بسم الله الرحمن الرحيم
منشور رقم(95)
》》》Epithelial Tissue ( Part 1 )
___
السلام عليكم✋.. يارب تكونو بخير 🤲✨

طبعا دا ما أول موضوع Histology فممكن تراجعها على صفحتنا أو تحت الهاش #summary_squeezer_team 🤓

●زي ما إتكلمنا قبل كدا وقلنا في مجموعة من الخلايا [cells]بتتجمع مع بعض عشان تعمل لي نسيج[tissue]بقوم بوظيفة معينة 🫡

●كذلك مجموعة من الأنسجة بتتجمع عشان تعمل لي ........(جاوبوها🌚)

●يلا الأنسجة دي في منها 4أنواع واللي هي:
Connective/Nervous/Muscular/Epithelial

وطبعا موضوعنا الليلة عن ال Epithelial Tissue (الفنان👨‍🎨) دا ..فأرح نشوفو🔥👀

🔸Epithelial Tissue:
أو كما قال ناس العربي نسيج طلائي👨‍🎨

_تعريفو شنووو؟🤔
●قال ليك هو نوع من أنواع أنسجة الجسم البتغلف[Covering] الأسطح الداخلية(زي الأعضاء الداخلية🫁) أو الخارجية (زي الجلد🫳)
أو بتعمل تبطين[lining] للفارغات الفي الجسم أو الأماكن المجوفة(زي الأوعية الدموية مثلا🤓)
بالإضافة لأنها بتشكل الغالبية[majority] من الأنسجة الموجودة في الغدد[glands]

□معلومة صغيييرة🤏:
_يلا النسيج دا واللي هو الepithelium بتكون من طبقة [layer] أو أكتر من الخلايا المتراصة 🥌🥌

_الليلة حنكتفي بأننا ناخد الخصائص[characteristics ] والوظائف[Functions] الخاصة بالفنان epithelium👨‍🎨
🔷Characteristics:
(كبيرة|CPIRA)🐘
🔸(1).Cellularity:
أو الخلوية حقتو
●بتكون بالكامل تقريبا من الخلايا(لغاويس ماف😂)

●الخلايا المكونة ليهو بتكون قريبة[closely]من بعض🤞.

●وبناء على الكلام الفوق دا بنستنتج أنو المواد الخارج الخلية[extracellular] بتكون بسييطة🤓

🔸(2).Polarity:
بمعنى القطبية(على حسب كلام قوقل .. خلوكم من الترجمة😅 )

●يلا عندنا الخلايا المكونة لل epithelium مرتتتبة(فنان منظم👨‍🎨) بحيث أنها مرتصة بإنظام ..

●فحنلقى أنو بكون عندها سطح قمي[apical surface] بواجه [exposed] البيئة الخارجية أو بعض المساحات الداخلية⬇️.

●برضو عندها أسطح جانبية [Latral surface] بكون فيها حاجة أسمها junction(ودي بتربط لي الخلايا ببعض..تمام؟👍😁)

●وأخيرا عندها قاعدة Basal بتربطها بالأنسجة الضامة[connective tissue] التحتها⬇️

🔸(3).Innervated:
● يعني واصلاها أعصاب⚡️

●طبعا دا عشان تقدر تحدد لينا التغيرات البتحصل🤨

🔸(4) high regeneration capacity:
واللي هي القدرة العالية على التجدد🔄

●زي ما متذكرين(لو ما متذكرين عادي ..ذاكرة السمكة🐠😂) قبل شوية قلنا أنها بتواجه لينا البئية الخارجية.. فمعنى كدا أنها بتتعرض للdamage كتير فعشان كدا ربنا عوضها بأنها تقدر تتجدد بسرعة✨
🔸(5).Avascularity:
●يعني مافيها أوعية دموية😶

