​Як лічыце, што гучыць дакладней: “ругаться на детей” ці “лаяцца на дзяцей”? 😊 Мова называе рэчы сваімі імёнамі: тут ужо задумаешся, ці хочаш быць падобным на сабаку. 🐶 Але ж, згадзіцеся, без такой лексікі таксама цяжка абысціся. Калі і як правільна яе ўжываць? Вучымся на занятку “Лаемся па-беларуску” ад “Мова Нанова”.

🔥 Сёння а 19.00 сустракаемся ў Zoom і размаўляем пра беларускую лаянку з Уладзіславам Гарбацкім.
Далучайцеся па спасылцы! 👇
#supermova_анонс

🎲 Тест «Тэст пра цікавыя беларускія мясціны»
Ці пільны вы вандроўнік? Давайце праверым! Прапануем тэст па выдатных мясцінах Беларусі. Паспрабуйце здагадацца, што на фота. #supermova_інтэрактыў
🖊 10 вопросов · ⏱ 30 сек

​​🎠28 студзеня 1588 года🎠
быў зацьвержаны Трэці Статут Вялікага княства Літоўскага
помнік юрыдычнай думкі і прававой культуры перыяду Адраджэння.

⚡️У Статут увайшлі нормы дзяржаўнага (канстытуцыйнага) права, чаго на той час не было ў заканадаўчай практыцы іншых еўрапейскіх дзяржаў.

⚡️Ён абагульніў тагачасныя дзяржаўна-прававыя ідэі, некаторыя з іх апярэджвалі свой час.

⚡️У Статуце знайшла адлюстраванне тэорыя падзелу ўлад на заканадаўчую (сойм), выканаўчую (вялікі князь, адміністрацыйны апарат) і судовую (Трыбунал ВКЛ, земскія і падкаморскія суды, выбарныя і незалежныя ад адміністрацыі).

❓Падрабязней пра яго можна прачытаць на wikipedia

❗️У нашы часы дакрануцца да гісторыі і прачытаць на Нашай Мове можна, набыўшы вось такі экземпляр, у кніжных крамах.
Каму цікава пачытаць ці набыць, пішыце ў каментарах🖋

Сустракаем – гурт LEIBONIK выпусціў дэбютны альбом “Жакі”! 🥳 Да гэтага было шмат канцэртаў, развітанні, пошукі сябе – і зноў вяртанне ў цудоўным гучанні. Слухайце па спасылцы (нават песня пра Купалу ёсць 😉): https://band.link/n3vtO.

🌟 У рубрыцы #supermova_музыка мы будзем дзяліцца творчасцю сучасных музыкаў, якія не пакінулі нас абыякавымі. 🎼 Прапануеце свае варыянты ў каментарыях! А яшчэ можна дзяліцца сваім плейлістом – абавязкова апублікуем 🙂
#supermova_раімпаслухаць

СЁННЯ!

Гарачы электрычны анлайн гурта DZIECIUKI - а 20:00 проста ў вас дома. Разам з гарадзенцамі для нас з вамі запаляць Лявон Вольскі, Аляксандр Памідораў, Сяргей Башлыкевіч і Антон Сіроцін. Чакаем вечара!

Спасылка на анлайн - у квітку (кошт абіраеце вы): https://bezkassira.by/dzieciuki-10650/

Письмецо - лісточак, пісулька;
письмо - ліст, пісьмо;
письмо заказное - заказны ліст;
письмо застрахованное - забясьпечаны ліст;
письмо открытое - паштовая картка, адкрытка;
письмо ответное - ліст з адказам, адпіс;
письмо заёмное - пазычальны ліст;
письмовник - лістоўнік;
письманосец - паштальён, паштар, лістаноша.

#родныясловы

​Яшчэ не вырашылі, чым будзеце займацца ўвечары? 😉 Раім паглядзець кранальную гісторыю дзяцінства ад Купалаўцаў - сення спектакль "Я". ☺️ Далучайцеся па спасылцы ў 19.00.

31 студзеня 1563.
Іван Жахлівы пачынае аблогу Полацку

👑 Любоў цара ⚔️

"Ён жадаў усяго толькі любові. А яго чамусьці ніхто не любіў. Нават уласныя падданыя. Яго палюбяць празь некалькі стагодзьдзяў, напішуць пра яго раманы, здымуць фільмы пра тое, як ён бараніў радзіму і мяняў прафэсію, адзначаць вайсковы геній, волю, веру і дзяржаўны розум. Але любоў — такая рэч, якой заўжды хочацца тут і цяпер."

