أغلب الصور الشخصية متاعات قناتي يمثلني ويجسدن شيئ من شخصيتي ولكل شيئ عندي ليه معنى يخصني، بس الصورة هذي حرفيًا أكثر صورة قدرت تعبر عليا خاصة في رآكشن وجها وحركة يديها وممكن أكثر صورة حبيتها من أول ما فتحت القناة هيا

{رَبِّ اغْفِرْ لِي وَلِوَالِدَيَّ}

لو مكانش نمطي enfp كنت حنتمنى يكون نمطي enfp

عشان نمط ماحد يقدر يفهمه لان هوا بروحه مش فاهم نفسه

زي ان يبي الحاجة وميعديش يطلبها وياخذها يبي الحاجة تجي لعنده بدون ما يحكي ويزعل لو مجاتش مع ان كانت عنده فرصة ولا يتصرف تصرف عكس ما بداخله يقول حاجة وهوا مش هك اصلًا ويكذب في مشاعره ويخفيهن حتى ع نفسه ولغة الحب عنده بطرق عبيطة وعنيفة زي العرايك والهزايب طول الوقت نادر ما يتصرف بلطف بطريقة علنية مع ان هوا من جوا لطيف لكن ميحبش يبين للناس الجزء هذا وميحبش يبين مشاكله وضعفه لحد ويحب يسمع للناس لكن ميحبش يسمع الناس حاجة عليه او يحكي في شي يخصه واجتماعي بطريقة محدودة وانطوائي بطريقة كبيرة يعني يفضل ان يكون وحده على ان يكون مع الناس لان فالمعتاد ماحد يقدر يفهم شخصيته وتكمل عرايك ومشاكل والجانب السلبي ان ما يبررش ويدافع عن نفسه حتى لو مظلوم يحب ان يختار السكوت

حياتي الفترة هذي،
نوم
بودكاست
ونقفل تليفوني

في كل برنامج مختارة ناس معينة ليه، فيه يلي منضيفش فالبرنامج هذا ونضيفه فبرنامج واحد تاني وفي يلي نضيفه فيهن كلهن وفي يلي منضيفش في ولا برنامج، نحس لكل برنامج لازم يكونوا ناس معينة فيه ع حسب الشخص ومدى قربي وجوي بيه، لكن اكثر شيئ يختلف عندي فالبرامج وحريصة عليه هوا التيكتوك مش ضايفة فيه الا الناس يلي نحبهم ونوثق فيهم وتقريبًا كلهم معارف شخصية وزيادة لحساب درته برايفت فَYou are a special person لأي شخص عندي عالتيكتوك 💌.

نمط infp وهوا جاي يصاحب الenfp عشان محد حيفهم عليه اكثر منا رغم انهم التوأم المختلف وinfp حيكون اجتماعي مع النمط هذا رغم انطوائيته الكبيرة وكرها للضجة وتعامله مع الناس

كل فترة ندير فيه كان يطلعلي enfp فكل مرة لكن امس طلعلي infp

نحس كانت تطلعلي e بدال i عشان اجتماعيتي الزايدة مع صحباتي لكن توا نقلب الحرف للi عشان حتى هنا معش عندي جهد نكلمهن ونتراسل معاهن ديما كثر خيري لو فالاسبوع حكيت معاهن مرة

لكن برضو النمط ما يتحكمش فيا لان كيف ما نبي روحي مرات نحب نحكي ومرات فجأة منحبش نحكي يعني كل يوم بيومه

يعني لو كل بعد كم يوم درته مرة حيطلع i ومرة حيطلع e متأكدة الحرف كل فترة ينقلب

اخرى لو كان enfp مش حنكون معناها اجتماعية مع كل الناس لاء مع صحباتي بس ومش صحباتي كلهن كم نفرونه معينة

u cannot speak butterfly language with caterpillar people.

نحب ريبوستاتي لدرجة نديرهم عشان نخش نتفرج عليهم أنا مش عشان خاطر الناس

Princess Diana's personality type: infp , enfp