بسم الله الرحمن الرحيم

》》》نصائح لي كيفية الحفاظ على الصحة النفسية

▪ جسم الانسان بتكون من روح وجسد ونفس ف..زي ما الجسد بمرض النفس بتمرض فهي ما بتقل اهمية عن الصحة البدنية فنحن لازم نحافظ على الصحة النفسية في ظل الحرب والخوف والقلق وناخد اهم نصائح لي اهمية الحفاظ علي الصحة النفسية🍀

🔹اول شي نبعد عن اي شي سلبي 🚫سواء كانت افكار سلبية او ناس او حتى مواقع التواصل الاجتماعي فهي بتكون سبب اساسي للقلق والخوف 😢فنحن دائما نفكر بإيجابية ونطرد وسواس الخوف🤚

🔹تاني حاجة انك تتكلم مع انسان بتثق فيهو في ناس كتيير اتعودت انها تكبت مشاعر مؤلمة داخلعا والحاجة دي بتشغلها كتتير ومرات بتخليها تحس بشعور الندم انو حصل ليهو الموقف ده وما قدر يتصرف او ما لقى الشجاعة انو يتكلم بالحاجة الحاسي بيها وممكن تتطور تبقى عقدة نفسية!!! فإحساس انو تتكلم مع شخص بتثق فيهو ممكن تحس بالراحة انو قدرت تنفس الحاجة الكانت مكبوتة داخلك وما قدرت تتطلعها وفي نفس الوقت بعزز علاقتك مع الانسان ده بحيث ممكن تكونو طرف لجوء لبعضكم دائما 🤍فيااا انسان ما تكبت شعور داخلك اتكلم بأي حاجة حاسي بيها ولو كبتها احكيها لي زول تاني وطلع الجواك😊

🔹تالت شي الرياضة
اجسامنا وعقولنا مرتبطة ببعضها ، فنحن لمن نحافظ علي صحة اجسامنا بساعد بشكل كبير في تحسين صحتنا العقلية ف... هنا بظهر لينا دور الرياضة في تحسين صحتنا العقلية والجسدية💪💪والتمارين الرياضية دي بتطلق لينا هرمونات "الشعور بالسعادة😍" اللي هي بتقلل من مشاعر التوتر والغضب وكمان بتساعد علي تحسين النوم .فبظهر لينا دور الرياضة الكبير في تحسين صحتنا النفسية❤️

🔹وما ننسى كمان الاكل الصحي والنوم المنتظم وبرضو نخصص وقت لممارسة الهوايات المفضلة سواء كانت قراءة ؛كتابة ؛رسم.


#summry_squeezer

#التعامل_مع_الحالات
https://t.me/summarysquezer

السلام عليكم ورحمة الله وبركاته
• عزيزي القارئ لو سألتك بتشرب كم كباية موية في اليوم ؟

•وهو الشتا دا بشربو فيه موية كمان🥶 الشتا دا محتاج حاجة حااارة تدفينا 🍛

•غلطان يا سيد الناس لازم تشرب لتر او 8 كبايات على الاقل و اوريك ليه كمان 🤫

•دقيقة بس طيب ليه في الصيف بعطش وما بجوع ، وفي الشتا بجوع وما بعطش السر شنو ؟ 🤔

• باختصار في الصيف🥵 يا عزيزي الجو بكون حار ونتيجة للحرارة دي جسم الانسان بفقد سوائل عن طريق التعرق عشان يبرد نفسه يلا كتعويض للفقد دا المخ برسل ليك اشارات انك عطشان عشان تشرب ونعوض السوائل دي .

•في الشتا🥶 غير درجة الحراة بتكون منخفضة و فيزيائيا الجو بارد و درجة الحرارة عند الانسان عالية فاا مفروض انو الحرارة تطلع من الجسم للوسط البارد دا ولو حصل دا نحنا حنكون في خبر كان 😂
اكيد الجسم بدي الوسط حرارة يعني بفقد جزء منها فاا بقينا لازم نعوض الفقد دا نعمل شنو ؟

المخ بديك اشارة انك جعان 🥖🥐 تقوم تمشي تنقش تنقش🚶‍♂️🚶‍♂️ تاكل ، يلا الاكل الاكلتو دا بتهضم عملية الهضم دي بتولد لي حرارة كجزء من النواتج التانية ما علينا المهم كدة الجسم قدر يعوض فقد الحرارة عشان كدة ما بتحس بالعطش زي ما في الصيف .

