❗️Markazda uslubiy tavsiya va qo‘llanmalarning muhokamasi bo‘lib o‘tdi!

⚡️Joriy yilning 3-dekabr kuni X.Sulaymonova nomidagi Respublika sud ekspertiza markazida yil davomida olib borilgan ilmiy-tadqiqot ishlarining muhokamasiga bag‘ishlangan Ilmiy kengash majlisi bo‘lib o‘tdi.

✅ Yig‘ilishda “Giyohvand vositalarning noqonuniy muomalasiga qarshi kurashish samaradorligini oshirishda sintetik giyohvand vositalarni tadqiq qilish”, “Mahalliy va chet elda ishlab chiqarilgan transport vositalarining tashqi yoritish hamda yorug‘lik-signal armaturalari to‘plamini tuzish”, “Respublika hududida muomalada bo‘lgan milliy va xorijiy davlatlar pul birliklarining himoya vositalari va ularni qalbakilashtirish usullarini tadqiq qilish” nomli yangidan ishlab chiqilgan uslubiy tavsiyalar muhokama qildindi.

✅ Shuningdek, Sud-ekspertlik ilmiy-tadqiqot instituti Idoralararo ilmiy-uslubiy kengashi qaroriga asosan “Sud-tuproqshunoslik ekspertizasi” nomli uslubiy qo‘llanmaning yangilangan tahriri muhokama qilinib, tasdiqlandi.

❗️Bugun, 5-dekabr kuni O‘zbekiston Respublikasi Konstitutsiyasi kuni bayrami munosabati bilan Adliya vazirligi tomonidan hamkor tashkilotlar bilan birgalikda Toshkent shahrida “Konstitutsiya ko‘chasi” tashkil etildi.

⚡️Tadbirda X.Sulaymonova nomidagi Respublika sud ekspertiza markazi ham faol ishtirok etdi.

✅ Xususan, tadbirda Markaz faoliyatiga oid burchaklar tashkil etilib, tashrif buyuruvchilarga Markazda o’tkaziladigan ekspertiza turlari, laboratoriyalarda foydalaniladigan asbob uskunalar yaqindan tanishtirildi.

✅ Shuningdek, Markaz muzeyi, Sud ekspertlik ilmiy-tadqiqot instituti, Xalqaro hamkorlik bo’limi va boshqa laboratoriyalar faoliyati va Sud ekspertiza sohasida amalga oshirilgan islohotlar haqida ham batafsil ma’lumotlar berildi.

❗️Xorazm viloyati ichki ishlar boshqarmasida seminar o‘tkazildi.

⚡️Joriy yilning 7-dekabr kuni X.Sulaymonova nomidagi Respublika sud ekspertizasi markazining Qoraqalpog‘iston Respublikasi bo‘limi mudiri A.Saburov va bo‘lim eksperti U.Rustamovalar tomonidan Xorazm viloyati Ichki ishlar boshqarmasi binosida Ichki ishlar xodimlari va Xorazm viloyati prokuraturasi xodimlariga “Sud lingvistika va sud filologiya ekspertizasini o‘tkazish tartibi” va “Matemаtik hisoblar bilan bajariladigan ekspertizani o‘tkazish tartibi” mavzularida o‘quv-seminar tashkil etildi.

✅Tadbirda xodimlar uchun sud ekspertizalarini o‘tkazishga zarur bo‘lgan tadqiqot obyektlarini yig‘ish, saqlash va taqdim etish usullari, shuningdek, Sud lingvistika va sud filologiya ekspertizasini o‘tkazish tartibi to‘g‘risida tushuntirishlar berildi.

✅Tadbir yakunida ishtirokchilarning mavzu bo‘yicha savollariga batafsil javoblar berildi.