СӨ СИТЭРИИЛЭЭХ БЫЛААҺЫН 2024 СЫЛЛААҔЫ ҮЛЭТИН-ХАМНАҺЫН ОТЧУОТА ➡️ ДЬААРХАН.

🔹СР Правительствотын бэрэссэдээтэ Георгий Степанов отчуотун үлэ сүрүн олуктарыгар ууран кылгастык, өйдөнүмтүөтүк туруорбутун нэһилиэнньэ астынна. Маныаха улуус, нэһилиэк таһымыгар олохтоох холобурдарга сигэммитэ ордук итэҕэтиилээх.

🔹Дьаарханнар сүрүннээн олох хаачыстыбатын тупсарыыга туһуламмыт ыйытыылары биэрдилэр: уот тарыыба, суол туруга, тутуу, доруобуйа харыстабыла, нэһилиэнньэ кырдьаҕас, кыаммат араҥатыгар көмөнү улаатыннарыы, тыа хаһаайыстыбата, каадырдарынан хааччыллыы.

🔹Кырдьык, Дьаархаҥҥа сэдэхтик сылдьар киһи көрүүбүнэн, кэнники сылларга биир да саҥа тутуу барбатах. 2000 сыллар эргин улахан өрө көтөҕүллүүнэн спортивнай манеж тутуллан (2004 с.), эргэрдэр да элбэх оҕону спорка, чөл олоххо сирдээтэ.

🔹Кулууп сабыллан турар, оскуола эргэ, спортивнай саала суох. Билигин социальнай эйгэҕэ комплекснай сыһыан, көрүү биһирэнэр кэмигэр, бу нэһилиэккэ КСК тутуутунан барар сөптөөх буолуоҕа диэн Георгий Степанов сүбэлээтэ. Буолаары буолан бырайыактыыр үлэтэ са5аламмыт, турар миэстэтэ кытта бэлэмнэммит. Онон кэлэр кэмҥэ муус оннуттан сыҕарыйыа диэн эрэниэххэ сөп.

🔹Суол өрөмүөнүгэр Дьаархан өттүгэр үбүлээһин көрүллэн үлэ барыа5а диэн улуус баһылыга Анатолий Григорьев мэктиэлээтэ. Бу уонна да атын түгэннэри быһаарыы тыа сиригэр олох хаачыстыбатын тупсарыыга туһуланаллар.

🔹Нэһилиэк олохтоо5о Василий Васильев "саха омук уйата - тыа сиригэр, киһи диэн күндү, онон олох уларыйар кэмэ кэллэ" диэн этиитэ этэргэ дылы уот харахха. Маныаха нэһилиэк оло5ун-дьаһа5ын тупсарыыга бэйэ өттүттэн сөптөөхтүк дьаһаныы эмиэ суолталаах. Холобур, дьону олохсутууга, нэһилиэнньэ ахсаанын элбэтиигэ кып-кыра Туойдаах нэһилиэгин холобуругар көрүөххэ сөп.

Дьаархан олохтоохторо правительство ааспыт сыллаа5ы үлэтин биһириибит диэн туран, кэлэр кэмнэргэ республикаҕа, улууска, нэһилиэккэ тэтимнээх сайдыы барыа5ар санааларын эттилэр.

🚀@suntaar_ulus

СӨ СИТЭРИИЛЭЭХ БЫЛААҺЫН 2024 СЫЛЛААҔЫ ҮЛЭТИН-ХАМНАҺЫН ОТЧУОТА ➡️ МААР КҮӨЛ.

🔹400-чэ олохтоох Маар Күөл нэһилиэнньэтэ саҥа спортивнай саалаланан, элбэх ыал уунан хааччыллыылаах киин ититиигэ холбонон санаалара эгди буолан олороллор. Онон киэҥ анаарыылаах, көхтөөх кэпсэтиилээх көрсүһүү буолла.

❓️Элбэх ыйытыыны күүтүллүбүтүн курдук хочо эҥэрин барытын долгутар уматыгынан хааччыйыыга, бензин сыанатыгар биэрдилэр. Кырдьык, билигин улууска Саханефтегазсбыт соҕотох заправкалыыр тэрилтэ үлэлиирэ тутах. Чугастаа5ы сылларга заправка тутуллан дьэндэйэрэ былааннаммат. Арай уруккуттан баар, үлэлии турбут заправкалары сөргүтүү былаанынан үлэ барар. Кутанаҕа кэпсэтии түмүгэ көстөн, эһиил үлэлээн барыахтаах эбит. Оттон Тойбохой заправката билигин рентабельнайа суоҕунан сабыллан турар. Манна чааһынай бас билээччилэри кытта үлэлэһиэхпит диэн быһаараллар.

