✨️✨️✨️ Тоҕус оһуордаах түһүлгэ Дархан этээччитэ Михаил Евсеев -Кураһаай Мэхээлэ!!! Кини 125 тыһыынча солкуобайынан наҕараадаланна👏👏👏

Оһуохай саамай элбэх кыттааччылаах уонна үгүс дьон сэҥээриитин ылар түһүлгэнэн буолар. Манна кырачаан оҕолортон аҕам саастаахтарга диэри оһуохайы оройуттан туппут дьон түөлбэлээтилэр.

🚀@suntaar_ulus

✨️✨️✨️ Тоҕус оһуордаах түһүлгэ биир саамай чаҕылхай түгэнэ кылаан кыайыылааҕы быһаарыы. Манна 9 туона кыайыылаахтара сэрэбиэй быһыытынан дьоллоох билиэти тардан таһаараллар. Сунтаар улууһун биир саамай үрдүк призовой пуондалаах тэрээһинин генеральнай спонсорынан "Арктик Капитал" промышленнай тэрилтэ салайааччыта Матвей Евсеев буолар.

Сэрэбиэй түмүгүнэн кимнээх КЫЛААН КЫАЙЫЫЛААХ буоллулар???👇

✨️"Төрүт дорҕоон" түһүлгэ кыайыылааҕа Айаана Никитина - 125.000

✨️"Төрүт дорҕоон" кыайыылаахтара Дьири дьир" ансаамбыл. Дьлкуускайдааҕы айыы кыһата оскуолатын үөрэнээччилэрэ - 200.000

✨️"Тыл сүмэтэ" түһүлгэ кыайыылааҕа Мэҥэ-Хаҥаластан Валерий Соловьев - 200.000

✨️Оһуор үҥкүүтүн толоруутун муҥутуур кыайыылаахтара "УРАН" ХИФУ устудьуоннарын үҥкүү ансаамбыла - 400.000

Бу курдук "Тоҕус оһуордаах түһүлгэ" үтүө түмүктээх, умнуллубат түгэннээх, чаҕылхай ситиһиилээх буолла.

📽 тэрээһин түмүгүн анал устууга көр👆

🚀@suntaar_ulus

Уһун Күөлгэ тимир көлөнү тэһииннээччилэр түөлбэлээтилэр.

👷‍♂️🚜🎉 Сунтаар улууһун механизатордарын күрэҕэ Арассыыйа Дьоруойа Дмитрий Егоров төрөөбүт дойдутугар Уһун Күөлгэ ыытылынна. Кини олоҕун устата тыа сирин үлэтин-хамнаһын кыайа-хото тутан, тыраахтырыгар олордо да, ханна баҕарар тиийэрэ. Чопчу маһы кытта үлэлээбитэ.

Улуус нэһилиэктэриттэн кыайардыы-хотордуу ох курдук оҥостон кэлбит тыа дьоно анаан бэлэмнэммит 3 түһүмэхтээх күрэххэ сатабылларын, кыахтарын тургуттулар, маастарыстыбаларын көрдөрдүлэр. Барыта 8 нэһилиэктэн 18 кыттааччы баар.

Механизатрдар ортолоругар саамай аҕа саастаахтара 64 саастаах. Оттон саамай эмэннэрэ 26-лаах.

Улуус баһылыга Анатолий Григорьев механизатордар күрэхтэрин аан тылынан арыйда, күрэҕи сэргии көрдө уонна бэтэрээн үлэһиттэри чиэстээтэ, наҕараадалары туттарда.

*Күрэх муҥутуур кыайыылаахтара кимнээҕий?👇

🥇 Евсеев В.А. Күндэйэ - 50 тыһ. солк.

🥈 Елесеев В.В. Күндэйэ - 30 тыһ. солк.

🥉 Уаров В.Ю. Уһун Күөл – 20 тыһ. солк.

Бу курдук тыа дьонун өрөгөйдөрө үрдээтэ, үлэһит тимир көлө уруйданна.

📽 Күрэх түгэннэрин анал устууга көр 👆

🚀@suntaar_ulus

Бэйэ бородууксуйатын сайыннарыахха, өрө тутуохха!

👨‍🌾🥩🥛Сунтаар улууһа республикаҕа тыа хаһаайыстыбатын өрө тутан үлэлиир улуустартан биирдэстэрэ буолар. Маныаха нэһилиэнньэни бэйэ оҥорон таһаарбыт хаачыстыбалаах аһынан-үөлүнэн хааччыйыы таһымын үрдэтиигэ, сайыннарыыга, саҥа сүүрээннэри киллэриигэ былааннаах үлэ барар.

Бүгүн улуус баһылыга Анатолий Григорьев оҥорон таһаарыынан дьарыктанар тэрилтэ салайааччыларын кытта көрүстэ, инники үлэни торумнаатылар. Кинилэргэ бэйэ дородууксуйатынан нэһилиэнньэни 100% хааччыйар сорук турар.

Манна даҕатан эттэххэ, биһиги улууспутугар кэлиҥҥи сылларга астыыр-үөллүүр салаа сайдан, оҥорон таһаарар бородууксуйаларын арааһа дэлэйэн иһэр. Холобура, "Татыйыына" фирма эт ас арааһын оҥорон таһаарара кэрэхсэтэр. Оттон Күндэйэҕэ "Тускул" кооператив бэйэ этинэн, балыгынан кэнсиэрбэ оҥороро ураты көстүү.

Инникитин да, бу хайысханы сайыннарыыга, тупсарыыга тустаах үлэ барар.

🚀@suntaar_ulus