قالت لي احكي الحصل شنو

حكيت ليها من طق طق للسلام

انصاف بعد تفكير قالت : عشان كده عمتو زهرة قالت شافتك بتتكلمي مع ولد جمب الباب

) ودي النقطه الكلمتكم بيها بي انو ما في صالحي وكده

)

قلت ليها خير الحصل شنو ؟

قالت لي : انتي متأكده انو مدريدي ولا زفت الطين دا لمسك ؟؟

انا بعد فقدته الوعي صحيت لقيت نفسي ف وضع م تمام ي انصاف..واصلآ كان عندي نزيف..

انصاف : انتي الوداك شنو ي ترتيل !!

حكيت ليها لمن محمد اتصل علي وقال لي اجيب ليهو حبوبتو وحكيت ليها عن هبه

قالت لي انتي زاتك مشكلتك م بتلاحظي..ي ترتيل ديل طابخنها عديييل ..م سألتي نفسك حبوبتو ليي م عرفت البت !! صح آلزهايمر ممكن يخليها تنسي لكن ما لي درجة انو تنسي بت بتها !

و ما سألتي نفسك عرفتك كيف انك امتحنتي!! وحركة العصير الكشحتو فيك كانت اوضح

ولمن حسيتي بدوخه كنتي تطلعي من البيت ي ترتيل!!

سكته وبس كنت ببكي

قالت لي : م تخافي..لي خير اكيد

انتي اسي نومي نتكلم بكرة

...

طبعآ ناس ابوي وصلو السودان ..وكانو في البورت..نزلو عند اهل معالي..وفي الاثناء دي قامت وزت لي ابوي انو يسافر في ليلو دا عشان يجي يأدبني..غايتو ربنا يصلح حالها

يتبع.....

ممكن كل واحده فيكم تبحث ف النت عن الورم الحليمي..او تليف الرحم..وهو عبارة عن وجود كرات صغيرة ليفيه ف بطانه الرحم...ممكن انها تكبر ويزيد حجمها بمقدار جنين عمرو 5 شهور ..واسأل الله العافيه لي ولكم ..

#ديسباسيتو
بقلم: فلة علي

الجزء 21

الصباح انصاف مشت المستشفي ...

لاقت رضوان وقعدو في مكتبو يتكلمو..

رضوان : اها احكي

انصاف : طبعآ ترتيل حامل

رفع حواجبو لفوق وطلع نظارتو ..وقال : واصلي

انصاف : في ود من اولاد المسؤلين ديل اغتصبها بعد شربها مخدر..

رضوان : يعقد عليها بس ..وراسو فوق رقبتو

انصاف : ماهو مصور الحادثه..وقال حينشر المقاطع..

- طيب ي انصاف..انتي حضرتي المقطع ؟؟

لالا م حضرتو

-طيب ترتيل شافتو

هزت راسها بمعني لا

- طيب ي دكتورة.انتي شن عرفك انو كلامو دا صح ؟؟؟ يمكن هو ببتذاكم بدون ماده !!!

انصاف : عشان كده انا جيتك...انا شاكه انو ما لمسها ي رضوان..والخلاني اتأكد حكاية الورم الحليمي الأصاب ترتيل..

رضوان اخد ليهو تصفيرة ..وقال : الموضوع دا عاوز كباية جبنه ..

*

ف الجامعه وجن انضمت للقروب..الكل كان خايف انو يحصل ليها زي صحبتها..بس ي ربي اخوها درع ليها ولة براءتها دي ؟؟

حنان : م عارفه لكن انا فقدته تويتي ياخ

اروي : بعد الكلام النشرتو في حسابها "!

حنان : لكن ي جماعه في حاجه محيراني..ترتيل م قالت عندها فيس .وحتي لو كده ..يستحيييل تقول عننا اننا ناس متكبرييين وانها كسرت شوكتنا واننا بننفذ ليها اي حاجه..وخصوصآ موضوع الاغنيه هي الأمرتنا نغنيها !!انا شاكه انها قالت كده !

شوقي : انتي قاصده شنو ي حنان!

احمد : البت حبابه..ودخلت القروب دا لانو نحن شوفنه شخصيتها فريده

فعادي ممكن يكون عندها اعداء

كريم : ساح..وعادي ممكن زول يسرق حساب حق زول تاني

احمد : باااس..احتمال تهكير..واحتمال يكون اصلآ انتحال شخصية

مدريدي : بطلو السيرة دي عشان م اخلي ليكم الشششجرة زفت الطين دي!