•طبعا يا عزيزي ما بتخفى عليك اهمية الموية في الحياة كونها بتدخل في تفاعلات كتيرة في الجسم بتسهل عملية الهضم ، باقي الصداع وغيرو الكتير لكن اهم نقطة الموية بتعمل غسيل للكلى من السموم ☠ والسموم دي بتطلع مع البول يلا كل ما شربت الموية الكلى بتتخلص من السموم وهكذا
تخيل انك توقف او تقلل من الكمية المطلوبة دي ح يجيك فشل كلوي باختصار وندخل في حكاية بتاعت غسيل كلى والغسيل غالي طبعا عوضا عن الالم النفسي والجسدي حماكم الله
Oh God 🥺•

عشان كدة يا عزيزي لازم تشرب موية حتى لو ما حسيت بعطش عشان الكلى العزيزة دي
خلي جنبك جك او صبارة ايا كان
و ابقو عافية جميعا 🥰🥰



#summry_squeezer
#التعامل_مع_الحالات
https://t.me/summarysquezer

في ناس راجعين🌚🔥

جاهزين للقراية؟🤔

#summary_squeezer_team
https://t.me/summarysquezer

https://t.me/summarysqueezerrespiratory

ناس الريسبايرتري رجعو 🔥
الناس تلحق تراجع معاهم قبل تحصل الغدارة🌚💔

بسم الله الرحمن الرحيم

》》》التعامل مع حالات الحروق


🔶️الاسعافات الاولية للحروق🔶️

●الحرق :
هو عبارة عن تلف الأنسجة الموجودة في الجلد بسبب التعرض المفرط لأشعة الشمس أو ملامسة النيران، المواد الكيميائية أو الكهرباء. الحروق بكون معاها آلام حادة وبتخلي علامات ونتوءات على جسد المصاب .

●انواع الحروق :
الحروق إلى 3 أنواع او درجات ( اولى ، تانية ، و تالتة ) والتقسيم دا على حسب مساحة الجلد المتأثرة وعمقها.

●نجي للانواع:
🔸️1- الحروق من الدرجة الأولى :
واسمها التاني الحروق السطحية بتسبب الحد الأدنى من تلف الجلد و تؤثر على الطبقة الخارجية من الجلد فقط.


●الأعراض :
تشمل علامات الحروق من الدرجة الأولى ما يلي:

• وجود احمرار والتهاب طفيف أو تورم.
• جفاف وتقشير الجلد.
تشفى الحروق من الدرجة الأولى في حوالي 7 إلى 10 من غير أي علامات.

■يتم إسعاف النوع دا من الحروق من خلال الاتي:

• وضع الجلد المحروق تحت الماء البارد لحد يخف الألم.
• استخدم كمادات إذا كانت الموية ما متوفرة.
• حماية الحرق من خلال التغطية بضمادة معقمة أو قطعة قماش نظيفة.
• لازم نطلب المساعدة الطبية إذا استمر الاحمرار والالم اكثر من عدة ساعات او اذا كان الحرق بأثر على مساحة كبيرة من الجلد أي أكثر من 7 سم.

🔸️2- الحروق من الدرجة الثانية :
الحروق بتكون عميقة اكتر حيث انها بتتعدى الطبقة الخارجية للجلد لتصل إلى الطبقة الداخلية.

●الأعراض :
بنلاحظ على الشخص المصاب ما يلي:

• الحروق من هذه الدرجة مؤلمة جداً بسبب تلف جميع الاوعية الدموية الموجودة في طبقة الادمة(الطبقة بعد الجلد الخارجي) .
• بكون في تورم وإفراز سوائل من المنطقة المصابة.
الاسعافات الاولية اللازمة :
يتم إسعاف هذا النوع من الحروق من خلال الاتي:

• غمر المكان المصاب في الماء البارد او وضع منشفة نظيفة مبللة بالماء البارد، يعمل الماء البارد على تخفيف الألم.
• نزح الاكسسوارات والمجوهرات أو الملابس الضيقة عن المكان المصاب بلطف.
• حاول أنو نخلي المصاب يشرب كميات كبيرة من الموية ولكن من غير ما يصل حد الغثيان.
• اياك تستخدم الثلج لأنه ممكن أنو يقلل من درجة حرارة الجسم ويسبب المزيد من الألم والضرر.
• خلي المصاب مسطحاً مع رفع قدميه إلى الاعلى.
• في حال وجود بثور أو فقاعات مقفولة اياك تحاول تفتحها، أما اذا كانت في وحدات مفتوحات غطيها بطبقة من المرهم وغطي المكان بمنشفة أو ضمادة غير لاصقة.
• امشي لاقرب وحدة صحية

●3- الحروق من الدرجة الثالثة :
هي حروق بتتغلغل في كل طبقات الجلد وبتصل الى الدهن والعضلات.

