كنت مشغله الاسبكير عشان ما احكي القصة تاني 😬

انا: عرفت المطلوب منك بعدما سمعت الحوار

مهند : ما دي المشكلة الانا عايز احكي ليك عنها ، انا علي موقفي لسه في موضوع الخطوبه لكن قلت لسمر اصبري ما تكلمي ابوك لحدي ما انا اجي السودان ، عشان كلام عم عمر دا.. لكن سمر عملت الفي راسها ومشت كلمتو

انا : مش العملتو سمر دا الترتيب الانا كنت عارفاهو اصلا، طيب الخلاك تقول ليها انتظري شنو؟

مهند : عمك عبدالرحمن الشريف دق جرس وقال اني زول متسرع ومن ما اعرف لي واحده واعمل معها علاقه طوالي بقول عايزه اخطبها 🙈

انا : 😂😂😂 والله ابوك ما كضب فيك 🙊

مهند : ههههههه صحي ما كضب اها والحل شنو ؟

انا : اجشششش وانا شنو الكمان الدخلني بين الاب وابنو

مهند : مريم ياخ بطلي لازم تجي تقنعي معاي

انا : انت عبيط ولا بتستعبط انا اساسا مامسافره معاك السودان المره دي

مهند : شنو شنو دا كلام جديد كمان 😡 مريم قولي سريع سمر قالت لي شنو بالضبط لدرجة انك ماعايزه تسافري الاجازه

انا : حتكون قالت لي شنو مثلا ، ماقالت حاجة وياها غيرتها مني نفس غيرتها من ناس ايليف الموضوع ماعندو علاقه بسمر ، احتفال الجمعية الاسبوع الجاي ومسيو فابيو جاي وانا الدعيتو فما ممكن اقوم اسافر واخلي وخصوصا هو الراعي الجوائز بتاعت السنة دي

مهند : تصدقي اني نسيت موضوع الجمعية دا كلو كلو ، انا ماعندي طريقة اقعد براك شفتي الجوطه الانا فيها لكن خلاص انتي اقعدي احضري الاحتفال وطوالي تجي ما ممكن تقعدي كل الاجازه براك

انا : نشوف يامهند لاني عندي خطط للاجازه دي بخصوص دراستي ، اما بخصوص ابوك اقعد معاهو برواقه وفهمو انو موضوع ساره كان منتهي من بدري وانك ليك سنتين تعتبر ما مرتبط

مهند : مريم ما تشبكني خطط وبتاع لو ابوي وافق وانتي ما جيتي وحياة ربنا ما اعمل الخطوبه

انا : مهند ما تنق قلت ليك ح اشوف، وماتقعد تحلف لي عادي ممكن اخليك تصوم وتعمل الخطوبه 😉

مهند : بالمناسبه سمر ما اشترت كل الحاجات وخلت لي لسته طويله عريضه

انا : من غير ما تكمل بكره انا عازماكم كلكم غداء الوداع نقوم نمشي من الصباح نشتري الحاجات ومن هناك الي الغداء والهيصه

مهند : اتفقنا ،طيب ما تعزمي احمد وحسام بالمره

انا : ديل خليهم مضغوطين مع الشغل والتحضير لاحتفال الجمعية ، وبمناسبه مش عرفت قصة حسام و انو ..........

مهند : لا حوله ولا قوه الا بالله ربنا يرحمهم ان شاء الله... شفتي يا كلبه مش قلت ليك ماتحكمي عليهو من قبل ما تعرفي ظروفو ، ازعلي من نفسك علي قول احمد 😅

انتهت يومنا انا ومهند علي كدا ، تاني يوم اتكشينا كلنا من الصباح بنشتري في حاجات سمر خلصنا ومشينا اتغدينا واتونسنا وضحكنا واتبسطنا انبساطه جد ، احلي ناس 😍 ورجعنا الداخليه تمينا باقي الونسه انا والبنات 😍

تاني يوم من الصباح ابتدا الوداع والبكاء والدموع كل شويه اودع زول فيهم لحدي بليل كانوا سافروا كلهم وبقيت براي 😭 انا وابو السيد

الدنيا ليل غربة ومطر ..

وطرب حزين..

وجع تقاسيم الوتر

شرب الزمن فرح السنين ..

والباقى هداهو السهر

يا روح غناى ..

الغربة ملت من شقاى وغربتى

وبقيت براى .. حاضن أساى

الوحشة ملت من أساى .. ووحدتى

لاغنوة لا موال يبدد حسرتى ..

غير الدموع يا ملهمة..

الغربة مرة و مؤلمة

الغربة مرة ومظلمة

قولى للنيل ضفة .. ضفة

و العشيات لما تصفى..

والنسيمات البتاخد

من عفاف ريدتنا عفة

إنو شوقى يفيض بحر

شوقى شوق إنسان معذب

ضيعو الليلو السفر

لا ينابيع ريدى جفت

لا ولا أشواقى خفت

كل يوم فى غربة زايدة

وبيها كل الدنيا عرفت 😭

انتظروني في احتفال الجمعية والقنبلة الجديده الظهرت دكتورة ربا

يتبع.....

#مريم
بقلم: مريم النصري

الجزء 47

ما أجمل الصباح حين يبدأ بذكر الله..

أصبحنا وأصبح الملك لله.

ابتدا يومي مع صلاة الصبح ومن المصلاية الي السرير النوم النوم مستحيل ما استقل فرصة ذي دي من غير ازعاج ايليف .. وطوالي رجعت الي السرير المحرومه منو وكل ما اتذكر ايليف وراني وهم راقدين في سريري اتجدع في السرير زياده لحدي مانمت .. ويافرحة ماتمت صحيت بعد مسافة بصوت التلفون بضرب لقيتو احمد صلاح ما اشتغلت بيهو ، بعدو ضرب حسام برضو ما اشتغلت بيهو عملت الموبايل سايلنت وواصلت نومي بعد مسافة تاني صحيت علي دق الباب ، فتحت لقيت مشرفة الداخلية 😡

المشرفة : صباح الخير يامريم اسفة علي الإزعاج ولكن هناك شاب بانتظارك في الاستقبال

انا : شاب 😳 الم يقل لك اسمه؟

المشرفه : لا .. ولكنه وسيم جدا 😅

انا : لا كان كدا 😅 يحب الذهاب اليه سريعا 😂

نزلت معها لقيت احمد صلاح في وشي وقبلت علي المشرفه 😡 ياهو دا الولد الوسيم 😏

احمد : الحمدلله بشاهده الجميع ولد فستق بس ☺

انا : ههههه اها يافستق انت انجز جايني من الدغش داير مني شنو ؟ جيتك دي ما ساي

احمد : أنتي ناسيه انو مهند وصانا عليك انا وحسام

انا : اي وصاكم لكن ما قال ليكم اضربوا صحوني من دغش الرحمن انت وصحبك ولما ما ارد القاك في وشي ، انجز.. قلنا داير شنو اكيد دا ما السبب 😆

احمد: يعني ياكلبه قصدتي تطنشينا 😠 طيب براك عارفه نحن مضغوطين بسبب الاحتفال كيف 😔 وحسام الليله شغال عمليات ، فبقي الموضوع علي فقلت ليهو ح اسوق مريم تساعدني ولما ضربت ليك ومارديتي قلت احتمال بقيتي بتاعت ناسات 😉 شلت تلفون حسام وضربت ليك وبرضوا ما رديتي😅 اصيله والله يامريم 👍 قمت جيتك بالدرب وهسي عندك 10 دقايق تجهزي فيها من غير نقاش ، اها دا عمل خير فيهو كلام كمان 😉

انا : اوووكي بس انا ذاتي دايره ارتب الحجز وبرنامج مسيو فابيو 😎

احمد: مافي مشكله كلو بنعملو اطلعي البسي عليك الله ، خلينا نشتغل ونفرفرش 😇

المهم طلعنا قضينا المشاوير كلها ومن هناك مشينا المبني بتاع الاحتفال وبقينا شغالين مع اللجنه المنظمه لحدي المساء .. جاء حسام لقانا انا واحمد متشعلقين لينا في حيطه بنركب في حاجات هز راسو

حسام : يا احمد انت مش قلت حتخلي مريم النصري تساعدك شكلك ما لقيت مريم وجبت النصري معاك .😅

احمد : هههههه اختاها يا حسام لمصلحتك ، عارف لسانها وانت هنا ريس وعندك برستيجك 😂 بعدين ياخ النصري المعاي مافيهو كلام ، يشع بالانوثه

حسام: انوثه وشعليق في الحيطه بطل المجاملة 😜

انا : انت يا احمد مالك بقي دمك خفيف فجاءه ☹ وبعدين ما سمعت أحلام مستغانمي لما قالت: أجمل ما في امرأة شديدة الأنوثة . . هو نفحة من الذكورة 😉

احمد : لقد تم قصف الجبه ، مش قلت ليك احسن تلم لسانك عليك 😂😂

حسام : طيب ممكن تنزلي عشان نتكلم عن مسيو فابيو ونحجز ليهو وين وباقي برنامجه

احمد : كلو جاهز يا ريس ، مريومه ظبطت الموضوع من الصباح 😍

المهم الحوار دا استمر كتير بين أسئلة حسام ومناقرتي معاهو وحريش احمد وانتهي بتوصيلي للداخلية

تاني يوم المساء وصل مسيو فابيو هو وزوجته ، كنا في استقبالهم انا وحسام وصلناهم الفندق واتونسنا معاهم حبه وخليناهم يرتاحوا .. وحنجي نسوقهم بكره الظهر للاحتفال مسيو فابيو بتكلم ايطالي وفرنسي فعشان كدا حسام ما كان عندو مشكله في التواصل معاهو ام زوجته بتتكلم ايطالي بس

تاني يوم من الظهر قشرت تمام، ومشيت لمسيو فابيو وسوقتهم الاحتفال وكان في استقبالهم حسام واحمد

ابتدا الاحتفال كالمعتاد انتهي المعرض والندوه مسيو فابيو مبسوط جدا بانو في شباب خلقوا جمعية من مافي لحدي ما وصلت للكيان الهي فيهو الان 💚💛💜💙

جاء وقت البريك القبل المسابقات بكون في اسناك ومشروبات وميوزيك شغاله .. قعدنا كلنا والناس بقت تاكل وتتونس . . وفي اللحظات دي جات حاجه كدا انسوا بس😍 لفتت انظار كل الناس مزه بمعني مزه ،بت سمحه جنس سماحه ، وكمان جسم ذي الجسم اي نعم لبسها شاز ، لكن لبس زول واثق من امكانياته 🙊 اتلفتت كدا... ،وجات علينا سلمت علي حسام بظرافه وعلي احمد بكل بياخه 😂 حسام عرفها علينا والساعه البت الرطنت ليك ايطالي ذي الما حصل شي 😅 لالالا كمان جابت ليها لغات ، اللذيذ انو مسيو فابيو وزوجته نسوني ليك ذي الماحصل شي وبقوا مركزين معاها 🙈

انا : احمد من هذه القنبله 💣

احمد : دي دكتوره ربا التهامي كانت زمليتنا في الجامعة وحتنزل من الاسبوع الجاي المستشفي معانا 😏

انا : ربا لكن ما ربا عجيبه عديل 😍 ومالك بتقول الكلام ب استياء كدا شكلو قاطعه معاك 😜 لما سلمت عليك بطرف يدها 🙊

احمد : ما قاطعه معاي ولا شي بس انا وهي حصل بينا موقف ومن اليوم داك ما بنطيق بعض 😏

في الاثناء دي كان خلاص البريك انتهي .. وحتبدا المسابقات احمد قام مشي لانو هو الماسك الفقره دي ، وانا ذاتي بقيت منتبهه معاهو ياحليلو هنودي المره الفاتت كنا عاملين شغب مع بعض ، لكن المره دي برضو عامله شغب براي 😅 كالعادة اشتركت في مسابقة

الغناء وختمت ليهم ب اغنية ايطاليه لمسيو فابيو الراعي كمان 😎 كان ما غنيت ليهو اغني لمنو ، قعد يتبسم للضرس، انتهي الاحتفال ومسيو فابيو ما قصر كان الراعي لكل المسابقات وكمان اتبرع بشيك نقدي

لما جينا طالعين ربا قالت لمسيو فابيو لازم تشرفوني وتجوا بكره تتغدوا معاي منتظراكم يا حسام تجيبهم وتجي .. وسفهتنا ليك انا واحمد ذي الما حصل شي 🙈

احمد قال لحسام انت وصل مسيو فابيو وانا ح اوصل مريم .. انا ودعت مسيو فابيو وقلت ليهو انتظروني الصباح ذي ما اتفقنا حنطلع نفطر بره

احمد طبعا شكلو مغيوظ شديد من ربا وعايز زول يتفشي معاهو (احمدك يارب الشمار جاني من غير ما افتشوا 😅 ) وفعلا دا الحصل من ركبنا في العربية لحدي الداخليه الموضوع كان عن ربا

احمد: ربا ياستي ذي ماقلت ليك كانت دفعتنا في الجامعه ، أساسا هي اتولدت وعاشت هنا ومن اسره وضعها المادي فوق الممتاز ،لكن برضو بحبو القروش ذي عيونهم . . ربا ذي ما شايفها جميلة جدا لكن كمان مفترية جدا وعاجباها نفسها بطريقة ماعادية وماشايفه انو ربنا خلق اسمح منها وبتاعات ناسات ما بتصاحب الا زول سمح ومن مستواها ولفوق

انا : ههههه طيب ما المواصفات دي بتنطبق عليك مالها قطعتوا معاك

احمد: منو القال ليك قطعتو معاي ، هو انا اول زول صحابتو والزول البتصاحبو عشان بكون من مستواها او احسن ما بتبين ليهو وش الافتراء بتاعها . . كنا اصحاب جدا وابدا ما كنت شايف وشها التاني لحدي ما حصل لي موقفين معها ..الاول مشيتو ليها لانو ما كان بمس زول ؛ لكن الموقف التاني اديتها كف وبسببها كنت حاتفصل من الجامعه

انا: اديتها كف 😲 طيب ماليها حق تتساخف معاك كدا

احمد : لانها قلة ادب وتستاهل ، اي نعم اول مره مشيت ليها ، لكن تاني مره ذودتها كتير . . طبعا انا ما كنت صاحب ناس حسام من البداية . . حسام ورامي كانوا اصحاب ، وانا عندي صحبي فلسطيني اسمو عبدلله ، عبدالله دا زول مسكين جدا وجاء هنا منحه ، زول طيبان جدا ومحترم ، في يوم واثناء ما نحن قاعدين حصل نقاش بينو وبين ربا .. و ربا حولت النقاش لموضوع تاني وقله ادبها علي الولد وافترت عليهو ومسحت بكرامتو الارض لما خلعتني، ولما واصلت في قله ادبها قدر ما حاولت اسكتها بالذوق ابت تسكت ، في النهاية اديتها كف حتي سكتت .. مشت اشتكتني وعملوا لي مجلس محاسبه وادوني انزار بالفصل ومن يومها بقي مافي بينا حاجة غير السلام وحتي السلام دا بعد زمن من المشكلة

بعدما انا وهي اتشاكلنا طوالي مشت صاحبت حسام ورامي وبقت لاصقه في حسام . . ومن تصرفاتها كان واضح انها بتحب حسام وحتي بعدما حسام خطب لسه علاقتهم كانت مستمره .. وبعدما حصل الحصل ل رامي وريم ربنا يرحمهم حسام قفل من كل البنات حتي ربا ، وهي طبعا كان عامله فيها الصدر الحنين العايز تطبطب عليهو لكن حسام قفل قفله كعبه وما لقت فيهو فرصه ، ومن ما انا صاحبت حسام لحدي ما اتخرجنا ماكان في بينهم غير السلام .. هي بي حركاتها دي لكن زوله شاطره جدا في القراية والشغل

بعدما اتخرجنا بسنة فجاءه ربا ضربت لي عزمتني عرسها وكمان ضربت لحسام ، حسام حنسني حنيس عشان نمشي نبارك ليها ونتخارج سريع سريع ، يازوله مشينا العرس انسي بس حاجه خرافيه عشان كدا عزمتنا نظام انتو قايلين نفسكم شنو تعالوا شوفوا انا عرست منو ههههه ...

