وزيادة الخير خيرين😁

#summary_squeezer_team
#flash_cards

في فكرة أنو نفتح باب التقديم لتيم summary squeezer رايكم شنو؟🤔

بسم الله الرحمن الرحيم
منشور رقم(67)
السلام عليكم ورحمة الله وبركاته😁✋ 
أخباركم يا شباب يارب تكونو بخير✨️

موضوع الليلة هو

🔥carcinogenesis 🔥

●زي ما عارفين انو الكانسر بحصل لمن يكون في   *uncontrolled cell growth*
أو الخلية جنت🤪(mad cell)
فا بكون في خلية واحدة tumor cell  باعتبارها هي الmonoclonal cell
يعني هي الخلية البتبدا الكلونة ( تتنسخ ) لحدي ما تعمل polyclonal cells ( باعتبارهم كلهم جايات منها هي 🙄)


●طيب الrisk factors حقت الكانسر ممكن تتحصر في كونها🫥

1. Environmental
2. Genetic predisposition


🔸بالنسبة للenvironment
عندك ال  *chemical substances*
واللي هي بشتى انواعها
زي ال

▪ Asbestose
▪Benzine
▪Radon
الخ
كلها مواد كيميائية مسرطنة carcinogenic (ماف زول جاب سيرة الإندومي🤫)

🔸ionizing radiation

وتحديدا الultraviolet
واكتر شي ممكن تعمل الskin cancer وxeoderma pegmintosum
+ الthyroid cancer

تاني عندك الكحول والsmooking والtobacoo والحاجات الزي دي😈


🔸واخر شي الViruses :

زي ما عارفين انو الفايروس بدخل الخلية وبعمل زي ما عملو الجنجويد 💀💔
الخلية بتكون كأنها بيتو الخاص
الفايروس بستخدم الgenetic material حقت الخلية
يعني بستخدم الenzymes حقتها عشان يعمل transcription و translation

وكمان ممكن هو زاتو ينسخ الجينات بتاعتو في الchromosome وبعدين يحصل ليها gene expression وتطلع لينا oncoproteins (إستعمار جد😭)

ومن اشهر الفيروسات دي
▪Epstin bar virus
▪Human herps virus
▪Papiloma virus


دا بالنسبة لل  environment


🛑اما genetic predisposition
واللي هي مقصود بيها القابلية للجينات انها تتحور
يعني ديل ناس عندهم معرضين لي انهم يجيهم كانسر بناءا على جنسهم او بلدهم وكدا...
لي درجة ممكن يورثوها كعائلة عديل 👨‍👩‍👧‍👦

●في حاجة اسمها
Familial cancer syndrome
واللي هي دي شنو؟
عبارة عن ناس كان عندهم كانسر وورثو الكانسر دا لي اولادهم والاجيال الجاية..

ودا مثلا نسبة لي إنهم حصل ليهم mutation في جيناتهم زمان بي اي واحد من الrisk factors وجاهم نوع معين الكانسر وبقت جيناتهم ( المحورة ) دي تنتقل بين الاجيال لحدي ما بقو وارثين النوع المعين دا من الكانسر

يعني عادي العائلة كلها يكون عندها كانسر🙆🏽‍♂️ الام والاب والاولاد
يعني اتخيل انو لمن تجي تورث حاجة من اهلك في الدنيا دي تورث منهم كانسر وفلس😂😂😂😂💔 قاسية شديد يا دنيا

المهم من ضمن الtuomers دي عندنا

Familial Adenomatous polyposis of the colon

ودا عبارة عن benign tumor في الGlandular epithelium حقت الColon

تاني عندنا الRetinoblastoma 
ودي من اكتر الcases حقت الFamilal cancer

والBreast cancer


●بعداك نجي للكانسر زاتو بتكون كيف
وهو بحصل لمن يحصل mutation في اي من البروتينات او الgenes البتنظم الcell cycle عموما