_حيجي على بالك سؤال أنو كيف بتتغذى بما أنو مافيها أوعية دموية؟🤔

●طيب شوف👀عندها طريقتين عشان تاخد الغذاء اللي هي محتاجة ليه:
1⃣انها تاخد الغذاء من ال apical surface مباشرة
2⃣أنها تاخد الغذاء من ال basal surface عن طريق الإنتشار واللي هو جاي من ال connective tissue اللي تحتها😏

_مبسوطين؟😁يلا نكمل 🔥
🔷Functions of Epithelial Tissue:
وطبعا الوظائف دي بعدين حتساعدنا في التعرف على الأنواع والعكس صحيح😝.
طبعا دي مختصرنها في كلمة"بسسس³"🫷PSSS3😭
🔸(1).Protection:
●فحنلقى أنو الepithelial tissue بتحمي الأسطح اللي هي فيها سواء من ناحية جفاف[dehydration]🥵او من ناحية تآكل[abrasion] 🫥

🔸(2).Sensation:
●زي ما قلنا قبيل أنو فيها نهايات أعصاب فطبيعي أنو يكون واحد من وظائفها الإحساس (زي الجلد مثلا)فبتحس لينا بالضغط [pressure] أو الحرارة[temperature] أو الألم😬(ما هو الفناان 👨‍🎨 كيف ما يكون حساس😭)

🔸(3).Secretions:
●دا طبعا لما تكون في الغدد فبتتحور عشان تلعب دور في إفراز مواد معينة🚿

🔸(4).Selective permeability:
●وهي النفاذية الإختيارية .. يعني بتشتغل لينا زي البواب [gatekeepr]
فبنلقى أنها عندها مواد معينة ممكن تخترقها أما الباقي فلأ🙅‍♂.

_ودي كانت قصتنا من الموسم الأول من الفنان epithelium 👨‍🎨 واللي كانت خصائص رسماتو(كبيرة|CPIRA) لكن لما سألنهو من وظيفتو قال لينا دي (بسسس³|PSSS) 🫸

_فيارب تكونو إستفدتو وإنبسطو 😁 ما تنسونا من دعواتكم🤲✨

وبسسس سلاااام😁✋

https://t.me/summarysquezer
#summary_squeezer_team
#introdution_to_histology

بسم الله الرحمن الرحيم
منشور رقم(96)
》》》Epithelial Tissue ( Part 2 )
___
السلام عليكم ورحمة الله وبركاته..إزيك يا سعادة 😁✋

طبعا ممكن تشوف المنشورات الفاتت في صفحتنا أو تحت الهاش #summary_squeezer_team 😉

●المنشور دا تكملة للمنشور الفات والليلة بإذن الله حنتكلم عن التقسيمات[classifications] والأنواع[types] حقت الفنان[epithelium]👨‍🎨

_أرح نشوف علاقتها بالتسمية👀
●طيب .. نحن لما نجي نسمي نحن بنقسم الإسم لقسمين:

🔘الأول :ودا بمثل لي عدد الطبقات[layers] من الخلايا المكونة للنسيج ..فيا كانت الطبقة:
1⃣بسيطة [simple] ودي بتتكون من طبقة واااحدة👆 من ال cells.

2⃣طبقية [stratified] ومن إسمها واضح أنها بتتكون من أكتر من طبقة (ولا شنو يا دكتور😉)

🔘التاني: ودا بمثل الشكل [shape] حق الخلايا المكونة للtissue🫠 واللي هم
1⃣squamous:
فبتكون رهيفة وشكلها زي المعين كدا🔷
2⃣cuboidal:
ودي بتكون في شكل مكعب🧊
3⃣columnar:
ودي زي مستطيل أو شكل عمود كدا🛕

وحنتكلم عنهم بالتفصيل ناااو😝🔥

🔷simple:
🔸simple squamous epithelium:

● ودا زي ما إتكلمنا عنو فوق 🙄 simple يعني من طبقة واحدة من الخلايا
أما squamous فبتكون خلايا شكلها معين ومسطحة[flattened]🫓

