تعال على الواتس🌚...

بعض الأحيان بكون من صعب عليك أنك تجي التليجرام سواء بسبب إنشغالك أو بسبب خدمة الانترنت(ناس المجاني😉)

فعشان كدا قلنا ليه ما نوصل ليكم الفايدة في الواتس برضو🤔

أهو جبنا ليكم قناة في الواتس ودا رابطها
https://whatsapp.com/channel/0029Va8dkDp3QxS47HTK963a

شرفونا بهناك وأعزمو أصحابكم😁
زي ما بنقول دايما #enjoy_medicine

#summary_squeezer_team
#summary_squeezer

بسم الله الرحمن الرحيم
منشور رقم(75)

》》》Complement system
سلام عليكم ورحمة الله...

موضوعنا الليلة ممتع شوية وعايز تركيز شويتين..
مِن فيها ممتع دي معناها immunity ❓️
اكيد مفيش غيرها..
في منشورات السابقة اتكلمنا عن أنواع المناعة وعرفنا انها نوعين..شنو؟🥸
اي ياهم الفي بالك
طب ي ربي ياتا دي البتكون inherited وnonspicific دي؟
بالضبط دي النوع الأول وسميناه الinnate immunity🤏 ..وعرفنا برضو انها مقسمه ل كم نوع؟ اتزكرتهم؟🥸
طب تمام اذا متزكر ف اكيد عارف انو الcomplement system دا النوع الاخير في الinnat immunity وقلنا انو حنتكلم عنو في منشور منفصل..والليلة موضوعنا الممتع والمحتاج تركيز هو الcomplement system ♥️..


بسم الله نبدأ...زح كرسيك بعيد وجهز لى مخك 🥸..
من الاسم complement system يعنى شنو؟ حاجة تكميلية يعنى شنو؟ يعنى بتتم الشغل وراك..ورا منو؟🙃

الله الله ما نحنا عارفين انو الimmunity دي قاعده عشان بس تحميك وتحارب ضد الكائنات الغريبة اللي بتضرك وعارفين انها عندها وسائل كتيرة تعمل بيها الوظيفة دي
ف برضو عندها حاجه تتأكد بيها انو الشغل دا نضيف وانو م خلت ليك شي يضرك وراها😌..
شوف حكمة ربنا✨️

اذن الcomplement system بيحاول يعمل الحاجات الما قدرت باقي اشكال المناعة تعملها+يساعدها ، طيب هو بيعمل شنو؟🤔
حقول ليك:
(1)-opsonisation..
بالعربي عملية التذويق...يعنى انا امسك الميكروب دا علشان اسهل لخلايا المناعه شغلها وتلتهم المايكروب وتستمتع بيهو😋.

(2)-chemotaxis
بالدارجي بتاعين شمارات، ينادوا الWBC لمحل المشكله عشان يتصرفوا🚶.

(3)-Agglutination
بجمعو الباثوجينس مع بعض علشان يمنعوهم من انو يتصلو بالنسيج حقك🤏
Sticking pathogens together to block them from attach to tissue.

(4)- cell lysis
ودي اهم وظيفه ليه كونو بعمل حاجه اسمها ال killing process عن طريق انو يعملو rupturing membrane of the foreign cells
بعملها عن طريق مركب اسمو الMAC
دا شنوو؟🤔(ما الفي بالك داك يا جيعان إنت😭)
فحنعرفو قدام.😁

طب تمام عرفنا يعني شنو complement system وعرفنا بعملو شنو...
بجو من وين؟
هي كلها كده حوالي 30 بروتين بتم تصنيعهم في الliver

بمشو وين؟هل بكونو قاعدين كده في الكبد؟
-لا طبعا...الجماعه ديل بعد يتم تصنيعهم بتم إطلاقهم في الcirculation بلفو مع محتويات الدم في صورة خامله pro-protien
ما بتم تنشيطهم الا اذا احتجنا ليهم..
متين بنحتاج ليهم؟🥸
-ايوواااا بالضبط
لمن يكون في اي عدوى خارجيه بتهدد توازن جسمك وبتهددك بالمرض.