ملحوظة صغييييرة 😃الجينات البحصل ليها mutation وبتكون ماشة في الpathway بتاع الكانسر اسمها oncogens
والبروتينات البتطلع منها اسمها oncoproteins

طبعا زي ما عارف انو الجينات هي المسؤولة عن تكوين البروتينات البنحتاج ليها جوة الخلية

فا عندنا
🔸جينات بتصنع الgrowth hormone
🔸جينات بتصنع الreceptors
🔸جينات بتصنع البروتينات البتنقل الاشارات جوة الخلية
🔸جينات بتصنع البروتينات زي الtransportation factors
🔸جينات بتصنع بروتينات الDNA repair والapoptosis


المهم ممكن يحصل mutation في اي نقطة من النقاط دي فا بالتالي بحصل الكانسر


وممكن يحصل كالاتي عن طريق

🛑 oncogenes activation
زي ما قلنا فوق انو في مجموعة جينات مسؤولة عن تصنيع كل البروتينات حقت الخلية

الشي الطبيعي انو لمن الخلية تجي تنقسم المفروض تجي اشارة من الGrowth hormone وتعمل activation  للRAS(رااااس😜) system
عشان يحصل تحويل GDP لي GTP والG protein يكون active

الg protein بنقل الاشارة لي Adenosyle cyclase عشان يحول الGTP لي CAMP

والCAMP بمشي يحفز الprotein kinase ودا بي دورو بحفز الtranscription factors

فا اي واحد من البروتينات دي بتحكم بيو جين من الجينات الفوق
ممكن يحصل ليو mutation ويتحول لي oncogene والoncoproteins حقتو ممكن تعمل
Uncontrolled cell proliferation...
ويلا الخلية جنت🤪


🛑Gene amplification
ودا مقصود بيو انو في جين معين بحصل ليهو multiple copious يعني بكون في منو كم نسخة
بتنسخ في الكروموسوم وبعداك ممكن تتكون لينا  oncoproteins  

🛑Dislocation
ودا لمن يحصل rearrangement للكروسوم
مثلا ممكن يحصل deletion لي جزو من للكروسوم
وممكن يحصل fusion لي جينين سوا زي ما شفنا في ال
Chronic myeloid leukemia
بحصل dislocation بين موضعين في الكروسومات اللي هم
9:22 😃
وهكذا يعني

ومعظم الsarcomas بتحصل نتيجة الحاجة دي


●في شي اسمو tumor suppressor genes

المهم قلنا انو في جينات بتوقف الcell growth
ودي اسمها tumor suppressor genes

وهي مجموعة يعني وعندها كم وظيفة واللي هي١،٢

●ووظائفها الرئيسية

1. Cell cycle arrest
2. DNA repair

Cell cycle arrest :
بتوقف الcell grwoth
او انها توصلها للG0 state في حال حصل DNA damage

2. DNA repair
بتصنع بروتينات تبدا تعالج الDNA وترممو

او اخر شي في حال الDNA repair فشل طوالي تعمل activation لل genes المسؤولة عن الapoptosis


والمجموعة حقت الجينات دي هي :

1. BRCA -1
2.BRCA-2
واللي هم الأخوان بركة😂
3. RB
4. NF-1
5. TP53
6. APC

وطبعا اسماءها ما صعبة الجينات دي وما تقول ما بتتحفظ🤣🤣

والTumor suppressor gene دي اذا حصل ليها mutation ممكن تعمل

- breast cancer
- retinoblastoma
-nurofibroblastoma
- Li–Fraumeni syndrome
- familial adenomatous polyposis + colonic cancer

يلا تعال قارن اسماء الجينات القبيل ديك بي الكانسرات الهنا حا تلقاها اختصارات بس🤣🔥🔥🔥



