sometimes, my imaginary expectations about something turn out to be not imaginary, but real expectations

my fav number 11

قال رسول الله ﷺ
ما من أحدٍ يُسلم علي إلا رد الله عليَّ روحي حتى أردَّ عليه السلام،
اللهم صل وسلم وبارك على سيدنا محمد وعلى آله وصحبه أجمعين

اخر ثلاث شهور من السنة ديما غريبات وشعورهن غريب، وديما يصيرن فيهن احداث وحاجات غريبة وعادةً يكونن احداث سلبية وسيئة
( عن تجربة السنة هذي والسنة يلي قبلها)

النوتس الحقيقي مش قناتي ولا حتى محفظة تليفوني ولا دفتر التدوين متاعي الواقعي، مشاعري الحقيقية غير مرئية الا في داخلي معمريش فكرت اني نطلعهن الا بيني وبين نفسي، الاشياء يلي نكتب فيهن فالقناة ميطقنش 5% وجزء ناقص من الحقيقة الأصلية والتجربة يلي مريت بيها سوا هالشي جميل او سيئ، المواقف، الكلمات، الأحلام، التجارب، مشاعري وعاطفتي، وحتى ذوقي بشكل العام تجاه كل شيئ، ف يبدوا عندكم ان ديما نحكي فالقناة وانكم تعرفوا عليا كل شي بس هذا كله من ال5% يلي انا نبي نبينه عن قصد أما عن الأشياء الثمينة يلي معمريش قررت نحكيهن هنا ال95%

اللحظة اللي تحس فيها انك فعلًا نضجت هي اللحظة اللي توقف فيها تعطي مساحة لقلبك للكره وتفهم أن الوقت والطاقة اللي تستهلكها في المشاعر السلبية مجرد نزيف عبثي ما له أي عائد باختصار يا حب يا ما عندك مشاعر عندي

عبودية أزلية لجاكة الترانشكوت

infp = overthinking

الشي يلي نحبه ف نفسي إني تعلمت منكونش شخص يخاف أو يحب يزيف نفسه، نحكي عيوبي بصوت عالي وأغلاطي وأفكاري ومشاعري بدون خوف من حكم الناس عليا أو نظرتهم تجاهي، نظرتهم مهما كانت مش حتكون أسوء من إنكار الذات أو العيش ف جهل

بلعكس، نظرة الناس الطبيعيين يلي مش متخلفين أو منغلقين زي الأجيال القديمه ف المجتمع حتكون أحسن لما تشوفك شخص منفتح ع نفسه وفاهم إن المثالية مشروع زائف وإنه برضو عادي لو فيه ناس كانت أقرب للمثالية ف عين ناس ثانية وأني منكونش منهم

وزيادة عليها منعرفش شن الشي يلي يخليني ديما نطلع سلبياتي وعيوبي قدام الناس يلي في حياتي ونقعد حريصة مانطلعش أي جانب جميل ليا متاع نشوف هل هالشخص حيرضى بعيوبي قبل مميزاتي؟
,هما عرم أسباب يخلوني مانبينش الصفات لكويسة فيا اولهم مش كيف يلي حبك عشان صفاتك جميلة كيف يلي حبك بعيوبك وسلبياتك, الأول عادةً ما يادوم عكس الثاني ديما يطول لوقت اكثر يلي تعود عليك ديما جميل ومثالي لو جا يوم وشاف منك شوية نقص حينقد عليك ويمكن شعوره تجاهك ما يكونش كيف المعتاد, عكس لما من البداية توري الجانب السلبي حتلقي فئة من الناس يرضو بيك والفئة الثانية لا وهذا المطلوب الشفافية

بما أني إنسانة شغوفة بالكرتون ونفضل فيهن اكثر من باقي المحتويات، فيلم (all dogs go to heaven1989) لفت نظري فالريلز أكثر من مرة قررت نقرا قصته ونتفرج عليه، الطفلة الي ادت صوت البنت الصغيرة فالفيلم آن ماري اسمها جوديث بارسي اخر صوت تسجله فالفيلم قبل ما ينعرض،
جوديث وأمها انقتلوا على يد باتها في سنة 1988 وبعدها انتحر، وكان عمر جوديث وقتها عشر سنوات تقريبًا وكان سيئ وديما مش في وعيه

بيرت رينولدز الي كان يأدي في صوت تشارلي(الكلب) عرف بخبر وفاة جوديث قبل تصوير المشهد متاعه وصادف نهاية الفيلم مع موت جوديث ويُقال ان المشهد كان صعب عليه لدرجة استغرق 60 محاولة عشان ينجح بسبب حزنه ع موت جوديث