#جسد_أنثى
بقلم: لوله عثمان

الجزء 11

ريري ماعايزه تتكلم وف اللحظه ديك اتصلت اسيل في تلفون ريري رغم انها اختفت من شهور والتلفون كان اقرب لي عصوم طوالي شالو وفتح الخط ونبزها وقال لي م تتصلي علي ريم تاني انا بحبها وممكن نفترق ريم قلعت منو التلفون وطوالي جرت ذي المجنون ع الشارع هو جرى وراها ولسه مافهم حاجه وصلها البيت ودخل معاها امها سالتو قال ليها والله ياخالتي انا ذاتي مافهم وريم م عايزه تتكلم ولا عايزه تحكي قفلت تلفونها وطلبت من امها ترحل الداخليه عشان عندها مترمات كتيره وهي مامركزه ف القرايه والبيت كلو بذكرها بي عصام امها وافقت وقالت ليها بس كلمي ابوك ..

رحلت الداخليه وعصام ايامو بقت سودا وماقادر يعيش ولاقادر يوصل لي ريم بقت قدر ماتشوفو تكورك فيهو قدام الناس فضل انو يديها فرصه مع نفسها احتمال تكون محتاجه تبعد منو حبه مرة شهووور وريم م بترد علي مكالمات عصام ورجع بيت اهلو عشان يشوفها ويطمن عليها ... يوم بالمساء جات كانت قاعد ف البيت براها امها واخوانا مشوا عرس وهي كان عندها امتحان والبيت فاااضي وقعدة ف الارض وبتقرا فجأه لقت عصوم قداما ماعرفتو دخل كيف من دون ماتحس لقت نفسها بتجري عليهو ،عصوم ماصدق انها جاتو سلم عليها وحضنها عليهو شدييييييد وبقي بشم ف ريحتها الكانت بتدوخو ويلمس شعرها وهي بقت بتبكي بشده وهو بقول ليها معليش حبيبتي حق علي انا ماكان مفروض ابعد ف اللحظه ديك ريم وعت لنفسها وبعدت عنو وبقت بتكورك حاول يقرب منها ابت وبتشد ف شعرها وبتقول ليهو ي حيوان طلقني قلت ليك طلقني ،، بالغصب قرب منها وبقي بهدئ فيها لمن هدت طلع رجع البيت ....

عصوم قنع من ريم بقى حاسي انها ماعايزاهو وفعلا طلقها ورجع لي دربو الزمان والشقه عملها بيت دعاره ومابقعد براهو عشان مايفكر في ريم .....

يتبع.....

#جسد_أنثى
بقلم: لوله عثمان

الجزء 12

ريم تعبت واتأزمت بس كانت ماسكه طريق الله وبتصلي طوالي وبتقرا سورة البقره وعملت شله رهيبه ماقصرو معاها لكن برضو عصوم كان فااارق معاها وكانت لمن تشوفو تقرب تبكي وكرهت بيتهم وحياتها كلها ف الداخليه ،، امها كانت بتغطي ليها عشان عارفه حالتها النفسيه .. ريم كانت حاصره نفسها ف مجتمع عصوم ودنيتها كلها عصوم بعد م افترقو بقت محبوبه من الكليه كلها وعلاقاتها واسعه ودا الشئ الكان شاغلها بخفف عنها والكليه كلها مكسره فيها بنات و اولاد وبحبوها شديييد ،،مرت قرابة السنه ونص ولسه الجواها عصوم بس كانت بتكره سيرتو ومابتحب تتكلم عنو قربت تخلص وامها وابوها مبسوطين بتهم الكبيره دكتوره وحلات الدنيا عليها بس امها كان قلبها مامطمن ريم مابتها بتاعت زمان ف حاجه اتغيرت فيها وكل فتره بتصرخ بالليل وتبكي ومره كانت نايمه صحت بتكورك وقالت لامها شفت ثعبان خانقني ومره كلاب وعوارضها كترت ،، خلاص الامتحانات باقي ليها شهر وريري ماشاءالله لامه الدفعه وبتشرح فجأه يغمى عليها وتاني ولمن فاقت ماشايفه قدامه وبقت بتنادي مي يا مي انا ماشايفه ومي واصحابها من البكا اتفقعو .....

يتبع .....

#جسد_أنثى
بقلم: لوله عثمان

الجزء 13

مي ماسكه ريم من يدها وبتبكي والدفعه كلها كسرت المستشفى وماعارفين يتصرفوا كيف او يتصلوا علي امها يقولوا ليها ، عبدالرحمن عرف يتصرف واتصل علي والدة ريم وجات طوالي المستشفى وبعد الفحوصات وجرجرت الدكاتره ريم ماعندها اي حاجه وماعرفو عندها شنو ،، عبدالرحمن ومي اقنعو اسماء والدة ريم انو يرجعو البيت والمساء يمشوا لدكتور شاطر ف بحري ،،فعلا رجعو البيت وبالمساء مشوا والدكتور برضو مافهم ليها حاجه المهم اداها شويه علاجات وحاجات كدا وقال تجي تاني بعد اسبوع واسماء بتبكي وبتها بتقول ليها( ياماما ماتبكي دا قدر من الله وانا والله راضيه واصلو ماتبكي وامها تتخج من البكا ،،عبدالرحمن سايق العربيه وسامع الكلام كلو وهو ذاتو اتأثر ودموعو جرت ومي دي ذي الطاقاها كهربا منططه عيونها وساكته )

وصلو البيت ومي باتت مع ريم وعبدالرحمن استأذن وطلع وقال ليهم بجيكم الصباح ،عبدو كان مقرب من ريم ومي اصحاب شديد بطلعوا سوا ويقرو سوا وبوصلهم الداخليه يوميا اصلو مابرضى فيهم كانوا ذي اخواتو لكن ريم برضو عاجباهو وزمااان فتح معاها موضوع وقفلتو في وشو وخلاص رضى بالواقع وسكت لكن برضو كان عشمان فيها لانو عرفها في وقت انفصالها من عصام (ي حليلو ماعارف انها كانت ومازالت عايش بي عصام ) فاكر انها مامرتبطه وماعندها حاجه لزول ومي وريم محتفظين بي سيرة عصوم عشان حالة ريم النفسيه ومي ذااتها ماعارفه ريم دي سابت عصام ليه قدر ماتسالها تقول ليها ماعايزه اتكلم ف الموضوع . ..عصوم ف الشقه وعايش مع المجتمع الفاسد الرجع ليه تاني وشقتو بقت مشبوها عديييل وطبعا ماجايب خبر .....