حنان : هوي هوي..ابرود واستكيين وم تخاف ..انا زاتي ماششه يلا

اروي : سوقيني معاك

احمد زاتو قام و وراهو باقي الشباب

فضلو محمد و وليد و وجن

وليد : القروب شكلو حيتدمر بالطريقه دي

محمد سكت وم رده..كلامهم كان بغلي من جواهو..وخايف من حاجه واحده ..انو يكون ظلمني.. ..

وجن كانت ساكته بطريقه تحير..خلتني اشششك انا فله دي انها عاوزه تنتقم لي صحبتها..والله اعلم

**

اثناء ما رضوان قاعد مع انصاف..جات د.وداد داخله

رضوان عرف بيها انصاف : دي انصاف اخت اشرف زوج رشا

ودي وداد خطيبتي

العبارة دي خنقت انصاف لدرجة..بس اتماسكت وسلمت عليها..

وداد : داخله عمليه متضطرة استئذن...

قالو ليها بالتوفيق وطلعت

قالت ليهو ماشاء الله..خطيبتك مزه..!

رضوان : ايون ..وشديد كمان..ممكن تتصلي عليها لازم تجي افحصها..؟؟

ظهر في وشها الضيق من الرد بتاعو..بس قالت ليهو : جدآ..اتصلت علي

وفعلآ ..نص ساعه بالكتير وكنت معاهم

فحص لي وزي م كنا متوقعين...الحمد لله ماف زول لمسني وانو دا م حمل ولا حاجه ..انصاف حضنتني وقعدنا نبكيي وبس شغاله لي : سامحينا ي ترتيل..سامحي امي ي تريتل ..سامحيهم هم م عارفين

وانا بس شغاله احمد ربي .

**

كعملية صغيرة مدتها 34دقيقه كده او اكتر . شال خذعه من الاورام عشان يتأكد من انها الياف ما شي تاني..زي الورم الخبيث حمانا الله

قعدنا راجين النتيجه وكان معانا رضوان بنتونس ..وكالعاده..تلفوني ضرب..نفسي اعرف ليي لمن اكون بنتظر النتيجه ف المستشفي بتحصل حاجه تخليني م استلمها..دا الغدر ولة دي حساده من( فله) م عارفه ههههع

لقيتها دي عمتي..قالت لي وين انتي ؟؟

قلت ليها مع انصاف..

قالت لي اسي تجو البيت

قلت ليها حاضر..

قفلت منها ومعطته سير الدرب

انصاف : مالك في شنو ؟؟

قلت ليها دي عمتو قالت نجو البيت سريع م معروف في شنو ..

قالت لي والعمليه !! انتي م بتقدري تمشي

خلي انا بتصل عليها بفهمها ..

رضوان : كلام انصاف صح..انتي م ممكن تتحركي وعامله عملية فتح بطن...

قلت ليهم انا المريت بيهو اكعب من اني اطلع وانا عامله عمليه..و واصلت : ثم تانيآ .عادي البنجبو قيصريآ بتمشو في نفس اليوم..يعني ماف خطر..شلته شنطتي وقلت لي انصاف انا بتقدم..

قالت لي رضوان يستلم النتيجه ويكلمنا بالتلفون..

وياهو اتحركنا..

طبعآ الفرحه الحاسه بيها ما ليها حدود..

معناها مدريدي كان عاوز يديني قرصة اضان ..

الحمد لله ..الحمد لله..والله السعاده الحاسه بيها م قادرة اوصفها ..

ونحن ف الركشه كنت ماسكه يد انصاف وبس كنت بدعي وبحمد ربي ع النعمه دي..والله ولا حاسه بي وجعة العمليه من الفرح..طوالي نشطته نت وغيرتة حالتي بي الحمد الله الذي برئني ...طبعآ جاتني كمية رسايل م فتحتها..بس اتأكدته انو الريكورد اتسلم لكل المرسل ليهم...

وصلنا الحي..ونزلنا من الركشه #ببطء

ونحن داخلين ع البيت انصاف كانت سانداني و قالت لي : شوفتي آخرة الدعوة والتمسك بي ربنا..عايني ربنا طلع براءتك..قلت ليها الحمد لله وابتسمته

..واصلت : ومدريدي زفت الطين دا انا بأدبو ليك وبخليهو يجيك راكع لي كرعينك يستسمحك..وقتها انتي ادفقي فيهو مديدة دخن عدييييل بدل العصير..وقدام كل ناس البيت ..من فرح زفت الطين لي كونستنتين..

طو

الي ضحكته وم اتكلمته..م عارفه بس حاسه بي وجعة قلب كده عجيييبه ..