● الأعراض :
أما الأعراض الخاصة للحروق من الدرجة دي فهي:

• الجلد بكون شكله مشمع أو رمادي و مرات بكون زي المتفحم.
• المصاب ما بحس بأي ألم في المكان؛ لأن أطراف الأعصاب تلفت وتدمرت.
• قد يحدث للمصاب ضيق في التنفس نتيجة استنشاق المواد والدخان الناتج عن الاحتراق .

■الإسعافات الأولية اللازمة :
النوع دا من الحروق ما بنتعامل معاه نحنا ك افراد خارج المنظومة الصحية و انما بنمشي لاقرب وحدة صحية بس لازم اتأكد انو ما ملابس عالقة في مكان الحرق حيث انو الطاقم الطبي الخاص بقسم الطوارئ حيتعامل مع حالات الحروق
.
■أخطاء شائعة في علاج الحروق وطرق تجنبيها أهمها:

1. 1.معجون الأسنان
واحد من أبرز الأخطاء اللي لا يجوز ارتكابها عند حصول حرق هي انك تحت معجون اسنان مكان الحرق
لان المواد دي بتحبس الحرارة داخل الجلد وبتمنعه من التنفس مما يزيد من مساحة المنطقة المحروقة وبسبب المضاعفات الخطيرة.

2. استخدام الثلج فوق الحرق
المكعبات الثلجية هي واحدة من الوسائل اللي بتخفف من ألم الحرق لكن لا يجوز نهائيا وضعها مباشرةً على الجلد.
لانو بتؤدي إلى تلف الانسجة المحيطة بمنطقة الحرق بجانب أنها حتترك ندبات واثار على الجلد.
بس ممكن أنو اضع الثلج في كيس بلاستيكي أو في منشفة صغيرة.

3. استخدام القطن لتغطية الجرح
إذا وضعت القطن بشكل مباشر على الجرح الناتج عن الحروق القطن سوف يلتصق بالجرح و بكون من الصعب عملية تغيير الجرح بعد داك ، من الأفضل أنو تستبدل القطن بالشاش لانو أخف على الجرح.

4. لمس مكان الحرق بأيدي مكشوفة
بما أنو الحرق بسبب تلف بعض أو كل طبقات الجلد فاا لمن نلمس مكانه بأيدينا الساحة دي قد تتسبب في تلوثه أو إصابته بالعدوى نظرا لهشاشة وحساسية الجلد في الحالة دي عشان كدة يعد لمس أماكن الحروق خطرا و خطأ لازم نتجنبه.

5. فرقعة الفقاعات الناتجة عن الحرق
تنتج عن الحروق الشديدة أو الحروق من الدرجة الثانية والثالثة بتكون فقاعات مليانة بسوائل و التي من الخطأ انو نفرقعها تفاديا لأي عدوى قد يصاب بها المصاب.

وبسسس ربنا يحفظنا ويحفظكم ويصلح حال البلاد والعباد
في رعاية الله

#summary_squeezer_team
#التعامل_مع_الحالات

بسم الله الرحمن الرحيم
منشور رقم (86)

السلام عليكم 😁✋

يلاا الليلة موضوعنا اغلبو حيكون مايكرو مخلوط مع باثو 🔬🦠

عارف اغلب الناس ما بتحب المايكرو وبتشوفه تقيل لكن الليله حنتكلم عن موضوع ظرييف شديد وحتى شائع شديد ومستحيل تكون ما سمعت عنوو وممكن حتى في البيت تلقى زول بعاني من نوع المرض دا ف يلا نبدأ 👏🏼🔥

° اللهم انا نسألك التوفيق والسداد 🩷 °

》》》H. Pylori_Infection_1


💢 اي الليله حنتكلم عن نوع من انواع البكتيريا الي هو زي ما شايفين H. Pylori--> Helicobacter pylori نعرف خصائصه وبتعمل لي مرض شنو ف بداية كدا لازم عشان نبدأ نشوف الاوبجكت حقتنا في موضوعنا شنو حنتكلم عن :

🔹Properties of H. Pylori
🔹Diseases of H. Pylori
🔹Pathogenesis
🔹Clinical findings
🔹Diagnosis
🔹Treatment & Prevention

يلااا جيب كباية الجبنة ولا النسكافيه ☕ المهم الحاجة النافعة معاك وتعال تابع معاي :
🔹Properties of H. Pylori :

🅰 Classified :
▪Bacteria
▪Rod shape
▪Gram negative
دي أهم الحاجات المفروض تطلع بيها من تصنيفه

🅱 Virulent factor :