بتم تنشيطهم عن طريق شنو طيب؟
عندنا 3 طرق مشهورة بيتم بيها تنشيط الاخوان الدفاعيين ديل واللي هم:
1- classical pathway.
2-MBL pathway.
3- alternatives pathway.
كلهم بتفقو في انو في النهايه بدوني الMAC اللي حنتكلم عنو...وبدوني مركبات بتعمل opsonisation' anaphylatoxin '
النهايه طريق واحد لكن البدايه مختلفه في كل طريقه🤝.

نتلاقا منشورنا الجاى طويل حبه لكن حتستمتع منو جهز لي مودك وفكرك🤝🤝
#summary_squeezer_team
#introduction_to_immunology
#enjoy_medicine
https://t.me/summarysquezer

جيناكم تاني ي شباب نحنا وال complement system ♥️..
مراجعه سريعه..
(قلنا هي عباره عن بروتينات بيتم تصنيعها في الكبد وبتلف في الدم بصوره خامله بتم تنشيطها في حاله وجود عدوى وبتم تنشيطها عن طريق 3 طرق..)
منشورنا دا حيتكلم عن حاجتين
🤡 the pathways of activation of the complement system.
🤡The regulation of the complement system.
.....
جاهز؟🥸
يلا بسم الله..
قبل م اذكر الطرق البنشط بيها الcomplement system حقنا دا عايزين نذكرك بحاجه في المنشور الفات...قلنا انو كل الpathways دي حتديني في النهايه نفس المخرجات ذكرناهم ومن بينهم كان الMAC اللي قلنا حنتكلم عنو، طب ورح نتكلم عنو🙃..

الMAC او الmembrane attace complex عباره عن مجموعة من الكمبلمنتات🤣 ايوه والله
عباره عن الناتج النهائي اللي حنستخدمو ضد الباثوجين...كيف؟
المركب دا عباره عن سلاح...بهاجم الmembrane بتاع الميكروب او اياً كان، وبعمل فيه ثقوبporese علشان يدخل كميه من fluid ويحصل بووووم rupture لغشاء الخليه بتاعه العدو🤏 .

طب نحنا حنصنعو كيف؟ وهو زاااتو انتى قلتي لينا في حوالي 30 نوع من الcomplement السلاح دا بالضبط متكون من ياتو فيهم؟
حقول ليك اصبررررر عليا وشيل نفس😏

نرجع....
اول pathway قلنا شنو؟ 🥸
ايوه صح
🔸1- الclassical pathway:
في اي طريقه تنشيط لازم تعرف العامل المُنشط والمخرجات من التنشيط بالاضافه لطريقه التنشيط نفسها..
اذن 🤝
في الclassical pathway العامل المنشط عندنا هو الAg-Ab complex
بجيني Antibody فيه 2Antigenes
يقوم يتلصق لينا في كومبلمنت رقم 1 رمزه
C1
دايما C1 دا عظيييم كده😌 لانو بروتين عندو 3 Subunits نرمز ليهم بC1qوC1r و C1s
بعد يتحد لينا مع الAg-Ab بحصل ليه تنشيط يقوم سرييييع كده يجري ع اخوانه C2و C4...ما هو ما ممكن يصحي براه والباقين نايمين🤡

ونفسسس الشي ديل برضهم عندهم subunits بنرمز ليها ب a و b لكل واحد
اها يقومو يتفكو بعد الملامسه الظريفه دي وحيكون عندى C2a,C2b,C4a,C4b كل الفيها a بتطلع وتشتغل ك شمارات🤣 اوchemotaxis او inflammatory mediators وبتتخارج
يفضلو لي الC2b,C4b وبعملو مركب مع بعض بسميه الC3 convertase 🙃
سميناهم كده علشان بنشطو البعدو طوالي اللي هو C3 بيتفكا ليا ل
C3a
ودا بمش وبعمل opsonisation😋
وC3b ودا بيتحد معاهم ويعمل ليC2bC4bC3b وبنسميه C5 convertase
علشان بنشط البعدو اللي هو رقم5 ويفكو لي لC5a,C5b
C5a
بتمش مع بتاعين الشمارات
C5b
ودا مسك الختام
بمش يمسك مع 6,7,8,9 ويعمل لي السلاح MAC
راسك داش؟🥴