يتبع ......

#جسد_أنثى
بقلم: لوله عثمان

الجزء 14

صباح الخير يااحلى مزه ،صباح النور يااحلي صحبه ،قومي نشرب الشاي عشان نقرا شويه ،ماقادره اقوم يامي حاسه بي راسي تقيل قالت ليها قومي وبطلي كسل وبقت تجرمنها البطانيه وتنادي خالتو اسماء تعالي شوفي بتك عايزه تربت بينا في اخر سنه ،، دخلت معاها الحمام واتظبطت وطلعت رغم انها وشها شاحب بس برضو كان جمالها جواها وكل الحولها مااتغيرو منها وكانوا مصرين انها تكمل الامتحانات وبعدها تسافر تتعالج برا ،، ريم سمعت الكلام وظبطو ليها امورها ف الجامعه وف زول ح يدخل معاها الامتحان عشان يكتب ليها ،، وعشان كانت شاطره وسيرتها في الجامعه كلها الادارة اتعاطفت معاها ومرت اسابيع وعبدالرحمن مااتخلي عن ريم ومي وكل يوم معاها ومرات ببيت ف بيت ناس ريم عشان بكون بقروا الليل كلو عشان يعوضوا الايام الفاتتهم واسماء دي مامقصره منهم اليوم كلو بتغذي فيهم وعبدو ذي ولدها وحبتو حب ( عبدو شهاده عربيه اهلو ف الامارات واخواتو الاتنين بقروا ف الوطنيه طب ،، ولد مهذب طيب يتختا في الجرح يبرا)

عمنا احمد سعد مقلق علي بتو بس ماف ليهو طريقه ينزل السودان ومتابع مع اسماء وريم بالتلفون،، اسماء مره بمية راجلك وراجلها بثق في تصرفاتها بس برضو قلقان .. الامتحانات خلصت وريم وامها بجهزو للسفر وعبدو طالع ونازل معاهو اما مي سافرت عشان اقامتها ف السعوديه كانت ح تسقط ضروري تمشي تجددها بس برضو كانت مع ريم بالتلفون ،، عصوم ماجاب للدنيا خبر وبعد قنع من ريم بقى مابجي بيتهم خااااالص برسل لي حجه زينب القروش وخلاص ....

ريم وامها واخوانا الاتنين في المطار وعبدو جوا معاهو .....

يتبع ......

#جسد_أنثى
بقلم: لوله عثمان

الجزء 15

اسماء ماسكه بتها وعبدو ماسك الاولاد (ياخالتو اسماء لو خلتوني اسافر معاكم بحصل شنو خصوصا انو انت مابتقدر علي المسؤليه دي براك قالت ليهو ياعبدو ياولدي ماتشيل همنا عمك احمد بوصل بعد يومين ماف تعب الله يرضى عليك ياولدي العملتو معانا ماساهل ) ريم ساكته اصلا مااتكلمت خااالص وعبدو قلبو مقططططع عليها وف الفتره الاخيره قرب منها شديد واتعلق بيها وخايف من فراقها ،، زمن التك اوف خلاص قرب وعبدو دقات قلبي ذات وبعاين لي ريم وبقول (ياارب اشفيها وتجي شايفه ومفتحه ياارب انت عارف الجواي ياااارب اشفيها لي ) وريم قاعده معاهم وتفكيرها ف مكان تاني .. عبدو سلم عليهم وقال ليها اشوف وشك علي خير وان شاءالله نتلاقى قريب وقال لي اسماء لمن تصلو طمنوني عليكم ....

مره اسبوعين وريم ماعرفو ليها حاجه ومن دكتور لدكتور ومن مستشفى لمستشفي وعبدالرحمن متابع مع اسماء واصلا قلبو مامطمن .. ريم قررو ليها عمليه ونسبة نجاحها 3% ولو مانجحت بتأثر فيها عمنا سعد غلبو التصرف وبقي يصلي ويدعي واسماء قلبها م مطمن واصرت بتها ماتعمل العمليه ،، عبدالرحمن اتصل علي اسماء وقال ليها اديني ريم وفعلا ودت ليها التلفون واتكلم معاها وقال ليها انا جاي ريم قلقت عشان عارفه ابوها وقالت ليهو ماتجي اقنعها انو يحضر العمليه وكأنو زول غريب لقي سودانين ف غربه ،، عبدو كان حناك وزول فااااهم .....

يتبع ....

#جسد_أنثى
بقلم: لوله عثمان

الجزء 16

ريم طلعت من العمليه ونظرا لنسبه نجاح العمليه بسيط كانو متوترين واسماء ماقادره تتمالك اعصابها وعبدالرحمن دخل ف عمنا احمد سعد زي البعرفو من سنين وكان واقف معاهم ..

عصام ذي الماعايش يمشي الشغل الصباح ويجي بالليل ف الشقه ومعاهو الشله الفاسده ،ف نص قعدتهم ديك والسجار والشيشه وريحة البنقو ف الشقه ذي البخور عصوم قاعد ف الارض بحضر في الكوره ومعاو باقي الشله ،، رزاز قاعده ف الكرسي الفوق علي عصوم وشاله تفرك ليه ف اكتافو وهو مندمج مع الكوره ماشغال بيها ، قال لواحد من اصحابو كدي اتصل علي عبدالغني دا قال جاي واتأخر شوفوا مايكون مات ولسه ماكملو كلامهم عبدالغني جا داخل وجايب معاهو بنت كل الناس اتلفتت عليهو الا عصوم م ركز معاهو ،، عبدالغني سلم وقال ليهم في غرفه فاضيه؟؟ وطوالي دخل اول غرفه جمب الباب ..

الكوره انتهت وعصوم ماعندو مزاج لي رزاز قال ليها تعبان عايز انوم م بقدر اعمل حاجه قالت ليهو مامشكله يابيبي الليله برجع بيتنا وبكره بجيك وطلع يقدم رزاز للباب عبدالغني طلع من الغرفه مبسوط قال ليهو ياخوه ماف حاجه نأكل واثناء ماهم بتكلمو اتفتح باب الغرفه وجا صوت بت يابيبي تلفونك برن قال ليها جيبي التلفون ،، جات طالعه ولمن قربت منهم عصوم رفع راسو اتفأجاه انها اسيل اسيل العينو مابتغباها .....

ريم فاقت من البنج ونادوا الدكتور ولمن شالوا منها اللصقات وسألها الدكتور شايفه شنو ....

