"МАЛАЯ РОДИНА - СИЛА РОССИИ" БҮТҮН АРАССЫЫЙАТААҔЫ МУНИЦИПАЛЬНАЙ ФОРУМ ДЬОКУУСКАЙГА 85 РЕГИОН ДЬОНУН ТҮМТЭ.

🔹️🔹️🔹️"Саамай сүрүнэ - Судаарыстыба сулууспата, бастатан туран, үрдүк дуоһунаһы итэҕэйбит, эрэнэр дьоҥҥо эппиэтинэстээхтик, көдьүүстээхтик сулууспалааһын буолар" - диэн Дойду президенэ Владимир Путин этэр. Манан сиэттэрэн олохтоох бэйэни салайыныы үлэтин сайыннарар, тупсарар туһугар «МАЛАЯ РОДИНА — СИЛА РОССИИ» муниципальнай форум быйыл үһүс сылын ыытыллар.

Бүтүн Арассыыйатааҕы муниципальнай форум Дьокуускай куоракка икки күн устата ыытыллыаҕа. Манна Сунтаар улууһун баһылыга Анатолий Григорьев уонна нэһилиэк баһылыга Эдуард Филиппов уонна улуус депутаттарын Сэбиэтин бэрэссэдээтэлэ Ульяна Попова кыттыыны ылаллар. Муниципальнай тэриллиилэри сайыннарыыга туһуламмыт араас хабааннаах былаһааккаларга анал үөрэҕи ылыахтара.

Форум олохтоох салайыныы лидердэрин, бизнес бэрэстэбиитэллэрин, общественнай тэриллиилэри уонна экспертэри сытыытык турар тоҕоостоох боппуруостары дьүүллэһиигэ уонна сайдыы стратегияларын ырытыыга түмэр. Манна 85 регионтан бэрэстэбиитэллэр кэллилэр. Кинилэр бэйэни салайыныы үлэтин, кыһалҕаларын билбит дьон буолалларын быһыытынан туох уларыйыы киириэхтээҕин, ханнык хайысхаҕа болҕомто ууруллуохтааҕын туһунан санааларын эттилэр.

🚀@suntaar_ulus

🔹️🔹️🔹️Рф Президенин Управлениетын салайааччытын солбуйааччы уонна ВАРМСУ Президиумун чилиэнэ Евгений Николаевич Грачев, ВАРМСУ сопредседателэ Ирина Михайловна Гусева уонна республика Ил Дархана Айсен Сергеевич Николаев кыттыылаах муниципальнай тэриллиилэр Сэбиэттэрин ыҥырыылаах мунньаҕа буолан ааста. Мунньах Правительство дьиэтигэр ыытылынна. Манна Сунтаар улууһун баһылыга Анатолий Григорьев көхтөөх кыттыыны ылла.

Оройуоннар баһылыктарын кытта муниципальнай систиэмэ билиҥҥи туругун дьүүллэстилэр уонна чугастааҕы сылларга сайдыыны түстүүр бырайыактар тула сиһилии кэпсэттилэр. Мунньах сүрүн хайысхатынан 43 тирэхтээх нэһилиэнньэлээх пууннары сайыннарыы уонна 20-тэн тахса мастер-былааны олоххо киллэрии тула буолла.

Республикаҕа социальнай объектар тутуллаллар, общественнай сирдэр тупсарыллаллар, инфраструктура сайдар. Ону сэргэ биирдиилээн бырайыактары олоххо киллэриини харгыстыыр кыһалҕалаах боппуруостар эмиэ көтөҕүлүннүлэр. Маны туоратыыга туох-ханнык үлэ барыахтааҕын уонна туруоруллубут сыалы эрэллээхтик олоххо киллэрэр туһунан спикердэр бэрт интэриэһинэй иһитиннэриилэри оҥордулар.

Арассыыйа таһымыгар үлэлии сылдьар салайааччылар көмөлөрүнэн уонна ыҥырыылаах мунньах түмүгэ көстөн үлэ өссө таһаарыылаах, ситиһиилээх буоллун.