عرست ليها امير سعودي مش قلت ليك بتحب القروش 😂 والعرس فيهو جنس مزز انا طبعا نسيت ليك اني جاي بالتحانيس وبعدما باركنا ليها حلفت ما ارجع لو العرس ما انتهي 🙈 حسام مشي وانا بقيت تبع ناس العريس حددتو مع المزز السعوديات ومن اليوم داك تاني ماشفنا ربا الا قبل يومين

لقيناها في المستشفي وحتنزل معانا شغل وحكت لحسام انها اتطلقت بعد سنة من عرسها وهسي رجعت استقرت مع اهلها

انا : طيب تمام وانت ليه لسه شاميها خلاص موقف حصل وانتو لسه في سنه اولي ومر عليهو سنين

احمد : ومنو القال ليك انا ما نسيتو لكن خلاص عرفت حقيقتها انها زوله مفترية و سطحية ومنافقه وتاني ما بنفع نكون اصحاب لكن خايف علي حسام منها

انا : كيف يعني تخاف علي حسام منها حسام زول كبير وواعي وبعدين انت براك قلت انهم كانوا اصحاب ولولا الظروف الحصلت لحسام كان صداقتهم بتكون لسه مستمره ، يعني هي حاليا اقرب بت لحسام وممكن هي التساعدوا يطلع من الهو فيهو

احمد: ما دا الانا خايف منو حسام شايف ربا انها زوله كويسه لانها عامله ليهو فيها انها ملاك ذي ما كان عامله لي انا في الاول ،وحسام ما حصل ليهو اي موقف معها ، وحتي بعدما حكيت ليهو بموقفي معها غلطني انا وقال لي مهما هي غلطت كان مفروض توعيها بدل ما تمد يدك عليها .. حسام يا مريم بعدما انتي اتكلمتي معاهو واديتي علي راسو وقلتي ليهو انو هو زول ضعيف بدا يتاثر عارفه اول ما رجعتو من الرحله العلمية قال لي شنو؟ قال لي انا بقيت بخجل من نفسي لما اشوف قوة مريم ونفسي اتغير واعيش حياتي ذي ماكنت عايش..يعني حسام في مرحلة تغير وحيحاول يتعلق ب اي شي ممكن يرجعوا للحياة و ربا ممكن تستقل الحته دي وتتقرب من حسام تان

ي خصوصا انو حسام بالنسبة ليها فرصه لاتعوض وبصراحه انا شايف حسام بعد العاشوا ما يستاهل يعيش باقي حياته مع واحده ذي ربا

انا : انت ليه وصلت المواضيع لانهم يتزوجوا وحتي لو حصل كدا هي ما حتغصب حسام اكيد حيكون برضاهو علي الاقل هي بتعرف حسام كويس وبتعرف المدخل البتدخل بيهو ليهو انت عاين للموضوع بنظره ايجابية انها حترجع حسام للحياة

احمد : ماعشان بعرفها كويس ماممكن اعاين للموضوع بنظره ايجابيه ووريني ياتو راجل يكون محروم عاطفيا وتظهر في حياته واحد ذي ربا وتكون بتعرف هو بحب شنو وبكره شنو وتعمل الحاجات ذي ما هو بحبها وهو شايفها انها ملاك ويقدر يقاومها ؟؟؟

انا : احمد حتي لو حسام صحبك وخايف عليهو مامن حقك تدخل في حياته الخاصة ، وماتفتح خشمك معاهو لو ماهو براهو جاء حكي ليك بحاجه ، لانو انا لحدي هسي ما شايفه في مشكلة ، وحسام الانا عرفتو يودي ربا البحر ويرجعها عطشانه لو هو عايز .. فشنو استكين

انتهي يومنا الكان بنكهة ربا 😍

وابتدأ اليوم التاني بفطوري مع مسيو فابيو و زوجته وقعدت معاهم لما جاء الظهر وجاء حسام هو واحمد ..

انا واحمد اتخارجنا كنت متفقه معاهو يمشي معاي عايزه اشتري هدايا لمسيو فابيو وزوجته.. والباقين مشوا لي ربا علي اساس انهم يتغدوا ونتلاقي تاني بالمساء

انا واحمد مشينا اشترينا حاجاتنا واتغدينا ولسه الجماعه ما ظهروا 😂 ما ركزنا معاهم لاني كنت مركزه مع هنودي في موضوع اقناع ابوه بالخطوبه ومتابعه الشمارات اول ب اول ، واحمد في نصنا ذاتو مشارك 😅 لحدي ما مهند اقنع ابوه والساعة 8 جات ، والجماعه ما ظهروا في النهاية ضرب لينا حسام قال لينا انو اتفاجاءه بانو ربا عامله برامج بعد الغداء ولما لقي ناس مسيو فابيو مبسوطين ما قدر يقول حاجه ، قال لينا ما تنتظروا وخلونا علي برنامجنا بتاع بكره.. احمد طوالي هاج من حركة ربا

احمد : مش قلت ليك ربا بتاعت امور هي بتعرف مسيو فابيو من وين عشان تقوم وتقع ليهو دا ما كلو عشان تقرب لحسام

انا : هههههه لو كنت انت بت كان قلت انك بتحب حسام وبتغير عليهو 😂 يا ولد ما تروق الموضوع ما مستاهل جوطتك دي وبعدين هي ريحتنا من الطلعه ببرنامجها دا

احمد : الموضوع بستاهل جوطتي واكتر لاني انا الشفت حاله حسام كانت كيف، وانا العانيت مع حسام ولسه بعاني عشان ارجعوا لحياته وما مستعد تعبي تضيعوا لي واحده ذي ربا

انا : اوووف منك صراحه زهجت منك ومن حسام ومن ربا رجاءا يا احمد طلعني من قصتكم دي انا الفيني مكفيني....احمد لسه مواصل في نقتو لحدي ما وصلني.

اصبح الصباح والاتفاق كان انو يجيني احمد س 10 وحسام يسوق مسيو فابيو ، لكن لما طلعت اتفاجاءت بانو الجاني حسام بعدما سلمت عليهو وركبت

حسام : انا الطلبت من احمد اني انا الاجيك عشان اعتذر ليك عن الحصل امبارح

انا : هو امبارح الحصل شنو عشان تعتذر

حسام : عشان البرنامج الطرشق بسبب ربا، لكن والله انا اتفاجات ذاتي وما متخيل ربا حتعمل برنامج

انا : انت ماعندك موضوع وهسي البزعل شنو المهم في الموضوع مسيو فابيو وزوجته اتبسطوا

حسام : احمد الكلب قال لي انك زعلتي وجوطتي 😳

انا : انا الزعلت 🙆 شفت بس اعكس الموضوع هو الزعل 😂

حسام : اصبر لي ما ح اخليهو .. وفي حاجة تانية مسيو فابيو وزوجتو لما ربا اتظارفت معاهم عزموها تقضي اليوم الليله معانا

انا : مافي مشكلة ياحسام الموضوع عادي و ربا مرحب بيها

حسام : شكرا علي تفهمك 😊

وصلنا كلنا واحمد من شافني بدا النقة

احمد : لو ما انتي.. ماكنت جيت بعدما عرفت انو ربا جايا 😬

انا : ما كان تجي لو جاي تنق لي ذي امبارح 😠 ويا كلب انت تقول لحسام انا الزعلت 😳

احمد : ههههه احسن ما شفتي اتحسس كيف 😂 قلت ليهو مريم قالت هي تعزم الراجل وتجيبو من ايطاليا وتجهز ليهو برنامح وتجي انت والصحبتك العامله كيف كيف تخربوا ليها برنامجها 🙈

انا : هههههه ياخ انت اكعب نوع .. بس اوووعك تاني تقولني كلام ما قلتو 😬 وخليك مني عاين هناك ضرتك وصلت

احمد : استغفر الله .. مريومه عليك الله استخدمي افكارك الشيطانيه الذي الفي التقرير بتاعك وكاوي لي ربا دي واطلبي مني العاوزاهو

انا : يا سلام دي فرصة لاتعوض بس اوعك تزوغ .. خلاص بمتعها ليك الليله وبكاويها لكن تاني ماعندي ليكم حاجة

احمد : ياسلام عليك يا مريومه عليك الله فشيني هي طبعا بتكون مفتكرانا انا وانتي جكس وكدا عشان كدا ما ركزت معاك لكن ماعافي ليك لو ما كاويتها بحسام 😂

جات ربا متالقه كالعاده وابتدت الونسه ماكانت شغاله بي لكن من ما شافتني اتكلمت مع حسام ركزت معاي 😅 ولما لقت مسيو فابيو بهظر معاي طوالي فتحت موضوع معاي

ربا : ماشاءالله عليك يامريم ظريفه وبتدخلي في الناس سريع

انا : شكرا من زوقك يا جميل بس انتي قاصده منو بالناس الدخلت فيهم سريع

ربا : قصدي حسام ومسيو فابيو

انا : ما تبالغي ياخ انا و مسيو فابيو اصدقاء لينا سنه وانا المستضيفاهو والدعيتو للاحتفال .. اما انا وحسام فقصتنا طويله😊 كر علي البت لما وشها اتغير 🙊ماعارفه بت النصري ل

ما تقوم علي المكاواه

ربا :بالله ...انا كنت قايلاك عندك علاقة ب احمد وكدا ما كنت متخيلاك بتعرفي الباقين

انا: احمد صديقي جدا لكن الفضل يرجع لحسام لانو حسام العرفني بيهو

ربا : اااها انا طبعا صديقة حسام من زمن الجامعة لكن ماحصل حكي لي بيك

انا : والغريبه انا وحسام بنعرف بعض لينا 3 سنين لا حصل شفتك ولا هو حكي لي بيك برضو 😆

ربا : انا كنت مسافره وجيت قريب عشان كدا ما تلاقينا انا وانتي وانا وحسام تواصلنا كلو بالتلفون (شوف الكذابه احمد ما غلطان عليها).. لكن حسام بقي زول انطوائي من بعد الحصل ليهو وما بتعامل الا مع الناس القريبين ليهو شديد ،اتعرفتو علي بعض كيف؟؟؟

انا : حسام انطوائي 😳 حرام عليك حسام دا الذ زول ولو ماهو ماكنت قدرت استحمل الغربه 🙉 ويا ستي عائلتي وعائلته حسام اصدقاء دا سبب تعارفنا وحسام ماقصر معاي ووقف جنبي من اول يوم جيت لحدي ما علاقتنا اتطورت 🙆

المهم اقنعت ليكم ربا انو انا وحسام اصدقاء لما ما اصدقاء والسامع الكلام ومبسوط احمد 😂 فشيتو ليك تمام وربا من اللحظه ديك ركبت لي الوش التاني علي قول احمد 🙊 وما فتحت خشمها معاي 😂 مريم بنكهه مسيلمة الكذاب 🙊

تاني يوم من الصباح مشينا وصلنا مسيو فابيو المطار .. ونحن راجعين ضرب لي مهند

مهند : مريومتي

انا : هنودي ماهي اخر التطورات

مهند: مشينا انا وابوي قابلنا عم عمر وحددنا يوم الاتنين نسوق الرجال نمشي تعارف لكن يا مريم الناس ديل مكبرين الموضوع وسمر قايمه وقاعده ماكان في داعي لقدر دا

انا : مهند اتذكر انو دي بتهم الوحيده واول فرحه ليهم وهم وضعهم ممتاز يبقي مامن حقك تتكلم .. انت ودي حسب قدرتك وخلاص

مهند: بقيت شايف الحاجات حبة مع بهرجتهم العايزين يعملوها دي

انا : ماتشيل هم كلو بتظبط

مهند: ماتقولي لي كلو بتظبط وانتي قاعده هناك تعالي عشان تظبتي لي 😡 بالمناسبه انا قلت لعم عمر انو انتي اجلتي من الخميس للجمعه طوالي خالتك زينب هاجت وقالت ما حتخليك انتظري تلفونهم فكيت ليك اهلك المره دي

انا : انت حيوان انا لا حجزت ولا جايا يلا اقطع وشك انا لسه بره بنتفاهم بعدين

خلصت من اسطوانه مهند والي اسطوانه حسام

حسام : انتي يا مريم فعلا حتسافري رغم الحصل دا

انا : انا لو علي لا طبعا..ومهند ذاتو ما مشكلة المشكلة في عمو عمر وماما زينب ح اقنعهم كيف؟؟ كون اني ما امشي الاجازه وكمان خطوبه سمر الهم معتبرننا اخوات دي حتخلق استفسارات انا في غني عنها

حسام : شوفي اي عزر مناسب لانك انتي الحتتضايقي وماتتوقعي من سمر معامله كويسه خصوصا بعد الخطوبه

انا : طيب عشان انت تصدق انا ح اضرب لي ماما زينب قدامك واسمع الحوار الحيحصل ولو لقيت لي عزر مناسب طوالي ما ح اسافر

ضربت ل ماما زينب وطوالي الشكله دورت

ماما زينب : يخسي عليك يا مريم تاخري سفرك للجمعه وانا منتظراك تساعديني كان ما انتي الوقفتي في فرحة اختك البقيف منو

