هناك من تذكر شيئا 😭😭😭
#summary_squeezer_memes

Summary squeezer 🧪:
بسم الله الرحمن الرحيم
منشور رقم(81)

السلام عليكم ورحمة الله 😊 كيف حالكم ي شباب ان شاء الله طيبين ،دعواتكم الأيام دي لأهل غزة ربنا ينصرهم ويثبتهم ويرحم شهدائهم ويصلح حال السودان ويتلطف بحالهم😢❤

》》》Esophageal_cancer_1

طيب نكمل في موضوعنا عن المريء الي هو Esophagus....
                                                                                                                                                  💢 كبداية كدا هل كان عندك علم بأن رجوع حمض المعدة "الحرقان " الزايد عن اللزوم ممكن يعمل سرطان المريء 😱؟؟ 
                                                                             
الليلة موضوعنا عن *Esophageal cancer* وانواعه واسبابو شنو  والاعراض الممكن تكون في الزول واكتر الناس المعرضين للحاجة دي هم منو ؟؟                                                                      بسم الله نبدأ 🔥 , "ربي اشرح لي صدري ويسر لي امري واحلل عقدة من لساني يفقهوا قولي".

⚪ يلا عشان نعرف أنواع cancer دي شنو ؟؟  ونقدر نفهم الموضوع لازم نكون عارفين الاناتومي والهستو حق الesophagus 🤔

فانا حسألك بعض الأسئلة الليها علاقة بموضوعنا الليلة ومنها قيس :

🔹لو عرفت الأجوبة معناها انت زول حفاار ما شاء الله 😎🔥 عليك تكمل قراية المنشور دا وتستفيد أكثر

🔹ولو ما عرفت انت برضو حفار 😎 بس نسيته بسبب كترة المعلومات عندك😂🔥🔥 لكن راجع الحاجة دي معاي حشرحه تحت بشكل بسيط شديد وسطحي عشان تتذكره 🤩🤩

  ❓❓❓❓❓❓❓❓❓❓❓❓

🛑 *السؤال الأول :* ال esophagus دا مقسم على كم ؟ وكل قسم نوع ال muscles فيهو شنو 🧐

🛑 *السؤال الثاني  :* نحن عارفين ان الجهاز الهضمي بشكل عام مغلف بأربع طبقات الي هي " mucosa, submucosa, musculosa, adventitia" انا هنا عايز اسال من  الmucosa   نوع ال epithelium لل Esophagus شنوو 🤓
 
  ❓❓❓❓❓❓❓❓❓❓❓❓
                                                                                           👀 يلا راجع معاي الكلام دا سريع سريع 👏🏼
عندنا ال esophagus دا في ناس قسموا لي ثالثه أقسام الي هي شنو؟
"Cervical, Thoracic, Abdominal"

نتكلم في نقاط قالوا عنهم شنو تابع معاي ⬇️
⭕Cervical part :
هنا قالوا ان نوع العضلات في cervical عبارة عن skeletal muscle

⭕Thoracic part :
اما في thoracic قالوا بتكون مخلوطة كيف يعني😅 معناها فيها نوعين من العضلات الي هم skeletal & smooth muscles

⭕Abdominal part :
والقسم الأخير الي سموهو abdominal قالوا نوع العضلات في smooth 


لكن في ناس قسموا لي اثنين بس اختصار الكلام دا كلو 😁 حسب الآتي ⬇️ :
⭕Upper 2\3 :
قالوا نوع العضلات هنا skeletal بس
⭕Lower 1\3 :
  هنا قالوا نوع عضلاته smooth ف نحن نمشي حاليا بالتقسيمة دي لان هي البتهمنا في موضوعنا دا🫡 

💢  بس برضو خليك عارف ان التقسيمتين صحيحة يعني الجزء ال middle in the esophagus بكون فيهو نوعين من العضلات
                                                                                         اما السؤال التاني ⬇️  :
قالوا انو نوع ال epithelium فيها واحد يعني الesophagus كلو فيهو نفس نوع الخلايا تمام معاي
⭕Upper 2\3 :
نوع ال epithelial فيها بكون عبارة عن   stratified squamous non-keratinized epithelium
⭕Lower 1\3 :
وهنا برضو زي ما ذكرنا انو نوعها stratified squamous non-keratinized epithelium 🤩🤩


طيب يلا ي دكتور اديك معلومة ظريفة وبسيطة كدا عن موضوعنا ونختم بيها عشان ندخل في العميق 🫱🏼‍🫲🏼

