မန်ယူနိုက်တက်အသင်းဟာ ဖူလ်ဟမ်အသင်းနဲ့ သရေကျပြီး ပရီးမီးယားလိဂ်မှာ နိုင်ပွဲဆက်တိုက်ပျောက်ဆုံးနေပါတယ်။ ပရီးမီးယားလိဂ်ပွဲစဉ်(၅)အဖြစ်ကစားခဲ့တဲ့ပွဲမှာ ဖူလ်ဟမ်(၁-၁)မန်ယူနိုက်တက် ရလဒ်ထွက်ပေါ်ခဲ့တာ ဖြစ်ပါတယ်။

ဒီပွဲရဲ့ပထမပိုင်းမှာ ဘယ်အသင်းကမှ ဂိုးသွင်းယူနိုင်ခဲ့ခြင်းမရှိဘဲ သွင်းဂိုးတွေကို ဒုတိယပိုင်းမှ ရရှိခဲ့တာပါ။ ပွဲချိန်(၆၃)မိနစ်မှာ ဖူလ်ဟမ်အသင်း ဦးဆောင်ဂိုးရခဲ့ပြီး ဘတ်ဆေးရဲ့ကန်သွင်းမှုကို မန်ယူနိုက်တက်အသင်းဂိုးသမားလမ်းမန်စ်ကာကွယ်ရာမှာ မာတီနက်ဇ်နဲ့ ထိပြီး ဂိုးဝင်သွားခဲ့တာ ဖြစ်ပါတယ်။

ဒီဂိုးပေးရပြီးနောက်မှာ မန်ယူနိုက်တက်အသင်းဟာ ချေပဂိုးရဖို့ ဆက်တိုက်ဖိအားပေးခဲ့တာကြောင့် ပွဲချိန်(၈၉)မိနစ်မှာ ချေပဂိုးရခဲ့ပြီး ကွန်ညာက သွင်းယူခဲ့တာပါ။ မန်ယူနိုက်တက်အသင်းဟာ ဒီပွဲရလဒ်ကြောင့် ပရီးမီးယားလိဂ်(၅)ပွဲကစားအပြီးမှာ ရမှတ်(၅)မှတ်သာရရှိသေးသလို ဖူလ်ဟမ်အသင်းက ရမှတ်(၂)မှတ်ရရှိထားပါတယ်။
#sport
#555mix
#ibet789

FIFA ASEAN Cup 2026 ပြိုင်ပွဲအတွက် မြန်မာ့လက်ရွေးစင်အသင်း လူစာရင်း ထုတ်ပြန်ခဲ့ပါတယ်။ ဒီလူစာရင်းမှာ အတွေ့အကြုံရှိကစားသမားတွေနဲ့အတူ လူငယ်ကစားသမားတွေလည်း ပါဝင်လာခဲ့ကြပါတယ်။

ကောင်းခန့်ကျော်၊ မိုးဆွေနဲ့ ပြည့်စုံအောင်တို့ဟာ FIFA ASEAN Cup ပြိုင်ပွဲအတွက် ပထမဆုံးအကြိမ် စီနီယာလက်ရွေးစင်အသင်း လူစာရင်းမှာ ပါဝင်လာတဲ့ လူငယ်ကစားသမားတွေဖြစ်ကြပါတယ်။ ရှိုင်းဝဏ္ဏအောင်နဲ့ မြတ်ဖုန်းခန့်တို့လို လူငယ်ကစားသမားတွေလည်း မြန်မာအသင်းကြီးလူစာရင်းမှာ ဆက်တိုက်ပါဝင်ခဲ့ကြတာပါ။

အဓိက ကစားသမားတွေဖြစ်တဲ့ မောင်မောင်လွင်နဲ့ ဟိန်းဖြိုးဝင်းတို့က ဒူးဒဏ်ရာကြောင့် ဒီပြိုင်ပွဲကို လွဲချော်ခဲ့ပါတယ်။ FIFA ASEAN Cup 2026 မှာ မြန်မာအသင်းဟာ ကမ္ဘောဒီးယား၊ တီမောအသင်းတို့နဲ့ အုပ်စု B မှာ ကျရောက်နေပြီး အဖွင့်ပွဲအဖြစ် စက်တင်ဘာ(၂၄)ရက်မြန်မာစံတော်ချိန် ညနေ (၆:၃၀)နာရီမှာ တီမော၊ စက်တင်ဘာ(၂၇)ရက် ညနေ (၄:၃၀)နာရီမှာ ကမ္ဘောဒီးယားအသင်းနဲ့ ယှဉ်ပြိုင်မှာပါ။

