Убаастабыллаах Сунтаар улууһун Быыһааччы сулууспатын бары үлэһиттэрэ!

"Сунтаар улууһа (оройуона)" муниципальнай оройуон дьаһалтатын уонна оройуон Сэбиэтин депутаттарын ааттарыттан Эһигини аналлаах бырааһынньыккытынан эҕэрдэлиибит!
Бүгүн, ахсынньы 27 күнүгэр, Арассыыйаҕа Быыһааччы күнэ бэлиэтэнэр. Бу бырааһынньык – киһи олоҕун, доруобуйатын, баайын-дуолун харыстыырга анаммыт үлэҕэ үлэлиир хорсун дьоҥҥо аналлаах.
Арассыыйа үрдүнэн быыһааччы халыҥ аармыйата ханнык баҕарар ыксаллаах быһыыны-майгыны, айылҕа алдьархайын, техногеннай саахал сабыдыалын туооратыыга, киһи олоҕун быыһыырга суукка хайа баҕарар кэмигэр, ханна баҕарар тиийэн, бэйэтин эбээһинэһин толорого мэлдьи бэлэм. Кинилэр – эр санаалаах, хорсун дьон, киһи аймах олоҕун туһугар бэйэлэрин олохторун толук уурарга бэлэмнээхтэр.
Сунтаар улууһугар Быыһааччы сулууспата эмиэ олохтоохторго куттал суох буолуутун хааччыйыыга, олоххо-дьаһахха тахсар араас быһылааннары туоратыыга түүннэри-күнүстэри үлэлииллэрин билэбит уонна кинилэргэ махтанабыт.
Күндү Быыһааччы сулууспатын бары үлэһиттэрэ!
Эһиги ыарахан, эппиэттээх үлэҕит олус улахан суолталаах. Эһиги хорсун санааҕытын, үрдүк профессионализмҥытын, идэҕитигэр бэриниилээххитин, дьоҥҥо амарах сыһыаҥҥытын үрдүктүк сыаналыыбыт.
Кэлэн иһэр Саҥа дьылынан эҕэрдэлээн туран, үлэҕитигэр сатабылы, дьулууру, тулууру, чэгиэн доруобуйаны, дьиэ кэргэҥҥитигэр тапталы, дьолу-соргуну баҕарабыт!
Эйэлээх халлааны, этэҥҥэ буолууну!

«Сунтаар улууһа (оройуона)» муниципальнай оройуон баһылыга А.В. Григорьев
Сунтаар улууһун депутаттарын Сэбиэтин бэрэссэдээтэлэ У.Д. Попова.

Сунтаар улууһун дьаһалтатын, улуус депутаттарын Сэбиэтин уонна тус бэйэбит ааппытыттан бу күн буолбут олус ыар быһылааҥҥа
баһаарга былдьаммыт эдэр ыал чугас дьонноругар, аймахтарыгар
дириҥ кутурҕаммытын биллэрэбит.
Олоҕор ситиһиилээх, кэскиллээх эдэр ыалы уонна кэнчээри ыччаты сүтэрии – улуус, нэһилиэк барыбыт сүдү хомолтобут.
Бу ыар сүтүгү киһи өйө-санаата ылыммат, уоскутар тыл да тиийбэт курдук.
Кытаатан тулуйуҥ, эһиги кутурҕаҥҥытын тэҥҥэ үллэстэбит,
ыарахан кэми туоруур күүһү, улахан тулууру уонна бигэ санааны.

А.В. Григорьев Сунтаар улууһун баһылыга
У. Д. Попова улуус депутаттарын Сэбиэтин председателэ.

БАҺААРТАН СЭРЭХТЭЭХ БУОЛУН!