● يلا دي بنلقاها في الحتات الدايرين يحصل لينا في تبادل [exchange] المواد البرا والجوا 📫📬

●مثال:
_ زي الlinning حق الحويصلات الهوائية[alveoli] الفي الرئة 🫁

_وبرضو زي الlinning حق lumen (من جوا) ال Blood vessels 🪢

🔸simple cuboidal epithelium:

●برضو تعتبر مكونة من طبقة واحدة (في رايك ليييه🤔) لأنها simple🥹 ودي هنا بتكون بشكل قريب للمكعب كدا🧊

●يلا دي بنلقاها في كتير من الحتات البحصل فيها إخراج مواد [excretion] أو إمتصاص[absorption] أو إفراز[secretions] زي مافي الغدد 🚰

●مثال:
_زي القنوات البتكون في الكلى[kidney tubules]💧(طبعا لأنو هناك بحصل إخراج و إعادة إمتصاص لمواد كتييييرة😝)

_برضو بتكون لينا القنوات حقت الغدد الإفرازية[ ducts of exocrine glands](وانت عارف السبب مش😏)

_برضو بنلقاها موجودة في كل من سطح المبيض[ovary] وال[follicles of thyroid gland] الحويصلات حقت الغدة الدرقية😓

🔸simple columnar epithelium:

●أكيد بما أنو simple سمبل(محمد سمبل ..خضر كرويتة 😂😂) حتكون مكونة من طبقة وااااحدة👆 وبما أنها columnar فهي بتشبه العمود وكبيرة كدا 🛕 ..وطولها أكبر من عرضها

●يلا عندنا حاجة إسمها [cilia] أو أهداب ودي طبعا عندها وظيفة في تحرك الموية أو السوائل فمن هنا ظهر لينا نوعين من simple columnar واللي هم:
1⃣ Nonciliated
●ودي ما فيها أهداب😔لكن دا ما بمنع أنو يكون فيها microvilli ودي زي خملات بتكون في غشاء الخلية الخارجي ..تماام؟🤓

●برضو ممكن نلقى فيها غدد أحادية الخلية (إتخيل😱)بنسمها goblet cell

●وحنلقى أنو النوع دا
Nonciliated simple columnar epithelium
(نفسي قام وأنا بقراها😮‍💨) موجود لينا في غالبية القناة الهضمية [digestive tract]

2⃣ciliated
●أما دي فعندها cilia واللي بتستخدمها في تحريك السوائل 🌊🌊

●مثلا ممكن نلقاها موجودة في بطانة قناة فالوب [uterine tube] عشان تحرك السوائل الهناك.👍
+برضو ممكن نلقاها في الشعب الهوائية الصغير [bronchioles] عشان تحرك السوائل الهناك/البلغم🙊

_خلصنا الناس البسيطين أرح نشوف المتفلسفين😒🚶

🔷Stratified
🔸stratified squamous epithelium

●يلا بما أنها stratified فمعنا كدا أنها مكونة من أكتر من طبقة📚

●بما أنهم أكتر من طبقة فالطبقة العميقة[deepest layer] هي الوحيدة البكون عندها attachments أو إتصال بال basement membrane(متذكرو مش؟😭)

●يلا في بروتين إسمو كيراتين[keratin] بعض الأحيان بكون في الطبقة العلوية من نوعية النسيج دي فمن هنا طلعت لينا تقسيمة:

1⃣keratinized
●فيهو كيراتين عشان يساعد في الحماية والتماسك+بنلقى الخلايا الفوق ميتة

●بنلقى النوعية دي مثلا في البشرة[epidermis of skin] 🫳

2⃣Nonkeratinized
●ما فيهو كيراتين (ماف زول يقراها كراتين📦😂)+خلاياهو حية ورطبة [moist]