دخلنا البيت .. ..انصاف رفعت راسها لفوق وهي بتقول الحمد لله..الحمد لله..وقتها سمعت صوت طلقة ..ايون طلقه !!

وحصلت لحظة صممت..انصاف م قدرت تنزل راسها ...وبس دموعها بدو ينزلو

ما كانت عاوزه تشوف الحصل شنو ..اتمنت تسمع صوت صرختي وانا بقول دا شنو دا..

اتمنت اني اواصل مسك يدينها بقوتي دي وم ترخي بالطريقة دي نهائي

عاينت تحت وشافتني غرقانه في دمي ...مسكته ع يدها قوووي كأني بصبرها ..كانت بتعاين لي بنظرة عتاب..قالت لي :

اوعك تمشي قبل ما تشوفي ضحكت امك وعمتك آماني الصادقه ليك اوعك تمشي

اوعك تمشي قبل م تشوفي عمك امير وابوك ماشين ورافعين راسهم!!

اوعك ي ترتيل اوعاااك انا حذرتك !

في اللحظة دي..و عيوني كانن مطششات ..سمعته صوت ابوي ..ايوا دا ابوي الضربني رصاص..اتخيلو !! ..كان بكورك وبقول : وطيتي راسي الله يسامحك..م احترمتي شيبتي الله يسامحك ي بتي!!..وطيتي راسي زي امك الله يسامحكم

بعدها سمعته صوت بكاء..

و واحده بتقول : ليي قتلتها ي الطيب "! ليئ ي اخوي

بعدها اظلمت في عيني ولم اري الا السواد..

م معروف حأعيش..م معروف حأموت...م معروف دي نهايتي ولا لا

.ياربي دي نهايتي !!!؟ انتو البتقرو الرواية ..تفتكرو دي نهايتي !! جاوبوني !! تفتكرو (فله) حتقتلني بالبساطه دي !!

لكن ...لكن انا ما ارتحته ف الدنيا دي من وقت اتولدته..وكلكم شوفتو معاملة معالي معاي..ظلم وقسوة وقهر ..في الآخر نفتني زي نابليون..وابعدتني من ابوي وخلتني زي اليتيمه..واحلي شي انو الآن ابوي بكرهني لدرجة انو ضربني بالرصاص بدون حتي ما يعرف الحاصل شنو..

لكن ي (فله علي) بتبالغي لو حكمتي علي بطلة قصتك بالشكل دا...والله اعلم ..

يتبع.....

#ديسباسيتو
بقلم: فلة علي

الجزء 22

عبارة ألفتها ..وكنت بقولها لي نفسي ...والعبارة دي دايمآ بتصبرني لمن اقرا رواية نهايتها مآساوية

وهي عبارة لا بأس بموت بطل القصه التراجيديه في نهاية الرواية....ما دام قد عاش في احداثها بشرف

fulla Ali

انتظمو كولهم برة غرفة العمليات بعد ما ابوي ..الآنا شايله اسمو ورا اسمي طوالي...الآنا جيت الدنيا دي عن طريقو

ابوي الرباني وعلمني...ابوي الكان بحميني من بطش معالي ..الليله ما قدر يحميني من بطششششو..

جا طالع الدكتور وقال ليهم الطلقة هتكت منطقة خطيرة في الشريان الأبهر

نحن حاولنا رممنا الضرر لاقصي حد..دعواتكم ليها بس

زهرة قالت بأفترا : طيب وألجنين حالتو كيف ؟؟؟

الدكتور : جنين شنو !!!؟ بتكم م حامل ولا حاجه .ولو علي سبب الورم نحن اتأكدنا..دا ورم خبيث في بطانة الرحمم..استآصلناهو بس بنتمني نكون قضينا عليهو..

ف اللحظة رضوان قام بعد م كان قاعد وماسك راسو بي يدو : البت م حامل..انتو ظلمتوها

رشا : بس نحن شوفنا نتيجة الفحص ..البت حامل ي رضوان

رضوان : جيبي النتيجه..وينها ليها !!؟

رشا فتشت شنطتها تمام..آماني : هاك هدي النتيجه معاي

شالها قراها لمن عيونو حمرت

قال : انصاف وين ؟

رشا :انصاف دخلت ف حاله وهسي ادوها مهدئ ف الانتظار قاعده

قام ومشي علي غرفة الانتظار بس تاني رجع وقال : ع فكرة ي ابو ترتيل ...بتك عندها سرطان رحم..الورم طلع خبيث اتخيل !!...وامش اسأل اي دكتورة نسائيه المرض دا بعمل شنو ..وآثارو كيف بتكون ع البطن..الحمد لله هم استئصلوهو ..وبتك لسه بكر ع فكرة ..وانا كشفته عليها بي روحي .ماف بني آدم لمسها خليك عارف

قال كلامو ومشي خلاهم

آماني اتصدمت وقتيآ اما الطيب دا انهار..وطوالي قام طلع

**

رضوان : انصاف ..م تبكي هي حتكون بخير

م ردت ليهو بس شغاله تبكي ..