انا : معليش اتشغلت وما لقيت حجز ابدر من كدا

ماما زينب : حصل خير برضو لسه منتظراك للتجهيزات 😂 وعمك عمر حالف ليك لكن خلاص بخلي ينتظرك بالشكله لحدي ما تجي

قفلت منها وقبلت علي حسام بس وريني ممكن اقول شنو عشان ما تنظر ساي

حسام : فعلا موقفك صعب بس خلاص اتجنبي سمر قدر ما تقدري

انا : اكيد ماعندي حل غير كدا والاصعب اني مفروض اتعامل معها عادي قدام امها وابوها عشان مايحسو بشي

حسام : لدرجه دي بتحبيهم

انا : فوق ما تصور من وعيت وهم حولي وبعد وفاه اهلي ما لقيت غيرهم هناك .. والعملوا عشاني ما بتقدر بثمن ومستعده استحمل عشانهم المر خلي سمر

حسام : عندك قوه تحمل ما عاديه ، وذي ما قلتي قعد تستقوي علي الدنيا

انا : لما ترضي بقدرك بتقدر تستقوي علي الدنيا ..بالمناسبه انت ما حتنزلني في الداخليه نزلني في شارع اكسفورد عايزه اشتري حاجات 🙈

حسام : كمان فاتحه نفسك وعايزه تشتري فستان للخطوبه قلبك ميت

انا : ههههه ذكرتني الفستان لكن دايره اشتري حاجات لمهند متجرس من بهرجه سمر لازم اعز اخوي افووو كمان

حسام : قصدك حاجات لسمر 😬

انا : حتي لو حتبقي ليها انا ما مشترياها عشانها.. عشان مهند بس

حسام : ح اوديك عشان مهند بس لكن لو كان عشان قليله الاصل دي ، ما كانا وديتك

انا : كتر خيرو هنودي طيب

وصلت الشارع لما جيت انزل حسام نزل معاي 😳

انا : انت ماشي وين

حسام : ماشي معاك

انا : انت الليله طبيعي 🙉

حسام : ما عشانك عشان مهند 😝

انا : غايتو هنودي دا دايما خيرو مغرقني 😂

مشينا اشترينا كمية من الحاجات لمهند اقصد لقشر 😉 وحسام حلف الا يدفع 🙆 عشان مهند برضو ماتفهمو غلط 😜 واشتريت هدايا لناس بيتهم

انا : خلاص شيل الحاجات وانتظرني في العربية ح اشتري فستان سريع سريع وارجع ..

حسام : تعالي بي وراي ياكيشه وبرضو عشان مهند 😂..

وداني محل في شارع متفرع من الشارع الرئيسي الكنا فيهو انا المخيطه الشارع دا خياطه ما حصل شفتو .. المحل بتاع فساتين سهره غايتو لو كان معاي راني وايليف ما كان بطلعوا منو .. والشغالين في المحل سلموا عليهو سل

امه معرفه

انا : انت زبون في المحل ولا شنو

حسام : المحل دا ورتني ليهو ريم الله يرحمها 😢 ومن بعدها ... بقيت كل ما عايز اشتري لحنين وحلا بجي هنا

انا : ربنا يرحمها ويرحمنا ان شاء الله لكن خلاص مادام عامل فيها خطير في حاجات البنات .. الليله ح اخليك انت التختار لي مع انو اشك في زوقك

حسام : جدا لكن لو الفستان الاخترتو ليك عجبك حنضرب لاحمد ونمشي نتغداء عشان انا جعان ولو ما عجبك برضو حنمشي نتغداء عشان برضو انا جعان 😜 ح اضرب ل احمد يجينا هنا لحدي ما نختار

انا : انا متاكده انك الليله ما طبيعي في خفه دم حاصله

حسام : ممكن تقولي مزاجي رايق وتاني ممكن تقولي نفسي اشكرك عشان مجهودك العملتي في الاحتفال

المهم مشي اختار ليهو فستانين طلع الاول

انا : لالالا انا العروس

حسام : ههههه دا لو لبستي سمر بتقتلك وبتقتل نفسها بهظر ياخ كلو ولا الحاجات الكتيره ، الاناقه في البساطه طلع تاني واحد

انا : وااااو دا عجيب ..لالالا لقيتك خطير عديل

اشترينا الفستان والشبط والاكسسوار من نفس المحل ..

أحمد لما جاء داخل المحل شعر بالصدمه 🙉

احمد : مريم شربتي الولد دا شنو اعترفي 😅

انا : انا ذاتي مخلوعه ذيك 🙊

حسام : انتو اكتر اتنين بتنقوا فيني عشان ارجع ذي ماكنت ولما اعمل اي تغير بتتريقوا .. ارجع للمود بتاعي؟

نحن : لالالالا 😂😂😂

قضينا وقت ظريف جدا رجعوني

الداخليه . حسام قال لي انسي ظرافه الليله دي مره في العمر وانتي صادفتيها لكن ما تتعودي 😎

تعلن الخطوط الجوية الاماراتية عن قيام رحلتها رقم 575 لمتوجهه الي مدينة الخرطوم علي جميع الركاب الذهاب عبر البوابة رقم 5 😜

طول الرحلة قاعدة بفكر في اني كيف ح استحمل حركات سمر من غير ما اهلها يحسوا .. لاني متاكده تماما سمر بشخصيتها الجديده حتكون رافضه وجودي ، من سمر سافرت انا ضربت ليها مرتين وهي ولا مره.. مرات لما ماما زينب بتكون بتتكلم معاي بتديها التلفون وهي بتسلم علي عادي وبنتهي كلامنا علي كدا

بعد رحلة طويلة وصلت الخرطوم لقيت عمو عمر ومهند في استقبالي 😍 مهند عامل فيها بخجل من نسيبو وبتونس ب كل هدوء 🙊 شغالتو ، عمو عمر ذاتو قعد يضحك عليهو ، شوفتهم هم الاتنين ردت الروح فيني .. اهم راجلين في حياتي وليهم فضل كتير علي ، وحبهم الصادق لي نعمه من نعم ربنا علي 😍

لما وصلنا شارعنا قلت لعمو عمر خليني انزل حاجاتي في الشقه ، عمو عمر اعترض لكن انا اصريت جدا ، باني محتاجه اقعد في الشقه ومشتاقة لاهلي وفي الشقة دي قعد استعيد كل ذكرياتي معاهم واساسا الشقة امنه .. هبشت عمو عمر في الوتر الحساس ووافق بعد تعب نزلت حاجاتي ومشينا بيتهم ومهند اتخارج مشي بيتهم

ماما زينب استقبلتني استقبال حار بالبكاء والدموع وبعدو اللوم والعتاب .. سمر ومحمد جوا سلموا علي سلام حار برضو ، سمر جنب أهلها ما حتقدر تساخف معاي .. تمينا ونستنا واستاذنت منهم وطلعت مشيت في وسط نقة ماما زينب السكتها عمو عمر بكلامي القلتو ليهو 😀

دخلت الشقة واساسا هي نظيفه ماما زينب نضفتها لانها عارفاني اني حتي لوكنت قعدت معاهم ح اجي هنا كتير ومن ارهاق السفر نمت طوالي ماصحيت الا بتلفون مهند

مهند : مريومتي صباح الخير

انا : صباح النور يا هنودي

مهند : قاعد مع بتاع السكيورتي تحت انزلي المره دي جبت ليك بطارية العربية والزيت والمكانيكي ذاتو هنا عشان ما دايرين درامات المره الفاتت 😂 .. طوالي نزلت ليهم واديتو المفتاح

مهند : مسافة ديل يخلصوا امشي البسي عشان نمشي نفطر بره ونتحدث كثيرا.، قبل ما خالتك زينب تستلمك ..فعلا طلعنا بعد فيلم العربية انتهي

مهند: طنط سعاد والدتي العزيزه قالت فترت مني ومن خطوباتي ههههه وماعندها اي دخل بتفاصيل الخطوبه ما عليها الا تلبس توبها وتمشي ، قالت لي اعمل الشايفو مناسب

انا : التجهيزات خليها علي لكن بعدما يمشوا الرجال للتعارف سوق سمر خليها تختار شبكتها براها ، و ما عندنا اي تجهيزات كلو جاهز جبت معاي شنطه ملانه حاجات بالاضافه للحاجات الانت جبتها كفاية بس نفتش زول يعمل لينا تغليف راقي الحاجات

مهند : ليه يا مريومتي تعبتي نفسك

انا : عشان ما عندي غير اخو واحد 😍 وثم ثانيا الحاجات دي هدية حسام ليك بمناسبة الخطوبه

مهند : نعم نعم حسام عديل اغيب اسبوع منك القي حسام سيطر علي الوضع 😂 ومن متين الصحبه دي

انا : صحبة شنو بس صادفت يوموا الجيد ذي ما هو قال.. حكيت لمهند بالحصل من ماهو سافر وهو ميت بالضحك علي قصة ربا ومكاواتي ليها وظرافه حسام لليوم واحد 😂

ومن هنال الي منزل عمو عمر لمساعدة ماما زينب.. وعمايل سمر معاي انتظروها في الحلقة الجايا

يتبع....

#مريم
بقلم: مريم النصري

الجزء 48

( لتكن شخصاً يُضرب به مثالاً في البشاشة.. ابتسم دائماً، فالابتسامة لا تعني أن الفرح يكسوك.. بل أنك راض بقدر الله.) 😁

وصلت بيت ناس عمو عمر لقيت ماما زينب بتتكلم في التلفون و أشرت لي بيدها علي فوق ☝يعني سمر قاعده فوق .. قمت مشيت عشان ماما زينب ما تحس بشئ .. من وانا طالعة في السلم سامعة صوت الضحك والونسة باين انو معها صحباتها .. دخلت سلمت عليهم وسلمت علي سمر سلام بارد بنفس طريقتها وقعدت .. صحباتها اتنين اول مره اشوفهم

سمر : دي مريم الحكيت ليكم عنها .. صحباتها ابتسموا لي 😆

أنا : اتشرفنا 😀 ان شاءالله حكاوي خير ياسمر

سمر : كنت بحكي ليهم في قصتنا حبنا انا ومهند 😍 وسالوني كيف اتعرفنا لبعض قلت ليهم زميل صحبتي وبكدا جات سيرتك

انا : تمام طيب لكن ياريت لو كنتي حكيتي عني اني كنت اختك ورفيقة دربك بدل اني زميلة مهند .. يلا يا جكس عن اذنكم ابتسمت ليهم وطلعت منهم مشيت لماما زينب 😁

انا : مالك يا ماما زينب صاره لنفسك 😂

ماما زينب : ههههه ما لاقيه زول اصر ليهو قلت اخير اصر لنفسي

انا : خير مالك؟ سمر مصره نعمل لتعارف الرجال والخطوبه بوفيه مفتوح قدر ما حاولت اقنعها نختصر موضوع الرجال وكفايه البوفيه في الخطوبه رفضت وعمر زهج من نقتها في الموضوع دا وفك الموضوع فيني قال لي اعملي ليها العايزه عشان نخلص من سكات 🤐

انا : يازوله انتي مالك واجعه قلبك مش عمو عمر قال ليك اعملي ليها الهي عايزاهو .. اشتري دماغك القروش قروش ابوها انتي دافعه حاجه 😂

ماما زينب : صدقتي والله مالي بيهم خليني اجيه نفسي 😂 المشكله هي بتدي فينا في الاوامر بس ومادايره تشتغل .. قالت ليها بحاجاتها هي وبس 😂

انا : ولا يهمك انا عندي كم ماما زينب عشان خاطر عيونك انا البشتغل ليك 😍 يازوله بوفيه بوفيه نمشي للشيف بتاع الفندق نتفق معاهو يظبط بوفيه التعارف والخطوبه .. وياهو دا الفيس ملان مسافه تلبسي اكون طلعت ارقام كم زول نمشي نختار منهم كراسي وترابيز ويجي يظبتوا ليك ديكور في النجيله خلي عمو عمر يدفع بس 😅 وانتي اقعدي اخلفي رجل علي رجل

ماما زينب : تصدقي عجبتني الحركه ياخ الله يخليك لي يا مريومه 😍 اقوم البس

طلعنا انا وماما زينب مشينا ضبطتنا مع الشيف الامور كلها وكمان ظبطتنا موضوع الديكور .. ومشت اشترت ليها توب للخطوبه واليوم كلو حايمين

رجعنا الساعة 10 مساء .. لقينا سمر قاعده بتحضر في التلفزيون .. قعدنا و امها بقت بتحكي ليها عن العملناهو.. واول ما امها طلعت عشان تغير هدومها

سمر : مش يا مريم كان اولي تستشيرني انا ست الحاجه بدل ما تعملي لي حاجاتي بمزاجك 😡

انا : ما عملت حاجه بمزاجي ولا عايزه اتدخل في حاجاتك .. انا ساعدت امك علي حسب الحاجات الهي قالت انكم متفقين عليها.. وسبتها وطوالي طلعت مشيت الشقه

كل يوم بتخلع في سمر اكتر دي ما غيره .. دا كره عديل لكن تكرهني ليه وهي احسن مني ياخ كفايه انها في وسط اهلها.. وماقادره استوعب كيف انو شخصيتها اتبدلت بالطريقة دي.. تصرفاتها الهسي عكس كل تصرفاتها الزمان تماما

صحيت تاني يوم من الصباح مشيت زرت اهلي 😭 ومشيت قضيت باقي اموري العايزه اعملها كلها لاني ما ناويه اقعد بعد الخطوبه وما مشيت بيت ناس سمر واكتفيت بتلفون لماما زينب

اليوم البعدو ، يوم الاتنين كان يوم التعارف.. ماما زينب ضربت لي عشان اجي اقيف مع ناس الديكور .. مشيت ولا طلعت للسمر ولا اشتغلت بيها .. بعد ناس الديكور خلصوا جات عاينت ومشت .. قبل المغرب بشويه جوا ناس البوفيه وقفنا معاهم انا وماما زينب ولقطت اكلت ما خليت شي وهم برصوا في الحاجات 😋

المغرب ناس مهند شرفوا واتعملت ليهم كل الطقوس انا وهنودي الشمارات بالواتس اول ب اول لحدي ما التعارف انتهي وقرروا الخطوبه يوم الجمعه

تاني يوم من الصباح شلت شنطتي ومشيت ناس مهند.. ما تخافوا ما شنطه هدومي شنطه حاجات الخطوبه😅 سلمت عليهم لقيتهم بفطروا قعدت طوالي فطرت بمزاج

