طيب مكان ما بتصل بيه الilieum في فتحة أسمها ileal orifice فوق ليها وتحت ليها في
Superior & inferior ileocolic lips
طيب بعداك في folds ماشة منها latterly أسمها frenula of the ileal orifice رأسك لفا مش أنا زاتي والله😣 ..

يلا ارجع شوف صورة عشان تفهم الكلام دا ..دا كلام بصري ساي😐.. طبعا ديل لمن الcecum يتملي ويبقى distended بقفلو فبمنعو رجوعو للilieum لكن قالو الحركة دي ما كدا فالشغال الشغلة دي بالجد الsphinter القاعد بعمل tonic contraction (كلام فسيو مش.. الجابنا ليه شنو اسع.🙄. برجع أقول ليك العلم دا واحد بس قسمو ونظموهو)

‌🔺Blood supply of cecum :-
Anterior and posterior cecal arteries
اللي هم بجو من ال superior mesenteric artery واعكس الحكاية بالنسبة للvein supply

2) Appendix
‌
🔹عبارة عن قناة عضلية دودية ضيقة بتحتوي على قدر كبير من النسيج اللمفاوي ..الbase زي ماقلنا متصلة posteriomedial wall بتاع الcecum أما القمة الtip بتاعتها حرة ما متصلة بشي🫥.

هي مغطية تماما بالperitoneum و عندها mesoappendix طبعا بمرو فيه vessels و الnerves البغزوها
🔺Blood Supply:-
The appendicular artery
اللي هو فرع من ال posterior cecal artery

🔹في حاجة إسمها (McBurney’s point) بحددو بيها مكان appendix من برا ..بتقول أنو لو عملنا خط مستقيم ال base of appendix قاعدة في النقطة بتاعة ال one third the way لو حسبناها من ال right anterior Superior iliac spine لي ال umbilicus (أمشي شوف صورة يا زول قايل روحك حتفهمها كدا ساي 🤨)

طيب يازول أنا كدا حددت الbase طيب الtip وباقيها وين من الموضوع دا🤔 ...قال ليك يا زول الشغلة دي عندها عدة مواضع بتختلف ممكن تكون فيها هم ديل :-
-retrocecal or retrocolic position
يعني ورا ال cecum أو ورا ال ascending colon
-pelvic or descending
position
نازلة تحت لاتجاه حوض
-subcecal position
تحت ال cecum
-preileal position or postileal position
قدام أو ورا ال ileum
* قالو الغالبية والاكتر بتكون تحت للحوض ياما ورا ال cecum


...طيب كترتها عليكم (وعلي كمان😆) أشوفكم في الجزو التاني🙋


#summary_squeezer_team
#GIT
https://t.me/summarysquezer

Anatomy of the Large intestine (2)

طيب يلا نتم ما بدأناهو ونواصل في باقي
الlarge intestine وكان أخر شي أخدنا ال cecum & appendix (كان ما شفتو ما فات شي أرجع شوفو )..المهم أرح نشوف فاضل لينا شنو....حاجة كدا في منتهى اللذاذة 😆🤩(استغفر الله😂)
يلا نقول بسم الله

3) ascending colon (القولون الصاعد) :-
🔹بدايةً كدا قالو الشي دا قاعد في ال
right lower quadrant ↘️

وهو الجزو التاني من الlarge intestine بعد الcecum الشي دا بمتد ليك من نهاية ال cecum طالع فوق لحدي يصل السطح السفلي للفص الأيمن للكبد في الحتة دي بلف ليك شمال بعمل حاجة أسمها
right colic (hepatic) flexure
يعني الطية القولونية اليمنى أو الطية الكبدية اليمنى نسبة لأنها جمب (تحت) الكبد .

..على كدا في طية في اليسار (أصبر كدا لحدي نجي descending colon ) ..المهم بعدها ال ascending colon بتصل بال transverse colon😑...

🔹طيب في حاجة ما قلناها عموما ال colon بحيط بال small intestine يلا ال ascending colon قاعد يمين لل small intestine ...طبعا هو وأخوهو👬

descending colon عبارة عن retroperitoneal... أما ال transverse colon & segmoid colon ديل intraperitoneal

🔹في حاجة إسمها right paracolic gutter قاعدة laterally بالنسبة لل ascending colon ..بستساعد على أنو ال material تمر من peritoneum region للآخر🫡
🔺Blood supply :-
-The ileocolic and right colic arteries
وديل فروع جاية من ال
superior mesenteric artery

4) transverse colon (القولون المستعرض) :-

🔹بمتد بالعرض خلال البطن وبشغل لينا ال umbilical region .. المهم الشي دا ببدا لينا في ال right colic flexure الذكرناها جبيل بعداك بدلى لي تحت و بكون معلق من سطحو العلوي superior border بي transverse mesocolon من البنكرياس pancreas (من ال anterior border بالضبط ) وبعداك بجي طالع لحدي يصل ال spleen مكان ما بقت ليك ال left colic (splenic) flexure يعني الطية القولونية اليسرى أو الطية الطحالية اليسرى ..

تمام كدا جبيلك اليمنى كانت تحت الكبد أسع اليسرى تحت الطحال ..كمان قالو اليسرى أعلى من اليمنى ...واليسرى معلقة من diaphragm ب phrenicocolic ligament الرباط الحجابي القولوني .

🔹 قال ليك transverse colon بالنسبة small intestine قاعد
superior and/or anterior
المهم قاليك موضِعو دا شوية مختلف ومرات بصل ليك لحدي الحوض..المهم أنت وجسمك😂🤷
🔺Blood supply :-
-The middle colic artery
ودا فرع من ال the superior mesenteric artery بغزي ليك التلتين الأوائل بعداك التلت الأخير بغزي ال left colic artery ودا فرع من ال inferior mesenteric artery

معاي ولا مع الأسف 😂 على قول أحمد إبراهيم (شراح بايوكمستري ظابط أنصحكم بيه😂 )

5) descending colon (القولون النازل) :-
🔹يلا الشي دا قاعد في left upper & lower quadrant بمتد تحت من ال
left colic flexure
لحدي يصل ليك pelvic brim مكان بعداك يجي الsegmoid colon ..

🔹وزي ما قلنا قبل كدا أنو هو retroperitoneal structure
الperitoneum بغطيه من الأمام والجوانب وبربطو بال posterior abdominal wall

🔹زي ما هناك في right paracolic gutter..... ال descending colon في laterally ليه left paracolic gutter

🔺Blood Supply:-
-The left colic and the sigmoid branches
وديل فروع من ال inferior mesenteric artery

6) segmoid colon :-
🔹من نهاية ال descending colon قدام ال pelvic brim ببدا ليك ال segmoid colon وبنتهي ببداية الrectum قدام الthird sacral vertebra ..