●بنلقى النوعية دي في vagina

🔸stratified cuboidal epithelium

●ودي بتكون شكل مكعبات من أكتر من layer(إتذكرت مكعبات الأطفال😆)

●ودا بنلقاهو في غالبية قنوات الكبيرة للغدد الإفرازية[ducts of exocrine glands ]🐚+بنلقاهو برضو في بعض الأجزاءمجرى البول حق الذكور[male urethra]

🔸stratified columnar epithelium

●بإختصار زي العمود وطبقاتها أكتر من واحدة🙂

●نادرا ما نلقاها (تحدي حفظ مفاجأ🤖)في
Large ducts of exocrine glands
&male urethra

■□■□
يلا النوعين الأخدناهم ديل ما كل شي 😜في نوعين تاني إضافيات وهم :
_ pseudostratified columnar
_ transitional
أرح نشوفهم 👀
🔸 pseudostratified columnar
بوسيدوستراتيفايد (اللهم إن كان سحرا فأبطله)
●واللي هي بمعنى متعددة الطبقات الكذابة(أي كذابة🥸) لأنها لا متعددة طبقات ولا شي لأنو خلاياها كلها متصلة بالقاعدة (أمشي راجع الstratified تاني بالله😊)
بس قصتها أنو أرتفاعاتها مختلفة من بعض.

●منها Ciliated &Nonciliated

●بنلقاها موجودة في تجويف الأنف[nasal cavity]👃

🔸 transitional epithelium
●أو مستر كشكول 👨‍🔧👨‍🎤👨‍🌾🕵‍♂ ودا هو في الأصل stratified بس قصتها أنو خلاياها أشكلها ما بتتشابه 😔

●بعض الخلايا ممكن يكون عندها نواتين[binucleated]👀

●النوع دا من الخلايا ممكن نلقاهو في المثانة[urinary bladder]

⭕️⭕️⭕️حاول شوف صور الأنسجة دي كلها عشان تقدر تفهم(حتلقانا خاتنها ليك تحت👇😉)

_تعبتو مش؟🫠 .. يلا أفرحو لأنو خلصنا 🥳

ما تنسونا من دعواتكم وبسسس سلااااام😁✋
https://t.me/summarysquezer
#summary_squeezer_team
#introdution_to_histology
Enjoy medicine🫡

بعد الناس قرو منشورات ال epithelium 👀😂

حصل ولا ما حصل؟😁

#introdution_to_histology
#enjoy_medicine

🔴 تنبيه 🔴

تطبيق التليجرام بدأ بخاصية نشر إعلانات على القنوات بشكل آلي دون تدخل صاحب القناة

أغلب هذه الإعلانات للأسف هي لجهات تدعي الاستثمار و تطلب الاشتراك بمبلغ مالي لجني الأرباح

🔴لا تحول لأي شخص أي مبلغ  و تجاهل هذه الإعلانات

وللتأكيد القناة لا و لن تطلب اي مبلغ
مالي من المشتركين مهما كانت الأسباب

IT fossa
دي ما حقت ناس الحاسوب زي ما انت مفتكر..

بس معناها
Infratemporal fossa

امشو أقرو ..الله يهديكم🤲

#summary_squeezer_team

ما تنسونا من الدعوات
.
.
وبذات الصايمين الليلة

السلام عليكم ورحمة الله وبركاته

اليوم سوف نتعرف على شي يحمي عضو بالنادر يتفق مع العضو المهزء بتاعنا الي هو معروف السيد قلب 🫀
العضو هو السيد دماغ 🧠
اما الشي الذي يحميه فهو الذي سوف نتعرف عليه من خلال منشورنا هذا فاستعد عزيزي
الطالب لنأخذك الى جولة ممتعة من العلم والمعرفة✍️

#summary_squeezer
#summary_squeezer_team
#dental
#head_and_neck
https://t.me/summarysqueezerdental

منشور رقم (1_D)