البكتيريا دي بكون فيها حاجات كدا بتساعده سواء على الحركة ولا انها تقدر تعيش في البيئة دي زي شنو 🧐⬇️ :
▪Flagella ;
تساعد البكتريا على الحركة
▪DNA
▪Lipopolysacchraide ;
بساعده على انو تقدر بعدين تلتصق في الخلايا
▪Urease enzyme ;
دا بكون موجود لي في سطحها الخارجي طيب يفيده بشنو 🤔 في حاجتين :
▫طبعا هو مهم جدا في انو يخلي البكتريا دي حية ما تموت
▫بحول لي ال urea + water to CO2 + 2NH3 حنعرف بعدين ديل علاقتهم في موضوعنا شنو
▪Exotoxin enzymes ;
برضو بتفرز لي Exotoxin enzymes زي :
▫ انزيم اسمو Vac A دا مسؤول لي عن ال apoptosis of cell
▫ وانزيم اسمو Cag A وداا مسؤول عن disrupting cellular integrity & structure وغير كدا بتعزز لي ال inflammation

💢 دي أهم الحاجات في ال properties حتنشرح في ال pathogensis بشكل واضح وجميل 👏🏼

🔹Diseases of H. Pylori :

نوع البكتيريا دا بعمل لي كم مرض كدا ودائما بتكون أمراض ليها علاقة بالجهاز الهضمي واديك معلومة صادمة انو 50٪ من الناس البكتريا دي بتكون متواجده عندهم 😰 طيب تعال اوريك الأمراض شنو 🧐
◽Gastritis ;
البكتيريا دي لمن تكون في مراحله الأولى بتعمل لي ال gastritis دا ولو عايز تعرف هو شنو عندنا منشور كاامل اتكلمنا في عنو دا ممكن ترجعوا لي 🫡
◽Peptic ulcer ;
النوع دا بحصل لي ممكن في ال stomach وممكن في ال duodenum وح اتكلم عنو بشكل مفصل تحت وكيف بحصل لي
◽Duodenal ulcer ;
ايي الفرق هنا انو بحصل لي في ال duodenum بس وغالبا النوع دا صعب انو يكتشف من الهستوري بس
◽Gastric adenocarcinoma ;
يلا الزول البكون عندو H. Pylori بكون لي من ال risk factors انو يتحول لي كانسر


💢 يلا قبل ابدا بسرد patho لازم اراجع معاك الاناتومي حق ال stomach حيكون على شكل سؤال وجواب 🔥🫱🏼‍🫲🏼
🛑 Anatomy of stomach :

❓Classified the part of the stomach!
زي ما عارفين المعدة دي مقسمة على عده اجزاء الي هي شنو 🧐 :
🔅ال Fundus ودا أعلى جزء في المعدة دائما بكون لي خالي من الحمض حق المعدة
🔅ال Cardia ودا جزء مهم حيث انو بربط لي المريء ب المعدة
🔅ال Body ودا الجزء الوسط وهو اكبر جزء في المعدة
🔅ال Pyloric الجزء دا بنقسموا على اثنين :
☝🏼 ال Pyloric Antrum ودا اهم جزء نحن ح نتكلم عنو لان البكتيريا بتكون قاعده لي في الجزء دا
✌🏼ال Pyloric canal ودا بوصل لي المعدة ب ال duodenum

❓What is the type of epithelium in the stomach?

🔅 عرفناها قبل كدا وقلنا انو نوعه Cloumnar epithelial cell وال epithelial دي في بينه وبين كل واحده جنبها tight junction

❓ طيب لو قلت ليك الترتيب في المعدة بكون كيف من الخارج للداخل!
🔅 ال Serosa
🔅 ال Muscular coat
🔅ال Submucosa
🔅ال Mucosa كلامي حيكون عنها أكثر شيء,, ال mucosa دي برضو بتكون لي طبقتين الي هم : epithelium + lamina propria "ودي بكون فيها الليمف نود والأوعية الدموية وغيرو"


🔹Pathogenesis :

طيب يلا تعال اشرح ليك الناس البتقول ليك عندي جرثومة المعدة دي بكون حاصل ليهم شنو ولي بمنعوهم من أكل معين 🤔 وعشان مخك ما يجيه ايرور ح اقسم ليك الشروحات على كم قسم كل نقاط بذكره مع بعض 🤓

💢 Explain 1 :
يلا لو اتكلمنا عن mucous حق المعدة الترتيب من الخارج للداخل فيها حيكون كالتالي ⬇️ :
🔸Epithelium
🔸 Mucus ;
وظيفتو بعمل لي كحاجز لل epithelium من الحمض حق المعدة، ولازم تعرف ان ال PH هنا بكون عالي وكل ما تطلع لي فوق بقل لي

