Сунтаарга ис суоллар айанньыттарга кыһалҕаны үөскэппэттэрин туһугар үлэни ыыталлар.

🔹🔹🔹Муниципальнай суолталаах айан суолларын улуус дьаһалтатын тутууга управлениета көрөр-истэр, суол куттала суох буолуутугар сылы эргиччи өрөмүөн уонна ыраастыыр үлэлэри ыыталлар.

Бу күннэргэ Тойбохой-Дьаархан хайысхатынан муниципальнай суол кэрчигэр айанньыттарга мэһэйи үөскэппит суол кытыытынааҕы мастары ыраастаатылар.

Үлэни толорорго биир мтз- 82 тыраахтыр уонна биэс суол үлэһиттэрэ, барыта 16 туорааһыннары (повороттары) чөлүгэр түһэриигэ илиинэн үлэлээтилэр.

Үчүгэй суол - куттала суох айаны мэктиэлиир.

🚀@suntaar_ulus

Мария Тараярова - оҕунан ытыыга республика бастыҥ спортсмена!!!

🔹Ааспыт сыллааҕы көрдөрүүнэн республика 10 бастыҥ спортсменын ахсааныгар киирбит Мария Тараярова күнтэн күн ситиһиитэ хаҥыыр.

🔹Оҕунан ытыыга Арассыыйа чемпионатын икки төгүллээх боруонса мэтээллээх спортсмена уонна "Монтенегро" Европа Гран-Притын чөмпүйүөнэ быйыл Европа чемпионатыгар тиийэ сырытта.

🔹Маннык чаҕылхай спортсменнары Сунтаар улууһун дьаһалтата мэлдьи өйүүр үтүө үгэстээх. Бүгүн тустаах тэрилтэ салайааччыларын кытта эҕэрдэлээн туран 100 тыһ. солкуобайдаах сэртипикээти туттардылар, ону тэҥэ кини тренерэ Балдар Балдановы эмиэ эҕэрдэлээтилэр.

Мария билигин Анталия куоракка ыытыллыахтаах "Турция" Гран-При күрэҕэр бэлэмнэнэр.

🚀@suntaar_ulus

Харысхаллар СВО-ҕа сэттэ дьааһык көмө баһыылкатын ыыттылар.

📦📦📦Сунтаар улууһун баһылыга Анатолий Григорьев салайааччылаах делегация СВО-ҕа сулууспалыы сылдьар биир дойдулаахтарбытын көрсөр, көмөнү тириэрдэр сыаллаах айаҥҥа туруннулар. Манна "Харысхаллар" сэттэ дьааһык көмө баһыылкатын ыыттылар.

Волонтердар, тэрилтэ үлэһиттэрэ, бэл диэтэр "Чебурашка" уһуйаан иитиллээччилэрин көмөлөрүнэн, барыта 14 хаххалыыр сиэккэ өрүлүннэ, госпитальга аналлаах таҥас-сап тигилиннэ. Нэһилиэнньэттэн хомуллубут гуманитарнай көмөнү, харысхаллар астаабыт саҥыйахтаах алаадьыларын суулаан-хаалаан, кэмпилиэк оҥорон таһаардылар.

Барыта 140 киилэ ыйааһыннаах көмөнү улуус делегацията уолаттарга илиилэригэр туттарыаҕа.

🚀@suntaar_ulus

🔹️🔹️🔹️Анал байыаннай дьайыы буола турар сиригэр Сунтаар улууһун делегацията айанын салгыыр🙌

Анатолий Григорьев 800-чэ киилэ ыйааһыннаах таһаҕаһы тиэннибит диэн сонунун ыытар👆

🚀@suntaar_ulus