بسم الله نبدأ جولتنا في التعرف على الشي و هو ال skull💀 ايوة الskull (الجمجمة) والskull ليست بالسهولة التي نشاهدها في أفلام الرعب او بيوت الاشباح انها موضوع كبير ي عزيزي الطالب لكنني سوف ابسطه لك فبسم الله فلنبدأ 🔥✍️

💎اولا نعرف ال skull💀 :-

* لها اسم اخر يعرف بالcranium عند الاغريقين فسواء قلنا skull او Cranium كلاهما واحد

*The skull is the skeleton of head
هي عبارة عن عظام الرأس
*It is formed of 22 bones
one moveable bone عندها
هو الذي يسمى (The mandible )
articulates by synovial joint
(يتشكل هذا العظم بواسطة نوع من الانواع المفاصل اسمه المفصل الزليلي)

-21 immovable bones وعندها
articulating together by fibrous joints
(تتشكل ٢١ عظمة بواسطة مفاصل ليفية)

🔺️خلاصة الكلام جمجمتنا💀 دي عندها عظم واحد بس الي متحرك وهو الفك السفلي
اما بقية العظام غير متحركة او ثابتة

لحد الان واضح صح ! يلا نكمل وندخل في الاعمق 🔥🏃‍♀️

💎الskull 💀بتاعتنا دي بتنقسم لقسمين :-

1️⃣ Cranium :-
the upper and posterior part wich encoleses the brain 🧠
يعني دا الجزء الي يحتوي ع السيد دماغ ايوة وبحميه 😌

2️⃣ Facial skeleton 👩🏽/👱🏼‍♂️ :-
the anterior part wich includes:
A-an upper fixed part (جزء ثابت غير متحرك)
B- lower movable part (mandible) الي هو

🔺️لحد الان عرفنا ان عظام الجمجمة💀 كلها ٢٢ عظمة منها عظام التي تحتوي الدماغ🧠 ومنها عظام الوجه 👩🏽/👱🏼‍♂️
فالآن أكيد انت بتسأل نفسك ي عزيزي الطالب كم عدد العظام بتاعت Cranium
وكم عدد عظام Facial !
عشان صار العدد الكلي ٢٢ عظمة 🤔
فيلا نكمل جولتنا و حجاوبك ع أسئلتك ي عزيزي الطالب 🔥

1️⃣ Cranium = 8 bones
وهي :
◻️1- Occipital bone (one bone)
◼️2- Parietal bones (2 bones)
◻️3- Forntal bone (one bone)
◼️4- Temporal bones (2 bones)
◻️5- sphenoid (one bone)
◼️6- Ethmoid (one bone)
أما
2️⃣ Facial = 14 bones
وهي :-

◼️1- Maxillary bones (2 bones)
◻️2- Palatine bones(2 bones)
◼️3-Nasal bones (2 bones)
◻️4-Vomer (one bone)
◼️5- Inferior nasal conchae (2 bones)
◻️6- Zygomatic bones (2 bones)
◼️7-Lacrimal bones (2 bones)
◻️8- Mandible (one bone)

🔺️مش فاهم حاجه صح وحاسي كأنك بتقرأ طلاسم😟 لكن لا تقلق عزيزي الطالب سوف نشرح لك كل عظمة ايوة كل عظمة لها حوار لوحده 🙂 فنكمل🔥

🛑وطبعا ي عزيزي الطالب لازم نتبه لحاجه انه عندنا تقسيمة تانية للعظام على حسب عددها هل هي paired(زوجية) ✌️
او unpaired(فردية ) ☝️

🔷️العظام الزوجية✌️وهي :-

◻️1- Parietal bones
◼️2- Temporal bones
◻️3- Maxillary bones
◼️4- Palatine bones
◻️5- Nasal bones
◼️6- Inferior nasal conchae
◻️7- Zygomatic bones
◼️8- Lacrimal bones