المهم كدا ممكن تقول خلصنا🫡🔥
نتلاقى في منشورات جاية وبسسس سلااام
#summary_squeezer_team
#pathology
https://t.me/summarysquezer

https://www.facebook.com/profile.php?id=100091301330333&mibextid=ZbWKwL

السلام عليكم 😁✋

وبعد إنتظار دام طويلا...
وعشان نحن نسعى للتطور🔥
وعشان ندي فرصة للشباب المبدع🤩

أخيرااا...
فتحت "سمري اسكويزر باب التقديم لعضوية التيم🥳🔥🔥🔥🔥🔥

لو حاسي أنك بتقدر تقدم أي شي مفيد(ملخصات،شروحات،ميمز،فيديوهات،مصادر،شيتات،تصاميم،أي شي زابط)

مرحب بيك معانا ✨

قدم وما تضيع الفرص دي منك (دي ما فرصة بتجي كل سنة😏)
فرصة أنك تكون ضمن التيم الرهيييب🤩
Summary squeezer team🔥



●وعشان عارفين ضعف الشبكة 😥
حيكون التقديم بإرسال بياناتك (إسمك،جامعتك،سنتك الدراسية وغيرو)
للرقم 0116722664على الواتساب

نلاقيكم على خير
وبس سلااام😁✋
#summary_squeezer_team
#تعال_انضم_للتيم

ياخ التقديمات حاجة كدا تفتح النفس🤩
اللهم بارك ✨️

لو ما قدمت ألحق🤓🏃

لسة ما قدمت؟!

يازول ألحق ..لو ما كسبت ما حتخسر شي

#summary_squeezer_team
#تعال_انضم_للتيم

#اليوم_العالمي_للزهايمر
#summary_squeezer_team

●مرض الزهايمر:

طيب هو ببساطة يعرف بأنو  تدهور تدريجي للوظائف المعرفية زي ضعف الذاكرة، وضعف قدرات التفكير ، بل بيؤدي لتغيرات سلوكية برضو😳.

ودا كلو بسبب أنو في تراكمات غير طبيعية  لبروتينات بنسميها [amyloid plagues] +تشابكات ليفية عصبية في الدماغ .فديل بعطلو التواصل بين الخلايا العصبية لحد ما تموت في النهاية😵.

🔸أعراضو:

الأعراض حقت الزهايمر بتختلف بين المراحل الخفيفة والمراحل الشديدة ففي البداية حنلقى أنو الفرد بحصل ليهو نسيات خفيفة كدا أو صعوبة في تذكر الكلمات (ما براك الخفت كلنا خفنا😥).

ومع تقدم المرض بتطور الأعراض دي لدرجة أنو الفرد بواجه صعوبة في إتخاذ قرارتو اليومية،أو إكمال المهام المألوفة ليهو. بالإضافة للتغيرات السلوكية زي الإرتباك وتقلب المزاج والإنسحاب الإجتماعي ودي شايعة برضو😔.


🔸التشخيص:

التشخيص بيتضمن تقييم شامل للتاريخ الطبي، وإختبارات معرفية عشان تقييم كل من مهارات الذاكرة والتفكير ، وبرضو الفحوصات العصبية مهمة شديد عشان نستبعد أي أسباب تانية.

تقنيات تصوير الدماغ ممكن تساعد زي الرنين المغناطيسيMRI  أو التصوير المقطعي البوزتروني PET في إكتشاف تشوهات الدماغ المرتبطة بالزهايمر⚡️.

🔸خيارات العلاج:

بالرغم أنو للأسف مرض الزهايمر ما عندو علاج لحد الآن إلا أنو في طرق علاج بتساعد على إدارة اعراض المرض بشكل فعال

مثلا الأدوية زي الcholinesterase inhibitors أو memantine  ممكن يحسنو الوظيفة الإدراكية مؤقتا أو يبطئو من تطور المرض🫸.

بالإضافة للتدخلات الغير دوائية زي علاج التحفيز المعرفي و تعديلات نمط الحياة  أدت نتائج كويسة في تحسين حياة المرضى👩‍🦳👨‍🦳.