يتبع .....

#جسد_أنثى
بقلم: لوله عثمان

الجزء 17

ريم فاقت من البنج وبعد ساااعات جا الدكتور شالوا منها اللصقات وسألها الدكتور شايفه شنو ياريم ... ريم : ولاشئ شايف ضلام ،،،،،،،،،،،،،، كانت الصدمه لي احمد سعد وزوجتو ودكتور عبدالرحمن ...

احمد سعد مسك بيتو وقال ليها خير ياامي انا ولاتزعلي تاني بنشوف دكتور احسن عبدوو ماقادر يمسك نفسو وطلع برا طوالي واتفقع من البكا اما اسماء كانت الصدمه عليها قويه شدييييد لدرجه انها دخلت ف حاله اغماء وعمنا احمد مشى مع مرتو وعبدالرحمن فضل مع ريم ودا كلو وريم بين وعايه وماواعيه بين تصدق وماتصدق سبحانه الله كان املها ف الله كبيييير وطوالي قالت لي عبدو عايزه اصلي عبدو رفض انها تتحرك بس هي اصرت وفعلا قومها من السرير (كان اول مره يلمس جسمها حسه برعشه ماطبيعيه وجسمو كلو بقى برجف وشعرها ماكان مثبت اول ماقمت الشعر نزل لنهاية الضهر عبدو بقى بتكبكب كبكبه شديده وماقادر يمسك نفسو ريم حست بيهو طوالي لمت شعرها وقالت ليهو دخلني الحمام )

عصوم لمن شاف اسيل اتخلع ذي الجابو ليهو خبر موت اسيل ؟؟؟ وهي جرت وقفت ورا عبدالغني وعصام بقى بكورك ف صحبو دي جبتها من وين وسخ البنات الواطيه دي وعبدالغني مافهم حاجه واسيل طوالي جرت دخلت الغرفه ومعاها عبدالغني وحاول يفهم منها ابت تحكي وبتبكي ولبست وطلعت ...

عصوم ماقادر يتحكم ف غصبو وعبدالغني مافهم صحبو مالو مع حبيبتو قال ليهو احكي في شنو ي خوه البت دي بتعرفها من وين ، ماتفتح لي حاجات انا قفلتها ياعبدالغني بس البت دي تاني م تعتب باب الشقه دي والا والله انا عندي معاها تصرف تاني .

يتبع.....

#جسد_أنثى
بقلم: لوله عثمان

الجزء 18

مرت الاسابيع واهل ريم م قنعوا من الدكاتره لحدي مالاقاهم سوداني وقال ليهم بتكم دي شوفو ليها شيخ عديييل انا مرتي حصل ليها ذي دا .. فعلا رجعوا السودان وبقوا بفتشوا في شيخ رقيه شرعيه والحله كلها سمعت بخبر ريم والناس داخله وطالعه

حجه زينب: يا اسماء يابتي بتك دي معيوووونه والله الحله كلها شايلاها في خشمها بقولوا شاطره وسمحها وحاسدنها ف جسما وشعرا الشايلاو دا يابتي الله يشوفها ساي وديها عن شيخ الطاهر قالوا بعمل رقيه سمحه ، حاضر ياخالتي بوديها (جحه زينب كانت مره قااادره بس لسانه خفيف ومابتتبلى الفوله فوق خشما عشان كدا اسماء ماكان دايراها تعرف بموضوع عصام الا لمن بقوا جادين على العرس وهي ماعارفه بتها متزوجه اصلا)

حجه زينب رجعت بيتها وكان اخر الشهر و دايره المصارف من ولدها اتصلت عليه وحكت ليهو الشمار وعصوم الدنيا دي سودت علي وبقي بضرب اخماس في اسداس وماعارف يتصرف كيف وكيف ممكن يتكلم مع ريم ولا يشوفها خصوصا حجه زينب قالت ليهو الراجل الفقري دا جا مع اولادو (كانت بتكرهو لانو زول صعب ودقرررري )

عصوم طيران جا البيت وبقي داخل ومارق وماعارف يعمل شنو تلفون اسماء مقفول، طلع الشارع وبقى راجي عم احمد يطلع الصلاه عشان يمشي لي اسماء يفهم منها في شنو ،، عمنا احمد طلع للمغرب وطوالي عصام دخل البيت واتكلم مع اسماء وقال لي داير اشوف ريم و وعدها انو مابتكلم معها بس يشوفها ويطلع،، اسماء كانت خايفه انو بتها ترجع تتازم وتكورك ذي زمان ( دخل علي ريم ولمن شافها دموعو ابت تقيف م اتكلم معاها وحسها اتغيرت ضعفت شديييد وشها الملايكي بقى زاااابل ،،ريم حست بحركه قالت منو اسماء قالت ليها انا ، ريم سكتت وهو قرب قريب منها وريم شامه الريحه المابتغباها ريحت حبيبها طوالي ريم اتنفضت من مكانها وبقت بتصرخ واسماء حاولت تمسكها ماقدرت وعصوم عايز يمسكها عشان ماتتعوق لانها ماشايفه حاجه اسماء اشرت ليهو اطلع وفعلا طلع طوالي ) .....

يتبع .....

.

#جسد_أنثى
بقلم: لوله عثمان

الجزء 19

عصوم طوالي طلع ودور عربتو ومرق من الحله وصل لحدي المورده وبقى ماقادر يسوق.. رجولو ساقتو للمسجد واتوضى ودخل وصلي ودموعو ابت تقيف وبدعي ربو يشفي ليهو حبيبتو وشال مصحف وقبل مايقرأ حسه انو نجس ومفروض يغتسل طوالي طلع وطيران ع الشقه )من يوم ساب ريم م ركع خالص( دخل الشقه ولقاها كالعاده ملانه وسخ ونجاسه بقي بكورك ذيالمجنون :اطلعوا برا اطلعوا برا ،، طردهم ذيالكلاب والناس مخلوعه دا مالودخل اغتسل وبفتش ف الصلايه لانو عاملنها فرشة مكوه ،، بعد مرور اكتر من اربعه ساعاتوعصوم لسه ف المصلايه وبراجع ف سنين عمرو المرة من دون حبيبتو وبدعي ليها وببكي فجأه اتذكر عبدالغني والوسخه اسيل ،،شال تلفونو واتصل علي عبدالغني وسالوا من اسيل قال ليهو مابقول حاجه الا تحكي لي ف شنو انا عايز اعرف هي خايفه منك كداليه قال ليهو تعال لي اسي طيب عبدالغني ضحك وقال ليهو مابتطردني ذي الكلاب القبيل .....اسماء مشت لحجه زينب عشان توصف ليها مكان شيخ الطاهر ،، الرقيه بدت وريم مااستجابه للرقيه ولا استحضرت بي زول ولا نامت ولا اي شئ شيخ الطاهر ماقنع منها وقال لي احمد ممكن تكون كويسه وممكن تكون معيوووونه والعين الحاره ولا العمل الصعب مريضو مابستجيب للعلاج بسرعه وبقوا بين خيارين ومره اكتر من اسبوع ...عصوم حكى لصحبو وبقو بفتشوا عن وسخ البنات ع قول عصام عشان يعرفو منها هي قالت لي ريم شنو ولا عملت ليها شنو لانها من يوم الموقف مع عصام قافله تلفونها وماعرفو ليها درب......