🔸Acidic layer ;
بكون PH فيها قليل وبتكون more acidic than mucus ،، وهنا اصلا موجود لي ال HCl وزي ما عارفين دا مهم لي في عملية هضم الطعام وبتم انتاجو من الخلايا المعروفة بأسم parital cell،،
🔸Lumen of stomach ;
ودا المكان البتكون في البكتيريا الي سواء جاتك من عدوة أو ممكن تكون طبيعي موجوده عندك لانو زي ما ذكرنا ٥٠٪ من الناس بتكون عندهم

عاارفك زهجت والله ولقيت الكلام كتييير ف لي هنا كفاية نكمل في المنشور التاني البحصل شننووو 👏🏼🔥 في امان الله وحفظه.

#summary_squeezer_team
#GIT
#Microbiology

جابت ليها امتحانات💀🔪
جاهزين؟

خليكم جاهزين.

🔴يوم الخميس ان شاء الله حيكون في امتحان ظريف لطيف كده في كامل Anatomy of respiratory system.

جاهزين للإمتحان ؟

يلااا ي دكاترة نكمل موضوعنا الفات والليلة حنتكلم عن باقي ال pathogenesis و الاوبجكت الباقية لو ربنا سهل وان كتر الكلام بنقسموا في منشور تاني 🫱🏼‍🫲🏼

》》》H. Pylori_Infection_2

🔹Pathogenesis :

💢 Explain 2 :
طيب بتلقى في زول ذكي كدا يقول ليك طيب البكتيريا دي كيف قدرت تعيش في البيئة الحمضية دي❓😰
الجواب ذكرتوا في المنشور دا قبل كدا وقلت انو البكتيريا دي في enzyme بغطيها لي وبحافظ على أنها تعيش في البيئة دي الي هو شنووو🧐 اييي بالضبط كدا 👏🏼👏🏼 urease enzyme

طيب تعال معاي نذكر في نقاط البحصل بالضبط كدا ⬇ :
🛑 يلا المعدة دي بنلقى فيها انزيمات وحاجات كتيره كدا البهمنا فيها حاليا chemical urea + water.

🛑 قلنا ان ال urease enzyme دا برضو بحول لي ال urea وال water الموجوده دي لي ثاني أكسيد الكربون وأمونيا.

🛑 بالنسبة للامونيا دي نحن عارفين انها تعتبر alkaline فبتقوم تعمل لي neutralize للحمض بالتالي البكتيريا بتقدر تنزل لي تحت للخلايا.

🛑 عادلت الحمض تنزل تحت كيف 🧐 قلنا عندها flagella تساعده على الحركة فبتقوم بتستخدمه وتنزل لحدي ما تصل لل cells.

🛑 طيب بعد وصلت الخلايا البحصل شنو تاني 🤔 بتقوم بتتلصق بالخلايا وذلك عن طرييقق؟؟؟ ايواااا 👏🏼 بتتلصق لي في الخلية قلنا ب lipopolysaccharide.

🛑وبعد التصقت البحصل شنوو ❓ طوااليي بتبدأ تفرز لي ال exotoxin enzymes الذكرناهم فوق Cag A & Vag A.

🛑 ال Cag A دا بعمل لي حاجتين :
🔅بقوم يكسر لي ال junction البتكون بين خلايا المعدة
🔅 وفي نفس الوقت بحفز خلاياه انها تنتج لي بعض ال cytokines زي IL-8 ودا بحفز لي انو يحصل inflammation كيف يعني 🧐 :
🔸 ال IL-8 دي نحن عارفين انها من chemokine فبتقوم تجيب لي ال neutrophils للمنطقة دي طيب اها جابته بحصل لي شنو ❓
🔸 ال neutrophils دي معروفه انها highly inflammatory لمن تجي ولا بتتفاهم طوالي بتعمل لي damage للانسجة فلمن تجي بتعمل لي damage لانسجة المعدة ونحن دا ما عايزنو يحصل.


🛑 اما Vag A دا بقوم بعمل apoptosis لخلايا المعدة،، فالانزيمين ديل كفيلات بأنو يدمروا أنسجة وخلايا المعدة.