🔸الوقاية

مع أنو إستراتجيات الوقاية من مرض الزهايمر لسة قيد البحث، إلا أنو إتباع نمط حياة صحي فيهو ممارسة للرياضة بانتظام واتباع نظام غذائي متوازن ، والتحفيز الذهني والمشاركة الإجتماعية ممكن يساعدو في التقليل من خطر الإصابة

🔸ختاما

مرض الزهايمر هو حالة معقدة بتأثر على الملايين في أنحاء العالم . ما بأثر على أفراد بس لأ دا بأثر على مجتمعات بأكملها عشان كدا لازم نحاول ننشر الوعي أولا ومساعدة أي شخص مصاب وتقديم يد العون لمقدمين الرعاية دا غير دعمنا للبحث العلمي الحيكون عندو دور بارز في المستقبل للتخفيف بل وعلاج هذا المرض بإذن الله تعالى✨

وبسسسسس سلاااام🫡


#summary_squeezer_team
#اليوم_العالمي_للزهايمر

#summary_squeezer_team
#اليوم_العالمي_للزهايمر
#تعال_انضم_للتيم

بدأ العد التنازلي⏰

اليوم هو الفرصة الأخييرة🥶
للتقديم عشان تبقى من عضوية summary squeezer🔥


اتذكر أنو الفرص ما ندر أنها تتكرر و
Take the opportunity

#summary_squeezer_team
#تعال_انضم_للتيم

وبهذا تم قفل باب التقديم للعضوية

شاكرين ومقدرين لكل من قدم ليكون من الفريق ✨️ونعتذر عن من لم يحالفه الحظ هذه المرة ونقول له

القادم أجمل بإذن الله تعالى🤲✨️

...
استعدو عشان تشوفو إبداعات السنة دي🔥🌚

في رعاية الله 🫡
#summary_squeezer_team

بسم الله الرحمن الرحيم
منشور رقم(68)
السلام عليكم ورحمة الله وبركاته
أخباركم يا شباب 😁✋

اللي حنتكلم عن:
⚪Reversible cellular changes


عنوان معقد صح؟😖
في الحقيقة هو أبسط ما يكون.. تعالوا أوريكم..

هو بيعني حرفيا:
🔅الضرر القابل للترميم في الخلية..
لازال كلام كبير😐.. لكن الليلة أنحنا حنبسطه👌🏻بس خليكم متابعين ومركزين معانا..


💢قبل ما نبدأ.. زي ما عرفنا زمان الأسباب الحتلحق لي الضرر بالخلية حقتي.. عاوزين نعرف:
-أنواع الضرر دا.
-وكل نوع بحصل فيه شنو🤔؟
-وهل ممكن يختفي أو يتصلح أو يترمم.. ولا خليّتنا حتفارق الحياااة إلى الأبد؟🙀


بسم الله نبدأ👏
- الضرر او ال damage البحصل دا.. يإما يكون reversible أو irreversible.. يعني قابل للترميم والإنقاذ.. أو غير قابل للإنقاذ..
أنحنا الليلة حنتكلم عن القابل للإنقاذ.. فشنو خليّتنا الليلة ما حتموت.. فالكان مجهز دموعه يحفظها للمنشور الجاي😂


💢ملاحظة سعنتوتة🤏🏻
الليلة حيكون السبب الرئيسي لكل ال damage الحنذكره في المنشور دا هو ال ischemia & hypoxia.. لي؟ لأنه دا أكتر سبب مهم.. ودا أكتر سبب الضرر حقه بحصل بطريقة متسلسلة.

