#حنين_الأنين
بقلم: محمد يس

الجزء 07

بقايا المنزل

الحنين الى هذا المكان يقتلنى ، ونسجت خيوط الاحلام الورديه للعودة الى هذا الفردوس المسروق ، وجنات السعاده السرمدية كل تلك الامنيات تصبح سراب خداع ، لاشئ سوى شتات الذكرى ، ويطوق الحزن عنقى بخيوط الامل ، التى نسجتها لتكون متكئا لراحه تقود الى الفردوس ، لاجد الحزن يلفها على عنقى ولياخد روحى الظمانه الى الجحيم ، ستفت الشوق فى حقائبى وركبت طائر السعادة لاصل الى هذا المكان ، تعبث بى الايام مرة اخرى ، كيف تبدل المكان واضحى الحوش الكبير فارغا كقلبى الحزين ، اهرب من الاحزان لاجدها تسبقنى اترك تلك البلاد لانى احس بالوحده والضياع ، والان وحيدا انا بين انقاض الضياع اعانى الغربه فى دارى ايضا ، نظر الى بقايا المنزل الخاوى وشلالات الدموع المنسابه على خديه الاسمرين ، هنا كان ينام جدى فى هذا العنقريب ، وهناك تحت تلك الشجرة كنا نستمع لرادى ابى الصغير ، وفى تلك الغرفه كنا نشاهد كابتن ماجد فى التلفزيون الابيض والاسود ، وفى المساء نشاهد مسلسل الساعة التاسعه ، وفى هذا الحوش كانت تحجينا حبوبه بفاطمه السمحه وحسن الشاطر ، وفى ذالك المطبخ كانت تحلس امى لاعداد الكسرة ، وفى تلك الراكوبه كنا نلعب كل هذا اضحى فى عوالم الماضى .

الى منزل على

واخيرا قرر الذهاب الى صديقه على ليعيد بعض ايام الطفوله والشباب ، يجرجر رجلاه تعبا من طول السفر ليطرق الباب برفق ، ولحظات ويفتح الباب الابيض اللون شاب فى العشرين من عمره اسمر اللون شبيه الملامح بصديق عمره (على )وبابتسامه جميله يصافح يداه

محجوب:السلام عليكم ورحمه الله تعالى وبركاته

الشاب:وعليكم السلام ورحمه الله تعالى وبركاته

محجوب:ابوك موجود

الشاب:ايوة ابوى موجود اتفضل الى الداخل

محجوب:لا بس قول لى فى ضيف

صوت من الداخل

صوت من الداخل ينادى ياولد منو فى الباب ، انه صوت(على) صديق العمر رفيق الدرب ، ذهب اليه مسرعا تتناثر الدموع من مقلتيه كرزاز امطار فى يوم خريفى ، وتتزايد خفقات قلبه فرحا بلقاء الحبيب مسرعا كطفل تائه منذ سنين يعود الى حضن امه -على -ياغالى لك الشوق عاد بى ، فى كرسى متحرك يجلس (على) والدموع تهطل امطاراً ، يحاول جاهد الوقوف ولكن ذاك الشلل اللعين يجعله عاجزاً عن الحركة يفتح زراعيه كأم عاد ابنها الضائع منذ سنوات (محجوب) اخوى تعال فى حضنى مشتاق ليك ، عناق الاحباب وبكاء السحاب يمثل حجم الشوق فى قلبان فرقهما الزمن ، يبكى (محجوب) صديقه الذى يعجز عن النهوض، نحيفا لونه يميل الى السواد ، بعد ان كان اصفر اللون عيناه تميل الى الاحمرار ويداه ترتجف ، بالامس كان بدينا يحاول انقاص وزنه ، واليوم نحيف شاحب الوجه ، كانو ثلاثه يعشقون الحياه عبثت بهم الاقدار بالامس هزته وفاه صديقه (مصطفى ) واليوم صديق اخر على كرسى متحرك ، وهو يجلس على كرسى القدر ينتظر ماتفعل به الايام ، لتبعثر رياح الزمن احلامه وتدفق بقايا حنينه على رمال الضياع .

لقاء الاحبه

على:حمد الله على السلامه يامحجوب

محجوب:الله يسلمك يا (على ) الحصل ليك شنو ياخوى

على:الكبر يامحجوب اخوى والمرض والله مشتاقين شديد لكن كل السنين دى يامحجوب م تسال هانت عليك العشرة

محجوب:والله بتذكرك كل يوم وما فارقت خيالى لحظه انت ومصطفى الله يرحموا ويجعله من اصحاب الجنه

على:الله يرحمو كنا يومى فى سيرتك ، لكن م عرفنا ليك تلفون وناس بيتكم خلوا البلد نهائى زول عندو خبرك مافى

محجوب:وانا كمان سألت منكم حتى القمر والنجوم ياحليلكم وحليل ايام الطفوله

على:منو الكان بقول يوم الدنيا تفرقنا ونتشتت ، والمسافه تبعدنا ونتحرم من بعض

محجوب:تتذكر صورتنا انا وانت ومصطفى ، لمن كنا فى تامنه اساس ، مصطفى أصر انو نتصور مع بعض للذكرى تقول كان حاسي الايام تقسي علينا تفرقنا

على:لليله عندى كل يوم اعاين فيها ، واتذكر اقول يالله تجمعنا تانى نعيد الذكرى زى اول ، ونتلاقى وبالحنين نتعانق وتنزل دموع الشوق ، لكن الدنيا فراقه

محجوب:ياحليل مصطفى م مصدق انو فات خلانا ، وكنا زمان بنتعاهد نكون واحد لا يفرقنا زمن والبينا يوم يكمل ، اتارى الظروف جربتا نتغرب نفوت احبابنا ، نتعذب

على:الحمد الله يامحجوب كلو مكتوب كفاية بكاء من جيت وانت بتبكى يأخى ما فضلت ليك دموع

محجوب:ببكى على نفسى يا(على) وسنين العمر الراحت فى الغربه

على:ماكان عندك خيار تانى غير انو تسافر الظروف كانت قاسية

محجوب:يا(على ) لوتعرف النار الجواى ، قلبى عباره عن فوهه بركان ماعارف السنين سرقتنى كيف كده

على:ربنا كتب اقدارنا قبل مانتولد مكتوب ليك سكه السفر انشاء اجازتك كبيرة

محجوب:ايوة تانى ماراجع باقى العمر بعيشوا هنا ، نرجع تانى مع بعض نعيش باقى العمر سوا

على :هو فى باقى عمر ، شوية الايام الباقية لينا تانى بس حسن الخاتمه يامحجوب اخوى

محجوب:لو ثوانى نعيشا مع احبابنا ، افضل من الف عام فى زيف الغربه ومتاهات الضياع .

🔹🔸🔹🔸🔹🔸

يتبع...

#حنين_الأنين
بقلم: محمد يس

الجزء 08

حين نسرق من الزمن بعض الفرح ، بعد ما نسينا طعم السعادة ، نبتسم رغم جراح السنين وغدر الايام الاف الاميال قطعها يحمل حقائب الحنين الى ذكريات نهبت منه عنوة ، واليوم عاد الحبيب الى المحب سعادة غامرة تكسو وجه (على) منذ سنين لم نرى ابتسامته الجميله ، التى نسى ملامحها ، كانه ميت عادت اليه الروح من جديد ، كأنه شرب من اكسير الحياة وعاد الى الشباب برغم المرض الذى يجعله يجلس مجبرا على كرسى متحرك يقيد حركته ويقيد حتى احلامه ، ولكن بالرغم من ذلك يقف صامداً كجبل يجابه رياح اليأس بالصبر راضيا بالقدر ومصيبه المرض اللعين .

منزل على

تحت شجرة النيم الكبيرة يجلس على فى كرسية المتحرك ، تفوح منه رائحه السعادة وطاقات الأمل التى تملأ قلبه ، بقربه ابنه الحبيب يرقد على سرير يغالب نومه ويتجرع شرفه ماء من الزير البارد ، ليتونس مع والده الذى كانه استيقظ من نوم طويل ، ويوم جديد ملئ بالفرح الغائب وكان السعادة كانت معبأ فى حقائب محجوب الصديق الوحيد ، الذى يعرف كيف ياتى له بالافراح عنوة برغم الاحزان .

الابن:زمن يابا ما شفنا بسمتك ، جادت عليك الدنيا الليله بفرحه سنين بنكوس ليها ، عودة عمى محجوب فعلت فيك السحر ، الله يخليكم لبعض

على:انا ومحجوب زمان فى ناس قايلانا توائم ، كنا م بنفترق ابدا ، لكن ياولدى الدنيا فراقه عمك محجوب من الناس الما بتحب السفر لكن الظروف خلتو يسافر وزى حنيه محجوب ياولدى مافى فى الدنيا

الابن:انت يابا الخلاو يسافر شنو احكى لى عن حكاية سفرو

على:محجوب بعد اتخرج من جامعه الخرطوم مهندس ، ما اتوفق فى شغل كان شاطر لكن م عندو حظ اها اشتغل فى شركه مع واحد قريبو المهم قريبو دى م قدرو وبدى مرتب شويه ، ومحجوب كان اكبر واحد فى البيت وابوه كبر وقعد فى البيت واخو واختو كانو فى الجامعه ، والظروف كانت كعبه شديد خلاص ياولدى

الابن:اها حصل شنو ياابوى

على:والله محجوب عمل المستحيل اشتغل اى شغله تخطر على بالك ، عشان يقرى اخوانو ويعالج ابوهو ، اها ربك رب الخير واحد صحبو فى الجامعة رسل لى عقد عمل فى شركة فى لندن لكن محجوب كان رافض فكرة السفر دى نهائى ، قدر ما شلنا وختينا قال لا ، حلف كان يسافر اهو وبعد تعب اقنعناو انا وعمك مصطفى بالسفر وسافر

الابن:ولى السنين دى كلها م جاء راجع

على:كان بجى اجازات فى الاول لكن بعد ما اتزوج وناس بيتم رحلوا الخرطوم بقى مابجى

الابن:ياحاج الليله ساهرت ارح ادخلك الغرفة تنوم

على:لاياولدى خلينى بنوم فى الحوش هنا

انقاض المنزل

تحت انقاض المنزل الخاوى الا من بقايا غرفه من ثلاث حوائط تقف فى وجه الزمن وسرير حديد بلون الصدى فى منتصف الغرفه ، يرقد محجوب يتوسد الحنين ليس فى البيت غير لحاف قديم طينى اللون ، يقف فى وجه الايام ، يعود الى اعوام مضت لكنه يجد الراحه فى هذا المكان يشتم رائحه احباب رحلوا وتركوه وحيدا فى غربه اخرى ، كل شبر فى المنزل يحمل فى داخله عنوان لحدث فرح او حزن .

