Тоҕус оһуордаах түһүлгэ үтүө түмүктээх буолла.

🔹🔹🔹Дьокуускайга икки күннээх тоҕус оһуордаах түһүлгэ бэрт сэргэхтик, көдьүүстээхтик ыытылынна. Уус-уран айымньы 9 араас көрүҥэ Сибиэрэп айар талаанын арылхайдык көрдөрдө, төрүт култуураны өрө тутааччылары сомоҕолоото.

Сунтаар улууһун култууратын биир сүрүн тэрээһинигэр республика араас муннугуттан барыта 797 киһи, ол иһигэр 347 оҕо кыттыыны ылла.

Түһүлгэни түмүктүүр тэрээһиҥҥэ сунтаардар тумулук туттар киһибит политическэй-общественнай деятель Климент Иванов ыалдьыттаата, аан тылы арыйда, эҕэрдэтин эттэ. Кини Сэргэй Сибиэрэп олоҕун бэлиэ түгэннэрин ахтан-санаан ааста, олус элбэх чахчылары кэпсээтэ.

Сүдү киһи үбүлүөйдээх сылын республика таһымыгар бэлиэтиир туһугар Ил Дархан Айсен Николаев анал хамыыһыйаны тэрийэн турар. Хамыыһыйа салайааччыта, Правительство бэрэссэдээтэлин солбуйааччы Сергей Местников - Кыыл Уола саха норуотун дьолугар төрөөн-үөскээн ааспыт улуу киһи. Онон кини аатын үйэтитэр биһиги ытык иэспит.

Маннык үрдүк таһымнаах тэрээһини ыытыыга биһиги биир дойдулаахпыт, "Арктик Капитал" промышленнай тэрилтэ салайааччыта Матвей Евсеев генеральнай спонсорынан буолар. Кини быйылгы тэрээһиҥҥэ 2 мөл. 200 тыһ. солкуобайы үбүлээтэ. Аны эһиил түһүлгэ 5 сыллаах үбүлүөйүгэр 3 мөл.солк. туруоруом диэн мэктиэлээтэ.

9 көрүҥ ахсын кыайыылаахтар 20-лии, 30-туу, 50-нуу тыһ.солк онтон да атын араас сууммалаах уу харчынан наҕараадаланнылар. Ону тэҥэ, муҥутуур кыайыылаахтар сэрэбиэй быһыытынан 400-түү, 200-түү тыһ.солк тардан ыллылар.

Сунтаар улууһун баһылыга Анатолий Григорьев - тоҕус оһуордаах түһүлгэ Сибиэрэп 125 сылын бэлиэтиир тэрээһин үлэлэртэн биирдэстэрэ буолар. Инникитин да киэҥ далааһыннаах, былааннаах дьаһаллар, бырайыактар олоххо киириэхтэрэ. Ол чэрчитинэн, сынньалаҥ пааркабыт саҥардыллыаҕа, култуура эбийиэктэрэ тутуллуохтара, өрөмүөннэниэхтэрэ. Бу барыта биһиги сүдү киһибит Сэргэй Сибиэрэп дьоһуннаах өҥөтө буолар.

Бу курдук, сунтаардар Дьокуускайга төрүт түһүлгэни олохтоон, уус-уран айымньы муҥутуур туонатын төрүттээн Кыыл Уолун албан аатын уруйдаатылар.

🚀@suntaar_ulus

✨️✨️✨️"Тоҕус оһуордаах түһүлгэ" күрэҕэр саамай кыра уонна саамай аҕа кыттааччылары чиэстиир үтүө үгэс баар🙌

Быйылгы күрэххэ кырачаан кыттааччынан Дьокуускай куораттан "Чугдаар" ансаамбыл кэрэчээн кыыһа, 5 саастаах Анита Назарова буолла. Оттон саамай аҕа саастаах ытык кырдьаҕаһынан 87 саастаах оһуохайдьыт Прасковья Машкарова буолла👍👍👍

🚀@suntaar_ulus

Уһун Күөлгэ күөх төлөн оттугу үлэлэтэн саҕалаатылар.

🔹️🔹️🔹️Уһун Күөл нэһилиэгин "Благо" кооператив астыыр-үөллүүр тэрилтэтэ улууска бастакынан гаһынан оттуллар оборудованиены туруоран үлэлэтэн эрэр.

Салайааччы Римма Семенова оттук аныгы, альтернативнай көрүҥүн аан бастаан телевизорынан Ньурба улууһун "Сиибиктэ" фермерскэй хаһаайыстыбаҕа көрөн, тиийэн билсиһэн баҕа санаатын иитиэхтээбитэ.

Ньурбаҕа автономнай газовай оттугу киллэриинэн идэтийэн дьарыктанар Николай Сотниковы кытта сылтан ордук үлэлэһэн, олоххо киирдэ.

Икки 5-тии тонналаах резервуартан газ утаҕа сыах иһигэр киирэн, дьиэни, ууну-хаары барытын сылытар. "Урут чох, мас атыылаһар, икки кочегары тутар этибит, билигин атыыласпат буоллубут, барытын биир үлэһит көрөр-истэр. Билиҥҥитэ 3 эбийиэги сылытабыт" диэн салайааччы кэпсээтэ.

📽Улууска бастакы күөх төлөнүнэн үлэлиир оборудование үлэтин улуус баһылыга Анатолий Григорьев билистэ.

🚀@suntaar_ulus

Ыһыахтыыр түһүлгэ саҥардыллар.

👷‍♂️🏗🌿 Быйылгы үбүлүөйдээх ыһыахха бэлэмнэнии быһыытынан Григорий Саввинов аатынан Сунтаар сынньалаҥ пааркатыгар өрөмүөн үлэтэ күргүөмнээхтик барар. Тутууну бэдэрээччит "Уран" дизайн-студия ыытар.

Манна туох ханнык тутуу үлэтэ барарый?

✅️ Тимир каркаһынан оҥоһуллуохтаах 2000 миэстэҕэ трибуна. Туһаныллар матырыйаал барыта кэлэн турар. Үлэ саҕаланна.

✅️ Хорчуоппа түһүлгэтигэр 12 саҥа эбийиэк тутуллар. Ураты моһуоннаах буолара былааннанар. Тутуу матырыйаала барыта кэллэ.

✅️ Ону тэҥэ, уот ситимин тупсарыы, уунан хааччыйыы ситимин тардыы, толору хааччыллыыны киллэрии, ипподром трибунатын өрөмүөннээһин уо. д. а. үлэ араас көрүҥэ оҥоһуллар.

🚀@suntaar_ulus