ព្រឹកថ្ងៃទី២៩ ខែកក្កដា ឆ្នាំ២០២៥ ខ្ញុំបាទបានអមដំណើរសម្តេចមហាមន្ត្រី គុយ សុផល សមាជិកគណៈអចិន្ត្រៃយ៍នៃគណៈកម្មាធិការកណ្តាល អនុប្រធានក្រុមការងារគណបក្សចុះមូលដ្ឋានខេត្ត និងជាប្រធានក្រុមការងារគណបក្សចុះមូលដ្ឋានស្រុកបរិបូណ៌ អញ្ជើញសំណេះសំណាលជាមួយបងប្អូនពលករ ដែលបានវិលត្រឡប់មកពីប្រទេសថៃ ចំនួន៩២គ្រួសារ ក្នុងស្រុកបរិបូណ៌។ ពិធីមានការអញ្ជើញចូលរួមពីឯកឧត្តមសមាជិកព្រឹទ្ធសភា រដ្ឋសភា ឯកឧត្ដមអនុប្រធានគណបក្សខេត្ត ឯកឧត្តម លោកជំទាវអនុប្រធានក្រុមការងារគណបក្សចុះមូលដ្ឋានស្រុក ថ្នាក់ដឹកនាំគណបក្សស្រុក និងថ្នាក់ដឹកនាំគណបក្សឃុំ។

ក្នុងឱកាសនោះ សម្តេចមហាមន្ត្រី បានឧបត្ថម្ភអំណោយគ្រឿងឧបភោគបរិភោគ និងថវិកាដល់បងប្អូនពលករ ចៅតូចៗ និងថ្នាក់ដឹកនាំគណបក្សឃុំ ក្រុមការងារខេត្ត ស្រុក សរុបថវិកាចំនួន ១៤ ៩៤០ ០០០រៀល។

ឯកឧត្ដមសមាជិកព្រឹទ្ធសភា អ្នកតំណាងរាស្ត្រ ប្រធានក្រុមប្រឹក្សាខេត្ត រដ្ឋលេខាធិការក្រសួងអភិវឌ្ឍន៍ជនបទ ចូលរួមឧបត្ថម្ភអំណោយជូនដល់វីរកងទ័ព និងជនភៀសសឹក ព្រមទាំងទទួលគ្រឿងឧបភោគ បរិភោគពីព្រះសង្ឃ មន្ត្រីរាជការ សប្បុរសជនក្នុងខេត្ត និងបានជួបសំណេះសំណាលជាមួយបងប្អូនពលករដែលទើបត្រឡប់មកពីប្រទេសថៃ។