يتبع......

#جسد_أنثى
بقلم: لوله عثمان

الجزء 20

عصوم يوميا بتصل علي اسماء عشان يطمن ع حبيبتو ولسه بفتش عن اسيل ،، عبدالغني مشي للقواده بتاعت اسيل الجابت ليهو اسيل اساسا وقالت ليهو مابعرف عنها حاجه.. عصوم وعبدالغني مشوا الحله القديمه بتاعت ناس اسيل وبقوا بسالو عشان يعرفو هم رحلو وين ،،، لقوا وحده وصفت ليهم ومشوا لوسخ البنات في البتام اسيل فتحت الباب وعصوم بعرفها طبعا سلم عليها وسالها من اسيل )وقال ليها انوريم عيانه وعايزه صحبتها( الحجه اتفقعت من البكا وقالت ليهو ادخل ياولدي انت ماغريب.. فعلاً دخلو وبدت تحكي ليهم : اسيل ياولدي ابوها ربها وعلمها وقراها لكن بعدم مات اتفكت وبقت ماحاسبه حساب لسمعتنا ولا عندها كبير تسمع كلامو وبارت ليها بنات خربوها وابت تسمع كلام اعماما وخلانا ولمن بقت ادقها طلعت وخلت لي البت وم بتجي الا بمزاجها انا طردتها عشان م تخرب لي بناتي الصغار ديل ومابعرف عنها حاجه ،،،عصوم عيونو في نص راسو وهو بسمع الكلام دا وخلاص دا كان اخر امل انو يلقي اسيل ....ريم بدت تستجيب للعلاج وبقت بتنوم اثناء الرقيه وبتصحي من النوم تكورك وتبكي وتقول كلاب بتأكل لحمي ،،عصوم رجع البيت بس بقى ماقادر يقعد فيهو وهو بسمع كواريك ريم ليل ونهار وماعارف يتصرف كيف فكر انو يرجع الشقه بس حسه انو افضل يكون قريب عشان اتعود لمن حاج احمد يمشي الصلاه هو بمشي من بعيد يشوف حبيبتو.....

يتبع....

#جسد_أنثى
بقلم: لوله عثمان

الجزء 21

عبدالرحمن طبعا صاحب عمنا وقال ليهو لمنارجع السودان بجيكم وفهمو انو اتخرج من نفس الجامعه البتقرا فيها ريم والموضوع مشى عليهو وكدا بقي بجي كل يومين يطمن علي ريم ومي ماقدرت تنزل السودان بس ماقصرت مع صحبتا وماانقطعتمنها خاااالصعمنا احمد طلع الصلاه وعصوم طوالي جا دق الباب الحبشيه فتحت ليهو ودخل، سلم ع اسماء وفتحت ليهو باب غرفة ريم شافاها من بعيد وقبل مايطلع عبدالرحمن جا داخل وفرحان وقال لي اسماء:زغرتي ياخالتي ريم نجحت نجحنا ياخالتي نجحنا والزغارت شقة البيت بس ريم مافرحت قالت ليهو اعمل بيها شنو الشهاده وانا شبابي اتسرق وراح)طيرت ليهو الفرحه ف راسو وقعد جمبها وبواسي فيها وم مركز مع عصام ذاااتو( عصوم النار ولعت فيهو مافاهم دا منو وبصفتو شنو يجي داخل كدا وكمان بقول نجحنا خلاص ماقادر يمسك نفسو بس م بقدر يدخل الغرفه عشان ريم م تنهار .. طلع والشيطان راكبو وبقي بفكر الولد دا قصتو شنو وكمان قعد جمب ريم عادي كدا وليه ماطلع معقوله عادي قدام ابوها يقعد ياربي يكون اتقدم ليها ولا خطبا واسماء ماكلمتني وبراجع وبفكريلا ياريم الشيخ دا جا امها جات عليها عشان تحركها من مكانها قالت ليها ياامي انا حاسه ف حاجه تحت المخده ولمن هبشتها حاجه ناعمه وما ناديتك قلت تكوني مشغوله ، اسماء رفعت المخده لقت دبيب اسوووود وطوالي رفع راسو اسماء اتصرفت وجرت بتها من السرير وبقت بتكورك واحمد ماف وقفلت باب الغرفه عشان مايمرق برا وطلعت برا عشان تنادي شيخ الطاهر يقتلوعصوم كان ف الشارع سمع اسماء بتصرخ دبيب دبيب .....

يتبع ......