مدينة الابيض1983

فى منتصف الراكوبه يرقد عبد الرحيم فى عنقريبه وبحمل راديه الصغير ، الذى ورثه من اباه يضعه على بطنه ليضبط موجاته على اذاعة ام درمان ، ليصدر صوت المذيع قائلا اذاعة جمهورية السودان تقدم عالم الرياضه ، انها الساعه الثالثه والنصف على صوت الرشيد بدوى عبيد تجمع افراد الاسرة على مائده الغداء ، فى الراكوبه متهالكه كالغربال من كثرة الثغوب لتوضع صينيه بها ، صحن (سخينه) ببقايا ارغفه وكسرى ناشفه من يومان ، فى زمن كان الصبر هو الزاد التى يشبع البطون ، جلس الصغار ياكلون بنهم يدركون بان الوضع صعب ، وكانت ذاك الصحن الوحيد بالنسبه لهم كالمائدة التى انزلت على بنى اسرائل ، فقد رضعوا من ثدى الصبر وفطموا به ، صوت من الحائط ينادى

فاطمه:حجه امنه ازيكم كيف قيلتو

حجه امنه:حبابك فاطمه ، اتفضلى معانا غداء

فاطمة :شكراً الصنيه فى قدامنا ، بلقى لي عندك حبه شطه

حجه امنه:والله يابت امى م عندنا

بحسره تخاطب عبد الرحيم -الرجل الجبل الذى يقف فى وجه الفقر - عاد ياعبد الرحيم دا حال شنو شطه فى البيت مافى يقولوا علينا شنو

عبد الرحيم:حجه امنه اتصبرى عارف الوجع جواك كتير عارفك كما م بتقدرى اتصبرى

حجه امنه: يا ابو محجوب عندنا شنو غير الصبر

بين حجه امنه وعم عبد الرحيم يقف الصبر محتارا ، فى هذا الصمود وذاك اليقين والايمان ، فى زمن كنا لانحمل هم الغد ، ولانضع حساب لقمه العيش ، رغم الفقر الشديد كانت- الحمد لله -تكفى لكل الاحزان والمحن .

الابيض 2017

السلام عليكم

محجوب:وعليكم السلام ياولدى

حسن:ياعم محجوب ارح الغداء ابوى راجيك

محجوب:لا اتغدو ما عندى نفس

ياعم محجوب انت من الصباح م اكلت ، بالطريقة دى بتمرض ، صلى على النبي، ارح ابوى م باكل الا تجي

محجوب :عليه الصلاه والسلام طيب ياولدى فوت انت وانا جاى فى وراك

🔹🔸🔹🔸🔹🔸

يتبع...

#حنين_الأنين
بقلم: محمد يس

الجزء 09

كم من السنين ضاعت وانا وحيداً اقاسى الغربه ، واحمل جبال الحنين الى البيت الكبير ، هنا كانت تجلس حبوبه لتحكى لنا عن فاطمه السمحه والغول وحسن الشاطر وشليل ، حينها كانت مخيلتنا تعجر عن تخيل شكل الغول ذو الرؤوس الكثيره ، ونجد انفسها تتمنى ان تكون مثل حسن الشاطر ، واليوم فقط عرفت بان الغول هو -الزمن- يسرق كل احلام بنيناها من بقايا طين الأمل ، ويعرينا من لباس الفرح ، فى ليل الغربه ، قاسى هو برد الذكرى حين تهب رياح الضياع ، وعرفت ان شليل ضاع فى متاهات الغربه يبحث عن فاطمه السمحه فى بارات النصارى ، ويقص شعرة -كنيمار- يرتدى بنطاله الكباله بفنيله- ضيقة - يحتسى مئات كؤوس الخمر ، لينساها بعد حب سنوات ، شلبت منه ، بيعت للغول بحفنه دولارات ، كسيارة فى مزاد علنى لمن يدفع اكثر ، وملامح اخوها محمد يبحث فى بلاد الغربه يرعى الاغنام فى الخليج بحثا عن حفنه ريالات ، ليعود ليشرى جارية من سوق النخاسه فى عاصمه السخافه ، وشليل يتمايل طربا تحت انغام الدسكو واجساد النساء العاريات- واليوم كل حكاوى حبوبه ، كانها زيف فى وطن يلفظ انفاس الصبر الاخيره ، وصوت رادى ابى يذيع فقط اخبار الموت وقتال دامى بين ابناء الوطن الواحد ، وصديق ينحر صاحبه ومن اجل سفه تماك يسفك دم الانسان ، والصحف تتفاخر باخبار الفاحشه والاجرام ، وطعم ماء الزير امتزج بالحزن فاضحى لايروى ظما الحنين -وكره الشراب- ضاعت فى زحمه الايام وصوت المسحراتى يئن شوقا الى الماضى ، ساقنى الحنين الى هنا عدت ، ولم اجد احدا يداوى جراحى

طفل الماضى

صوت شئ يبعثر فى انقاض البيت الفارغ الا من بقايا انقاضه ، يسمع ضجيجا ليس لحيوان جائع كانه شخص ينادى اسمه ، انصت حتى توقفت دقات قلبه جوطه اطفال يلعبون تحت سريره المتهالك ، يزداد الصوت رويدا هل هذه الاصوات من نسج خياله ، ام صوت الحنين الذى يملا قلبه اضاء فلاش جواله -النود 4- ليرى ، لاشئ يبدو للعيان ، قرأ ايه الكرسى ثم اردفها بالمعوذتين ، وفجاءة يظهر شبح طفل يجوب ارجاء الغرفه ينظر اليه يتامله يشبهه حين كان صغيرا ، يلعب تحت ضوء القمر غير ابه ، هل هذا حلم ام بقايا ذكريات تراود خياله ، فمذ ان رجع يعيش فى عالم من الذكريات ، ماهى الا لحظات ويقترب منه الطفل يحمل بقايا حجاره ، توجس خيفه ،حاول عبثا الصراخ ، ولكن اضاع الخوف صوته تمتم

محجوب: بسم الله الرحمن الرحيم ، اعوذ بالله من الشيطان الرجيم ، امشى منى داير بى شنو

الطفل:انت الداير شنو م مشيت زمان خليتنا راجع تعمل شنو

محجوب:انت منو جن ولا إنس وعايز منى شنو

الطفل:انا محجوب ودا بيتى عايش فى مع اهلى واصحابى انت الغريب انا المفروض اسالك

منزل على

ياولد الحق عمك محجوب دا بتكلم مع منو امشى شوفو م يكون جاو حرامى ولاحاجه ، حاضر يابا -يجرى الابن بالفنيله الداخليه حافى القدمين- يحمل عصا ، يدخل ليجد محجوب يرتجف ويتصبب عرقا ويتكلم كلام غير مفهوم ، عم محجوب مالك بسم الله الرحمن الرحيم ، زح منى م تاذينى ، عم محجوب انا حسن مالك ، البيت ده مسكون جن عايزين يكتلونى ، ارح معاى بيتنا ياعم محجوب نوم معانا والصباح يحلا الله ، لا حولا ولا قوه الا بالله فى شنو يامحجوب اخوى الحصل ليك شنو ، نفسك قايم كدا ، والله راقد فى امان الله طلع لى شافع بشبهنى شبه عجيب ، قال لى دا بيتى وانت الرجعك شنو وكان عايز يفلقنى بالحجر ، الا حسن جاء انقذنى ، يامحجوب قلنا ليك تعال اقعد معانا ابيت والبيت سنين فاضى

عودة الطفل مرة اخرى

الطفل :قايل نفسك بتتحلا منى م بخليك ابدا جاى هنا ليه ده بيت على صحبى اطلع منو

محجوب:انت داير منى شنو ياخ طلعت خليت ليك البيت

الطفل:على قال ليك امشى ارجع بلدك م عايزك هنا

محجوب:الحقونى ياحسن

حسن:عم محجوب فى شنو قول بسم الله

محجوب:تانى جانى هنا عاير يطردنى ياولدى ، دى مصيبه شنو خليك جنبى لو مشيت الجن ح يكتلنى

الطفل:انت م بتفهم ياخ ارجع بلدك م عايزنك

محجوب:ح حسن انت نومته ، عاين بقو اتنين

حسن :هههه ياعمى محجوب مافى حاجه الغرفه فاضيه مافى زول غيرنا شكلك تعبان ياعمى محجوب

🔹🔸🔹🔸🔹🔸

يتبع....

#حنين_الأنين
بقلم: محمد يس

الجزء 10

تبعثرت امنيات السعادة كورقة فى مهب الريح ، وحيدا اجلس تحت انقاض الضياع ، وهذا المنزل الكبير الذى لاجله حملت حقائب الحنين وتركت زوجتى وابنائى ، بحثا عن قطره أمل فى صحراء الحزن لتنتهى فصول الروايه ، ويضيع الفرح فى متاهات الاحلام ، محتار انا بين غربتين فى دارى وغربتى فى تلك البلاد التى سرقت اجمل ايامى ، هل اعود من رحله الحرمان لاكتشف بان هذا الحنين زائف ، فبداخلى بركان يثور ليحرق بقايا الامل ، وتكون النهاية اموت وحيدا وسط انقاض الذكرى ، ويطرق الجنون ابوابى بقسوة حاملا سيف الضياع ، وسيكسر صمتى ويدخلنى عنوة ، احتمالان لاثالث لهما وكل الطرق تودى الى نهايه مؤلمه .

....

كعادته يفتح ابواب الحنين لتنساب جداول الذكريات ، ويرقد فى عنقريبه القديم يرتدى عراقى ممزق حصل عليه تحت الانقاض ، حين كان يبحث عن لاشى ابصرته عيناه يتلالأ ، كأنه عثر على كنز حينها فرح كطفل صغير فى زمن سلب فيه الفرح استسلم لجيوش الذكريات ، كمحارب ، وزورق الخيال يعبر به الى عوالم الاحلام الورديه كطائر صغير فى افلام الاطفال ، وجد نفسه وحيدا يغوص فى بحار الذكريات .

.......

فى الحوش الكبير يودع غرفته المبنيه بالطين الوداع الاخير ، ويشرب الجرعة الاخيرة من مياه الزير الذى يجلس كملك عى قاعدته الاسمنية وسط الراكوبة ، بقرب عنقريب قديم وتربيزة وضع عليها رادى والده الصغير ، وباب المدبخ المفتوح منذ ان عرف هذا المنزل ، بقربه عجلته الصغيرة التى اهداها له جده حين نجح فى شهادة الاساس ، والديك يؤذن للفجر الاخير ، ينظر الى تلك المشاهد النظرة الاخيرة ، فقد يعود ولايجدها ودموع اسرته الذين يودعونه لسفر لايعلم كم يطول ، حزن يتملكه لفراقهم وخلف ابتساماتهم انهار من الدموع مكبوته ، يتشجعون ليتمنوا له حياة سعيده. لحظات وهو يحلس على كرسي الطيارة الفخيم ، يحمل اطنان من الامنيات بغد اجمل وخوف من قدر مجهول فى بلاد الغربه ، التى لاترحم ففاضت من عينه جداول الدموع تنساب على قميصه الاخضر السادة .

عودة سارة

واذا بيد ابنتها تمسح ادمعها بحنان ، مالك ياماما بتبكى

سارة: لتبلع ريقها وتتنهد ماببكي يابتى

ملاذ: فى حاجه انتى داسها منى ولاشنو

سارة: لا بس قلقانه على ابوك له فتره ما اتصل ولابرد ، حتى ناس عمتك م عارفين عنو شئ

ملاذ:م تقلقى انشاء الله يكون كويس ، قولى وحشك ياجميل الحركات دى على انا

سارة: يابت ده كلام شنو

ملاذ:ياماما انتو اتزوجتو عن قصه حب ولاكيف

سارة:حب شنو يابتى زمنا ماف كلام زى ده ، ود عمى خطبنى كان زول كويس ، ووافقت ههه القسمه والنصيب .

....

