"Ил-Тосхол" хаһаайыстыбатыгар үүт сыаҕа арылынна.

🍶🌿🤗Сири кытта үлэ үтүө түмүгэ сууланан-хааланан, переработкаланан тахсыбыт эт-үүт бородууксуйата буолар. "Татыйыына" фирма салайааччыта Нина Герасимова "Бааһынаттан лааппы долбууругар" диэн бэрт судургу эрээри элбэх сыраны-сылбаны эрэйэр этиитэ олоххо киирэр.

Саҥа производственнай сыахха күҥҥэ 5 туонна үүтү астыыр кыамталаах оборудованиелар кэлэн турдулар. Манна үрүҥ ас араас көрүҥүн, инникитин мороженай, сыыр курдук сэдэх бэйэ аһылыгын оҥорон таһаарыахтара.

Кэрэхсэнэрэ диэн үүт хаачыстыбатын көрөр-истэр, хонтуруоллуур лаборатория баар. Специалистар үрдүгэр олорон, бэл диэтэр микробиологическай аналиһы эмиэ оҥорор кыахтаннылар.

@suntaar_ulus

🌲🔥💪 Ойуур баһаарын тула күннэри-түүннэри көдьүүстээх үлэ барар.

Байыастар бэрээдэктээх үлэлэрин көмөтүнэн Сиэйэҕэ турбут баһаар төгүрүтүлүннэ.

@suntaar_ulus

https://emex.ru кырдьык үчүгэйдэр эбит👍🏻

Ааспыт нэдиэлэҕэ Сунтаар улууһун территориятыгар турбут ойуур баһаардарыгар «Якутлесресурс» ГАУ тиэхиньикэтэ үлэлээтэ, “Авиалесоохрана” ФБУ үлэһиттэрэ, Приморьеттан көмөҕө кэлбит бу тэрилтэ десантниктара уонна олохтоох нэһилиэнньэттэн мобилизацияламмыт дьон уоту утары күүстээх үлэни ыыттылар. Билигин балаһыанньа хайдаҕын улуус баһылыгын бастакы солбуйааччыта, улуус дьаһалтатын ыксаллаах быһыыга-майгыга хамыыһыйатын бэрэссэдээтэлэ Николай Александров бу курдук билиһиннэрэр:

Бу өрөбүллэргэ Сиэйэ, Түбэй-Дьаархан чугаһынааҕы 18-с нүөмэрдээх баһаар ликвидацияланна. Оттон 15-с нүөмэрдээх Куокуну сиригэр, Тэҥкэттэн 10 км тэйиччи, турбут баһаар билиҥҥитэ төгүрүтүлүннэ. Халлаан туругун билгэтинэн сарсын, оптуорунньукка, күүстээх тыал түһэрэ күүтүллэр. Инньэ гынан халлаан туруга көннө да,  аҕыйах хонугунан бу 15-с нүөмэрдээх ойуур баһаара этэҥҥэ ликвидацияланыа диэн эрэнэбит.

Маны таһынан нэһилиэнньэлээх сирдэртэн ыраах 13-с, 17-с нүөмэрдээх ойуур баһаардара бааллар. Бу күннэргэ буруо хойдон бөртөлүөт көтөр кыаҕа суоҕа, онон дьону тириэрдии кыаллыбатаҕа. 17-с баһаары умуруорууга көмө күүс тириэрдиллиэхтээх.

“Сунтаар сонуннара” хаһыат.

Хаартыска Сунтаар улууһун дьаһалтатын ТГ-каналыттан ылылынна.

Сунтаардар өстөөхтөн саһар маскировка сеткатын оҥорон саҕалаатылар.

🪖Боевой дьайыыга аныгы технологиялар утарсыылара үгүс. Ол курдук, үөһэттэн көрөр харахтаах дроннар, квадрокоптердар көмөлөрүнэн ханнык точка охсуллуохтааҕын судургутук быһаараллар. Ол эрээри маннык түгэҥҥэ маскировочнай ситим олус көмөлөөҕүн байыастар бэйэлэрэ этэллэр.

🪖Дойду көмүскэлигэр сылдьар дьоммут тыыннаах хаалалларын уонна бааһырбатын туһугар республикаҕа "Боевые шелкопряды Якутии" диэн хамсааһын үлэлиир. Манна Сунтаар нэһилиэгин олохтооҕо Антонина Степанова кыттыһан, хаххалыыр сетканы оҥорого үөрэммит. Билигин ол сатабылын тарҕатан, маастар кылаастары көрдөрөн бу үлэ халыыба кэҥиэхтээх.

🪖Бастакы сырыыга син добуочча киһи, ол иһигэр кырачаан оҕолор эмиэ күүс-көмө буола кэллилэр. Мантан инньэ хас биирдии нэһилиэк, сорох тэрилтэлэр биирдии сетканы оҥордохторуна уҕараабат көмө буолуоҕа.

Онон бука бары маннык көдьүүстээх үлэҕэ кыттыһан күүс-көмө буолуохха. Бу туһунан волонтерскай хамсааһыны көҕүлээччи Жанна Макарова кэпсиир.👆

@suntaar_ulus

Анал байыаннай дьайыыга нэһилиэнньэ көмөтө улахан.

🪖Дойду туһугар туруулаһа сылдьар уолаттарга сунтаардар сылаас таҥаһы, буорту буолбат аһылыгы, эми-тому хомуйан анал байыаннай дьайыы саҕаланыаҕыттан ыыта тураллар. Билигин гуманитарнай пуун бастайааннай кэминэн үлэтин салҕыыр.

🪖Гуманитарнай көмө пуунугар күннэтэ дьон кэлэ турар. Бу соторутааҕыта бүтүн биир улахан массыына тиэйиилээх таҥас-сап, наадалаах мал-сал Дьокуускайга, сүрүн пууҥҥа ыытыллыбыта.

🪖"Корона" фирма салайааччыта Надежда Львова СВО кыттыылаахтарын дьиэ кэргэннэрин кэмитиэтин координаторынан буолар. Онон волонтерскай хамсааһыны өссө күүскэ сайыннарыыга, тупсарыыга хамаанда тэринэн үлэни ыыталлар.

Көмөлөһүөн, күүс-көмө буолуон баҕалаах дьон "Корона" маҕаһыын хонтуоратыгар илдьэн наадалаах тэрили, таҥаһы-сабы туттарыаххытын сөп.

@suntaar_ulus