اذا نزلنا خطط دراسة بتدرسو؟؟
لانو يا شباب بجوز ما يحطولكن وقت منيح بين النظري والعملي

تشريح جملة عصبية 💀🧠

تم رفع فيديوهات الجلسة الثلاثين 💚

عملو تحديث بيانات يا شباب 😍❤️
موفقين ❤️❤️❤️❤️

السلام عليكم
وصباح الخير

فحصنا العملي هو :
5/1
فحصنا النظري
2/2

طيب شلون بدي أدرس واش بدي أدرس:

اول شي لازم تعرف كم شغلة
فحصك العملي بطول ١٢ يوم تقريبا

يعني رح يبلش ب : 5/1 ورح ينتهي 12/1

ايوا معناها عنا فترتين للدراسة:
الفترة الأولى :
من 22 / 12 (اليوم ) -----> 5/1
الفترة 15 يوم

الفترة الثانية:
من 17/1 -------> 2/2


نحن رح نخطط سوا حاليا للفترة الأولى

ورح نعمل مخططين
💚مخطط للشخص اللي ماوووو داارسسس شيييي طاوووللل
💚مخطط للي دارس شوي من التشريح وشوي من الفيزيو

برنامج للشخص اللي ماو دارس شي طاول
رح افترض انت مالك دارس من التشريح شي ولا الفيزيو

فحص العملي ٥ /١
يعني معنا
15 يوم بدءا من اليوم❤️❤️❤️❤️

لهيك رح احطلك خطة نظري عملي تحرق فيها اهم الأقسام من النظري
والأهم من العملي

شوفو انا محلك بعمل هيك:
_بدرس جراثيم عملي علهدا
_شوية جراثيم خاص مشان فحص العملي
_ بدرس فيزيو
_ مهارات صدرية أو هضمية
_ تشريح من النوطة الرابعة لشقد ما بقدر


طيب رح ابلش بباقي المواد:
💚الفيزيو:
ببلش من خرزة البصر ( مشان احس عحالي عم امشي وما اتعقد من العصبية)
خرزة البصر
خرزة السمع
(باقي المستقبلات حسب ما بعرف انحذفو)
وادرس من خرزات الغدية

المدة : 5 أيام
رح نطلب من دكتور احمد سخيطة يقسملنا ياها عهل 5 أيام

النصيحة:
💚حاول تستفيد من :
_ نينجا نيرد للي انكليزيتو حلوة
_ دكتور احمد سخيطة للي انكليزيتو شوي ضعيفة

الاهم من تضيع وقت الله يوفقك
قرر فورا

💚حاول تدرس اكبر قدر ممكن
شقد ما درست شقد ما رح تستفيد ولا تاكل هم العصبية وقتها منحرقها

المهارات:
قسم الصدرية هو الاولوية

طيب مستصعبو؟
دكتور احمد سخيطة عامل كورس مجاني بالكامل وتم الانتهاء منو❤️
الف الحمدلله

فلهيك بس شوفو واحفظ وراه
والتعليقات الحمدلله كتير إيجابية عن الموضوع❤️
فخلص الحمدلله امورو لوز❤️

اذا بدك تدرس هضمية
فهضمية حاليا مافي كورس
المدة المحددة ( 3 أيام)
رح نطلب من الدكتور احمد كمان يرتبلنا ياها

💚جراثيم :

بالنسبة للعملي :
حاول تمشي كل يوم خرزة مشان ما تشوفها تقيل

بالنسبة للنظري :

بلش من قسم الخاص مباشرة
ورتب امورك
شيل المكورات
وشقد ما بتقدر من العصيات

اهم اهم اهم شي
من الصفحة 60 بتذكر للصفحة 106 كني💔😅
حسب ما بتذكر
حتى عنوان: العصيات السلبية الصغيرة

عطي مدة لنفسك : 3 أيام

💚تشريح :
بلش من نوطة المخ ١ _ المخ ٢
بتاخد معنا هي النوطتين دراسة يومين بس جدي حربي


وبكفي حاج

هيك بكون استنفذنا تقريبا 13 يوم من هي الفترة

وضل معنا يومين ل 5/1


هون بتبلش تدرس لفحصك العملي الأول


بهي الطريقة درست
قسم منيح من الفيزيو (حواس وغدية)✅
اكبر قسم من المهارات ✅
عملي الجراثيم✅
اهم واتقل قسم من نظري الجراثيم ✅
تشريح مخ ١ / مخ ٢ ( أطول خرزتين من حيث الدراسة) ✅

انا محلك هيك بعمل
وشوف
انت هاد البرنامج ممكن تزبطو على كيفك
عدل فيو على راحتك
شوف اش الخايف منو كتير وعدلو على راحتك❤️

وعلى فكرة يا شباب
برجع بكرر
هاد البرنامج للشخص اللي ماو دارس شي منوب ❤️❤️❤️❤️

فهيك منلحق حالنا منيح

ان شاء الله اكون قدرت افيدك ❤️
يالله قول يارب وخطط امورك صح❤️

اهم شي
اهم شيي بلش اليوم

هلق رح نعمل خطة للي ممشي امورو شوي بوحدة او تنتين من المواد❤️

برنامج للشخص اللي ممشي امورو شوي بوحدة او تنتين من المواد

شوفو
رح اقلكن اش الشغلات اللي يُفضل تكون مخلصها
وانت على ذوقك ابقى نقي اللي بتشوف حالك فيو ضعيف وزيد وعدل