بدا متعبا يفتح عيناه رويدا ، ليرى منظر طفل صغير يحمل فى ظهره حقيبته المدرسه وشاب يمسكه وبيده وبالاخرى كتاب ، يبتسمون له وهو غريق فى بحار الضياع ، لم يخاف هذه المره ولم يكترث خيال كان ام حقيقة ، لايهم فقد فقد كل شئ ، يتامل انقاض المنزل الخاوى حسره على الماضى ، وفى العين انهار تجرى ، وبلطف ناوله الشاب ابريقاً ليغسل وجهه ، احس ببروده الماء ولحظات ويجد الطفل يحمل كوزاً كبير يتذكره جيدا حين كان صغيراً ، تسأل فى نفسه -هل هذا حلم ام خيال يقود الى الجنون ؟وفى حيرته تلك قطع الشاب حبال الصمت الممتد بينهم ، وقال له: محجوب نحنا انت فى مراحل حياتك المختلفه ، جينا من عوالم ماضيه عشان ننشلك من بحر الضياع الانت عايش فيهو ، ونسوقك معانا الى العالم الاخر ، وهناك ستجد كل ما تريد وتلمس السعادة بيدك .

محجوب:انتو عايزين تجننونى ولا شنو

الطفل:انت م ملاحظ اننا بنشبهك لما كنت صغير وشاب ، نحنا صورك فى مرأة الزمن ، وم برضينا تعيش فى الحاله دى ، انت فكر وخد قرارك لو بقيت ماشى معانا ، ونحن اصلو م بنجبرك على شى لو اخترت تقعد بنطلع من حياتك.

....

الخرطوم

الساعه السادسه صباحا -يرن تلفون مراد باستمرار ، اضاء نور الغرفه وجد التلفون على الدرج مازال يرن ، فى تلك اللحظه استيقظت سارة مفزوعه ، واتجهت الى الصاله ، برغم انها لم تسمع هاتف مراد!! لكن شى يجعل نبضات قلبها تزيد- فى الصاله-

مراد :الو منو معاى

حسن:الو عم مراد اسف للازعاج لكن عم محجوب

مراد:مالو محجوب!!

كلمه محجوب سرت كنار فى هشيم القلوب القلقه ، بصوت واحد الحاصل شنو ، محجوب مالو

مراد :اصبرى ياسارة خلى نسمع كلام الزول

حسن:ياعم مراد عمى محجوب اختفى ، وما لاقنو

مراد:كيف اختفى قول كلام منطقى

حسن:الحقيقة عم محجوب ليهو ايام بقول ماشى العالم الأخر ، وحالتو اتدهورت حاولنا معاو بكل الطرق ، وديناو دكاترة وجبنا لى فقراء ، للاسف تن تن ينقطع الخط

العودة الى المنزل

سبع ساعات تصل سيارة مراد الى شارع المنزل القديم ، تتوقف بعد السفر الطويل والاجهاد ، ينزل الجميع ، وتنزل سارة لتصطدم بمنظر الصيوان امام المنزل ، وجموع الناس لتسقط مغشيا عليها لا حول ولا قوة الا بالله ، ارح ودوها المستشفى .

.......... الـنـهـايـة .........

كسرة

* ومازال لغز اختفاء محجوب يكتنفه الغموض ومازال البحث عنه .

تقييمك لرواية حنين الأنين

📕 رواية #حكم_علي_بالإعدام_ولكن

..(10 حلقات)..

#حكم_علي_بالإعدام_ولكن
بقلم: جنان

الجزء 01

ماما امل النونو حلو شديد حقي انا،،، ايوا حبيبي دي اختك انت و جوهر تحرسوها لي و تلعبوها لي وتونسوها مش هي حلوه،،، ايوا يا ماما حلوه انا حبيتها لان زي لوني و بتضحك كمان،،، اي خلاص خلي بالك منها و ما تشيلا العب معها و هي راقده،،، لكن يا ماما امل اديني اسوق معاي البيت تنوم معنا،،، هي لسه صغيره يا خالد بعد تكبر انت تسوق من يدها و تبيت معاكم،،، خلاص انا بقعد معاكم لمن تكبر،،،، طوالي حبيبي انت اخوها،،، بس يا امي هو بيتم جنبنا ياخ هو اخوي انا و صحبي لي تقول لي النونو حقو وانا يا امي،،،، جوهر حبيبي هي اختكم انتو الاثنين يعني العبو معها ما تشاكلو،،،، احي انا من الاولاد ديل ماجده انا اقوم اشوف يوسف خليك مع الشباب ديل

نتعرف على ابطال قصتنا :

خالتو امل،، زوجت عمو يوسف المغداد اولادم

جوهر

ندر

ايفان

ايان

ليان

خالتو ماجده.،، زوجت عمو عبدالرحمن المغداد

ولدم خالد بس

عمو يوسف و عمو عبد الرحمن اخوان

و خالتو ماجده و خالتو امل اخوات،،،، يعني زيتنا في بيتنا ديل العائلات القديمه العريقه المتمسكه بالعادات والتقاليد والبت لي ود عمها من تتولد و الناس ديل نهائي ما اتحضرو ولا غيرو من عاداتم و دي عاده سيئه و من العادات السالبه يعني البت ما بتشاور نهائي و يعقدو لي علي ود عمها وانتهي الموضوع لا الولد بتشاور ولا البت بتشاور ونحنا في القرن الواحد والعشرين ولسه في الفهم دا 🤔🤔

انا لحدي هنا مهمتني انتهت تحكي لينا صحبت القصه 😘😘

انا من قمت و خالد معاي في كل شي زي جوهر اخوي و كمان هو بدافع لي لو جوهر شاكلني كان بريدني شديد و مرتبط بينا لان ما عندو اخوان وحيد وانا فرقي من جوهر وخالد 5 سنة لان هم اتولدو مع بعض الفرق شهرين بينم اتربينا كلنا مع بعض و بيت ناس خالد قدام بيتنا لكن زي الفي بيت واحد بنوم معنا و مرات جوهر بمشي ينوم مع و علي حس اني جيت بت فجاء بعد 5 سنه في اولاد كانو بدلعوني دلع شديد بزات خالد بعدي با سنتين اتولدت ايفان و بعد با 3 سنه اتولدو اخواني التوم ليان و ايان ديل كانو لعبت البيت 😂😂😂 لكن مكانتي انا ما اتغيرت خالد وجوهر اهتمامم بي انا بس حتي ديل لمن كانو صغار ما كانو عندهم معاهم شغله امي قالت لي لمن كنت صغيره تخلي خالد يحرسني من يوم الاتولدته و خالد ببوسني في راسي لحدي هسي ما ما كبرت وقالت لي لمن جينا نسجلك في الروضه خالد قال هو بوديك و بقعد يحرسك يخلي المدرسه 😂😂 و تاني لمن كبرت و دخلت المدرسه كان جوهر بشاكلني طوالي في جدول الضرب انا ما بحب الرياضيات و خالد يقوم يقول لي ما تشاكل و يقعد يذاكر لي يوم قمت شلت ورقه من الكشكول بتاع جوهر هو كان مافي وجاء لقاني بقطع في الورقه قام كورك فيني و ضربني وانا كنت بخاف من الكواريك ببكي لمن بغمر و خالد جاء جاري با بكاي مسك جوهر دق دق 😂😂 لمن ماما ماجده جات حجزتم ساقني من يدي و غسل لي وشي و شال شنطتي بتاعت المدرسه و فتح الدولاب شال هدومي بتاعت المدرسه وبجامتي بتاعت النوم و قال لي ما حتقعدي هنا تاني وانا ساكته مشيت مع ( هههه طفوله حلوه خلاص) بيت معاهم ماما ماجده نامت معاي في السرير و خالد و جوهر بقو زعلانين اسبوع رغم ان بقرو في مدرسه وحده لكن كان مافي زول بمشي مع التاني بعد اسبوع قامت امي و ماما ماجده قعدوهم اتصالحو لكن خالد هدد جوهر لو هبشني بقتلو هههههه كبرنا علي كدا خالد الحكمه و الهدوء والفهم الرايق،،، و جوهر الصرامه و القرارت الحازمه دخلو الجامعه خالد و جوهر والحياه بقت لينا مسيييخه ما قاعدين معنا وايامنا كلها زي بعض لحدي ما يجو الاجازه و التوم اخواني متعلقين بي شديد ينوم معاي في السرير امي قالت لي حاسنك امهم ما عندهم معاي احتاك هههه اما ايفان دي كانت مجنونه البيت النكته الفرحه الحلبه علي اقول ابوي مرت الايام وكل ما خالد يجي لي الاجازه بجيب لي معاهو هديه و بقعد يحكي لي في الحصل كلو وعن عالم الجامعه و اي شي هو البطلعنا يفسحنا و يودينا السوق يعني هو البنقدر نتفاهم مع جوهر اخوي اخلاقو ضيقه شديد ممكن يودينا لكن الشارع كلو يكورك اتاخرتو بتعملو في شنو و غايتو المجنونه تمشي مع 😂😂 السنين جرت سرييييع وانا امتحنت و نازله الجامعه كان جوهر و خالد في السنه الاخيره من الجامعه جوهر درس هندسه بترول و خالد درس هندسه مدنيه ساقوني معاهم للجامعه لان كانو مقدمين لي مختبرات طبيه دي رغبه ابوي لان دكتور اخصائي عظام و كان متمني جوهر ولا خالد واحد يدخل في الحقل الطبي و هم رفضو قالو ما عندهم راس لي الطب 😂😂😂 بس انا باطبعي ما بكسر كلمه ابوي و خجوله شديد و شخصتي ما قويه و كلامي مع الناس ما كتير باميل لي الصمت و ( الصمت هو زاتو كلام ابلغ تعبير) و مشيت معاهم وعملو لي اجراءات تسجل الجامعه و بعد كدا ودوني قعت في داخليه بيت الطالبات داخليه سمحه شديد و كل 2 في غرفه جوهر جاب لي حجات عشان اخت معاي في الغرفه و خالد كان ماسك مصاريفي و بجي يوديني الجامعه كل يوم رغم ان كان اخر سنه لي لكن كان مهتمي

بي شديد علمني كيف اصرف قروشي و احافظ علي و كان بخاف علي امشي اي حته براي واصلا انا جبانه شديد و جوهر نهائي ما عندو بال يفهمني دا كلو فا كان واقف جنبي خالد في اي شي لحدي ما هم اتخرجو و خلاص انا البلد مسخت علي لان ما بعرف اي زول والبت المعاي في الغرفه النوعيه هاي وتاي و انا ما بحب الحركات دي ما حاولت احتك بي بس خالد قبل ما يسافر عمل لي ترحيل يوديني الجامعه و صاني وصايه كتيييره و مشدت خوفو كتب لي حجات في المفكره 😂😂😂 طبعا خالد بعاملني زي الكاني الطفله الزمان ديك نهائي في نظرو ما كبرته رغم اني يعني عاقله و ما متهوره و هادئه لمن كان بوصلني الجامعه بدخل معاي لحدي القاعه جوه و بسلم لي في راسي و بمشي ما بشتغل بازول نهائي و انا نفسي نظيفه و عارفه ان اخوي الكبير لكن طبعا الدفعه كلها بتشتغل لي و مافي زول داير يفهم ان دا اخوي لمن زهجت منهم بقيت ما بشتغل بيهم عديت سنتي الاولي دي با سلام و متحنت ورجعت لي ناس امي و التيمان اولادي ( ليان وايان اخواني الصغار) و كنت مبسوطه اني حقضي معاهم شهرين الاجازه لان اول مره افترق عنهم لكن اريتني ما جيت الصدمه كانت اكبر من خيالي 😨😨

انا بالي الرايق اتعكر،،،،،،، العقل الفاضل لي ودر

وقفت متسمر،،،، انا صوتي النابح اتحجر

والدم الفي عروقي اتخدر،،، ونفس الشهقا زاتو اتزفر

الفرحه الفي قلبي اتبلعت

والدمعه الفي عينين جفت

والروح الجواي ماتت،،،و اندفنت جوه الفرح التبلعت

يتبع....