🔹S-shaped loop شكلو شكل حرف الإس
🔹طبعا هو intraperitoneal structure ..فهو mobile بتحرك .
🔹عندو segmoid mesocolon بتصل بالposterior pelvic wall

🔺 blood supply :-
-Sigmoid branches of the inferior mesenteric artery
زهجتا ؟ والله أنا زاتي 😂 لكن يعني لمن نقيف نقيف هنا ما خلاص قربنا...هانت يازول أرح نتم 🏃💪

7) Rectum (المستقيم ):-
🔹زي ما قلنا ببتدي من امام الthird sacral vertebra بعداك بجي down على شكل الcerve بتاع sacrum & coccyx الضهرو وبنتهي ليك مع الtip بتاعت ال coccyx من هنا بطلع بثقب في pelvic diaphragm وببقى anal canal ..حلو الكلام ؟..(أمشي شوف صورة 👀)

🔹نهاية ال teniae coli (متذكرها ولا نسيتها 🤨 ) بشير ال rectosigmoid junction

🔹.طيب قال ليك الجزو السفلي بتاع الrectum متوسع ومنتفخ كدا وسموهو rectal ampulla ..متذكر ال ampulla بتاعت قناة فالوب يلا ساي قلت ليك اتذكرتها ما دخلها شي 😁..(ما تركز معاي😂)...
#summary_squeezer_team
https://t.me/summarysquezer

🔹المهم ما علينا يلا نركز ..قال ليك ال rectum دا بنحرف لليسار شوية لكن بعداك برجع لل median plane عادي 😄

🔹في حاجة إسمها anorectal angle بسبب ال
puborectalis portion of the levator ani muscles
بعمل ليك زي رافعة كدا فبتحصل الangle🫤

🔹قال ليك ال peritoneum بغطي ليك ال الجزو الأمامي والجمبات بتاعت التلت الأول من ال rectum والجزو الأمامي من التلت البي النص أما التلت الأخير لا لامي في بلح الشام ولا عنب اليمن🤡

🔹ال rectum عندو transverse folds العملها ال mucous membrane & circular muscles ...ال transverse folds في وحدة يمين واتنين يسار فوق وتحت (أمشي شوف صورة يا زول عشان تفهمها😑)

🔺 Blood supply :-
-The superior, middle, and inferior rectal arteries
- ال superior من ال inferior mesenteric artery (و بغزي ليك ال mucous membranes )
-ال middle من ال internal iliac artery (وبمشي لل muscular coat)

-ال inferior من ال internal pudendal artery (from the internal iliac artery)
-بعداك كلهم كدا عاملين anastomosis مع بعض
- وأخوانهم الفينات (viens) لمن يتحدوا بعملو anorectal portal–systemic anastomosis
(كان ما مشيت شفتهم عديل في رسمة ما تقول فهمتها😒)

8) Anal canal (القناة الشرَجيّة):-
الصراحة مافيها حاجة كدا بس انها بعد الrectum من الtip بتاعت coccyx و بغزوها ال rectal arteries مع الrectum وخلاص نهايتها الanus وانتهينا 🤷

اخخخخخ أخيراً الحمد لله 😆😌

شكراً لوصولكم لي هنا😂 هاكم وردة🌷
والعفو والعافية عن أي خلل أو نقص أو خطأ

#enjoy_medicine
#summary_squeezer_team
#GIT
https://t.me/summarysquezer

بسم الله الرحمن الرحيم
منشور رقم(72)
السلام عليكم ورحمة الله تعالى وبركاته 👋✨
تيم summary squeezer الحلوين الليلة ح نتكلم عن
》》》Types of Immunity


طيب لمن يقول ليكم في حرامي في البيت او في حاجة ح تهاجمك 😱اول حاجة بتفكر فيهاشنو؟! 🤔اكيد عصاية .. سكين ..مسدس او اي شي جمبك عشان *تدافع بيه عن نفسك* صح؟!

طيب هل مرة فكرت اذا العدو دا كان ميكروب 🦠 او جسم غريب 👹👹ودخل جسمك هل جسمك ح يدافع ويشوف ليه عصاية زينا ولا ح يخلي الاجسام الغريبة تسرح وتمرح ⁉️🧐

اكيددد طبعا جسمنا ح يدافع وم بسكت 💪😎(افووو سكات شنو كمان😂)
تعالو مع بعض نشوف كيف جسمنا ح يدافع ويحمي نفسو

💢طيب في البداية عندنا مفهومين اساسين لازم نعرفهم
💢1-Immune system
ودا طبعا جهاز المناعة يعني هو المسؤول من الdefense mechanism

:-استتتاااد مناعة دا شنو؟! (
صبرا يبل الابري ماف) 😂 دا المفهوم التاني عندنا الليلة تعالو مع بعض نشوف المناعة دي شنو
💢2- *Immunity*
او المناعة وهي (defense mechanisme)
بحكمة ربنا هي وسيلة الدفاع البواسطتها بندافع بيها عن اي جسم غريب بدخل جسمنا سوا (microorganisms or toxins)
:- ااا يعني دي وزارة الدفاع حقتنا?!👊
بالضبط كدا
📌📌:- استااااااد انت قبيل قلت immune system يعني دا جهاز جوانا زي جهاز التنفس والGIT ?! وعندو مكان عديل؟!

سؤال كويس يبني 👏الimmune system هو جهاز لكن م عندو مكان محدد زي الrespiratory system يعني ما حاجة solid وهو بنلقاه
(network of cells,tissues,, organs and chemical substance)اللي هي طبعا
work together to mediate the resistance of infections”

للعملو رايحين وقروا انجليزيني دا ^لللللل ^بس قلت الشبكة دي بتشتغل مع بعض عشان تقاوم العدوى"😂😂

:- سؤال اخير طيب كيف المناعة دي بتفرق بين خلايا جسمنا الاصلا قاعده والخلايا الغريبة الدخلت ؟!🤔

📌📌ممتاز جدا ودي تُعتبر من اهمم خصااااائص المناعة ~بنوعيها~ مناعتنا و
سبحان الله
can distinguish self from non self antigens.
يعني بتقدر تفرق بين خلايانا والخلايا الغريبة 👹الدخلت
:- طيب هل ممكن ما تفرق بينهم وتهاجم خلايانا ⁉️
ايووووه بحصل ودا معناها في disease والامراض الزي دي بنسميها
*autoimmune disease* 🤧

:- نوعيها؟! في انواع من المناعة يعني ⁉️
ايوا عندنا نوعين من المناعة الا وهم
⚜️🌻1-*Innat immunity *
⚜️🌻2-*acquired immunity