#جسد_أنثى
بقلم: لوله عثمان

الجزء 22

اسماء بتكورك وجسمها برجف وريم اغمى عليها في اللحظه ديك الباب عايز يتقلع من الخبط ،، الحبشيه فتحت وعصوم اتخلع من المنظر القدامو )ريم ف الارض وشعرها ملموم كدا بإتجاه واحد وكانت لابسه بجامه قصيره رغم انها ضعفت لكن لسه جسمها متناسق وحلو ( دخل ورفع ريم من الارض ورشوها بمويه ،، بدت تفوق وهو لسه ماسكها وبمسح ليها علي شعرها فاقت واشتغل الصراخ وريم تخبط يمين وشمال وعصوم حلف مايفكها وشيخ الطاهر قاعد بالاتجاه التاني وبستغفرعصوم اتذكر الدبيب فجأه وسأل اسماء اشرت ليهو ع اتجاه غرفة ريم ،، عصوم بخطوات مسرعه فتح الغرفه ومالقي حاجه قلبو الغرفه وحركو الاثاثات مالقوا حاجه عصوم طوااالي قال لي اسماء لبسيها عشان تمشي للشيخ ريم فيها حاجه ياخالتيريم :مايخصك بي انا بكرهك اطلع برا حياتي م ف زول دمرني غيركعصوم سمع الكلام لكن مااثر فيهو لانو اتأكد خلاص انو ريم مسحوره او عاملين ليها عمل ،، شالها قدام امها وختاها لقدام الشيخ طبعا شيخ الطاهر اتخلع وبقي يستغفر.. قال ليهو امشي اتوضئ ياولدي وتعال)الشيخ ماعارف انو مامحرم ،،الرقيه لازم مع المريض محارم ( ،الرقيه بدات وكان اول مره يحضر معاها ريم ف حاله من الهدوء وناااايمه اكتر من نص ساعه شويه كدا بقت بكورك )هي احسن مني بشنو تنجح وتقرأ مجال طبي وكمان عصام يحبها في اكتر مني انا شايف فيها شنو عشان جسمها يعني ولا شعرا ولا لونا انا ذاااتي احلى منها الوسخه بتمثل فيها برئيه عشان الناس تحبها والله ابشتنا والله اكرها حياتها وكلام كتييييير كلو حسد وغيره من ريم وصوت ماصوت ريم وطبعا عصوم مخلوع وهي بتخبط يمين وشمال وبترفس برجولها وبتجرجر ف شعرها وخلاص عصام ماقادر يشوفها كدا ومايعمل حاجه وشيخ بأشر ليهو مايقرب منها (......

يتبع ......

#جسد_أنثى
بقلم: لوله عثمان

الجزء 23

انتهت الرقيه وريم في حاله من الهبوط والهدوء شويه كدا وصحت سالت الجمبها منو لقت امها )الغريبه المره دي ماشمت ريحة عصام ( عصام سكت وم اتكلم جابو ليهاعسل ومسحوها بزيت وسفت كمون اسود)دي حاجات اداها ليها الشيخ (وبتسأل امها اناكنت نائمه ولا مالي جسمي واجعني رجولي وراسي تقااال امها قالت ليها نومي يابتي عشان ترتاحي )طبعا الزول لمن يكون فيهو وحاجه وجسمو يستجيب للعلاج اثناء الرقيه بتجيهو حاله منالاغماء يعني م بتذكر حصل شنو ولا هو قال شنو وممكن يحس انو ف حاجه ناقصه لانو ماكان واعي(ريم نامت واسماء قالت لي عصام امشي خلاص حاج احمد بجي بعد دا ولو شافك هنا بعمل مشكله ،، عصام سمع الكلام وطواليطلعرقد وهو بفكر ف الحاصل وجسمو تعبان من مقابضة ريم واتذكرها لمن كانت واقعه ف الارض وجسمها وشعرها باين دا الجسم الكانحقو حسه برعشه لذيذه وبقي بتذكر ايام القصر وكيف كانوا مبسوطين وكيف ريم كانت بكل الطرق بتخليهو سعيد ومايضايقمن حاجه ،، عصام قوم الغداء جاهو صوت امو من اخر البرنده ،ماعايز ياحجه اكلو انتو ،والحجه قامت تكورك )لا اكل لا نوم انت ياولد مالك متين دا طبعك سجمي ولدي سحرو لي اهل ابوك الحاقدين ديل شافو القروش جرت ف يدك ونجهوك ،عصوم مارد لحجة زينب وقام صلي وطلع (...ماشى الميدان عشان يسلي روحو شويه والمباره شغاله وهو سرحااان سمع اصوات اولاد جمبو بعلقو ف بت جات ماره جمبهم الكلام جذبو ورفع راسو عاين ليها وقبل قدام فجأه حس الشكل دا ماغريب عليهو بقي بكرر ماغريبه علي ماغريبه علي عصر مخو حبه واتذكر انها كانت بتقرأ مع ريم ف الثانوي شافها معاها كم مره فكر انها ممكن توصلوا للجزمه اسيل وقام ناطي من مكانو وجرى وراهايااخت : مرحبا ،، معليش يمكن ماتتذكريني بس انا لاقيتك مع ريم احمد سعد قبل كم سنه قريتو ف مدرسه .... ماثقاله مني بس محتاج منك مساعده ،،، اهااا ريم وطوالي قالت ليهو ريم دي بيتهم لجوه شويه بالشارع دا زاتو صراحة انا منقطعه عنها قبل ماتكمل كلاما قاطعا وفهمها انو هو متواصل مع ريم لكن محتاج تساعدو ف حاجه ومافصل ليها الحاجه شنو قالت ليهو م مشكله حست بيهو واقع في مصيبه ) لينه ، جميله جدا مهذبه سنفورة قمحيه دائماً ضاحكه وشها ذاااتو بشوش كدا طبعاً حلالة مشاكل من الدرجه الاولى اجتماعيه لابعدالحدود بس كانت منقطعه من ريم لانهم ماكانوا صحبات علاقتهم عاااديه يوم الترحيل يفوتهم كانو برجعوا سوا بس دا كل الرابط بينهم (.

يتبع.....