💢 Explain 3 :
يلا البكتيريا عملت وظيفته العليها بعداك بحصل شنو 🫤 :
🛑 انا بعد ما حصل لي breakage لخلايا المعدة حتوقع شنو اكييد بعد ما كانت مثبتة كويس واسي خربت حيقوم يتسرب لي ال acidic layer & mucus للخلايا

🛑 ولك انت تتخيل ي طالب لو الحمض الحارق دا وصل للخلايا بعمل لي شنو 😱 اييييي طوالي بحصل لي قرحة والي هي ال peptic ulcer وبكدا بتحصل لي القرحة ودي من أهم الأمراض البتعمله لي البكتيريا دي

🛑 طيب بعد حصل لي ulcer تتوقع حيحصل شيء تاني ولا خلاص انتهينا 🤣 لسه حصول القرحة دي بقوم بحفز لي ال parietal cells of the stomach انها تنتج كمية اكببر من HCL

🛑 واذا زادت كمية ال HCL بقوم بدخل لي في ال duodenum يعني شنو الكلام دا 🤔 ال duodenum دا نحن عارفين انو طبيعتو alkaline ما زي المعدة acidic فلمن يقوم يدخل لي فيهو بعمل برضو قرحة ونسميها duodenal ulcer

💢 لي هنا ي شباب عرفنا ال pathogenesis وأهم حاجه فيهو وتكلمنا عن ال peptic & duodenal ulcer وبحصل لي كيف نجي للاوبجكت البعدو 🫱🏼‍🫲🏼🔥

🔹clinical findings :

يلا ي شباب خليكم عارفين انو أصلا العدوة دي بتكون Asymptomatic لكن لمن تتطور وتعمل لي gastritis هنا الزول ببدا يحس بالاعراض طيب من الأعراض الممكن تكون في زول عندو ال H. Pylori infection تتوقعوا شنو 🤔 انا حقسمه ليكم بما انو بتبدأ بالترتيب :

🔸Gastritis :
بما انو البكتيريا دي لمن تبدأ تعمل المرض بتبدأ لي اول ب gastritis ف حوريك الأعراض الممكن تكون شنو في الحالة دي سواء كان acute or chronic ⬇️ :
▪Recurrent pain ;
دائما بجيك البيشنت بشتكي من ألم وخصوصا في منطقة epigastric area ولمن تكون البطن فاضية بتحس ان الألم اسوء من اول
▪Neusea
▪️Vomiting
▪️Hypochloridia ;
لو الواحد مشى فحص بلقى في نقص في كمية الكلورايد


🔸Peptic ulcer :
تاني بتتطور لي قرحة في المعدة ومن الأعراض البجيك بيها البيشنت غير الأولى :
▪️Burning sensation ;
ببدا يحس بحرقان بعد الوجبات
▪️Dyspepsia ;
ممكن يحصل عسر في الهضم بالتالي يحصل لي الزول انتفاخ أو fatty food intolerance يبقى ما بقدر يتحمل الاكل الدهني
▪️Hematemesis ;
الواحد أكرمكم الله يستفرغ دم ودا بكون نتيجة لأنو حاصل لي bleeding في GIT


🔸Duodenal ulcer :
بعداك ممكن تتطور لي بقرحة في ال duodenum ومن الأعراض البحس بيها البيشنت :
▪️Night pain ;
ألم قرحة ال duodenum كفيلة انها تصحي الواحد من نوموا من شدة ألمها
▪️Melena ;
دا أكرمكم الله بنزل لي دم مع البراز فبلقى الواحد لون البراز غامق مائل للسواد

🔸 Gastric adenocarcinoma :
في حالة اتطور لي ووصل مرحلة السرطان من الأعراض ومعروفة :
▪️Weight loss
▪️Progressive Dysphagia or odynophagia

💢 إلى هنا كفاية في الأعراض وحمانا الله واياكم 🤍 الكلام كتر شدييد وما عايزين نزحم نفسنا ساي ف نكمل في المنشور الجاي بقية الكلام ان شاء الله والسلام عليكم ورحمة الله وبركاته 🩷

#summary_squeezer_team
#GIT
#Microbiology

السلام عليكم ورحمة الله وبركاته 🤣🔥 جاهزين الليلة نختم موضوعنا البديناه دا فشدو الهمة معاي حبه كدا 🫱🏼‍🫲🏼🫡

》》》H. Pylori_Infection_3

الليلة حنتكلم عن ال diagnosis & treatment والكلام فيها ما كتير حتختصروا ليكم بإذن الله تعالى 🔥

🔹Diagnosis :

