ماعجبت على قوم يعبدون الاصنام بقدر ماعجبت على قوم يعبدون الله ولايؤمنون به.

#سنسيرو@sunseroo

نصيحة تريدون تاخذون بيها بالعافية عليكم متريدون اللهم إني بلغت... نصيحة لاتحسبها حساب ١،٢،٣ وي رب العالمين لان راح يحسبها وياك هيج خلي ثقة بربك انت مدتتعامل وي بشر وسع صدرك ومفهومك اعرف اللّٰه شنو قبل مدكول هاا تعالي نحسبها اذا شتغلت كذا وجمعت كذا وحيصير كذا مراح احصل عربانة مو سيارة...للعلم السيارة اللي بالفيديو موسيارتي مداحجي على نوع محدد ولا طريقة محدد السر كلة بالسعيبي انك ماتهدر وقتك ولايوم من ايامك من غير ماتتقدم لهدفك خطوة لعد احنا ليش نكول اللّٰه يوفقك والله يجازيك!!! والله يبارك بيك هاي مو حجايات التنكال عيب عليكم... حسيت اريد ارزل 😆
... بس جد تره اللّٰه العظيم افهم اسمائة وصفاتة قبل ما تحسب امورك ع كدك انت سوي خطة وفكر ورتب بس لاتفكر بالنتيجة اللي حسبتها انو تحصلها ضبط مثل لبعقلك المحدود كول اللّٰه يباركلي بمساعي وبرزقي وشوف الوفرة...اني مطلعت احجي شي شخصي انو اطلع سيارتي او احجي خصوصيات دا احجي مبادئ افتهمتها بصعوبة وبدروس بالحياة قبل ما اربح جنت اخسرر بس اني كلشي اربطه بالله انت لازم تتفكر اللّٰه سبحانه ليش خلاك بكذا موقف بكذا درس بكذا ناس حتى تتعلم حتى يرفعك ويزيد قيمتك ب ابتلاء قبل اليسر يخليك تنضج وتكون مثال حقيقي لمعنى انساااان مو حيوان حشاكم انت حامل آمانه كبرى طور عقليتك بس سوالف الجذب والطاقة تكيفولها بس من اكول رب العالمين تناقشون وبالنهاية اني داحجي ع مجتمعي وناسي اللي مثلي ومثلك.
#سنسيرو@sunseroo

(أَنْفِق يا ابن آدم أُنْفِق عليك )
منزلة الحديث
هذا الحديث من الأحاديث العظيمة التي تحث على الصدقة والبذل والإنفاق في سبيل الله ، وأنها من أعظم أسباب البركة في الرزق ومضاعفته
#سنسيرو@sunseroo

دخل النبي ﷺ على بلال بن رباح رضي الله عنه، فوجد عنده صُبْرَةً (أي كومةً) من التمر ادّخرها لضيوفه. فقال له النبي ﷺ: "ما هذا يا بلال؟"، فأجاب بلال: "أعدّ ذلك لأضيافك". فحذّره النبي ﷺ من عاقبة ادخار المال مع وجود المحتاجين قائلاً: "(أما تخشى أن يكون له بُخارٌ في نار جهنم؟ أنفق يا بلال، ولا تخشَ من ذي العرش إقلالاً)".
شرح معاني الحديث:
أي لا تخف من الفقر ونفاد المال بسبب التبرع، فالله مالك العرش هو الرزاق.
#سنسيرو@sunseroo

لابسة شرعي أعرض من برشوت ويجي خادم لا يفقه شيء يكلي وين عباتيييج
يقصد الجبة السوده مو ام الراس يعني عادي تلبسين جبة وتقصفيها من الخصر وتكعدين ® وللعلم هذا طبقتين حتى لايشف ولا يصف بس عادي العلج والمكياج والجبة والتخصر رغم مالي علاقة بالناس.
ومره هم مناسبة عيد مثل اليوم أو مولود جان جنت لابسه هم نفسه شرعي أحمر ماقبلو يعني يش رابطين أهل البيت بالحزن والسواد ميصير نفرح بعيد الغدير لو بولاده إمام!إبس الدبكات والركص وسد الشارع عادي!يصير نفرح بألف طريقة أهل البيت نفرح بوجودهم وبدخلتنا عليهم بالزيارة أجي بأحسن هندام ليش نربطهم بالسواد!والحزن هم انتصروا واعظم شيء الشهادة في سبيل اللّٰه من نحزن ع مصابهم نحزن ع نفسنا مانصرناهم ولحد الان نسكت عن الحق والظلم
#سنسيرو@sunseroo

يحتاجلك شغل هواي يعني تشتغل ع نفسك قبل دراستك بس بما انو انت هسه بيها لازم تكملها دراستك
والوقت اللي راح تاخذه حتى تشتغل بي ع نفسك تندم علييه بعدين لان بعدين من تتعافى حتشوف حرامات اذيت نفسك علمود اشخاص ثانين