Ытыктабыллаах улууспут олохтоохторо!
▫️ Уотунан ититиллэр тэриллэр (бойлер, конвектор) туруктарын бэрэбиэккэлээн.
▫️Сокуоннай саастарын ситэ илик оҕолоргутун дьиэҕитигэр көрүүтэ суох хаалларымаҥ. ▫️Испиискэни, зажигалканы, атын умайар, эстэр сэрэхтээх маллары оҕо тиийбэт сиригэр ууруҥ.
▫️Розеткалары бэрэбиэркэлии сылдьыҥ.
▫️ Биир розеткаҕа элбэх прибору холбоомоҥ.
▫️Аһаҕас, алдьаммыт шнурдаах тэриллэринэн туһанымаҥ.
▫️Умайа турар оһоҕу (плитканы, обогреватели, камины) көрүүтэ суох хаалларан барымаҥ.
▫️ Дьиэҕитин-уоккутун, чугас дьоҥҥутун баһаартан харыстааҥҥыт АДПИ-та туруорунун.
Бу курдук уонна да атын баһаартан сэрэхтээх буолуу быраабылаларын тутуһуҥ, оҕолоргутугар үөрэтиҥ, сэрэхтээх буолуҥ!

Баһаар буолар түгэнигэр, «01», «101», «112» нүөмэрдэргэ, эбэтэр 8 (41135)22102 ЕДДС дьуһуурунайдарыгар эрийэн түүн да, күнүс да биллэриҥ.

АДПИ Сунтаар нэһилиэгэр "Новый мир" "Маяк" маҕаһыыннарга атыыланар.
Сунтаар улууһун дьаһалтата уонна Сунтаар улууһун баһаарынай чааһа.

15 января 2026 года | 11:00
УЦНТ им. С. А. Зверева – Кыыл Уола

Отдел по молодежной политике Сунтарского улуса приглашает на итоговое мероприятие «Бастын-2025» — событие, которое объединяет активную молодежь и подводит итоги насыщенного года.

В этот день мы подведем итоги 2025 года в сфере молодежной политики, отметим лучшие проекты и наградим людей, которые своим трудом и идеями делают улус сильнее.

Молодежь — движущая сила настоящего и будущего. Здесь встречаются единомышленники, рождаются идеи, вдохновляются новые лидеры. «Бастын-2025» — момент, когда хочется действовать, верить в себя и свою команду.

Будущее начинается с молодежи. Будущее начинается с нас.

Убаастабыллаах Сунтаар улууһун суруналыыстара, тэлэбиидэнньэ, араадьыйа, бэчээт үлэһиттэрэ, бэтэрээннэрэ, уопсастыбаннай кэрэспэдьиэннэр!

🔸️🔸️🔸️Тохсунньу 13 күнүгэр бүтүн Арассыыйа үрдүнэн бэлиэтэнэр идэлээх күҥҥүтүнэн «Сунтаар улууһа (оройуона)» муниципальнай оройуон дьаһалтатын уонна оройуон Сэбиэтин дьокутааттарын ааттарыттан эһиэхэ итии-истиҥ эҕэрдэбитин тириэрдэбит!

Арассыыйаҕа Бэчээт күнэ 1992 сыл тохсунньу 13 күнүгэр бэлиэтэнэр. Ити кэмҥэ диэри бу эйгэҕэ сыһыаннаах бары үлэлээн иитиллээччилэр – полиграфистар, хаһыат, сурунаал, кинигэ таһаарааччылар, корректордар, эрэдээктэрдэр, суруналыыстар Бэчээт күнүн ыам ыйын 5 күнүгэр бырааһынньыктыыллара.
История кэрэһилииринэн, бу күн 1703 с. Петр I уурааҕынан «Ведомости» диэн бастакы хаһыат бэчээттэнэн тахсыбыт.

1917 сыл кэннэ, сэбиэскэй «Правда» хаһыат тахсыбыт ыам ыйын 5 күнүгэр көһөрүллэн Сэбиэскэй Бэчээт күнэ диэн ааттана сылдьыбыта.

74 сыл буолан баран, 1991 с., РСФСР Үрдүкү Сэбиэтин Президиума бу бэлиэ күнү тохсунньу 13 күнүгэр бэлиэтиири төнүннэрэр уураах таһаарбыт. Ол кэмтэн саҕалаан билиҥҥээҥҥэ диэри дойдубутугар бэчээт өҥөтө сайдан кэллэ.

Күндү айар талааннаах, сытыы бөрүөлээх суруналыыстар, олоҕу кэрэхситэ кэпсиир кэрэспэдьиэннэр, Сунтаар сонуннарын сойуппакка таһаарар бэчээт үлэһиттэрэ, улууспут хайа да муннугуттан сонун ыытар уопсастыбаннай кэрэспэдьиэннэр!