مهند : يعني عامله الحاله واحده بطريقه ماعاديه 😂 طيب خلينا نقول ليك اتفضلي اول

طنط سعاد : البيت بيتها 😍

عمو عبدالرحمن : تقوم انت وهي التقعد كان ما عجبك ☺

انا : ينصر دينك يا شريك😍

عم عبدالرحمن : هههه عندنا قعدة في الموضوع دا بعد الفطور

فطرنا واتونسنا موده و مؤيد ديل خشمهم ما بفتحوا بس بضحكوا

قعدت مع عم عبد الرحمن عشان اتناقش معاهو في موضوع الشراكه الطرحتو لمهند

عم عبد الرحمن : ماعندي اعتراض علي الموضوع وعجبتني الفكره اعتراضي علي طريقه الشراكه بس

انا : ليه ؟ طيب قول رأيك انت

عم عبدالرحمن: شوفي يا مريم انا داير ارجع نهائي وعندي قروش كويسه بتاعت نهايه الخدمه وكمان عندي ارض استثمارية انا ح ابيع الحاجات دي بالاضافه لكم حاجه صغيره كده وندخل شراكه بالمناصفه في رأس المال والاسهم .. و بأسمي انا ما ب اسم مهند عشان تكون لاولادي كلهم .. لو وافقتي علي الكلام دا كدا يبقي اتفقنا وفي باقي السنه دي نبدا نجهز الشركه والمعدات ومن السنه الجايا نبدا طو

الي شغل

انا : اتفقنا 🤝.. تاني يوم الخطوبه طوالي نعمل اجتماع مع عمو عمر وعمو عثمان دا المستشار القانوني عشان يوضح لينا كل الإجراءات المطلوبه وتتواصلوا تاني مع بعض

عم عبد الرحمن : ربنا يسهل ان شاءالله وتكون شراكتنا ذي خوتك انتي ومهند 😍

مهند : لا كان كدا بختكم معناتو شراكه للابد 😍 .. عن اذنك يا حاج ممكن تسلفني شريكتك دي بعد دا

عم عبد الرحمن : هههه اتفضلوا

انا : مهند امشي جيب الحاجات الانت جبتها .. بعد شويه جاء شايل لي شنطتين كبار .. سجمي دا كلو جبتو من وين

مهند : الشنطة دي الجبتها انا فيها الحاجات الاشتريتوها معاي انتي والبنات.. والشنطه دي ادتني ليها سمر امبارح فيها الحاجات الاشترينها أنا وهي

انا : وطيب بتنق ليه ما يا هو دا الحاجات كتيره .. نحن قاعدين جات طنط سعاد تشوف الحاجات 🙊

مهند : انتي يامريم مش قلتي ما دايره تعرفي التفاصيل ، و بس بتلبسي توبك وبتمشي 🙊

انا : هههه الشمار حرقني اعمل شنو 🙈

طنط سعاد : حرقني شديد 🙈

بنتونس لما ظبطتنا الحاجات وعرفنا الناقص شنو ، وجات البت الحتتغلف الحاجات شافتها واتفقنا معها ، وطنط سعاد قالت خلاص هي حتشاركنا بالحلاوه والمكسرات والعصائر المعلبة

طلعنا من ناس مهند انا مشيت علي البيت .. وهو مشي يسوق سمر يشتروا الشبكه سمر كانت وافقه منتظراهو في الشارع وبتتونس مع بت الجيران شافتنا لما دخلنا وراء بعض

تاني يوم كنت في بيتهم بجهز في الحاجات مع ماما زينب .. نزلت هي وصحباتها لما شافتني عاينت لي من فوق لتحت واتكلمت مع امها انها ماشه تعمل جلسه فيشيل هي و صحباتها .. امها قالت ليها خلاص خلي مريم تمشي معاكم بعدين نجي تم باقي الحاجات .. قالت ليها مريم قالت ما محتاجه تعمل عملتو من لندن 😅 .. ما اشتغلت بيها خلصت شغلتي وطلعت مشيت الشقة

المساء طلعت غشيت ناس مهند وديت ليهم حاجات كانت طالبها البت بتاعت التغليف..

مهند: انزلي ياخ اتونسي

انا : مستعجله ماشه ناس نانا

مهند : اوووف منك كنت عايزه العربيه ابوي الليله مستلم العربيه انا عندي مشوار مهم ياخ

انا : طيب يلا .. نزلني عند ناس نانا وامشي مشوارك .. دخل بيتهم شال ليهو كيس ومشينا..لما وصلنا ناس نانا

مهند : ح انزل اسلم عليهم واعزمهم بالمره للخطوبه ماقصروا معانا المره الفاتت غير هسي حسام رسل الحاجات

نزلنا سلمنا عليهم واتونسنا وطلع انو اصلا عمو عمر ضرب عزم ابوهم و ماما زينب طوالي معاهو عزمت نانا والبنات ،اتعرفت علي نانا لما نانا ودت ليهم الشنطه الرسلتها مع احمد صلاح

تمينا ونستنا و طلعنا منهم

انا : خلاص ياهنودي نزلني في البيت وامشي

مهند : عليك الله ارح معاي ونسيني في الشارع .. ماشي بس اول أمدرمان اسلم الحاجات دي لزول ونرجع طوالي .. مشيت معاهو واول ام درمان دي طلعت سقط لقط ثوره من الثورات البعيده 😔 .. في الطريق سمر ضربت ليهو اتكلموا مع بعض مسافه وفي النهاية.. قال ليها ياسمر قلت ليك ما كان في الطريقة وما كان معاي عربيه الليله .. وهسي الا مشيت مشواري بعربية مريم وتلتلتها هي ذاتها المسكينه معاي .. نقنقوا مسافه وقفلوا.. وانا طوالي غيرت الموضوع عشان ما اخش في نقاشاتهم

جاء يوم الخطوبه كانوا عاملنها في الصاله بتاعت الفندق .. سمر من الظهر شالت حاجاتها ومعها صحباتها ماشين لخبيرة التجميل الحاجزين عندها لما نزلت لقتني تحت ما سلمت علي ماركزت مع الموضوع.

ضرب لي مهند الساعه 6 قال لي سمر فاجاتني انها عامله تصوير اوت دور في الفندق انا هسي ح البس سريع وامشي عليهم طوالي في الفندق مافي زمن .. انتي جيبي موده ومؤيد وتعالوا محصلننا .. طوالي قطعتوا معاهو قلت ليهو انا ما جايا سوق اخوانك معاك انا بجي بعد المغرب مع ماما زينب مهند نقنق وقفل

ذي الساعه 8 مشينا انا وماما زينب ونحن داخلين لقيانهم بتصوروا جوه الفندق معاها صحباتها بس ، حتي اخوان مهند ذاتهم مافي .. مهند طوالي جر المصور وجانا انا وماما زينب اتصور معانا وقال للمصور دايرين صوره برانا انا واختي دي ماما زينب ذاتها كانت لسه واقفه وبتضحك علي وقفاتنا .. سمر شغاله تحمر لي 😂 ما اشتغلت بيها دخلنا انا وماما زينب الصاله وخليناهم واقفين

ابتدت الخطوبه والحفله والربه انا كنت قاعده مع نانا والبنات في تربيزتهم.. حنين تشيل وتصور فينا مرات نقبل عليها مرات انا ونانا نتعاور ليها مافي زول فينا عاقل غير حلا بس

في اخر غنيه حتي قمت رقصت مع مهند 👏🏼

انتهي مهرجان سمر بخيرو وشرو

مشيت الشقه اول ما فتحت الواتس لقيت مسجات من احمد وحسام

احمد مرسل صورتنا في الخطوبه وبشاغل فيني.. حنين الكلبه كانت بترسل ليهو في الصور رديت عليهو وبعدو شفت مسج حسام

حسام : كتر خير ذوق ود الحسيني الخلاك متالقه 😍

انا : حتذلني بالفستان الاخترتوا لي الرك علي الشماعه 😝

حسام : شماعة شنو يا منكوشه انتي 😂

انا : هههه مالقيت زمن امشي الكوافير كيرلي بالبيبسي كمان لما الضبان كرهني 🙊

حسام : بالجد انتي ما جاده يا مريم في اقتراح اسمو جل ، بديل زيت البيبسي دا فكرتي

فيهو من وين😂

انا : ما لقيت عندي هنا ياخ.. وانت مثقف قدر دا مالك في حاجات البنات ودي ماما زينب قالت لي زمان كانوا بعملوا كدا 😅

حسام : ناسيه جوز الاخوات العندي وطلباتهم الما بتخلص من 😏

انا : بالنكشه حقتي دي برضو كنت نجمه الحفله 😝

حسام : بعد الصوره دي انتي تخرسي خالص 😂😂😂 .. رسل لي صورتنا انا ونانا الاتنين محوصين عيونا ولاوين خشمنا لما كنا بنتعابط مع حنين 🙊

انا : هههههههه نهائي دي ما انا 🙈 مافي اي وجه شبهه بينا

حسام : ههههههههه اقعدي باري نانا دي لما مستقبلك يضيع في ذمتكم دي تصرفات ناس عاقلين

انا : افتكر نانا دي امك.. وبعدين مالها الذ زول وعندها راجل وبنات ذي الورد

حسام : ذي الفي ولد راح في النص كدا 😂

انا: ماعارفه ماقعد يجيبوا سيرتوا 😜

حسام : هههههه ليهم حق ، جايا متين؟

انا : ما تكون بتسال عشان اشتقت لي كمان .. لالالا انت كدا انحرفت عديل مش اتغيرت وبس 😜

حسام : شوق شنو يا ام بيبسي انتي .. داير اوصيك لحاجة 😝

انا : احتمال بعد بكره اها داير شنو؟

حسام : ولا حاجة بس كنت عايز اعرف إجابة سوالي 😎 وما عشان اشتقت ليك .. عشان متاكد انو سمر حتكون ضايقتك وانتي ما حتحكي ومادام راجعه سريع معناها قدرت تضايقك جدا.. يلا اخليك تنومي . تصبحي علي خير

انا : وانت من اهلو

تاني يوم الظهر مشينا انا وعمو عمر لاقينا عمو عثمان وعمو عبدالرحمن ومهند في مطعم قريب من البيت عمو عثمان فهم نحن عايزين شنو وشرح لينا كل الإجراءات وهو حيتابعها لينا. شركة الاخوة علي وشك الظهور 😍

(أجمل ما يحدث في لحظات الخلاف هي الصراحة التي أخفتها المجاملات)

رجعنا انا نزلت في الشقة وعمو عمر مشي بيتهم .. صليت العصر وضربت ل احمد صلاح مكالمه فديو عشان اوريهو المرسم لانو طلب يشوفوا وحسام ذاتو لقيتو في قلب الحدث.. وريتهم وطلعت الصالة بقيت بتونس معاهم .. في الاثناء دي سامعه صوت باب الشقه فتح قلت اكيد دي ماما زينب .. بعد ثواني دخلت سمر بتكورك يا مريم يا الزفته الاسمك مريم

انا : يلا يا شباب اشوف سمر وبرجع ليكم

حسام : خلي الخط فاتح يا مريم واختصريها وما تتناقشي معها وتعالي نواصل وستنا ذي الما حصل شيء

سمر : مش بنادي فيك انا ..

دايره شنو مننا انتي ..

كرهتينا حياتنا واليوم العرفناك فيهو..

ياخ اهلك كانوا اصحاب اهلي وخلاص ماتوا لسه لاصقه فينا ليه..

حنينا عليك وقلنا يتيمه ووقفنا جنبك لما ماتوا ..

لميناك علينا لما عمك المن لحمك ودمك رماك ..

رجعنا ليك حقك السرقوا عمك ..

مستغله شفقه اهلي عليك ومشاركني في امي و ابوي ليه..

دا كلو ما كفاك ودايره تشاركيني في مهند كمان ..

وريتك اني ماعايزاك في علاقتنا وما عزمتك خطوبتي وبرضو جيتي.. واتحشرتي في خطوبتي وسكت ليك ..

طلعتي ونزلتي مع مهند وسكت ليك..

لكن تمشي تعملي شراكه معاهو ومع ابوه كترتيها بعد دا..

حكايتك شنو انتي .. عشان اهلك ماتوا عايزه تستلمي اهلي واهل مهند .. ما تمشي تتلمي علي عمك ولا تفتشي اهلك الاتراك بدل ما تتلصقي في اهل اي زول بتعرفي .. اطلعي من حياتنا يا مريم .. كفايه خلاص

طلعت سمر بعدما قدرت توجعني وتحطمني لكن كلامها حقيقي حتي لو قالتوا ب اسلوب جارح

انا فعلا شاركتها في امها وابوها عشان لقيت عندهم الحنان الفقدتو بعد وفاه اهلي ..

فعلا شاركتها في مهند عشان لقيت فيهو حنية اخواني وحبهم الصادق ..

فعلا بلصق في الناس عشان ما احس بالوحده حتي لو بعمل الحاجات دي بحب وبحسن نيه بس دي الحقيقه

اتذكرت انو أحمد وحسام في الخط قفلت الكاميرا واتكلمت معاهم بالصوت

انا : سوري يا شباب رجاءا لو سمعتوا النقاش الحصل بيني وبين سمر اعتبروا نفسكم ما سمعتوا .. كنا بنقول في شنو ؟

أحمد : انو الحقيرة دي كلامها كلو غلط وما تشتغلي بيها

حسام : انك تركبي اول طياره وتجي لندن

انا : يلا عندي مشوار برجع ليكم تاني

(الموت لا يوجع الموتي ..الموت يوجع الاحياء )

مشيت المقابر ل اهلي بكيييت لاني موجوعه وماعندي حاجه ممكن اعملها غير البكاء ..اول ما المغرب اذن طلعت من المقابر.. مشيت وقفت جنب بيتنا الهو بيت ناس عمو يوسف تميت بكاءي شفت الرجال طالعين من الجامع ، تابعت لحدي ما عمو يوسف وصل جنب البيت .. نزلت ليهو ماعارفه النزلني شنو بس كان نفسي احس اني عندي اهل فعلا

انا : عمو يوسف ازيك

عمو يوسف : استغرب لما شافني .. أهلا الجابك هنا شنو

انا : ولا حاجه بس كنت عايز اسلم عليك

عمو يوسف : الله يسلمك وطوالي مشي دخل البيت

سمر كلامها صح اهو دا عمي المن دمي ما دايرني هم ذنبهم شنو انا اتلصق فيهم

طوالي مشيت وقفت العربية وشلت جوازي وقفلت الشقة وطلعت مشيت عل المطار ..

يتبع....