🔅طيب ال hypoxia أو ال ischemia هي نقص الأكسجين.. وعشان نعرف نقص الأكسجين دا بعمل ال damage كيف.. محتاجين نعرف الأكسجين دا أساسا شغله شنو في خليّتنا؟🤔

⚪ عنده شغلتين رئيسيتين:
- oxidative phosphorelation
- aerobic glycolysis

🔷نشوف الشغلانية الأولى.. oxidative phosphorelation.. أو.. انتاج الطاقة بواسطة أكسدة الفسفور:
طالما في كلمة *أكسدة* يبقى في حبيبنا الأكسجين.. لكن للأسف حاليا هو ما موجود😞.. فيحصل شنو؟

عملية انتاج الطاقة ما حتم.. وبالتالي الكهربا حتقطع في الخلية.. كل البوابات الكهربائية حتفصل وتبقى مفتوحة بلا رقيب..😨 الغاشي والماشي يقدر يخش..😱 ودي أكبر مشكلة خايفين منها.. لأنه القلعة الما فيها حراس.. كل الجواها حيكونوا معرضين للخطر..💀
طيب البمثل لينا البوابات دي في خليّتنا هم منو؟

بتمثلها لينا ال channels.. القنوات..
ونخص بالذكر قنوات الصوديوم وقنوات البوتاسيوم والكالسيوم وال pumps.. وطبعا ديل ربنا ما خلقهم عبثا.. كل قناة منهم بتهتم انو الايون حقها يفضل في مكانه المناسب.. جوة أو برة الخلية.. ويدخلوا بكمية معيينة ودقيقة.. ولو واحد من الايونات ديل دخل او اتشوبر في حتة ما حتته موضوع الخلية دا كله حيبوظ..😵‍💫 وحاليا دا القعد يحصل.. انتو متخيلين؟🙆‍♂️

الكان جوا حيطلع برة والكان برة حيخش جوة ويييك.😫.
يلا نمسك كل قناة او بوابة فيهم براها:

🔸قنوات الصوديوم والبوتاسيوم:

عاملين لي سوا ال Na+ k+ pumb.. اللهي بتجبر ٣ صوديوم انهم يمشو عكس الاتجاه الهم عاوزين يمشو فيه يعني برة الخلية.. و بنفس الطريقة يجبر ٢ بوتاسيوم يدخلوا جوة.. ولمن نقول جبر.. يعني بقوة.. بجهد.. بطاقة.. وانحنا طاقتنا بقت ماف.. فهم حيمشو على هواهم.

بدل الصوديوم يطلع برة الخلية.. لأ هو عاوز يدخل جوة.. والعكس للبوتاسيوم.. طبعا علميا according to concertation gradient.. والصوديوم اريته لو بجري براه.. بِكُر معاه الموية.. زي الأبواب اتفتحت والسيل جا داخل جوة🌊.. الخلية دي حتتنفخ شديد.. بما يعرف بال cell swelling.. والعضيات أو ال organelles حقتها زاتها حتبدى تتنفخ.. ناخد منهم مثال:

☆ال RER.. ال Rough endoplasmic reticulium:
طيب حتقولوا لي.. ويعني كان انتفخت؟؟ حقول ليكم انحنا عارفين انو ال feature او السمة الرئيسية ليها انو متلصق فيها ribosomes ودا سبب تسميتها rough ودا اصلا البفرقها من ال smooth ER.. فلمن تتنفخ.. الرايبسومات دي بتفكك.. وبالتالي الRER دي فقدت وظيفتها تماما.. اللي هي تكوين البروتين (يحرااام😷)..ولمن يحصل detachment لل ribosomes من ال RER.. في بروتينات كتيرة ما حنقدر نصنعها..
ودي مشكلة كبيرة حتودينا لمرض اكلينيكي وهوووو..💥💥

*The Fatty liver*

قلنا ما حنقدر نصنع بروتينات.. ومن البروتينات دي ال apoproteins.. ودي بروتينات بتصنعها ال hepatocytes.. أو خلايا الكبد.. عشان تنقل ال lipids بعد يحصل ليها metabolism.. لبرة.. فلمن ما نقدر نصنع ال apoproteins دي.. ما حنقدر ننقل ال lipid وبالتالي حيحصل تراكم للدهون في الكبد.. ودا حيعمل لي ال fatty liver.. 😞😞
غير ال RER..