براحه الموضوع ما معقد
كل الحكايه انو الكومبلمنتس بتشتغل على التوالي اي واحد بنشط البعدو ويفككو لحدى م في الاخير نصل ل رقم5 ودا بتحد مع الباقين وبعمل لي الMAC
اذن الMAC بيحتوى على منو من الcomplements?
يب..
C5b,C6,C7,C8,C9
ودي الطريقه الأولى.
......
🔸3- الMannan Binding lectine
ودي نفسسسس الطريقه الأولى فقططط بتختلف في العامل المُنشط...عندنا في الclassical pathway كان Ag-Ab complex اما هنا عندنا serum protein 😋 اسمو الlectine بكون حايم في الدم بصوره inactive اول م الباثوجين يدخل السيركيوليشن حيقوم يرتبط لي بالكربوهيدرات(mannose تحديدا) الموجود في سطح الباثوجين دا وطوااالي يحصل active للMBL pathway ✔️
يقوم MBL يعمل cleavage ل C4 وC2
عشان يعمل لي الC3 convertase(نفس تسلسل الطريقه الاولى) اللي هو عباره عن
C4bC2b
(بس بعض المراجع بتقول ان الC3 convertase عباره عن C4bC2a🚶)
(طبعا اتجاوزت نقطه تكسيرهم لsubunit عشان ذكرناهم في الطريقه الأولى وقلنا انو كل الa بمشو بشتغلو ك chemotaxis )
نواصل..🤡
اها ال C3 convertase بيمش يشتغل ليا في C3 وحناخد C3b اللي حيكوِّن لي مع المركب الفوق دا الC5 convertase..

وقفه😁:
مهم جدا تعرف ان الC3a بتعمل opsonisation .
نواصل..🤡
الC5 convertase بيشتغل لي على C5
ويقسمو لsubunit حناخد منهم C5b🤝

عشان C5b تتصل بC6,7,8,9 وكلللهم يعملو لي الMAC..اللي حيدمر خليه الباثوجين.
...
🔸3-ال alternative pathway:
ودي طريقتنا المميزه والفريده لأنها بتختلف كليا عن الطريقتين الفاتو😉.
اولا العامل البنشط الpathway نفسها هو الباثوجين شخصيا...(حفر قبرو بيديه🤏🤣)

الباثوجين دا (بكتريا مثلا)..بتدخل السيركيوليشن حتصادف C3 لكن inactive حيقوم يلتصق بسطح ال membranحقها وهنا طوووالي بتحول ل active ويقوم يتقسم ليا لC3a,C3b:
C3b
حتفضل علي سطح البكتريا وعلشان م ي
ترجع وتتحد مع اخوها الC3a حيجينا كومبلمنت جديد سميناه factor B✔️ يقوم يقول ليها تعالاااا يجميل و ووووب يكوِّن لي مركب جديد معاها اللي هو C3bB .
#summary_squeezer_team
#introduction_to_immunology
https://t.me/summarysquezer

بعدها حيجيني بطل جديد سميناه factor D✔️ ودا مهمتو يكسر ليا factor B ل Ba,Bb :
الBa و factor D بيكملو ك chemotaxis ..حيفضل لي Bb مع المركب الاولاني ومع بعض يعملو لي C3 convertase اللي هو:
C3bBb.
براااحه ما تعاين كده🥴 الموضوع بسيط، ماااا قلنا سلسله بتشتغل على التوالي🤝وكل مركب بنشط البعدو لحدي نصل للMAC.
معلوم اننا محتاجين لكميه من الC3a علشان تعمل لي opsonisation للباثوجين..اذن الC3 convertase الفوق دا حيكسر لي كميه تاااني من الC3..بس م حنقيف هنا لاننا محتاجين للMAC برضو 🙃..