#جسد_أنثى
بقلم: لوله عثمان

الجزء 24

عصوم اصلو ماقنعان من اسيل وخاتي ف راسولازم ينتقم منها وعذبها ذي ماعملت مع حبيبتو)مساء الخير ،، يسعد مساك ،،، كيف اخبارك ،، بخير بس معليش م عرفت (عصوم طوالي عرف نفسو وسألها من اسيل وقالت مابتعرف عنها حاجه بس تقريبا رحلو من بيتهم وقاطعها انو عارف التفاصيل دي بس م قدر يوصل ليها بعد مكالمة اقل من 10 دقائق عصوم عايز ينهي المكالمه قاطعتولينه انا جاوبت ع كل اسئلتك بس انت ماوضحت لي في شنو ) عصوم كتوووم وماكان بعرفها كويس عشان يحكي ليها اختصرها انو ريم عيانه وفقدت بصرها وكانت عايزه صحبتها (لينه اليوم التاني من الصباح جات لي ريم وخالتو اسماء اتذكرتها وسلمت عليها وريم كانت نائمه اسماء حكت ليها القصه كلها وف نص الونسه ديك ريري صحت وكانت راقده جمب امها ف الحوش وبقت تكورك وقامت ذي المجنونه وجررري ع باب الشارع)رغم انها مابتشوف لكن الشيطان والعمل الجواها ( وعمنا احمد ذاتو نايم واسما ولينه ماقدرو يمسكوها ،، احمد سعد قام بكوارك بتو ومرتو ف نص الشارع وعصوم كان ف الدكان ف طرف الشارع سمع صوت ريم قرب وهي بتكورك والحله كلها طلعت ،،عصوم ثانيتين وصلت ولقى ريم ف الارض وبتكب التراب ف شعرا واسماء قاعده ف الارض تبكي وحاج احمد بحاول يقبضها م قادر ،، عصوم دفر الناس واحمد سعد ذاتو دفرو هناااك وخمش ريم ورفعا ودخلا جوا ومشى طوالي علي غرفتا وهي تشلت وتكورك ) كلو منك انت ياعصام انت العملت فينا كدا كانت صحبتي انت الفتنت بينا شعرا العاجبك دا والله اقطعو ليها ،،عيونها وشلتها منها شعرا ذااتو قربت اشيلو ،،اقفلو من الفاتحنو دا بكرهكم بكرهكم كلكم ( طبعا الشيخ وصى اسماء تفتح قران ليل ونهار ...عصوم جرى جاب شيخ الطاهر وقال ليهو ريمتعبانه شديد ،، شيخ الطاهر طلب منهم يطلعوا يحصنوا الشفع ولا يطلعوهم من البيت واي زول يتحصن و يفضوا ليهو غرفه عشان ماتتعوق لانها بقت تستحضر اكتر وممكن يطلع منها ويدخل في زول تانيلانها اعمال شيطان طبعاً... بدت الرقيه وريمصوتها شاقي الحله والناس كلها سامعه ، اسماء وشها بقى اسود وقعدت جمب باب الغرفه وتبكي ، عصوم طلع واقف برا ف الشارع وغلبوا القعاد ، لينه وقفت مع اسماء وقعدت لحدي الرقيه م انتهت وريم فاقت شويه .....

يتبع ....

#جسد_أنثى
بقلم: لوله عثمان

الجزء 25

احمد سعد بعد مابتو فاقت حبه وهدأت بدا يركز ويسال نفسو عصام دا عرف انو دي غرفة ريم كيف وبدأ يربط الكلام الكانت بتقولوا ريم وقت الرقيه والكلام القالتو ليهو لمن شالا ...عصوم اتصل علي لينه المساء وشكرا شديييد وقال ليها امشي ليها طوالي وخليك معاها ، قالت ليهو انا ح ارجع ليها بكره عشان الليله انا ذاتي ماسلمت عليها وماعرفتني )لينه غيرت نظرتها لي عصوم كانت فاكره انو بفتش لي اسيل عشان بحبها او عندو معاها فهم ( وبقت تفكر ف الموضوع معقوله يكونو لسه من الوقت داك بحبو بعض ،، طيب كان بفتش اسيل ليه وفجأه اتذكرت جمله ريم )انت العملت فينا كدا كانت صحبتي( معقوله تكون اسيلعملت ف ريم كدا وبقت منططه عيونو وبتفكر...اسماء قامت للصلاه لقت بتها صاحيه قالت ليها مالك صاحيه بدري كدا ،، تعبانهياماما عندي حكه ف جسمي اسماء قربت علي بتها ولقت ج الت ليها مالك صاحيه بدري كدا ،، تعبانهياماما عندي حكه ف جسمي اسماء قربت علي بتها ولقت جسمها كلو حبوب صغار صغار وجزء محمر من كتر الحك وجزء اتخربش ، اسماء ماعرفت تمسك نفسها وطلعت برا ونادت ابو ريم ..مواعيد جلسة الرقيه قربت وعصوم دا بقت بتجهو حاله سيئه لمن الجلسه تبدأ ويكون ماشي وجاي ف الشارع حجة زينب ملاحظه لولدها لكن اصلو ماسالتو عارفاهو بطنو غريقه مابحكي ، الجلسه شغاله وريم تبكي الشيطان الجواها فتاو كلو وعلاقة عصام بي ريم واسيل كيف عملت ليها العمل وليه عملتو ليها ) جوني ف الجامعه وعجبني وليه يحبها ويدلعا ويعمل ليها وانا لا ليه يرسل ليها كلام حلو وليه وليه وليه .... من زمن المدرسه عصام دا حقي انا ومفروض يكون لي انا ،، انا حاولت اخلي يحبني بس ماقدرت ومشيت عملت ليها العمل وفرقت بينهم ودمرت حياتها عشان اويها انو ماف حاجه تمنعني اشيل منها عصوم بتاعا دا ......... ( احمد سعد ماسك بتو ومعاو اخو اسماء لانهم محارم ومصدومين من الكلام واحمد سعد كدا الكلام وقع ليهو اما الخال كان نفسو يعرف عصام دا منو ..ريم بعد شهر ونص من العلاج بدت تتحسن وبقت تنادي بإسم عصام ليل ونهار وبقت تتقبل وجودو جمبها لكن برضو لسه لمن تجيها الحالة بتكورك فيهو وتقول ازحو مني ،، وبعد الجلسه وبعد ماتفوق تكورك الا ينادو عصام وكدا الامر بقى مكشوف واحمدسعد رضخ للامر الواقع بعد نقاش مع مرتو بس استسلم عشان بتو والحله كلها عرفت بالموضوع لانو حجه مريم ماشاءالله مابتقصر .. لينه يوميا مع ريم وبقت قريبه منها.. مي ماقدرت تنزل السودان لكن برضو متابعه مع اسماء وعبدالرحمن نهائي مااتقطع من ريم وهو وعصوم يشفوا العمى مايشوفو بعض....

يتبع....