🚀@suntaar_ulus

🤼‍♂️🤼‍♂️🤼‍♂️ Хапсаҕайга Сунтаар улууһун сүүмэрдэммит хамаандата "ПрофСтрой" тутуу тэрилтэтин салайааччыта Алексей Яковлевка улахан махталын тириэрдэр уонна "Саха сирин үтүөлээх тутааччыта" бэлиэнэн наҕараадаламмытынан эҕэрдэлээтилэр.

Алексей Яковлев хапсаҕай уонна тустуу көрүҥнэрин сайыннарыыга мэлдьи спонсор быһыытынан көмө буолар. Бу сырыыга Уус Алдаҥҥа ыытыллыахтаах республика федерациятын Кубогын күрэҕэр хамаанда кыттыыны ыларыгар биир кэлим пуорманан хааччыйда.

🚀@suntaar_ulus

Феодосия Габышева Сунтаарга үөрэх систиэмэтин үлэһиттэрин кытта улахан сүбэ-мунньаҕы тэрийдэ. Манна төрөөбүт төрүт тылы сайыннарыы уонна үлэ миэстэтин тула кэпсэттилэр.

🔹️🔹️🔹️Арассыыйаҕа 89 субъект баарыттан 22-тэ туһунан тыллаах. Кинилэр төрөөбүт тылларын политикатын билиҥҥи туругун уонна инники сайдыытын тула Москва куоракка улахан сийиэс тэриллибитэ. Бу туһунан Феодосия Габышева тустаах иһитиннэриини оҥордо уонна төрөөбүт төрүт тылы үөрэтиигэ, харыстааһыҥҥа, сайыннарыыга киэҥ анаарыылаах этиилэри туруорда. Бу сийиэскэ политехническай лиссиэй саха тылын уонна литературатын учуутала Сардаана Афанасьева көхтөөх кыттыыны ылбыта. Кини саха тылын өрө тутан, оҕону кыра сааһыттан ийэ тылын иҥэриигэ үлэлэһэр бастыҥ общественник. Киниэхэ эрэнэн туран "Надежда Якутии" анал бэлиэни үөрүүлээх түгэҥҥэ туттардылар.

Кэлиҥҥи сылларга республикаҕа тыл политикатын концепцията ылыныллан бэрт таһаарыылаахтык үлэлиир. Билигин алын сүһүөх оскуола үөрэнээччилэригэр саҥа учуобунньук оҥоһулла сылдьар. Манна биһиги улууспут учууталлара Туйаара Михайлова, Галина Новикова, Светлана Яковлева уонна Ульяна Яковлева үлэлэһэ сылдьаллар. Учебник билиҥҥи оҕоҕо табыгыстаахтык оҥоһуллан силигэ ситэн эрэр - олус тиийимтиэ, тэттик айымньылардаах, оонньуулардаах, оҕону тардар ойуулардаах.

Маны тэҥэ сүбэ мунньахха үөрэҕирии эйгэтин үлэһиттэрин олус долгутар боппуруоһу таарыйдылар. Биллэрин курдук үлэ миэстэтин сааһылааһын туһунан боппуруос Дойду үрдүнэн сытыытык турар. Аҥардас Сунтаар улууһугар 230 штат сарбыллара былааннанар. Маныаха бу ахсааны аҕыйатыыга уонна улахан охсуута суох буоларыгар туох-ханнык үлэ барыахтааҕын ырытыстылар.

Үөрэҕирии эйгэтигэр улахан уларыйыылар үөрэх хаачыстыбатыгар уонна тустаах дьоҥҥо улахан охсуута суох буоллун.

🚀@suntaar_ulus

"Сунтаар ыччата - тыа хаһаайыстыбатыгар" бырайыак кыттыылаахтара улахан хаһаайыстыбалар үлэлэрин көрөн уопут ылаллар.

