#الود_معراج
بقلم: جنان

الجزء 04

اها البت القلت ليك شرقتني با سماحته انا قاعد في ركن النقاش لابي لا علي تجيني ليك عشان اشرح لي وقف قدام

السلام عليكم

و عليكم السلام

انت معراج

اي نعم اتفضلي

ممكن تشرح لي التحليله لان ما كنت حاضره الجزاء الاخير قالو لي انت اشطر زول ممكن يشرح لي لان عندي امتحان بعد بكره

قلت لي بس معليش اسف انا زاتي عندي امتحان ما حقدر اشرح ليك

( انا احرجت البت دي وقلبي بتقطع من جواي و اتخنقت و مشيت خليتها واقفه في حتته ديك لان ما بقدر اعاين ليها)

بعد شوي يجو اصحابي في الدفعه بالغت دي بت بحرجوها بهناك قاعده تبكي و اتجرست لي بتعمل كدا،،، ما شتغلت با كلامم كتير لان في راسي في كلام تاني و كان لازم اعصر علي قلبي شديد و اسكت لان ما ينفع اشرح ليها هي بزات،،، المهم بقيت عامل ما يشوفها نهائي و عديت و امتحنت امتحانتي بتاعت السنه الاولي عشان اتفرق لي امونه ممتحنه،،، بقيت امشي الشغل وارجع ازاكر ليها و مرات اقوم بعد صلاة الفجر ازكر لي و كنت مجتهد معها شديد و قالت ديرا تشيل احياء نفسها تدخل صيدليه نهائي ما بخلت علي با شي كنت بساعد و بعصر علي نفسي في اي شي عشان اوفر ليها اي شي ينقص لان ما ناقصه من البنات في شي و انا قلت لي ابوي امونه دي اختي الصغيره و بتي كمان مافي زول مسؤول منها غيري رغم ان ابوي بالعندو ما مقصر و مرتضي نفس الشي،، والحمدلله مجتبي الله وفقو في الشركه ثبتو و الحمدلله كدا بقينا ساترين حالنا و اتعايشنا مع الظروف وامي الحمدلله اتحسنت شديد و عملنا ليها كرامه صغيره قدر حلنا

خلصنا من امتحانات امونه وامي قالت نودي لي امها تقعد مع شوي و تتونس سقت السوق اشتريت لي حجات هي و اخوانها حجات بسيطه قدر الكنت لامي ما ستخسرتو في و ابوي ادها مصاريف و بكره من الصباح و ديتها لي اهلها و قعت اتونست و دعتها و مشيت لي شغلي لان باقي لي اسبوع وانزل السنه الجديده و بالي مشغول مع البت الاحرجتها دي و قلبي واجعني و البت عاجباني لكن انا وين و هي وين و انا مشواري طويل و في راسي امل اكبر من كدا،،، المهم جرت معاي الايام و نزلت الجامعه و البت كل ما تقع عيني في عينها قلبي يعمل شح و شكلها بقت تكرهني شديد و جرت الايام و نتيجه الشهاده طلعت و امونه نجحت جابت 86% والله رفعت راسي تعبي اصلو ما راح ساي و كونها من البيت ممتحنه ياخ دي جات الاولي انا فرحت شديد لمن قربت احضنه بس استخرت 😂😂😂😂 رغم ان نحسبه اختنا لكن الادب لازم و هي العويره تبكي من فرحه عملنا ليها حفله شاي صغيره و نادت صحبتها في الحله و ناس خالتي و خالي و اي زول جاء شايل حاجه و الله زي خيلاني ديل اصلووو ما لاقيت رجال انتهي القصه و بقيت في اقدم ليها و مابعرف الجوطه دي و قدمت لي صيدليه زي ما هي عايزه و الحمدلله شالوها و دخلت الجامعه بعد كدا انا مسولتي كبرت و بقيت اقطع علي نفسي مرات امشي بس با حق المواصلات و ما اكل ولا اشراب اي شي لمن ارجع البيت عشان ما اخليها ناقص شي كنت مدلع شديد اصلو مرتضي اخوي ما عندو في المسواليه شي كتير و عايش دنيا براهو الشغل و مرات يومين ما الاقيهو يا اجي متاخر يا اطلع اخلي نايم و مجتبي شكلو بحب نهائي ما معنا و انا كتر علي و ابوي شغل الحافله ياهو مصاريف البيت بس انا نزلت سنة 3 و كنت شاطر شديد نزلت ترنك في مستشفي و بديت اشتغل عشان اول ما اتخرج اكون با خبرتي ما عارف المنتظريني شنو المهم اطلع من الجامعه امشي الشغل و بقيت يوم شغل يوم ما امشي الشغل امشي المستشفي و حالتي بقت تحنن الكافر و زوالتي البعاين لي من بعيد فجاء اختفت سنة كاااامله ما شايف في الجامعه فتشت با عيوني و مابقدر اسئل منها ما لقيت و قلت لو في نصيبك تلف و تدور و تلقها و جرت بي السنه و دخلت في اخر سنه و دي كانت اصعب حاجه علي انا و امونه و اخر سنه و قصه عجيبه اشتغل اقراء امشي الجامعه بقيت نوم ما بنوم و بقول لم ابراهيم بجي بعد 11 بليل اديني المفتاح اجرد الحسابات و اشتغل اي شي بلقي ناقص و دا كلو وبرسم البسمه في وشي نهائي ما حسست ابوي اني شايل تقييييل و كتر علي و غلبني و شكلي بقي زي عمري 100 سنه هم ساي وانا عيني للناس الاتخرجت قاعدين في ضل الشجره انا كان حظي بقي زيهم ما بموت حسره بس و اليل بشيلو تفكير 💭 و امونه كبرت و بقت حلات الدنيا عليهم و العرسان بقو يطاقشو فينا و اصلو انا كنت اي زول اجي زي العارض بقول لا البت بتقرا لا وانا في اخر سنه لي فوق العلي عيني في امونه الخلاص شافت نفسه بقت بت وبقيت و بتتخطب يقوم راسه دا يخرب بقيت لمن اكون ما عندي محاضره بمشي لي في جامعة اقعد بره احرسه بكون ماسك حجات بقرا و لمن تطلع نرجع سواء غايتو بي غباء مني عيشت في رعب وانا زاتي اتوترته،،،، تاني قلت امونه دي تربيتنا والبت مسكينه شنو راس الحبش الفيني دا خلي تاخد راحته لان كبت الحريه زاتو بجيب الغلط لحدي الباب و نشغلت عنها في قرايتي واطلع من الجامعه امشي المستشفي اطلع منها امشي الدكان افتحو اشتغل ارجع البيت انوم لي ساعه بس ال

فجر ياذن اقوم يعني لمن خلصت و تخرجت كان شيبت عدييييييل و الشيب الفي راسي دا الزمن داك و اصلووو زوالتي تاني ما لاقيتها و باتت في قلبه حسره اخير منها الموت تكون في يدك و ترفسه منك ،،،، شعور كعب شديد و ما بقدر اوصف لكن انا لسه ما بقيت الراجل اليفتح خشمو في بت ناس ما نحنا زاتنا عندنا بت والبنسوي بنلقي فيها،،،، اول ما خلصت وامتحنت ظهرت نتيجتي و جيت الاولي في الدفعه و الله بكيت بكاء تعبي ما راح ساي و جريت علي امي حضنتها و بكيييييت قدرتي طلعت حق كل السنين و الوجع الفي قلبي و نفسي كنت اقعد زي الشافع في حصن امي واقول ليها يمه انا تعبت شدييييد و خلاص داير ارتاح يمه همي كبر يمه انا ديرا اعمل ليك اي شي بس اليد قصيره يمه اعفي لي،،،، لكن قلتو بالدموع و نمت في مكاني دا مع امي في سرير و الله حسيت نفسي زي شافع اتولت دااابي لكن النومه النمته دي 4 سنه لي وراء ما حصل نمته زيها و انا نايم من العصر لحدي الفجر ما في زول سئلني ولا في زول صحاني و نايم زي الميت،، بعد صحيت امي قالت لي كنت بجي اشوفك بتتنفس كويس خفت عليك،،، قلت لي يمه تعباااااان و لسه داير انوم قالت لي قوم صلي الفاتك و الفجر و نوم قمت صليت و دعيت ربنا يفتح علينا و يستر امونه اختي با ود الحلال اليصونه و يخلي لي امي وابوي و اخواني،،، وفي نفسي ان شاء الله القاك تاني و ان شاءالله ما يجيك نصيب قبل ابقي راجل قدرك و قمت علي سريري كملت نومي كنت محتاج ارتاح عشان اعرف داير اعمل شنو لكن انا مقسوم لي الراحه اصح با صوت كواريك وامي تبكي قمت جاري

اليله يا جنو الا كان اخت لي سرير تحت اليمونه دي وانوم اعفي لي سهرتك معاي و زاتو مليتك نقه،، قلت لي العفو والله ان ما شالتك الارض فوق راسنا،،، قال لي باكر الجمعه بجي من بعد صلاة الجمعه و قعدتي معاك طويييييله سوي لينا قراصه با ملاح تقليه،،، قلت لي بس دا طلبك تم و ودعني و مشى

يا رب العباد خيرك علينا تدلوا

نلقي العافية والدين العلينا نحلوا

المكتوبة من الإله العبد بتطلوا

كرتوب الديار بلقالو مطرة تبلوا

يتبع....

#الود_معراج
بقلم: جنان

الجزء 05

اها اصبح الجمعه نشيييييطه ديرا اعمل الفطور عشان الود السمح دا جاي و سويت ديك يالقراصه الماخمش و الملاح الله يعلم با حالو و حبوبه مغيييوزه مني لكن ما ركزت معها و دق الباب خالي مش فتح لي الباب و جاني في المطبخ شايل اكياس استغربت قالي ديل جابم زولك ( هههههه خالي طوالي سوا زوالي) المهم فطرو و قعدنا في ضل الشجره

