Markazda “Yer soati” aksiyasi bo‘lib o‘tdi!

“Yer soati” aksiyasi o‘zi nima? : “Yer soati” sayyoramizdagi eng yirik ekologik aksiyasi hisoblanadi. Unda har yili 190 mamlakat va 2 milliarddan ortiq aholi ishtirok etadi, 18 mingdan ortiq me’moriy obidalarning yoritilishi o‘chadi. Tashabbus birinchi marta 2007 yilda Avstraliyada paydo bo‘lgan va hozirda iqlim o‘zgarishi muammosi va tabiiy resurslarni tejash zarurligiga e’tiborni kuchaytirishga qaratilgan global harakatning bir qismidir.

Aksiyani qo‘llab-quvvatlash maqsadida O‘zbekiston Respublikasi Adliya vazirligi huzuridagi X.Sulaymonova nomidagi Respublika sud ekspertiza markazining bino va inshootlarida elektr energiyasi bir soatga o‘chirildi.

Markaz xodimlari ushbu muddat davomida ochiq havoga chiqib, shaxmat-shashka va boshqa o‘yinlarni o‘tkazib, tabiat qo‘ynida sayr qilishdi.

Bu aksiya bilan Markaz xodimlari oz bo‘lsa ham Yerning tabiiy boyliklarini asrab-avaylashga o‘z hissalarini qo‘shib va boshqalarni ham sayyoramizga g‘amxo‘rlik qilishga ruhlantirishdi.

Buxoro viloyati IIB Yo'l harakati xavfsizligi boshqarmasida Buxoro viloyat IIB xodimlari uchun X.Sulaymonova nomidagi Respublika sud ekspertiza markazi Buxoro viloyati bo’limi tomonidan o'quv seminari bo'lib o'tdi.

Seminarda Buxoro viloyat bo`limi eksperti B.Izomov “Sudga oid avtotexnika ekspertizalarining imkoniyatlari va uning sud-tergov jarayonidagi roli hamda mavjud muammolari. Sudga oid avtotexnika ekspertizalarining tekshirish obyektlari” mavzusidagi ma’ruza bilan ishtirok etdi.

Ma’ruza davomida tinglovchilarni qiziqtirgan savollarga ekspert tomonidan javob berildi.

Sud ekspertiza markazi sinov laboratoriyasidagi davriy baholash jarayonidan lavhalar

“Oʼzbekiston akkreditatsiya markazi” DM baholovchilari Oʼzbekiston Respublikasi Аdliya vazirligi huzuridagi X.Sulaymonova nomidagi Respublika sud ekspertiza markazi sinov laboratoriyasida davriy baholash ishlarini olib bormoqdalar.
Ushbu laboratoriyada mutaxassislar “Kanop (tetragidrokannabinol) oilasiga mansub oʼsimliklardan olingan giyohvandlik vositalarini xromatografiya – mass-spektrometrik tahlil yoʼli bilan aniqlash” va “Odam DNK biomateriallaridan (qon, soʼlak) PTsR usulida otalik (onalikni) aniqlash boʼyicha biologik tahlil” koʼrsatkichlari boʼyicha sinovlar olib bormoqdalar.


Bizning rasmiy sahifalarimiz
Telegram | Facebook | Instagram

✅Adliya vazirligi huzuridagi X.Sulaymonova nomidagi Respublika sud ekspertiza markazining Sud-ekspertlik ilmiy-tadqiqot institutida Idoralararo ilmiy uslubiy kengashi ish rejasiga asosan 93 ta uslubiyotlarni 2024-yil davomida tanqidiy koʻrib chiqish, bugungi kun talablariga mos ravishda yangilash va tizimlashtirish bo‘yicha Materiallar, ashyolar va buyumlar kriminalistik ekspertizasi, Sud-fonografiya va Sud-kompyuter-texnikaviy ekspertizasi, Sud-daktiloskopiya ekspertizasi, Sud-ballistika va trasologiya ekspertizasi, Odam DNKsi sud biologik ekspertizasi, Hujjatlar kriminalistik ekspertizasi hamda Sud tovarshunoslik ekspertizasi yoʻnalishlarida tashkil etilgan ishchi guruhlarning dastlabki yigʻilishlari boʻlib oʻtdi.

✅Ushbu yig‘ilishlarda X.Sulaymonova nomidagi Respublika sud ekspertizasi markazi, Ichki ishlar, Sog‘liqni saqlash vazirligi, Davlat xavfsizlik xizmati, O‘zbekiston Respublikasi Elektron texnologiyalarini rivojlantirish markazi, O‘zbekiston Milliy universiteti, Toshkent kimyo-texnologiya instituti, Toshkent axborot texnologiyalari universiteti, Toshkent davlat yuridik universiteti, Toshkent davlat iqtisodiyot universitetidan vakillar ishtirok etdi.

✅Yig‘ilishlarda uslubiyotlarning dolzarbligi muhokama qilindi. Muhokamalar natijasida ishchi guruh a’zolari har bir uslubiy qo‘llanmalar bo‘yicha o‘zaro fikr almashdilar.

✅Uslubiyotlarni ko‘rib chiqish va ularni tizimlashtirish yuzasidan takliflarni bir oy mobaynida shakllantirish rejalashtirildi.

Ayni damda X.Sulaymonova nomidagi Respublika sud ekspetiza markazi tomonidan BMTning Giyohvand moddalar va jinoyatga qarshi kurashish bo‘yicha boshqarmasining (UNODC) Markaziy Osiyodagi mintaqaviy vakolatxonasi bilan hamkorlikda “Xalqaro hamkorlikning sud ekspertizani takomillashtirish va rivojlantirishdagi o‘rni” mavzusida xalqaro ilmiy-amaliy konferensiya bo'lib o'tmoqda.

Anjuman Adliya vazirligining Toshkent viloyati, Bo‘stonliq tumanidagi “Olmos” konvension markazida bo'lib o'tmoqda.

Onlayn va offlayn formatda tashkil etilayotgan konferensiyada Adliya vazirligi, AQSH elchixonasi, Sud ekspertiza xalqaro assotsiatsiyasi (International Association of Forensic Sciences), Osiyo sud ekspertiza tarmoqlari (Asian Forensic Sciences Network)dan hamda Bolgariya, Turkiya, Hindiston, Malayziya, Ozarbayjon, Qozog‘iston davlatlaridan mehmonlar va 400 nafardan ortiq ekspertlar, mutaxassislar hamda sud-tergov organlari xodimlari ishtirok etishmoqda.