanatomy.

مساء الخير يا جماعة❤️❤️
بالنسبة لمحاضرة الدكتور غزال اليوم شرح فيها كلشي بتعلق بخصوص تشريح3 من ناحية النظري والعملي.

القسم النظري:

✅ الإعطاء:
رح يعطي المادة أربع دكاترة
الدكتور ناظم مهروسة: مستلم قسم التشريح الوصفي (القحف والسحايا) بالإضافة إلى العين والأذن.
الدكاترة توفيق غزال أسود - محمد قاضي - عبد الرزاق بدوي: مستلمين قسم التشريح السريري (ما تبقى من المادة)

✅ المقرر:
نوطة الدكتور ناظم، وكل الدكاترة رح يعتمدو عليها بالإعطاء بدون أي زيادة (على العكس رح يكون في حذف)

✅ الامتحان:
كل دكتور رح يكتب أسئلة قسمه
التشريح الوصفي: ذكر الدكتور غزال مافي أي تغيير بنمط الأسئلة (وأكيد كلكن بتعرفوه كيف😂💔)
باقي الأقسام: الدكاترة رح يلتزمو بمضمون النوطة، بالإضافة إلى بعض الأسئلة على شكل قصة سريرية.

✅ كلام سوبر نيرون:
بالنسبة للمقرر: إن شاء الله رح نحاول نعملكن شغلات تساعدكن على دراسة المادة وتضمنلكن علامة أكبر بجهد أقل
بالنسبة لقسم الدكتور ناظم: متل ما تعودنا، رح ندرسه مع بعض من المراجع ونحكي كل تفصيلاته وبإذن رب العالمين منختم القسم سوا
بالنسبة لأسئلة القصة السريرية: هاد النمط بالذات كتيييير رح نحكيه بجلساتنا، وهو أساسا جوهر تشريح العصبية

يعني ان شاء الله بمجرد حضورك للكورس مع متابعة أول بأول بتكون ختمتا وأي سؤال بجيك بالفحص رح تعرف تحله😎😎

القسم العملي:

✅ الإعطاء:
رح يكون على عضام حقيقة + مجسمات + سلايدات

✅ المقرر:
كلشي عم ينعطى أثناء جلسات العملي، وذكر الدكتور انه في بنهاية الفصل جلسة مراجعة.

✅ الامتحان:
على نمط تشريح2 تماما، مع ارتفاع بسيط في مستوى الأسئلة.
غياب واحد مسموح، غيابين بتخسر علامة، تلات غيابات حرمان.

✅ كلام سوبر نيرون:
كالعادة رح نشتغل نوط للعملي تتضمن:
1. كل السلايدات والمحضرات المطلوبة (أسئلة Remember).
2. أي معلومة ممكن يسألوكن عنا بطريقة غير مباشرة (أسئلة Understand).

الخلاصة:

بناء على كلام الدكتور غزال ان شاء الله وضعكن أفضل بكتير من وضع باقي الدفعات 🔥🔥
و ما تاكلو هم بأي شي، بإذن رب العالمين رح نبقى معكن خطوة بخطوة لتطلعو من آخر تشريح بأعلى علامة ويكون ختاما مسك🥹❤️

🔥39❤20👍2

2.18K views20:14