وقفنا وين

قمت جاري علي صوت بكاء صوت امي و المابغباء و امونه اشوف ليك امونه قاعده في الارض هدومه مليان تراب و شايله طرحته في يدها و امي تبكي معها ما فهمت مالا و قدر ما كوركت فيها لسه تبكي جريت من يدها دخلت الحمام كبيت لي مويه في راسه و اديت كف عشان تفوق قلت لي مالك في شنو قالت لي اولاد ناس فلان الفي الشارع التاني وانا جاي جروني و رموني في الارض و انا بقيت اجري منهم لمن حصلت بديه شرعنا اختفو،،، انا خلاص النار و لعت فيني و جريت المطبخ شلت سكين و جريت و امي تسكلب نهائي ما شتغلت بي وانا عرفت الاولاد و مشيت ليهم في بيتم عدييييل دقيت الباب طلع لي جريتو من رقبتو و قعدنا نضارب و جو اخوانو لمو فيني و طعنتو ليك انا ما شايف قدامي غير ان لو كان عمل لي امونه شي معنها نحنا ما رجال و هم بعرفونو كلنا و يعملو كدا دي قلت ادب،،،، طعنتو و بقيت واقف و طبعا بلغو الشرطه جات ساقتني و شالو هو المستشفي وابوي و اخواني لحقوني في القسم و داااا كووووم براهو ( انا شلت نفس وختيتو وووب عليك يا معراج مسكين) و جرجره و حبسوني والولد حالتو خطيره و دا كلو بتوقف علي الولد اذا مات خلاص انا واذا عاش برضو حاخد عقوبتي لكن تعتبر دفاع عن شرف،، وبيقت محبوس و امي بره ديرا تموت و قالو لي امونه تبكي ليل ونهار و حققو معاي و جابو امونه و حققو معها و اخواني الولد اتعرفت علي واحد تاني كان معاهم صحبو فضل الولد الانا طعنتو لو مات رحت فيها و قاعدين علي جمر انا محبوس،،، خلاص بقيت مجرم لكن ما خجلان لان كنت باخد حق اختي و عديت 10 يوم لمن الولد فاق و الحمدلله الدكتور سمح للشرطة تستجوبو الطعنه طلعت سطحيه ساقو امونه عشان تتعرف علي و اول ما شافتو قعدت تصرخ و دخلت في هستريا لمن رقدو المستشفي،، الله يعلم كانو دايرين يعملو في شنو حسبي الله ونعم الوكيل،،، خلاص ثبت عليهم التهمه حبسو اخوهو ووصحبو و هو عينو علي حراسه لحدي ما يبقي كويس وياخد عقوبتو و انا حكمو علي با 6 شهور و كانو قالو 6 سنه امي تبكي و امونه تبكي بس طمنتها و بقت تجيني كل زياره و غايتو عشت اسوا ايام كل الظروف المرت بي كووووم و كوني اكون قاعد في نص مجرمين دا كوم تاني شديد يا فسدت و طلعت منتهي يا دروشت وانا بقيت ماسك درب المصلايه بس اصلي وادعي و دا الكان مخفف علي والحمدلله انا لا سجاير لا صعود ولا اي شي من ديل ما بعملو والسجن عباره عن كووووم بتاع و سخ حتي البنقو جوه في عديت ال 6 شهور دي و طلعت منها كيف ماعارف لقيتم في البيت راجيني وضابحين لي و امونه دي من شافتني جات جاريه علي مسكتني و تبكي و تقول لي اعفي لي زعلت منها شديد مسكت و قعدنا في الحوش قلت ليهم ديرا اتكلم مع امونه برانا،،، قلت لي امونه انتي اختي وعرضي ما تقولي اعفي لي و تتعاوري انا كنت حقتلو لو اعدموني احسن اموت وانا مدافع عن شرفي،، وامي قالت لي انتي ما مشيتي الجامعه جمتي السنه لي مثلا.،،، قالت لي انا خليت زاتو تاني ما بمشي،،، قلت لي الا الجامعه دي ماعلي كيفك وانا خلصت جامعه بوديك و بجيبك و قمنا و نحنا متصافين و متفقين و دخلت استحميت لان حاسي لي 6 شهور و سخان حمام السجن اخير منو الوسخ،،، بعداك خيلاني جو الكرامه العملنها لي اهلي و يوم كان ظريف حسيت نفسي لي منهم 6 سنين لمن دمعتي نزلت لكن كنت تعبببببان و مجامل اول ما الناس طلعت اجدعت لي في سرير في الحوش نمت لي تاني يوم لمن الشمس جات في وشي،،، قمت اتنفض و اتزكرت اني وراء كتيييير و انزل اشوف الشغل و امشي استخرج شهاتي والله يهون،،، مشيت لي عم ابراهيم عشان اشتغل مع شهر القط قروش استخراج الشهاده و بقيت اشتغل مع ومع اي زول في السوق عتالي و بنضف الدكان و بشتغل الحسابات واي زول داير يرفعو لي كراتين اشيل والله ظهري لمن ارجع نهايه اليوم بكون منتهي،،، ما بقبل اشيل من ابوي قرش ولا من اخواني الراجل المستحيل المر الله بفتح علي و بمثل اني مرتاح و ما ناقصني شي وقصه ان الشهادة ديرا رسوم ما جبت سيرته ليهم و خلصت الشهر،،، واخت مرتبي و مشيت استخرج شهاتي و الجرجره المعروفة المهم بعد 15 يوم بتطلع رجعت لي شغلي تاني و قلت ادخل لي كورس بتاع كمبيوتر 💻 احسن لي و اشوف لي طريقه للخدمة،،، عم ابراهبم قالي بعرف لي زول يفك ليك عشان تكسب زمنك تشتغل والله قربت ابوس رجلينو،،،، مشيت مع و الحمدلله اتوفقت في حتت افك الخدمه دي و نزلت الكورس كنت بمشي بالعصر،،، باخد في 3 ساعات لحدي 8 بكون خلص برجع الدكان تاني امسك شغلي لي 11 بليل و عدت فترت 3 شهور للكورس الحمدلله ظبطت اموري كويس والخدمة بهناك ماشه و كالعاده شغل مافي والقيتو ا

خير منو راتب عم ابراهيم و علي بلقط شغل اليوم باليوم يعني بطلع با قروش كويسه،،، وامونه السنه بدت بقيت امشي اودي و استاذن من شغلي اجيبه وارجع تاني لحدي ما يوم جاء ضيف في الحله لي جيرنا من قطر و الشفع لعبو لي في الكمبيوتر حقو و هو زاتو ما بالحيل علي الكمبيوتر اها قامو نادوني،،، والله ظبطو لي تظبط لمن اتكيف مني و عمل معاي صحوبيه و قال لي داير رقم تلفونك 😂😂😂 طبعا انا ما شتريت موبايل بلم في القروش داير اشتري لي امونه اول المهم اديتو رقم مرتضي اخوي،،، و خلاص رجعت البيت و فكرت امشي السوق لو زول داير يصلحو لي كمبيوتر اي شي و بقيت اعمل كدا اخلص شغلي بدري من عم ابراهيم زي العصر استاذنو لمن لقيت بتاع مكتبه اتفق معاي لو في زول داير يصلحو لي شي يكلمني كدا انبسطه شديد و مشيت المركز الصحي الفي الحله قلت ليهم اشتغل في المعمل قالو لي في ولد ما جاء لو طول في اجازتو بنكلمك طلعت منهم ماعندي امل و رجعت لي روتني الشغل و امونه اودي و اجيبه و الود بتاع المكتبه مرات يرسل لي امشي القط لي قرشين من اي جهاز و هو الحياة بقت ماشه اشريت لي امونه تلفون عشان نطمن عليها اهو حاجه بس ما استايل لكن وسيله تواصل بس و انا مرتضي اخوي جاب لي تلفون ابيت اشيلو لكن تاني قلت ما ازعلو شلتو منو دا كان باب الفرج لي و عديت لي شهر و ناس المركز قالو ديرين اجي اشتغل بليل قلت حلو معاي اكون خلصت شغل في السوق،،،و بقيت مداوم معاهم و الحمدلله بعد الشلهت اطلع من هنا ادخل هنا لكن حامد ربي و شاكر،،،، وفي يوم بعد شهرين يجني مرتضي جاري الحق احلق

نِحَنا بنسوي وما بــنقول سـويـنا

نحنا نفرتِق الكرنه أم صِفوف بـإيدينا

الزول البضيف عَـدم الشداعَه عليـنا

يفهم مِني ويسأل من تـوارخَ النيـنه

نِحنا سهمنا دايماً في المصادِف عالي

نِحـنا العِـندنا الخُلق البِِتاسع التالي

نِحنا اللي المِحن بنشـيلا مـا بنبالي

بِنلوك مُـرهِن لامِـن يجينا الحـالي

يتبع....

#الود_معراج
بقلم: جنان

الجزء 06

جاني مرتضي جاري الحق الحق تلفون جاك من بره انت بقيت تعرف زول بره البلد دي و ما تكلمنا،،،، من وين اعرف زول قاليك منو قال بتصل عليك بعد شوي و انا جيت جاري عشان اصلك،،،، اها في كلامي و كلامو التلفون دق اداني لي،،، الو سلام عليكم اهلين قدر ما زكرني هو منو نسيتو المهم جاي وجاي اتزكرتو والله فرحت كونو اتصل علي لكن ما عرفت سبب الاتصال سلم علي وقالي عملت تلفون ولا لسه قلت عملت تلفون و اديتو رقمي قالي برجع ليك بعد بكره في تلفونك قلت لي ان شاء الله خير،، قال لي كل خير،،، قفلت منو و في استفهمات في راسي غريبه يعني زول ما بعرفو غير بس صلحت لي جهازو و عشان ضيف جيرنا ما شلت منو قروش هو حلف وانا حلفت و قلت لي ضيف جيرنا ياهو ضيفنا،،، امكن داير يرد لي يمكن يمكن فكرت كدا ما وصلت لي شي،،، نمت و صحيت باشرت عملي عادي و كنت مضغوط زاتو لان امونه عندها امتحانات كنت براجع معها و بنتظر لمن تخلص ارجع و مضغوط في الشغل و غايتو بس الحمد لله،،، اها اليومين انتهو و جاني اتصال من نزار اسمو نزار الراجل الصلحت لي الجهاز،،، سلم علي وقالي والله انا داير اخدمك علي الخدمه البسيطه القدمت لي وانت زول تستاهل و قال كلام كتير انا سكتو طوالي قلت لي تصليح جهازك دي ما خدمه انت ضيفنا ودا واجبنا و اعفي لي انا مقابل ما بقبل،،، المهم اتنقشنا كتير،، سئلني شغال شنو وهنا انا زاتي ما عارف شغال شنو 😂😂😂 اقول لي الجوطه دي كلها كيف في النهايه قلت الشغل ما عيب وريتو قالي انا عندي ليك شغل لكن الصراحه مافي مجالك في الكمبيوتر صيانه و برمجة و تنزيل برامج في شركه بتاعت واحد صحبي و انت شكلك راسك نظيف رئيك شنو قلت لي دي ديرا رئي معقواله انا موووووفق طبعا و حعمل كل المستحيل و اشغل راسي،،، قالي خلاص انا حرسل ليك رقمو وانت امشي لي انا حتكلم مع تمام،،، شكرتو شديد و قفلت منو والله ديرا ازغرد عديل والله،،، الحمدلله يارب داير يفرج علي من بعد كرب الحمدلله يارب مشيت فرحت امي و اخواني و ابوي وامونه دي قعدت تبكي لي عديل يا حليله دي اختي وبتي و صحبتي واي شي في حياتنا دخلت لينا الفرحه في بيتنا،،،، المهم بقيت منتظر يرسل لي الرقم،، بكره من الصباح وانا في الشغل رسل لي الرقم و فرحت شديد قمت شحنت رصيد ورجعت لي اشكرو و فهمني اي شي و قالي خلاص اتصل علي وريني الحصل شنو،،، قمت اتصلت علي سلم علي والله اتكلم معاي با احترام شديد و قالي نزار كلمني عندك و منتظرك تجيني يوم الاحد الساعه 11 يعني بعد 5 يوم قفلت منو وانا مبسوط و بشرت عم ابراهيم دا صاحب فضل علي عمري ما انسي لي،،، و باشرت باقي شغلي ويومي وروتني العادي و امونه خلصت امتحانات راسي بقي مرتاح وبالي ما مشغول عليها جرت الايام و جاء يوم الجمعه قلبت هدومي دي كلها مافي شي نافع امشي اقابل بي زول في شركه ههههه فكرت امشي اشتري لي بنطلون و قميص و جزمه والله يعوضني في القروش دي ههههه ما عندي زول بمشي معاي طبعا كلمت امونه قلت لي اخوك ديرا يمشي السوق تمشي معاي قالت اي لكن خلي بكره اليله بجو ناس خالي و ناس امي بيقيلو قلت لي. تمام،،، اها بكره من الصباح لافين في سوق امدرمان انا وهي و نضحك في الاسعار انا ما بتزكر اشتريت لي قميص بتين ولا بنطلون الجامعه دي قاريها با بنطلونين بس 😂😂 ومرات بمشي بالجلابيه عادي،، المهم امونه ما قصرت معاي عزلت لي لبسه ظابطه و جزمه وانا قمت اشريت لي بلوزه عجبته و رجعنا قالت لي بس بعد دا تستحم من شغل السوق دا من اليله لي بكره عشان تنضف هههههه زعلتني ياخ با كلامه دي و شاكلت معها قامت جابت لي صابونته قلت لي بس دا الفضل لي استحم با صابونه بنات فنيت لي صابونته في وشها جرت غايتو هظرنا و اتعاورنا كدا لينا زمن من العواره،،، لكن جد عاينت لي روحي في المرايه انا داير نجاره عدييييييل 😂😂😂 مشيت اول شي حلقت و بعداك جيت اجهز حالي لي بكره لقيت امونه غسلت الهدوم الجبنا جديده و قاعده تكوي في،،، ياخ امونه دي انا ماعارف اجازي كيف نمت وصحيت الفجر و مقلق و متوتر و اول مره امشي لي مقابله شغل و غايتو سايط الدنيا زي ان العروس داخل و امرق و صحيت امونه وامي و كلهم بس بقو قاعدين حارسني شربت قهوه وشاي و تاني قهوه و بقو يضحكو فيني في التوتر دا اخواني وابوي طلعو لي شغلم وانا قلت اطلع 10 لحدي ما احصل والمواصلات وكدا،،، المهم لبست وقشرت وووقسم بالله ماعرفت نفسي سمح عدييييل والله امونه لمن زعردت لمن شافتني ياخ البت دي الدنيا كلها و طلعت شايل دعوات امي و رضها علي بست في راسه وديها ربنا يعدل لي طريقي،،، و مشيت وصف لي الشركه في الخرطوم ركبت طوالي مشيت وصلت اديتو تلفون نزل لي زول تحت طلعت معاهو و مكان تااااااني نظافه شنو وناس شنوووو والقشطه عندهم شكلها تاااااااني انا خشمي دا من الخلعه ما قفلتو فاتح زي الباب 😂😂😂 والله جنس منظر المهم دخلت لاقيت الراجل الجاي لي اسمو باشمهندس محمد سر الختم زول ما شاء الله وجاهت شنو و نظافه شنو حسيت نفسي قدامو وسخاا