#جسد_أنثى
بقلم: لوله عثمان

الجزء 26

تلاته شهور وريم ف نفس الحال وعصوم دا بقي بشبه السكن من التعب والهم والسهر ريم من كتر الاستفراغ والاسهال بقت قشه لانو العمل كان شارباهو وبتستفرغ اسووووودريم تعبت شدييييد ف الرقيه والشيخ قال ليهم لازم تصبروا العمى دا مابساهل يطلع كدا ف ناس بتتعالج بالسنين وعصومدا اليوم كلو ف راس ريم ويقرأ ليها قران)مرات تدقو ومرات تنوم ومرات تتعب لمن ينادو ليها الشيخ ( مرت الاسابيع وماف حاجه اتغيرتاحمد سعد فقد الامل ف بتو لانو اخوهو مات بنفس الطريقه )حسدو ف شغلوا وعملواليهو عمل عشان يخلي الشغل وتعب شديد ومات ( لكن اسماء وعصوم نهائي م فقدو الامل ،، لينه مع خالتو اسماء ف المطبخ وبدت تسالها عن اسيل )والله ياخالتو انا اسيل دي قلبي اصلا مابدورها لله في لله كدا وكانت بتاعت اولاد وعصام قال لي حاولت معاو كذا مره وهو قفلا لكن ياخالتو الله يطلعوا فيها الله قبل بكره وقولي حسبي الله ونعم الوكيل ( ،، جاهم صوت عصام وهو بكورك جيبوا مويه اسما جرت ومن الخلعه ، لينه جات المويه ....عصوم مسكني الشهاده عصوم انا تعبانه نادي لي امي تعفي لي انا كذبت عليها كتير ،عصوم دا دموعو عشره عشره واسما هبطت وقعدت ف الارض ،، عصام ماسكها من راسها وبقول ليها استغفري ياريم استغفري وهي بتقول لااله الا الله محمداً رسول الله لااله الاالله محمداً رسول الله انا مخنوقه ف حاجه ف حلقي ،، ريم اضايقت وكتمت نفس وعصوم خطفها وجري المستشفي ....

يتبع.....

#جسد_أنثى
بقلم: لوله عثمان

الجزء 27

وصلو المستشفى وحاج احمد مهبط مهبط ماقادر يعمل حاجه بتو الوحيده تموت قدامو كدا هو ذاااتو روحو كانت ح تطلع ،، اسماء خمت اقرب توب وحالتها بالبلاء ،، لينه خلوها مع الشفع ف البيتريم دخلوها الطوارئ والدكاتره ماشين وجاين ادوها اوكسجين ولسه كانت تعبانه عملو ليها فحوصات كااامله ماعندها اي حاجه بس الدكتور قال ليهم دمها ضعيف شديييد وكتب ليها فيتامينات ،،البيت كلو بقى عايش ف حالة بتاعت رعب فظيع وحاج احمد خلاص اتقتنع بموضوع عصوم لانو ماقصر مع بتو وفعلاً اتبث رجولتو وحبو ليها وعصوم بقى للنوم دا بنومو فصالون ناس ريم ... عبدالرحمن بقى مابجي ذي زمان عشان عصوم وعمايلو واتاكد انو ريمبتحبوا بقى مابقدر يشوفها معاو لكن كل فتره بتصل علي اسماء اما لينه دي طووول اليوم ف بيت ناس ريم وبقت لي اسماء بتها التانيه وعصوم بريده ريده م طبيعيه اي شئ بحكي ليها وبقول ليها انتي اختي التانيه )اختو وحده اكبر منو متزوجه (ريم ماشه ف تحسن مرت 5 شهور وعصوم دا اصلو م زهج ولا مله من قعادوا جمبها طول اليومريم راقده عصوم جمبها قاعد ف كرسي وبقراقران ،، بعد م خلص قالت ليهو عايزه امشي الحمام نادي لي لينه قال ليها اوديك ،، بي ابتسامه كدا قليل الادب نادي لينه ،، بعد مارجعت ....عصوم بمكر : )ريمي انت ليه ماعايزاني اويدك الحمام وكل مره تنادي امك ولا لينه انا ماراجلك ،، ريم : نعم ؟؟ متين دا ان شاءاللهانت طليقي ،، قال ليها ان شاءالله تبقي كويسه واشوف عيونك الخضر دي ونعرس تاني .. قاطعتوا بس المره دي قدام الناسقال ليها اكيييد حبيبتي ..ريم سكتت وحسه بيها بتفكر ف حاجهقاطع صمتها ..تتذكري يوم خال عبدالغني صحبي عقد لينا انتي كنتي خايفه كيف ،، ضحكت قالت ليهو بس انت اقنعتني وانت عارف انا قدامك ضعيفه مابقدر وهو بمسح ليها علي راسي وعادو كل ذكرياتهم الحلوه وكملوا قعدتهم الصفا ديك وريم كانت مبسوطه انها بدت ترجع لي ايامها حلوه وعصوم الليل كلو مانام من الفرح .....

يتبع .....

#جسد_أنثى
بقلم: لوله عثمان

الجزء 28

عصوم الليل كلو مانام من الفرح ومبسووط انو حبيبتو بقت كويسه وبتتكلم وتتونس معاو وبدعي ربو انها تتعالج للنهايه وتفتح عشان يتزوجو وماكان عارف الراجيهو لسه ....كيف ياعصام،، اهلاً ياخال اخبارك والشغل كيف عارف والله مقصر معاك لكن عبدالغني دا راااجل وم بقصر معاك ،، الخال قاطعو وقال ليهو انا ذااتي عايز في الموضوع دا تعال لي ف الوكاله ،، اعتذر منو وقال ليهو بجيك ف البيت المساء ) النهار كان مواعيد جلسه ريم ومابقدر يخليها (عصوم مشى المساء لي خالو وحكي ليهو انو عبدالغني جمع قروش من السوق بإسم عصام وزور شيكات بإسم عصوم وطفش وانو مواعيد السداد جات والتجار جو لي خال عصام وطلبو القروش ... عصوم طلع من خالو مصدوم في صحبو الوقف معاو وطوااالي فكر في اسيل ) ح يكون لمه في اسيل تاني واساسا كانت عاجباهو وهي الخططت للحاجات دي وراسو يودي ويجيب والمبالغ المجمعه كبيره (،،،رجع البيت والوقت كان متأخر مامشى لي ريم رجع بيتهم وبفكر ح يتصرف كيف وح يجيبالمبلغ دا من ويناتصل علي لينه واعتذر انو اتصل في وقت متأخر كدا وحكى ليها الحصل عشان تفكر معاهو قالت ليهو )اسيل دي لازم نلقاها لانو شكلها ماعايزه تهدأ وما كفايه العملتو في ريم عايزه تأذيك انت كمان ( ،، لينه بقت تفتش ف صحباتها الزمان وعصوممشا للقواده الجابت اسيل و وعدها لو جابت ليهو اسيل بدفع ليها مبلغ محترم ومافهما انو عندو معاها مشاكل بس قال ليها انا كنت زبون معاكم وكانت بتبسطني وانا اسي عايزها واداها الرقم وطلع ....شيخ الطاهر قرر انو الجلسات تتحول من النهار لي قبل صلاه الفجر يعني قبل الاذان الاول وبقو بساهرو الليل وينوموا النهار وريم من يوم حولو الجلسات بقت بتستحضر اكتر والشيطان الجواها ماعايز يطلع وبتحدى الشيخ وشيخ الطاهر من النوع البضرب .....