#مريم
بقلم: مريم النصري

الجزء 49

( أن تفقد أمك وأباك معناه أنك تخسر الجدار الذي تستند إليه، ويجعلك في مهب ريح قد لا ترحم من هم أمثالك! 😭

أن تفقد أمك وأباك معناه أن تفقد السماء التي تجود بنبع الحب والحنان ! 😭

أن تفقد أمك وأباك معناه أن تفقد المظلة التي تحميك من الشرور وتجعلك وحيداً في مواجهة العالم ! 😭

أن تفقد أمك وأباك ليس معناه اليتم فقط، بل يعرف من يتعامل معك أنك وحيداً أمامه وربما أمام طموحه ومطامعه! 😭

أن تفقد أمك وأباك معناه أن تحس بمعنى الوحدة، فقد فقدت من يمد يده ليساعدك ، ولو مدت لك ألف يدٍ فإنها لا تغنى عن يد والدك المليئة بدفء وحنان الأبوة! 😭

أن تفقد أمك وأباك معناه الألم الدائم والحزن العميق والشعور بالضياع والوحدة والفراغ والوحشة إحساس لم يعرفه إلا من جربه و عاشه بمقتضى الحال والمآل إحساس لم يعرفه إلا من ذاق طعم مرارة اليتم ! 😭

أن تفقد أمك وأباك تجربة لا تستطيع اختصارها ولا الهروب منها فهي غصة أبدية فضلت السكنى في وسط الحلق..! 😭

أن تفقد أمك وأباك معناه أنك يتيم واليتم شعور رهيب حيث الوحدة وفقدان الحب والحنين ودفء الوالدين! 😭 ) د.هلال

وصلت المطار وانا ماعارفه اصلا انا مسافره وين 🤔 كل العارفاهو اني عايزه اسافر مكان ما القي فيهو زول بعرفو ، عايزه ابعد من الناس ديل كلهم ، عايزه اكون برااااي وبس 😔

شكلي شكل زول جابوا ليهو خبر وفاه هسي 😭 عيوني من البكاء مورمه ولما ماقادره افتحها ، وفي عز وجعي دا ، شكرت ربنا علي نعمه المال والجواز العندي البخليني اسافر من غير فيزا وجرجره

مديت جوازي للموظف الواقف بره الصاله عاين لي كدا 👀 ودخلني ، اول مره اجي الصاله دي الزحمه والصفوف .. عاينت في الكاونترات عايزه اشوف اقرب طياره ممكن اسافر فيها وما مهم هي ماشه وين .. المهم انو مكان بعيد من هنا

لمحت واحده من موظفات شركه الطيران واقفه .. مشيت سلمت عليها

انا : لو سمحتي يا انسه، ردت قالت لي منال .. طيب يامنال ممكن اعرف الرحلات الفاتحه هسي ، عاينت لي ب استغراب 😯

منال: السعودية الماشه جده والمصريه للقاهره الميزان بقفل بعد نص ساعه .. وفي فلاي دبي ماشه دبي الميزان بقفل بعد الساعه ، خير مالك؟شكل عندك بكاء المات ليك منو؟

(احي النزعه الشماراتيه الخلت البت تساعدني )

انا: بابا 😭 البت دي اتاثرت تاثير وبقت حانه علي انا لما زعلت من نفسي اني كذبت عليها.😔

منال:البركه فيكم ان شاءالله 😭 ممكن اساعدك بشنو ؟؟

انا: عايزه اسافر دبي في الرحله دي .. وريتها جوازي .. ممكن احجز التذكره اونلاين لو عايزه تساعديني شوف لي مكان اعمل منو برنت اوت للتذكره وكمان محتاجه تاشيره خروج بسرعه.. البت الدي ربنا سخرها لي مشت عملت معاي الحاجات دي وباقي إجراءات السفر وقعدت معاي حبه في الصاله ومشت.

بقيت بفكر اقول للناس ديل انا سافرت فجاءه ليه؟.. هم عارفني مسافره بعد يومين ، عمو عمر هين لكن مهند ما حيصدقني وطوالي حيعرف انو السبب سمر 😬 .. طوالي ضربت لحسام

حسام: حرام عليك يامريم ضربنا ليك انا واحمد كتير ومابتردي انتي كويسه

انا : الحمدلله.. اسمع انا مسافره دبي هسي .. ودايراك في خدمه ، تضرب لمهند هسي وتقول ليهو انك ما لامي فيني وماعارف هل انا لقيت حجز وح اقدر اجي لندن بكره ولا لا ؟. لانك قلت لي يا تجي يوم الاتنين تنزلي الترينق يا الفرصه حتضيع علي ، و نبه احمد برضو ولو اتكلمتوا مع اي زول من الشله حتقولوا ليهو نفس القصه

حسام : حاضر .. لكن انتي ليه ماشه دبي اصلا ..مش كانن احسن انك تجي هنا

انا : لاني مخنوقه وما طايقه نفسي خلي انو الاقي ناس ، وانت اكتر زول مفروض تفهم الحاجه دي

حسام : خلاص اوووكي لكن ما تقفلي تلفونك حتي لو ما عايزه تتكلمي مسجات بس عشان اطمن عليك

انا : ان شاءالله .. قفلت منو وضربت لعمو عمر كلمتو نقنق وسكت ، ورسلت مسج لمهند كلمتو ، لو ضربت ليهو حيعرف من صوتي انو حاصله حاجه

وانا في الطياره قررت خلاص ح اتحول من الجامعه وابعد من الناس دي كلها وتاني ما عايزه علاقه مع اي بشر

وصلت دبي الصباح بدري ، ومن المطار للفندق مباشره وتعبانه وماعايزه افكر بلعت حبوبي المنومه وما صحيت الا نص الليل ، لما لقيت الوقت متاخر واصلت نومتي تاني .. الصباح طلعت اقرب محل اشتريت لي هدوم عشان اغير بيها وتاني ما طلعت من الفندق الا وانا مسافره

بالمساء ضربت لمهند هاج وجاط .. وفعلا ذي ما اتوقعت ضرب لحسام حسام اقنعوا دي فرصه بالنسبه لي وهو الاصر علي اني اجي و بكدا مهند صدق 😀

مرت 5 ايام والليله النتيجة بتاعتي دخلت موقع الجامعة شفت النتييجه والحمدلله اعلي معدل في الدفعه مع انو معدلي نقص شويه من معدل السنه الفاتت .. مفروض بعد دا اسافر اشوف موضوع التحويل وفعلا تاني يوم سافرت طوالي ومن غير ما اقول لزول ..

وانا في الطياره كان همي كلو حسام واحمد ما يعرفوا اني جيت بقيت من جواي حقيقي ماعندي رغبه اني الاقي ولا اتكلم مع زول .. ماعارفه الخلاني افكر شنو في مستر مارك انا فعلا محتاجه ا

تكلم مع زول دارس وفاهم ذيو يساعدني اطلع من الحاله الانا فيها .. اول ما نزلت من الطياره طوالي ضربت ليهو قال لي تعالي لي في العيادة رسل لي الموقع وطوالي مشيت ليهو

ما تتخيلوا حركات الدكاتره البجيبوها في التلفزيون الرقاد في الكنبه الشيزلونج وميوزيك والحركات دي عند مستر مارك الوضع مختلف

استقبلتني السكرتيره ودخلتني مكان ذي البلكونه بس كبيره وكلها مقفله بالزجاج والارض نجيله صناعيه وفي ذي مجسم بتاع شلال مويه كبير.. اي شي في المكان دا بحسسك بالطبيعه حتي الجلسه المعمولة فيهو كنبه وكرسين في شكل جزع شجره وكميه من المساند .. المكان في حد ذاتو احساس بالراحه .. شلت مسند وقعدت علي الارض وبقيت بتذكر كيف انا ومستر مارك بقينا اصدقاء

مستر مارك هو دكتور السيكولوجي في جامعتنا درسنا اول سنتين في الجامعه .. محاضرته كانت من احلي المحاضرات وانا وايليف كنا مشاركين معاهو جدا عشان كدا كنا بالنسبه ليهو مميزين.. في واحده من المحاضرات قال اي طالب يطلع ورقه ومن غير ما يكتب اسمو ،ويكتب اكبر حدث او مشكله حصلت ليهو في حياته بطريقه مختصره وحصلت ليهو من كم شهر او سنه .. انا كتبت عن وفاة اسرتي ..

بعد خلصنا جمع الورق وقراهو براهو .. حتي بقي يشيل ورقه ورقه ويقول المشكله المكتوبه فيها وتوقعاته عن التاثير الحصل للزول بسبب المشكله دي .. قرا كل الورق وشال رماهو في السله وطلع ورقتي وقال: اي شي اخر امام الموت هو شي تافه .. كل مشاكلكم الكتبتوها تافه امام المشكله دي واتوقع انو صاحب المشكله دي بقي زول انطوائي بعدما فقد كل عيلته ورجعته للحياه تاني اخدت من زمن طويل وقال عندي شغف اعرف صاحب المشكله لو ما عندو مانع يجيني في المكتب بعد المحاضره

بعد المحاضره مشيت ليهو سلم علي واتونس معاي حبه وقال لي عايزه حاجه يامريم؟؟.. انا ضحكت وقلت ليهو انت العايز وانت الطلبت تقابلني 😂 انا البت الفقدت اسرتها الراجل اتخلع قال لي انتي اخر زول اتوقع تكون الحاجه دي حصلت ليهو .. انتي زوله حيويه وكلك طاقه واجتماعية ما ظاهر فيك ابدا انك ممكن تكوني مريتي بحادثه ذي دي ، طيب انتي ما كنت كاتبه الزمن ، الكلام دا حصل متين؟ .. قلت ليهو قبل 6 شهور من الان ، وتاني اتخلع .. قال لي بالجد انتي زوله قويه جدا لكن من الطبيعي الزول الفي وضعك يبعد من الناس لفتره ويكون عايش مع نفسو وبس .. عشان فعلا يتقبل انو كل اسرتو ذهبت للابد وخلتو وحيد ، حتي يرجع يختلط بالناس .. اتمني بما انك اتجاوزتي المرحله دي ما يجي وقت ترجعي ليها تاني.. ما يجي وقت تحسي فيهو انك ماعايزه الناس وعايزه تكوني براك لانك ما ح تأذي نفسك وبس ح تأذي كل الناس المتعلقين بيك .. ومن وقتها بقي قريب مني وساعدني في تحليل شخصيات اصحابي وشجعني لما قلت ليهو عايزه اكسر خجل راني ونميش واحمد

وهسي دا الحصل لي فعلا انا بقيت ما عايزه ناس في حياتي... جاء مستر مارك سلم علي وشال مسند وقعد قصادي ومن غير ما يسال حكيت ليهو عن الفتره الفاتت كلها حتي مشكلتي مع سمر واني حاليا عايز أبعد من اي زول بعرفه

قال لي اعملي كل العايزاهو لكن كون انك تسيبي الجامعه دا اكبر خطا ممكن ترتكبي في حق نفسك ، كيف تتخلي عن احسن جامعه حتساعدك في تحقيق حلمك و ب احسن طريقة .. و ابعدي من الناس يا مريم لكن من غير ما تاذيهم ، اتكلمي معاهم ووريهم انك محتاجه لفتره تكوني براك وأنهم ما سبب في الحاصل ليك ، أبعدي من الداخليه عشان ماتكوني حولهم ، حتاخدي زمن وتاني براك حتحبي ترجعي لحياتك .. اما مهند ماتفكري تخسريهو لانو هو حيخسر سمر سواء انتي بعدتي او لا لانهم شخصيتين مختلفتين تماما.. وسمر لا تمد للأدمية ب اي صله 😡

طلعت من مستر مارك وانا مقتنعه بكلامو ، ما ح اخلي الجامعه وما ح افكر تاني في حاجه غير تحقيق حلمي

ما مشيت الداخليه ، مشيت فندق وفي خلال اسبوع اجرت استديو قريب من المستشفي ورحلت ..وبتكلم مع كل الناس في حدود من فتره للتانيه عشان ما احسسهم بحاجه ..

الاجازه خلصت وكل الناس جوا .. مشيت الداخليه ولقيت اللمه كالمعتاد سلمت عليهم وقلت ليهم خلونا نتلاقي المساء بره ، وضربت ل احمد وحسام قلت ليهم تعالوا

كل الناس اتلمت المساء وبعد السلام والونسه قلت ليهم ممكن تهدوء انا عايزه اتكلم معاكم فعلا سكتوا وبديت اتكلم

كلكم عارفين اني بعزكم كلكم قدر شنو 😍 وانكم بقيتو عيلتي الحاليه وبرضو كلكم عارفين الظروف الحصلت لي .. انا كنت قايله نفسي اتجاوزت الموضوع دا لكن للأسف حاليا بقي مؤثر فيني جدا لدرجه اني تعبانه نفسيا وما طايقه نفسي ومحتاجه جدا اني اكون براي .. وعشان انتو بتحبوني وبتهمكم مصلحتي ح ترضوا اني ابعد منكم لفتره من غير ما زول منكم يتضايق مني .. لحدي ما اتجاوز المرحلة دي وارجع ذي اول واحسن كمان ، فعشان كدا انا ح ابعد من الداخليه لفتره

راني وايليف قعدوا يبكوا والباقين قعدوا ينقنقوا ومافي زول حسم الفوضي دي غير حسام .. قال ليهم انا اكتر زول قادر افهم مريم وكلامها البتقول فيهو دا .. لاني وصلت مرحله أسوأ من مرحلته

ا دي وكويس انها هسي هي قدرت تقعد تتكلم وتتناقش معاكم انا ما كنت قاعد اتناقش مع زول ولو فعلا بتحبوها وعايزين مصلحتها خلوها علي راحتها .. حتي الناس سكتت شويه

مشيت شلت حاجات من غرفتي في وسط دموع راني وايليف 😭 ومهند طلع يوصلني .. ونحن ماشين قدر ما حاول يعرف انا وصلت المرحله دي ليه ما طلع مني بحاجه.. قلت ليهو الحاجه دي ما ح تاثر علي علاقتنا نحن اخوان للابد بس اديني فرصه اتصالح مع نفسي وارجع ذي ما كنت وخلينا متواصلين بالتلفون وانت اكتر زول مفروض تكون عايز مصلحتي

نزلت المستشفي وبقي ما عندي كلام مع اي زول حسام حدود كلاموا معاي المحاضره والشغل في القسم.. احمد بسلم عليهو لو لقيتو بالصدفه .. اخر يوم بلاقي الشله وهم في الترحيل بسلم عليهم وبس من غير اي ونسه .. ومهند كل يوم بتكلم معاي بالواتس ونستنا عن الجامعه ونهائي ما قعد ادخل معاهو في اي نقاش تاني .. عمو عمر كل يوم جمعه بضرب اسل عليهو هو وماما زينب .. سمر مسحتها من حياتي نهائي ..