طيب نحن ممكن نشخص البيشنت دا بعد شفنا منو الأعراض عايزين نتأكد بتاكد كييف؟؟ 🧐
▪️Urea breath test ;
يلا ي دكتور دا هنا بدو البيشنت حاجة فيها يوريا ونحن عارفين البكتيريا بتعمل لي فيها شنو بتقول لي بعرفوا كيف 🤔 هنا حيعرفوا ب co2 بما انو حيمشي لي في الblood to heart to lung to out our body إذا كانت كمية ال CO2 دي كبيرة معناها البكتيريا دي موجودة ونشطة في عمله
▪️ Histopathology ;
دا بنستخدمه لمن نتيجة UBT تطلع لي negative
▪️Fecal antigen test ;
هنا بحددو إذا في H. Pylori antigens in stools ،، والاختبار دا بكون دقيق شديد بالمناسبة وما غالي زي UBT
▪️Endoscopy

💢واخيرا وليس آخرا نجي لي ختام موضوعنا نعالجوا و نحمي نفسنا منو كيف 🔥🔥

🔹Treatment & prevention :

🔸Drugs :
طبعا المريض بستخدم أدوية لتخفيف الأعراض وكدا زي :
▪️Proton pump inhibitors ;
دائما وفي اغلب الاحيان بستخدم المثبطات دي في انها تثبط لي من كمية افراز ال HCl
▪️Antibiotics ;
أو يوصفوا بيك مضادات حيوية وضروري تكون مدة استخدامه من ٧ - ١٤ يوم

🔸 Diet :
برضو بمنعوا من حاجات معينة زي :
▪️Alcohol
▪️Caffeine drinks
▪️Tobacco
▪️Aspirin
▪️Nonsteroidal anti-inflammatory drugs

💢دي كلها حاجات ممكن تعمل القرحة حفظنا الله ونسأل الله الشفاء لكل مرضى المسلمين يارب 🤍

وإلى هنا سيداتي سادتي 😆 تنتهي رحلتنا مع ال H. Pylori_Infection نتمنى يكون نال استحسانكم ونسأل الله أن يجعله إفادة لنا ولكم 🫱🏼‍🫲🏼🔥

#summary_squeezer_team
#GIT
#Microbiology

بسم الله الرحمن الرحيم
منشور (87)

السلام عليكم 😁✋

الليلة حنتكلم عن وحدة من ال malabsorbistion condiction اسمها lactose intolerance او (مقاومة اللاكتوز) .

_اها اتكلم لينا عنها🤩🤩🤩🤩

🍃زي ما نحن عارفين انو اي carbs لما تصل ال small intestine مفروض تتحول لي monosaccharide بenzyme معين(disaccharidase) موجود في ال
bruch border of s intestine
عشان يحصل ليها
absorbtion
و تمشي ال blood stream 🍃

_ كلام حلو طيب المشكلة وين؟🤔

🍃 اذا حصل deficiency في disaccaridase معين.. الجسم ما بقدر يمتص ال السكر البشتغل عليهو ال enzyme دا فبتظهر لينا symptoms معينة ...و ال most common enzyme بتحصل ليهو الحاجة دي اسمو lactase اللي بفكك ال lactose لي glucose و galactose ...ممكن يكون partially or complete deficiency وممكن يكون مع المريض مما اتولد او يتكسبو( aquired)🍃

_يعني الحالة دي عبارة عن
[ clinical syndrome that manifests with characteristic signs and symptoms upon consuming food substances containing lactose, due to partially or complete deficiency of lactase]

طيب انت فهمت🤩

_ طيب اسبابو شنو و اعراضو و عندو علاج؟🤔

🍃 طيب اسبابو(etiology ) :
1. Primary lactase deficiency:
مع الولادة بكون في:
high expression for gene responsible for lactase
و مع الزمن و زيادة العمر ال expression دا بقل لحدي ما تبدأ تظهر ال symptoms في ال adolescence or adluthood
و الحاجة دي بنسميها
lactase non-persistance

2.2ry lactase deficiency:
اذا في اي حاجة فيها
sever, infectous,inflammatory,injuy to intestinal mucosa
ممكن تسبب الحالة لأنو هي البطلع منها ال enzyme زي :
Gastroenteritis ,Celiac disease ...الخ

3. Conjenital:
تكون عندو مما اتولد بسبب atuosomal recessive inheritance

4. developmental lactase defeciency:

بتكون في ال premature infant الاتولد بين 28 و ال37 اسبوع👼
🍃🍃🍃🍃🍃🍃🍃🍃🍃🍃🍃🍃
🍃🍃🍃🍃🍃🍃🍃🍃🍃🍃

طيب الاعارض كيف بتظهر!؟🤒

💫بعد ما ياكل المريض حاجة فيها lactose بتقعد في ال intestine و الحاجة دي
[result in influx of fluid into the bowel lumen resulting in osmotic diarrhea.]