⚪ انا عندي الcancer دا قسموه لي علي اثنين وكل واحد سمو على حسب  الخلايا إذا بحصل ليها تغيير أو لا في esophagus الكلام دا معناه شنو 🫠 تعال شوفهم معاي 😉⬇️  :
⭕ Squamous cell carcinoma :
يلا النوع دا دائما بصيب لي الجزء الفوق 😁،،، دا بكون في upper 2\3 لأن نوع ال epithelium فيها زي ما ذكرنا عبارة عن squamous 👏🏼 وما بحصل لي فيها تغيير يعني السرطان ممكن يحصل لي لكن بدون تغيير نوع ال epithelium حقها ما فهمتني صح تعال شوف معاي النقطة التانية دي بعدها حتقع ليك اكتر 😅

⭕Adenocarcinoma :
  يلا النوع دا بصيب الجزء lower 1\3 طيب نوع ال epithelium هنا بحصل لي تغيير ،، كيف يعني ‼️ حوضحه بشكل بسيط شديد 😁 يلا عندي الesophagus فيهو نوع معين من الخلايا دا معناه لو دخل لي حمض ال HCl في المريء دا بقوم بحرقوا لي طوالي تلقى الواحد يقول ليك عندي حرقان لي⁉️

لأن نوع الخلايا دا معمول انو يتحمل الاكل والمويه وحاجات كدا ما حارقه
فخليك عارف النقطتين ديل ⬇️ :

#summary_squeezer
#GIT
#summary_squeezer_team
https://t.me/summarysquezer

🔹 ان نوع ال epithelium في المريء عرفناها صح " معناها بتتحمل الاكل والشراب العادي دا" 🫱🏼‍🫲🏼

🔹 ونوع ال epithelium في المعدة عبارة عن simple columnar glandular  " هنا دي معمولة انها تتحمل حمض HCl"

💢ف لما يقوم يحصل لي رجوع للحمض في المريء زيادة عن اللزوم بقوم بحول نوع الخلايا حقتو من Squamous to columnar glandular  عشان يقدر يتحمل الحمض دا ومنها يتحول لcancer

💢 ف كلمة *adeno* معناها gland وهنا زي المقصود انها تحولت لنوع الخلايا الموجوده في المعدة عرفت الان سبب التسمية 🌝🔥     

لحدي هنا  ي دكتور عشان ما نكتر عليك الكلام 😁 نكون عرفنا اهم المعلومات المفروض تعرفه قبل تتعمق في الموضوع نكمل في المنشور الجاي ان شاء الله باقي المعلومات🔥🔥.. في امان الله وحفظه 🤍
#summary_squeezer
#GIT
#summary_squeezer_team
#enjoy_medicine
https://t.me/summarysquezer

🌝 يلا ي دكاترة نكمل موضوعنا الفات ، نسال الله التوفيق والسداد 🩵

》》》Esophageal_cancer_2

حندخل في العميق بعد كدا يلا ركز معاي 🧐🧐 عشان تكون عارف ح أتكلم عن كل نوع من ناحية ال epidemiology & clinical feature & etiology & management

🔴 Squamous cell carcinoma : يلا ي شباب نحن ذكرنا في الموضوع الفات ان النوع دا دائما بصيب لي الجزء الفوق لأن نوع الي epithelium فيها بتكون Squamous وما بتتغير بتكون زي ماهي ،،

🛑 يلا الان نبدا نتكلم عن النقاط الذكرتها🔥
🔶 Epidemiology :

▫️هنا ي شباب النوع دا اتكلمت عنو اول لان هو ال most common esophageal cancer in the worldwide كل الدول except US تمام حنعرف لي بعدين ,,

▫️وتاني شيء It is most common in the 60–70-year age group ،

▫️ وفي الغالب بتصيب males 4 times more frequently than females ..

💢 بس دا كل المطلوب منك تعرفوا عن ال epidemiology ركز دائما على الاعمار والبلد لان بتكون مذكورة في ال cases فممكن تساعدك لو كنت متردد في الإجابة 🌝👏🏼

🔶 Etiology & Risk factors :

أكثر ناس معرضين للحاجة دي هم البعملوا الحاجات التالية ⬇️ :
▫️Smoking 🚭 :
الي طبعا نحن عارفين مخاطره ورغم دا في ناس لسه مستهترة بالموضوع

▫️Excess alcohol consumption 🥃🍻 :
الإسراف في الكحول بعمل لي برضو النوع دا من السرطان حمانا الله وإياكم

▫️Consumption of very hot beverages ☕ :

انصدمت زيك 🫠 اييي كثرة المشروبات الحارة من شاي وقهوة وغيرو بتعمل الحاجة دي..