بقيت زوله انطوائيه فعلا من البيت للمستشفى ومن المستشفي للبيت ، وارتحت كتير لاني بقيت ما حاسه اني عبء علي زول

مرت 3 شهور وانا بالطريقه دي الي ان ضربت لي راني يوم بالمساء وهي بتبكبي وبتقول لي ايليف انتحرت

يتبع.....

#مريم
بقلم: مريم النصري

الجزء 50

لم أكن اعرفهم رأيتهم علي كرسي الدراسة .. يوم بعد يوم موقف بعد موقف اصبحوا اغلي ما املك 💗

خبر انتحار ايليف نزل علي قلبي كالصاعقة 😭 راني بتبكي في التلفون وما قادره افهم منها حاجه والخط لسه فاتح بعد ثواني .. مهند شال منها السماعه وقال لي نحن في المستشفي الجنبك تعالي .. المستشفي دي اقرب مستشفي للداخلية ، وعلي بعد 5 دقائق من السكن بتاعي لبست اسدال الصلاه اول حاجه لقيتها في وشي وجري علي المستشفي 😭

لما وصلت المستشفي لقيت مهند واقف بره ، واول ما شافني جاء علي

أنا : ايليف حيه؟؟؟ 😭

مهند: كدي قولي بسم الله يامريم ايوا حيه ، هي بلعت علبتين حبوب وهسي دخلوها بعملوا ليها في غسيل معده .. خليتو وجري علي غرفة العمليات لقيت راني ونميش واحمد كلهم قاعدين جنب الغرفة والحزن باين في عيونهم 😞

انا : حصل شنو يا راني فهميني؟؟؟ انا اخر اليوم لما شفتكم ايليف كانت كويسه

راني : منو القال ليك هي كويسه .. هو انتي حاسه بينا ولا عارفه عننا اي حاجه .. ليها كم يوم متشاكله مع مراد ونفسياتها تعبانه 😔 بعدما رجعنا من المستشفى اي زول مشي علي غرفته ، قبل ساعتين ضربت ليها عشان تجي تاكل معاي ما ردت ، مشيت دقيت باب غرفتها وما ردت ، ضربت ليها تاني بقيت سماعه صوت التلفون قلت احتمال في الحمام بعد مسافه تاني مشيت ليها و برضو لا فتحت الباب ولا ردت طوالي مشيت كلمت المشرفه جات فتحت الباب ولقينها نايمه في السرير وجنبها علبتين حبوب ونبضها ضعيف المشرفه طلبت الاسعاف وانا ضربت للشباب

انا : كيف يعني تعمل كدا 😳 انا ماقادره اصدق ايليف بتحب الحياة ومستحيل تفكر تاذي نفسها، وقعدت ابكي ومهند بقي بسكت فيني ، في اللحظات دي طلع احمد صلاح من غرفة العمليات

احمد : الحمدلله ايليف كويسه لكن ادينها مهدي وحنطلعها الغرفه بعد ساعة

انا : احلف يا احمد انها كويسه 😭

احمد : والله العظيم كويسه جدا يا مريم وكلها ساعه وتشوفيها ، يلا مافي داعي تعملوا زحمة هنا وامشوا اقعدوا يا في مكتبي يا في الكافتيريا لحدي ما تطلع انا بجي اناديكم

انا ياداب هديت بعد كلام احمد.. وكلنا مشينا الكافتيريا

انا : ليه ياراني ما ساعدتي ايليف لما عرفتيها متضايقة ومتشاكله مع مراد ؟ ليه خليتها تشيل في قلبها لحدي ما تصل المرحلة دي وتعمل في نفسها كدا؟

راني : انتي بتلوميني انا ؟ انتي السبب يامريم ، انتي ذي ما جمعتينا برضو فرقتينا ، انا وايليف مما نرجع من هنا اي زول بمشي علي غرفته ، وبقي مافي زول فينا عارف اخبار التاني بالتفصيل، ثم ثانيا انتي عارفه انك اقرب واحده من ايليف يعني لو في زول مفروض يحس بيها مفروض تكوني انتي ، لكن انتي البقيتي ما حاسه بزول غير نفسك 😢

نميش : كلامها صح يا مريم نحن بقينا من الترحيل اي زول علي غرفته انتي الكنتي بتصري اننا نتلمه كل يوم😢

احمد : كلنا مفتقدنك يامريم 😢

مصطفي : عارفه يابت يا مريم حتي انا ومهند بقينا ما بنجيش داخليتكم وحتي لو اتلاقينا بنتلاقي بالصدفه 😔

انا : اها يا مهند وانت ماعايز تلومني برضو؟ 😏

مهند : لا .. ممكن تقولي انا اتعودت علي غيابك خلاص ، وشايف المسجات كفايه ذي ما انتي شايفها 😒

قلبي وجعني من كلامهم لاني مفتقداهم اكتر من ما هم مفتقدني و لومت نفسي جدا علي بعدي عنهم .. بعد شوية جاء أحمد صلاح وقال لينا تعالوا خلاص ايليف طلعنها الغرفة

كلنا قمنا مشينا بي وراهو لحدي الغرفه .. واول ما فتحنا ، باب الغرفه و دخلنا لقيت الزينه والتورته وجاتني ايليف ناطه في وشي 😳 وقالت كل سنه وايليف طيبه ، مش نسيتي عيد ميلادي وما عملتي لي عيد ميلاد ذي ماكنتي بتعملي لي كل سنه انا حبيت أذكرك عيد ميلادي بطريقة عمرك ما حتنسيها 😂 انا ما صدقت انها كويسه بس بقيت ماسكها وببكي 😭 وهي بتسكت فيني 😂 يامريم انتي عبيطه ، انتي تصدقي اني انتحر وعشان زول كمان 😂 انا ابوي لما مات ما انتحرت ، ح انتحر عشان مراد 😂 وبعدين مراد مابقدر ازعلني 😍

كلهم بقوا يضحكوا فيها وانا بقيت بدق فيها ، جاء داخل حسام شايل تورته وقال لي التورته القاعدة ديك بتاعت ايليف ، والشايله انا دي بتاعت عوده مريم للحياه 😍

ايليف وراني اي واحده فيهم حاضناني بجهه 👩‍👧‍👧 ومهند بعمل لي علامه ما ما لانهاية بيدو 💞 والاحمدين ونميش اي واحد فيهم عامل لي بي اصابعينو شكل قلب ♡♡♡

ايليف : شنو خلاص كفاها مريم 😬 يلا تعالوا غنوا لي عشان اتمني امنية واطفي الشمعة 😅.. كلنا غنينا ليها واتمنت ماعارفها شنو لكن وقفتنا مسافه حتي طفت الشمعه😂 واي زول بقي بهني فيها بأسلوبه ، انا 🎤 🎤 🎤

Doğum günün kutlu olsun Eilf 🎵 🎶 🎵

Neyse ki doğar 💜💗💖

seni seviyorum 😘😘😘

(عيد ميلاد سعيد .. ايليف 🎶

لحسن الحظ انك ولدت 💜💗💖

احبببببك😘😘😘 )

لمه اصحابي حولي وتعبيرهم عن فقدهم و حبهم لي بالطريقة دي خلت كل الجروح السببتها لي سمر تتمحي

"لا توجد سعادة كتلك التي تشعر بها بحب الجميع لك، وأنت إضافة تعمل على جعلهم أكثر سرور وسعادة

وارتياح. "شارلوت برونتي" 😍

😘😘😘😘😘😘😘😘😘😘😘😘😘😘😘😘😘😘

بعد كل الهيصه الحصلت اصروا اني ارجع الداخليه هسي معاهم .. مشوا معاي الاستديو لميت حاجاتي والي الداخليه من جديد 😍 وبفرحتي بيهم قلت ليهم بما انو بكره الاحد عزومه الغداء علي

وصلنا الداخليه وريمه رجعت لعادتها القديمه .. راني وايليف استلموا السرير وقالو بايتين معاي لانهم مشتاقين لي ،وانا المره دي نمت في نصهم لاني ذاتي مشتاقه ليهم 😍

رجعت خلاص لازعاج وجوطه ايليف من الصباح في عمل الفطور ، وفطورها الملكي 😋 ياهو الاومليت ذاتو ما غيرتو 😂 و عيش برضو محمر بالبيض ياها حركات الاتراك الما بتخليها وماقصرت ختت لينا مربي وقشطه وعصير ،فطرنا واتونسا وحكوا لي شمارات الداخلية الفاتتني

ضرب لي مستر مارك قال لي تعالي لي الساعه 12 في العياده استغربت لانو ما بشتغل يوم الاحد ،طبعا انا كنت بمشي ليهو في ال 3 شهور الفاتت دي، في كل شهر مره بقعد بتكلم معاهو وبحكي ليهو عن التغيرات الحصلت لي (نصيحة لي اي واحده عندها مشكله واثرت علي نفسياتها ماتترد تمشي لدكتور في مشاكل ما بتنفع فيها نصائح من اي زول ساي ، نصائح الناس المختصين بتكون افيد لانهم بنظروا لمشكلتك من جميع النواحي ، وتاثيرها علي الحواليك .. الطبيب النفسي ما بتاع مجانين وبس 😅 بتاع اي زول عاقل وحصلت ليهو مشكله 😉 انا اعقل مني مافي وبرضو مشيت 😂)

(الصديق وطن صغير وآخ لم تلده أمك، ونعمة عظيمة لن يشعر بها إلا من يقدرها) 👬 👫

لبست ومشيت العياده في مواعيدي لمستر مارك لما دخلت لقيت قاعدين معاهو حسام ومهند 😳 اتخلعت طبعا ، عاينو لي وضحكوا

مستر مارك : تفضلي يا مريم هههه ماذا بك لايوجد شخص غريب انهم أصدقائك هههههه..شلت مسند وقعدت

مستر مارك: من قبل شهرين حسام ومهند اتيا الي هنا لطلب المساعدة بشأنك .. انا ارديك الان ان تعرفي تفاصيل ماحدث منهم ،لتعرفي قيمة أصدقائك ولا تفترقين عنهم مره اخري

مهند : لو مفتكره اني اشوفك بالحاله الكنتي فيها واقعد 3 شهور صابر عليك كدا ساي ، وما اسالك تبقي ما بتعرفي اخوك يابت النصري 😜 من اول شهر مشيت لحسام عشان يساعدني واقدر ارجعك ذي اول بحكم انو حسام اكتر زول كان بلاقيك في المستشفي، لكن حسام ذاتو قال انك ما قعد تتكلمي معاهو غير كلمتين 3 في حدود الشغل 😉

حسام : لما جاني مهند وشفتو متاثر وحتي اصحابك الباقين لما الاقيهم كانوا بسالوني عنك باستمرار ، اول زول فكرت في انو ممكن يساعدنا مستر مارك ، لان غير انه طبيب نفسي هو صديقك برضو.. جيناهو انا ومهند وقال لينا انك اصلا متواصله معاهو وبتجيهو جلسات واننا ما نضغط عليك وهو في الوقت المناسب ح يكلمنا ويورينا نتصرف كيف 😉

مستر مارك : في اخر جلسه يامريم لقد قلتي لي انك تشتاقين لأصدقائك بشدة وتودين أن ترجعي لحياتك الطبيعية كما كنتي .. ولكنك لا تودين ايضا ان تحسي بان صداقتهم اتجاهك بدافع الشفقة ، وانا كنت اعلم بانهم يفتقدونك ومحتاجون اليك اكثر مما انتي في احتياجهم مما سمعته من مهند

حسام : مستر مارك ضرب لي بعدما انتي طلعتي منو وقال لي دا الوقت المناسب انو تقربوا كلكم من مريم بس اخلقوا حدث يلمكم وياريت يكون حدث مؤثر تحسسوا فيها بفقد واحد من أصدقائها عشان تعرف قيمة أصدقائها الحقيقيه

مستر مارك: هذا صحيح يامريم ف الانسان بطبيعته يحس بقيمة الاشياء بعد فقدها

مهند : لما حسام كلمني بكلام مستر مارك طوالي جاتني فكرة انتحار ايليف 😂 لاني عارف ايليف بتعني ليك شنو وهي اكتر واحده بعدي طبعا 😉 كانت مفتقداك ، لميت الشلة بربطة المعلم واخرجنا القصة الشفتيها امبارح وبركه الطمرت فيك يابت النصري 😜

مستر مارك : عزيزتي مريم هل تعلمين لماذا انتي غالية علي؟ لانك ادمية بكل ما تعني الكلمة 😍 ماعرفته عنك وعن ماتفعلينه لتساعدين الذين من حولك يجعلني فخورا بك للابد ،انا متاكدا تماما انني سوف اشهد علي نجاحك طالما اني علي قيد الحياة، لان النجاح يليق بك 😍

انا : 😭😭😭😭😭😭

مهند : زعلانه تبكي ، فرحانه تبكي ، هو شنو هو كرهتينا 😜

حسام : كرهتنا شديد، بت عذاب 😜

انا : وانت الدخلك من البداية شنو صحبي ولا كنت صحبي كان بينا يوم واحد جيد وانتهي 😜

حسام :( فجاءه قلب جادي ) عارفه اتدخلت وساعدتهم ليه؟.. عشان دا دين علي لانك ساعدتيني من غير ما تحسي ، انا بقيت ارجع لحسام بتاع زمان بفضلك انتي .. استمديت القوة منك انتي يامريم ..دا ما وقتو بس عندنا قعده في الموضوع دا برانا ☺

مستر مارك : لقد تحدثت مع عميد الكلية و لديك جائزة قيمة من ادارة الجامعة بسبب تفوقك الدراسي واحرازك اعلي معدل لمدة 3 اعوام متتالية 😍 ومد لي ورقه قريتها وقعدت اصرخ نوووو ووووي حيحولونا انا وشلتي كلنا في قروب واحد 😍 لكن بعد 3 شهور بعد التقيم الجاي عشان الطلاب الحيحولهم بدلنا للقروبات التانية التحويل ماياثر علي نفسياتهم واداءهم .. بعد شلت الورقه

بقيت بصفق و اغني ومهند بغني معاي 😂😂😂

Clap along if you feel like a room without a roof

B

ecause I'm happy 👏🏼

Clap along if you feel like happiness is the truth

Because I'm happy 👏🏼

Clap along if you know what happiness is to you

Because I'm happy 👏🏼

Clap along if you feel like that's what you wanna do 👏🏼👏🏼👏🏼👏🏼👏🏼👏🏼👏🏼👏🏼

مستر مارك وحسام بصفقوا معانا وميتين بالضحك 😂😂😂

مستر مارك : عزيزتي مريم

انا: نعم عزيزي مارك 😍

مستر مارك : تذكري هذه العباره

( إذا كنت تملك أصدقاء، إذاً أنت غني) 😘

طلعت وانا طايره من الفرحة مبسوطه جدا ، مشينا المطعم المتفقين نتغداء فيهو جات كل الشله بالاضافه لي احمد صلاح ، اتغدينا وتونسنا وضحكنا

طلعت ليهم الورقه بتاعت تحويلنا كلنا لقروب واحد .. كلهم قعدوا يصرخوا غايتو ايليف قامت رقصت عديل وانا جاملتها حبه 🙊

حسام : عشان حركاتكم دي ما كنت عايزكم تتلموا ، لكن اهو دا قدام الكل لو فكرتوا ساي انتي وايليف انكم تعملوا حاجه وانا سمعت ، من قبل ما تنفذوها بتلقوني فصلتكم تاني 👌🏻

انا : انتظر الراجيك يا ود الحسيني 😉

احمد صلاح: ما تشتغلوا بيهو وتعالي لي ياكيشه اخطط معاك عشان ما تتقبضي ذي المره الفاتت 🙊

استمرت الونسه وكنت كل مره بعاين لواحد فيهم وبتبسط اكتر وانا شايفهو بضحك والفرحه باينه في عيونو 😍

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ} .. العملتو معاي سمر خلاني اكره نفسي واكره الناس لكن دا كان خير لي من رب العالمين ..اني فقدت انسانه قلبها اسود .. وعوضني بدلها بي ناس قلبهم ابيض وحبهم و خوفهم علي حسسني ب اني ملكه 👑 علي عرش الارض

سلامٌ على الدنيــا إذا لم يكن بها

صديق صدوق صادق الوعد منصفا

يتبع.....

