អបអរសាទរសមិទ្ធផលផ្លូវកៅស៊ូ DBST និងផ្លូវក្រាលបេតុង ៣ខ្សែ ប្រវែង ៤១,១គម តភ្ជាប់តំបន់រទឹកធ្លាក់ថ្មក្រាល ទឹកធ្លាក់ស្រែអំពិល និងទឹកធ្លាក់អន្លង់ស្វាយ ក្នុងស្រុកទឹកផុស

ព្រឹកថ្ងៃទី៣០ ខែមិថុនា ឆ្នាំ២០២៥ ខ្ញុំបាទ រួមជាមួយឯកឧត្ដម ស៊ីវ រុន ប្រធានក្រុមប្រឹក្សាខេត្ត ព្រមទាំងថ្នាក់ដឹកនាំ មន្ត្រីរាជការ លោកគ្រូ អ្នកគ្រូ សិស្សានុសិស្ស និងបងប្អូនប្រជាពលរដ្ឋ បានចូលរួមពិធីបើកការដ្ឋានសាងសង់ផ្លូវក្រាលកៅស៊ូពីរជាន់ និងក្រាលបេតុង ៣ខ្សែ ប្រវែងសរុប ៤១,១០គីឡូម៉ែត្រ នៅស្រុកទឹកផុស ខេត្តកំពង់ឆ្នាំង ក្រោមគម្រោងនិរន្តរភាពតំបន់ទេសភាព និងទេសចរណ៍ធម្មជាតិកម្ពុជា ក្រោមអធិបតីភាព ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ អនុប្រធានទី១ ក្រុមការងាររាជរដ្ឋាភិបាលចុះមូលដ្ឋានខេត្តកំពង់ឆ្នាំង និងឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ ។