ថ្ងៃនេះ ភរិយាខ្ញុំបាទ រួមជាមួយលោកប្រធានក្រុមប្រឹក្សាស្រុក អភិបាលស្រុក អាជ្ញាធរភូមិឃុំ និងសប្បុរសជន បានចុះសួរសុខទុក្ខកុមារកំព្រានៅមណ្ឌលថែទាំកុមារអភិវឌ្ឍន៍ថ្មី ស្ថិតក្នុងភូមិចំការតាម៉ៅ ឃុំស្រែថ្មី ស្រុករលាប្អៀរ ចំនួន៥០នាក់ មកពីមណ្ឌលកុមារស្រុកអន្លង់វែង ខេត្តឧត្ដរមានជ័យ ភៀសខ្លួនដោយសារការផ្ទុះអាវុធ។

ក្រុមការងារបាននាំយកគ្រឿងឧបភោគបរិភោគ សម្ភារបរិក្ខារ និងថវិកា សម្រាប់ជួយទ្រទ្រង់បន្ថែមដល់មណ្ឌលគាំទ្រកុមារអភិវឌ្ឍន៍ថ្មី។

សូមថ្លែងអំណរគុណ និងជូនពរសប្បុរសជនទាំងអស់សូមជួបប្រទះតែនឹងសេចក្តីសុខ សេចក្តីចម្រើន មានសុភមង្គល និងទទួលបានជោគជ័យគ្រប់ភារកិច្ច។

គ្រឿងឧបភោគ បរិភោគ សម្ភារ បរិក្ខារ ជាអំណោយដ៏ថ្លៃថ្លារបស់ប្រជាពលរដ្ឋទូទាំងខេត្តកំពង់ឆ្នាំង ត្រូវបានដឹកជញ្ជូនដល់វីរកងទ័ព និងជំរុំជនភៀសសឹក នៅស្រុកគូលែន ខេត្តព្រះវិហារ ស្រុកចុងកាល់ ស្រុកបន្ទាយអំពិល ខេត្តឧត្ដរមានជ័យ ស្រុកវាលវែង ខេត្តពោធិ៍សាត់ និងបន្តដឹកជាបន្តបន្ទាប់ទៀត។

សូមអរគុណទឹកចិត្តដ៏ថ្លៃថ្លារបស់មហាគ្រួសារខ្មែរ។