#حكم_علي_بالإعدام_ولكن
بقلم: جنان

الجزء 02
📝
حاولت استجمع قواتي ياربي انا بحلم وانا صاحيه ياربي انا مته وانا حيه حسيت با روحي عطشانه لي 100 سنه ما شربت انا حلقي جفا وزاتو الكلام راح مني كيف ابقي مرت اخوي 😢 انا ابقي مرت اخوي ياخ حرام عليكم لي تعملو فيني كدا
بعد ما جيت با يومين قعد معاي ابوي وعمو عبد الرحمن و امي و ماما ماجده وخالد وجوهر قالو لي جدك خطبك لي خالد اول حفيد ليهو وانتي اول بت وخالد وحيد و ما بطلع من العيلة نهائي و مبروك عليك و مشو خلوني باركو لي وانا ما سامعه صوتم اضني صنو و كلهم فرحانين وانا قاعده زي صبت فيني المطره خالد جاء قعد في الارض جنب رجلي و قالي سامحيني انا خاتني في نفس الموقف دا و مابقدر اكسر كلام جدي ولا كلام ابوي و جدي وانتي عارفه بحلف طلاق في اي شي اعفي لي يا ننو ( دا اسم دلعي من قمت خالد بقول لي ننو) و بقيت ابكي و خشمي ما قادره افتحو و هو يحنس فيني قال لي نحنا نسكت هسي لكن براهم لمن يعرفو ان نحنا ما راضين امكن يتنازلو و انا قلتي لي انت اخوي خالد انت اخوي كيف توافق تخطبني انت جنيت مش دا حرام و بقيت اهستر بالكلام واقول كلام ما مفهوم شنو قام جاري قفل باب الصالون عشان صوتي ما يطلع و شاي لي مويه اداني اغسل وشي و قاعد لي في الارض ما فضل لي لا يبكي ما خلا كلام ما قالو لي عشان اهدا شوي و نقدر نتفاهم طلعت خليتو و جريت غرفتي و لقيت ايفان اختي فرحاااانه لي شديد و تيمان و كلهم مسكوني و قعدو يبكو لان كلهم بحبو خالد حنين عليهم و طلباتم نافذه،،، انا الفيني كملت لمن لقيت البيت كلووووو فرحان و مبسوط و مافي زول سائل غلي رئي ولا فرحي يا ناس انا ما دمكم ما لحمك ما منكم الدنيا ضاقت بي و حسيت نفسي كرهت خالد شديد و شالت اليل كلو بكاء ديرا اقوم اصلي الفجر ما قدرت و قفت و حسيت الدنيا بتلف بي و سامعه صوت الاذان زي الواقعه في بير و تاني ما وعيت بي شي
يومين فاقده الوعي في المستشفي قالو دخلت في صدمه سكري كييييف وبتييين جاني انا ماعندي سكر لمن فقت و عرفت الحاصل مافضل دموع ابكي كنت ساكته وبعاين لي امي كانت تبكي و ماما ماجده تبكي و ابوي و عمو عبد الرحمن شكل الحزن فيهم
( لكن لي تحزنو وانتو سبب المي افرحو انبسطو زغردو دقو الطبول وارقصو صفقو وانا بصرخ با علو حسي واقول حرااااااام)
يحمدلو لي السلامه و انا شيفاهم و حاسه صوتم بعيد مارديت عليهم لكن شفت خالد واقف جنب باب الغرفه و شكلو متغير و بعاين لي بس و زي الكان ببكي اصلو ما جاء جنبي من بعيد و طلع بره امي شكلها طلعت بره عشان تنادي يجي يتكلم معاي لان كنت رافضه اتكلم بعاين للناس بس قام جاء داخل وكلهم بدو يتسحبو شوي شوي لمن خلونا برانا خالد قعد في الكرسي القدامى و مسك يدي و قال لي
اعفي لي سامحني ان شاء الله اموت لو كنت سبب في المك ياريتنى ما توجدت في الدنيا دي عشان انتي تتغصبي علي ندر ( اول مره اسمع ندر من خشمو من قمت وانا ننو) انتي بتي الصغيره واختي و اجمل شي في حياتي ما عايز افقدك والله العظيم ما يحصل الا الانتي عايزه ( دا كلو وهو منزل راسو ودموعو نزلت في يدي قلبي اتقطع اول مره اشوف خالد كدا لكن ما قدرت برضو اتكلم) قام من كرسي و رش فيني مويه قالي ابكي اصرخي قوالي اي شي بس ما تسكتي كدي انتي بتقتليني انا لو فقدتك بموت وانا بس بعاين لي مسكني وبقي يهز فيني ندر اتكلمي ندر ابكي ندر حرام عليك و حضني و بيقينا نبكي سواء قالي انا اخوك و ما حيتغير الوضع دا والديرا بحصل بس ابقي لي طيبه ما ديرا اشوفك راقده السكري دا ديرو يكون عرضي ما يثبت ليك فضفضي قوالي الجواك كلو انا من زمان بسمعك و حفضل اسمعك لمن اموت اكتفيت با اني ابكي بس و ما اتكلمت نهائي و طلعت من المستشفي ابوي و عمي قالو الا يعملو كرامه سلامتي و انا صلا من غرفتي ما بطلع و قاعده ساكته و اخواني التيمان قاعدين معاي هم البنسوني همي بحس بالراحه في وجدوم معاي و خلاص قررو بكره يعملو الكرامه و يعزمو الناس و انا قلت ليهم مافي زول يسئلني ما طالعه لي زول امي جات تحنسني و ماما ماجده و ما شتغلت با كلامم زي الما سامعه رقدت واتغطيت و مليت بطانتي دموع 😢 😢 ليان تدخل لي جوه البطانه تقش لي دموعي و تحضني و انا ازيد بكاء حسيت بازول برفع الغطاء مني رفعت راسي لقيتو خالد رجعت رقدت واتغطيت قيلاهو طلع لكن قعد في السرير الجنبي و بقي يتكلم و صوتو مبحوح و يتكلم وانا ابكي ما خلا كلام ما قالو لي حسيتو مكسور شديد و موجوع عشاني و قالي ما حتشوفي و شي تاني لمن وجودي بقي يضايقك لي درجه بتكلم و بتسفهيني انا نطيت من السرير و شعري المنكش داك و قشيت دموعي وقلت لي،،،
عمرك ما كنت مضايقني،،، انت البتزيل الالمي
انت دواي،، انت اخوي،، انت دعمي المعنوي
انت ابوي،،، انت الرفعتني وقت كنت بتعلم المشي
وقت كنت بتعلم الكلام اول كلمه قلت اسمك
انت لمن اطلع عريانه بتلبسني،،، انت بتغطيني
انت العلمتني اكل و علمتني اعتمد علىك ما علي نفسي

عمرك ما كنت سبب ازعاج انت بجيك مضايقه بتشيل مني،،، لي تخليهم يعملو فينا كدا لي ياخالد انا مش بتك زي ما بتقول مش حرام اكون خطيبتك انا ما بقدر اشوفك غير اخوي
وانا بتكلم و هو دموع بتنزل و منزل راسو حسيتو حاسي بالعجز و ماقدر يعمل لي شي سكت و اعتزرت لي و قلت لي الكاتبو ربنا بكون ،،،، مسك يدي و باسني في راسي وقال لي اعفي لي و سامحيني و اوعدك انتي اختي و بس و ننو ما حتتغير بس تخلي بالك من نفسك و تطلعي كل الكلام دا من راسك و اي كلمه اتقالت اعتبري نفسك ما سمعتيها انا جنبك و ما حخلي زول يضغطك و طلع خلاني
حسيت نفسي كعبه شديد فكرت بس في نفسي و ما فكرت فيهو هو برضو يكون موقفو شنو امكن تكون في وحده في بالو و باسببي اتحرم منها و يمكن و يمكن و طال تفكيري لمن نمت
المن اشكي يازمن ومن الي سمعي صوتي
اسكت احسن يازمن وبدي اعالج روحي

يتبع....

#حكم_علي_بالإعدام_ولكن
بقلم: جنان

الجزء 03

اصبح فيني صباح الهم

واصبح يومي عصيب منغم

من الصباح امي و ماما ماجده شغالين يجهزو الكرامه و انا محلي ما قمت جاني خالد صبح علي و قال امشي اقيس السكر رفضت ما شتغل بي جاب عبايتي و قال لي ليان تلبس عبايه دقيقه مافي و القي بره استسلمت و مشيت مع و اخير ما نمشي لقيتو ذايد كتبو لي حبوب و اكيد ما حينزل نهائي و مامركز مع شديد اصلا بالنسبه لي حياتي ادمرت ما عشان خالد كعب بالعكس اريتو كل الرجال زي خالد ( لكن عشان كسرو البيني وبينو كسرو العفويه البينا و خوتنا النظيفه) ورجعنا البيت قعد خالد تاني اتكلم معاي ابطل البعملو ودا واتكلم مع الناس قلت لي خلوني في حالي مش العايزنو انتو عملتو تاني في شنو جاط معاي كدا و طلع خلاني قفلت الباب علي بالمفتاح لمن موضوع الكرامه دا انتهي ودقو لي الباب كدا ما ركزت معاهم بقيت افكر اعمل شنو و ندمت علي اجازتي دي