يلا نشرح ال⚜️🌻Innate immunity
بنسميها ال( natural immunity ) وبرضو (nonspecific immunity )
اول شي يعني شنو كلمة innate؟؟!
يعني بدائية او فطرية( من الفطرة يعني) ودا معناه انو اتولدنا بيها 👩‍🍼يعني من بطون امهاتنا طلعنا بيها وبكدا يبقى الوظيفة الرئيسية للinnate immunity هي *protection*.
From microbs
والوظيفة التانية وهي ثانوية اكيد طبعا elimination of already entered microbes
يعني يا تحمينا قبل ما تدخل المكروبات يا بعد تدخل لينا تتخلص لينا منها (بديهيا كدا😂)
📌📌معلومة مهمة
Innate immunity not just for humman also in plants 🍀or animals 🐂🦒
طيب تاني نشوف اعضاءومكونات الinnate immunity
1-Physical (Epithelial ) barriers.
2- Chemical barriers.
3- Cellular (phagocytic) barriers.
4- Cytokines.
5- Plasma proteins.
6- Complement system
نمسكهم واحد واحد

1 -physical barriers
بالضبط كدا دا زي الباب 🚪او الحائط يعني بمنعو لينا دخول الميكروبات من خلالهم
وديل A- skin
وملحقاته من الnails &hair 💅وم ادراك
B- Mucous membranes of the gastrointestinal tract.
C-Ciliated epithelia in the
respiratory tract.
وطبعا مدام في فيزكال لازم يكون في 🧐!!

2-chemicals barrier
وديل ناس body secretion زي (saliva 😰💦&mucuos&HCL) وطبعا الmucous دا بتعلق بيه الميكروبات وبطلع لينا على شكل sputum (بلغم اكرمكم الله)🤢

3-cellular barrier
وديل بشملو لينا جزء من WBCs 🧫هم ال *neutrophils &macrophages * ومعاهم الnatural killer cell وطبعا ديل ما ح نطّرق ليهم كتير هنا (ركزتو مع هنا دي؟! بتلقوهم في منشور خاص بيهم😂وراك وراك😂)

كان واقف اقعد وكان قاعد قوم 🙂وركز معاي في النقاط دي 👇☕️
1 - طبعا عارفين ال (neutrophils +macrophages)بتعمل phagocytosis 😬

2- طيب يعني هم لمن يعرفو في مكروب بمشو ببتلعوه صح؟! 😠

3- كيف بعرفو المكروب دا ؟!!!! 🤨🤨
بعرفوه عن طريق recepters ايوا يا سيدي هم عندهم recepters بتجيهم اشارات اذا دخل جسم غريب 👹
( زي مثلا نحن ما عندنا double strand RNA ف لو دخل يبقى غريب ولا ما غريب ؟! غريب اكيد فطوالي بتجي اشارة عبر الريسبتر ليهم عشان يبتلعوه😋

وفي غيروrecepters كتييير بتعرف على حاجات تُعتبر غريبة عشان هي ما في تكوينات جسمنا والrecepter دي نحن بنسميها
*pattern recognise recepters*

#summary_squeezer_team
https://t.me/summarysquezer

عندنا مشكلة بسيطة انو الreceptersدي نمطية عندها نمط واحد 🤦
يعني مثلا زي لو وقفت زول في باب القاعة(يحليل القاعات😭) وقلت ليه دخل اي زول لابس قميص👔طيب بدخل الاولاد اللابسين اقمصة صح؟ وبرضولو بت لابسة قميص بدخلها عشان اوامرو اي زول لابس قميص صح؟!

اكيد طيب لو ولد لابس تيشيرت بدخلو؟! اكيد لا معناها ما بفرق بين ولد وبت صح! نفس الفهم ببلعو اي جسم غريب دام عرفو هو غريب😂🤭 ومن هناااااا جات التسمية للinnate انها nonspecific👏👏

عرفنا نوعين باقي لينا الnatural killer cell ودي غتيتة 🫢ما بتبلع زي ديلك بل بتطلع enzymes الانزيمات دي بتمشي للجسم الغريب وتعمل فيه قدود المهم قد ورا قد لحدي ما تتحطم الخلية الغريبة وتنتهي منها مش قلت ليكم غتيتة؟!😂😭

تعبت ؟! ومخك عامل كدا🤯🤯 قربنا خلاص ما باقي شي
4- cytokines
Are soluble proteins used in the cells communications.
بالضبط كدا زي الواتساب بتُسخدم لنقل ^الشمارات والرسائل^ بين الخلايا😂😂
وزي ما نحن بنستخدم الواتس والفيس والانستا وانواع كتيرة للتواصل كمان في انواع كتيرة منها قسموها حسب
1- cell of origin
2-target cell
3- The Function
وقسموها مجموعات
🔻 Interleukins
من اسمها معناها من الleukocytes ل leukocytes
🔻lemphokines
ودا للتواصل بين الlymphocytes
📌📌وعندنا واحد مهمممم شديد اسمو (tumer necrosis factor alfa ) …TNF-Alfa بتلقي في معظم الchronic diseases وطبعا دا هوالمسؤول عن الحمى 🤒وفقد الشهية لمن نكون عيانين وكمان بيعمل على تكسير الدهون )lipolysis( عشان كدا بنضعف مع المرض وهو البسببو بنحس انو نحن عيانين 🙂😷🤧

القبل الاخيررررة طوالي عندنا
5- plasma protein
المعانا في الinnate immunity هم
1) C-reactive protein
ودا بزيد اثناء الacute inflammation.
(2)surfactant proteins
(3) ferritin.

رقم ستة واخر وحدة 🤩complement system ح نخليها في منشور براها 😍
ما كدا وبس عشان ما تزهجو وتملو حتى acquierd immunity ح نواصل في المنشور الجاي اهم شي عندنا راحتك💕

في رعاية الله🤲

#summary_squeezer_team
#introduction_to_immunology
#pathology

https://t.me/summarysquezer

السلام عليكم ورحمة الله تعالى وبركاته 👋✨

الليلة ح نواصل موضوعنا مع
الtypes of immunity وح نتكلم عن *acquierd immunity* 🔥😍

وبرضو بسموها الadaptive immuinty
والspecific immunity (لقدام ح نعرف ليه اسمهم كدا)🤌

وطبعا بما انو قلنا الinnate بنتولد بيها 👩‍🍼يبقى الacquired مكتسبة بعد الولادة 👶
يعني
Develop through the life
After exposure to Antigens

وابطالنا الليلة من WBCs والبشتغلو في النوع دا من المناعة هم
T- lymphocytes & B- lymphocytes
🔥🔥صراحة موضوع الليلة ممتع جدا…
فخلونا نستمتع🔥🤩

:- قلنا مكتسبة يعني بتختلف من زول ل زول ؟!🤔
ايوااااااا النوع دا not inhertied يعني بعتمد عليك وعلى البيئة الانت عايش فيها
تفتكروا ياتو مناعة اقوى حقتنا نحن الف السودان ولا مثلا الامريكان ؟! 🤔صدق او لا تصدق مناعتنا اقوى من مناعتهم 😂😍—سبحان الله -😂😂لكن دا طبعا بسبب المشاكل الصحية الكتيرة البنتعرض ليها في الdeveloping country ( مش كدا وبس حتى التوائم المتطابقة بتختلف عندهم) …