اان،،، سلم علي و ضيفني و الله اتعامل معاي تعامل راقي خلاص اها دخلنا في كلام الشغل وقالي نزار قال انت زول مخك نظيف و ممكن تفيدنا شرحت لي حياتي كلها وانا درست شنو و اني عملت كورس بس في الكمبيوتر لكن الباقي اتفقهت في براي قالي نبدا معاك تنزل تحت التدريب لكن بنديك مرتب و من بكره تجيب لي اوراقك واي شي و تجي تبدا معنا قلت لي اوراقي معاي طوالي قالي خلي هنا و بكره تجي من 8 القاك وانا نزار دا زول اخوي يعني البجي منو علي راسي بخدمو والله انا قربت اقوم ابوسو واحضنو فرحت فرح شديد و طلعت منو داير ازغررررد،،، غشيت السوق شلت لي بلح و الشارع كلو ماشي و اوزع في البلح لحدي ما حصلت البيت مسكت امي وامونه في حضني و بكيييييت والله ما عارف بكيت لي لكن حاسي بالخير جايني وان ربنا داير يريحني بعد عذاب،،، قعت احكي لي امي الحصل كلو ابوي كمان جاء حكيت لي و فرح لي فضل امشي لي عم ابراهيم بعد المغرب في بيتو اكلمو و اطلب منو اجازه بس لحدي ما اشوف الشغل دا نهايتو شنو،، والمركز الفي الحله ما حوقف شغل منو لان اصلا بعد المغرب دوامي اها مشيت لي عن ابراهيم وحكيت لي الحصل والله فرح لي التقول ولدو من دمو و قالي مافي اجازه محلك قاعد متي ما جيت راجع حبابك بستو في راسو واخت عفو مني و طلعت مشيت المركز دوامي بخلص 11 بليل خلصت ورجعت راسي شاااطب البس شنو لقيت مرتضي اخوي جايب لي قميصين و بنطلون والله ياخ ما عارف احساسي شنو لكن حسيت با ان الناس دي كلها كانت حاسه بي بس عاجزه تعمل لي شنو لمن جاء و قت يقدرو يقدمو لي شي ما قصرو معاي شكرتو و امونه شالتم غسلتم وكوتم لي رغم اني ما بحب اتعب معاي لكن ما بتديني فرصه بلقي عملت اي شي،،،، اصبح الصباح لبست و طلعت علي الدوام و اصبح صباح دنيا جدييييده و اول مره احس اني زي كل الكنت بشوفم في الشارع لابسين نظيييف و ماشين شغل نظيف احمد ربي الشارع كلو واشكر فضلو و اتصلت على نزار اتشكرو و قالي انا زاتي نازل بعد 15 يوم عندي شغل معاكم قلت خلاص علي تواصل وقفلت منو وصلت الشغل لقيت الباشمهندس محمد منتظرني و راني اشتغل مع منو و بدا معاي التدريب و كنت منظف راسي شديد و الموضوع كان ساهل والحمدلله تعاملم معاي طيب شديد لكن مشكلتي في القششششطه العندهم ااااخخخ وانا مابحب الكلام دا ماااوقتو وبالي مع زوالتي الزمان استمريت معاهم شهر بالشكل دا واتكيفو مني شديد واني بقيت فاهم شغل البرمجه و تنزيل البرامج و دخلو معاي في الصيانة اشتغل في شهر برضو و بعد كدا ثبتوني في الشغل و ثبتو راتبي و ادوني تلفون ياخ ما تلفون لكن طشتي عجيب و ادوني لابتوب لزوم الشغل والله فرحتي ماقادر اوصفه اخبيييييير يا معراج اخيرا ربنا وفقك وسهل ليك امرك اخييير يا الله يا كريم احمدك واشكر فضلك،،، رجعت البيت و بشرت امي و ابوي و اخواني والله فرحو لي شديد و امونه حبييت قلبي لقيت زعلانه قالت لي بقيت ما زي زمان ما بتزاكر لي ما فاضي لي وقعدت تبكي يابت تفرحي لي و لا تبكي،،، قالت لي فرحانه ليك لكن انت خلاث نسيتني،،، قلت لي امونه يا قلبي انتي ما بتتنسي انتي في دمي وانا يوم كل يوم سبت دا حقك برااااك اطلعك اوديك السوق ازاكر ليك الانتي بس اختاري ياخ انتي وش الخير علينا،،، حشيل تلفونك مع تلفوني القديم ابيعم واجيب ليك تلفون سمح و ظريف،، اعفي لي،، اتونست معها شوي و ريتها الحجات الاداني لي في الشغل و قلت لي خت لي اتغدا عشان اصلي المغرب وامشي المركز قالت لي انا زاتي بمشي معاك تاني المركز انزل ترنك انا وصلت سنة 3 بعد دا مفروض اعمل لي ترنك قلت لي خير نمشي سوا و نرجع سواء المهم سقت و مشيت و حنكت لي مع بتاع الصيدليه و خلصنا شغلنا و رجعنا و هي انبسطت من الشغل،،، و ستمر الحال زي ما هو كل يوم احسن من القبلو و فهمت الشغل شديد و بقيت ادرب كمان البجو جداد علي البرمجه و نزار جاء و شاف شغلي انبسط شديد مني و قالي لو لقيت ليك فرصه شغل احسن معاي في قطر حرسل ليك شكرتو وقلت لب ما قصرت معاي والله كفاك كدا قالي تستاهل الخير رغم اني ما بعرفك لكن قلبي انشرح ليك عزمتو عندنا في البيت يوم الجمعه يتغدا معنا نعمل مع الواجب شوي المهم وافق و مشيت خميت السوق كلو دجاج لحمه خضار اي شي عشان يظبطو غداء يليق با ضيفي امي وامونه طباخين و يدهم طاعمه و مرتضي و مجتبي وابوي ما قصرو اي زول جاب مع حجات اتقول عندنا عرس اي شي عملنا لان العملو معاي اعمامي المن دمي ما قدمو لي خدمه زي دي من غير مقابل،،،، جاء يوم الجمعه بعد الصلاه نزار اتصل علي انتظرتو في راس الشارع جاب معاهو اخوه اخواني كلهم قاعدين مكلمم جايني ضيف مافي زول يرتبط يطلع وابوي قاعد اتونسنا والله زول ظريف وبسيط و عادي جدا لا مفتري ولا متعجرف واخوهو زول نكته اها بقو ماشين بعد اتغدو واتونسو قالو يسلمو علي الحجه امي ناديت امي وامي جات سايقه امونه في يدها انا حمرت ليها حميره،،، وامونه طبعا قيامه قايمه بت سمحه با معني الكلمه نحنا نحاحي فيها من اولاد الحله ما مريحنها،،،، كمان امي تمرق معها وجاينا ضي

ف بس كان نفسي اعضيها في الحظه دي،،، سلمت عليهم و امونه رجعت طوالي اها انا مركز مع نزار واخوه الناس ديل ديرين يريلو فيها طوالي قلت. احم احم فاقو من الصدمه قدمتهم انا واخواني الشارع و قالو لينا خلاص انتو المره الجاي تجيب الحاج و الشباب و تجو تتعرفو علي اهلي هنا في بيت المال ودعناهم وانا جري دخلت جوه،،،، امونه المطلعك شنو مع امي،،، قالت لي انا ما كنت طالعه امي خالتي قالت لي ارح معاي،،، قلت لي تاني لو قالت ليك امي اطلعي سلمي قوالي معراج مانعني فهمتي،، مابعرف جاتني غيره كدا عجيبه،،، امونه دي زي الحقتنا و ما لي زول غيرنا ما بعرف كان جاء ود حلال نسوي شنو،،، المهم وضعي بقي كويس في الشغل،،، و وقفت الشغل في المركز و نزلوني في قسم التسويق غير الراتب شغل بالارباح وعربية ياخ دا سعد وهنا في سنتين حصلت المرحله دي والله نزار موصي علي جامد،،، ونزار بقي كل فتره ينط يجينا لمن سافر لي شغلو امونه دي سنه الاخيره تتخرج فرقت نفسي ليها بقت في يدي العربيه اوصل الصباح نهايه اليوم اجيبها و زي ما وعتها كل سبت بطلع حته لكن السنه الاخيره دي مافي مجال للعب السبت والجمعه بس مذاكره و هي مواصله في الترنك بمشي احرس لان الزمن بكون متاخر و برجع لمن خلصتو و اشريت لي داك يا التلفون الما خمج و عملت لي مصروف عشان هي بت طبعا تشتري البخصها كلو و امي كمان العندي كلووووو ليها قلت يا معراج لمن ربنا فتح عليك ما تزكر نفسك بعد دا،،، اها يوم في الشغل قاعد في الابتوب قلت ادخل الفيس بوك اشوف اصحابي بتاعين الجامعه و اشوف دنيا الفيس بوك دي لان ما بالعاده ادخل كتير،،، لقيت منوووووووو لا لا لا ما قادر اصدق قمت فوووق و جيت طاير تاني الولد جاي يجيب لي شاي حضنتو ياه عبرت عم الكان رايح لي و لقيتو رسلت لي طلب صداقه و قاااااعد منتظر تقبل ما شتغلت بي اسبووووع اها دخلت لي صحبي من الجامعه اسمو هيثم سئلت منها قالي الزوله دي في السعوديه مع اهلها المهم عرفت منو حجات و بعد شهر حنت علي قبلت الطلب،،، طوالي رسلت لي سلام عليكم شهرزاد ازيك،، قالت:وعليكم السلام

قلت لي انا معراج الكان قبل اتم رسالتي ردت ل

باقي الحلقه ال 6

لاا ما عايزه اتزكرك ولا عايزه اعرفك

قلت لي استهدي بالله واسمعيني ممكن

قالت لي اكتر من العملتو فيني شكر انا ما طلبت منك غير تشرح لي تقوم تمسح بي الارض كدا انا بكرهك

انا انصدمت 🙄🙄🙄🙄

قلت لي اصبري افهمك حاجه اول شي انا بعتزر ليك وعارف انك ما حتقبلي عزري بالساهل لكن عليك الله افهميني

قالت لي كان ممكن تعتزر في نفس الحظه با طريقه غير العملت

قلت لي ما كان ينفع

المهم اتكلمنا كتيييير عشان بس تقتنع تقبل عزري ما رضت لكن قلت لي انا ما حخليك الا تسامحيني وقفلنا علي كدا

رجعت البيت و انا سرحااان الحمدلله لقيتها وانا كنت خايف تضيع مني لكن انا لحدي هسي ما عارفه ضاعت ولا لسه خاليه

في سرحاني دا يجيني تلفون يقطع افكاري دي الصدمه مافي منو الاتصل الصدمه قاااااال شنوووووو

يتبع.....