انتهي اليوم و بليل جاء خالد يودعني اتخلعت لمن قال لي جاي اودعك مسافر الفجر بالهفه قمت من السرير و قلت لي ماشي وين 😥 قالي اول امس الشركه القدمت فيها اتصلو علي قبلوني و حمشي انزل شغلي كنت منتظر اشوفك تبقي كويسه بس انتي ماديرا تساعدي نفسك و تساعديني انا حمشي و حجي بعد 15 يوم القاك بقيتي احسن و بتصل عليك و سامحيني و انسي اي شي اتقال انا بعرف اصلح الموقف و اتاكدي اني ما حفرض نفسي عليك ( الكلام الاخير دا حسيت وراهو الم و وجع و حسيت نفسي كسرتو الله يكسر رقبتي) قلت لي عافيه ليك بس ديرا اسئلك سؤال واحد ممكن تجاوبني با كل صراحه،،،، قال لي اتفضلي،،، قلت لي انت كنت عارف الكلام دا،،، سكت مساااافه و خلاص انا كدا عرفت الرد قلت لي قوم يا خالد امشي بعد كدا عشان انت ما خالد الزمان بعرفو،،، قالي ممكن تسمعيني و تديني فرصة اتكلم،، قلت لي وعندك كلام كان قلتو لي ما كان سكته،،، قالي خايف عليك عشان كدا ما قلت ليك انا عارف لي سنة وانا قلت لي ابوي ما يكلمك عشان عارف ان صدمه بالنسبه ليك و بجد انا بخاف عليك اكتر من نفسي ما بستحمل اشوفك كدا وانتي عارفه غلاك عندي يا ننو اعفي لي مافي شي بيبرر موقفي غير خوفي عليك وهو دا لمن عرفتي الحصل شنو انا هسي شايل زمنك و ما مسامح نفسي،، قلت لب خلاص الحصل حصل والله يسهل ليك و يرزقك خير امكن ما القاك الصباح ت ع خير،، ودعني وطلع، وانا بعد طلع بكيييييت قلت انا ما عندي احساس و حيوانه للدرجه دي وقمت اتوضيت و صليت و دعية ربنا يفرج كربتي ويسهل امري والفي الخير الله يكتب لي،، و قمت نمت و الصبح قمت صليت لكن ما طلعت اودع خالد نهائي عملت نفسي نايمه لان كل الكلام رايح مني و مشي خالد و تاني بقي مافي زول اتكلم مع تعاملي مع ناس امي زي الضيفه و هم مشغالين با موقفي دا بدا بالعكس فرحانين و بخططو،، بعد اسبوع جوهر اخوي اصحابو رسلو لي يجي المانيا يشتغل و بدا يجهز في اوراقو عدا لي اسبوع تاني وسافر و تمت ال 15 يوم وخالد ما جاء كان بتصل عشان يطمن علي في تلفون امي وانا كنت ما بتكلم مع بديت اجهز عشان راجعه الجامعه و فضل لي اسبوع قام جاء خالد لمن سمعت من بره ليان و ايان بكورك ويسلمو علي دخلت غرفتي طوالي ما طلعت عملت روحي برتب و مشغوله و ما سامعه دق الباب و دخل قالي ماعايز تسلمي علي حتي قلت لي انت جيت بتين ما شفتك،، عمل لي كدا 😏 مامشكله انتي كيف طمنيني عليك جاء يسلم لي في راسي زي ما من زمان بعمل بس انا كشيييت منو و زحيت طوالي طلع و قفل الباب،،، والله ما عارفه عملت كدا لي والله ما عارفه فقدت العقل خلاص انا قعت افكر اعمل شنو مشيت عملت لي القهوه هو بحب القهوه و ديما انا كنت بعمل لي اول ما كنت بعرف اعمل لي مووويه ساي يشرب ويسكت بقول سمحه لمن اتعلمت 😂😂😂 شلت و مشيت لي ختيت و اعتزرت لي قلت لي اعفي لي ما قصدي بس انا متوتره ما فاهمه بعمل في شنو،، قالي ما مشكله حاجه انتي ما عايزها ما بعملا،،، قلت لي بس اعفي لي ما ديرا شي تاني،،، قالي عافي ليك و ما قاعد ازعل منك عملتي شنو جهزتي نفسك للجامعه ( غير الموضوع عشان التوتر وانا الزمان ديك بقيت ما بقدر اعاين لي واتكلم) قلت خلاص اي ما فضل لي كتير،، قالي خلاص بكره بوديك السوق الناقص ليك تمي،، قلت لي خير و مشيت خليتو يرتاح من السفر،،، جيت لقيت امي و ابوي و عمي و خالتي عاملين اجتماع ان انا باقي لي اسبوع يعملو لينا خطوبه صغيره يعلوني في رسمي،،، انا اتجمدت مكاني لا عرفت اوصل لا عرفت اقيف شافتني امي قالت لي تعالي مشيت وانا بجر رجلي ما قادره وقعت وهم بتكلمو وانا بسمع نادو خالد و بقينا انا وخالد بنتفرج وهم بخططو و خالد يعاين لي وانا اعاين لي ما عارفين نعمل شنو،،، قام خالد قال ليهم خلو بعد تمشي وتجي الاجازه الجاي،، عمي حلف ستين يمين قال لا الاجازه الجاي نعمل الكبيره انا و خالد قلنا شنوووو 🙄🙄🙄،، قالو خلاص نحنا اتفقنا بكره نمشي نشتري الشبكه ويوم الخميس نعمل قعده صغيره اسريه تلبسو الشبكه و نعلن الخطوبه و خلاص،،، خالد ساكت راجيني اتكلم و انا منتظره يتكلم

هو،،، قمت ديرا امشي امي قالت ليهم السكوت علامه الرضي البت خجوله عارفنها مشيت ودمعتي في خدي،، وتاني السكت الياها نهائي ما تكلمت حتي باقي حجاتي للجامعه ابيت امشي اجيب قال امشي معاهم للشبكة قلت ليهم دي بس الحغلبكم انتو اخترت تخطبونا و تعرسو لينا الشبكه ما حتعرفو تختارو اعملو البريحكم و دخلت غرفتي جابو والله ولا شتغلو بي شغله و دا كلو انا متحاشي الكلام مع خالد نهااااااااائي لمن جاء اليوم الكارثه بالنسبه لي يوم الخطوبه القالو هم جابو لي فستان و قصص و شنو قالو اتمكيج و قلت ولا نقط ما بعمل و الفستان ما بلبسو حنسوني كدا عشان الناس الجاين قلت خلاص لبست الفستان و تاني مابعمل شي بعد شكل عملت لبشاين و كحل بس و سرحت شعري كعكه واحد فوق طلعت خصله بالجنبه و طلعت كدا ( ماعارفه الناس ديل انا عجبتهم لي التقول ما بعرفوني كلهم ما شاء الله عروسنا زينا اجي يا اخواني انا بدره ما عملها و الزعل ظاهر علي) اما خالد 😂😂😂😂😂 قاااااشر والله انا لمن شفتو واقسم بالله ضحكت ضحك خلاث هو قال انا جنيت قدام الناس ضحكت جابو الشبكه و بدا يلبسني حسيت احساس غريييييب و لقيتو بعاين لي جوووه عيني لمن جسمي قشعر انا زاتي ما عارفه لبسني كيف كان جايب طقم فخم و سمح كيف طبعا انا ما شفتو الا ساعه الشبكه خالتي جات لبستني العقد ( لاحظو من ماما ماجده بقت خالتي ما انا خلاص كرهتهم كلهم هههه) و جاء دوري غمضت عيوني و دخلت لي الخاتم في اصبعو الكبير هههههه الناس دي كلها بقت تضحك العروس تتكبكب العروس تتكبكب ( يكبو فيكم جاز يحرقوكم ان شاء الله بس) تاني ابيت اصلحو لي لبسو براهو و قاعدين انا هو زي عروسان العب لعب انا بقيت اتبسم ساي للناس ماعارفه الحصل لي شنو لكن ما طبيعيه و هو مركز معاي مسك يدي لقها متلجه قال لي انتي كويسه قلت لي انت رئيك شنو قالي ما كويسه قلت لي وابقي كويسه كيف انا بنفد اوامر هسي خلينا في المهمه دي بعد تخلص،،،، سكت تاني ما تكلم معاي لحدي ما العبه دي انتهت انا قمت دخلت غيرت هدومي و طلعت الشبكه كلها ختيت في الكمودين و غسلت وشي و بدون احساس نمت ما قمت لا الصباح و طيارتي كانت المساء بقيت اتجاري الم في حجاتي و كنت مبسووووطه اني حبعد من جو التوتر الانا في دا جهزت و طلعنا علي المطار اخواني التيمان و خالد و ابوي ودعتهم كلهم و خالد بس بعاين لي ما قال لي ولا كلمه وداع و مشيت واول ما وصلت وشملت شريحتي نزلت لي رساله منو خلي بالك من نفسك انا رااااجيك

خاااايف تفوت والسكه بيك ما تلمني

يتبع.....

#حكم_علي_بالإعدام_ولكن
بقلم: جنان

الجزء 04

انا بالرسالة دي اجهجهت شديد و العرق زي الصبت فيني مطره،،، لكن طوالي ادركت نفسي و اديتني كف عشان افوق يابت ياندر بتفكري في شنو انسي و قفلت صفحت الحصل كلها واصلا كنت خليت ليهم الشبكه كلها في صندوق في الدولاب حتي الدبله قلعتها ( والله ما عشان احب و لا عشان اتسافه ولا عشان اتشاغل لا دا كان فهمي ولا دي كانت غايتي) لكن بس حسيت نفسي ولا شي عباره عن سلعه يبيعو ويشترو فيها بدون حتي يخدو رئي امكن لو كان عملو لي و قيمه و لا مكانه زي باقي البشر 😭😭 امكن يكون الوضع احسن من هسي لكن اقول شنو لي امي وابوي سمع و طاعه وان شاء الله لو دي قسمتي ما حتفوتني،،، و رقدت ارتاح شوي و البت العويره المعاي في الغرفه تتعاور و تتصور و انا ما شتغلت بيها استاذنت طفيت النور صرت لي وشها عملت ما شيفها و التفكير حماني النوم قمت صليت و طلعت بره اتونس مع البنات في الصاله كنا بنتلم فيها نتونس،،، وانا قاعده اتصل على خالد الوووو

خالد: ننو اهلييين ازيك ( الهفه الفي صوتو تجهجه) لكن حاولت اتجاهلا

ندر: الحمدلله بخير

خالد: كيف و صلتي ان شاء الله ما تعبتي ما تكوني خفتي ( انا لزي دا بجيب لي الشلل طوالي)

ندر: الحمدلله بخير والله ما تعبت ما خفت خلاص قلبي قوي من العلي

خالد: حرام عليك ياننو ما تقوالي كدا زي ما وعدتك ما يصير في خاطرك الا طيب المهم خلي بالك من نفسك و بتصل تاني اطمن عليك ولو احتجتي اي شي ترجعي لي انا

ندر: حاضر

خالد: ننو ما تعذبيني ما تتغيري علي حلفتك بالله مافي شي بالغصب

ندر: انا قلبي واجعني لكن 😭😭😭

خالد: تبري يمه من الوجع ( احييي يمه دي حنييييينه)

ندر: سااااكته

خالد: خدي بالك من نفسك مع السلامه

ندر: باي

قفلت منو و حسيت با غمضته في قلبي ما طبيعيه استغفرت و دخلت الغرفه اجهز هدوم الجامعه و الزمن جراء علي بال ما رتبت حجاتي الجبتها و كدا جات الساعه 3 صباح قلت انوم لي شوي قبل الفجر رسل لي خالد عاينت الرساله من بره ما فتحتها نهائي ورقدته نمته سرحت في النوم ما اصحي الا باجرس التلفون امي بتتصل والساعه 8 قمت ناطه جري جري جهزت و بتاع التريحيل شكلو اتصل ما رديت مشي و خلاص اجهجهت نزلت ركبت امجاد مشيت ( اي مابعرف اركب المواصلات) وصلت الجامعه كاني دخلت عالم تاني جريت علي صحباتي سلمت عليهم با شوق و بكيييت ما عارفه بكيت لي بس نوع ماء ارتحت شديد،،، المهم مرت علي الايام كلها شكلها واحد بس بديت انسي الموضوع وخالد ما خلاني لحظه يتصل ويرسل و يطمن علي اكتر من اخواني وامي طبعا دورت معاي الشكله في الشبكة الخليتها والدبله المالبسته،،، استحملت واكلت في بطني و سكت

ما انا اصلي مكتوب لي الهم

مغسل با حنظل الاهات

مريح با قدر الزمن

مكتوب اعيش مكفن بالالم

مدفون في و جع السنين

قبرا مكتح بالتراب،،،، لازول يرش المويه تطري لي

ولا حتي زاير باورد عطرا يفوح يجمني

مرت علي السنه دي سرييييع عشان كنت خايفه من الرجعه و بكيييت شديد كان ما راجعه لي اهلي بس بكيت اول ما صلت اهلي حضنت امي و اخواني با شوق و وله و وجع و بكيت شديد من جووووه قلبي

