ក្រុមការងារបន្តរៀបចំនាំយកជំនួយឧបត្ថម្ភ ដែលទទួលបានពីបងប្អូនប្រជាពលរដ្ឋ សប្បុរសជននានាក្នុងខេត្តកំពង់ឆ្នាំង ចុះទៅជួបសំណេះសំណាល និងសួរសុខទុក្ខ វីរកងទ័ពជួរមុខ និងបងប្អូនជនភៀសសឹកនៅខេត្តព្រះវិហារ នៅថ្ងៃទី២ ខែសីហា ឆ្នាំ២០២៥ ខាងមុខនេះ។

ព្រឹកនេះ រថយន្តនាំយកគ្រឿងឧបភោគបរិភោគ ដែលទទួលបានពីបងប្អូនប្រជាពលរដ្ឋ សប្បុរសជននានាក្នុងខេត្តកំពង់ឆ្នាំង បានចេញដំណើរទៅកាន់ខេត្តព្រះវិហារ។ ថ្ងៃស្អែក ខ្ញុំនិងភរិយា រួមជាមួយក្រុមការងារនឹងទៅសួរសុខទុក្ខវីរកងទ័ព និងបងប្អូនជនភៀសសឹកនៅខេត្តព្រះវិហារ។

ព្រឹកម៉ិញនេះ ដឹកនាំកិច្ចប្រជុំរៀបចំគម្រោងចំណូលចំណាយថវិកា របស់រដ្ឋបាលខេត្ត សម្រាប់ការគ្រប់គ្រងឆ្នាំ២០២៦ មុននឹងដឹកនាំប្រតិភូរដ្ឋបាលខេត្ត ក្រុង ស្រុក ចេញដំណើរមកខេត្តព្រះវិហារ ដើម្បីសួរសុខទុក្ខ និងនាំយកគ្រឿងឧបភោគបរិភោគប្រគល់ជូនវីរកងទ័ព និងបងប្អូនភៀសសឹក។