ខ្ញុំបាទ ក្នុងនាមជាប្រធានកិត្តិយសសហភាពសហព័ន្ធយុវជនកម្ពុជាខេត្តកំពង់ឆ្នាំង រួមដំណើរដោយលោក សាន់​ យូ​ អភិបាលរងខេត្ត​ និងជាអនុប្រធាន​ ស.ស.យ.ក.​ ខេត្ត​ និងសមាជិក សមាជិកា ស.ស.យ.ក. ខេត្ត ស្រុក បាននាំយកថវិកាឧបត្ថម្ភ​របស់​ឯកឧត្តម​ឧបនាយក​រដ្ឋ​មន្ត្រី​ ហ៊ុន​ ម៉ា​នី​ ប្រធាន​ ស.ស.យ.ក.​ និងថវិការបស់ធនាគារវឌ្ឍនៈ រួមជាមួយគ្រឿងឧបភោគ​ បរិភោគ​មួយចំនួន ប្រគល់ជូនក្រុមគ្រួសារសពលោកវរសេនីយ៍ទោ អ៊ួន ហាច ដែលបានពលីក្នុងសមរភូមិប្រយុទ្ធការពារទឹកដី។

យើងខ្ញុំសូមគោរពដឹងគុណ និងចងចាំជានិច្ចនូវវីរភាពដ៏អង់អាចក្លាហានរបស់វីរកងទ័ព ដែលបានពលីក្នុងសមរភូមិមុខ និងសូមឧទ្ទិសបួងសួងដល់ដួងវិញ្ញាណក្ខន្ធវីរកងទ័ពដែលបានពលី សូមបានទៅកាន់សុគតិភពកុំបីឃ្លៀងឃ្លាតឡើយ។

នៅថ្ងៃទី៣ ខែសីហា ឆ្នាំ២០២៥ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង និងជាប្រធានកិត្តិយស ស.ស.យ.ក. ខេត្តកំពង់ឆ្នាំង បាននាំយកថវិកានិងគ្រឿងឧបភោគបរិភោគរបស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី ប្រធាន ស.ស.យ.ក ជូនដល់គ្រួសារវីរៈជនពលី ឈ្មោះ អ៊ួន ហាច នៅភូមិចំការស្វាយ ឃុំសេដ្ឋី ស្រុកសាមគ្គីមានជ័យ ខេត្តកំពង់ឆ្នាំង។

Website | Facebook | Telegram | TikTok