اصلا الدموع بقت ستي،، و ست ريدي،،

وست موقفي

خالد ما كان في لان اصلا اشتغل في منطقه تانيه بس اتصل على حمد لي السلامه و قال لي جاي نهايه الاسبوع،،،، ياخ انا فرحت فرح قدر ما كنت مشتاقه لي قدر ما بقيت اخاف من جيتو تتحسب علي ان خلاص اندمجنا و يقوم يعرسو لينا والله العظيم بقيت احسب الف حساب قبل اقول كلمه خالد في خشمي،،، ( ااااحييييي انا قلبي وجعني علي البت دي لكن الله في)

امي طوالي استلمتني لازم البس الشبكه طنطنت كدا في النهايه قلت لي بلبس الدبله بس عشان خالتو ماجده و بس جات تسلم لي و جابت العشاء معها النصيحه التقول ضبحت ما خلت شي و المغصه ديرا تقتلني كل ما تقول لي مرت ولدي ( بقرب اقولي مرره ان شاء الله بس بستغفر) بعد العشاء جو اخواني الصغار يتونسو ويحكو لي ان خالد كل 15 يوم كان بجيهم و يطلعم يجيب ليهم هدايا و ليان قالت لي تعالي اوريك ااصندوق دا فيهو شنو،، قلت لي جيبي وتعالى جابت لي 🙄🙄 لقيتو كلووووو ورد دبل قلت لي دا شنو يا لولو قالت لي خالد كل ما يجي بجيب ورد يختو في سريرك عشان انتي بتحبي الورد و انا بعد يدبل بلمو كنت في الصدوق دا عشان ايفان ما ترمي،،، والله العظيم ما عارفه الحصل لي شنو شلت منها الصندوق و مسكتو وبقيت ابكي زياده اعمل شنو انا المفروض ما اجرح مشاعرو بعد دا لكن كيف استسلم انا ما قادره اشوف غير اخوي ياربي الحاصل شنو ( انا بقيت احسب اي شي رغم ان من زمان هو بجيب لي ورد يعني ما حاجه جديده لان انا بحب الورد) لكن ما عارفه لي بقيت احس با اي شي ان متاخد با منحه اني خطيبتو،،،، قمت لميت الصندوق في الدولاب و قلت اتصل علي اشكرو و احسن من كلامي الشين البقول والبرود لكن ( ما معنها اني غيرت فهمي) ديرا اتصل على اتصل هو ( ود حلال) سلم علي و شكرتو علي الورد،،، قال لي من بتين في بينا شكرا اصلا بطلي عواره يا ننو اتكلمنا كتييير حسيت بي خالد زاتو ما اتغير انا بس كنت ظالمه خالد اخوي وصحبي الزمان زاتو ارتحت بعد اتكلمت مع قفلت منو و سرحت و كنت مرتاحه بس لي ما عارفه المهم نمت

و عدت الايام كدا لمن جاء يوم خالد جاي اتصل اعتزر ان عندو شغل كتير الشهر دا كلو ما حيقدر يجي قلت انا الصراحه زعلت لكن تاني قلت الحمدلله عشان امي وخالتي ما يفتحو برنامج جديد شهر يعني ما حلاقي و حسافر،، والسنه دي ماشه معاي ايفان عشان خلاص امتحنت و نازله الجامعه و خالتي ام خالد هي وعمي نازلين السودان نهائي بس يجو يجددو لكن جهزو نفسهم طوالي خالتي قالت اطلع من الداخليه اجي اقعد معها انا ايفان،،، انا ما كنت حابه القصه لكن قلت احسن من الشلهته،،، جهزنا للسفر و خالد اتصل لي بعتزر و زعلان ان ملتقانا و كلام كتير ( جهجهني بيهو شديد بس عملت ما سمعتو) جابت لي عيوني انتي خلي بالك من روحك والحمدلله ان حتقعدي مع امي حكون مطمن عليك،،، براي عملت كدا 😏😏 بدينا،، طنشتو و سافرنا و معنا خالتو و عمو و مشت معنا الداخليه جبت حجاتي كلها و ادتنا غرفه انا وايفان اختي،،، واقسم بالله شيلنا من الارض هدومنا دي ما بتخلينا نغسل بدينا جري اجراءات جامعه ايفان دخلت هندسه معمار خلصت منها طبعا هي مازي زوله شجاعه شديد و بتعتمد علي نفسها و بتركب المواصلات عادي و ما بتخاف بتمشي براها بقيت اطلع معها عشان اتعلم ( ديما بقول البكر عوير غايتو بس) اها خالتي بدت في الحركات دي الجزء بتاعك انتي وخالد و ديرا نعمل ليك شنو و ما بعرف و كل ما نقعد تمسخ علي القعده بالكلام دا لمن زهجت منها بقيت بقعد براي بعمل في بزاكر لكن الصراحه ارتحت شديد عن خالتي لان كان بتعاملنا زي امي واحد و عمي دا كل نهايه اسبوع يطلعنا نتفسح و سااااكت ما بجيب سيرة العرس ولا خالد،،، 😂😂😂 مخلي المهمه دي لي خالتي بس،،، خلاص بقيت ما بركز معها وخالد كنت بحكي ليهو بقول لي انتي عارفه امي براك عشان انا وحيده و هي بتريدك خلي تتكلم و تسكت بس،،،، و بقي الوضع زي ما هو لمن نهايه السنه جات انا كان لازم انزل كورس لو لازم كمان ارجع اجدد قلت ارجع اسبوع بس واجي سجلت للكورس و رجعت المره دي خالد لقيتو في المطار 😂😂😂😂 ووووقسم بالله ما عرفت اطير وين من شدت مشتاقه لي قربت احضنو لكن استغفرت و قلت يابت دا بتحسب عليك و هو يا حليلو الهفه في عيني لمن غلبو الكلام وصلنا البيت و سلامات و قصص و خشيت ليهم في موضوع بكره يعملو لي اجاراتي بعد اسبوع راجعه و قمت ارتاح بليل خالد قال عازمنا كلنا بره طبعا امي اعتزرت قالت عند وجع ظهر و ابوي نفس الشي و امي حمرت لي ليان و ايان كانو فرحانين ماشين سكتو قالو ما ماشين ايفان اصلا بتريد خالد ديرا تفضي لينا الجو ( لان ابوي قال ليها ندر ما عرست عرس ليك مافي وهي طبعا شفقانه) اها فضلت انا قلت انا زاتي تعبانه طوالي لقيت العين الحمره من امي قالت لي قومي البسي قمت جهزت و طلعنا قلت لي ما نمشي مطعم و ديني البحر،،، ( لكن انا لو بعرف امسك لساني كان دا حالي احييييييييي بس اريتني كان مشيت المطعم)

زخارف الدّنيا أساس الألم، وطالب الدنيا نديم الندم فكن خليّ البال من أمرها، فكلّ ما فيها شقاءٌ وهمّ.

قعدنا في الكراسي القدام البحر دي و جاب لي ايس كريم و جاب ليهو شاي و قعدنا نتونس و نتزكر في زمان و بدا يحكي لي عن درماتي في الطفوله كنت مبسوطه و بعاين لي و بضحك فجاء سكت وبقي يعاين لي جوووه عيوني لمن نزلت راسي قالي

ننو انتي حلوه شديد،،، وبرئيه،،، و ما بشوفك غير طفلتي الصغيره ديك،،، ربنا ما يحرمني منك،،، انا طبعا خشمي ما فتحتو و زي الماسمعت شي و ريالتي قربت تسيل لان لو سمعتو بقول الكلام دا كيف بتنتحرو جدا والله هو اصلا حنين لكن ذاد الجرعه علي شديد حاولت اغير الموضوع حكيت لي عن واحد في الجامعه مهتم بي اهتمام شديد و انا بضحك في هبالتو دي و ما مركز مع،،،، لقيت رجع لي وراء في الكرسي القاعد في و كتف يدينو وبدا يحمر لي و يسمع،،، قال لي وانتي فرحانه كدا مالك و بتحكي،،،، احرجني شديد و شي اتكرفس طوالي،،، قلت لي ساي يعني بس دا الشي المضحك الممكن احكي،،،، قالي وانتي يعني متكيف من اهتمامو،،،، قلت لي لا طبعا بس عامل لينا موضوع،،،، قالي عيب كدا فهمتي،،،، قلت لي حاضر،،، قالي قومي يالله نمشي نتعشاء،،، قلت لي ماديرا خلاص شبعت وانا كنت ميييته جوعه،، ما ركز مع ردي و جراني من يدي و علي العربيه،،،، وقف جنب المطعم و نزل و جاء فتح لي الباب عشان انزل من سكات نزلت،،، دخلنا وقعت و ساكته ساي ( في نفسي قلت انا عست الدنيا بالقلتو دا هسي الاكل دا يتبلع لي كيف لكن انا جعانه ياخ باكل ما بشتغل بي،) انا من االله خلقني لمن اجوع ببكي طوالي (بس هبله اي زي ماقلتو) عصرت نفسي و بعاين للاكل وخلاص الدمعه نزلت مني قام من كرسي جاء قعد جنبي طبعا شغالين با صمت رهيب بقي يقطع لي ويديني في يدي و انا الدموع دي عشره عشره و باكل و هو نهائي ما سئلني،،، بعد اكلني حتي اكل هو،،، قال لي طبعتك من صغيره ما خليتيها تبكي و تاكلي،،، ( طبعا هو حافظني صم التقول ممتحن فيني ما بقدر اقولي انا ما كدا) عملت ما سامعه مسكت التلفون اتكلم مع صحباتي في القروب و اتبسم ساي قام سئلني فرحيني معاك،،، قلت لي بتكلم مع صحباتي،،،

قالي بكون مبسوط لمن تكوني مبتسمه ما بشيل هم لي اي شي و بجدع الدنيا دي كلها وراي

صننننتننننتنن صنيت قلت الزول دا بدا يسرح،،،، قلت لي يا خالد انت قريب لي اكتر من جوهر بحسك انت اخوي ما هو،،،، قالي ااااااي و قام غسل يدو و مشينا البيت،،،، وبدا الاستجواب من ايفان اختي سؤال منكر و نكير

عملتو شنو،،، مشيتو وين،،، قاليك شنو،،، قلتي لي شنو،،، شعورك شنو،،، سجم طين عجين وووو الخ

زهجت منها و مارديت علي

المهم خلصو لي اجاراتي و حتي ما قدرت امشي اسوق اجيب شي و بقي يوم سفري بكره و طبعا خالد،قااااعد اب يمشي لحدي ما اسافر انا مشي السوق براهو اشتري لي حجات وجاني في الغرفه خت الاكياس و هو طالع قلت لي دا شنو قالي بعد،تفتحيهم،،،، فتحتهم لقيتو لبسات شنط ساعات عطور و انا ما بتمكيج طبعا نهائي،،، والله ياخ غلبني التعبير في الحظه دي نهائي و قلت اعمل شنو مع الولد دا افسر تصرفاتو دي شنو لا اكيد يا ها خوتنا الزمان ما اتغيرت،،، مشيت لي اشكرو اداني لبعه في راسي قالي انتي طفلتي ( الكلمه دي بتقتلني قتل) جريت منو مشيت ستفت الحجات الجاب لي كلها 😂😂😂،،، بكره من الصباح طيارتي صحيت لبست و امي زعلانه اني ما قعت قلت لي فضل سنه اصبري المهم السنه دي خايفه انها تنتهي ماعارفه حيحصل لي انا وخالد شنو الله يستر