وعملو ابحاث كتيير في الموضوع دا حتى ناس غسيل الكلى لقو اصابات الاطفال في
الارياف اقل بكتير من اصابة اطفال المدن

طيب ال acquired immunity دي بنقسمها على حسب حاجتين
💢according to microorganism 🦠(وطبعا دا التقسيم الرئيسي)
💢according to Action of immune system
طيب نمسك الاول 😍
💢According to microorganisms
على الاساس دا بنقسمها ل
1️⃣Hummaral immunity
:- تقوم يا دكتور تسألني الاسم دا جا من وين ؟!🤔
Hummaral
حقول ليك عندها علاقة ب
Body fluids
فمعناه
Immunity agenist extra cellular microorganisms🤝

📌📌واهم اهم نوع من الmicroorganisms هنا هو البكتيريا
🦠وبطلنا هنا الB-cells 💪🔥

ومدام في اكسترا لازم يكون في ⁉️
شطور 👏بالضبط كدا ودا النوع التاني عندنا
2️⃣Cellular immunity
وبديهيا بتحارب الIntercellular microorganisms ( مش قلت ليك شطور😍✨)

📌📌واهم انواع عندنا vairuses+ fungi
وبطلنا هنا منوو؟!!!! علييييك نور الT- cells

طيب نشوف التقسيم التاني
💢according to Action of immune system
بنقسمها ل
1️⃣passive immuity
وهنا الAntibody جااااهز يعني ما بكون عندنا ميكروب عاوزين نهاجمهو ممكن نقول احتياطات امنية وكدا😂
وهنا بنحصل عليها من حتتين يا حليب الام 👩يا اللقاحات اللي هي التطعيم👨‍🔬 🌡️( الاخد الجرعة الاولى الليلة موعدنا مع الجرعة التانية😂😂) ااخخخ اتذكرت الليمون الاكلتو لشفع حلتنا ع اساس دا تطعيم 😂😂


المهم النوع التاني
2️⃣Active immunity
وطبعا بما انكم شطار ح تكونو فهمتو انو النوع دا المقاومة بعد نتعرض للميكروب🤒
💢💢💢💢
زي ما عرفنا خطوات الinnate بسيطة في القضاء على الميكروب ( تتتعرف عليه - تهاجر لمحلو - تقتلو )

تعالو نشوف خطوات الacquierd عشان تقتل المكروب🔫
1- Ag recognition.
•2-activation.
•3-prolifferation (clonal expansion) .
•4-differentiation.
•5- effective mechanism.
انا ح اشرح كأنو قصة بس قبل نبدا في موضوع مهم لازم نطّرق ليه 🤩🫠

طيب الموضوع عن
الRecognition molecules 🤩يعني بإختصار عن الحاجات البتخلي خلايا مناعتنا تتعرف على الميكروبات ( انا ما جبت سيرة سواطة دي افكاركم براااااكم😂😂😂) 🤭
طيب هم ٣ (MHC -TCR - Abs)
هسي مالك مستغرب ؟! ح نشرح الاختصارت دي حبة حبة 🤌

عندنا مشكلة 😱وهي انو الT- cell عميااااء👩‍🦯 مااا بتتعرف على المكروبات ف طبعا بجي اخونا الmacrophages وببلع المكروب وبكسرو وبقوم يشيل جزء منو يعرضو مع MHC
هوي هوي MHC دا شنو؟!!!!! 😢
طيب يا سيدي دا هرمون اختصار ل

major histo compatibility
وزمان كان اسمو HLA اي اي ^ هلا ^👋😂 وطبعا الهرمون دا في منتهى الرهابة تعالو على السريع نشوفو ليه رهيب 😍🔥
اولا دا هرمون فريد يعني اي زول في الدنيا دا الMHC حقو براه 😎
يعني قصدك دا البقولو تحليل الDNA داك في المسلسلات؟! علييييييك نور يعني بنستخدمو في الطب الشرعي
والtransplantaion وتحديد بعد الامراض

نرجع لموضوعنا الmacrophage بتكسر المكروب وتشيل جزء منو تربطوا مع الMHC كدا ياااادوبببببب الT- cell بتقدر تشوف المككروب ودي عملية اسمها Antigen presentation وتجي تواصل شغلها
دقيقة🫷 انت مش قلت عميانة ؟! كيف بتشوف لمن يرتبط مع الMHC ؟!!!!! 🤨

سؤال جيد يا دكتور 👏👨‍⚕️الT- cell بتتعرف على الMHC عن طريق الT - Cell Recepter ودا الrecognition التاني عندنا وهو (TCR)

📌📌معلومة مهمة نطلع بيها
انو ال macrophage مهمة شديد في acquierd immunity ولو حصل خلل فيها بحصل خلل في الacquierd
كمعلومة خليها معاك الامراض البتسبب لينا خلل في الmacrophage هم اللشمانيا والحصبة 😷

#summary_squeezer_team
https://t.me/summarysquezer

طيب الMHC دا عندنا منو تلاته انواع
Class I
ClassII
Class III
والاول والتاني هم المهمين عندنا
والT- cell عندنا منها نوعين
CD-4
CD-8

ف يلا class I برتبط مع CD-8
وclass II برتبظ مع CD-4 ….. (يعني حاصل ضرب الاتنين بساوي 8🤓)
بكداااا عرفنا كيف الT-cell بتتعرف على المكروب 🔥🤩
تعالو نشوف الB-cell
طبعا الحمدلله انها ما عميانة 👏وبتتعرف ع عن طريق الAntibody وبمساعدة ال B-cell recepter اللي هم IgG وIgM وطبعا الAntibody دا التالت في الrecognition

(الفقرة الجاية دي خيال 🔥🤩) الانتيبودي على شكل Yلمن يجي انتجين برتبط بيه في حتة النقاط دي( ÿ )يعني الانتبودي الواحد برتبطو بيه انتجينين وبعداك بتبدا بينهم تتشكل زي عجينة كدا على حسب الاماينو اسيد الفي المكروب ( دا معناه اي مكروب الانتي بودي حقو براه ) ومن هناااااا جات تسمية النوع دا من المناعة specific 👏🤩
المهم كدا سادتنا اتعرفو الانتجين او المكروب(حمدلله على السلامة🤝💕)

طيب دام حصل ليها recognition معناها حصل Activation وطبعا في حاجات بتساعدها. مثلا الT-cell بتساعدهاا ال(IL_2). اما الB-cell بتساعدها cytokines from
T- helper cell 🌹


وطبععا بعداك خليايه وحدة ما ح تقدر تهاجم الميكروب لحالها صح ؟!ف بتبدا تتكاثر وممكن تنتج الاف الخلايا واكتر❣️🤫
في. الT-cell الخلايا كلها عندها نفس التخصصية عشان كدا بسميها clone
ومجموعة الAbs البتحمل نفس التخصصية بسميها monoclonal تمام؟!🫣