عندنا بروتين جديد برضو من الكمبلمنتات اسمو Properdin 🤣حيتحد مع الفوق ديل ويعمل ليا C5 convertase..ودا هنا حيعمل حاجتين ف نفس الوقت:
1-يكسر لي تاني كميه من الC3 يعنى يشتغل ك C3 convertase 😉.
2-يشتغل ك C5 convertase ويكسر ليا C5 ل
C5a,C5b.
اذن هنا الC5 convertase مكون من؟
ايوااا🤝 C3bBbP .
واخيرا يقوم ال C5b يكمل لي مع البقيه6,7,8,9 ويعمل لي الMAC.
تم.🚶🚶
مميزه الطريقه دي صح😁 .
..
كده تمينا الobjective الأول من المنشور..
وعرفنا الطرق ال٣ وكيف انشطهم وكيف اصل للMAC مع اختلاف كل طريقه(ملاحظين ان الطريقه الأولى بتبدأ من C1 والتانيه من C2 والتالته من C3😉).
نشوف الobjetive التاني..
قربنا خلااااص عارفنك زهجت بس ما باقي شي😉.
....
#summary_squeezer_team
#introduction_to_immunology
https://t.me/summarysquezer

يا سعادتك أرح نواصل 🏃

🤡The regulation of the complement system.
طيب سؤال...
هل نحن داااايما محتاجين انو الcomplement دا يكون active?
-لا..
اذا استمر حيعمل شنو؟
-حيعمل damage💔 لل
normal tissue and cells.

اذن الحاجه دي زي المكنه..تضغط عليها بمؤشر تشتغل..تضغط على مؤشر تاني تقيف ودا حسب حاجه جسمك..

ربنا سبحانه وتعالى خلق لينا Plasma proteins شغلها الشااااغل بس انها توقف الpathways بتاعه الcomplement system بعد تتم مهمتها وتنتهى الinfection علشان تحافظ على الATP حقتك وتحافظ على الnormal cells✨️.
..
Example:
1-C1 inhebiter (C1 INH)

ودا بعمل لي stop لل classical pathway ف لمن ينقص بعمل لي disorder اسمها:
Hereditary angioedema (HAE)
وبتعمل لي:
inflamintion of the mucus membrane. 🚶🚶🚶

2- factor H.
inhabit alternatives pathway.

3- DAF.
Decay Accelerating Factor.
بعمل inhibition للalternative pathway
لمن ينقص بعمل مرض اسمو:
Paroxysmal nocturnal hemoglobinuria (PNH uriua ).
بيجيك المريض بيشتكى من أنو لون البول اسود ⚫️ودا بسبب ان الMAC هاجم الRBCs وخلاها تتكسر (hemolysis) فطلع لي الهيموجلوبين في البول ك لون اسود محمر ودا كلو بسبب غياب البروتين دا واستمرار الpathway على كيفا ساي🚶🚶.

4- factor I.
inhabit all pathways.
دا يعني بشتغل لي على C5 لانو عامل مشترك بين كل الpathways✔️.
...
أيييي منشور طويل ولايوق لكن بيني بينك ممتع ولا لا؟🙃
تمينا قصه الcomplement system الحمدلله ...
إلي اللقاء في قصه تانيه.
دمتم سالمين ✨️
#introduction_to_immunology
#summary_squeezer_team
#summary_squeezer
#enjoy_medicine
https://t.me/summarysquezer

1.2.3تست تست🌚

لو قلنا دايرين نعمل ليكم كورسات أونلاين على القناة.
الكورس الإنتو محتاجين ليهو شنو؟🤔

اكتبو لينا في التعليقات 👇
#summary_squeezer
#summary_squeezer_team

بسم الله الرحمن الرحيم
منشور رقم(76)

السلام عليكم ورحمة الله وبركاته
كيفكم يا دكاترنا الظريفين 😍

،الليلة summary squeezer عندها ليكم موضوع ظريف ولطيف وحلو زيكم كده، لكن قبل ما نعرف الموضوع وندخل فيهو نبدأ بدعاء لطيف كده ألا وهو (اللهم علمنا بما ينفعنا وانفعنا مما علمتنا وزدنا علما يا ارحم الراحمين) قولوا آمييين 🤲🤲

جاهزيين ؟🔥🔥
موضوعنا الليلة عن ال
》》》ORAL ULCER
،ما تخافوا بزبطكم فيهو ارح🏃.