#مريم
بقلم: مريم النصري

الجزء 51

من القلب إلى القلب 💞 كل جمعة وأنتم إلى الرحمن أقرب.. كل جمعة وصحائف أعمالكم بالحسنات أثقل..كل جمعة وهمّتكم للجنة أكبر 💞

ابتدا صباح جديد .. صحيت بجرس التلفون وهو بضرب لقيتو مهند

مهند : جمعة مباركة مريومتي 😍

انا : مباركة علينا وعليك يا هنودي .. لكن يعني مصحيني من الدغش كدا ليه 😳 ما ممكن معاك 😡

مهند : عشان مشتاق ليك يا حيوانه انتي.. والايامات الفاتت كلها ما لقينا طريقه نقعد برانا ، اتبريتي مني وانا ماعارف 😭

انا : لسه .. لكن لو ما قفلت الخط وخليتني اتم نومتي ح افكر اني اتبرأ منك ، انجز عايز شنو؟

مهند: ح اجيك الليله في المستشفي بعدما تخلصي نطلع ..محتاجين للجلسه اخويه ياخ .. عندي موضوع مهم

انا : من عيوني .. قفلت من مهند.. الباب دق ياها ايليف .. دخلت وطوالي قعدت في نص السرير

ايليف: في حاله طواريء في الداخلية ولازم نتدخل😎 في برلومه نفس حركات مايلي والبنات بشتكوا منها

انا : ايليف ما حتتدخلي نهائي سامعه 👌 انا المره الفاتت طلعتك من الموضوع عشان المنحه ما تطير منك ، وانا لو اتدخلت المره دي انسي موضوع انو يحولونا في قروب واحد ، براك شفتي حسام بهدد فينا..خلي البنات البشتكوا منها ما يخافوا ويمشوا يشتكوها للمشرفه

ايليف : كلامك صح ، لكن نحن حنسكت لتهديد حسام شفتي قال شنو 😬

انا : لا طبعا .. انتظري بس نتحول وحنعمل فيهو عمايل 😊

ايليف : ايوه كدا 😂 كنت قايلاك اتغيرتي وبقيتي بتسمعي الكلام يا سلام اشعر بالحماس 😄

انا : لا ما تتحمسي ساي ، عشان المره دي الموضوع غير .. المره دي مادايرين نخوف زول عايزين نغير زول

ايليف : مافهمت حنغير منو؟حسام؟؟؟

انا : ايوه .. حسام خطيبتو اتوفت في حادث وبقي عندو عقدة من التعامل مع البنات ، وحاليا رجع شويه يتعامل احسن لكن ما مع اي زول .. مع الناس البعرفهم سلفا ، و شويه معاي عشان انا وهو مرينا بنفس الظروف .. لكن انا عايزه اخلي يرجع يتعامل مع كل البنات عادي

ايليف : فجاءه بقيتي مستر مارك 😂

انا : ههههه ما هو لو كان مشي لمستر مارك عشان نفسه كان ريحنا .. المهم استعدوا انتي و رنو حنجننوا نحن الثلاثه لما يفهم حاجه.. بس خليني اتاكد من مستر مارك انو خطتي صح ولا لا 😉

ايليف : اااخ لو ما كنت بحب مراد كان قبضت في حسام دا 😍 ياخ خليهو في عقدته دي ، عقدته دي ادتوا هيبه زياده

انا : بركه البتحبي مراد لانك لو عملتي لحسام حركات البنات بتاعت الحب دي ياهو الاتعقد زياده .. فشنو استكيني وما تعملي حاجه من راسك

ايليف: اوووكي اتفقنا .. قومي البسي عشان نحصل الترحيل

وصلنا المستشفي واي زول علي قسمو .. بعد شويه جاني احمد صلاح طاير

احمد: مريومه في البريك تجيني عازمك فطور في المكتب😋

انا: عارف احسن حاجه في فتره العزله بتاعتي شنو .. اني كنت مرتاحة من ازعاجكم انتو كلكم 😷 هسي كل مره ناطي لي زول فيكم ،صبحت بمهند وايليف ، وشكلك انت حتتم الناقصة 😂

احمد : مرتاحه مني 3شهور كفاك تعالي ياخ عندي معاك مواضيع ما موضوع..يلا لبعدين منتظرك ☺

تميت شغلي وفي البريك قلت امشي ل احمد بالجد فعلا لي 3 شهور ما طلعت ليهو في مكتبه .. وانا ماشه لمحت ربا ،كنت نسيتها من العلي 😅 والغريبه انها لابسه محتشم وكمان طرحه لالالا اكيد دا واحد من مواضيع أحمد العايز يحكيها لي 😂

دخلت المكتب ل احمد وضرب طلب اكل من بره .. جاء حسام سلم علي وقعد وبعدو بدقايق ربا جات طايره 😅

ربا : حسومي انت هنا.. كنت بفتش عليك وطوالي قعدت جنبه

احمد : بنفس لهجتها ايوه حسومي هنا 😂

ربا : مريم كيفيك ؟ وين انتي ماظاهره ولا انا المختفيه؟

احمد: اكيد انتي المختفية مريومه قاعده جوه القلب 😍

انا : شفت احمد شاني الحرب عليها قلت اغير الموضوع .. قاعده يا ربا بس مزنوقه مع القرايه ، شنو البلوزات الخطيره دي وكمان شكلك بالطرحه تحفه 😍

ربا : تسلمي يا عسل دا ذوق حسومي

عملنا شوبينق مع بعض .. استايلي الجديد الحتشوفي كلو علي ذوق حسومي 😍

انا : لا كان كدا مافي كلام في ذوق حسومي 😉 لكن الرك علي الشماعه

ربا : يلا يا حسومي ياخ مش وعدتني انك حتمشي معاي

احمد : حسومي لما يوعد ما بخلف يلا يا حسومي 😜

انا : ههههه ماتشاغلهم يا احمد ياخ ،ما تشتغلوا بيهو حاقد عليكم عشان ما سايقنو معاكم 😉

حسام : ما ماشين نتفسح ماشين نمر علي المرضي لو عايز يمشي خلي يتفضل معانا 😡

انا : اعصابك ياحسومي 😜

احمد : اقطع وشك يا حسومي عندنا مواضيع خاصه .. حسام رمي احمد بالقلم ومشوا 😂

انا : انت ما حتخلي حركاتك دي يا احمد .. مش قلنا تخلي البت دي في حالها 😅

أحمد : هسي انا وهي في احسن حال.. مما نزلت طبعا لاصقه في حسام وفارضه نفسها عليهو عديل .. وفي يوم دايره تتلاءم علي حسام حسمها قال ليها احمد خط احمر .. من اليوم داك بقت دايره تتظارف معاي وانا بقطعوا معها.. عشان كدا بكاويها

انا : ههه ياخ البت ربنا هداها وبقت محتشمه احتمال برضو خلت الافتراء

أحمد : ما تذكريني 😬 دا احتشام مصتنع

عشان حسام.. القصه كالاتي مما نزلت بتلبس لبس كعب جدا وقدر ماقلت لحسام اتكلم معها .. قال لي الفيني مكفيني وما اتكلم معها.. قبل اسبوعين كان عندنا موتمر يومين في مانشستر .. وهي كان معانا كان لابسه لبس استغفر الله 🙈 والدكاتره كلهم مركزين معها طبعا وهي الموضوع عاجبها.. المهم كنا نازلين في نفس الفندق الفيهو الموتمر.. تاني يوم ونحن نازلين للعشاء لقينا ليك الدنيا مقلوبه وربا متشاكله مع واحد من النزلاء .. قالت حاول يتحرش بيها وبقت تبكي 😭 يازوله حسام قام انتفض ليك فيها وقال ليها ليهو حق يتحرش بيك مادام انتي مرخصه نفسك وعارضه جسمك للكل عايزه الناس تحترمك وانتي مامحترمه نفسك ، بعدما جينا نزلت بالاستايل دا واكيد عشان تعجب حسام لكن موضوع انو حسام الاختار ليها اللبس دا جديد علي ما ح اخلي ود الذين 😅

انا : مش قلنا ما تتدخل بينهم .. ماتسالوا ياخ انت خليك في حالك

احمد : ايوه حالي 😍 انا جايبك عشان حالي دا.. وكان مازفته ربا دي كان هسي اكون حكيت ليك من قبيل

انا : في وقت لاحق عشان البريك انتهي وماتقول لي اخر اليوم عشان ماعندي طريقه

احمد : تمام بكره اخر اليوم خلينا نمشي اي مكان نتكلم انا ذاتي ماعايز اتكلم هنا

انا : اتفقنا يلا الي غدا ان شاءالله

مشيت القسم لحدي ما اخر اليوم جاء وجاء مهند لقيتو واقف بره مع الشله لما جاء الترحيل ايليف قالت لينا يلا مهند قال ليها ما ماشين معاكم وابينا نوريها ماشين وين

ايليف: خلاص قمتوا لحركات السودانين بتاعتكم

مهند : اكيد .. سوداني وخليك سوداني ولا شنو يا مريومتي 😍

انا : اكيد يا هنودي 😍

اتحركنا مشينا في وسط غيظ ايليف وصلنا مطعمنا المفضل انا وهنودي اكلنا واتونسنا ونسه عامه وعرفت منو اخباره واخبار اهلو الفي الفتره الفاتت

مهند : اها احكي ليك عن مشاكلي الخاصه ولا حتقطعي معاي

انا : طوالي تحكي ماعدا اي حاجه خاصه بعلاقتك انت وسمر

مهند : ما تفتكري اني ما ملاحظ لعلاقتك السيئه انتي وسمر الكانت في السودان .. ولو ما انا كنت ضربت لحسام وعرفت منو انك فعلا سافرتي سريع عشان الترينق كنت قلت سمر هي السبب

انا : اسمع يا مهند انا وانت لما عرفنا بعض علاقتنا ماكان فيها سمر وهسي علاقتنا ما حتكون فيها سمر ، سمر بقت بالنسبه لي بت عمو عمر ومراه اخوي وبس اذا ربنا اراد ، انا وسمر مابنفع نكون اخوات ولا صحبات تاني لانو في بينا حاجات اتكسرت وماينفع تتصلح ومن غير ما تسال حاجات ماعندها علاقه بيك ، فعشان خاطر خوتنا الاحلي منها مافي 😍 ابعدني من سمر وقصص سمر

مهند : حاضر يا مريومتي مع انو كنت جايبك عشان اتناقش معاك في حاجه بتخص سمر لكن حبيت وضوحك وصراحتك 😘

انا : انت زول واعي وفاهم وبتعرف تميز الصح من الغلط ادي علاقتكم فتره كافيه وحتي بعدما ترجع السودان ما تعمل خطوه تاني في موضوعك مع سمر الا بعدما تعاشر سمر كويس وتقتنع انها فعلا دي الزوله المناسبه معاك لانك لحدي الان بتلاقي سمر شهر بس في السنه

مهند : معلومتك وصلت يامريومتي 😘

انا : بالمناسبه انا عايزه مساعدتك في موضوع حسام .. وحكيت ليهو بكل الناويه عليهو

مهند : معاك غلبا وغالبا .. والله انا حسام دا بقيت بريدو عديل .. وكمان بعد وقفتو معاي في موضوعك بقيت بحترموا جدا الزول دا ظالم نفسو جدا ولازم يعيش حياته .. وانا متاكد انك انتي الحتقدري تتطلعي خصوصا انو متاثر بيك .. ياخ لما قال ليك انا ساعدت اصحابك عشان دا دين علي لانك ساعدتيني وانا استمديت القوه منك ،والله يا مريومتي في اللحظات ديك كنت فخور جدا انو عندي اخت ذيك كدا 😍

انا : دا شنو جو الافلام الهندي دا 😂 وبالمناسبه شعوركم متبادل انت وحسام لانو هو ذاتو مبسوط منك ومشبه علاقتنا انا وانت بعلاقته هو واحمد .. انتهت ونستنا ومشينا

في الداخليه الحال كما هو رجعت للنوم في الكنبه لانو راني وايليف معاقبني لمده شهر حيبتوا معاي بسبب فتره العزله البعدت فيها عنهم 😂

اصبح يوم جديد ونفس الطقوس الصباحية والي المستشفي 😓

الليله شغاله مع حسام يعني التعب والوقفه .. والسنه دي ضاغط الدفعه كلها ما انا براي .. والناس كلها متجرسه منو لكن برضو مبسوطين لانو حقيقي مستفيدين منو ..بعد انتهت محاضرته الصباحية ومشينا القسم اثناء ما نحن شغالين جات نادتوا ربا اتكلمت معاهو مسافه ومشت .. كانت قاشره بلبسه خطيره باللون البلو .. انا لما جيت اسلمو تقريري قمت شاغلتو

انا : لكن البلو ما خطير عديل يا حسومي 😂 صراحه ذوقك تحفه حتي في الكاجوال 😉

حسام : بالمناسبه يامريم القصه ما ذي ما انتي فاهمه

انا : ما الا افهم لانو الموضوع ما بخصني.. لكن بس عجبني ذوقك وحبيت اشاغلك ولو اتضايقت انا اسفه