مش قلت ليكم الشي دا ممتع🔥😍؟

طيب نواصل من الخطوة الرابعة مع الT-cell ونجي راجعين للB-cell 🤭
طيب الT-cell بعد اتكاثر لاالااف منها بحصل ليها differnetiation جزء منها بحارب المكروب والجزء التاني بتحتفظ بيه ك memory عشان لو حصلت اي عدوة تانية الجسم يتعرف عليها وبرررضو دي من الاسباب الخلتنا نقول الacquierd
انها very specific 🔥🔥
المهم
نجي للجزء المشى يحارب دا
بما انو هي نوعين CD-4 و CD-8
نوشوفهم بحاربو كيف
ال CD-4 بتقسم على حسب الاحتياج ليه😍
يعني لو كان المكروب بكتيريا بتحول
ل T-helper-1 وبطلع لينا IF- gamma
وبرضو في T-helper 2 و T- helper 17
وبرضو T_ regulater ودا بطلع لينا IL_8 ومهمتو اذا انتهى المكروب يوقف لينا عمليه الدفاع ويقول ليه كتر خير وبارك الله فيه 🤝

اما بالنسبة للCD_8 ف نظامها زي الNK_ cell عن طريق الانزايم (الغتاتة ديك)🤫😂

قلت الروووووووب صح ؟! 😭😩
قربنا خلاص ما باقي لينا شي 🫣😍
نرجع ل الB-cell ووصلنا معاها مرحلة التكاثر وكونت لينا الclone صح ؟!
طبعا اي B-cell حصل ليها تحفيز بقت plasma cell وبتطلع Ab مخصص للAg
طيب هي بتطلع Antibody صح ح تقتل لينا المكروب دا كييف ؟!!! 👩‍🦯
بس ح تغلفو لينا ويقوم تجي phagocytic cell تنقش تنقش ( انا الحكاوتي انا انا 😂) تلقاه مغلف (opsonization)تعرف انو دا مصيبة فتبلعو وب هناا عزيزي القارئ انتهت قصتنا 👏👏

وانتهت رحلتنا مع الtypes of immuinty
الى ان نلقاكم مرة اخرى
كونو بخير💕

#summary_squeezer_team
#introduction_to_immunology
#pathology
#enjoy_medicine
https://t.me/summarysquezer

بسم الله الرحمن الرحيم
منشور رقم(73)

السلام عليكم ورحمة الله
أخباركم يا شباب يارب تكونو بخير🤲✨

موضوع الليلة حيكون خفيف وظريف 😉

حنتكلم عن 
》》》 white blood cells  (  WBCs)

طيب قبل ما نبدأ رايك شنو احكليك قصه كدى سريعه طيب زي ما انت عارف البلد دي في حاله حرب طبعا لازم يكون في جنود بيحمو البلد من الدعامه او اي خطر خارجي صاح ولا كيف 😏

يلا الكلام دى برضو بينطبق على جسمك عندو جنود بيشتبكو وبيحاربو البكتريا 🦠 والفيروسات 🧬
ديل كلهم داخل منظومه كبيره اسمها immune system( جهاز المناعه )    
الموضوع دى كبير  حبه عشان ما نتوه 😵‍💫          حنقسمو كالاتي :                                            
🔰Formation                                           
       🔰  Classification                                   

🌟  حنبدى بال Formation  يلا الجماعه الاشاوس ديل بيجو من bone marrow ( نخاع العظام ) بالضبط من خليه معينه اسمها Hematopoetic stem cell او عندها اسم تاني  polypotent stem cell
عدد خلايا الدم البيضاء بيتراحو من[4,000- 11,000]

🌟 في Classification ديل بيتقسمو على حسب cytoplasmic  Granule
🔷️Granulocyte :-                                                  (Neutrophil - basophil - Eosinophi )

💠 Neutrophil :                                                
انت مذكر اننا قسمناهم على حسب   granules صاح يلا دى عندو من ( 3-5 ) lobs  طبعا اي حاجه ليها حد صاح  الزياده في عدد ال segment او lobs بتعني انو في مشكله حاصله دي بنسميها  Hypersegmented  Neutrophil  الناس النباتين 🥦 اعملو حسابكم منها 😏دي كما بتجي لمن يحصل نقص في vitamin B 12  بعد كدى تحصل ليك مشاكل في أعصاب وانميا عشان كدى اوكل كويس وما تهمل صحتك 😷
عندو طريقتو الخاصه في قتل الدعامه لكن دي مشترك معاهو  خليه تانيه لي قدام في الشرح حنعرفها

💠 Basophil:                                                      
دى  غتيت شويه ال granule حقتو hidden  مخفا لكن  شغلو كبير دى بيظهر في حاله allergies  بيفرز  (histamine -Heparin - serotonin) دقيقه دقيقه ال histamine  دى مش كانت بتفرزو ال mast cell 🤨
ايوااا
يلا  الزول دى joker 🃏 عندو كم اسم  Basophil و mast cell  متين اسميهو Basophil  طيب لمن تلقاهو ماشي في blood stream  دى تناديهو بال Basophil  لكن مما يخش عتبه الباب ويدخل ال tissue  بيقلب طوالي 🎭 بيبقى اسمو mast cell
طيب تمام
الحاجه البيعمل Histamine شنو بيعمل vasodilation لل blood vessel  عشان يجي الدعم
لي الحته الفيها inflammation

  💠Eosinophil :                                                 
يلا الشاب دى عندو من (2-3) lob  بيتم استعاؤ في حالات( الحساسيه ) allergies  وأشهر حاله allergy  بيظهر فيها ناس الازمه( Asthma)  
الحاله الثانيه  parasitic infection الطوفيليات زي الديدان الشريطيه (tap warm )ناس neutrophil ديل ما بيقدر ليهو 
مش بتعرف الهاون عتبر  Eoenophil دى هاون 🧨

يلا الشباب ديل ( neutro - baso - eosino) ال lifespan حقتهم 1 hour وبيظهرو غالبا في aute inflammation 

خلصنا من ناس الارتكاز نخش في ناس المعسكر بعد كدى 🤭

🔷️ Agraunlocyte  :-                                           
( monocyte - lymphocyte)
ديل  اثنين  بس 😅 لكن الكلام عنهم حيكون كتير شويه
💠 Monocyte:                                                    
الخليه دي زي Basophil مم ناحيه الاسم بس عندها اسماء كتير  
في blood stream اسمها monocyte لكن لمن تخش ال tissue بيبقا اسمها macrophage 
كلمه  macro معناها كبير معناها انو حجمها كبير phage معناها انها بتبلع 😛 
في كبد اسمها  kufpper cell
في رئه🫁 اسمها  alveolar macrophage
في عظام 🦴اسمها ostoclast
في الدماغ 🧠اسمها microglia
في الجلد اسمها  Langhane cell