فحص العملي ٥ /١
يعني معنا
15 يوم بدءا من اليوم❤️❤️❤️❤️

شوفو انا محلك بعمل هيك:
_بدرس جراثيم عملي علهدا
_بدرس أو براجع جراثيم خاص مشان فحص العمل
_ بدرس فيزيو
_ مهارات صدرية أو هضمية
_ تشريح من قسم الدكتور ناظم حاليا ورح اقلكن ليش


طيب رح ابلش بباقي المواد:

💚الفيزيو:
بخلص كل مستقبلات الحواس + كل قسم الغدية

اذا امورك لوز فيها اطحش علعصبية

المدة : 5 أيام

النصيحة:
💚حاول تستفيد من :
_ نينجا نيرد للي انكليزيتو حلوة
_ دكتور احمد سخيطة للي انكليزيتو شوي ضعيفة

الاهم من تضيع وقت الله يوفقك
قرر فورا

💚حاول تدرس اكبر قدر ممكن
شقد ما درست شقد ما رح تستفيد

المهارات:
قسم الصدرية هو الاولوية اذا مالك دارسو
اذا دراسو :
ادرس القلبية

طيب مستصعبو؟
دكتور احمد سخيطة عامل كورس مجاني بالكامل وتم الانتهاء منو❤️
الف الحمدلله

فلهيك بس شوفو واحفظ وراه
والتعليقات الحمدلله كتير إيجابية عن الموضوع❤️
فخلص الحمدلله امورو لوز❤️

اذا بدك تدرس هضمية
فهضمية حاليا مافي كورس


المدة المحددة ( 3 أيام اذا للصدرية/ 2 للقلبية )


💚جراثيم :

بالنسبة للعملي :
حاول تمشي كل يوم خرزة مشان ما تشوفها تقيل

بالنسبة للنظري :

راجع أو كمل من قسم الخاص مباشرة
ورتب امورك
شيل المكورات
والعصيات

اهم اهم اهم شي
من الصفحة 60 بتذكر للصفحة 106 كني💔😅
حسب ما بتذكر
حتى عنوان: العصيات السلبية الصغيرة

عطي مدة لنفسك : 2 أيام

💚تشريح :
شيل شقد ما بتقدر من قسم ناظم
خصوصا من النوطة 4 حتى النوطة ال 8
ليش قسم ناظم؟
لانو بياخد وقت اكتر من باقي الدكاترة

وبكرا بس بلشنا بفترة الفحص
رح احطلك خطة نظامية للتشريح

هلق التشريح ماي اولوية

المدة المقترحة للتشريح 3 أيام

هيك بكون استنفذنا تقريبا 13 يوم من هي الفترة

وضل معنا يومين ل 5/1


هون بتبلش تدرس لفحصك العملي الأول


بهي الطريقة درست
قسم منيح من الفيزيو (حواس وغدية)✅
اكبر قسم من المهارات ✅
عملي الجراثيم✅
اهم واتقل قسم من نظري الجراثيم ✅
تشريح اتقل قسم ✅

انا محلك هيك بعمل
وشوف
انت هاد البرنامج ممكن تزبطو على كيفك
عدل فيو على راحتك
شوف اش الخايف منو كتير وعدلو على راحتك❤️

وعلى فكرة يا شباب
برجع بكرر
هاد البرنامج للشخص اللي دارس شوية من مادة أو تنتين ❤️❤️❤️❤️

فهيك منلحق حالنا منيح

ان شاء الله اكون قدرت افيدك ❤️
يالله قول يارب وخطط امورك صح❤️

اهم شي
اهم شيي بلش اليوم❤️

السبيل القشري الشوكي

سبل الحبل الخلفي

وهي متل ما توقعنا الحمدلله
معنا 16 يوم بين فحوصات العملي والفحص النظري
اذا الله راد كافية متل العادة لدراسة كل مادة تشريح ٣ للشخص اللي ماو داقرها❤️❤️❤️


لهيك هلق انت ركز عكل المواد وشيل اكبر قدر ممكن منن

مشان بعد فحص العملي تدرس التشريح


اما اذا كنت دارس تشريح منيح
فخلص
امورك لوز😂❤️
وقتها كمان بتعطي ٥ ايام كمان بعد فحص العملي لباقي المواد

مسا الخير شبيبة ❤️❤️
بس وقت بدكن تحطوا البرنامج الفحص انتبهو انو في قسم من المادة الجراثيم بجي بالعادة بالدورات

بس الفيزيو الضخمة حتى بعد الحذف وحتى نسبة الدورات ممكن تكون ولا سؤال

ف حاولوا وقت تقسموا الايام بين المواد تحطو ببالكن هاد الاساس

الله يوفقكن ويكتبلكن كل الخير بحقكن