💢 طيب في ناس ما بعملوا الحاجات دي كلها وبعد دا جاهم النوع دا من السرطان تتوقعوا السبب شنو 🤔🤔

يلا ديل بكون بسبب عندهم أمراض في المريء وانا هنا حذكر ليك ال common بس زي شنو طيب 🤨 تعال معاي اوريك :

▫️Achalasia :
الي هي شنو؟؟ دي هنا بكون حاصل لي problem in lower smooth muscle ما قادره تشتغل كويس ف البلع بكون لي صعب شويه ف بقوم الاكل أثناء ما انت بتبلع جزء منو واقف لي في منطقة upper 2\3 وخصوصا لو كان الاكل حار

▫️Caustic strictures :
دا هنا بكون حاصل لي ضيق في جزء في المريء ممكن يكون في الجزء ال middle واسبابو انو زول مثلا شرب لي حاجة حارقة فعملت لي ضيق تمام معاي 🌝
نجي لي اخر سبب 🔥🔥

▫️Plummer Vinson syndrome :
دا مرض بتكون فيه مجموعة من الأعراض يلا نحن من الأعراض حقتو المهمة عندنا في موضوعنا دا حاجة اسمها esophageal web/rings الي هو شنو ؟؟🤔 thin mucosal membrane that grows across the lumen and may cause dysphagia الكلام دا معناهو بتتكون لي طبقة داخلية رقيقة كدا من ال mucosa بالتالي بتزيد لي من ضيق المريء بقوم بعمل لي Dysphagia صعوبه في بلع الحاجات البتكون solid بس لكن السوائل بتعبر عادي 👏🏼👏🏼

زابط كدا عرفنا الأسباب والناس المعرضة للمرض دا نمشي للنقطة التانية😁

🔶 Clinical features :

طيب الأعراض الممكن يجيك بيها البيشنت هنا شنو؟؟ حاذكره ليك بالتسلسل البحصل 🤔 اول واحد حذكرو دا مفروض تكونوا عرفتوا 🤓
▫️Dysphagia :
ايي 👏🏼👏🏼 صعوبة في بلع الحاجات البتكون solid وعرفنا السبب لي😉

▫️Odynophagia :
ايي هي نفس ال Dysphagia لكن هنا غير انو بكون في صعوبة في البلع بكون معاها حاصل ألم أثناء البلع 😖

▫️Esophageal obstruction :
بعد الضيق والكلام داك كلو ممكن يكون اصلا في انسداد يا اما بسبب mechanical causes ودي زي development defects or tumor ولا بسبب functional anomalies مشاكل وظيفية سواء عضلات ولا غيره وانت عليك تتخيل بس لو حصل انسداد حيحصل شنو 🥴

▫️Weight loss & Debilitation :
بالعقل ساي زول مابقدر يبلع و بتألم لمن يبلع وحاصل انسداد ف حيبقى اكلو عبارة عن سوائل بس عشان ما يموت من الجوع ف دا حيعمل لي نقصان في الوزن بسبب عدم التغذية السليمة 😓

▫️Aspiration :
طيب بس اتخيل معاي واحد كان ال Esophagus حاصل في انسداد لأي سبب من الاسباب طيب هل تتوقع بعض من الاكل ممكن يرجع لي ويدخل في ال trachea ولا؟ وان دخل حيعمل شنو 🤔
اي ممكن تلقى الزول دا من الأعراض البيك بيها coughing & dyspnea وممكن تتطور وتبقى لي pneumonia عديل فهمتني 🫱🏼‍🫲🏼

زهجت😖؟ خلاص جينا لي اخر فقرة في النوع دا فاخيرا وليس آخرا نتكلم عن...... ⬇️
🔶 Managment & treatment :

يلا هنا بما انو دا cancer ف طريقة علاجو بتختلف على حسب المرحلة الهو فيها ونحن زي ما عارفين السرطان فيهو مراحل وكل ما زادت المرحلة قلة إمكانية الشفاء ..