🔘 نخش في ال  mechanism  بتاعتها اها بعد ما بلعتها بيحصل شنو او اصلا كيف بتقدر تبلع البكتريا دي 🤨
👏
⚜️الخطوه الأولى recognition and attachment
بيكون عندك في macrophage  مستقبل  (recpter ) اسمو (phagocytic recpteor )
بيستقبل protein part معينه زي lipopolysaccride  دي بتكون موجوده في بكتريا

⚜️  الخطوه الثانيه  (engulfment ):
الخطوه دي بسيطه بعد ما مسكتها بدخلها في vacuol 
عامله زي vessical اسمو phagosome
⚜️ الخطوه الثالثه  (degradation):
بعد ما عملت ال phagosome  بيحصل( fusion) اندماج بين lysosome و phagosome  بيكونو حاجه اسمها phagolysosome 
ال enzymes  الكانت موجوده داخل lysosome  بتبدأ تبل  في البكتريا دي لمن روحا تمرق 💀💀
بتستخدم  برضو(  ROS ) reactive oxygen spices 

#summary_squeezer_team
https://t.me/summarysquezer

زي (super oxide (-O2 و  (H2O2) Hydrogen peroxidase
  دل بيعملو oxidative damage لل bacterial cell لمن تنتهي منها خالص ☠️
يلا دى لو متذكر في Neutrophil  دى نفس الطريقه البتستخدمها عشان يقتل بيها البكتريا

بيكون متحرك في blood stream  من   (2-3) days و lifespan  حقتو ممكن تصل لي 3 month داخل ال tissue
اهم الأشياء البيعملها انو بيكون بمثابة( APC )antigen presenting  cell  
بيشيل عينه من pathogen دى بيوصلو للهو أقوى ✊️منو lymphocyte

اخر حاجه عشان شكلك زهت مني 🤣🤣

💠Lymphocyte:                                                   
طيب دى  بعتبارو  المدفعيه ☄️
قبل ما نبدى فيهو دى بينقسم الي اثين [ T-B ]  Lymphocyte  
الاثنين بيطلع من bone marrow لكن T cell بيحصل ليهو maturation في Thymus gland اما B cell بيحصل ليهو  maturation  في bone marrow زاتو قبلو
حنجي نتكلم عن أي واحده منهم
⚜️  T & Bcell :
دى عندو نوعين   CD4+  و  CD8+  او معروفه بال ( cytotoxic Tcell )
يلا مذكر ال macrophage صاح  يلا  هو بيكون عندو  receptor  عشان يتعرف على ال antigen   اسمو T cell receptor
   بعد ما يتعرفو على  الميكروب دى حيحصل شنو 😎
حيحصل الاتي CD4+ دى بيتفرع لي تلاته اسم  Helper T cell
🎈T Helper 1
🎈T Helper 2
🎈T Helper 17
واي واحد منهم بيفرز  cytokine معين لكن اهم واحد منهم  T Helper 2 دى بيفرز IL5 دى بيخلي B cell يحصل ليها proliferation  وتبقى plasma cell  ودي بتصنع ال antibodies ( ناس العمل الخاص 😎)
وهم  :  ( IgA - IgE - IgD - IgM - IgG)
ديل عشان تذكرهم خليك قاعد مع صحبك ماجد  في القاعه 🤣
وبس كدى 😁 معليش على الاطاله
قبل ما امشي  
[ خلي بالك من نفسك لحدي ما اشوفك في منشور اخر ]
في حفظ الله 😇
#summary_squeezer_team              
#introduction_to_immunology #pathology                   
#enjoy_medicine                                          https://t.me/summarysquezer

اللهم أحفظ أخواننا في فلسطين🤲🇵🇸

بسم الله الرحمن الرحيم
منشور رقم(74)

السلاااام عليكم😁✋

حصل تسآلتو لي لمن بعض الناس لمن يشموا التراب او يتعرضوا لعاصفة بتاعت تراب بقوم نفسهم يضيق؟🤔

انا شخصيا زمان كنا قايلين التراب دا بخش الشعب الهوائية بقوم يقفلها وبعدين الزول ببقى ما بقدر يتنفس😂😂 تاني لمن لقينا ناس برضو بضيق نفسهم برضو لمن ياكلوا انواع معينة من الاكل برضو نفسهم بضيق..😣

فسؤال كان بتردد في خاطرنا وهو هل الاكل دا بدل يمشي المعدة بمشي محل الهواء ولا شنو..؟ حنجاوب على اعتقاد الساذج دا بعد شوية.. ترقبوا😂😂...

》》》Hypersensitivity reactions

♣️objectives:
او المفترض بعد ننتهي من قراءة المنشور دا نكون عرفنا شنو
- what is hypersensitivity?
- the types
- the mechanism of each reaction
- and some examples for each type


بسم الله نبدا..
🔷شنو الاسم دا ومعناه شنو؟
◻️hyper: بزيادة
◻️sensitivity: حساسية
فحرفيا معنى العنوان.. الحساسية المفرطة لجهاز المناعة.. 🥷🏻🥷🏻

مرات في أمهات بكونوا خايفات على أطفالم بزيادة.. بمنعوهم من اي شي.. او اي شي بكونوا خايفين يأذيهم.. حتى لو كان ما حيأذيهم في الطبيعة.. ديل مالهم؟ امهات ما طبيعيات "اعتذر يعني، الكلمة صعبة لزوم الشرح بس🥲" وبالطريقة دي هم البضروا أطفالهم..

يلا نفس الحاجة دي في الاميون سستم.. الطبيعي انو بحمينا من الحاجات البتأذينا صح؟ لكن في بعض الأحيان.. بحصل خلل فيه..لدرجة انو حاجات اصلا ما مؤذية بتبقى تأذينا.. او تصل مرحلة انو يأذي جسمي انا نفسو😰.. والحالة دي بنسميها hypersensitivity🥺..

طيب انحنا لو عاوزين نقسم H.S.R )طبعا دا الإختصار😉)حنقسمها كيف؟

🔷حنقسمها على حسب ٣ أسس..
🔸1. time: " الأعراض بتحصل طوالي اول ما السبب يحصل.. ولا بتاخد زمن طويل"
هل هو immediated "فوري" ولا delayed "مؤجل او متأخر"

🔸2. stimulation
هل بسبب حاجة خارجية ولا حاجة جوة الجسم

🔸3. type of immune system involved
هل هو cell.mediated ولا humeral "ناس الأجسام المضادة"

على حسب التلاتة أسس دي بتتقسم لأربعة أقسام
▫️type one(1)
▫️type two(2)
▫️type three(3)
▫️type four (4)

نبدا طوالي نتكلم عن كل type على حدة.. مع كل نوع حنمسك مرض نشرح فيه ال type..🌚 الكلام تقيل.. معليش حاولوا استحملوا🥲

🔷Type One " allergyic, atopic"

النوع الأول دا هو immediate.. بحصل بسرعة.. وامثلة مشهورة شديد ليه هي الحساسيات🤧.. لكن خلونا واضحين انو ما كل الحساسيات من النوع الأول.. لكن اغلبها منهم.. المرض الحنمسكه

*Allergic Asthma*

قبل ما نحكي قصة ذرة الغبار المسكينة حقتنا نشوف أبطالنا الرئيسيين..