واصل : كلهم عرفو الحقيقه ..عرفو انهم ظلموها

ردت ليهو وهي بتبكي : بعد ضبحوها بسكينه ميته !!!! اهانوها وزلوها..وبعد دا طعنه من اقرب زول ليها !! ابوها ي رضوان اتخيل بس !!!

رضوان : بوعدك حقها يرجع ليها ..بوعدك ..عندي موضوع لازم احلو وبرجع ليك

قام طلع

***

تاني يوم

محمد فتح الشبكه وجاتو الرساله وفي نفس اللحظة استلمتها حنان.وكلمت بيها باقي القروب..واستلمها امجد ومشي فتحها لي امو و رشا ومعاهم آشرف ...وآميرة النادت هشام ..

واستلمها وليد وجا فتحها لي وجن ..

وانصاف القامت فتشت ابوي وهي بتبكي..لغاية لقتو جمب باب المستشفي وشكلو كأنو واحد من المجانين ..

رسالتي كانت بتقول :

. السلام عليكم..

لمن تسمعو الرساله دي م معروف انا حأكون وين..

ف الدنيا ولة في الآخرة

لانو ابوي حيجي يسوقني بعد اسبوع...ومع انو انا آشك في ذالك وآشك فئ انو حيخليني عايشه..لأنو الشي الشفتو من أقرب الناس لي ..والنفور الحصل بثبتو انو نهائي م حيخليني عايشه..عشان كده

عاوزه اقول.. اول ابدا بيك ي محمد ..حركتتتك العملتها دي وغشك لي بي حبوبتك ي ريت تكلم بيها اهلي..وتقول ليهم بتكم مظلومة...وانا بعتذر لي حركة القاعه العملتها..ما كنت قايله عاقبتها حتكون وخيمه كده

وكمان بعتذر لحركة العصير الاتكشح فيك...انا عملته كده لأنو قبل 10 سنه..مرت ابوي عملت فيني نفس الحركة دي..ابوي كان مسافر ...بدون قصد كسرت ليها كبايه !! لمن كنت بغسل العده !!!

اول جرحتني بيها

بعدين تلاته يوم انا عايشه ع الموية بسس

حرمتني من الآكل ..

ولمن خلااص شافتني هلكته ...جات وقفت لي ف نص الحوش ونادتني..

كانت شايله عيشه

.ف الحظة دي قفلت خشمي من البكا...و واصلت : قالت لي بوسي كراعي عشان تاكلي

قدر م اترجيتها تديني بس م عاينت لي ..شلتتني برجلها لمن ادردقته واتمليت تراب

واصلت : تبوسيها وتاخدي العيشه

اضطريت اجري جري ابوسها ليها...وف الآخر جدعتها لي وقالت لي : امشي شيليها

عشان كده ي محمد انا المنظر دا م قدرتة نهائي استحملو..وجيت اتدخلته لانو م حبيت زول تاني يتزلة الزلة دي..اعفي لي ي مدريدي.مدريدي زفت الطين كمان زي ما بحب اقولا..

انصاف : بشكرك لأنك وقفتي معاي دايمآ..كنتي الأخت الما لقيتها من امي عليها الرحمه

امجد و آشرف واحمد : كنتم خير اخوان لي ..ربنا يحفظكم لبعض

عمو آمير : كلمة واحده بتكفيك ..ابووي

عمتو آماني : والله لو ما كان قتل النفس حرام كنت قتلت نفسي عقابآ للألم السسببتو ليك..اعفي لي ي امي .

وجن و وليد ' وقفتكم معاي م حأنساها ..اعفو لي

رشا : خلي بالك من بيتك وبتك وحافظي علي زواجك

آميرة وهشام : ناسي الفرحه..

آميرتي انا بحبك..خلي بالك من قرايتك وسيبي الشغب

وانت ي هشام..انا م نسيت الهديه حقت الضب الميت..اصبر لي بس لو ربنا مده ف العمر ..