💫 و بعد كدا
Colonic bacteria ferment the unabsorbed lactose-producing gas (hydrogen, carbon dioxide, and methane), 
و تحول جزء من ال disaccharide لي monosaccharide و تزيد ال osmotic diarrea


فاعراضو كالاتي :
Diarrhea, abdominal bloating and pain, nausea and vomitin and flatulence.


🍃🍃🍃🍃🍃🍃🍃🍃🍃🍃🍃🍃🍃🍃🍃🍃

_سؤال عندو مضاعفات!!!🤔
.🍃. للاسف اي عندو بالذات للاطفال في الgrowth age و لانو برضو الحليب هو ال primary source of calcium 🍃

💫💫complication💫💫
Osteopenia ...osteoporosis... malnutrition...ricket...growth failure and weight loss


_طيب في tests معينة ممكن نعملها🤔🤔🤔🤔


🍃test :

⭐️Stool acidity test:
اللاكتوز بتحول بالباكتيريا لي lactic acide و بقلل ال PH

⭐️milk tolerance test
نخليهو ياخد 500ml milk و نشوف ال glucose level اذا زاد اقل من 20mg/dl فهو عندو الحالة

⭐️small bowl biopsy

⭐genotyping️



و اخيراً العلاج :
_بجيك وجع بطن لما تاكل حاجة فيها لاكتوز!!!؟؟🤔
ما تاكل حاجة فيها لاكتوز🙂🙂🙂🙂🙂

🍃dietary modification
ياكل مثلا
lactase containing milk product
و يبعد عن ال lactose containing milk product
و ياخد معها
calcium supplements عشان المضاعفات القلناها

🍃lactase supplements

وبسسس كدا انتهينا ..نتلاقى في وقت تاني
🍃THANK YOU


#summary_squeezer_team
#GIT
#pathology
https://t.me/summarysquezer

بسم الله الرحمن الرحيم
منشور رقم(88)

السلام عليكم ورحمة الله وبركاته

Welcome welcome 🔥🔥

تعرفو الtropical sprue ؟ 👀


لو لأ ارحكم نعرف عنها

هي عبارة عن حالات حقت malabsorptions بتحصل في الtropical area
والمناطق دي بكون عندهم حالات الmal absorption عبارة عن endemic disease
يعني زيو وزي الملاريا عندنا😂

فا الناس ديل الsmall intestine بتاعتهم الvelli فيها بتبقى flat ..
زي ما نحن عارفين انو الvelli دي ياها الحتت البحصل فيها absorption للnutrients
فا هنا بتبقى flat والsurface area بقل... فا بالتالي الabsorption بقل

تمام؟؟😁

يلا قالو انو السبب الرئيسي للtropical spure دا ما معروف لكن في ارتباطات معاهو زي

Bacterial infection🦠 :
مثلا زي
Klebsiella
Enterobacter
E. Coli

وتاني في حالة اسمها

⭕short bowl syndrome:
وهنا الsmall intestine بحصل ليها failure
ايوة failure عديل😂 يعني الabsorption بقيف
فا ممكن تحصل بي سبب
Obstruction ( tumor)
او
Dismotility
زي الscleroderma 🤡
او
Crohns disease


وبرضو عندنا

⭕ whipple disease:
ودي حالات rare وبتعمل بكتريا وهي Gram positive bacteria تابعة للactinomycete

اسمها tropheryma whippeli 🤣

فا البكتريا دي بتكون قاعدة في الsmall intestine وبتكون محيطة بيها macrophages لكن ما فيها اثار حقت inflammation


بس في النهاية ماف absorption 😷


▪Signs and symptoms :

Diarrhoea
Abdominal distention
Malnutrition
Wight loss
Dehydration

وبما انو الناس ديل هم عندهم malabsorption وdiarrhoea
ممكن نلقى عندهم electrolyte disturbance 💀
وكمان حا يكون عندهم vitamins deficiency فا اكتر شي ممكن نلاحظو عندهم اعراض الانيميا وهي تحديدا megaloblastic anemia
لييي؟؟؟🌚

Due to folate and B12 deficiency


▪Investigations :

⭕Endoscopy
عشان نشوف الsmall velli atrophy

⭕Barrium swallow
ودا بورينا intestinal wall thicking

⭕Tissue biopsy



▪Treatment :

لو كانت بكتريا نديها antibiotics
E.g (sulfamethoxazole)

ونعمل nutritional replacement


وشكرررا 🤩🤩
نلاقيكم في منشورات جاية وبسسسس سلااام 🫡
#summary_squeezer_team
#GIT
#pathology
https://t.me/summarysquezer

السلام عليكم ورحمة الله وبركاته
طولنا عليكم 😁 ،، جاهزين للامتحان 🌚🔥