🔷 أما العظام الفردية☝️ هي :-

◻️1- Occipital bone
◼️2- Forntal bone
◻️3- Sphenoid
◼️4- Ethmoid
◻️5- Vomer
◼️6- Mandible

🔺️وهنا نلاحظ مما سبق ان جميع عظام ال Facial 👩🏽/👱🏼‍♂️زوجية✌️ ما عدا الvomer and mandible (فردية☝️)
وجميع عظام ال 🧠Cranium فردية ☝️ ما عدا Parietal and temporal (زوجية ✌️)
وكدا بنكون خلصنا من التقسيم العظام سواء كنوع او كعدد ندخل لاعمق الاعمق فركز معي عزيزي الطالب🔥
وتابعونا في المنشورات القادمة لمعرفة المزيد 🔥🦷🔥
لا تنسوا التيم العامل من دعواتكم 🤲
في رعاية الله وحفظه 🤲

وزي ما بنقول دايما Enjoy medicine 🫡

#summary_squeezer
#summary_squeezer_team
#dental
#head_and_neck
https://t.me/summarysqueezerdental

..

ما تنسو بالله

عندك خطة بديلة في حال اتزنقت؟👀

#summary_squeezer

السلام عليكم ورحمة الله وبركاته..
أخباركم يا دكاترة✨️👀

جيت أقول ليـكم أنـو..
جزو كبير من التيـم القائم على القنـاة في الأيام دي ممتحنين فبعتبارهم محتاجين لدعواتكم جدا جدا .. فبالله ما تنسوهم منها 🤲✨️


في رعايـة الله✨️

تست تست..

السلام عليكم ورحمة الله وبركاته
يارب تكونو بخير ✨️

مشتاقين ياخ ..ممكن نقول بعد دا عدنا والعود أحمد👀✨️


المواضيع الدايرننا نتكلم عنها في الفترة الجاية شنو؟🤔

#summary_squeezer

منشور (D_3)

السلام عليكم ورحمة الله وبركاتة
كيفكم يا صناع الابتسامة 😊إن شاء الله طيبين ومتابعين

يلا نكمل جولتنا مع الوجهة الخلفية لجمجمتنا 💀🔥 وقلنا نتخيل كأننا قلبناها 😂
🟩Norma occipitalis (posterior view)
حنلاقي هنا 3 انواع من العظام وهي :
🟢1- Parietal bones
(وهما عبارة عن عظمتين)
🟢2- Squamous part of Occipital bone
(الجزء المفلطح لعظمة occipital)

🟢3- Mastoid part of temporal bone
( الجزء الخلفي لعظمة الtemperol )

خلصنا من العظام يعني مفروض نعمل شنو بعد كدا🤔❕
ايوة ي عزيزي الطالب صحيح الي انت بتفكر فيه مفروض نعرف الsuture بتاعت الجانب دا الsuture 🪡 هم💁‍♀️:

⚪1- Sigttal suture
(وهو الذي يوجد بين عظمتي parietal )

⚪2- Lambdoid suture
(والذي يوجد بين عظمتي الparietal
وعظمة occiptal )

⚪3- parietomastoid suture
(ومن اسمه نعرف انه يوجد بين عظمة
parietal وmastoid process )

⚪4- Occipitomastoid suture
(وهنا يوجد بين عظمة
occipital وmastoid process)

نأتي بعد ذلك للعلامات البارزة (features ) من الوجهة الخلفية وهي 💁‍♀️:
🟣1- External occipital protuberance
وهو عبارة نتوء بارز صغير يظهر في نقطة في وسط Lambda و واحد كبير في القاعدة بتاعت الskull
💀
من هذه العلامة المميزة تنبعث باقي العلامات الي تحت ↕️

🟣2- External occipital crest
هي عبارة عن نتوء خارجي امتد من العلامة المميزة الى أن وصل foramen magnum
الforamen دي حكاية لوحدها سوف اقصها عليك عزيزي الطالب في جولة اخرى وليس الان ) وترتبط بمؤخرة العنق