#الود_معراج
بقلم: جنان

الجزء 07

الووو اهلين نادر الله يخليك الله يسلمك تسلمي كويسن كلنا،،، قالي كلام بدايتو ما ريحتني انت زول كويس و نحنا وانتو وووقصه راجي الملخص انا،،، قالي والله يا معراج انا كلمت نزار قال ما بكلمك خجلان منك قلت لي خير ان شاء الله يخجل مني كيف ياخ انا الخجلان من جمايلو،،، قالي ياخ العفو،، ادخل ليك في الموضوع عشان ما اطول عليك انا والله داير اجيك عديل بس والله غلبني قلت اتصل عليك،،، قلت قول،، قالي انا ديرا اطلب يد اختك،،،، كشح لي كدا بالضبط 🙄🙄 انا راسي لفه اختي منو قلت لي انا ماعندي اخت،،،، قالي كيف ما عندك اخت وقت جينا اتغدينا معاكم داك مش عرفتنا علي اختك،،،، قلت لي قلت شنو قصدك امونه لا لا ما تقول كدا،،،، قالي مش اختك قلت لي اي اختي بت خالتي متربيه معنا في البيت ياها اختي،،، لكن بس الخلعه يعني خلتني ما اركز،،، قالي اها رئيك شنو قلت لكن البت لسه صغيره،،،، قالي في بت صغيره لكن كدي انت اخد مهلتك و كلم اهلك وانا منتظركم و قالي سلام،،،، يالله انا صبت فيني المطره و اتلخبط و ماعارف اعمل شنو جاتني حمه با برد و حاجه عجيبه ( نادر دا اخو نزار) وانا اعمل شنو اقع وين و الناس ديل ما بتردو نهائي بعد خدمتم لي لكن الرئي رئي امونه وابوي و ابوها،،، لكن اصلي ما موافق لي ما عارف،،،، وشلت اليل تفكير،،،، اصبحت مشيت الشغل وفي راسي كييييف اكلم امونه و كيف اكلم ابوي،،،، و بزات امونه السنه خريجه ما داير اجوط ليها راسه اعمل شنو والراجل منتظر مني رد،،،، الله يسهل خلصت شغل ومشيت لي امونه الجامعه ارجع و قلت لي عازمك غداء بره فرحت فرح وانا والله زعلان من جواي و صلنا طلبت الغدا و انا ما قادر اكل لكن لقيت فرحانه بقيت اكل حته حته عشان ما حسسه حاجه،،، قلت لي امونه عايز اقواليك موضوع،،، طوالي هي بقت منتبه معاي،،، ( ياخ انتو ما عارفين امونه دي رقيقه و طيبه و حنينه كيف) قالت لي مالك يا سيد الناس،،، هي بتقول لي كدا طبعا عشان انا المسؤول منها رغم اني شكلتها في الكلمه دي،،،، لكن قالت لي قليل عليك،،، ما اتمسكت معها خليت با راحته،،، المهم قلت لي امونه في زول متقدم ليك،،، ( الغريبه امونه خجوله نهائي ما خجلت ولا دنقرت بتعاين لي في عيني و واصلت اكل خلعتني) قالت لي اها طيب دا موضوع بالله،،، قلت لي اكيد موضوع،،، قالت لي منو،،، قلت لي نادر اخو نزار متزكره الجيتي سلمتي عليهم،،، ( وانا بعضي في خشمي محروووق منها) هههه قعدت تضحك،،، قلت لي متكيفه خطابك يقعو ويقومو و نحنا نتجهجه،،، قالت لي لا ما بضحك علي كدا،،، قصدي انت بتكلمني لي،،، مش من زمان انت بترفض حتي تجي تكلمني الحصل شنو،،،، قلت لي انتي كنتي صغيره و هسي انتي خلاص خريجه من الجامعه و بتقدري تفكري صح و عقلك كبر وانتي من يومك عاقله لكن الدراسه و شهاتك كانو مهمين،، ( هنا ردت فعلها اتغيرت رفعت يدها من الاكل واستاذنت مشت الحمام و عدت زمن لمن قلقت عليها جات راجعه شكلها زي الكانت بتبكي) سئلت مالك قالت لي لا كحل دخل في عيني حرقني،،، ما صدقتها لكن ما عصرت علي قالت لي يالله نمشي خالتي حتقلقل علي،،، قلت لي ما كملنا كلمنا،،، قالت لي الي تشوف انت انا موافقه علي،،، قلبي وجعني في الحظه دي و قمت حاسبته و مشينا البيت و لا كلمه ما قالت لي في الشارع لحدي ما حصلنا البيت،،، قعت مع ابوي كلمتو و قلت لي يكلم ابو امونه وانا من جواي ما راضي نهائي،،،، بس لو نصيبها ما بقطعو،،، وانا زاتي ما عارف ما راضي لي،،،

شلت الابتوب و دخلت النت رسلت لي شهرزاد

حاولت ارضيها تاني و احنس و كلام كتييييييير بعدين رضت لي والحمد الله

وبدينا من هنا كلام و حكيت لي عن حياتي الماساويه دي لي ما عارف المهم حكيت لي لقيت بت طيوبه و عسل لكن حنكووووشه متعبه شديد،،، و دلووووعه بس الدلع لايق عليها خلصنا و نستنا

و مشيت اشوف غيار بكره لقيت امونه بتكوي لي دنقرت فيها لقيت دموع في البنطلون بتنزل قعت جنبها في الارض و قلت لي امونه مالك،،، ارفعي راسك كلميني،،، قالت لي عيني واجعاني،،، قلت لي امونه انا معراج بتقوالي كدا،،، انا اخوك و صحبك و صحبتك زاتو تقوالي كدا طمنيني عليك من قبيل وقت فتحت معاك الموضوع وانتي كدا لو ما عايزه نادر ما مجبوره نهائي ما عشان خدمني اي شي با دربو،،، قالت لي اذا انت موافق انا موافقه قلت لي انا موافقتي ما بتهم هنا زي البركان و هاج بكت بكي و قامت خلت لي المكوه في البنطلون لمن حرق،،، انا جريت كمان لحقت مالك يابت في شنو قالت لي مافي شي بطني واجعاني تم الهدوم انا ماشه انوم،،، ومشت غرفته هي و امي بنومو سواء،،،، مشيت كملت الهدوم و ما قادر افسر حاجه انا ما راضي بيني وبين نفسي وهي ما عارفه راضيه ولا لا،،، مشيت انوم و اصبحت وديتها الجامعه نهائي الا اسئل حتي تتكلم معاي،،، مشيت شغلي بالي مشغول عليها و كان عندي جري وشغل كتيييير حتاخر فيهو قلت ارجع امونه وارجع الشغل اساهر عندي شغل في اجهزه رجعته البيت و رجعت الشغل بديت الشغل فتحت الفيس لقيت شهرزاد مر

سله لي رديت على و اتونسنا و حكت لي عن نفسها،،،، لكن نهااااااااائي ما نفس الانا كنت خاتي في بالي عنها المهم الله يستر لي قدام،،،،خلصت من شغلي 11 بليل رجعت البيت لقيتم نامو كلهم الا مرتضي اخوي ما جاء لسه و شايف نور غرفه امي وامونه مولع مشيت عليهم ليقت امونه قاعده تقراء سلمت عليها و ناديتها برا عشان امي نايمه،،،، قلت لي كيف انتي وعامل شنو اعفي لي انشغلت ما زاكرت ليك،،، رد كان بارد،،، وانا اول مره اشوف امونه كدا قلبي وجعني من جووووه،، قالت لي اعمل ليك تاكل،،، قلت لي ما عايز،،، قالت لي اكلت بره قلت لي والله ما اتغديت لكن ما عايز،،، قالت لي ماممكن اعمل ليك سندوتش ان شاء الله،، ما انتظرت ردي مشت تعمل لي اكل انا مشيت استحميت و غيرت و جيت لقيت الاكل في صنيه و معاهو عصير قاعد قدام سريري،،، والله ما كان عندي نفس لكن اكلت عشان جابتو لي وتعبت عملتو،،، شلت الصنيه ارجع لقيت بتعمل في شاي قالت لي عايز ،، قلت لي لا حنوم انا.،، طلعت خلتني،،،، انا مشيت سريري والنوم غالبني لحدي الصبح اذن ابوي صحا مشينا صلينا في الجامع و قالي كلمت ابو امونه و قال خير مدام نحنا بنعرف الزول قالي رد علي الولد لكن بعد البت تعرفو توافق،،، ( انا الكلمه دي حرقتني من جوه تعرفو يعني يحبها و تحبو) قلت لي ابوي خير،،، واصلت ما نمت امونه كانت طالعه بدري لبست و ديتها الجامعه و قعت بره الجامعه شربت لي قهوه و مشيت شغلي ،، وبقيت كل يوم اتكلم مع شهرزاد اتعلقت بي و ما تعلقت بي في شي لكن اكتشفت انها من ناس هاي وتاي و لي ساكن امدرمان و لي وبيتكم ملك ولا ايجار و نحنا عندنا و نحنا المهم قلت بتتغير،،، نادر اتصل علي،، قالي ما رديت علي ان شاء الله خير بشر قلت لي كلمت ابوي اتفضلو تعالو ان شاء الله خير بس خطوبه لمن البت توافق،،، اها دا قرب يزغرد لي في التلفون قالي الخميييس نحنا معاكم الخميس دا واقع بعد بكره طبع الزول دا مستعجل استعجال،،،، وانا طالع من الشغل اجيب امونه اتصل علي قالي يوم الخميس بنجي انا وامي واخواني وابوي و عمي وخالي،، قلت لي حباباكم،،، امونه ركبت معاي سلمت علي و ساكته قلت لي امونه في حاجه انتي زعلانه مني قالت لي لا بس مصغوطه شديد عشان نهاية السنه و راسي شاطب قلت لي بس كدا معقواله،،، قالت لي اي قلت خير لمن انا بقيت ما معراج البتحكي لي ما حضغط عليك،،، هنا تاني بقت تبكي و قفت العربيه و ستعدلت قعت ورفعت لي راسه امونه يا قلبي مالك،،، قالت لي انا ما بعرف الزول الجايبنو لي دا.،،، قلت لي ما عايزه ارفضي مافي زول جابرك نهائي وانا قلت ليك كدا وانا معاك ارفضي،،، قالت لي ديرا اسمع رئيك انت ( ياخ زي الدخلت لي سكين في قلبي) قلت رئي في شنو انتي الحتعيشي مع رئي ما مهم قالت لي ديرا اعرف انت موافق عليهو ان يخطبني،،، قلت لي هو زول كويس و ود ناس قالت لي قلت ليك موافق على،،، قلت لي اي و ما قدرت اعاين لي في وشها،،، قشت دموعها و قالت لي انا زاتي موافقه،،، قلت لي جاين بعد بكره هو اهلو قالت لي تمام،،، مشينا البيت وانا قلبي واجعني عليها،،، المهم كلمت ابوي وامي بالناس الجاينا و قلت ليهم نكلم ابوها يمشو يطلبوها منو و نحنا كلنا نمشي هناك،،، اتصلت علي ابوها،( الله راجل لكن قال انتو الربيتوها تتخطب في بيتكم و تتطلع عروس من بيتكم ونحنا بنجي نحضر كل شي) خلاص اتفقنا وامي جهزت لي القائمه بتاعت الطلبات قلت ليها امي ما تعزبي نفسك اي شي بجيبو ليك جاهز و بكره بسوق امونه تشتري ليها فستان او الحاجه الديرا تلبسه و بجيب ليك اي شي ديرا،،، قالت لي خير مشيت اكلم امونه عشان بكره اطلع من الشغل بدري اجي اوديها،،، صدمتني قالت لي بمشي مع اختي السوق بتصل علي تجيني نمشي سوا،،، نهائي ما نقشتها اديتها القروش،،، قالت لي ابوي اداني قروش ( ابوي دي بتقول لي ابوي انا بحكم تربيتا معنا) قلت لي وانا خلاص استغنيتي عني الحاله لسه ما خطبوك زعلت منها ومشيت طوالي،،،، طبعا ما جات لاحاقني ولا شتغلت بي شغله وانا كمان زعلان ما مشيت لي تاني و بكره من الصباح طلعت معاي اوصل الجامعه مافي زول بتكلم مع التاني قالت لي ما تجيني بعدين عشان حطلع السوق مع اختي و برجع البيت قلت لي خير و مشيت وانا مووووجوع يااااخ،،،، المهم مشيت الشغل با زهجتي دي لقيت في شغل تبع الحكومه ناس الارقام الوطنيه دي طالعين نيالا و شيلين ناس مننا انا طوالي قلت ماشي،،، قالو السفر يوم الاحد قلت خير و حنقعد شهر،،، المهم رجعت اتكلم مع شهرزاد حنييينه لو ما عجرفتا عملنا و مستوانا المهم،،، خلصت الساعه 6 كدا و ما رجعت البيت مشيت الشوف الحلويات والفطاير والحجات دي حجزت كلها اشتريت خبيز و حلاوه و فواكه و بسكويت ولبن ما خليت شي ورجعت البيت وديت الحجات وقلت لي امي الحلويات وباقي الحجات بجيب بكره العصر،،، حجزتها،، اخت دعوات امي الحنينه علي و عيني لي امونه ما اتكلمت معاي نهائي و ما قلت لي زول اني عندي سفره قلت بعد يوم بكره ينتهي وامونه جات مع اختها بايته معها غيرت و طلعت فرشي انوم في الحوش جاتن

ي قالت لي اخت ليك تاكل،،،، انا زعلان منها طبعا قلت لي لا شكرا انتي عروس ما تتعبي نفسك انا شبعان،،،، مشت خلتني وانا مغيوز منها رفضت مني اي شي،،، والله انا من الصباح با زعلي ما اكلت شي قمت عملت لي قهوه برااااااااي و رجعت قعت في سريري وزاتو نسيتها ما شربتها نمت صحيت الصباح مشيت الشغل امونه اليله ما حتمشي الجامعه دا كلام امي طبعا تكون نايره قاعده وقت سمعت الكلام دا دمي فار،،، طلعت كملت لبس جزمتي في الشارع ركبت العربيه مشيت الشغل معصور شديد عشان حطلع بدري جازفت الشغل سريع سريع مشيت شلت الحلويات و الحجات الوصتني امي عليها و جزو منه في شارع مرتضي اخوي حيجيب المهم وصلت البيت لقيتو حاجه تاااااانيه بنات خالي جو نظفو و رتبو و غيرو اي شي غيرو الوضع كلو وامونه دي داسنها اصلو ما لاقيتها البيت ملان بنات خالي وخالتي و امها جات و انا ختيت الحجات و شلت لي جلابيه و انسحبت طلعت مشيت بيت ناس خالي قريب مننا استحميت و رقت لي شوي قبل المغرب قمت صليت و رجعت البيت مواعيد الناس حيجو دا كلووووو ما شفت امونه نهائي،،،،، دق لي نادر قالي نحنا في راس الشارع كلمت ابوي و خيلاني و دخلت كلمت امي،،،، وصلو فتحت ليهم الباب و ضيفت الرجال في الصالون و امي وخالتي استغبلو النسوان دخلوهم و الحمدلله انا اليله زول مرسال بما اني اصغر ولد واخواني حيقعدو مع الضيوف وانا زاتي ما نفسي اقعد،،، مشيت شلت المويه و العصير والناس بدت تتكلم وتتعرف و انا راجع اجيب الشاي اسمع امي تقول لي بت خالي يالله خلي امونه تطلع النسوان بسئلو منها تجي شايله الشاي تسلم و توصي امي و انا واقف داير اشوف امونه تقريبا من امس ما شفتها اطول مده من سنين من يوم دخلت بيتنا ما حصل ما شفتها يوووومي،،، المهم حلفت كان تطلع هي وانا شلت الشاي و مشيت لقيت الجماعه خلصو كلامم و ابو نادر قال يسلمو علي العروس انا هنا عملت كدا 😒😒 نعم بيني وبين نفسي ابوي طوالي قالي جيب امونه تسلم حمرت لي ابوي كدا عملت ما سامع طلعت و دخلت وطلعت ودخلت و ناديت ابوي بره قلت لي ما صح

يتبع.....