فنكدر نعجل هاي العمليه اذا انت تشجعت واخذت قرار وبديت صفحة جديده وي نفسك

#سنسيرو@sunseroo

اولا بالنسبه لاصدقائك ف الحياة رحلة متغيره مو ثابته واعرف هذا الكلام ميشفي غليلك بس لان انت شخص وفي وتقدر الصداقه بس مو كل الناس مثل الحياة تمشي ولا معنى انو همة اشرار بالنسبه اللي نسو مو اللي ماقدرو مثلا اللي راح للجامعه وقل تواصله هذا ممكن مناسيك بس هي الحياة تلهييي خاصه الجامعه شي جديد وناس جديده يمكن يقصرون بس اذا مقدرين مراح ينسون وذا دكول شنو سبب لمريت بي وي اصدقائك ف حتى تقلل تعلق دايما وتحسب انه لكل شخص هو فتره تتعلم منه شي ويروح موشرط يبقى ولا شرط تحقد علييه ف اول شي تسوي لموضوع الاصدقاء حتى ترتاح منه هو التسررريح سرحهم ب احسان بينك وبين نفسك كول يفلان الله يوفقك روح وعيش حياتك وذا انت مقصر وياي الله يسامحك والله يعوضني ب شخص خير منك صدكني ادعيلهم راح ترتاح يمكن حتشوف ساره دتحجي حجي مو منطقي بس اني متاكدة منه وذا متريد حل لروحك لاتسوي الله مايغير ب انسان الا من يبدي يقرر يغير بنفسه ويسوي كل مشوره ممكن يحصلها من احد ويطبقها بدون تطبيق هالكلام حتظل نفس وضعيه
#سنسيرو@sunseroo

بالنسبه لصحتك اولا لازم تهتم بيها بشكل جدي موعلمود احد علمود نفسك انه اذا انت مهتم بنفسك فعلا وماتتعرض لشي يزيد وضعك سوء وحذر محد يتجرأ يكلك وذا مريض ف حافظ على نفسك لنفسك لان انت ممكن ماتلاحظ مرات الشخص بمرحلة السادس نفسه تأمره بالسوء انه صح بي شي متعب بس عقلك يكبره يكبره ويصير كلشي حدما يوقفك الظروف تجي صح بس لانخلي كل حياتك ظروف هذه مو حقيقه هذه شي نفسك وعقلك يأمروك بيها حتى تتكاسل وتتخذه عذر اقره واجتهد ب ايامك الزينه حتى ايامك الموزينه ترتاح بيها
#سنسيرو@sunseroo

بالنسبه لاهلك انت تحس مامسموع مهمل متستاهل هذا منهم بس همة يشوفك لهسه طفل وانت بداخلك موهيج ف ماتكدر تغير اللي طبع بس تكدر تحجي بوضوح اللي دتعاني يعني لدكول ماكدر لدكول تعبان كول القصه كامله شلون هسه دتشرحلي كلشي خاصه اذا همة بيهم مجال يسمعون وصدكني دام يكلولك انت متطلع انت متجيب صح غلط بس تره همة مهتمين بس يشتغلون عكسي انو عند هيج يحفزوك وتجيب معدل وتكسر كلامهم ف بالنسبه لاهلك صادقهم شوف الشي الزين بيهم
#سنسيرو@sunseroo

اما حالتك اللي دكول ماعرف شبيه وماكدر اقره هي من الشيطان ومن نفسك الامارة بالسوء انت مابيك شي اقتنع ولاتخلي عقلك يسيطر عليك ولا جسمك من يحسسك تتعب السادس مرحله بحياة الانسان مو كلشي انجح وخلص جيب على كد مستواك وكمل حياتك لاتنطي عمر كامل لمحطه عابرة وانت ٢٠٠٦ شلون دكول عمري خلص!!! دام يوميه انت تتنفس وعايش فهي فرصه جديده ولادكول مالحك وماكدر كول اكدر وحتى تكدر تسوي هذا كله انت لازم ترجع علاقتك برب العالمين بشكل جدي وتروح للجم مو شرط تطلع وتشوف احد
#سنسيرو@sunseroo

وخلي بالك شغله وحده انت واحد وراح تتحاسب واحد وحياتك واحد الناس مهمة بس مو كلشي لان محد ينجح اذا ميقره ومحد يحصل اذا ميشتغل ومحد يحقق اذا ميسعى يعني من هذا كله نستنتج الرحلة فريده والامور وياك هسه دتشوفها ظلمة لان انت بداخلها من تطلع حتشوف مو كلشي جان يسوه يتعبك خليك انت بطل حياتك ونفسك مو مهم احد لان هاي رحلتك انت محد حينقذك ويغير من حالك غير نفسك
الحلول/التسريح التقبل ولاتستهين بالصلاة والرياضة حتتغير تلقائيا اذا التزمت بذني وسوي لنفسك جدول ومهام يوميه حتى تعرف ترتب يومك
#سنسيرو@sunseroo