💢حذكر معلومات إضافية كدا للعايز ..هي حتفيدك وان ما فادتك ما حتضرك يلا نشوفها 👀:

في حاجة اسمها Staging of cancer according to TNM system الي هي شنو TNM ⁉️ تعال اوريك ليها :

🛑 TNM system :
🔹T means :
يلا هنا قاصدين بيهو tumor size & local extension وبتقسم لخمسة مراحل من T0 to T4
🔹N means :
قاصدين بيهو lymph node metastases بتقسم لأربعة مراحل من N0 to N3
🔹M means :
المقصود بي distant metastases ودا بتقسم لي مرحلتين بس هم M0 to M1

فبنقوم نحن على حساب TNM دي بنحدد stage of cancer from 0-4
الكلام دا معناهو شنو 🤔
‼️ يعني لو مثلا قلت ليك زول لقينا سرطان المريء حقو دا منتشر لحدي submucosa ولسه ما انتشر لل lymph nodes or distant organ هنا حنصنفوا كالتالي T1,N0,M0 ليي؟ لأن بالنسبة لل size شويه انتشر من mucosa لل submucosa اما الباقيات ما انتشر فيهم ف كدا دا نعتبرو stage 1 فهمتني 👏🏼🔥
‼️طيب لو مثلا زول جاك وكان حصل lymph node كان N2 و tumor size كان T3 و distant organ كان M1 هنا طوالي دا حيكون stage 4 لي بدون تفكير لانو وصل عديل الأعضاء التانية ف دا مرحلة متأخرة شديد فهمتني كدا 🤓🔥

طيب يلا نشوف العلاج كيف في الحالات دي ⬇️
🔻 Treatment :

◻️ Initial state :
دا هنا لمن يكون منتشر ياداب بس في mucosa & submucosa العلاج حيكون :
🔹Esophagectomy :
اننا نزيل الجزء المصاب من Esophagus
🔹Endoscopic tumor resection :
نشيل الورم بس من المريء

◻️Advanced stage :
اما في المراحل المتقدمة شويه بتستخدم ⬇️
🔹Chemoradiotherapy + surgery :
بنستخدمهم مع بعض يعني بعد يعملوا جراحة بدو الكيماوي لضمان يقتل لو في خلايا مسرطنة باقية،، وفي اغلب الاحيان السرطان بكتشف في المرحلة دي

◻️Incurable stage :
دا هنا مافي اي امل للمعالج خلاص بعملوا لي حاجات تخفف علي بس الالم فبقوموا بعملوا للبيشنت حاجة اسمها esophageal Stent الي هي دي شنو ❓دي عبارة عن انبوب صغير كدا بدخلوا في المريء عشان يوسعوا ومنها يقلل لي من Dysphagia Odynophagia


😂تعبت شديد صاح وحاس راسك عايز يتفجر من المعلومات 🤯 خلاص كدا انتهينا النوع دا وعرفنا اهم الحاجات فيهو👏🏼 وفي منشور قادم ان شاء الله حنتكلم عن النوع التاني،، بالتوفيق للجميع 🤍

#summary_squeezer_team
#GIT
#summary_squeezer
#enjoy_medicine
https://t.me/summarysquezer

عُدنا والعود احمدُ 😁🔥 الليلة عايزين نجي لي اخر حاجة في موضوعنا وذكرت انو ح أتكلم فيهو عن النوع الثاني معلوماتو ان شاء الله حتكون بسيطة واغلبه حيكون مشابه للنوع الفات ف يلا نبدأ ،، " اللهم اهدنا وسددنا " 🤍 ...

》》》Esophageal_cancer_3

🔴 Adenocarcinoma :
قلنا النوع دا بصيب لي ياتوا جزء ⁉️ ايواااا بالضبط كدا 👏🏼 جزء ال lower 1\3 وعرفنا برضو ليي ..
🔻 طيب ي دكتور نجي الان نعرف الاوبجكتف حقتنا شنو الموضوع دا حنتكلم فيه عن شنو؟
Epidemiology, Etiology, clinical feature, managment

🔶 Epidemiology :

▫️المرة الفاتت قلنا ان ال Squamous cell carcinoma هو أكثر شيء شائع في دول العالم عدا ال US وكان ذكرت ليك حوريك بعدين لي 😅

يلا السبب لأن ال US بكون فيها ال Adenocarcinoma most common وبشكل عام كدا بكون معدل الأصابة عالي في دول الغرب

▫️برضو بكون لي seven times more common in men than in women ،، اعانكم الله يا رجاله 🥲 يعني النوعين بصيبوا لي الرجال أكثر من النساء

▫️اما بالنسبة للعمر بشترك مع النوع الاول في الحاجة دي 🫱🏼‍🫲🏼 وزي ما قلت ليكم موضوعنا حيكون مشابه للأول بس اختلافات بسيطة شديد