يتبع .....

#جسد_أنثى
بقلم: لوله عثمان

الجزء 29

ريم بتصرخ بأعلى صوت وعصوم قاعد برا جمب باب الغرفه في صلايتو بدعي ،، الاصوات بدت تعلى والشيخ بضرب ف ريم بالخرطوش ) نوع من العلاج لمن الزول العامل العمل مايطلع من المريض والمريض مابحس بالضرب الا لمن يفوق بعد الرقيه سبحان الله الم الضرب بنزل في الشخص العامل العمل وروحو بتكون عايزه تطلع (،، عصوم ماقادر يتحمل ضرب حبيبتو وهي بتصرخ لكن كان فاهم انو دا لمصلحتها وعلاج ليها والصراخ يذيد وسامع الكلام الداير بين شيخ الطاهر واسيل الجوا ريمالشيخ : اطلعي منها اطلعي منها ... اسيل الجوا ريم وشيطانا : م بطلع والله ادمرها وعيونا دي مابترجع مابترجع انا م بطلع وعصومالقاعد برا دا انا بدمرو وح يتسجن وشيكاتو دي مابقدر يدفعا ولو يموت انا ريم دي مابمرق منها .... شيخ الطاهر قام فيها بالخرطوش وقال ليها انت م عايزه تطلعي منها انا بحرقك بالقران والخرطوش دا ،والصراخ كل شويه بذيد .....عصوم اتخلع من كلام الشيكات والدفع وبعد الجلسه ما انتهت مشى لشيخ الطاهر وسألوا)ياعصام ياولدي الشيطان دا بعرف اي شئ و وقت الرقيه بتكلم بإي حاجه ولو ف زول ف المحل بحكي بالحاجه الحاصله ليهوذي ماحكي بالحاصل ليك انت ممكن يحكي بالحاصل لناس البيت كلهم يعني ياولدي م تشيل هم ريم دي بعد الجلسه مابتتذكر حاجه ( عصوم اطمن شويه وكدا حاجاحمد بقى عارف موضوع الشيكات والقروش...ريم بعد الجلسه كانت تعبانه شديد وماقادرهترقد لانو جسمها كلو واجعها والشيخ قال ليهم طلعوها ف المطر اذا جات مطر لانو مويه المطر فيها دواء وبستخدمهو كعلاج كان شهر 7 والامطار ماكتيره وبقوا مترقبين متين تجي المطر ....مر اسبوعين والقواده مااتصلت عصوم قرر يمشي ليها تاني بس قال لو مشيت ليها كتير ممكن تحس بي حاجه وتخاف مني وطبعا عبدالغني دا فص ملح وداااب مااتلقى وكل اصحاب عصوم بفتشوا عنو ...عمنا احمد جا اتكلم مع عصوم وسألوا من موضوع الشيكات عصوم رفض يحكي ليهو بس احمد سعد ضغط عليهو وعصوم متحسس من القصه حكى ليهو كل الموضوع وقال ليهو الله بسهلا ياعمي انت ماشايل هم لسه فضل تلاته اسابيع ان شاءالله بلقى واحد من الوسخين ديل .....عصوم علاقاتو واسعه لكن اتقطعت مع الناس لانو قاعد مع ريم ليهو 5 شهور وحاجه ،، اتصل ع واحد من معارفو ف الشرطه واداهو الاسم بالكامل وحكى ليهو القصه كلها و وعدو انو يبحث ليهو عن صحبو الخاين وسخ البنات المعاو ... مرت تلاته ايام وجنابو م اتصلولا قال حاجه عصوم قاعد مع امو ف الحوشوكان تعبان عايز ينوم شويه عشان يقوم لجلسه ريم القبل الصلاه ،، حجه زينب سألتوا من حكايتو مع ريم وطبعا عصوم بطنو غريقه وعارف امو قال ليها ياحجه والله ماوقتو اناتعبانه اسي بس عليك الله ادعي لي والله محتاج لدعوااااتك وباسا في راسا ورقد ....

يتبع .....

#جسد_أنثى
بقلم: لوله عثمان

الجزء 30

عصوم اتعود انو يصحى بدري ويمشي يجيب شيخ الطاهر والرقيه بدت وريم دي كانت تعبانه قبل الرقيه ماتبدأ ماقادر تمشيشالوها شيل وعندها حمى والاستفراغ تاني رجع ليها ،، دخلت الجلسه وتعبت اكتر وعصوم قاعد ع اعصابو وماقادر يعمل حاجه ،، ريم ديبكت بكا وصوتها دا جايب اخر الحله والشيخ شغال خبط وهي بتقول مابطلع قلت ليك مابطلع ،، اطلعي اطلعي وفاتح قرآن ،،، وبعد مرور اكتر من ساعهاسيل الجوا ريم : خلاص بطلع بس بطلع بي عينه عشان اقدها ليهاالشيخ : اطلعي بالرجل بالصباع الكبيروريم دي روحها دايره تمرق وعصوم خلاص مابقي ليهو الا يدخل الغرفه ماشي وجاي واسماء قاعده في صلايتها وماقامت ،، شويه كدا وسمعو صرخه عاااااليه ، عصوم فجأه لقى نفسو جوه الغرفه وريم راقده ف الارض والطرحه الكان رابطنها ليها فكتا وشرطتت العبايه )اثناء الرقيه مفروض تلبس ذي اسلامي ( ورابطين ليها عيونا وحالتها صعبه واصلو دي ماريم ،، حاج احمد اشر ليهو اطلع وفعلا طلع وبقي مقلق ولسه الصراخ ذايد والجمل بتتكرر اطلعي اطلعي ومابطلع واسماء دموعا ابت تقيف وتاني مره نص ساعه وبعدها الشيخ طلب مويه بارده وجابو ليهو جردلين وقرأ فيهم وتانيبدأ الصراخ وبعدها كشحو فيها المويه الجردل الاول ريم دي فتحت الباب وطلعت والشيخ جرى وراها برا ف الحوش وكشح فيها الجردل التاني وطوالي وقعت ف الارض ودخلت ف حالة اغماء ،،، الشيخ قال ليهم م تفتحو عيونا الا بعد تصحى وتفوق وامسحوا ليها جسمها بموية زمزم واقعدو جمبها عشان ماتفتح عيونا ..مرت ساعه وريم نايمه وامها وابوها وعصوم قاعدين حارسين ريم تفوق .. واول مافاقت مسحو ليها المويه وفكوا منها الرباط وكانت المفاجأه ......

يتبع....