#الود_معراج
بقلم: جنان

الجزء 08

يمشي يسلم علي هو كيف نحرج نجيب الصالون انا ما موافق يا ابوي قالي خير انت قول كان راجل قول الكلام دا انا قبيل قلت مادوها،،، ههههه ابوي يا جبان خير،،، امهم رجعنا قعدنا مع الرجال و ابو نادر تاني سئل من العروس قلت ليهم اتفضلو جوه سلمو عليها،،، اها مشيت كلمت ناس امي ان جاين الرجال يسلمو،،، لمن شفت اموووونه لمن عيوني رقرقو من الدموع،،، علي جمالا و عاملين لي شعرا ياخ نحنا في البيت قاعده معنا بتلبس طرحه لا عارفين شعره دا طويل ولا قصير ولا مزعمطه،،، يالله خلاص ديرا ارجع اقول ليهم مافي طريقه تشوفو،،، قلت لي امي خلي امونه تخت الطرحه في راسها يامي،،، قالت لي ياخ البيت عروس فكنا من كلامك دا قلت لي امي بمشي بقول لي انا لو ما ختيتي لي في راسها،،، مشت ناديته بره قالت لي المتخلف دا قال تختي الطرحه في راسك هي زاتها من شافتني بقت ترجف و حجبت الطرحه عدييييييل وبالحجاب تهبل اخير تفك الطرحه المهم جو الرجال داخلين وانا وااااقف حرس اعاين من بعيد نادر بعاين لي كيف 😒😒 و كمان سامع بقول لي ابوي ممكن اتكلم مع خلاص داير الطشو كف،،،، ابوي كمان سمح لي و كلم امي يقعدو في الصاله 😏 وانا غلبني القعاد مع الرجال ادخل واطلع وادخل واطلع وانا شايف نادر قاعد يعاين لي كيف تاني شلت لي عصير وديتو ليهم و قعت معاهم و انا بتونس مع نادر واخلي بتلفت علي عشان ما يعاين لي امونه اتغزت منو شديد و هي كمان بقت تتبسم لي و تتكلم براحه قام قال لي انا حاخد رقم امينه ( يالله امونه دي اسمها امينه ههههه ما عندها علاقه با اسمها لكن امونه دا اسم حبوبته وهي تشبها في اي شي خلاص بقي اسم دلع الا في الاوراق الرسميه و زي المناسبه دي لازم يتعرف اسمها) قلت لي تاخد رقمها لي قالي عشان اتواصل معها و نتعرف،،، طوالي هي ملتو رقمها زي الكانت بتغيزني،،، قلت خييييييير،،، مشو الجماعه و الرجال اتفقو ينتظرو الموافقه بعد البت تقول اوكي،،،، و دعناهم و انا جيت زي القم الهايج احمر للبيت كلو لميت العده مع اخواني الفي الصالون و ختيت في المطبخ و نظفت الصالون براي ما انتظرت البنات يجو و شلت فرشي و رقدت في الحوش ما اتكلمت مع زول نهائي و ما قلت لي زول انا مسافر بكره الجمعه اصبحت،،، ما اصبحت زي الناس زاتو نادر الشليق يتصل علي قالي انا المغرب جايكم،،، ما اقدر اسئلو من السبب قلت لي اتفضل قالي جاي براي قلت لي بيتك،،، وانا بعضي في خشمي،،،، المهم كلمت ابوي و كلمت امي،،، جري مشت لي امونه قالت لي خطيبتك قال جاي بعدين المغرب 🙄🙄🙄 خطيبه من بتين،،، اسمع ليك تقول لي امي اي كلمني،،، جيت داخل لي قلت لي قلتي شنوووو قالت لي كلمني امس رسل لي في الواتس،،، قلت لي هو بتيييييين حصل مش امس القريبه دي قالت لي وانت زعلان لي مش انت جبتو لي و موافق انا موووووفقه و حقوالي اليله موافقه لمن يجي،،،،، اكلت نفسي و خشمي و طلعت بتغيزني البت دي خييييييير،،، انتظر المغرب يجي اشوف الاهبل دا جاي لي،،،، المهم جاء فتحت لي الباب شايل الدنيا في يدينو سلمت علي وقلت لي دا شنو قالي امس ما جبت هدايا لي امينه قلت لي مافي داعي ولسه الخطوبه يعني،،، امهم اتفضل في الصالون و ابوي قعد مع اتونس جبت لي العصير ابوي قام خلاني مع جاء داخل جايب مع امونه انا اتحرقت شدييييييد سلمت وقعدت انا احمر لي و هي تتبسم لي،،،، ابوي قام و ناداني،،، قالي خليهم يتكلمو شوي تمام و بعد شوي تاني امشي ليهم،،، طبعا كلام ابوي علي راسي بقيت قاعد في الحوش منتظر و كل شوي ادخل الصالون اشيل حاجه القي تتبسم و تعاين لي و الخو مندااااح يتكلم و يضحك ماعارف بقولها شنو في النهايه غلبني قعدت معاهم قعدت اتونس مع،،، شوي وقال ماشي طوالي قمت وقفت قبلو زاتو ما حنستو يقعد ابوي جاء يحلف علي قلت لي لا الزول دا شغال بكره كتر خيرو قدمتو الباب و جاي جري الحق امونه القي جاريه دخلت جوه كلبه ما انتظرتني المهم شلت الحجات الجابم لي مشيت جدعتهم لي في السرير،،، قلت لي مبسوطه قالت لي اكيد مبسوطه مش انت اخترتو لي مبسووووووووووطه شدييييييد،،،، قلت لي كلام بليل ما وقلت ادب ما بتنفع لسه مافي شي رسمي اخر كلام يكون المغرب فهمتي قالت لي حااااضر الي تقول علي انا حاضر،،، يالله غاظتني زياده المهم انا ماعارف بتصرف كدا لي مشيت نمت من الصباح السبت مشيت عندي كم شغله في المكتب و حجات لزوم السفر عملت ورجعت بعد الظهر كلمت امي وابوي اني مسافر و حيقعد شهر تبع الشغل و امونه كانت في الجامعه لسه بدري علي رجعتها قلت اجي اغسل هدومي مسافه يجي زمنها امشي اجيب غسلت هدومي و جهزت الهدوم النظيفه دخلت الشنطه و جهزت اي شي الا المغسله قلت بليل اكويها،،، ما حعتمد علي امونه مصيره ماشه مننا،،، مشيت اجيبها و الشارع كلو ماسكه تلفونا تتبسم ما اتكلمت معاي،،، وانا ما سئلتها وصلنا البيت اتغدينا لميت هدومي قعت اكوي جات قالت لي خلي انا بكوي ليك قلت لي لا انا قربت اخلص ما. تتعبي نفسك شافت شنطتي قالت لي انت مسافر،،، ولا شنو قلت لي

اي،،، قالت لي ولي ما بتكلمني،، قلت لي انتي عروس و زاتو ما فاضيه لينا الايام دي مافي داعي نشغلك،،، قعدت تبكي لي،، محنت في البسكت قالت لي معراج لي مسافر ( اول مره تقولي معراج) قلت لي شغل قالت لي حتقعد كم،، قلت لي شهر،، قالت لي ماحصل غبت مننا شهر لي كدا قلت لي علي الاقل انتي تكوني اتعرفتي علي نادر و ما اخنقك لمن يجي بكت و مشت خلتني وانا زاتي ما عارف قلت لي كدا لي،،، خلصت حجاتي و ستفت و رقدت نمت قايم 7 صباح قمت الفجر صليت و قعت اجهز امي صحت و امونه شكلها ما نامت جهزت و شلت حجاتي رفعت في العربيه حستلمو مني في المطار رجعت اودع امي وابوي و اشيل رضاهم امونه واااقفه تبكي ساي انا دموعه دي بتورم قلبي،،،، قلت لي مع السلامه خلي بالك من نفسك واقري كويس واي شي يغلبك اتصلي علي خليت ليك الابتوب جوه و جبت ليك كونكت عشان ما تمشي بره لي بحوثاتك وركزي مع قرايتك الله يوفقك ،،، جرت دخلت مني جوه وانا كمان ماقدرت استحمل طلعت طوالي و علي الأمطار ماشين معاي 2 من الشغل و 2 من الداخلية الناس الماشين نشتغل معاهم ( من هنا انا بحي الداخلية واخوي شخصيا ههه) المهم اول ماوصلنا نيالا فتحت تلفوني جاتني رساله بقيت عامل كدا 😮 😮 😮 😮 😮 😮 😮 😮 😮 😮 😮 😮 😮 😮 😮 😮

جنووو اعفي لي ياخ الجمعه دي طولت و مسخت و بريتك لمن عيونك بقو صغااااار نتلاقي بكره يا ستهم

يالله انا جنس الكلام دا بعمل لي حموضه طواااالي

واريتني شهرزاد ولا امونه ولا اي شي بس يمدني با صله مع 😂😂😂

آ همباتي صقر في الدروب واشجيلة

قبال هادا الضراع فك الطرب والتيلة

لي الدرب الطويل ما بتنفع التوصيلة

باكر يا ضراع بيت الحلال نمشيلة

يتبع.....

#الود_معراج
بقلم: جنان

الجزء 09

جاتني رساله من منوووووووو من شهرزاد والمصيبه جابت رقمي من وين يعنب عامله في تقيله لمن طلبت رقمها رفضت و تاني ما سئلتها و اديتها رقمي و كنت ملخوم مع خطوبه امونه الايام الفاتت ما دخلت الفيس ما تكلمت مع،،، ما عارف فرحته ولا زعلت،،، رديت علي مضمون الرساله طمني عليك 😍😍،، المهم قلت اصل الفندق الي حنزل في و ارجع لي ناس البيت اطمنم اني وصلت،،، وصلت و معاي زميلي في الغرفه ولله فرحته ما بحب اكون براي نهائي و اول مره اطلع من بيتنا و اسافر كمان يعني بس عارفين فترته السجن ديك غير ما كنت بره البيت نهائي،،، اتصلت علي ابوي طمنتو و رجعت دقيت لي امي سلمت علي و امونه خطفت التلفون منها،،، سلمت علي قالت لي معراج