အုပ်စု B တွင် ပထမနေရာရရှိတဲ့ အသင်းဟာ Group A မှာ ပထမနေရာရရှိတဲ့အသင်းနဲ့ အောက်တိုဘာ (၃) ရက်မှာ ဗိုလ်လုပွဲ ယှဉ်ပြိုင်ရမှာဖြစ်ပါတယ်။
#sport
#555mix
#ibet789

အင်္ဂလန်အသင်းအတွက် ပယ်နယ်တီကန်သွင်းရာမှာ လွဲချော်လေ့သိပ်မရှိတဲ့ အသင်းခေါင်းဆောင်ဟာရီကိန်းဟာ ကမ္ဘာ့ချန်ပီယံအသင်းတွေနဲ့ ယှဉ်ပြိုင်ကစားချိန်မှာတော့ ကောင်းမွန်မှုမရှိတဲ့ မှတ်တမ်းတစ်ခုကို ဆက်ထိန်းသိမ်းခဲ့ပါတယ်။

ဟာရီကိန်းဟာ ဒီမနက်က ကစားခဲ့တဲ့ အင်္ဂလန်(၂-၃)စပိန် Nations League ပွဲမှာ ဂိုးသွင်းနိုင်ခဲ့ပေမယ့် ဒုတိယပိုင်းမှာ ရရှိတဲ့ ပယ်နယ်တီကို ကန်သွင်းရာမှာ တိုင်ထိသွားခဲ့တာ ဖြစ်ပါတယ်။ ဟာရီကိန်းဟာ ကမ္ဘာ့ဖလားလက်ရှိချန်ပီယံ စပိန်အသင်းနဲ့ပွဲမှာ ပယ်နယ်တီလွဲချော်ခဲ့သလို ဒီမတိုင်မီ အင်္ဂလန်အသင်းအတွက် သူပယ်နယ်တီလွဲချော်ခဲ့တာက ၂၀၂၂ ခုနှစ်၊ဒီဇင်ဘာက ပြင်သစ်အသင်းနဲ့ပွဲပါ။

အဆိုပါအချိန်က ပြင်သစ်အသင်းဟာ ကမ္ဘာ့ဖလားပြိုင်ပွဲရဲ့လက်ရှိချန်ပီယံအသင်းဖြစ်ပါတယ်။ အဲ့ဒါကြောင့် အင်္ဂလန်အသင်းအတွက် ဟာရီကိန်းနောက်ဆုံးလွဲချော်ခဲ့တဲ့ ပယ်နယ်တီ(၂)ကြိမ်စလုံးဟာ ကမ္ဘာ့ဖလားလက်ရှိချန်ပီယံအသင်းတွေနဲ့ ယှဉ်ပြိုင်ကစားတဲ့ ပွဲတွေဖြစ်ခဲ့ပါတယ်။

ပေါ်တူဂီအသင်းခေါင်းဆောင်စီရော်နယ်လ်ဒိုဟာ (၁၈)နှစ်အတွင်း ပထမဆုံးအကြိမ် နိုင်ငံအသင်းရဲ့ပွဲကို ပါဝင်ကစားရခြင်းမရှိဘဲ ပွဲအစကနေ အဆုံးအထိ အရန်ခုံပေါ်မှာ ကြည့်ခဲ့ရပါတယ်။ ပေါ်တူဂီအသင်းက နော်ဝေအသင်းကို (၂-၁)ဂိုးနဲ့ အနိုင်ရခဲ့တဲ့ Nations League ပွဲမှာ စီရော်နယ်လ်ဒိုဟာ လူစားဝင်အဖြစ်တောင် ပါဝင်ခဲ့ရခြင်းမရှိတာ ဖြစ်ပါတယ်။