❗️Балаһыанньаттан тахсарга нэһилиэктэр арааһы тобулаллар. Холобурга Бүлүүчээн дьаһалтата Ленскэйтэн таараламмыт бензини аҕалан нэһилиэнньэ кыһалҕатын ханнык эмит өттүн быһаараллар. Эбиитин бензини тиэйиигэ-таһыыга саҥа хааччахтар киирэллэр. Билигин 15-20 лиитэрэттэн ордук бензини салоҥҥа тиэйиигэ ыстараап киирдэ.

❓️Олохтоохтор ыйытыылара элбэх: тыа хаһаайыстыбатыгар сири таҥастааһын, ууну түһэрии, тыа сирин ипотеката, адьырҕа кыылы бултааһын үбүлээһинэ, болдьохторо. Доруобуйа харыстабылыгар харах быраастарыгар көрдөрүнүү, о5о доруобуйатын харыстабыла о.д. а.

🔹Олохтоохтор правительство ааспыт сылга үлэтин биһириибит диэн туран, ситиһиилээх үлэни баҕардылар. Георгий Степанов отчуотугар правительство, Ил Түмэн кэскиллээх, саҥа дьаһалларын, сокуоннарын, республика нэһилиэктэригэр баар үчүгэй холобурдары, үлэ уопутун билиһиннэрбитэ улахан сэҥээриини ылла.

🚀@suntaar_ulus

СӨ СИТЭРИИЛЭЭХ БЫЛААҺЫН 2024 СЫЛЛААҔЫ ҮЛЭТИН-ХАМНАҺЫН ОТЧУОТА ➡️ УҺУН КҮӨЛ.

🔹Отчуоту истэ урукку сыллардааҕар элбэх киһи кэлбитин бэлиэтиэххэ сөп. Атын Хочо нэһилиэктэригэр курдук, олохтоохтор сүрүн кыһал5аларынан заправкалыыр тэрилтэ үлэтэ, бензин, уот тарыыба буолар. Альтернатива да, олох сайдыытын да быһыытынан газ кэлиитин туоһуластылар. Онуоха Сунтаар улууһугар приоритет быһыытынан уотунан ититии буоларын, газ кэлиитэ 2030 сылга диэри суох диэн чуолкайдык быһаарда.

🔹Tыа хаһаайыстыбатын линиятынан, элбэх оҕолоохторго анаан дьиэни элбэхтик туттахха эрэ, тыа сиригэр дьон олохсуйуоҕа, олох сайдыаҕа. Онон бу хайысхаҕа үлэ салгыы барыаҕын иһитиннэрдилэр.

🔹Доруобуйа харыстабылын, улуус киинигэр балыыһа тутуутун боппуруостара эмиэ тумнуллубатылар. Маныаха сытар да, көрдөрүнэр да балыыһалары тутуу "Доруобуйа" Национальнай бырайыагынан былаан быһыытынан бара турар. Чуолаан, Уһун Күөлгэ фельдшер-акушер пууна тутуллан толору кыамтатынан үлэлии турара биир үтүө көстүү буолар.

Олохтоохтор отчуоту туруорбут Георгий Степанов уонна кэлбит специалистар ыйытыыларга сиһилии, толору хоруйдарын, элбэх туһалаах иһитиннэриилэрин иһин махтанан туран, ситиһиилэри баҕардылар уонна отчуоту биһирииллэрин биллэрдилэр.

🚀@suntaar_ulus

СӨ СИТЭРИИЛЭЭХ БЫЛААҺЫН СЫЛЛААҔЫ ҮЛЭТИН-ХАМНАҺЫН ОТЧУОТА ➡️ ТҮБЭЙ.

🔹Бүгүн саха дьонугар күндү, сахабыт уһуктар, санаабыт саргыланар күммүт - төрөөбүт тыл, сурук-бичик күнэ. Дьиҥ сахалыы куттаах, сүдү киһи Сэргэй Сибиэрэп-Кыыл Уолун дойдутугар кэлбит ыалдьыттары арчылаан, алгыстаан, арыылаах алаадьынан, кымыһынан айах тутан көрүстүлэр. Бөлөх салайааччыта Георгий Степанов поэт Күндэ төрөөбүт тыл туһунан хоһоонунан отчуоту са5алаата.

