БИЛИГИН ЖКХ ТЭРИЛТЭЛЭРИГЭР ӨРӨМҮӨН ҮЛЭТИН ҮГЭНЭ. СУНТААРДАА5Ы ФИЛИАЛ БҮГҮҤҤҮ КҮҤҤЭ ТУОХ ҮЛЭТИН ЫЫТАРЫН БИЛИСТИБИТ УОННА РЕСПУБЛИКАТТАН БЭРИЛЛИБИТ ГАЗЕЛЬ МАССЫЫНАНЫ КӨРДҮБҮТ.

Турбалары бөҕөргөтүү, уларытыы үлэлэрэ сайын ахсын кэминэн барар. Быйыл сылааһы биэрэр 11 ситими саҥардыахтара. Үлэһиттэр кэлэр оттук сезонугар бэлэмнээх буолар курдук, өҥүрүк куйааһы билиммэккэ, күргүөмнээх үлэҕэ сылдьаллар. Маннык турбалары 15 сыл арыттаах, хайаан да, уларытыахтаахтар.

Маны таһынан үлэ түмүктэммэт. Хас биирдии хочуолларга эмиэ кыра-кыралаан үлэлэр тахса тураллар. Бу күннэргэ 8 хочуолу өрөмүөннүүр былааннаахтар, ону тэҥэ Элгээйигэ саҥа оһоҕу туруоруохтара.

Республикаҕа ЖКХ тэрилтэтэ 20 сыллаах үбүлүөйүн көрсө хас биирдии филиалларга саҥа массыыналары биэрдилэр. Бу газель дьуһуурунай биригээдэҕэ туттарыллан, саахал тахсар түгэннэригэр, бэрэбиэркэ үлэлэригэр сүүрүөҕэ.

Үлэ хаамыытын кылаабынай инженер Степан Егоров кэпсиир👆 

@suntaar_ulus 

Сунтаар улууһун дьаһалтатын пресс-сулууспата