🔹️🔹️🔹️Күндэйэтээҕи агро хайысхалаах оскуола оҕолору оҕуруот аһын үүннэриигэ, оту оттооһуҥҥа, сүөһүнү-сылгыны көрүүгэ уһуйар. Быйыл "Сунтаар ыччата - тыа хаһаайыстыбатыгар" диэн анал программа ылынан олус таһаарыылаахтык үлэлиир. Бу сырыыга Сунтаар улууһун агротехнологическай оскуолаларыттан 14 оҕону уонна 6 салайааччыны илдьэ Дьокуускайга айаннаан тиийдилэр.

Оҕолор олус интэриэһинэй экскурсияларга сылдьыахтара, программалара киэҥ. Ол курдук, саха ынаҕынан дьарыктанар Кэнкэмэ хаһаайыстыбатыгар, республиканы оҕуруот аһынан хааччыйар "Саюри" агропромышленнай комплекска, "Туймаада" агрохолдиҥҥа онтон да атын олус ситиһиилээхтик, тирэхтээхтик үлэлии турар тэрилтэлэргэ ыалдьыттыахтара, салайааччылары кытта көрсүөхтэрэ. Маны тэҥэ эдэр фермердэр хайдах үлэлииллэрин көрүөхтэрэ, блогер Масаха Мэхээһи кытта билсиэхтэрэ.

Бүгүн Анатолий Григорьев салайааччылаах делегация "Туймаада" агрохолдинг салайааччыта Петр Ефремовы көрүстэ, үлэлэрин кэпсээтилэр, сүбэ-ама ыллылар, бэрт сэргэх сэһэргэһии буолла.

🚀@suntaar_ulus

Хорсун быһыы кэрэһитэ - Иван Иванов сулуһа суһумнуо!

🔹️🔹️🔹️Анал байыаннай дьайыыга сырдык олоҕун толук уурбут, дьоҥҥо Дорбой диэн аатынан биллэр, "Сунтаар" диэн позывнойдаах Иван Петрович Ивановка "Арассыыйа Дьоруойа" аат иҥэриллэригэр хас биирдиибит долгуйар. Бүгүн төһө да будулҕан тымныы турдар Ленин болуоссатыгар дьон-сэргэ тоҕуоруһа мустан Дойду президенэ Владимир Путиҥҥа тус ыйытыгы туруорда. Бу устуу ахсынньы ый 19 күнүгэр президент үгэскэ кубулуйбут быһа эпииригэр көстүөҕэ.

Иван Иванов Угледар куораты ылыыга «Свеча» диэн ааттанар 115 миэтэрэ үрдүктээх башняны эстэрэн, сири кытта тэҥнээбитэ. Өстөөх бу башняҕа саһа сытан, үөһэнэн харахтаах тэриллэри ыытан, буомбалары түһэрэн, элбэх киһини кыдыйбыта.  Этэрээт хамандьыыра «Сан Саныч» аҕыйах саҥалаах, мындыр толкуйдаах, бу иннинэ ханнык да сорудаҕы ыспатах, мэлдьи эппиэттээхтик, тирэхтээхтик толорор «Сунтаары» башняны үөрэтэн көрүүгэ, чуҥнааһыҥҥа илдьэ барар. «Сунтаар» соҕотоҕун миэстэтигэр тиийэн көрбүтэ өстөөх сэбин сэбиргэлэ, миинэ бөҕөтө харалла сытар. Маны эстэрдэххэ башня тута суулларын быһааран, дронунан эһэр тэрили ыыттаран, өстөөх стратегическай суолталаах эбийиэгин букатыннаахтык сууллараллар. Иван Иванов, бу сорудаҕы толоруутун иһин «Арассыыйа Дьоруойа» наҕараадатыгар түһэриллибитэ. Ол эрээри күн бүгүҥҥэ диэри хорсун быһыы сулуһа дьоруойун була илигэ хомолтолоох.

Бу туһаайыы кэнниттэн Дьоруой сулуһа суһумнуо диэн тапталлаах кэргэнэ Эльвира Ананьева, кырачаан кыргыттара уонна биир дойдулаахтара бука бары эрэнэбит, кэтэһэбит.

🚀@suntaar_ulus