- allergin "الدخيل"😈
- T. helper cells "العقل المدبر وبتدي الأموامر في جسمنا" 👺
- IgE "الرسول البرسلوه يمشي يصاحب الدخيل وفي نفس الوقت هو في صف العدالة وبنسق مع ناس الهجوم"☺️
- mast cells "الهجوم" 👻

الallergin هو في الاساس جسم غريب.. ممكن يكون اكل ممكن يكون تراب.. ممكن يكون دوا.. او كريم او غيره.. طبيعيا بدخل الجسم وبتم امتصاصه أوهضمه وكل شي تمام.. لكن لسبب *جيني🧬* في الزول حقنا دا.. قرر انو خلاص الشي دا ما بنفع معانا.. بهيجنا وبرفع كثافتنا..

في حالة ال Bronchial Asthma ال allergin دا بالنسبة لينا هو الغبار..

نبدا في سرد القصة:
قصتنا مكونة من جزئين:
- first exposure "senstization phase" (يعني اللقاء الأول مع المجرم حقنا)👩‍❤️‍👨
- secound exposure "subsequant" وهنا الحبيبين حيتشاكلوا

🔸اللقاء الأول:
في الوضع الطبيعي.. ذرة الغبار دي بتدخل بالمجرى التنفسي نهاية المجرى التنفسي وين؟ الرئتين صح؟.. عادة هي ما بتصل هناك لانه في ال cilia.. السيليا بتتلصق في ذرة الغبار دي وبتقوم تطلعها برة.. لكن في حالة وصلت الرئتين.. بتلقى هناك في الmucus.. ال macrophages.. بتقوم تبلعها وبعدين بتكسرها وتهضمها والموضوع انتهى.. كدة كلو تمام؟😶

في زولنا العندو ازمة دا.. لمن ال macrophage تبلع ذرة الغبار دي وتبدا تكسرا.. ما بتتكسر كلها.. وانما في جزء بفضل قاعد.. وال mhc 2 بقوم بعرضه برة في الجدار حق ال M.P.. احنا اصلا عارفين انو الماكروفايج.. هم Antigen. presenting. cells.. فالمهم بعد تعرض الانتجين بتاع ذرة الغبار دا برة👈..

بتقوم تجري تتحشر في ال lymph vessels.. اها وهي ماشة بتلاقيها الnaiive t. helper cell.. يعني t. helper cell جديدة في الشغلانية😂.. ما حصل لاقت الانتجين دا قبل كدة.. المهم قامت ذرة الغبار دي اتلصقت في t.h.c.. اول ما اتلصقت فيها.. طوالي ال t.h.c دي شالت كل المعلومات عن ذرة الغبار.. وعرفت انها جسم غريب.. وفي اللحظة دي في بقت mature.. ناضجة.. قامت طوالي رسلت ال interleukins.. بصورة excessive.. ودا بسبب الخلل الجيني..
#summary_squeezer_team
#introduction_to_immunology
#pathology
https://t.me/summarysquezer

واحد من الinterleukins ديل.. هو il-4.. ال il.4 دا بجري يوري ال b.lymphocytes.. بوريها انو عندنا دخيل😈 في جسمنا دا.. وعشان ال stimulus كبيرة بتقوم ال b.lympho c.. بتوقف شغلها في تصنيع ال IgM antibodies.. وبتبدا تصنع IgE.. خاص بذرة الغبار المعينة دي..

ال IgE دا مقسم لجزئين.. جزء برتبط مع ال mast cell اسمه ال fc.. وجزء برتبط مع الانتجين المعين اللي هو في حالتنا دي ذرة الغبار..
ال IgE بتحب ال mast cells عشان هي الوحيدة العندها recepters لل fc بتاعها.. فبتمشي تتلصق فيها👏..

العملية دي كلها بتطلب اسبوعين.. عشان تتم.. في الاسبوعين ديل كلهم.. لو حصل لي exposure لغبار ما بحصل لي تحسس.. عشان كدة مرات ناس كتار بقولوا انو التراب دا زمان ما كان بعمل ليهم حساسية او ازمة.. او لو في بنت اتحننت بصبغة وعملت ليها حساسية.. ممكن تقول ليك انو انا زمان اتحننت بيها وما عملت لي شي.. فهمتو لي ممكن اكون اتعرض للحاجة قبل كدة وما تعمل لي شي؟💁‍♂️

كدة انحنا ياداب بقينا جاهزين وخلصنا المرحلة الاولى.. والIgE ارتبط مع زوجته ال mast cells👩‍❤️‍👨😂😂
المرة الجاية لمن اتعرض لنفس الانتجين حتن يحصل تحسس.. تعالوا نشوف بحصل شنو..

🔸اللقاء الثاني والثالث والرابع...الخ:

المرة التانية لمن ذرة الغبار حقتي تجي داخلة.. طوالي بلقطها ال IgE حقها الملصق في ال mast cells.. ببقى ال IgE مرتبط مع ال mast cells بجهة وبذرة الغبار بجهة.. زي حلقة الوصل..

هنا ال mast cells بتغير وتزعل😠.. كيف ال IgE حقي يخوني مع ذرة الغبار.. فبحصل ليها تحفيز وبتنتحر.. بتطرشق من الزعل🤯.. فبتطلع ال cytokines حقتها.. منهم ال
🔆histamine:
عنده two roles:
🔅- بعمل smooth muscles contraction of the bronchi.. ضيق في الشعب الهوائية يعني.. فالزول ما بقدر بتنفس كويس.. عرفتو اجابة اعتقادي الساذج في الأول؟😂🥲.. دا كله بسبب ال histamine🥲

🔅- الحاجة التانية انو بعمل توسع للأوعية الدموية.. فال blood بطلع بفتحات ال vessels ودا البعمل لي الاحمرار.. وبقع الدم البتكون منتشرة في الجسم زي الزول عضته نملة كتير..
بس دا البحصل بالتفصيل..

في امراض كتيرة غير الازمة بتحصل فيها العملية دي.. زي:
- allergic conjuctivites
- anaphylaxis
- drugs allergies
وكدة انتهينا ياداااب من ال type الأول.. وهو أدسم type...
To be continued
نلاقيكم في المنشور الجاي وبسسسس سلااام 😁✋

#summary_squeezer_team
#introduction_to_immunology
#pathology
#enjoy_medicine
https://t.me/summarysquezer

أما بعد نكمل

》》》Hypersensitivity reactions (part2)

المرة الفاتت اتكلمنا عن انو ال H.S.R دي شنو.. واقسامها وقسمناها على حسب شنو.. وبدينا نتكلم عن الأقسام دي وخلصنا Type 1.. ما أطول عليكم.. طوالي نواصل🫡

🔷Type two "cytotoxic"

النوع الثاني عنده اسم مشهور بيه ألا وهو cytotoxic.. يعني toxic للخلية.. سام أو ضار للخلية🤢..