🔹Уустук сырыылаах-айаннаах кырыы нэһилиэк кыһал5алара, туруорсуулара бу түгэннэри кытта сыһыаннаа5а биллэр. Биир өттүгэр иккитэ эбэни туораан, 1500 борогуону төлөөн бүтүн күнү бараан сылдьаллар. Онон уматык, уот-күөс сыаната үүнэ-тэһиинэ суох үрдүү турара чаҕытар. Дьон, ыччат олохсуйуута а5ыйаата, ынах, сылгы сүөһүнү иитэр дьон сааһыран, бу төрүт дьарыгы ким тутан хаалыай диэн дьиксинэллэр. Оҥоһуллар өҥөлөргө, ыал балаһыанньатынан, социальнай араҥаларга көмө, субсидиялар, чэпчэтиилэр, кырыыба сирдэри эбии үбүлээһин тустарынан ыйыталастылар, туруорустулар.

🔹Нэһилиэнньэ мунаарара, билбэтэ да үгүс. Холобурга, уот төлөбүрүгэр олохтоммут диапазоннар, сорох субсидиялар, кэнники киирбит чэпчэтиилэр тустарынан сырдатыы ситэ барбата көһүннэ. Бу түгэннэргэ олохтоохтор хомуур санааларын Светлана Илларионова туомтуу тутан кэпсэттэ. Биир ытыктанар кырдьа5ас "нэһилиэнньэ ахсаанын элбэтиэххэ, дьону олохсутуохха диигит эрээри, харчы биэрэ-биэрэ дьону куоракка көһөртүү тура5ыт" диэн хомуруйар кэриэтэ этэрэ толкуйдаан көрдөххө эмиэ да сөп курдук. Атын нэһилиэккэ турбатах этиилэр эмиэ киирдилэр- быстах байыаннай дьайыы, сахалыы тылы сайыннарыы, эйгэни үөскэтии, ветеринарнай өҥө сыаната, каадырдара, уматыгынан хааччыллыыга урукку станциялары сөргүтүүнү сэргэ, саҥа хайысхалары тобулууну ыйдылар.

Олохтоохтор отчуоту бол5ойон истэн, санааларын тириэрдэн баран, отчуоту биһирээтилэр.

🚀@suntaar_ulus

СӨ СИТЭРИИЛЭЭХ БЫЛААҺЫН СЫЛЛААҔЫ ҮЛЭТИН-ХАМНАҺЫН ОТЧУОТА ➡️ ТҮБЭЙ ДЬААРХАН.

🔹Отчуоттуур биригээдэни нэһилиэк олохтоохторо арчылаан, алгыстаан, алаадьынан, кытыан ута5ынан күндүлээн көрүстүлэр.

🔹Урукку сылларга отчуокка оскуола тымныытын, ыраас уу тириэрдиитин туһунан боппуруостар тураллара. Бу сырыыга ити туһунан туруорсубатылар, таайдахха кэм кэрдии орун-оннугар туруорда5а. Ол оннугар спортивнай сааланы тутууну туруорсаллар. Маныаха Георгий Степанов республика5а инвестиционнай программаны кэтэспэккэ, баар кыахтарынан федеральнай таһымнаах Национальнай бырайыактарынан, атын да тосхоллорго киирсэн тутууну ыларга сүбэлээтэ.

🔹2023 сылга оскуолаҕа аныгы сайдыы тэтиминэн "Точка роста" кабинет бэриллибитэ да5аны, ситэритэ суоҕунан, үчүгэйдик туһаныллыбакка турар. Бу боппуруоһу улуус үөрэ5ириитин салаатыгар быһаарарга сорудахтаата.

🔹Дьахталлар тоҕо Сунтаарга төрөөбөттөрүн, уот, уматык тарыыптарын, дьону олохсутарга уопсай дьиэ тутуутун, анал байыаннай дьайыы туһунан туоһуластылар. Сүдү биир дойдулаахтара С. А. Зверев үбүлүөйүгэр бэлэмнэниинэн, музейдарын өрөмүөнүн бэйэлэрин күүстэринэн са5алаабыттар. Уһун кэмнээх туруорсуу быһыытынан саҥа музей дьиэтин, уруккуттан баҕа санааларын - Сибиэрэп олобурдарыгар туристическай маршруту киллэрэргэ транспорт, айар, сыньанар дьиэ тутуутун туһунан эттилэр.

Правительство ааспыт сыллаа5ы үлэтин биир санаанан биһириибит диэтилэр.

🚀@suntaar_ulus