ឯកឧត្ដមសមាជិកព្រឹទ្ធសភា អ្នកតំណាងរាស្ត្រ ប្រធានក្រុមប្រឹក្សាខេត្ត រដ្ឋលេខាធិការក្រសួងអភិវឌ្ឍន៍ជនបទ ចូលរួមឧបត្ថម្ភអំណោយជូនដល់វីរកងទ័ព និងជនភៀសសឹក ព្រមទាំងទទួលគ្រឿងឧបភោគ បរិភោគពីព្រះសង្ឃ មន្ត្រីរាជការ សប្បុរសជនក្នុងខេត្ត និងបានជួបសំណេះសំណាលជាមួយបងប្អូនពលករដែលទើបត្រឡប់មកពីប្រទេសថៃ។

យើងខ្ញុំទាំងអស់គ្នាសូមលំអោនកាយគោរពវិញ្ញាណក្ខន្ធលោកព្រិន្ទបាលឯក ហេង តាំង នាយទាហានរង ការិយាល័យទី១ នៃបញ្ជាការដ្ឋានកងពលតូចអន្តរាគមន៍លេខ១ ដែលបានពលីជីវិតក្នុងសមរភូមិ កាលថ្ងៃទី២៨ ខែកក្កដា ឆ្នាំ២០២៥ ក្នុងជន្មាយុ ៤៥ឆ្នាំ។

សូមឧទ្ទិសបួងសួងដល់ដួងវិញ្ញាណក្ខន្ធរបស់ លោកព្រិន្ទបាលឯក ហេង តាំង សូមបានទៅកាន់សុគតិភពកុំបីឃ្លៀងឃ្លាតឡើយ។

យើងខ្ញុំទាំងអស់គ្នាសូមគោរពនិងចងចាំជានិច្ចនូវវិរភាពរបស់វីរកងទ័ព ដែលបានពលីក្នុងសមរភូមិប្រយុទ្ធ ដើម្បីបុព្វហេតុការពារទឹកដី និងសត្រូវឈ្លានពាន។