المشكلة البتواجهني هنا انو الانتجين الجسمي بتحسس منه.. هو طبيعيا متلصق في الخلية.. (ما زي type 1.. تتزكروا زمان لمن اتكلمنا عن ال allergin.. قلنا قاعد يكون حر.. فلمن الAntibody يجي يضربو.. بضربو براه وينتهي منه👊).. لكن هنا لأ.. طالما الانتجين متلصق في الخلية ال Antibody لمن يضرب الأنتجين دا.. تلقائيا الخلية بتضرب معاه🐤.. بالظبط زي ال "toxic relationships" الفي الحياة الواقعية.. تكون قاعد في أمانة الله يجوا يقرفوك😂🙂💔..

طيب الشخصيات الرئيسية العندنا منو؟🔥
المسؤول عن ال reaction دا هم ال IgG & IgM antibodies..
والانتجين هنا بكون طبيعي قاعد في الجسم أو بنصنعه بصورة طبيعية ومتلصق في الخلية..

🔸ناخد مثال عشان الرؤية تتضح:

🔆ABO Blood Incompatablity:

زمان أخدنا انو الدم أنواع.. A, B, AB, O..صح؟🩸 طيب التقسيم دا اتقسم على حسب شنو اصلا؟؟
بالظبط نوع الانتجين القاعد في RBCs.. فلو انا كان دمي B.. لو نقلوا لي دم A.. الانتجين بتاع الدم A دا مختلف عن حقي فبالنسبة لي جسم غريب😈..
حيجي الانتجين دا يركب في ال RBCs حقتي.. طوالي ال IgG بجي عشان يحارب الانتجين A دا.. بتلصق فيه.. وطوالي بحصل تحفيز لل complement system وقيامة الزول تقوم..😂🙂 بكل بساطة😂🙂 عشان كدة لمن ننقل دم لزول ما بنتحرك من جمبه لمدة نص ساعة.. لمن اتأخد انو ما حصل اي تفاعل او اي حاجة حتن امشي وقلبي مطمن..
ومع اطمئنانة القلب دي طوالي نمشي ل type 3😂❤️

*ملاحظة*
يديني ماكلاني اديكم مثال تاني حق ال myasthenia gravis.. لكن عشان ما تزهجوا😔.. لو دايرين اديكم ليه.. وروني في الكومنتات

🔷Type 3:

طيب النوع التالت دا بحصل بسبب free antigen- antibody complexes.. وبرضو مسؤول منه ال IgG& IgM..
طيب دقيقة دقيقة دا شنو ال free antigen-antibody complex دا؟؟🥲
اربعة كلمات طويلة عريضة.. طوالي نستعين بمساعدة المثال حقنا🧞‍♂️

🔆post streptococcal glomerulonephritis:

واضح مثالنا الدايرين نساعد بيه زاتو عاوز مساعدة😂😭😭 لكن حاجة بسيطة والله ما يغركم الاسم الفيه تضاريس لغوية دا😭😂..
post بعد
streptococcus نوع من البكتيريا للناس الما أخدوا مايكرو🦠
glomerulonephritis التهاب في الكلية😷

يعني باختصار التهاب في الكلية "الكاف مكسورة عشان ما تتزكروا الكُليّة وتنهال عليكم الذكريات"😔 بجي بعد التهاب بالبكتيريا🙂💔

نشرح الكلام دا..
طفل عنده skin infection.. بسبب ال strept🦠.. فشنو البكتيريا دي دخلت عادي.. والجسم عمل ليها antibodies كتيرة.. المهم كتلت البكتريا وانتهت.. والطفل خلاص اتعافى من التهاب الجلد..
لحد هنا تمام؟؟
اها الantibodies دي سوت العليها وزيادة لمن فضلت ما شاء الله😂💀.. بقت ال antibodies دي حايمة في الدم ساي.. قامت لقت ليها انتجين حايم في الدم سبحاااان الله الانتجين دا طلع مشابه لل strept القبيل.. اها عاد بتخليه؟ طوالي تقول ليه ماش وين.. تتلصق فيه🧲.. كدة بكونوا كونوا لي ag-ab complex.. (طبيعيا الجسم بتخلص منهم ال complexes ديل.. لكن هنا كانوا كتار شديد لدرجة الجسم بقى ما قادر يقضي عليهم)..
المهم بستهدفوا ليهم حتة زاابطة كدة يقعدوا فيها.. والحتة دي صدفت وين؟؟ تفتكروا وين؟؟ باااس ال kidney.. يمشوا يقعدوا كلهم هناك كل اتنين سوا.. بقوموا يحفزوا لي طوالي شنو؟
*classical pathway of complement system*..
وهنا ال kidney يحليلها.. جاها قدرها في حتتها.. وsadly بحصل فيها glomerulonephritis..
وقعت؟؟💁‍♀️

مدام وقعت نمشي لآخر نوع في ال H.S.L ألا وهو وأخييراا..

🔷Type four (delayed type):

النوع دا موضوعه بسيييط شديد.. من اسمه delayed.. بحتاج ٣ الى ٤ ايام عشان يحصل..و هنا ما بنحتاج antibodies ولا حاجة.. عشان كدة اسمه cell-mediated.. لأنه شغالين فيه ال t.helper cells وال phagocytic cells..⚔️🛡️

🔸مرضنا الحنشرح فيه هو

🔆Tuberculosis(TB):

بتدخل البكتريا بتاعت ال tb دي.. النظام العادي بتاع ال immune system.. بتلاقيها ال recognition cells.. بتمشي توري ال t.cells.. يلا ال t.cells بتحفز لي ال macrophage وكل ال phagocytic cells.. عشان تجي تبتلع البكتيريا.. لكنها قوية.. فما بتقدر عليها.. بتقوم تجمع macrophages زيادة وزيادة➕➕.. لحد ما تتكون لي ال granuloma..
فخليكم عارفين انو عشان تقولوا المرض دا نوعه type four hypersensitivity reaction.. لازم اشوف هل فيه granuloma ولا لأ.. اذا ما فيه معناتها دا ما type four.. كويس؟🫡

#summary_squeezer_team
https://t.me/summarysquezer

وكدة دي كل ال hypersensitivity reaction.. عارفة اني تقلت عليكم لكن ان شاء الله تكونوا استفدتوا.. 😔

*رُفعت الجلسة*👨‍⚖️

>ما تنسوا تدعوا لإخوانا في غزة.. وتدعوا ربنا يرفع عننا البلاء..<

#introduction_to_immunology
#pathology
#enjoy_medicine
#summary_squeezer
#summary_squeezer_team
https://t.me/summarysquezer