لي مشيت خليتني،، قلت لي قلتي شنو ما سامعك قالت لي قصدي لي مشيت خليتنا انا و امي وابوي عارف اتعودنا عليك معنا انا ما مشيت الجامعه منو الحيوديني،،، انا بسمع في وقلبي بتقطع،،، قلت لي انا عندي شغل بعدين انتي اتعودي لان حتفارقينا اكيد،،، قالت لي انا ما حقدر اعيش بره منكم،،، قلت لي دا ما وقت الكلام دا يالله انا حشوف ليك ترحيل يوديك و ارجع ليك با تلفون،،، قفلت منها و ماعارف امونه دي بالنسبه لي حجات كتيره البت الوحيده في حياتي بس انا بعامله زي اختي بظبط و بخاف علي و يعني اكيد عشان احساس راجل يتكلم مع دا حيغيزني ولا ابقي ما راجل،،، قاعد اتكلم مع نفسي لمن فكرت لي روحي ما غيرت هدومي و ماعلمت اي شي،،، قمت استغفرت و استحميت و صليت و طلعنا اتغدينا انا والشباب و من بكره حنبدا يومنا في الشغل،،، رجعنا الفندق و كنت ناسي تلفوني في الغرفه،،، لقيت الفين رساله ديييييشك،،، قعت افتح شهرزاد شهرزاد شهرزاد،،، البت دي مالا عبيطه كدا،، المهم اتصلت اول شي علي ود جيرنا كان عامل ترحيل للبنات واتفقت مع يودي امونه،،، رجعت لي امونه كلمتها و اختصرتها لان كل ما اتكلم معها تبكي وانا البكاء دا ما بقدر علي ( بحضن حننها لو بكت قدامي 😉) بس كنت بستغفر و بقول عيييب المهم قعت با مزاج ارد على شهرزاد والونسه جرت والله بت عسل بسسس العيب انها فرق المستوي المادي و شكلها الماده دي عندها مهمه جدا جدا كل يوم توريني عرض جديد غايتو الصبر،،، نمت الصباح باشرت عملي عادي والله شغل ظريف و دوامم بنتهي بدري 😂😂😂 من 3 خلاص مرت الايام و نفس الروتين و علاقتي مع شهرزاد بتقوي كل يوم هي من زمان عاجباني و اعجبت بي زياده و اي زول عندو الشين والسمح في طبعو لكن البحب بتغير عشان البحبو،،، عده علي اسبوع اتصل لي ابوي قال اهل نادر قالو دايرين يجيبو قولت خير و يعملو خطوبه انا من غير احس قفلت الخط في وش ابوي 😨😨 بقيت عامل كدا،،، استجمعت قواي و رجعت لي ابوي قلت لي الشبكه قطعت،،، قالي الناس ديل ديرين يعملو حاجه رسمي عشان الولد مسافر لي شغلو هم قالو لو في طريقه عقد وانا قلت ليهم البت السنه خريجه فضل لي كم شهر دي لخمه ليها بعد تخلص،،،، قلت لي اتكلم مع امونه شوف رئيها شنو و البتقول خير،،،، قفلت من ابوي لقيت امونه مرسله لي في الواتس،،، سيد الناس حييييلي كلوووو مات من شفت الكلمه دي.،، قلت لي قلبو قوالي،، قالت لي قالو عايزين يخطبوني رسمي قلت لي وانتي رئيك شنو،،، قالت لي انا كنت قيلا الموضوع هظار،،، انا ما بقدر اعرس عديل ما عايزه،،، طوالي قمت كنت راقد و اتصلت على عدييييل،،،، امونه دا كلام شنو،،، لقيت تبكي كالعادة،، يابت روقي و انا برجع ليك اهدي غسيلي و شك و بطلي بكي و برجع ليك،،، قفلت منها و بقيت اعصر في راسي،،، اخت لي ربع ساعه رجعت لي امونه يا قلبي دا كلام شنو مالك،،، قالت لي انا ماكنت فاكره ان جدا حيخطبوني قلت لي يعني معقواله بعد الرجال الجو دي يكون لعب يابت انتي لسه ما كبرتي،،،، قلت لي انتي مش كنتي بتتكلمي مع نادر و مبسوطه،،، قالت لي ابدا هو رسل لي وانا رديت مره و حده و لمن اتصل ما بتكلم مع كتير،،، قلت لي يعني ما عجبك،،، قالت لي بالعكس مافيهو كلام راجل والله،،، بس انا يعني ما بعرف،،، قلت ليها استخيري حاجه ما عايزها اصلو ما بنعمل ليك غصبن عنك،،، قالت لي انا بطمن بعد اتكلم معاك،،، قلت لي مش انا اخوك و اختك و صحبك و صحبتك،، قالت لي وكل شي كمان،،، انا هنا اتشتت الف حته قلت لي يالله استخيري و بكره الفي الخير ربنا يقدم و وريني تمام،،، قفلت منها و انا حااااسي انها ما عايزه بس نادر زول كويس شديد،، وانا ما عارف المهم شغلت نفسي بالونسه مع شهرزاد،، لحدي ما نمت و بكره اتلخمت في للشغل و ما اتصلت على امونه ولا هي اتصلت بعد بكره اتصلت علي من الصباح قلت لي بشري يالعروس ( ماعارف قلت لي كدا لي) قالت لي موافقه و كلمت ابوي،، قلت ربنا يتم علي خير،، قفلت منها سريع في احساس بطني و جعتني لي ما عارف،،، و اصلا شغلي و مواصل في علاقتي مع شهرزاد،، بعد 3 يوم رسلت لي امونه قالت لي عايزه منك طلب،،،، ( امونه تطلب معنها مجاااب طوالي) قلت لي لبيت قوالي،،، قالت لي بس عايزاك ما تخليهم يعقدو خطوبه بس وانا امتحانا

تي قربت ما عايزه اجوط راسي وكمان عايزاك تقول لي نادر ما ديرا جوطه في الخطوبه انا كنت رفضها لكن اصرو يجيبو شبكه،، قلت لي طلبك نافذ انتي تامري،،، قفلت منها اتصلت على نادر و قلت لي معليش بس انت عارف امونه اخر سنه لي مافي داعي لي دا كلو اتفهم الموقف و قال لي حاجه عائليه ان شاء الله بس انا عايز افرحه واعمل شي رسمي عشان هي صراحه زي الخجلانه مني و ما بتتكلم معاي ( في قلبي قلت لي احسن يا اهبل) قلت لي اصلا بتنا مؤدبه ما عندا في الكلام مع الاولاد المهم انت ما تدخل با حمارك هي خطوبه فقققط في حدود ( حمررررت لي عديل في التلفون) قفلت منو و رجعت لي امونه قلت لي خلاث اعتبري الديرا حصل بعد اسبوع قالو الناس ديل خلاص جايين ليهم الخطوبه و كدا وانا لسه فضل لي 10 يوم،،، حدود يومم وانا ما حكون حاضر امونه رفضت لازم بعد اجي انا لكن نادر مسافر ( ههههه اتخيلو قالت ليهم شنو قالت ما ضروري يكون نادر في يعني هي خطوبه) اتصلت على قلت ليها افرحي وان شاء الله انا في الكبيره بكون في قالت لي خير و قفلت شكلها زعلانه ما اتصلت على تاني نهائي لحدي يوم الخطوبه بعد مشو الناس دقيت باركت ليها لقيتها تبكي كالعادة يعنب البت دي الدموع عندها اسهل شي،،، ما قدرت استحمل قفلت طوالي،،،، بقيت اتكلم مع شهرزاد واعرف عنها اكتر قالت لي بعد 15 يوم نازله السودان عندنا عرس،،، 😍😍😍 قلت لي بكون رجعت و حشوووفك اكيييد قالت لي اكيد،،، بقيت احسب في الايام بتييين اخلص وارجع و الايام جرت سريع بقي لي يومين جهزت حالي و مشيت السوق امي كانت موصياني لي حجات بلديه اشتريت و شتريت لي ريحه لي امونه و يوم السفر جاء ما كلمت امي اني حجي بتين و وصلت الخرطوم جرررري علي البيت المسافه من المطار للبيت زي السفر بقت لي مشتاااق ليهم كلهم وصلت البيت فتحت الباب لقيت امي حضنتها و بستها اشتقت ليك يا نبع الحنان امونه سمعت صوتي جات جاريه خشت فيني حضن ودي اول مره تحصل من تاريخ دخلت بيتنا و قعدت تبكي ياااااااااااااااه انا كنت فاقد حاجه ياقلبي ما فكيتها نهائي ماعارف عملت كدا لي لكن اول مره احس بيها اني

ما قطعا لي كلامك يا معراج لكن انا امس زارتني امونه وفهمتني غلط شديد عارف قالت لي شنو انتي معراج دا بجيكم كل يوم لي يعني دلعك دا داير تاكلي بي عقل معراج ( حبيت موقفا شديد و التمست لي العزر)

اما انتو عوووووم مع الوز

صعييييب وصفك لانك هاااامك كلك ضي

وفوقك هيبه و اجمل قامه واسمح زي

جمااااالك في البنات معدوم شبيهك ما كحل عيني

اقدلي اقدلي اقدلي اقدلي 👏👏👏💃💃💃

يتبع....

#الود_معراج
بقلم: جنان

الجزء 10

قالي والله مستغرب امووونه المهم انتي قلتي لي شنو 😂😂،،، قلت لي والله انا فهمت انو نحنا اصدقاء ليس الا قالي ياخ هي لسه صغيره ما تشتغلي بي اعفي لي با جنووو ( ااااااح انا قلبي عمل شححححح) يالله انا ما وصفت ليكم معراج عام انا ما بحب اوصف الرجال لان الراجل ما شكل اخلاق،، معراج خضره موزونه و حواجب مقرونه و ملامح رجوليه بحته ( اي زول يتخيل في راسو برااااو) وانا الحمدلله شايفاااهو 😂😂😂😂 يالله نرجع لي معراج كملي لي من امس وقفت في 🙈🙈🙈

اي اول مره احس با اني محتاج لي الحضن دا حسيييت با راااااحه ما ديرا افكها والله ما ديرا افكها و ملت لي قميصي دموع فجاء فوقت من الغيبوبه دي زحت مني براحه من غير احسسه قلت لي دا شنو الدلع دا كلو اموشتي ياااخ ودخلنا جوه ديرا اغير الموضوع قصدي الاحساس،،، قلت لي يعني الزول الا يسافر منكم حتي تشتاقو لي 😂😂😂 تحسسو انو زول مهم لي كدا يا امي لي كدا يا اموشتي هههه حتي يادوب البت بدت تضحك قلت لي يالله احكي لي عن خطيبك الاهبل دا،،،، قالت لي وقت اهبل بتخطبو لي لي،،، قلت لي عشان انتي هبله،،، و قمت جاري 😂😂😂 مشيت غيرت هدومي و دخلت حجاتي و طلعت حجات امي و الريحه بتاعت امونه و مشيت اديتم الحاجات شكرتني شديد قالت لي احلا ريحه، ،، قلت لي جيبي غيرت رئي مش جابو ليك في حجات الخطوبه،،، قالت لي ولا فتحتهم ولا عارفاهم،،،، انا هنا خليت الهظار و طلعت حسيت ان امونه ماااا،،،، المهم اتزكرت شهرزاد قمت رسلت لي اتونس معها وقالت لي فضل لينا 5 يوم فرحت والله شديد رقدت نمت صحوني للغد اتغديت والله كاني لي شهر ما اكلت يا حليلك يا امي و قاعد جنب امي زي الشافع و هي تشيل و تخت لي الاكل قدامي ،، وامونه تتضحك،،، ابوي قالي امونه دي من يوم سافرت ما شفنها ضحكت و حربتنا عديل اكل ما بتاكل معنا 😂😂😂،،، قلت لي يا ابوي بتخاف منكم تكون،،،، غايتو غيرت الموضوع حسيتها اتحرجت،،، قمنا من الاكل مشيت لي امونه اشوف قرايتها كيف قالت عندها امتحان بعد 3 يوم قلت لي ببدا معاك من بكره قرايه،، طلعت اقعد مع اولاد الحله اتونس شوي و مجتبي اخوي بره معاهم اتونسنا كدا لي 11 بليل دخلنا لقيت امونه جهزت لي غيار بكره ( ما عارف كان عرست انا اقع وين) صبح الصباح وصلت امونه الجامعه سئلت من نادر قالت لي كويس قلت لي اها رئيك في شنو،،، زي ضربت كهرباء ملامحه اتغيرت،،، قلت لي بعدين وانا راجع من الشغل عندي معاك كلام 🤔🤔

يتبع....