🟣3- Superior nuchal lines
عبارة عن خطين➖➖ واحد باليمين 👉🏼 والتاني باليسار 👈🏼يمتد من العلامة المميزة laterally اي جانبيا حتى يصل إلى الmastoid process يقوم بربط العضلات والاربطة(ligament ) الخاصة بالجمجمة 💀مع بعض

🟣4- Lambda
(هي عبارة عن نقطة التقاء الsiggtal suture
و Lambdoid )

🟣5- Asterion
(وهو كما تعرفنا عليه في الوجهة الجانبية
وايضا يوجد في الوجهة الخلفية )

أما بالنسبة للوجهة العلوية فهي...........

فلنتوقف الى هنا ي عزيزي الطالب الى هنا في جولتنا اليوم إلى أن نلقاك في جولة أخرى مع مزيد من المتعة والمعرفة فانتظرنا في منشورنا القادم لنكمل باقي الجوانب او الوجهات الخاصة بجمجمتنا🔥💀

وزي ما بنقول دايما Enjoy medicine 🫡
#summary_squeezer
#summary_squeezer_team
#dental
#head_and_neck
https://t.me/summarysqueezerdental

منشور (D_4)

بسم اللّٰه الرحمن الرحيم
السلام عليكم ورحمة الله وبركاته🗣️
كيفك يا دكتور/ة 👩‍⚕️👨‍⚕️💙

دايرين منك شوية حمااس ويلاا نبدا🚶‍♂️🔥
موضوع اليوم عن:-
(SUPERIOR ASPECT &
ANTERIOR ASPECT OF THE SKULL)

▪️طيب نفهم العنوان اولاً
يعني شنو superior aspect يعني الجهة العلوية من skull
و anterior aspect يعني الجهة الامامية
ظابط؟؟ ☺️

▪️وفي الموضوع دا من المهم نعرف مكونات كل جهة من ناحية bones, sutures, Landmark.

🌑نبدا باول جزء وهو Superior aspect :-
هو الجزء العلوي من الجمجمة وبيتكون من مجموعة من bones وsutures و Landmark.
طيب يا باشا 😂

🛑اولاً: Bones :-

▪️عندنا three bones
موجودة من الجهة العلوية وهم :-
🔵1. Frontal bone:(forehead) 👴
وهي الbone الموجوده في مقدمة الرأس ( الجبهة 😂)

🔵2. Parietal bones: is located in the lateral side of skull
هي two bones موجودات في الجهتين بتاعت الskull.

🔵3.Occipital bone: is a posterior part of skull
هو الجزء الخلفي من الskull.🧐

▪️طيب يا دكتور/ة عرفت انت/ي لمن تعاين للskullمن فوق حتشوف ياتو عظمة صح، يلا نمشي للنقطة الثانية وهي
🛑Suture :-

◾عندنا 3 برضو يلا نشوفهم مع بعض🏃‍♂️🏃‍♂️:-

🔵Coronal suture : located between the Frontal bone and Parietal bone.
هو زي فاصل كده بيفضل بين الfrontal
من ال parietal ( محل طوق الورد👰).

🔵Sagittal sutur : located between two Parietal bones
هو بيفضل بين عظمتين الparietal 🤓.
الموضوع بسيط وظريف صح😂

▪️نجي للجزء الثاني من العنوان ال هو Anterior aspect ودا شوية عايز تركيز تمام 😊

▫️بسم اللّٰه نبدا
في الanterior aspect حنتكلم عن نفس الحاجات اللي هم bones, sutures, Landmark حلوين يا باشا😎؟

🛑أولاً : Bones :-

◾Frontal bone (forehead).
◾Parietal bones (lateral side of skull).
وديل الاتنين عرفنهم صح😬.
◾Sphenoid bone: it's located in lateral part of skull behind the orbit and within the orbit.