Бэчээт нөҥүө норуоту иитэр-такайар, санаатын көтөҕөр, кэрэхсэнэр сонуну куйаарга тилийэ көтүтэр айар талааҥҥыт уҕараабатын, уус тылгытынан сахабыт тылын баайын, сиэдэрэйин бигэргэтиҥ, сытыы бөрүөҕүт сыппаабатын, айымньылаах үлэҕит таһаарыылаах буоллун диэн баҕа санаабытын тиэрдэбит.
Саха суруналыыстыката сайыннын, ааҕааччыгыт элбии, хаһыаппыт ахсаана үрдүү турдун!

Анатолий Васильевич Григорьев, Сунтаар улууһун баһылыга.

Ульяна Дмитриевна Попова, оройуон Сэбиэтин бэрэссэдээтэлэ.

https://max.ru/id1424005501_gos/AZu_6vwncNA

Ыччат салалтата ааспыт сылга 3500 ыччаты хабан 125 тэрээһини иилээн-саҕалаан ыытта

Бүгүн Сэргэй Сибиэрэп аатынан норуот айымньытын киинигэр улуус ыччата тоҕуоруһа муһунна. Сылы түмүктүүр тэрээһиҥҥэ бастыҥнар наҕараадаланнылар. 1-кы нүөмэрдээх уонна Элгээйи оскуолаларын дириэктэрдэрин солбуйааччылара Дмитрий Михайлов, Вячеслав Сафонов ыччат бэлиитикэтин туйгуннара буоллулар. Оттон Хоро нэһилиэгин баһылыгын солбуйааччыта Саян Иванов Саха Республикатын олохтоох көҕүлээһинин туйгуна бэлиэнэн наҕарааданна.

Ыччат салалтата ааспыт сылга араас граннарга, программаларга кыттан 3 мөлүйүөн 400 тыһыынча солкуобайы киллэрэн, барыта 125 тэрээһини кыайа-хото тутта. Манна 3500 кэриҥэ ыччат көхтөөх кыттыыны ылла. Инникитин олохтоох көҕүлээһини сайыннарыыга улахан суолталаах былаан оҥоһулунна. Хас биирдии нэһилиэктэргэ общественнай тэрилтэлэри, түөлбэлэри түмэн туораттан киирэр үбү 2-3 төгүл үрдэтэр сорук турар.

Маны таһынан волонтерскай хамсааһыны, үүнэр көлүөнэни патриотическай тыыҥҥа иитиигэ улахан болҕомто туһаайыллан үлэ-хамнас тэтимнээхтик барар.

📽 Наҕараадалааһын үтүө түһүмэҕин анал устууга көр👆

https://max.ru/id1424005501_gos/AZvAy3KQOzs

*Спорт эйгэтин бастыҥнарын түмэр түһүлгэ*

💫💫💫Сунтаар улууһугар маассабай спорду сайыннарыыга тустаах үлэ барар. Ол түмүгэр кырачааннартан саҕалаан эмэннэригэр тиийэ нэһилиэнньэ 63%-на физическэй култууранан, спордунан дьарыктанар. Улууска уопсайа 59 спортивнай сооружения үлэлиир. 21 спортивнай федерация баар. Ону тэҥҥэ 2 оҕо спортивнай оскуолата ситиһиилэринэн үөрдэр.
Ааспыт сылга аныгы ирдэбилгэ эппиэттиир баараҕай тутуу - "Байҕал" сөтүөлүүр спорт киинэ үлэҕэ киирбитэ.

Лев Павлов, Наталья Леонтьева, Мария Тараярова, Пётр Егоров, Михаил Варламов улуус, республика, дойду аатын-суолун оҥорсор чулуу спортсменнарынан буолаллар. Маны тэҥэ, ааспыт сылга Дыгын, Манчаары оонньууларыгар өрөгөйдөөбүт Алексей Соколовунан, Большаковтар дьиэ кэргэттэринэн киэн туттабыт. Маннык бастыҥ спортсменнары чиэстиир тэрээһин Сэргэй Сибиэрэп аатынан култуура уораҕайыгар үрдүк таһымҥа ыытылынна. Манна спорт бэтэрээннэрэ, тренердэр уонна 2025 сылга ситиһиилэммит спортсменнар кыттыыны ыллылар, араас таһымнаах наҕараадалары туттулар, 10 бастыҥ спортсменнар ааттара ааттаннылар. Маны тэҥэ нэһилиэктэр икки ардыларыгар ыытыллыбыт комплекснай спартакиада кыайыылаахтара бэлиэтэннилэр.