● لو سألكم اي شخص في الشارع ساي وقال ليكم يعني شنو ulcer؟🤔
ممكن تقولوا ليهو قرحة، بس في ناس ما بتعرف القرحة، ببساطة حتقول ليهو دي شق او جرحة بتحصل في الانسجة الموجودة داخل الفم، هو طوالي حيقول ليكم ايواااااا كده فهمت شكرا ❤️

● طيب القرحة دي حتجيكم سااي كده بتعاكس فيكم دايرة تتلصق 😂؟ ، اكيد لا طبعا ليها اسباب نحن حنمسك كل سبب ونعرف تفاصيله أوك؟

🔸السبب الاول (TRAUMATIC) :
_ودي جرحة عادية بسيطة بسبب اسنانك حادة بنقول عليها sharp tooth و بتكون precancerous (ممكن تبقى cancer😱) حلوين لحد هنا.😉

🔸السبب التاني (INFLAMMATORY = إلتهابية) :

1- Aphthous ulcer (canker sores) /
_دي Unknown cause (ما معروف سببها بالضبط) بتجيك نتيجة ال stress او بتجيك كأعراض لأمراض أخرى زي ال(crohn disease أوpagett disease),طبعا بتكون مؤلمة painfull وNot cancerous (دي ما بتبقى كانسر نهائي😮‍💨)

_ال paget ده مرض جيني بصيب العظام بخليها تكبر عن المألوف، حصل سمعت بزول عنده رجل أطول من التانية؟ بس ديل ياهم😬

_و ال crohn، ده مرض سببه inflammation في ال git tract بتكون في ال layers بتاعته.

2- طيب لو كانت known? ،دي بتجي نتيجة لامراض تانية طوالي زي ال TB(السُل)، او نتيجة لفطريات اسمها syphilis(البتعمل مرض الزهري) وهنا القرحة عاملة زي الجلي كده تسمي gumma, لحد هنا ظريف صح👍.

3-Recurrent Aphthous Stomatitis (RAU) :
_ دي برضو قرحة بتجيكم نتيجة لل stress, او انيميا او نقص فيتامينات او hypersensitivity (حساسية عالية) و ممكن برضو تسببها ليكم بعض انواع الادوية زي ال NSAIDS. 🥶

4- Gingivostomatitis(التهاب اللثة) :
_ده التهاب بحصل في اللثة و الشفتين (بوز أو قدوم 😗😂) نتيجة للإصابة بفيروس الهربس[herpes virus]،وده بخلي لي الفيروس يمشي و يقعد لي في الtrigeminal nerve بسبب لي حاجة اسمها
Trigeminal Trophic Syndrome (TTS) :
كده بعمل إصابة للعصب و بتأثر و بفقد الوجه الاحساس حقه كونه هو المسؤول عن ال sensation😶.


🔸 السبب الثالث (MALIGNANT) :
ودي بتأثر لي على 2/3 من اللسان anterior,واكثر مرض شايع بعمل كده هو
Oral Squamous Cell Carcenoma (OSCC).

■كده نكون غطينا على معظم المعلومات، دكتور كده خلصنا؟، اي خلصنا وريتكم الموضوع ظريف وبسيط، لكن برضو حاولو براكم كده تمشوا تبحثوا في مراجع في النت كزيادة معلومة جديدة وما خسرانين حاجه، يلا باي يا حلوين نشوفكم على خير 💛😍

نلقاكم مرة أخرى في مواضيع شيقة اكثر 💛💛💛💛💛💛💛💛💛💛💛💛💛
ابقو عافية 😘💛


#summary_squeezer_team
#GIT
#summary_squeezer
#pathology
#enjoy_medicine
https://t.me/summarysquezer

بسم الله الرحمن الرحيم
منشور رقم(77)

السلام عليكم ورحمة الله وبركاته..
لعلللكم طيبين🤩🔥

عارفين حا نتكلم عن شنو؟
حا نتكلم عن ال 😁
》》》Oral cancer


دقيقة دقيييقة oral cancer
يعني الخشم بحصل فيو سرطان 😱؟

ها ظووول ها بالغت والله..عاد كيفن ما يحصل؟🤓

و نان بحصل كيفن؟😱

عايز تعرف صاح؟ حرررم نوريك
يلا ركز معانا وشوف👀

طبعا زي ما عارفين انو الخشم هستولوجيكالي كدا بتكون لينا من
- Stratified squamous epithelium
- glandular epithelium