🔶 Etiology & Risk factors :

حذكر حاجات بسيطة بخصوص ال risk factors لأن النوع دا من السرطان اصلا بجي لي نتيجة لمرض ف يلا نعرفهم تحت ⬇️.. :

▫️Smoking & alcohol 🚭🍻:
زي ما ذكرنا سابقا الكحول واستخدام التبغ بشكل عام ممكن يسبب الشيء دا

▫️Obesity 🫃🏻💀:
😅 ممكن واحد يسأل كييف يعني السمنة ممكن تعمل السرطان دا؟؟ يلا السبب انو السمنة دي بتأثر سلبا على الlower esophageal sphincter طيب لو قلنا الsphincter دا كان ما بنقدر نتحكم في؟؟ بتلقى حمض المعدة بطلع لي فوق 😂🔥 اييييي واخيرا جينا لي النقطة الذكرناها بداية المنشور الأول يلا هنا ما حتعمق ليك شديد لأن حوريك ليها تحت بس كدا يكون وقع ليك كيف السمنة ممكن تجيب النوع دا


💢طيب يلا نجي للأمراض البتكون من مضاعفاته انو يصيب الزول Adenocarcinoma يلا تابع معاي ⬇️
▫️Chronic GERD :
يلا زي ما عرفنا انو GERD دي اختصار لي gastro-esophageal-reflux-diseases اتكلمنا عنو في منشور ممكن ترجعوا ليه.. انا هنا حذكر عنو حاجة بسيطة شديد.. انو لما يكون في مشكلة سواء كانت بسبب ال Sphincter أو الاكل الدسم المهم حاجة تكون سبب في رجوع الحمض ولك أن تتخيل لو كان رجوع الحمض دا زايد عن اللزوم ممكن يعمل لي مرض تاني حنناقشو تحتو طوالي ⬇️

▫️Barrett esophagus :
يلا هنا اعرف ان المرض دا اصلا هو Complication لل long-term of GERD وبسبب الشيء دا بقوم بحصل لي change في نوع الخلايا الموجوده عشان تقدر تتأقلم كيف يعني 🤔🤔 يعني المعدة اصلا نوع الخلايا فيها زي ما ذكرنا simple columnar glandular والنوع دا قادر على انو يتحمل حمض المعده اما بالنسبة لل Esophagus نوع الخلايا فيه مصنعة بحيث انو الحمض دا ما فيها بقوم لمن يحصل رجوع للحمض كل مرة بحصل تغيير لنوع الخلايا عشان تتحمل الحمض الراجع دا ومنها يتحول لي سرطان

🔶 Clinical features :

الأعراض البجيك بيها البيشنت شنو ❓🤔 دي مفروض تخمنه انت ساي بدون اقولهم ليك لأن ذكرناهم قبل كدا 🫱🏼‍🫲🏼⬇️
▫️Dysphagia
▫️Odynophagia
▫️Weight loss
▫️Vomiting
▫️Chest/back pain :
هنا دي بتحصل لي في النوع دا الواحد تلقى بحس بالم في صدرو وممكن في الظهر خصوصا منطقة ال epigastric area
💢خليك عارف انو اصلا اعراض ال Esophageal cancer بتكون asymptomatic يعني في مراحلو الأولى ما بتظهر لي ما بعد يبقى stage 2 الزول ببدا يحس لي بالاعراض دي

🛑 اخيرا وليس آخرًا ال managment & treatment

😅حسيت نفسك زهجت خصوصا الmanagement دي كلامه كتير🥴 عشان كدا ذكرناها في المنشور الفات فهي نفس الكلام يبقى كدا خلصنا النوع التاني وخلصنا الموضوع وشلنا اهم الحاجات فيهو 👏🏼🔥

💢ولي هنا نقول ليكم في لقاء قادم في موضوع جديد ان شاء الله 🔥 وما تنسونا من صالح دعائكم 🤍

#summary_squeezer
#GIT
#summary_squeezer_team
#enjoy_medicine
https://t.me/summarysquezer

معقول أنكم لسة ما كلمتو أصحابكم ب summary squeezer؟!😳

شرح وأسئلة وميمز وإختصارات وحركات وإييييك متعة 🤩

يلا ناديهم ..وزي ما انت استفدت خليهم يستفيدو وكل دا في ميزان حسناتك بإذن الله ✨️

ودا الرابط 👈https://t.me/summarysquezer

أرفعها في الحالة 🌚

#summary_squeezer_team
#اليوم_العالمي_للسكري