قروب ديسباسيتو : استمرو...وبالجد بشكركم علي الغنية..كانت ولا زالت احلي هديه ..ما عارفه السبب الخلاكم تبتعدو عني وتعاملوني كده ليشنو..بس احلف ليكم انا لا اغتبته زول فيكم..ولا كذبته علي زول فيكم..لحظاتي العشتها معاكم دي م بتتنسي..ولو سمعتو عني حاجه م بترضيكم..اعفو لي ولكم العتبي حتي ترضو..

عملته التسجيل دا ورسلتو لكل واحد فيكم..وبتمني واحد منكم يسمعو لي ابوي..لانو م بعرف للتلفونات نهائي : ابوي..مرتتك ظلمتني كتييييير...وانا هدي قدامك وقدامهم كلهم السمعو التسجيل ..عافيه ليها دنيا وآخرة

ابوي عاوزه مننك طلب..قوي شخصيتك عشان فرقة الميم زي م انت مسميها : محمد ومعمر ومجاهد

ابوي

بتك مظلومة اعفي ليها عليك الله

واستودعكم الله...ترتيل..

في لحظة المستشفي قلبت بكا..

والله ي جماعه لو عارفه انو...ابووي حبيب قلبي.. كلامي دا حيعذبو كده !!والله م كنت نطقته بيهو..ابوي قعد يبكي وقام من جمبه انصاف وجرري م معروف مشي وين

انصاف حاولت توقفو بس م معروف مشي وين..

**

اما محمد...اتناول جرعة كوكايين زايده بعد ما شرب كم سجارة كراك..وخلاص فقد السيطرة ع روحو ..

وجن قعدت تبكيي ...وقالت لي وليد يوديها المستشفي..امهم جات مستغربه : خير مالك بتبكي ي بت !! في شنو !!

وجن : يا امي !!! اريتني اموت انا الليله قبل بكرة !!!وقعدت تبكيي

**

وليد طلع من بيتهم وهو م شايف قدامو من الغضب..اتحرك مشي علي شقة محمد لقي ابو محمد واقف وبدق ف الباب

وليد : حمد الله ع السلامه حضرة السفير

كامل : الله يسلمك..بس م برد مالو ؟؟ من جبيل بتصل عليهو وسامع صوت التلفون بس لا برفع لا بفتح الباب

وليد طوالي عرف انو بكون عمل في روحو حاجه..لانو التسجيل مرة علي كل زول بعرف ترتيل ..وقال لي كامل : اكسر معاي الباب

بعد جهد جهيد الباب اتكسر...وفعلآ ..كان واقع جمب سريرو وجسمو كلو متصلب..و ريحة دخان سجار الكراك و حقن الكوكايين حوالينو يعني انتحار بالبارد

كامل : محمد !! عملته كده في روحك ليي ي ولدي !!!

محمد فتح عيونو وابتسم وهو بشير بأصبعو للسقف لصورتو : وعدتكم اني ادمر المجرم الجواي..وعدتكم ي ابوي..

و واصل وعيونو كلها دموع : ا ابوي..ا انا م م قتلته امي و و ومزن..ا انا ب بحبهم ك كيف اقتلهم ؟؟

كامل : ااي اي انا اتأكدته ..الحريق كان بسبب الكهرباء ي داب عرفته الحقيقه وجيتك تسامحني.

محمد ابتسم ...و عاين لي وليد : ا انا م م لمسته ترتيل ي وليد....ك ك كيف آآزيها وانا بحبها !! انا بموت فيها ي وليد !! ك كيف اعمل فيها حاجه زي دي ي وليد !!

انا م لمستها بالرغم من س سكري..قلته ا اديها قرصة اضان..واخليها تتأدب شويه !وكنت ح حأصالحها ف اليوم ا التاني واعترف ليها بحبي..ب بس جاتني الرساله انها نايمه ف حضنك..ق قومتة كرهتها..ع عشان كده نكرتها

وليد قعد يبكييي زي الأطفال الصغار..

محمد : ابوها ليي ع ع عمل كده ي وليد !! ل لي قتلها ي وليد !!..لي اي آب م م بثق في ولدو !!

وليد قال ليهو دا سوء فهم بس ي محمد..انت و ترتيل م غلطتو ..ترتيل شربفه ي محمد..

محمد..محمد !!.محمممممد رد علي !!!

كان بضربو ف خدودو عشان يفوق ..بس علي قولي الألفتو اسي

**البت تكنس والشجر يحت

كامل : محمد ولدي رد علي !! محممممممممممد !!!!!

