СӨ СИТЭРИИЛЭЭХ БЫЛААҺЫН СЫЛЛААҔЫ ҮЛЭТИН-ХАМНАҺЫН ОТЧУОТА ➡️ ТҮБЭЙ ДЬААРХАН.

🔹Отчуоттуур биригээдэни нэһилиэк олохтоохторо арчылаан, алгыстаан, алаадьынан, кытыан ута5ынан күндүлээн көрүстүлэр.

🔹Урукку сылларга отчуокка оскуола тымныытын, ыраас уу тириэрдиитин туһунан боппуруостар тураллара. Бу сырыыга ити туһунан туруорсубатылар, таайдахха кэм кэрдии орун-оннугар туруорда5а. Ол оннугар спортивнай сааланы тутууну туруорсаллар. Маныаха Георгий Степанов республика5а инвестиционнай программаны кэтэспэккэ, баар кыахтарынан федеральнай таһымнаах Национальнай бырайыактарынан, атын да тосхоллорго киирсэн тутууну ыларга сүбэлээтэ.

🔹2023 сылга оскуолаҕа аныгы сайдыы тэтиминэн "Точка роста" кабинет бэриллибитэ да5аны, ситэритэ суоҕунан, үчүгэйдик туһаныллыбакка турар. Бу боппуруоһу улуус үөрэ5ириитин салаатыгар быһаарарга сорудахтаата.

🔹Дьахталлар тоҕо Сунтаарга төрөөбөттөрүн, уот, уматык тарыыптарын, дьону олохсутарга уопсай дьиэ тутуутун, анал байыаннай дьайыы туһунан туоһуластылар. Сүдү биир дойдулаахтара С. А. Зверев үбүлүөйүгэр бэлэмнэниинэн, музейдарын өрөмүөнүн бэйэлэрин күүстэринэн са5алаабыттар. Уһун кэмнээх туруорсуу быһыытынан саҥа музей дьиэтин, уруккуттан баҕа санааларын - Сибиэрэп олобурдарыгар туристическай маршруту киллэрэргэ транспорт, айар, сыньанар дьиэ тутуутун туһунан эттилэр.

Правительство ааспыт сыллаа5ы үлэтин биир санаанан биһириибит диэтилэр.

🚀@suntaar_ulus

🎭 Саха тыйаатырыгар Сунтаар артыыстара сонун испэктээкили көрдөрдүлэр

🔹 Бүгүн, төрөөбүт төрүт тыл уонна сурук-бичик күнүн көрсө, Былатыан Ойуунускай аатынан Саха тыйаатырыгар Владимир Николаев аатынан Сунтаардааҕы норуот тыйаатыра Анемподист Иванович Софронов-Алампа суруйбут «Олох дьэбэрэтэ» драматын туруорда.

🎭 Режиссер Динислам Тууйас уонна артыыстар бэйэлэрин талааннарын уонна уус-уран көрүүлэрин испэктээкилгэ киллэрэн, көрөөччүлэргэ ураты киэһэни бэлэхтээтилэр.

Сиhилии ↩️

📲 Подпишись на @ulusmedia

СӨ СИТЭРИИЛЭЭХ БЫЛААҺЫН СЫЛЛААҔЫ ҮЛЭТИН-ХАМНАҺЫН ОТЧУОТА ➡️ СИЭЙЭ.

❇️Олохтоохтор хас сыл аайы правительство отчуотугар тымныытынан салытыннарар
оскуолаларын оннугар саҥа оскуола тутуутун туруорсаллар. Республика үрдүнэн араас туруктаах эргэ эбийиэктэр элбэхтэр. Инньэ гынан сиэйэлэр оскуолалара өссө да 49-с уочаракка турар диэн буолла, өр кэтэһиилээх буолсу диэн хомойдулар. Арай соторунан уһуйааннара капитальнай өрөмүөнэ былааннаммытыттан эгди буоллулар.

❇️ Урукку кэмҥэ Прокопий Көҕөннүүрэп диэн бэрт сытыы туруорсуулардаах, эппитин ыһыктыбат кырдьаҕастаахтара. Кини өҥөтүнэн ордук сир-дойду уутун түһэриигэ, ханааллары тутууга элбэх үлэ барбыта дииллэр. Кинини солбуйуох Александр Николаевич Алексеев, Алексей Филиппов курдук туруорсуулаах дьон бааллара киһини үөрдэр, сэргэхситэр: тыа хаһаайыстыбатыгар агрокластердары,агрохолдиннары, оҥорон таһаарыыны тэрийии, сир-уот, уматык-оттук, уот-күөс, ууну түһэрии боппуруостара, почтаны таһыы, демография көстүүлэрэ, үлэлээх-дьарыктаах буолуу, эдэр специалистары олохсутуу туһунан сытыы кэпсэтиилэр таҕыстылар.

❇️ Атын нэһилиэктэргэ ааспыт сыллардааҕы отчуоттарга бэлиэтэммит туруорсуулары эридьиэстээһин суох буоллаҕына, манна уонча сылтан бэттэх туох уларыйыы буолбутун ааҕа билэллэрэ сөхтөрдө. Бу күннэргэ айан суолугар ыал сылгыларын массыына түҥнэри көтөн, ииппит-харайбыт баайдарыттан көрө матыы дьону улаханнык аймаабыт. Онон тыастаах-уустаах кэпсэтиилэр тахсыбыттара баа буолбатах. Биир тылынан 3 чаас устата салҕаммыт бэрт интэриэһинэй, астык мунньах буолла.

"Өссө тугу кэпсиигит, ыытыахпытын баҕарбаппыт" диэн тыллара сиэйэлэр отчуоту олус биһирээбиттэрин ырылыччы көрдөрөр.

🚀@suntaar_ulus

48 ыал саҥа кыбартыыраҕа көһөн киириэхтэрэ.

🏗🏛Сунтаарга "Хаарбах дьиэттэн дьону көһөрүү" тосхолунан сыллата хастыы да дьиэ үлэҕэ киирэр. Бүгүн куораттыы моһуоннаах, саҥа түөлбэ5э эрдэ тутуллубут таас дьиэ икки подъеһа аһылынна. Манна 48 квартираҕа эргэ дьиэлэртэн олохтоохтор көһөн киирдилэр.

Кэрэхсэбиллээҕэ квартираҕа бүтүннүүтүгэр сылаас муоста тэлгэммит, тиэргэнигэр "1000 дворов" федеральнай тосхолунан о5о оонньуур былаһаакката холбуу арылынна.

Үөрүүлээх түгэҥҥэ кыттыбыт СӨ бырабыыталыстыбатын бэрэссэдээтэлэ Георгий Степанов "Национальнай бырайыак, атын да судаарыстыбаннай тосхоллор олох хаачыстыбатын тупсараллар" диэн туран, олохтоохторго бары үчүгэйи баҕарда.

🚀@suntaar_ulus

🇷🇺 СӨ Правительствотын бэрэссэдээтэлин солбуйааччы Георгий Степанов "Харысхаллары" кытта көрүстэ. Аҕа Дойдуну көмүскээччилэр дьиэ кэргэттэрин кэмитиэтэ туох-ханнык үлэни ыытарын көрдүлэр.

🚀@suntaar_ulus