ឱកាសការងារនៅខេត្តកំពង់ឆ្នាំង មានជាង១ម៉ឺន៣ពាន់កន្លែង

ថ្ងៃទី១៨ ខែកក្កដា ឆ្នាំ២០២៥ ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ សហការជាមួយរដ្ឋបាលស្រុកកំពង់ត្រឡាច មន្ទីរការងារ និងបណ្ដុះបណ្ដាលវិជ្ជាជីវៈ វិទ្យាស្ថានពហុបច្ចេកទេសកំពង់ឆ្នាំង និងសាខា ប.ស.ស កំពង់ឆ្នាំង បានចុះរៀបចំ "វេទិកាការងារ" សម្រាប់បងប្អូនពលករដែលវិលត្រឡប់ពីប្រទេសថៃ និងប្រជាពលរដ្ឋដែលកំពុងស្វែងរកការងារធ្វើ ដោយមានអ្នកចូលរួមសរុប ១៨០នាក់។

វេទិកានេះមានរោងចក្រ​សហគ្រាស ចូលរួមចំនួន ៤ រួមមាន ក្រុមហ៊ុនសុិនគិ អីភែរឹល (ខេមបូឌា), ក្រុមហ៊ុន SNKRP Co.,Ltd., ក្រុមហ៊ុនម៉ាកាឡូត ហ្គាមិន (ខេមបូឌា) និងក្រុមហ៊ុនមហា ហ្គាមេន ដោយបានសម្ភាសន៍បងប្អូនភ្លាមៗ។

ខេត្តកំពង់ឆ្នាំង កំពុងមានតម្រូវការកម្លាំងពលកម្មចំនួន ១៣ ៩៣៧នាក់ សម្រាប់ក្រុមហ៊ុន សហគ្រាស ចំនួន ១៣កន្លែង ក្នុងវិស័យឧស្សាហកម្ម។ បើបងប្អូនពលករ ឬប្រជាពលរដ្ឋមានចំណាប់អារម្មណ៍ចង់បំពេញការងារ សូមទាក់ទងមន្ទីរការងារខេត្តកំពង់ឆ្នាំង តាមរយៈលេខទូរស័ព្ទ 010/078 600 707, 086 363 826។

ថ្ងៃនេះ ថ្នាក់ដឹកនាំ កងកម្លាំង មន្ត្រីរាជការ យុវជនកាកបាទក្រហមកម្ពុជា និងក្រុមការងារទូរទស្សន៍បាយ័ន បានចូលរួមដាំកូនឈើនៅទីតាំងដីសម្បទានសង្គមកិច្ចគ្រួសារអតីតយុទ្ធជន ភូមិអូរកាខុប ឃុំក្រាំងល្វា ស្រុកសាមគ្គីមានជ័យ ខេត្តកំពង់ឆ្នាំង។

ក្រោមការដឹកនាំ និងឧបត្ថម្ភគាំទ្រពីថ្នាក់ដឹកនាំគ្រប់លំដាប់ថ្នាក់ ក្រសួងស្ថាប័នពាក់ព័ន្ធ និងដោយមានការចូលរួមសកម្មពីមន្ត្រីរាជការ កងកម្លាំងគ្រប់ប្រភេទ តំបន់នេះកំពុងមានការអភិវឌ្ឍគួរជាទីមោទនៈ។ បងប្អូនអតីតយុទ្ធជន និងក្រុមគ្រួសារ កំពុងមមាញឹកលើការងារដាំដុះ ចិញ្ចឹមសត្វ ដើម្បីបង្កើនជីវភាពគ្រួសារ។