سافرت براي لان ايفان لسه اجازتها لقيت خالتي يا حليلا تبكي من شافتني ( والله الناس ديل عقدوني عديل يعملوني اني مرت و لدم جد جد) و طوالي من بكره نزلت الكورس بتاعي و جري بس ما بتفاهم مع زول ما فاضي اصلا حتي خالد، امكن في الاسبوع ارد علي مره وحده بس و طوالي كبست علي السنة الجديده للجامعه و كانت اخر سنه و ماكنت فاضي لي زول بس خالد رغم اني ما كنت برد على

الا انو ما وقف رسائلو نهائي صباح مساء اي وقت مرات ارد مرات اطنش،،،

الأمل هي تلك النافذة الصغيرة، التي مهما صغر حجمها، إلا أنها تفتح آفاقاً واسعة في الحياة

تسارع الاحداث 🏃 🏃 🏃 🏃

اشتغلت والسنه جرت سريع و جيت للامتحانات اخر سنه و تعب وجري مستشفي و قصص لمن خلصت الحمدالله و عمي قال قبل ما ارجع نمشي البلد نزور جدي،،، والله فرحت لكن فجاء زعلت قلت دا زاتو جدي الحكم علي بالاعدام و انا حيه حرام عليهو،،، بس ماقدرت اقول لي عمي لا،، و مشينا البلد و الله لقينا جدي مجهز الضبايح و عازم الحله كلها لييييه قولو لي لييييه عشان مرت ولدو و حفيدو الاول جايه ( الي هي انا وووووووب انا) طيب ياجدي انا زاتي ما حفيدتك ولا بس خالد،،، قال لي انتي الغاليه مرت الغالي حتجيبي لينا الغالي،،،، ( جدي دا قفز قفزه قويه 🙄🙄) سكته لكن حياة البلد حبيتها شديد و البنات و الونسه و الله حياه بسيطه و جميله و حنييينه وانا بحب تراث بلدي شديد و نهائي ما بعاف من الحياة القري رغم اني عمري كلو كنت بره بس الجامعه جاتني لكن متمسكه با واقعي و اصلي عدينا 3 يوم اجمل ايام حياتي والله نسيت اي حزن واي الم حبوبه بترقدني مع في السرير والله لمن جيت ماشه بكت معاي بكاء قربت اقول ليهم خلوني اقعد معهم لكن الله غالب،،

رجعنا و سافرت انا و بدا الزززززن وووون ززززن في اضاني امي وخالتي جات معاي كمان و نقه في العرس والحمدلله لقيت خالد مسافر شغل حيقعد في شهرين،، لكن البرحمني شنو من نقت امي الفي راسي و المصيبه الكبيره جاء زول يتقدم لي ايفان اختي ولد صاحب ابوي ( طبعا دا ما بترفض نهائي) وهي الكلبه مربط مع وعايزه ما عند ولد عم بعلقو فيها ولا ولد خال كان خالد و كمل،،، و جو واتقدمو و جابو خطوبه طوالي معاهم و القصه انتهت و ايفان قلب برد وانا قلبي ولع نار عدييييل لان دا كلووووو ما من صالحي

بكره يا قلبي الحزين تلقي السعادة

والسرور يملي حياتي ويبقي ذاته

وعيني تشبع نوم بعد ما طال سواد

وانسي غلبي،،،،، والرياحين تملا دربي

وامسح الدمع البسيل يملا الوساده

كم سهرت اليل،،،وكم سالت دموعي

والالم في قلبي اصبح شي طبيعي

بكره تتحقق اماني

والفؤاد يرتاح ويتجدد زماني

والسعادة تكون جزاء صبري و صنيعي

الاماني العذبه تتراقص حيالي

والامل باسم يداع في خيالي

حلمي بكره و زكري ايامي الخوالي

جرت الايام و خالد كمل الشهرين و جاء و كان الشوق في عيونو ظاهر بس ما الشوق الانا بعرفو لمن نزل راسو بقي بسلم علي وهو ما بعاين لي بس

فضحني عيوني وكشفن اسرارو

والعيون لو رادو مابعرفو ايدارو

جاب معاهو صحبو و سلم علي وقال لي دي ندر الولد تاني رفع راسو يعاين لي يعني شنوووو في كلام ماعلينا طنشت مشيت اعمل ليهم القهوه وجيت لقيتم دخلو الغرفه قبل ادق الباب اسمع ليك خالد والولد بتكلمو طوالي وقفت اتسنط 👂لان سمعت اسمي

قالي ما بقدر اجرح والله انا،،، ،، وبعد سمعت الكلام كلو رجعت طوالي بالقهوه لان كنت برجف و جريت الحمام قعت ابكي

عارفني ماببقي بلاك،،، ولا بتحمل جفاك

وانا لسه واقف برتعش

يتبع....

#حكم_علي_بالإعدام_ولكن
بقلم: جنان

الجزء 05

انا دايرا تبقي خوه،،،،

طلعت من الحمام بعد خلصت بكاي و رسلت اخوي يودي القهوه و تاني ما لاقيتم نهائي و ما حاولت افكر في السمعتو لان ما قادره استوعب عدييييل،،،

ما حكيت ليكم انا ما عندي علاقه بالسوشيال ميديا نهائي حتي اكونت في الفيس ما عندي الهم الواتس اب بس قمت قلت لي ليان اختي الصغيره تعالي وريني الفهم شنو قالت لي ارح اعمل ليك صفحة في الفيس و عملت لي و دخلتني قروب كدا و عجبتني حكاية الفيس دي شديد ( طبعا الجديد شديد) بحالو اشغل راسي عشان ما افكر بس بجيني الكلام زي شريط ماري في علي و ما حقدر انسي وانا بفكر كتبت في صفحتي ( الراحه مرات في الجراح و الحكمه ان الكي علاج) قام ولد رسل لي طلب صداقة اسمو عمر ما شتغلت بي كتير و قفلت و رقدت نمت و بقيت بتفادا خالد شديد لمن رجع شغلو مافي كلام بينا نهائي بعد يومين فتحت الفيس لقيت منو رساله ردي علي سرييييع ولا بجيك في محلك 🙄🙄🙄🙄 اتخلعت شديد و استغربت دا منو ودا شنو ( الجهل الالكتروني بعمل اكتر من كدا) رديت على با خوف انت منو

و بدا يعرفني با نفسو الصراحه حسيت با راحه زول ظرييف شديد ما عارفه الخلاني اتكلم مع شنو و بيقينا اصحاب يوم وراء يوم نتكلم في الماسنجر بس الصداقه ما اتعدت الايطار دا نهائي لمن جاء اليوم السئلني انتي مرتبطه ( خش علي خش الاسطوانة المعروفه) والله ما عرفت اكذب على و قلت لي مخطوبه حسيتو الموضوع ما عجبو ما ركزت مع لان انا ماعندي شي لي زول بقي و بقت حياتي مربوطة بلا نهايه و ما معروف مصيري شنو واستمرت العلاقه بينا شهرين و طول الفتره دي وانا متحاشبه خالد نهائي و هو حسا بي كدا و بقي ما بضغط علي و علاقتي مع عمر بقت حلوه شديد لكن فاجائني لمن قالي انا حبيتك و اتعلقت بيك و عايز اشوفك طوالي قمت اختلفت مع يا ود الناس انا مخطوبه لا بحب لا بتحب ونحنا اصحاب فقط قعد يقول لي كلام كتيييير و انا اول مره احس بالراحه قدر كدا وصول بتكلم معاي اول مره اعرف الحب دا شكلو شنو ولا كيف ولا يعني شنو زول يحب قمت حكيت لي قصه خطوبتي كوووولها كيف و والله الولد سكت مارد لي الحديث اليوم التاني قالي انا حجي اخبطك من ابوك قلت لي اول شي انا ما قلت ليك عايزاك ( وانا من جواي حاسه با احساس تاني معاهو ما عارفه هو شنو اصلا) و تنقشنا كتير ان ما ينفع و حيعمل لي مشاكل لكن قال لي ما حفقد الامل نهائي و متمسك بيك و عايزك و ماعايز اشوفك تكفيني روحك الحلوه و زوقك و الاهتمام الانا عشتو معاك عمري ما حسيت بي رغم اني كنت خاطب قبل كدا لكن انتي شي تاني ( و كل ما يقول لي كلامو دا انا حيلي بموت) لكن هو ما عارف انا اضعف من اني اطلع من الانا فيهو دا و ما بقدر اقيف في وش الريح واقول لا ولا اعمل اي شي لان استسلمت و خلاص قمت قعت مع نفسي وقلت انا ما ينفع اتكلم مع عمر تاني هو بحبني و حرام يتعلق وانا حكمي دا مامعروف نهايتو شنو قطعت فتره من عمر زي شهر و نهايه الشهر لمن قلت ارسل لي اتصل على خالد،،،

الووو ننو ازيك مشتاقين

ندر: هلا خالد الحمد لله بخير

خالد: انا عملت ليك شنو عشان شهرين ما عايزه تتكلمي معاي

ندر: ابدا كنت مشغوله بس مع ليان في الامتحنات

خالد: ننو انا جاي بكره عايز اتكلم معاك في موضوع

ندر: موضوع شنو

خالد: لمن اجي نتفاهم ما ينفع في التلفون

ندر: اوكي علي راحتك

خالد: خلي بالك علي حالك

و قفل مني انا قلبي بقي يدق يدق و خايفه شديد و بطلت ارسل لي عمر لان فقت التوازن و ماعارفه خالد جاي يقول لي شنو و لحدي الصباح ما نمت بالتفكير و قمت شغلت نفسي با شغل البيت مع امي لحدي ما العصر خالد و صل

والهفه الفي عيونك بتحكي حكايه

ما العيون ديما قياااله

سلم لي في راسي زي سلامو الزمان داك و مسكني من يدي و قالي تعالي قعدنا في الصاله قدام الناس كلها 😂😂😂 بس الما عارفنو ان امي و ابوي بكون مبسوطين لمن يشوفونا قاعدين بفضو لينا الجو 😂😂 احيييي يا قلبي

قالي مشتاق ليك شديد

انا سااااكته ما رفعت عيني اعاين لي لان حبكي عيونو بتقتلني

ننو انتي سامعاني انا محتاج اتكلم معاك ممكن بعدين نتكلم

قلت لي حاضر

قالي حستاذن عمي نطلع بعدين

🙄🙄 قلت لي ما ينفع هنا نتكلم

قالي لا

قلت لي خير ان شاء الله

و مشيت خليتو وانا قلبي بخبط خبيط و خايفه يكون هووو زاتو

عارفين قبل شهرين لمن سمعتو بتكلم مع صحبو قال شنو ( قالي انا اصلا ما زعلان علي الخطوبه دي لان انا بعشقه من يوم الاتولدت لكن هي شايفاني اخوها وانا قلبي من جووووه واجعني و ماعارف اعمل شنو كل البعملو عشان تحس بي لكن هي ما عايزه تغير شي وانا غلبت خلاص و غيرا في قلبي مافي)

انا من سمعت الكلام دا و ماعارفه اعمل شنو غير اتجنب خالد ما قادره احس با اي شي رغم اني بريدووو شديد والله ما بقدر اتخيل عدم و جودو في حياتي هو دعمي،،،،

المساء جاتني امي قالت لي خالد قال عايزك تمشي مع السوق يشتري حجات و استاذن ابوك اجهزي،، جهزت من سكات و قلت لي اسوق معاي ليان قالت لي لا عندا مذاكره،،،، قمت جهزت و طلعت مع و نحنا في العربيه هو ساكت وانا ساكته لحدي ما وصلنا البحر

و نزلنا قعدنا في نفس الحته القعدنا في المره الفاتت

و ساكتين مسااافه

اول ما فتح خشمو قالي

🙄🙄🙄🙄🙄

ﻟﻨﻔﺮﺽ ﺇﻧﻮ ﺇﻧﺖ ﻧﺒﻴﻞ.. ﻭﻗﺪﺭﻙ ﻋﺎﻟﻲ ﺑﻴﻦ ﺍﻟﻨﺎﺱ ..