#каляндар

Сёння свой дзень народзінаў святкуе пісьменнік Альгерд Бахарэвіч.

Мы дзякуем яму за плённае супрацоўніцтва і зычым, каб наклады кніг разляталіся хутка, а колькасць прыхільнікаў творчасці расла.

​​1 лютага 1919
у Вільні была заснаваная беларуская гімназія

💼 Віленская беларуская гімназія📚

Выпускнікамі Віленскай Беларускай гімназіі зьяўляецца значная частка заходнебеларускай інтэлігенцыі. Сярод выпускнікоў гімназіі былі такія асобы, як Барыс Кіт, Максім Танк, Наталя Арсеньнева, Міхал Вітушка, Сьвятаслаў Коўш, Вітаўт Тумаш, Вінцэнт Жук-Грышкевіч.

У верасьні 1994 г. беларускую гімназію ў Вільні аднавілі ў выглядзе сярэдняй школы №15 зь беларускай мовай навучаньня, якая пазьней была ператвораная ў беларускую школу імя Францішка Скарыны.

#supermova_каляндар

Вітаем, сябры😎
Прапаноўваем невялікі анонс на тыдзень, які, спадзяемся, дапаможа знайсці прыемны настрой ды атрымаць практыку на мове.📖
Пішыце ў каментарыях, хто куды збіраецца - нагадваем, што тут можна знайсці добрую кампанію😊 Што ж, паляцелі 😉

#supermova_aфіша

“Каго любіш”? – “Люблю Беларусь!” – “То ўзаемна!”

Здагадаліся, што адбылося 2 лютага? Так, у 1838 годзе нарадзіўся Кастусь Каліноўскі. Адна з найлепшых дакументальных кніг, з якой можна пазнаёміцца з велічнай асобай – “Каліноўскі і палітычнае нараджэньне Беларусі” Сяргея Абрамейкі. Смапаваць электронны варыянт можна тут.

⚡️Мы падрыхтавалі некалькі цікавых звестак пра Кастуся Каліноўскага – чытайце і пакідайце каментарыі.

✨ У бацькі Кастуся – Сымона Каліноўскага было 25 дзяцей ад двух шлюбаў. Але з родных братоў і сясцёр, якіх было 10, Кастуся ніхто не перажыў.

✨ Каліноўскі – аўтар першага перыядычнага выдання на беларускай мове – “Мужыцкай праўды”.

✨ Кастусь быў закаханы ў Марыю Ямант — удзельніцу паўстання. На кватэры сям'і Ямантаў знаходзілася нелегальная друкарня і адна з галоўных канспіратыўных явак Каліноўскага.

✨ Паводле А. Гілера: "Каліноўскі меў здзіўляючую здольнасць дзейнічаць скрытна, абачліва, асцярожна. Усюды раз'язджаў па Літве, неўлоўны для маскалёў, мяняючы сваю знешнасць у залежнасці ад абставін".

✨ Арыштаваны, Кастусь адмаўляўся супрацоўнічаць са следствам. Ён даў паказанні па сваёй уласнай дзейнасці, але адмовіўся даваць інфармацыю пра сваіх паплечнікаў. "Шпіёнства апаганьвае чалавека. Усведамленне гонару, уласнай годнасці і таго становішча, якое я займаў у грамадстве, не дазваляюць мне ісці па іншым шляху", – казаў ён.

✨ Калі пад- час пакарання на Лукіскім пляцы ў Вільні 22 сакавіка 1864 году быў зачытаны прысуд і Каліноўскага назвалі «дваранінам», ён выгукнуў: «У нас няма дваран; усе роўныя!»

✨ 22 лістапада 2019 года ў Вільні прайшло перапахаванне знойдзеных летась парэшткаў Кастуся Каліноўскага, Зыгмунда Серакоўскага і іх паплечнікаў. Ушанаваць іх памяць паехалі тысячы беларусаў – глядзіце натхняльнае відэа тут.
#supermova_гонар

​​3 лютага 1926
выйшаў першы нумар газэты 📰 Беларускае слова 📰

🗞 Газэта выступала за культурна-нацыянальную аўтаномію беларусаў у Польшчы, беларусізацыю праваслаўнай царквы, далучэньне Савецкай Беларусі да Заходняй.