يلا طبعا الtumor البتحصل في الoral دي ممكن تكون :

🔸Pre malignant
🔸malignant

نبدا بالpremalignant
وعندنا فيها

▪Leuockoplackia :

ودي عبارة عن White layer بتتكون لينا في الgingiva والtongue اكتر شي
وطبعا هي painless 🌚
والCause بتاعها unknown
بس عندها risk factor واللي هو
التمباك 🤮

لكن ممكن تكون في عدة اشكال زي

Thin leuckoplackia
ودي عبارة عن طبقة رهيييفة وبيضاء

وممكن كل مرة تنمو وتزيد زيادة وتبقى
Thick Leuockoplackia

وممكن برضو نشوفها في شكل دوائر صغيرة بيضاء•
ودي اسمها
Nodular leuckoplackia


او في شكل سميك وكتلة كدا صغيرة ودي اسمها ●
Verrocus Leuockoplackia

وممكن تزيد وتتطور اكتر لحدي ما تتحول لينا لي
Squamous cell carcinoma 🫥


تاني عندنا 🥸

▪Erythroplakia

ودي more serious than lueckoplakia

وهي عبارة عن طبقة حمراء🔴 وبنلقى فيها
Severe dysplasia
عشان كدا ممكن نعتبرها
Early cancer

قلنا moore serious 💀💀


وعندنا اخيرا🤩
Squamous cell papilloma
ودا عبارة عن benign tuomr
بسببو لينا ال
Human papilloma virus (HPV) 🧬
وبحصل في اي حتة من الmouth بس تحديييدا في ال
Oropharynx

ركزو فيها ممكن يسألوكم منها في الامتحان 🌚

تاني نجي لل
🔸malignant


واللي هي
- Squamous cell carcinoma
وياهو زي ما شايفين هي malignant tumor في الsquamous epithelium

وممكن تكون عاملة invasion للbasement membrane وممكن تنتشر للlymph node وتمشي باقي الحتت😔

اكتر شي بنلقاها في الold ages 👴

▪الrisk factors :

Tobacco use
Alcohol
Radiation
Chemicals
😭😭😭
أرح اللي بعدو 🏃
- Adenocarcinomas :

ودي بتكون في الglandular epithelium حق الsalivery glands 🤤

وبنلقاها في كم pattern

:
Pleomorphic adenoma
ومن اسمها pleomorphic يعني فيها كم شكل
والي هي بنلقى فيها مزيج بين

Defrentiated Epithelial and myoepithelium

وعندنا
Adenoid cystic adenoma
ودي اكتر شي بتصيب الolder ages
ودي عندها القابلية انو يحصل ليها
Peri neural spread 🧠
فا بعدين دي بتصعب الtreatment بتاعها اذا كان surgury💔💔

Muco-epidermoid -carcinoma
وهي عبارة عن خليط بين ال
Mucus and squamous cell



وعندنا تاني tumors ممكن نشوفها في الmouth زي

Lymphoma
Melanoma

🔸signs and symptoms :
- Numbness ( خدر)
- change in voice (🗣تغير في الصوت)
- pain or difficulty of chewing of swallowing(صعوبة في المضغ والبلع😖)



🔸 diagnosis :

بنعمل ليهم
- Biopsy 🔬
لانو زي ما عارفين دايما اي كانسر بتشخص بالbiopsy
عشان نقدر نشوف الdysplasia والsigns حقت الmalignancy 💀

- Imaging 🩻
(CT scan - X- ray)
عشان نشوف بدا يحصل metastasis ولا لا

واذا حصل metastasis عشان نقدر نحدد الstages حقت الtumor بال
TNM system
T = tumor size
N = number of lymph node
M = organ metastasis


🔸Treatment :
Surgury
نزيل التيومر
ونكلم البيشنت يوقف الكحول او التمباك اذا بستخدمهم
وتاني عندنا كل من ال
Chemotherapy
Radiotherapy

وبسسسس كدا نكون خلصنا 🥳

يلا نلاقيكم في منشورات جاية .في رعاية الله 😁✋
#summary_squeezer
#GIT
#summary_squeezer_team
#enjoy_medicine
https://t.me/summarysquezer