اما بالنسبه لرساله المعهد فهي مو قاسيه انت المجروح تشوفها قاسيه ممكن المدير قاسي إي لكن مو بس وياك هو شخص قاسي لان يفكر بنفسه وبالمعهد ميهمه فلان او فلان هو يباوع عليكم ك ارقام ونسبه من يحجي عليك علمود مصلحته وسمعه معهده ف ميشوف كدامه انت صاحي مريض زين موزين مايهمة فهذا شخص اذا انت بمعهده لازم تحرص هو هيج هذا الواقع هذا الخطوه الثانية اللي لازم تسوي هي التقبل تقبل الواقع
#سنسيرو@sunseroo

اشتريت سيارتي وبعد شهرين بس اندعمت من جتني صديقتي للبيت كالت توقعت اشوفج منهاره تبچين مشاء الله اقوى من الحديد هذا هو الرضا هواي اشخاص من يصيبه قدر يكلك لا أني مؤمن بس تشوف ملامح السخط بحديثه و بافكاره وتذمره (إِذَا مَسَّهُ الشَّرُّ جَزُوعًا * وَإِذَا مَسَّهُ الْخَيْرُ مَنُوعًا].)من اركان الايمان الرضا بقضاء الله وقدره مو بس لفظا يقينا من داخلك بوقتها من صابني مكروه كلت السيده زينب كالتة: "إلهي إن كان هذا يرضيك فخذ حتى ترضى" وع كلبي ثلج ماعرف الله شنو دفع عني بهالقدر جربتي بكل شهر ماتصير الشغله اللي تريديها دكولين شكرا الك ربي ماخليتها تصير جربتي احد ياذيج بدل ماتدعين علييه وتاكلين بنفسج دكولين الله يرزقه بنعمه تشغله عني الله يهدي جربتو تحمدون الله ع كلشي يصير وياكم سيء وجيد هذا هو الرضا ومن غيره مراح تتعجل المسرات
#سنسيرو@sunseroo

دعوتُ اللّٰه يوماً أن يجعل صيتي مِثل الشمس ☀️
لا يخفى على أحد ، وأن يكون نفعي فياضاً أينما حَل ذكري ، وأن أكون نورًا براقاً يكتسح شعاعه غياهِب الظلام
#سنسيرو@sunseroo

عَشْرُ دَعَواتٍ ثابتةٌ عن النبي

اللَّهُمَّ اِتَنا في الدنيا حَسَنَة، وفي الآخِرَةِ حَسَنَة، وقنَا عَذَابَ النار.
اللَّهُمَّ إِني أسالُكَ الهُدَى وَالتُقَى وَالعَفَافَ والغِنَّى.
اللّهُمَّ مُصرِّفَ القلوبِ صَرّف قلوبَنا على طاعتِك.
اللّهمَّ إِني أعوذُ بك من جَهْدِ البلاء، ودَرَكِ الشقاء، وسوء القضاء، وشماتة الأعداء.
الَّهُمَ أصلح لي ديني الذي هو عِصْمَةُ أمري، وأصلحْ لي دُنيايَ التي فيها مَعَاشيٍ، وأصلحْ لي آخِرَي التي فيها مَعَادي، واجْعَل
الحياةَ زيادةً لي في كلّ خير، واجْعَل الموتَ راحةً لي من كل شرّ.
اللّهُمّ آتِ نفسي تَقواها، وذكِّها أنتَ خيرُ مَن زكاها، أنتَ وَليها ومَوْلاها.
الَّهُمّ إِنَّ أعوذُبَكَ مِن زَوَال نِعْمَتِك، وتَحَوُل عافِيَتِك وفُجَاءةٍ نِقْمَتِك،
وجَميع سَخَطِك
• اللَّهُمَّ اغْفِرْ لي خَطِيئتي، وجَهْلٍ، وإسرافي في أمري، وما أنتَ أعلَمُ
بِهِ مِنِّي
اللَهُمَّ اغْفِرْ لي جِدِّي وهَزْلي، وخَطَئي وعَمْدي، وكُلُ ذلِكَ عِنْدي،
اللَّهُمَّ اغْفِرْ لي ما قَدَّمْتُ وما أَخَرْتُ، وما أَسْرَرْتُ وما أَعْلَنْتُ. وما أنتَ أَعْلَمُ بِهِ مِنِّي، أنتَ المُقَدَّمُ وأنتَ المُؤَخّر، وأنتَ على كَّل شيءٍ
قدير.
اللَّهُمَ إِنِّي أعوذُ بِكَ مِنْ عِلْمِ لا يَنْفَعِ، ومِنْ قلبٍ لا يَخْشَع، ومِنْ نَفْسٍ لا تَشْبَع، ومِنْ دَعْوَةٍ لا يُسْتَجَابُ لها.
اللّمُّ اكْفِنِي بحلالكَ عَنْ حَرَامِكَ، وَأَغْنِنِي بِفَضْلِكَ عَمَّنْ سِوَاك.
#سنسيرو@sunseroo