🗞 Зьмяшчала літаратуразнаўчыя нарысы Язэпа Сьвятазара (Макара Краўцова) пра творчасьць Уладзімера Жылкі, Ядвігіна Ш., Канстанцыі Буйло, Алаізы Пашкевіч (Цёткі), Максіма Багдановіча і друкаваліся іх літаратурныя творы.

Нават зараз вы можаце паглядзець як выглядала газета 1926 і пачытаць на сайце Бібліятэкі Акадэміі навук Літвы імя Урублеўскіх

Ты, мой брат, каго зваць беларусам, Роднай мовы сваёй не цурайся; Як нi зрокся яе пад прымусам, Так i вольны цяпер не зракайся
#цытатадня Алесь Гарун

​​4 лютага такая насычаная дата, таму так доўга пісаўся пост🤪

Пачнем з людзей, якія нарадзіліся ў гэты дзень

🥳 1515 - Мікалай Радзівіл мянушка «Чорны», беларускі магнат і асьветнік.
Дзейнасьць яго адыграла вялікую ролю ў разьвіцьці мэцэнацтва ў розных сфэрах культуры Вялікага Княства Літоўскага, найбольш у арганізацыі кнігадрукаваньня. Заснаваў пры Берасьцейскім зборы першую на тэрыторыі Беларусі друкарню.
Таму і ў нас ёсць каго супрацьставіць расейскаму Панкратаву-Чорнаму і яго "Нофелет"у😅

🥳 1746 - урочышча Марачоўшчына, Слонімскі павет Наваградзкага ваяводзтва нарадзіўся Тадэвуш Касьцюшка, нацыянальны герой Беларусі, герой нацыянальна-вызваленчага руху ў Рэчы Паспалітай і ў ЗША.
Спрэчкі наконт таго ці Касцюшка – беларускі герой? ідуць дагэтуль.
Як па мне, дык чым больш людзей, якімі можна ганарыцца беларусам, тым лепш😎

🥳 1808 годзе Вінцэнт Дунін-Марцінкевіч, клясык беларускае літаратуры, адзін з пачынальнікаў новае беларускае літаратуры й драматургіі, паэт, тэатральны й грамадзкі дзяяч.
Яго самую вядому п'есу Пінская шляхта можна паслухаць у выглядзе радыёспектакля 1952 года на knihi.com.
"Бо гэта мова нашага Літоўскага статуту і заканадаўства... на ёй размаўлялі тры чвэрці даўняй Літвы, народ, шляхта і паны", — пісаў у 1855 годзе Сыракомля пра творы Дуніна-Марцінкевіча. Сам Дунін-Марцінкевіч у тым самым 1855 годзе канстатаваў: «Я пад старасьць зрабіўся песьняром беларускага народу».
І як жа абыйсціся без эсэ Бахарэвіча пра свойго калегу Кіно 1866 году😀

Цяпер да падзей

🌕 1789 — Джордж Вашынгтон тайным галасаваньнем абраны першым прэзыдэнтам ЗША. Дарэчы без згаданага Т.Касцюшкі, ён бы не прывёў кантынэнтальную армію да перамогі над Вялікабрытаніяй пад час вайны за Незалежнасьць.😉

🌗 2004 - распачала працу сацыяльная сетка Facebook. Ніхто рэкляму не праплачваў😜 Тым больш усё ведаюць, што сацсеткі зло, збіраюць пра вас інфармацыю і негатыўна ўплываюць на ваша жыццё🤬 Акрамя канэшне гэтага канала😅 Беражыце сябе і трымайцеся лічбавай гігіены😉

Ну і напрыканцы, для тых хто "любіць напоі па-мацней, а словы карацей"

🌑 1862 - Факунда Бакардзі засноўвае кампанію па вырабе рому.
Знакаміты сымбаль Бакардзі — кажан, які распасьцёр крылы ня горш за гербавых арлоў - зьявіўся выпадкова...
З тае пары кажан і лётае над сьветам. Ром п’юць нават цьвярозьнікі і язьвеньнікі, а таксама дыктатары, якія насамрэч і ёсьць сапраўдныя крывасмокі, у адрозьненьне ад малога бяскрыўднага рукакрылага.
Вып’ем стоячы да дна, каб ва ўсіх думка была адна!🥂
Пра беларускія посты можна даведацца ў пасце #napalipoli

А якая падзея больш пасуе табе? Пішы ў каментарах📝

#supermova_каляндар