#الود_معراج
بقلم: جنان

الجزء 11

مشيت شغلي بالي مشغول مع امونه والله ما مريحاني نهائي،،، و غصت في بحر الشغل و جاني شغل من مافي لحدي الساعه 5 جات اتصلت على امونه قلت لي اركبي امجاد تعالي في الشغل،،، لان هي جامعه في الخرطوم وانا شغلي نفس الشي وبيتنا في امدرمان يعني مافي طريقه ترجع براها نهائي،،،، ركبت و ادتني بتاع الامجاد وصفت لي انتظرها في الشارع،،، طلعت معاي المكتب واتصلت علي امي عشان ما تقلقل قلت لي عندي شغل و ما بقدر ارجع امونه ارجع تاني معاي في المكتب نخلص و نرجع ما تقلقي،،، اطمنت و امونه فرحانه 😂😂 والله انا زاتي فرحان معها من غير سبب،،، رسلت يجيبو لينا غداً و واصلت شغلي جابت كرسي و جات قعدت جنبي في المكتب قالت لي اساعدك ( يا جماعه انا راجل والله و بتجهجه عادي) قلت لي لا لا مافي داعي ما حتفهمي،،، قالت لي حفهم انت ورني مره وحده،، انا كنت بنزل في برامج بس،،، اها بقيت اوري كيف و الله كنت مرتاح هي بتكون مدنقره مركزه وانا مركز معها اول مره اعمل كدا اعاين لي كدا لعنت الشيطان و شلت الابتوب و مشيت قعت في الكنب و خليت لي المكتب عشان ما اعاين ليها المهم جابو لينا الغدا اتغدينا واتونسنا و ضحكنا والله كانت لحظات جمييييييييله،،،، رجعنا لي شغلنا،،، و اطريت اني ارجع المكتب عشان عندي اوراق و هي قاااعده والله ما بتعاين لي نهائي،،،، قلت لي امونه،،، انتي كويسه 🤔 جريت الكرسي عليها و قبلت علي،،، مالك يا قلبي قوالي دنقرت راسه و ماردت،،، مسكت يدها و قلت ليها عايز اسئلك ممكن تردي لي با صراحه (؟؟؟؟؟؟؟؟؟؟؟؟؟؟)،، قالت لي لو عايز تسئلني من نادر عليك الله انا ماديرا اتكلم هسي،،، قلت لي لا لازم اتكلم معاك انتي ماعايزاهو،،،، قالت لي انت قلت لي زول كويس وانت موافق على عشان كدا انا وافقت،،، قلت ليها يا امونه دا راي اي راجل في راجل كويس لكن انتي البتحكمي لمن تعرفي اذا بتقدري تتعاملي مع ولا لا،،، قالت لي انت شايف كدا،،، قلت لي انا ما ماغاصبك علي شي ما عاجبك هي خطوبه و تنتهي،،، قالت هو زول كويس و بحالو قدر الامكان يتقرب لي،،، قالت لي بس انا ماقاعده ادي فرصه،،، ( انا لمن قالت لي بحاول يتقرب مني بعد داير اسئل كييييييف) استغفرت،،، قلنا الموضوع،،، و خلصنا الشغل لمن رجعنا البيت كانت 9 بليل هلكانين و منتهين نمنا طوالي،،، صحيت الصبح صليت ورفعت تلفوني لقيت شهرزاد مرسله كتييير اتصلت على سلمت علي ( شهرزاد دي النوع البقتل حييييلك صوت حنيييييين و كلمه كلووووو دلع و حاجه كدا تانيه) بحكم ان النسوان الفي حياتي اثنين بس فا انا النوع دا غرييييب علي امي وامونه ( امونه دي انثي ولا نضمه لكن اي انثي السودانيه الاصليه جمال و كل شي و ادب وحياااا وخجاااااله) يالله سلمت علي و مشتاقين و بتاع و كلام كدا بخليك عامل كدا 😌😌 قالت لي جاين بعد بكره ممو نعم نعم ما حبيت احرجه لكن ممو دي ما ريحتني ماعلينا قفلت منها قمت جهزت مشيت الشغل و زحمة الشغل و جوطه الشغل و الحمدلله امونه اليله ما مشت الجامعه قاعده تقراء،،،، حاولت اخلص بدري وارجع ازاكر ليها،،،، رجعت اتغديت و قعت اراجع معها و عملت لي قهوته الحنيبييينه وعندها مكتب صغير كدا في غرفتها بتقرا في جبت لي كرسي و قعت معها انا مدنقر في الشيتات داير اشيل قلم ✏ مسكت يدها ( والله العظيم من غير قصد) رفعت راسي اعاين ليها لقيت بقت حمراااااا 😂😂😂 وانا لسه ماسك يدها جاني احساس اني ما افكها لي ما عارف جرت يدها مني،،، اعتزرت لي وقمت طوالي،،،، قلت لي برجع ليك بعد شوي اقري.،،، طلعت قعدت في الشارع انا لي بحصل معاي كدا زي الكهرباء بتضربني لمن اجي جنب امونه،،، قعدت مسااافه و مشيت رجعت ازاكر لي،،، خلصت منها مشيت اجهز هدومي قالت لي جهزت ليك هدوم و نظفت ليك.الجزمه،،،، ( يا ناس انا اعمل شنوووووو) قلت لي يا امونه لي نظفتي الجزمه دي ما شغلك تاني ما تعملي كدا كفايه انتي بتجهزي لي هدومي اعفي لي الجزمه دي ما مقامك انا بنظف براي،،، قالت لي انا لو علي اي شي بعملو ليك شنو جزمه حنظف كل يوم،،،،.ما عرفت اقول لي شنو بست راسها قلت لي ما انحرم منك يارب عارفين عملت شنو كدا 😍😍😍😍 جدا قول والله،،، قلت لي انتي هبله شنر الجديد هسي مشيت خليتها،،، و التفكير ما قادر مرت الأيام كدا لحدي بعد 5 يوم دقت لي شهرزاد قالت لي جينا من 3 يوم بس كنت مشغوله مع العروس بت خالتي،،، قلت لي داير اشوووفك قالت لي بكره،،، اتفقنا وين وبتين،، و انا عامل كدا 😃😃 اليوم كلو و و جيت اجهز هدومي لازم اكون اخر حلاوه ظبطت الحلاقه و جري قبل امونه تجهز هدوم ظبط لي لبسه ختيت في السرير عشان تعرف و تكوي هي ،،، يالله التقول عندها احساس رجعت الدولاب و جهزت حاحه تاني الصباح اتفاجاء ان دي ما الهدم الطلعتها قلت لي امونه انا امس ختيت هدوم هنا في السرير و ين قالت لي رجعت و كويت ديل،،، سئلت لي،، قالت لي ديل احلا وانا كل يوم بطل ليك غيااار اشمعن اليله،،،، مافي طريقه البسم خلاص،،،😒😒 خييير قلت لي لبستم و طلعت و صلتها

و مشيت الشغل خلصت و جزو ما خلصتو و طلعت الاقي شوشو،، اختارت لي محل انا زاتي اول مره اسمع بي استعنت با صديق عشان يوريني محلو وين 😂😂😂 مشت لقيت مع بت لكن يااااااخ ما شوشو الاخضر عليها يجنن و العيون تقتل و انا ووووقف اعاين لي و ماسلمت،، لمن قالت لي انت صاااحي ما تكون نمت وانت واقف ( الجمله دي انا سمعت كييييف كلها دلع يعني ارجل راجل حيريل وهو بعاين ليها بتتكلم) 😮😮 سلمت علي وقعت صحبتها قامت مشت اتونسنا و قلت لي شوشو ما مصدق تاني لقيتك بعد الزمن دا كلو،، هي ساكته بس بتعاين لي.،، قلت لي انا انا انا انا،،، قالت لي انت مالك،،، قلت لي بحبك والله من جووووه قلبي،،، قالت لي ما تسرعت 😱😱😱😱😱😱

يتبع.....

#الود_معراج
بقلم: جنان

الجزء 12

ما حاسي نفسك اتسرعت

كيف يعني اتسرعت انا بتكلم معاك لي سنة تقريبا

وين التسرع في كلامي ما حسيتي شي انتي ما عندك اي احساس تجاهي و الكنت بحسو دا شنو

ابدا ما قصدي يعني قلت نتعرف اكتر

التعريف عندك شكلو كيف ممكن اعرف

يعني انا يادوب جيت وكلام التلفون والواتس ما كفايه اعرف شخصيتك

وانا ما بتاع طلعه و نزله و كنت منتظر الاقيك عشان اقول الكلام دا و امشي اطلبك من ابوك

بتبالغ تطلني عديييل طيب خلينا نتعرف شوي بعدين نتفق

ااااسف دا ما انا وبكره لو اختي لقيتي مع زول ما بتربط بي اي صله اصفق ليها لان انا بعمل كدا

طيب اهو اتقبالنا الحصل شنو

لا انا كان عندي فهم معين ان الاقيك عشان اقواليك عايزك و حطلبك من اهلك بس ما كنت حقبالك تاني من غير صفه رسميه

معراج انت معقد

معليش طيب لمن تقرر اديني تلفون استاذنك

و مشيت خليتها وانا زعلان وندمان اني الاقيتها نهائي ما كنت متوقع ردها دا بجد انتظاري كان ساي مشيت طوالي جبت امونه من الجامعه و ما اتكلمت ولا كلمه و لا قادر اتكلم مخنوووق و شهرزاد تتصل ما رديت علي وقفلت التلفون طوالي،،،، وصلنا البيت ختو الغدا ابيت اكل نفسي انقفلت من اي شي،،،، بعد المغرب امونه عملت لي قهوه وانا قاعد في الحوش جابت لي و جابت كرسي و قعدت قالت لي سيد الناس مالو،،، قلت لي مافي شي بس ضغطت الشغل،،،، قالي معقواله بس المره الفاتت انا انت كنا قاعدين لي 9 بليل و جيت راجع مبتسم هسي تقول لي ضغطت شغل،،، شكلي بقيت ما اموشتك البتقول عشان كدا بتخبي علي،،،، قمت من سريري و قعت عديل قصتها،،، قلت لي انتي مافي زول زيك وانا جد ما عندي اي شي غير الشغل و تعبو و بفكر اعمل شنو عندي قروش ديرا تطلع لي كنت خاتي لي فهم معين و لكن كنسلتو،،، قالت لي اشرب القهوه قبل تبرد،،، و قعدت تتكلم معاي كتير طلعت مني الزعله الفيني من غير ما احس،،، والله لمن نمت بالراحه الحسيت بيها و قافل تلفوني للصباح فتحتو لان تلفون شغل،،،، طلعنا انا وامونه و صلت و كان الزمن بدري دخلت معها الجامعه قعدنا شربنا شاي و مشيت الشغل و اول ما وصلت شهرزاد اتصلت،، رديت علي قعدت تعتزر و تتعاور و تبكي وانا جني وجن البكاء بضيعني،،،، قلت لي انا علي كلامي لا بطلع لا بلاقي يابت الناس لو عايزني عندك مهله ري باراحتك وردي علي،،، قالت لي طيب في الفتره دي ممكن اتواصل معاك قلت ممكن لكن ما بلاقيك،، قالت لي طيب اجازتي ما طويله برضو ما حتلاقيني قلت لي يا شوشو افهمي انا عندي اخت وانتي عندك اخو لو عرف انك طالعه نازله حيعمل فيك شنو وانا لو لقيت زول شغال اختي مش طلع معها بطعنو فهمتي يالله اقفلي انا عندي شغل،،، قفلت منها زهجتني جدا علي قدر ما كنت بحبها و بحب دلعها ( ولا انا مخلوع ساي لان ما عندي نوع زي دا ما بعرف) و اصلت شغلي ورتتي العادي و مرت يومين واتصلت شهرزاد تعزمني عرس بت خالته قلت لي اوكي حجي،،، العرس في الصاله قلت انا اوري الطفي النور منو كلمت امونه قلت لي معزوم عرس اخت زميلتنا تمشي معاي قالت لي بمشي قلت لي عندك فستان ظااااابط ولا نمشي السوق لان انا ماشي اشتري لي بنطلون و قميص قالت لي لا عندي ديرا لي طرحه بس قلت لي جميييل نمشي سوا،،، مشينا و جبنا حاجتنا و العرس يوم الخميس فضل لي يومين المهم نحنا جاهزين 😂😂😂 و شهرزاد تشيل وتتصل عشان تتاكد اني حاجي ولا لا و النصيحه الهرشه جابت معها نتيجه اتعدلت و بقت تتعامل احسن من اول و بتتصل هي انا سااافه ديرا تتادب شوي لكن والله ما داير العب بي ديرا لو بطلت هبل،،، المهم يوم الخميس جاء و بقيت اجهز وامونه تجهز بهناك اول ما خلصت قعدت بره انتظر لمن جات طالعه اصلي علي النبي لا حول ولا قوة الا بالله خفت علي قربت اقول لي ما تمشي معاي،،، امي جات لي كمون ختتو لي وين ما بعرف طلعنا مشينا وانا جد مبسووووط ( لكن ما عارف روحي مبسوط عشان حشوف شهرزاد ولا مبسوط عشان امونه معاي) حيره مريره،،، و شهرزاد تتصل اتاخرت لي ما جيت قلت لي في الشارع بتكلم با رسميه شديد لي ماعارف خايف امونه تعرف خايف انا براي المهم اني متوتر،،،، وصلنا الصاله اتصلت على طلعت لينا بره اول ما شافت امونه،،،، 😒😒

قمر 14 بس و نزل

يتبع....