စီရော်နယ်လ်ဒိုဟာ ယူရို-၂၀၀၈ ပြိုင်ပွဲနောက်ပိုင်း ပထမဆုံးအကြိမ် ပေါ်တူဂီအသင်းရဲ့ပွဲကို အရန်ခုံပေါ်ကနေ ပွဲပြီးဆုံးတဲ့အထိ ကြည့်ခဲ့ရတာပါ။ စီရော်နယ်လ်ဒိုဟာ ပွဲကစားခွင့်မရခဲ့တာကြောင့် ပွဲပြီးဆုံးချိန်မှာ ပရိသတ်တွေကို နှုတ်ဆက်ဖို့ အသင်းဖော်တွေနဲ့အတူ ရှိမနေခဲ့ဘဲ ဥမင်ထဲကို ချက်ချင်းဝင်ရောက်သွားခဲ့တာဖြစ်ပါတယ်။

ပေါ်တူဂီအသင်းနည်းပြဂျော့ချ်ဂျီးဆပ်က ပရိသတ်တွေကို နှုတ်မဆက်ခဲ့တာနဲ့ပတ်သက်ပြီး စီရော်နယ်လ်ဒို တစ်ဦးတည်းသာ ဖြေဆိုနိုင်မယ်လို့ ဆိုခဲ့တာပါ။ စီရော်နယ်လ်ဒိုဟာ ဒီပွဲမှာမပါဝင်ခဲ့ပေမယ့် လာမယ့်ဒိန်းမတ်အသင်းနဲ့ပွဲမှာ ပေါ်တူဂီအသင်းရဲ့ပွဲထွက်လူစာရင်းထဲ ပါဝင်နိုင်တယ်လို့ နည်းပြဂျော့ချ်ဂျီးဆပ်စ်က ဆိုခဲ့ပါတယ်။
#555mix
#ibet789
#moung556

စပိန်-ခရိုအေးရှား Nations League ပွဲမတိုင်မီ ခရိုအေးရှားကွင်းလယ်လူကိုဗာချစ်က စပိန်အသင်းဟာ လက်ရှိအချိန်မှာ ကမ္ဘာ့အကောင်းဆုံးအသင်းဖြစ်ပေမယ့် သူတို့ထဲက ဘယ်သူကမှကြောက်နေမှာမဟုတ်ဘူးလို့ ဆိုခဲ့ပါတယ်။

စပိန်အသင်းဟာ လက်ရှိမှာ ပြိုင်ပွဲစုံရှုံးပွဲမရှိတာ (၃၉)ပွဲဆက်တိုက်ရှိလာခဲ့ပြီး ဒီကာလအတွင်းမှာ ယူရို-၂၀၂၄ နဲ့ ၂၀၂၆ ကမ္ဘာ့ဖလားချန်ပီယံဆုကို ရယူနိုင်ခဲ့ပါတယ်။

စပိန်အသင်းဟာ Nations League ပြိုင်ပွဲအုပ်စုမှာ အင်္ဂလန်၊ခရိုအေးရှား၊ချက်အသင်းတို့နဲ့ တစ်အုပ်စုတည်းကျရောက်ခဲ့ပြီး အဖွင့်ပွဲမှာ အင်္ဂလန်အသင်းကို (၃-၂)ဂိုးနဲ့ အနိုင်ရခဲ့ပါတယ်။ ခရိုအေးရှားအသင်းကလည်း အဖွင့်ပွဲမှာ ချက်အသင်းကို (၂-၁)ဂိုးနဲ့ အနိုင်ရခဲ့တာပါ။

ပွဲကြိုမီဒီယာတွေ့ဆုံမှုမှာ ကိုဗာချစ်က "ကမ္ဘာ့အကောင်းဆုံးအသင်းနဲ့ ရင်ဆိုင်ရမယ့် ဒီပွဲဟာ ခက်ခဲမှာဖြစ်ပြီး သူတို့အတွက်လည်း ခက်ခဲမှာပါ။ ကျနော်တို့ ဘယ်သူ့ကိုမှ မကြောက်ပေမယ့် လူတိုင်းကို လေးစားမှုရှိပါတယ်။ စပိန်အသင်းက အသင်းလိုက်စုစည်းမှုအားကောင်းတဲ့ ထိပ်တန်းအသင်းဖြစ်ပေမယ့် ကျနော်တို့ရဲ့အာရုံစိုက်မှုက ကိုယ့်ရဲ့စွမ်းဆောင်ရည်အပေါ်မှာပဲ ရှိမှာပါ"လို့ ဆိုခဲ့ပါတယ်။

#555mix
#ibet789
#moung556