☆ال cell membrane زاته على المدى البعيد من الانتفاخ دا حيفقد ال villi حقته.. الشعيرات او الزوائد البرة الفيه.. شفتو زي اللعبة الزمااانك كنا بنلعب بيها.. كورة ابو القنفذ المطاطية ديك.. كورة كدة وفيها زي شعر ببرة.. كنا بلعب بيها زي اليويو وبتتمط.. المهم.. مش لمن نعصرها كدة.. بقوم الشعر حقها دا بختفي؟ وأول ما بنفكه برجع تاني؟ خليكم من الكورة.. شفتو الجونتيات بتاعت الدكاترة؟ مش لمن ننفخها بنلقى محل الأصابع بدا يختفي؟ بسسس دا نفسه بحصل للخلية.. وعلى المدى البعيد حتطرشق..! 🫠

🔸 ca++ channels:
#summary_squeezer_team
https://t.me/summarysquezer

الكالسيوم دا لو لاحظتوا لتركيزه جوة الخلية بتلقوه بسيييييط شديد.. ودة لسبب طبعا.. الكالسيوم دا سيد العصابة كلها..😈👻
الكالسيوم عنده مشكلتين.. وحدة نوعا ما بسيطة والتانية مدمرة عديل:

☆ نبدا بالبسيطة:
ايون الكالسيوم دا شحنتة موجبة.. فبمش يجري يتلصق في الحاجات شحنتها سالبة.. زي ال Lipid.. وبعمل ليه مركبات كدة ما مفهومة.. عاملة زي الشعر كدة.. اسمها small densities.. ودي بتبدا تملى السيتوبلازم.. وبتعمل مشاكل..

☆ المشكلة التانية:
و الأخطر من ال densities بمراااحل انو هو enzymes activator.. بعمل تحفيز للانزايمز من طرف.. فدا لمن يدخل جوة.. بمشي يعمل لي تحفيز للانزايمز بتاعت ال necrosis الموت يعني🤡.. ناس ال (exo & endo nucleasases) بما يعرف بعملية ال karyolysis.. وانحنا عارفين lysis يعني تحليل، تقطيع🔪🔪.. فشغلهم انو يمشوا يكسروا ال DNA (يلهوووي، دي جات كبييرة).. الكالسيوم دا بعيث في الأرض فسادا بالجد👹..
نرجع للأكسجين..


🔷أما شغلانية الأكسجين التانية.. aerobic glycolysis:

دا كلام biochemistry..
انو هضم الطعام وتكسير السكر عشان نحوله لطاقة.. بمشي بطريقين.. يا بالاكسجين.. او من غيره.. فلمن يكون من
غيره.. اخر منتج بنتحصل عليه هو ال lactate.. وال lactate دا حيتراكم.. وزي ما عارفين هو عبارة عن acid أو حمض.. فحغير الوسط بتاع السيتوبلازم.. لوسط حمضي.. ودا حيخلي كتير من الانزايمات البتشتغل في وسط قاعدي تقيف عن الشغل..🦥🦥


طبعا لحد حسي او لحد المراحل دي.. الخلية بتكون عايشة.. ولو الاكسجين رجع.. المياه بترجع لمجاريها.. لكن لو ال ischemia دي ما اتحلت بدري بدري.. للأسف حتدخل في ال irreversible period الحنتكلم عنها المرة الجاية.. وتاني للأسف ما حيكون في يدنا شي والخلية حتتوفى..😞

وكدة نكون انتهينا.. الموضوع طلع أبسط من بسيط صح؟؟😉
نتلاقى المرة الجاية.. كونوا بخيرر..

#Pathology
#enjoy_medicine
#summary_squeezer_team

https://t.me/summarysquezer

Reversible cellular changes
#summary_squeezer_team
#Pathology