وماااممكن مدريدي كمان يموت..وهو اتعذب كمان في طفولتو..وكان شايل ذنب امو واختو ف رقبتو..والله اعلم اذا كان حيموت ام لا!!

يلا

يتبع....

#ديسباسيتو
بقلم: فلة علي

الجزء 23

احيانآ براءة الزول ...وطيبتو وتعاملو الحلو معاك...بيدس منك سلوكو الحاقد تجاهك

ولانو.انت بصيرتك عمياء..ما حتقدر تشوف السلوك دا منو..

العايزاكم تفهمو من كلامي دا ..اولآ : مهما كان ماف جريمة كامله...

احمد قدر يوصل للزول العمل حساب وهمي بأسم ترتيل الطيب..

وقدر بزلة لسان انو يتوصل للشخصية دي...عرف انو دي م ترتيل بالذات لمن سألها ف الدردشة : تفتكري انو محمد بحبك؟؟ الرد كان غبي شديد...لالا م ظنيت..انا رميت شباكي عليهو بس شكلو في واحده تانيه في قلبو..ولو فعلآ هو بحب #ترتيل (لاحظو..ترتيل ما بحبني انا )

كان ما عمل كده معاي

سبحانه ربي..واحمد قدر يحدد الشخصيه بالضبط هي منو..

تانيآ عايزاكم تعرفو انو اخطر انواع الاعداء هو الصديق ...لانو م بظهر ليك علي حقيقتو..صديقك الواقف جمبك يستحيل تفكر انو حيأزيك..

وخصوصآ لو كان صديقك دا عبارة عن البراءة تمشي علي قدمين

معقولة ؟؟؟؟

وششش بالبراءة دي يعمل كل دا !!!!

في المستشفي جات داخله وجن وامها..

امها من وقعت عيونها علي آماني وقفت محلها بدون حركة

آماني وقت شافتها قالت بأستغراب : نوال !!!!!؟؟!؟

*

ابوي سلم نفسو لأقرب مركز شرطة..الصراحه افتكروهو مجنون..خصوصآ انو المحضر لمن فتحو الاورنيك حق 8 جنائي اتقفل ع اساس انو اتهجمو علينا حراميه وكده والبحث عنهم مستمر..

اما محمد في العناية المكثفه بين الحياة والموت...

لانو اتناول جرعة زايده من الكوكاين والكراك وديل اقوا انواع المخدرات..وجاتو زي شكل جلطة قلبيه نتيجة لتصلب الشرايين..والسبب الطعن الكتييير بالحقن ..

*

نوال : كنت عارفه انو الشبه دا ما ساي..عليك الله م تقولي لي دي بت نجاة اختي

آماني قعدت ف الأرض وبس كانت بتبكي

وجن : امي..انتي بتقولي في شنو !!!؟

انصاف مسكت امها وبتهز فيها : في شنو ي امي اتكلمو !!!؟

نوال : يعني ترتيل بتكون بت الطيب ونجاة اختي المرحومة !!!؟!

وقعدت تولول وتبكييييي...لييييييي ...لييي بتها تنظلم زي امها ليي

وجن : امي في شنو !!!؟

نوال لزتها من جمبها وصرخت فيها : م تقولي لي أمي !! اوعك !! انتي م بتي "!

ف اللحظة دي جات وداد..ايون وداد اخت وجن و وليد..جات تستفسر من امها ليي بتبكي كده

نوال قامت وخنقتها : عملتي كده ليي ي دكتورة !! معققققولة ""!؟ انتي بتي يا وداد !! معقولة انتي بتي البفتخر بيها قدام اي زول !!

طبعآ وجن حكت لي امها و وليد بالشي العملتو هي و وداد...عشان كده وليد طلع منهم غضبان ..بس الكانت ما عارفاهو انو ترتيل بت خالتها طوالي !!

رضوان جا جاري فكاها من امها وقال ليهم كده عيب..والحصل حصل..انتو بس اسي ادعو ليها تقوم بالسلامه..مافي داعي للفضايح

انصاف : فهمونا الحصل شنو اتكلمو !!

رضوان : الحصل لي ترتيل دا كلو سببو صحبتها...رفيقة دربها ...وجن

طبعآ صدممممممه..كيف وجن !! وجن البت البريييئه.الحبابة !!!

رضوان : واختها المفترض تكون عاقله..ساعدتها ...ليي ي وداد !!؟ لييي .!!!اسسي بي سبب حاجات تافهة زي دي في روح بريئه ومظلومة بتتعذب تحت الأجهزه دي !!بي سبب أنانيتك انتي واختك خربتو ودمرتو العائله دي !!