ﻭﻋﻨﺪﻙ ﺣﺎﺷﻴﺔ ﻣﻦ ﺧﺪﺍﻡ .. ﻭﻣﻦ ﻋﺸﺎﻕ.. ﻭﻣﻦ ﺣﺮﺍﺱ ..

ﻣﻨﻮ ﺍﻟﻘﺎﻝ ﺍﻟﻤﺤﺒﺔ ﻣﻘﺎﻡ .. ﻭﻣﺎ ﻣﺤﻜﻮﻣﺔ ﺑﺎﻹﺣﺴﺎﺱ؟

ﻭﻛﻴﻒ ﺣﺎﻧﺤﺴﺐ ﺍﻟﻨﺒﻀﺎﺕ .. ﺑﺎﻷﻗﻼﻡ ﻭﺑﺎﻟﻜﺮﺍﺱ؟

ﻭﻛﻴﻒ ﺣﻨﻐﻴﺮ ﺍﻷﻗﺪﺍﺭ .. ﺇﺫﺍ ﺩﻕّ ﺍﻟﻐﺮﺍﻡ ﺃﺟﺮﺍﺱ؟

ﺗﺄﻛﺪ ﺇﻧﻮ ﻣﻬﻤﺎ ﻋﻠﻴﺖ .. ﺣﻴﻔﻀﻞ ﻃﻴﻦ ﻫﻮﺍﻧﺎ ﺍﻟﺴﺎﺱ

يتبع.....

#حكم_علي_بالإعدام_ولكن
بقلم: جنان

الجزء 06

انا ما بقدر اعيش من غيرك ننو عايز اقواليك حقيقه ما تزعلي مني انتي عمرك ما كنتي اختي وبس انا لو ما جدي قال نحنا لي بعض انا كنت جيت طلبتك با نفسي والله انا فرحت شديد لكن قتلت فرحتي جواي لان لقيتك ما مبسوطه انا كعب للدرجه دي يا ننو عليك الله قوالي ريحني عشان اقتنع

(انا الدموع بقت تنزل زي المطر مني و بقيت ارجف ما كان نفسي اسمع الكلام دا هسي نهائي)

ردي علي ياننو عليك الله ريحني،،،، انتي بتبكي يا قلبي ( قش لي دموعي با يدو😭😭) عليك الله ما تبكي

قلت لي خالد انت احسن زول وانا المابستاهلك انا والله بريدك وانت عارف كدا لكن ( ووووش اسكتي دا كفايه علي ما عايزه اعرف بتريديني با اي صفه المهم انا عندك موجود ما مته،،، ننو انتي حياتي انا عمري ماحبيت ولا عاينت لي بت ولا شايف بت غيرك،، مشيت السودان ولقيت البنات اشاكل والاوان لكن انتي طفلتي الصغيره الي ربيتك اكلتك شربتك لبستك

هل عندك شك أنك أحلى وأغلى امرأة في الدنيا وأهم امرأة في دنيا هل عندك شك أن دخولك في قلبي هو أعظم يوم بالتاريخ وأجمل خبر في الدنيا هل عندك شك أنك عمري وحياتي وبأني من عينيك سرقت النار وقمت بأخطر ثوراتي

انا علمتك اي شي انا ما حفرض نفسي عليك لكن داير منك طلب واحد بس،،، عليك الله عايني لي زي ما انا هسي وبس عايني لي خالد البحبك و ما بتمني غيرك،، لكن انا يا خالد كدا حاغشك،،، ننو انتي ما اديتك نفسك فرصه نهائي طوالي حكمتي اسئلك سؤال لو كنت جيتك من نفسي من غير انك مجبوره علي هسي كان موقفك شنو،،،، كنت حفكر اكيد،،، طيب انا هسي انتهي اي شي قديم وانا جيتك وبقواليك انا بحبك و بتمناك ام اولادي،،، خالد انت بتقول كدا عشان نحنا مجبورين وانت ما عايز تحسسني انك ما عايزني،،، ورب الكعبه انتي حيوانه يابت بقواليك بحبك عايزك تقوالي اجرحك من بيتين انا بجامل في مشاعري انتي ما بتعرفيني ديرا تتعرفي علي اليله،،، انا اسفه ما قصدي يا خالد بس،،، وحيات غلاوت خالد عندك ولا كلمه،،، ( عارفين حسيت باشنو ارمي نفسي في البحر دا وانا في نار قايده جواي ما ديرا تخلص) بقيت ساكته و بعاين للبحر و هو ساكت و تاكل راسو علي الكرسي،،، اتسحب با يدو مسك يدي وانا اتجمت عملت في ما بحس نهائي شبك اصابعو مع اصابعي و قالي اديني فرصه اوصل ليك الجواي والله خالد عسل وبحبك وبموت فيك،،،، ههههههه اتفقعت بالضحك لان منظرو كان زي الزول البشحد،،، قالي يمه علي الضحكه فديتها ( يالله انا يمه دي بتجيب اخري و بسييييح) كملنا و نسه ما حبيت اكسر خاطرو لكن ما عندي اي مشاعر تجاهو غير خالد الزمان،، قالي تمشي معاي السوق عايز اشتري لي هدوم،، قلت لي اوكي و مشينا السوق وبيقت اعزل لي في التيشرتات و الترنكات ( ههههه اشتري لي كسوه كامله اتقول كان عريان) طلعنا قالي الا ندخل نشتري ليك انتي زاتك حجات ولا برجع حجاتي دي قلت لي رجعم ( علي اساس عارفه ما حيرجعم) طوالي مشي عشان يرجعم جريت لحقتو قلت لي خلاص بشتري بجامه بس قالي كدي ندخل اول دخلنا هو يشيل و ينزل ويخت فساتين و بجمات و جنس فوضه وانا بقول ما ديرا دا ما سمح دا ما حبيتو و لا شغال بي عزل الحجات كلها براهو ( وهو زوق حلو شديد بس انا كنت ماعايز اشتري) و حنا راجعين قالي على اتفقنا عايني لي انا الهسي دا قلت لي انت الهسي نفس انت الزمان ( وقف العربيه طوالي) قالي قلتي كدا بالله قرب مني داير يبوسني قلت لي لا لا لا ما نفسو ما نفسو،، هههه وبقي يضحك فيني،، قلت لي يا خالد لي بتعمل كدا،، قال انا بخاف عليك من نفسي ياروحي بس كنت بشاغلك لكن يستحاله اعمل حاجه زي دي اطمني المهم رجعنا البيت وانا فكري مشوش و هو فرحان قال كل العندو و ارتاح

لكن انا العندي بسمعو منووووو احي يا قلبي

أبوس قلبك خلي قلبك صافي لو فعلا تحبني وتريد انصافي خليك طيب يا عسل يا صافي لك صفي نيتك روحي لاجلك فدوة أبوس قلبك

وانا زهجانه قلت ادخل الفيس لقيت عمر مرسل 30 رساله 🙄🙄 ما نصيح الولد دا دخلت اول ما رسلت لي رد علي و قعد يتزهج و يتزمر الله مالك قلت لب قالي انتي وين دا كلو حرام عليك ياخ لي بتعملي فيني كدا قلت لي انا ما وعدتك با شي عشان اعمل قالي بس نحنا علي امل قلت لي والامل دا اعتبرو انقطع ( انا بقول لي الكلام دا وقلبي بتقطع عمر دا انا بحس نفسي مرتاحه مع و بتكلم باراحتي ما بحس نفسي مقيده با شي زي خالد امكن عشان اول ولد ادي فرصه يقول لي بحبك اشوف فيهو اهتمام و حب من جوه من غير حتي يشوفني) و فضلنا نتكلم و ماعارفين الكلام دا نهايتو شنو الله في و مشت بينا للايام علي ان نحنا بنتكلم و خالد رجع لي شغلو وانا رجعت لي حركاتي ما برد على ( البعيد عن العين بعيد عن القلب) و بديت اتعلق باعمر شديد لمن بخاف من ان دا غلط بس كنت بيني وبين نفسي بقول انا بكذب علي نفسي و بلعب با روحي وبس قام عمر قالي صارحي خالد انك بتحب زول تاني و كدا بتكوني بتغشي،،، زعلت شديد من كلام عمر و قلت لي خالد ود عمي قبل اي شي و راجل كيف امشي اقول لي كدا انا ما بعمل كدا و قفلت منو وكنت زعلانه من كلامو،،، و مسحت حسابي في الفيس بالزعل و. خلاص جدعتو التلفون و قعت ابكي شديد انا بعمل في روحي شنو ما عارفه المهم اتهورت شديد،،، تاني يوم جونا اهل خطيب ايفان اختي وقالو الولد مسافر امريكا لازم يعقدو لي و مصرين و ملحين شديد و والد عامل جوطه مع ابوي ( الحمد لله ان ولد صحبو يعني قرارتو مقبوله) اما انا ادردق في الرمله بكبو فيني طين

كتر الكلام شديد مع ابوي قام قالي اوكي الاسبوع الجاي نعقد وايفان اختي زاتها في الجامعه ما حتكون حاضره العقد انا فرحت شديد ليها لان بتحبو و هو بحبها و حظها احسن من حظي اتمنيت لي الخير ابوي اتصل علي عمي و علي خالد كلمم و عمي اصلا كان جاء الاجازه هو خالتي مع خالد في بيتو ( خالد محل اشتغل اجر بيت و ساكن فيهو عشان لمن امو وابوهو يجو الاجازه ينزلو مع) بدينا طوالي من تاني يوم نجهز للعقد و العزومه و كدا المغرب جات خالتي وعمي يجهزو معنا و خالد قال بجي قبل العقد با يوم عشان شغلو،،، جري السوق وانا ليان فستاني و فستانك و قصص فرحانين و ايفان حلفت الي تجي ابوي قالي كان مره تعالي عشان احرمك الجامعه قعدت و سكتت

وانا قعدت ابوي وعمي مع بعض ما مريحاني نهائي،،، الله يستر جاء خالد و كملنا باقي التجهيزات و فستاني كان في الترزي بعمل لي اكمام و داني جبتو و طوال الشارع و هو بدعي لي روحو يكون عريس، 😂😂😂 ضحكني ضحك يا حليلو اها اليوم تاني انا فرحانه صحيت مع الرجال و هم ماشين المحكمه و انا اجهز من بدري ابوي باسني في راسي و حضني شديد و عمي كمان نفس الشي انا حيلي برد طوالي و قعت طلعو مشو يعقدو و معاهم خالد و ايان اخوي،،، بس المفاجاء القاتله،،،ان ما اتصلو نهائي يورونا عقدو ولا لا و نحنا بتتصل عليهم مافي زول برد و توترنا شديد خفنا يكون حصلت حاجه و قاعدين و حارسين و اتجرسنا شديد،،، فجاء يجي خالد و دموع في عينو و مسك امو وقعد يبكي

للدّموع لغةٌ إنسانيّة لا يجيدها إلّا أصحاب القلوب الرقيقة والمشاعر المرهفة

يتبع.....