حسام : عارفه انك غياظه وغلطان انا العايز اوضح ليك 😡

انا : ما تغلط تاني يا حسومي 😜

حسام : انتي بتكاويني يعني ؟ جدا يا مريم .. امشي يلا بدلي جون وتابعي لي حاله المريض الهو متابعوا وبعد 4 ساعات جيبي لي تقرير عن حالته وما كدا وبس تمشي بعد داك الأرشيف يدوك نسخه من الفايل بتاعو وتكتبي تقر

ير تاني عن مرضه والعلاجات الاخدها طول فتره علاجوا السنين الفاتت الفي المستشفي

انا : خلي روحك رياضيه وما تدخل الشغل مع الصحوبية ☹

حسام : مريم يلا اديني عرض كتافك وكل ساعه ح اجي اشوفك عملتي شنو

حسام اليوم دا انتقم فيهو مني بالجد وطلع عيني 😩 لكن يصبر لي تاني بعرف اكاويهو متين ومع منو 😬 اكيد ح انضم لحزب احمد صلاح 😌

اخر اليوم طلعت مع احمد مشينا قعدنا في كافيه عشان اشوف مالوا .. بقيت كل يوم مع زول وقصتو لما اشتقت للعزله تاني وشكلي ح ارجع ليها قريب 😅😅😅

احمد : باختصار انا وحنين بنحب بعض

انا : ههههه حنين الحسيني.! والله وقعت وانت واقف .. سبحان الله ياها نفس جنك 😂

احمد : الله يفتح عليك حنين اكتر زوله مناسبه معاي بتحب الفرفشه ذي ومن ناحية اخلاق وجمال ونسب مافيها كلام

انا : اها الكلام دا من متين؟ اتاريها الكلبه كانت بترسل ليك الصور بتاعت الخطوبه عشان كانت قاشره .. دقيقه دقيقه حسام عارف؟

احمد : اكيد طبعا وهو الموضوع بدا من حسام 😊 مره حنين مرضت وحسام مشي ليها وانا معاهو طبعا.. هي قرت صيدليه في مانشستر و دي كان اول مره اشوفها 😍 تاني مره كانوا جوا كلهم اجازه لحسام وحسام انتي عارفه كديستو كان قاطعوا معاهم في الطلعات والفسح فبقي مافي زول يطلع معاهم غيري 😊 ومن هنا بدت علاقتنا ك اصحاب وبس ابدا ما كان في شي بينا 💛

طبعا حسام عارف مافي واحده عجباني كل مره اعرف واحده اجي اقول ليهو يا دمها تقيل يا متصنعه يا ... ويا... في يوم قال لي لو داير واحده شبهك بس ياها حنين انتو الاتنين نفس الحركات 😂 انا مشيت الموضوع وماركزت معاهو مع انو عجبني كلام حسام 😉

لما جات نانا اجازه هنا قمت فتحت معها الموضوع .. ياخ نانا اتبسطت وقالت لي انا بوريك تعمل شنو 😂 تقول حنين ما بتها 😅 غايتو يامريم انتي ونانا ذي بعض بتستلموا مواضيع الناس لما تنضجوها ليهم 😂 قامت ورتني اعمل شنو وحسام اختصرنا انا ونانا قال هو اخو العريس وبس ماعندو اي علاقه بي نانا وبناتها😂

المهم بفضل الله ، ونانا وقعت حنين في شباكي وحصلت تفاصيل تانيه كتير لكن المهم انو حاليا انا وحنين بقينا بنحب بعض 😍 والشهر الجاي ابوي وامي حينزلوا السودان يتقدموا رسمي وعايزين نعرس في في الاجازه بتاعتي يعني اجازتكم بتاع نهاية السنه

انا : اييييوي يوووووي ياخ والله الموضوع عجبني وانت وحنين الاتنين فعلا لايقين علي بعض وكمان وقعت في نسب يشرف 😍

احمد : يشرف ساي 😍 اولاد الحسيني كلهم ونعمه التربيه واهم شي ماعندي نسيبه 😅 ياخ نانا دي فردتي.. نسيبه مودرن 😍

انا: هههه احلي نسيبه ، طيب المشكله وين لما قلت لي نتكلم حسستني انو في مشكله

احمد : المشكله في حسام .. عايزاني افرح واتزوج كيف وحسام في الحاله دي 😔وكمان مستحيل اعمل عرس وحسام ما يحضروا براك عارفه حسام رافض يرجع السودان .. فرحتي ناقصه يا مريم بسبب حسام .. وانا والله عملت كل البقدر عليهو وزياده لكن حسام غلبني عديل في موضوع اني اقنعوا يسافر السودان 😭 وبعدما شفت تاثيرك علي حسام بقي ماعندي حل غيرك انتي .. يا انتي الحتقنعيهو يا تاني الا تحصل معجزه من ربنا

انا : انا ذاتي كنت عايزه اتكلم معاك عن حسام و فعلا عايزه اغيروا واخلي يرجع ذي زمان واكيد بمساعدتك و واثقه اني ح اقدر اعمل دا ، لكن موضوع السودان دا ما بقدر اوعدك بيهو لانو حسام بقفلني دايما لما اتكلم معاهو عن الموضوع دا

احمد : يا سلام يا مريومه انا جاهز لاي مساعده وان شاءالله موضوع السودان دا حتقدري عليهو 😍

انا : اوكي خليني بس امشي لمستر مارك واستشيروا وننطلق بعد دا

بعد يومين قابلت مستر مارك وحكيت ليهو قصه حسام

مستر مارك : يا الهي ما كل هذا ، وانتي ماذا تودي ان تفعلي من اجله

انا : في البداية سوف اخلق له جو نفس الجو الذي كان يعيش فيه سابقا .. علي حسب ما عرفته من احمد ، حسام ورامي كانوا مثلنا انا وايليف في الشغب والجن ومشاغله الاخرين وانهم كانوا يحبون المكاواه كتيرا لذلك انا ابتديت في مكاواة حسام لكي اخلق تواصل بينا

مستر مارك: ممتاز لكن الموضوع يحتاج لكثير من الصبر.. لان حسام لن يستجيب لمكاواتك علي الفور وسوف يحاول ان يعاقبك باشياء اخري

انا : هههه هذا ما حدث فعلا انه يعاقبني بالضغط علي في العمل ولكن سوف استحمل ذلك لانني متاكده تماما ان الموضوع لان يطول وسوف يجاريني في المكاواه وبعد مده سوف تصبح علاقتنا قويه

مستر مارك: وماهي خطوتك التاليه بعد ذلك؟؟؟

انا : بعد ان ننضم انا وراني وايليف مره اخري في نفس القروب سوف نتسلط عليه .. حسام يحب مساعده الآخرين لذلك سوف اقرب راني وايليف منه عن طريق طلبهم المساعده منه في مواضيع تخصهم فالانسان يحس بقربه من الشخص الاخر عندما يشاركه في اموره الخاصه

مستر مارك : هههه مارايك ان تعملين كمساعده لي مقابل راتب عالي جدا 😂

انا : هههه كان بالود ولكنني سوف اصبح طبيبه قلب مثل فرح اوغلو 😍

ثم ثانيا لقد جئت اليك كي تساعدني لا لكي اساعدك 😅 لم تقل شئ من عندك حتي هذه اللحظه

مستر مارك : لا يوجد شي اضيفه خطتك ممتازه جدا فقط تحلين بالصبر وسوف اتابع معاك التغيرات اول ب اول 😍

بعد مرور شهرين من مكاواتي لحسام بمساعده احمد وكان محور المكاواه اغلبه ربا وقربه منها .. حسام رحمني من مكاواته بالضغط علي في الشغل وبقي بتناقر معاي بالكلام.. لحدي ما جاء الشهر الثالث حسام بقي هو البجي يكاويني ولو لقاني قاعده صانه بجي يشاعلني .. الموضوع دا خلا ربا تبقي مستقصداني جدا ومرات كتير كانت بتطاعني بكلام ما ظريف وطبعا كلو من وراء حسام لانها عامله فيها لحسام ملاك علي قول احمد

لحدي ما جاء يوم و ربا جات مكتب احمد تسال من حسام وانا كنت قاعده احمد صراحه استفذاها

احمد : حسام حسام ياخ خلي في حاله انتي مفتكره بحركاتك المزيفه دي ولصقتك فيهو ممكن تخلي يفكر فيك

ربا : وليه ما يفكر فيني عشان كنت متزوجه قبل كدا ، عادي جدا ولا انت شايف صحبتك دي احسن مني في حاجه ، بالعكس انا مستواي احسن منها وعيلتي تشرف ومامقطوعه من شجره واخير انا كنت متزوجه ومعروفه اني مابنت بنوت لكن شنو الضمنك واحده ذيها ماعندها ولي بسال منها انها ما دايره علي حل شعرها 😱

احمد : مش قلت ليك يا حسام انها اقذر بت انا عرفتها وانت ما صدقتني

انا وربا الاتنين اتخلعنا 🙆 وقبلنا لقينا حسام واقف وبسمع في كلام ربا

وانا اساسا الناس البمستوي ربا في الكلام دا ما قعد ارد عليهم .. لكن احمد الكنت مستغربه فيهو انو مالو ساكت ليها اتاريهو حسام جاء داخل مع بداية حوارهم هو وربا واحمد الخبيث 😂 سكت لربا عشان تردح قدام حسام

ربا : مشت عليهو والله انا ماكان قصدي يا حسومي احمد الاستفذاني وخلاني اطلع من طوري وعلي العموم انا اسفه يا مريم

انا : ما تعتذري لي ولا عايزاك تعتذري لي .. وانتي لا بتهمني في حاجه ولا بتسوي عندي جنيه واحد .. ولو كنت مستحمله كلامك واسلوبك القذر دا فعشان خاطر حسام المتخيلاهو ماعارف قذارتك.. لكن اهو دا سمع كلامك بنفسه وبقي عارفك.. وهسي حسام ذاتو بطني طمت منو وماعندي ليهو حاجه تاني لاني كنت متخيلاهو بحترمني لكن اهو دا حسام واقف هسي بكل برود بسمع في كلام صحبتو الانتيم الاتهمتني في شرفي وهو ساكت ليها..وقبلت علي حسام

لو ربا ما بتعرفني وبتقول انا مقطوعه من شجره ، انت بتعرف انا منو يا ود الحسيني ، انا مريم الابوي محمد النصري وامي فرح اوغلو الما بستحمل كلمه فيهم والبعرفوهم كلهم بعرفوا اصلهم وفصلهم ما حتجي واحده صايعه ذي صحبتك تعايرني ب اني ماعندي اهل ، ويا ربي لو ربا كانت اتهمت واحده من اخواتك في شرفها كنت حتسكت ليها كدا برضو ولا انت ذاتك ذيها شاكي في شرفي وطلعت خليتهم

جاء احمد طاير ب وراي .. ينصر دينك يا مريومه اديتهم الاتنين درس في الاخلاق وصدقيني بكلامك دا حسام حيقطع علاقته ب ربا تماما

وفعلا دا الحصل حسام قطعوا مع ربا وليهو اسبوع بحاول بعتذر مني وانا قاطعه معاهو وما بتكلم معاهو لحدي ما مشي لمهند ودخلوا في الموضوع ومهند جاني طاير

مهند : مريومتي دا شنو الفيلم الاكشن دا وليه ما حكيتي لي بيهو

انا : وهو يعني الفيلم من سماحتو عشان احكي ليك 😞 بس تقول شنو مكتوب لي اعيش نفس الافلام كل مره مع اصحابي

مهند : 😂 الموضوع جاب ليهو مطاعنات كمان يا مريومتي يا ربي قاصده ساره ولا سمر 😂

انا : هههههههه ياخ ما تضحكني انا عايشه دور الزعل

مهند : غايتو لو ساره ف انا كفتها ليك ولو سمر ما حكيتي لي لو حكيتي لي ممكن اكفتها ليك ب اثر رجعي 😅 ودقيقه دقيقه يعني انتي ما زعلانه من حسام ومصتنعه الزعل

انا : طبعا ما زعلانه البزعلني شنو كمان هو الولد براهو مصدوم طبيعي وجاء اتصدم في صحبتو وانا ما اديتو فرصه يدافع عني وهجت فيهو ومن غير ماتسال

اولا :عشان فعلا كلام احمد صح ربا زوله كعبه ومفروض حسام يبعد عنها وتانيا :هجت فيهو عشان كنت دايره اعرف انا فعلا بقي عندي تاثير علي حسام ولا لا؟؟؟

مهند : مريومتي يا عجيبه انتي واها اتاكدتي ولا لا ؟؟؟

انا: اتاكدت طبعا لاني قدرت اوصل حسام لدرجه انو يسك بت عشان يعتذر منها 😅 يعني انا قدرت اطلع حسام من البيضه الكان فيها وحولته ليرق يعني نحن في مرحله الدودة .. المرحلة الجايا مرحله العذراء ح احوله لشنرقه وح اخليكم انتو كلكم تحاوطوا بكل الاتجهات لحدي ما يتحرر ويبقي فراشه ويطير يمشي لاهلو في السودان ويشارك احمد وحنين فرحتهم

مهند : لالالا يا مريومتي انت ما خطير انت ما صعب 😍 عجبتني مراحل تحويل حسام لفراشه 😂 اها يعني انا ابقي واسطه شر؟

انا : ايون تمشي تقول لحسام مريم زعلانه منك جدا ذي ما احمد قعد يقول ليهو عشان حسام اجتهد زياده ويشوف طرق اخري يعتذر لي بيها

مهند: ان كيدكن عظيم 😂

انا : انت لسه ماشفت الكيد الجاي لسه لقدام اصبر بس

ابتدأ صباح جديد كله فرح .. الليله كلنا بقينا في قروب واحد .. لو شفتو الونسه والضحك الفي القسم كان طالبتوا بتفريقنا مره اخري وكويس اننا ماكنا شغالين مع حسام لانو كان جاهو انهيار عصبي 😂 الزول المبسوط والبريك كلو مقضينو في مكتبو وما بتفرز

وا مننا هو احمد

رجعنا لقينا مهند ومصطفي في انتظارنا تمينا باقي الونسه معاهم واي زول علي غرفته

بليل باب الغرفه دق فتحت لقيتها المشرفه

المشرفه: مساء الخير يامريم .. اتي شاب في الاستقبال يريد مقابلتك لم اسأله عن اسمه ولكنه وسيم ايضا 😅

فشنو ياجماعه ودعتكم عافيه خلوني امشي اشوف الشاب الوسيم

يتبع.....