#الود_معراج
بقلم: جنان

الجزء 13

سلمت علي و قالت لي دي منو،،، قلت لي دا امونه بت خالتي ( نهائي ما قلت لي اختي) سلمت عليها سلام باااااايخ يالله من هنا بدت المعركه مسكت امونه من يدها و دخلنا ( البجي جنب اموووونه بعمل لي شنو بكوي كي) لان حسيت امونه اضايقت من سلاما دخلنا معها و قعدنا في طربيزه و هي مشت جابت امها و اخوانها سلمو علينا و الله سلام ظريييف لكن هي ما شالت عينها من امونه و صاره و شها صره وانا اتبسم انها النار 😂😂 وامونه تحمر لي ما شتغلت بيهم بقيت مع الحفله ياخ انا ما حصل حضرت إلى عرس والله ما بتزكر الا كان شافع اظن لكن انا زول كبير كدا ما حصل،،، جات قعدت معنا و بقت تتكلم معاي و توصف و تخت يدها في يدي وانا بضاير منها و امونه عامله كدا 🤔😏،،، صراحه انا خايف من امونه،،، و غير كدا عندا ود خالته سلم علينا و جاء قعد بس بعاين لي امونه كل ما ارفع عيني القي بعاين ليها انا هنا شطا شطه قلت لي شهرزاد خلاص و صلنا و باركنا حنتاخر و نحنا بكره شغالين قدمتنا لي بره وقالت لي شغال معاك 😂😂 جريت يد امونه علي وقلت لا مشغال معاي في البيت،،، عملت كدا 😏 خير بينا تلفون،،، مرقنا مشينا بس ركبت العربيه رسلت لي رساله ( قصدك شنو با مسكت اليد دي) رديت لي طوالي ( قصدي بت خالتي و خايف عليها) رديت لي ( جبت لي طيب) رديت ليها ( عشان ما اجي براي من غير مناسبه وانتي بت) ردت لي ( لا عشان تغيزني بيها لكن خير يا معراج) رديت ليها ( انا سايق بعد اصل) ختيت التلفون،،،، امونه سئلتني دي زميلتك متاكد،،، قلت لي والله زميلتي و قعت اتحلف و اتقطع وابرر موقفي لي ماعارف المهم ما خليت سؤال في راسه قطعت لي اي شك،،، وصلنا البيت رجعت لي شهرزاد لان كسرت لي التلفون بالرسائل

الو هلا شوشو اخبارك

ماديرا معاك سلام لي بتعمل كدا

يابت عملت شنو انا جبت معاي امونه المشكله وين انتي ما حددتي لي اجيب زول ولا اجي براي ( مستهبل خلاص اصلا ما دا القصد)

لا انت بتعمل حركات قاعد ما قمت معاي نهائي و ماسك يدها وماشي

اختي وبخاف علي ونحنا اول مره نطلع مناسبه زول غريب ( هو نحنا بتين طلعنا مناسبه الله لينا المهم)

طيب انا ما عايزاك تمسك يد بت تاني حتي لو اختك

تمام بس بصفتك منو يعني

معراج انت لي بتتلام علي بصفتي زفت بحبك

بتحبني ولا غرتي من امونه عشان لقيتي الاسمح منك

معراج انت بتستفزني

ابدا اااسف يا ستي ما قصدي انتي قلتي شنو و اسمع

قلت بحبك

تاني

بحبك

تاني

بحبك

ماسامع

بتستهبل علي ما حقول

بموت فيك طيب بس بالله اعقلي و بطلي هبل

انا هبله يا معقد

اي معقد و الله بقيتي من قسمتي حتتحجبي و حوريك شعاع يا شهرزاد يالله انا ما بهظر

لا انا الحاغيرك و اطلع العقد من راسك

البحب زول بحب كل شي فيهو بغيرو للاحسن

انا عايزك استايل انت صغير و تصرفاتك بتاع زول معجز

تربتي بتختلف من تربتك ما تقارني انا راجل فهمتي

بعدين عندي تعليق فستانك ضيييق و ماعندك قروش تشتري طرحه ولا الفهم شنو تاني ما اشوفك كدا

معراج حتتعود وبعدين لبسي كان حلو كل الناس علقت على

لا حبيبتي الناس علقت على جسمك البرا كلو ودا عييب جمالك في حشمتك انتي جميله ما محتاج ولا زيت زيتون تتمسحي بي فا ظهري جمالك با ثوبنا

يعني البس ثوب قصدك ما جادي

انتي يابت هبله ثوبنا يعني لبسنا النحتشم البسي فستان مالو علي الموضه زاتو لكن اعملي واسع البسي طرحه شعرك دا بشويك في النار بعدين

انت اي شي ما عاجبك فيني بتحبني لي

ياعمري انتي عسل و طيوبه و رقيقه لكن هبله و بليده و طيره و ما بتفهمي و عنيده 😂😂😂

الحجات الكعبه قلت اكتر من الكويسه

عشان تصلحي يا روحي يالله انا حنوووم بكره شغال بدري نتكلم بكره اوكي وفكري في كلامي بالعقل

اوكي يا بيبي ت ع خير

سلام

ااااخ البت دي ديرا تجنني ( تقتل حيلي با نعوميه صوتها دي) قفلت منها و نمت،،،استمرت ايامي زي ما هي كدا و مالاقي شهرزاد نهائي رغم انها نزلت كورس هنا وما سافرت بس بالتلفون و علاقتنا بقت عسسسسل و بدت تسمع الكلام غايتو و امونه خلصت امتحانات السنه الاخير و جاتنا الاطامه الكبري ولي حاسي بي طامه ما عارف اتصل نادر قال داير يعقد،،، نرجع وراء شوي امونه بتتكلم مع نادر و اتعرفت علي و كم مره اسئل بتقول لي زول كويس وبحبني و الله ما مقصر اهلو كل ما يعدو فتره يجو خامين الدنيا لي امونه هدايا،،، اها بتكلم معاي قال لي داير اعقد عشان ترسلو لي القسيمه اظبط بي الورق واجي جاهز للعرس عشان اسوق معاي طوالي،،، قلت لي خير اكلم ابوي و نرد ليك،،، هو اتكلم مع امونه و هي قالت لي كلم معراج،،، ناديتها امونه انتي عارفه كلام نادر قال يعقدو موافقه،،، قالت لي حسئلك تاني انت موافق،، قلت لي امونه انتي جنتي انتي مخطوبه لي ليكم كم دا بتحددي انتي،،، قالت لا انت موافق يعقد علي نادر،،، انا ما قادر اقول لا ولا اي لي،،، قلت لي حكلم ابوي و نشوف الراي شنو،،، مسكتني من يدي قالت لي انت مووووفق

يتبع.....

#الود_معراج
بقلم: جنان

الجزء 14

قالت لي انت مووووفق،،،

انا ما مهم يا امونه دي حياتك انا اقواليك نادر زول كويس زول راجل بجد لكن اكتر من كدا ما بحدد

معراج انت موافق اني اتزوج نادر

امونه انتي موافقه

انا ما بوافق الا انت توافق

امونه خلاص اقفلي الموضوع دا و نشوف رئي ابوي

معراج حتي لو ابوي وافق انت ما وافقته انا ما بقبل

يابت ديرا تجننيني

قوالي انك ما موافق وانا ما حزعل حتصل بانفسي لي نادر وا اقوالي ما عايزاك

وانا ارفض لي يا امونه ما الرجال ديل جونا و كلنا وافقنا تاني حنفكر في شنو

دا ردك لي تمام انا موافقه يجي يعقدو بكره

و قامت خلتني انا ماعارف دموعي جرت لي و شلت حجاتي و طلعت الشارع بقيت لافي بالعربيه ما عارف ماشي وين مشيت المكتب و قعت هناك لحدي ما شالتني نومه و نمت ما صحيت الا الولد البنظف قالي انت جيت بتين وانا بالترنك بتاعي بتاع البيت 😂😂😂 والله خجلت خجل منظر زباله،،، لكن قافله معاي ما بقدر ارجع امدرمان تاني مشيت الدكان جبت لي فرشه و معجون و صابونه استحميت و صليت و قعدت بالترنك دا في شغلي و الله ما شغال با زول لان مافيني راس قفلت معاي،،، وامي تتصل وابوي يتصل،، قلت ليهم انا في الشغل طلعت بدري شديد،،، واصلت يومي و اتصلت على امونه عشان ارجع معاي البيت قالت لي ما مشيت الجامعه،،، رجعت البيت لقيت في اجتماع قمه منعقد 🙄 ابوي واخواني و ابو امونه و امها و امي،،، سلمت عليهم كلهم بقو يعاينو لي 😱😱 انت مشيت الشغل كدا،،، قلت ليهم اي اليله يوم في المكتب بس و كان عندنا كوره 😂😂😂،،، دخلت جوه طوالي و برمجت با نفسي عشان ما ينادوني اعرف قرارم شنو،،، خلصو اجتماع جاتني امونه جوه قالت لي قالو بعد شهر حيعقدو لي،،، قلت لي الله يتم علي خير بس لي ما قادر اعاين ليها طلعت خليتها طوالي و برضو شلت هدومي و طلعت رجعت الشغل،،، بيت في المكتب و من الصباح كان عندي جري شديد مارجعت البيت لحدي 9 بليل لمن امي كترت تلفونات رجعت لكن بقيت ما بتكلم مع زول و ماعارف مالي و شوشو غايتو با هبل دا بتفرق لي شوي مره ترسل و مره تتصل قالت لي ابوي جاي بعد شهر قلت لي تمام لمن اجي بجيكم،،، بيجاي امي بدت تجهيزات العقد و كل يوم تمشي السوق و برنامج وامونه دي بقت زول تاني بااااهته و ما بتتكلم و ماعارف مالا وانا زاتي خايف امشي اسئله،،، و كل ما يقرب يوم العقد انا ببقي عاين جاتني حمه بابرد عديل،،، و قاعد اسبوع ما بمشي الشغل و امي دي بس قاعده معاي وامونه يا حليلا تنوم في الكرسي جنبي و تعملي المكمدات و الله اخواني مافي الحمام دا توصلني لحدي خشم الباب انا جاتني ملاريا هرستني هرس و العقد فضل لي اسبوع وانا لللللسه راقد منتهي،،، المشكله انا زاتي مستسلم للمرض لي ما عارف اصلي ما كنت بستسلم لي حاجه،،،، امي قالت ياجلو العقد هي لسه ما عملت شي وانا عيان و امونه نفس الشي عملتو بكاء و جوطه اجلو تاني 15 يوم المصييييبه ويييين في رقدتي قومي يا شوشو قوالي الا تجي تشوفني دقت لي تبكي و جرسه انا اقع وين قلت لي ما ينفع تجي البيت عيب زاتو قالت انا متخلف والحركات دي انتهت زمان المهم جاي جاي قلت لي با راحتك انتي حره اعمل لي شنو بعد دا،،،، المهم قامت اتصلت وانا كنت في الحمام امونه شافت التلفون بعد طلعت قالت لي تلفونك كان بدق،،، رد و وواقفه حارساني،،، قلت لي امونه مالك قالت لي ابدا بس منتظراك،،، لا لا امشي جيبي لي شاي مصداع،،، مشت اتصلت على شوشو،،، اها الحاصل شنو

بيبي لي ما بترد عشان انا طالعه جاي وصف لي

يا قلبي ما تجي انا بقيت احسن شديد

لا يا بيبي لازم اشوفك مشتاقه ليك

احييييييييي انا😘😘😘😘 طيب تعالي

ادتني ود خالته الجايبه هي و صحبتها وصفت ليهم

ناديت امونه قلت لي جاين زملائي بعد شوي كلمي امي،،، قالت لي زملائك 😏😏 سمح،،، جابت لي جلابيه نظيفه لبستها و سرحت شعري اي 😂😂 فرح ليلي بس،،،، وصلو و فتحت الباب امونه ( امونه لابسه ثووووب لكن هي جمال رباني ما بتاع بدره و وروج) و شوشو ملكه البهرجه ( انا زاتي خايفه تجي لابسه هدوم البتعرف براها دي) دخلو ضيفتم كلهم في الصاله و جات ساقتني يالله غتاتت امونه مسكتني من يدي و لمن حصلنا الصاله قالت لي با صوت عالي سيد الناس كان تخليك جوه انت تعبان و يدخلو ليك انا حمرت لي 🙈🙈 خلاث كدا ولعت النار في شوشو،،، سلمت عليهم و قعدت امونه جابت العصير و بعدو الشاي والحمد لله اليله شوشو جات لابسه لبس عجبتني شديد محتشم امي جات سلمت عليهم و اتونست و شوشو تعاين لي ساي و تعاين لي امونه ( وبس امونه كانها اليوم كلو الاصقه فيني عملتو ظاااهر) جابت كرسي و قاعده جنبي و كل شوي اجيب ليك عصير ( وانا ههههاي دا شنو الانا فيهو دا) قامو قالو ماشين طلعو و شوشو عملت روح نست حاجه جات راجعه انا قاعد في حتتي لان بقوم راسي بلف،،،، جات قالت لي اصبر يا معراج و كمان في دلع لمن اصل بتصل عليك،،، انت ساكت اعملو شنو انا براي تعبان ما فايق المشاكل دي،،،، جات امونه تحمر لي ساي و ما شتغلت بي الا امي جا