Сунтаар улууһун дьаһалтатын пресс-сулууспата

✨✨✨ Сунтаар улууһун баһылыга алын кылаас талааннаах үөрэнээччилэрин кытта көрүстэ ✨

Сунтаар улууһун Аҕа баһылыга Анатолий Григорьев үтүө үгэскэ кубулуйбут сылын ахсын ыытыллар алын кылаас үөрэнээччилэрин - үөрэххэ, айар үлэҕэ, спорка, уопсастыбаннай олоххо бэйэлэрин көрдөрбүт талааннаах, ситиһиилээх оҕолору кытта умнуллубат көрсүһүүтэ буолла. Көрсүһүүгэ 21 үөрэнээччи кыттыыны ылла. Бырайыагы бэһис төгүлүн үөрэх салалтатын информационнай-методическай салаа сүрүннүүр исписэлииһэ Маргарита Попова тэрийэн ыытар.

Анатолий Григорьев үөрэнээччилэргэ ситиһиилэрин бэлиэтээн бэлэҕин туттарда. Маннык оҕолор улууспут, өрөспүүбүлүкэбит кэскилэ буолалларын тоһоҕолоон бэлиэтээтэ. Баһылыгы социальнай боппуруостарга уонна имиджевай политикаҕа солбуйааччы Мирослав Иванов уонна үөрэх салалтатын салайааччыта Борис Васильев үөрэнээччилэргэ бэйэтин эҕэрдэ тылларын эттилэр. Ол кэннэ аһаҕас кэпсэтии ыытылынна. Сэһэргэһиигэ оҕолор ыйытыыларын биэрдилэр, ол курдук салайааччы үлэтин, улуус сайдыытын уонна инники былааннарын интэриэһиргээтилэр. Баһылык бары боппуруостарга өйдөнүмтүө хоруйдары биэрдэ. Бу курдук көрсүһүү истиҥ, сылаас эйгэҕэ ааста.

🔸 Көрсүһүү түмүгэр оҕолор сүүрэн-көтөн, оонньоон бу күннэрин атааралларыгар «Тещин язык» турбазаҕа «Үөрүү автобуһунан” сырыы тэрилиннэ. Маннык тэрээһин кэлэр көлүөнэбит сайдыылаах, киэҥ көрүүлээх, инникитин даҕаны үрдүк ситиһиилээх буолалларыгар көмө буолар, ону тэҥэ кинилэргэ чаҕылхай өйдөбүллэри хаалларар.

https://max.ru/id1424005501_gos/AZvGBmbXLAc

*Сунтаар улууһун номоҕун уонна сайдыытын сыла өрөгөйдөөх түгэҥҥэ аһылынна.*

🔸️🔸️🔸️Ааспыт 2025 сылы түмүктүүр уонна улуус номоҕун, сайдыытын сылын арыйар үөрүүлээх түгэнигэр сааланы толору дьон тоҕуоруһа муһунна. Манна ааспыт сылга ситиһиилээх үлэни көрдөрбүт, сайдыыга кылааттарын киллэрбит үтүө үлэһит дьону чиэстээтилэр, республика таһымнаах наҕараадалары уонна үбүлүөйдээх сыл анал бэлиэтин туттардылар.

Анабыллаах сыл бэлиэтин бэтэрээннэр Сэбиэттэрин бэрэссэдээтэлэ Афанасий Васильев улуус баһылыгар Анатолий Григорьевка туттарда. Архыып докумуонунан бигэргэтиллибитинэн быйыл Сунтаар улууһа төрүттэммитэ 225 сылын бэлиэтиэҕэ. Сыл устата маныаха хабааттаах араас тэрээһиннэр, үлэлэр күүтэллэр.

_Сунтаар улууһун дьаһалтатын пресс-сулууспата_