🤔يعني شنو orbit هي محل القاعدة فيه العين👀.
فاااا الbone دي قاعدة ورا الorbit وجواها كمان، الbone دي احنا بنشوفها من الجنبة حقت الskull وكمان بنشوفها من الجهة الامامية. 🤯

◾Temporal bone :-
is located above ears
قاعدة فوق للاذنين👂👂
◾Zygomatic bone :-
is bone that located along the buca.
دي الbone حقت الجدوم🤣
◾Maxilla bone :(upper jaw)
هو الفك العلوي و هو ثابت ما بيتحرك🌚
◾Mandible bone (lower jaw)
هو الفك السفلي وهو متحرك 🤓
◾Nasal bone
🤔ودا بتعرف مكانو كيف؟؟
سهله شفت محل ما النظارة بتقعد 👓 بس هناك دي Nasal bone 😂.
دي الbones البتشوفهم من الجهة الامامية.
عندك يا باشا suture واحد بيكون واضح وهو الcoronal.
قربنا يا باشا 🤫الصبر جبر

🛑نجي للlandmark:-

◾Frontal sinus : cave in frontal bone, the function of it produce the mucose.
وهي عبارة عن جيوب موجودة في الfrontal وظيفتها تعمل مخاط.

◾Supraorbital margin:-
is a margin above the orbit.
هي موجودة اعلي الorbit (مكان الحواجب ☺️) وموجود فيها supraorbital notch مرات بتكون notch ومرات بتكون foramen و هي بتحتوي على:-
🔸Supraorbital artery.
🔸Supraorbital nerve.

▪️يلا في Landmark كمان جوا الorbit ومهمتهم انهم بيغذو العين والي هم 3 اجزاء :-
🔵1.supraorbital fissure:
دي بتحتوي علي:
Superior opthamec vein, CN(3,4,5,6).

🔵2.Inferaorbital fissure :
يلا دا كمان عندو حاجات جواه:
🔸Inferior opthalamic vein, branch of trigmanl nerve, Infraorbital artery /vein.

🔵3. Optic canal : optic nerve, opthalamic artery (supply the orbit)
ننزل شوية من مكان العين نجي للlandmark تاني اسمو
🔹Nasolacrimal duct
وهي قناة موجودة في الانف ووظيفتها انها تنقل الدموع من الlacrimal gland للانف ( وقت تبكي انفك بيسيل صح😪😂).
قربنا يا باشا قربنا🤓🔥🔥

🌑Infraorbital formation :-
ودي بتحتوى على:
🔸Inferior orbital nerve.
🔸Inferior orbital artery.

🌑طيب عندنا بعد كده Nasal cavity 👃وبيحتوى على :
🔸Inferior nasal concha.
🔸Middle nasal concha.
🔸Nasal septme:
دا بيقسم الnasal cavity لقسمين.
▪️يلا يا طويل العمر اخر شئ ممكن تشوفو في الanterior aspect هو:-

◾Mental foramen: is located in the Mandible (mental nerve that supply the chin).
يا باشا الformamen دي قاعدة في الفك السفلي و بيطلع منها mental nerve.

◾Mental symphysis
دي شفتا الحنك دا مش فيهو زي دخله صغيرة كده بس ياهو زاتو ان شاء الله فهمتها😂.

وزي ما بنقول دايما Enjoy medicine 🫡
#summary_squeezer
#summary_squeezer_team
#dental
#head_and_neck
https://t.me/summarysqueezerdental

وصلكم خبر أنو التلجرام إحتمال يتحذف صح؟🥲

فعشان كدا ما تنسو تتابعونا في صفحتنا على فيسبوك (دي صفحة جديدة الصفحة القديمة طارت للأسف💔)

https://www.facebook.com/profile.php?id=61564931672239&mibextid=ZbWKwL

طبعا مافي داعي نوصيكم بالشير والتفاعل 🫡
عشان نكمل مشوارنا..
Enjoy medicine 🫡✨️

#summary_squeezer