وجن قعدت تبكي وقالت وهي بتنتحب : ترتيل جات وسرقت مني الولد الانا بحبو...مدريدي كان صاحب اخوي.بس بحياتو ما عاين لي ولا أعتبرني زول..

ترتيل وقت جات وفي غضون يومين بس..ضماها لقروبهم..وكان بهتم بيها وبعد دا ألف ليها اغنية بي حالا !..في حين انو انا ما برد لي ولا حتي في الواتس

وقعدت تبكيي...قالت ليهم : كيف تتوقعو مني ما احسدها كيف !!!!

وقت انصدمت في يدي وكنا ف الشارع فجآة لقيتو قدامي..ياخ اسمي م كان عارفو اتخيلو !! ناداني بي ي هنايه !! ..شوفته خوفو عليها ودموعو..والنار شبت جواي..وحلفته اني أدمرها

و وقت رجعته المستشفي..ولأنو حظي سمح اختي الكانت متابعه معاها..وقالت لي عندها ورم حليمي..وعرفته انو بآثر علي شكل البطن..طوالي بديت انفذ خطتي..

رجعته البيت اتصلته عليها وقلت ليها انو نتيجتها نضيفه.

و غلطتها التانيه انو لمن سألتها عن رضوان..قالت كان خطيب بت عمتها..وكانا عارفاهو خاطب بالرغم من كده قالت حتخليهو ينفصل من خطيبتو اللهي اختي ويرتبط بي انصاف تاني

وداد وقت عرفت ساعدتني وزورت ليها التقرير بأنها حامل..خصوصآ وقت كشفت عليها ولقتها بكر..وانو هي م اتعرضت لأي اغتصاب

صح الناس كان حيعرفو انو دا م حمل بس كنت حأكسب زمن..كنت حأكسب محمد وياهو زي م خطتته ..ترتيل سابت الجامعه.وكان ابوها حيجي يسوقها وبي كده بكون اتخلصته منها..

انصاف م استحملت وهجمت عليها ..الا مسكوها منها

وجن : ما كده وبس...عملته حساب بي اسمها وشوهته بيهو سمعة قروب ديسباسيتو في كل قروبات الفيس..وبالتالي كرهوها..

رسلت رسايل شك لي محمد...عشان يكرههها ..بس شكلو طلع بحبها وحتي وهو سكران ما لمسها

وفي الآخر جات طلعت بت خالتي ههههههههه ترتيل بت خالتي ي ناس !!! ترتيل بت خالتو نجاة الغاليه هههههههههه هههههههههه

وبالضحكات دي وجن فقدت عقلها..فقدت محمد ..فقدت اسرتها ...

نهاية غير متوقعه خالص

وكقانون الرياضيات ف الدائرة الجيب والجتا والظل والظتا

كل جبار ظالم..جاتو مصيبة

وجن كانت جبارة و ظالمه ..جاتها مصايب..رضوان فسخ الخطوبة من اختها و بعد دا سحبو منها مهنتها..

و ف الآخر ياهو فقدت عقلها ..

***

آماني مشت لي ابوي في السجن...وحكت ليهو بالقالتو ليها نوال

بي انهم ظلمو نجاة امي زي م ظلموني اسي

يلا احكي ليكم بالحصل

#فلاش_باك

وقبل 19 سنه كده...امي اتزوجت ابوي وكان اهل امي م موافقين وكده..

امي ابوها واموها متوفين..وعندها علي و توفيق ونوال

علي دا الكبير وكان بمثابة الاب بالنسبة ليهم

اتزوجت ابوي بي عناد من اخوانها .. سفرها شندي

هناك اتعرفت علي معالي الكانت ممرضة في المستوصف..من بداية حملها كده بدت صحبتهم

وكانت طوالي بتذورها ف البيت

وبما انها زي التقولو بدا القطر يفوتها ..قامت ختت عينها علي ابوي

وشويه شوية بقت تعمل دساسات..بس ولأنو معالي كانت طيبة ظاهريآ..نهائي امي م ركزت انو السبب في المشاكل دي صحبتها ..

وجات ولدتني ف القضارف..خالتو نوال نفستها بالرغم من ولدها المشاغب ولييد بالأضافه لي انها كانت حامل بي وجن ..الكانت عاقله شوية وداد..

بعد ولدتني وتمت الاربعين ابوي م فكر يجي يسوقنا ..الا توفيق خالي سافر معانا و قعد معانا كم يوم ورجع..

