ខ្ញុំបាទ និងភរិយា រួមជាមួយឯកឧត្ដម​ ស៊ីវ រុន ប្រធានក្រុមប្រឹក្សាខេត្ត ឯកឧត្ដម លោកជំទាវសមាជិកក្រុមប្រឹក្សាខេត្ត អភិបាលរងខេត្ត ថ្នាក់ដឹកនាំកម្លាំង ប្រធានមន្ទីរ អង្គភាព អភិបាលក្រុង ស្រុក និងក្រុមការងារ បានចូលរួម​សួរសុខទុក្ខ​ និងនាំយកគ្រឿងឧបភោគ​បរិភោគ​ សម្ភារ និងថវិកា​ ដែលជាអំណោយដ៏ថ្លៃថ្លារបស់ព្រះសង្ឃ ប្រជាពលរដ្ឋ មន្ត្រីរាជការ សប្បុរសជនទូទាំងខេត្តកំពង់ឆ្នាំង ប្រគល់ជូនវីរកងទ័ពនៃបញ្ជាការដ្ឋានអង្គរក្ស កងកម្លាំងនៃបញ្ជាការដ្ឋាននគរបាលជាតិប្រចាំទិសភូមិភាគទី៤ និងបងប្អូនជនភៀសសឹក ស្នាក់នៅវត្តពោធិ៍ប្រាំពាន់ ឃុំគូលែនត្បូង ស្រុកគូលែន ខេត្តព្រះវិហារ។

យេីងខ្ញុំទាំងអស់គ្នា​ជា​ប្រជាពលរដ្ឋ​ខ្មែរ​ និងជាសមរភូមិ​ជួរក្រោយ​នឹង​ជួយ​ឧបត្ថម្ភ​គាំទ្រ​ដល់​សមរភូមិ​ជួរមុខឲ្យ​អស់​ពីលទ្ធភាព​​ ដេីម្បី​បុព្វហេតុ​ការពារជាតិ​មាតុភូមិ​ និង​ប្រជាជន​​។

សូមគោរពដឹងគុណ និងជូនពរដល់វីរកងទ័ពដែលកំពុងឈរជើងការពារបូរណភាពទឹកដី នៅគ្រប់គោលដៅជួបតែសេចក្តីសុខ និងទទួលបានជ័យជម្នះនៅលើសមរភូមិគ្រប់ពេលវេលា។

ខេត្តព្រះវិហារ​ ថ្ងៃទី​២​ សីហា​ ២០២៥

ខ្ញុំបាទ ក្នុងនាមជាប្រធានកិត្តិយសសហភាពសហព័ន្ធយុវជនកម្ពុជាខេត្តកំពង់ឆ្នាំង រួមដំណើរដោយលោក សាន់​ យូ​ អភិបាលរងខេត្ត​ និងជាអនុប្រធាន​ ស.ស.យ.ក.​ ខេត្ត​ និងសមាជិក សមាជិកា ស.ស.យ.ក. ខេត្ត ស្រុក បាននាំយកថវិកាឧបត្ថម្ភ​របស់​ឯកឧត្តម​ឧបនាយក​រដ្ឋ​មន្ត្រី​ ហ៊ុន​ ម៉ា​នី​ ប្រធាន​ ស.ស.យ.ក.​ និងថវិការបស់ធនាគារវឌ្ឍនៈ រួមជាមួយគ្រឿងឧបភោគ​ បរិភោគ​មួយចំនួន ប្រគល់ជូនក្រុមគ្រួសារសពលោកវរសេនីយ៍ទោ អ៊ួន ហាច ដែលបានពលីក្នុងសមរភូមិប្រយុទ្ធការពារទឹកដី។

យើងខ្ញុំសូមគោរពដឹងគុណ និងចងចាំជានិច្ចនូវវីរភាពដ៏អង់អាចក្លាហានរបស់វីរកងទ័ព ដែលបានពលីក្នុងសមរភូមិមុខ និងសូមឧទ្ទិសបួងសួងដល់ដួងវិញ្ញាណក្ខន្ធវីរកងទ័ពដែលបានពលី សូមបានទៅកាន់សុគតិភពកុំបីឃ្លៀងឃ្លាតឡើយ។