وهما نص المجتمع متربي غلط،وكلهم يعاودوا فنفس الغلطه من اجدادهم وهلهم كأن شي متوارث ولازم كلهم يربوا زي بعضهم

تقريبًا نادر تلقى إنسان سويّ نفسيًا في مجتمعنا توا الا من رحم ربي

للحظة لوهلة ننصدم أني كاتبة كمية الكلام يلي فالقناة هذا كله سواءً كان من تجاربي الشخصية او من اراء وأحلام مزال ما عشتهن وجربتهن،

باهي الموضوع مش هنا نقدر في يوم نحذف القناة والكلام يلي فيها يعدي في حاله بس هل بعد تفريغي فالكلام يلي فالقناة هذا كله حيخليني ننسى ويطلع الكلام يلي كتبته من راسي نهائيًا ؟ الجواب لا، باهي شن الفائدة وانا عليش نكتب اصلًا ؟ هل عشان عقلي يصيرله تفريغ وننسى ويكون اخف؟ او عشان الكتابة شعور يخليك احسن؟

نحس حيكون الجواب الثاني، باهي ليش؟ لان التجارب جزء من الذكريات هل حنقدروا ننسوا تجربة عشناها؟ لا

لكن أنا كنت نتمنى يكون الجواب الأول لأن كمية الكلام يلي كاتبته فالقناة كله قاعد متراكم فراسي بطريقة اديرلي في صداع، صح أنا منذكرش في أي شي كتبته فالقناة ويمكن حتى الكلام يلي نكتب فيه توا ننساه بعد ايام بس برضوا بطريقة ما قاعد فراسي حتى لو منفكرش فيه نحس فيهن كأنهن معلومات راقدة بس حملهن فراسي قاعد

نحس كل بداية شهر جديد بداية جديدة وكأن الحياة تعاودت من أول نقطة وكأن ما عشنا شي وما درنا شي،

شعور الشهر الجديد غريب جدًا

"لا تُطعم طعامك لمن لا يشتهيه"

عن البذل في غير موضعه، وأيضاً عن مشاركة إنجازاتك وخطواتك مع مَن لا يأبه لها (أو بالأحرى لا يأبه لك أنت)

nothing

كلامي فالقناة رايح مش مرتب نفكر بطريقة عشوائية

ما الغاية من الوصول، إذا كانت الغاية النهائية هيا الوصول لخط النهاية وخط النهاية هي البداية من جديد؟

حقيقة الإنسان يلي مايقدرش يزيفها عن نفسه لما يكون وحده بينه وبين نفسه، هل مبادئة وشخصيته وأفكاره فالعلن والسر هوا نفسهن يلي يطلع فيهن قدام الناس؟
او داير شخصية تانية عن شخصيته الحقيقية خوفًا من حكم المجتمع والرفض،

اصدق اختبار للانسان لما يكون وحده، الشخص لما بيعرف شن هوا شخصيته الحقيقية عشان "ذاتك الداخلي" اصدق شي مافيش حد قادر يسمع صوت حقيقتك الا هيا، طبعًا ذات الإنسان تخاف حد يعرف حقيقتها كاملة، بس بينها وبين نفسها تجلدك بدون تلميع او التغيير في حقيقتك

⁣💌 وصلتك رسالة جديدة
⏱ وقت الرسالة: 2026/03/13 - 08:22:06 AM
----
قريت كم حاجه كاتبتيها في قناتك لدرجة اثرتي في الاهتمام ولقيت روحي نقرا لمده..شخصيتك جميلة وتفكيرك وأسلوبك يسر الخاطر، ربي يسعدك ويزيدك من فضله 🩵
----

- تبرع لإستمرار عمل بوت صارحني 🎁

march 14

يوم ميلادي،
نسأل الله انّ يعوضني بعوضه التام عن كل الظروف والاشياء السيئة يلي مريت بيهن وعن كل فقد وخسارة وعن كل حلم متحققش،وانّ يهب لي خير الاقدار وخير الناس وخير النجاحات وان يجعلني خير الإنسانة التقية كما يحب ويرضى وأن يجعلني خفيفة الروح محبوبه عند عباده💕