وياهو يومي مشاكل...لغاية ما يوم ابوي كان ف الشغل وزي الساعه 9:34مساء كده .معالي رسلت كرار اخوها لي امي عشان يجيب ليها آمانة قروش كانت خاتاها معاها..

ومن نجاضتها وخباثتهم رسلتو ف نفس الزمن البجي فيهو ابوي

غايتو جا لقاهو قاعد ف البيت..والحركة.جد غاظت ابوي

الحياة بيناتهم بقت شبه مستحيلة .

والمرض حق الورم الخبيث دا م جبتو براي..كان وراثي..

امي زاتها اتظلمت نفس الظلم..وابوي ولانو م لمسها من ولادتي قال انها خانتو

ضربها وطلقها وقلعني منها..

جات بيتهم ع اساس تلقي دعم...بس كمان واجهت الشي الأنا واجهتو..لغاية ماتت بالسرطان الانتشر في جسمها

حبوبتي ربتني..و فلانه دي دارت ولفت علي ابوي كم سنه بس حبوبتي م ادتها فرصه نهائي...لغاية اتوفت وانا كان عمري 5سنه بس..ودي اتمكنت وعرست ابوي..وياكم انتو عارفين الباقي

#باك

الطيب : انا طلعته طرطور..مرة قدرت تلعب بي عقلي كده !! توديني يمين وتجرني شمال !!

آماني : كلنا غلطلنا..لكن العيب ما انو نغلط ي الطيب..العيب انو نتمادي ف الغلط ونحن عارفين انو غلط.

محكمتك بكرة..نشوف ربنا كاتب شنو..

تتذكرو يوم الحفله موش وليد وصل ترتيل وانصاف البيت ؟؟ وقابلهم آشرف جمب الباب واتضح انو وليدآشرف بعرفو بعض ؟؟ يلا لمن رضوان فسخ خطبتو من انصاف ..آشرف مشي بيت ناس وليد لانو عملو الخطوبة هناك.وكان عاوز يتشاكل مع رضوان عشان فسخ الخطوبة وكده.. بس وليد اتكلم معاهو بالهداوة و نشآت بيناتهم علاقه ود واحترام..يعني وليد وآشرف ما اعداء بالمرة ..وضحت !!؟

يلا وقت وضحت

يتبع.....

#ديسباسيتو
بقلم: فلة علي

الجزء 24

احمد آمين الراقي قال :

طاوعته ظنك لييي فرقته بين قلبين

وطاوعته ظنك ليييي***فرقته بين قلبيين

وقطعته حبل الود..الكان زمان موصول

قطعته حبل الود..الكان زمان موصول

ي حبي م اقسسساك..حيرتة قلبي معااك

ي حبي م اقسسسساك..حيرت قلبي معااك

حيرت قلبي معاااااك

ولانو حرام قلبين يفترقو وهم بحبو بعض...رضوان وانصاف رجعو لبعض

...تتذكرو وقت رضوان قال لأنصاف انا ماشي عندي موضوع عاوز احلو ؟؟

يلا مشي لي وداد وزفتها معاها بخصوص التقرير الكاذب الطلعتو..وقال عبارة سمحه عجبتني شديد : انصاف كانت ولا تزال اوول بت تدخل حياتي..انصاف حلمت..وحققت وانتي أشرفتي علي العمل ..ورمي ليها الدبله وطلع

**ياخ

لو في واحده منكم عندها اخو زي رضوان دا تراسلني ف الخاص..انا جاده معاكم ههعع

محمد اتعافي لكن مواصل في العلاج

ابوهو سفرو آسبانيا وهناك كان بياخد دورات لعلاج الأدمان

يعني..قعدات كده كل زول بحكي السبب الخلاهو يبقي مدمن..ولو هو فعلآ عاوز يتعالج ولة لا

وواصل دراستو هناك طبعآ..وكان مجتهد ومثابر ف دراستو ..لانو كان عندو هدف واحد حنعرفو لي قدام.. دايمآ بكون سرحان...واكون كذابه لو في يوم مرة ما اتذكر فيهو تويتي..

دفعتي امتحنت طبعآ

وللآن انا استلقي في الغرفة الباردة...وما عارفه حأقوم ولة لا

ابوي لسع مسجون...بحكم انو مجرم وكده

معالي حالتها اتدهورت.وااهانات وزلات ..وياهو ماف زول بصرف عليها لانو رب المنزل ف السجن ..

رشا وآشرف حياتهم لي اسسي مستمرة...

وماف اي مششاكل ...

واحلي شي انو فرح دخلوها الروضة ..يخ عسل يخ لو شوفتوها ..

وجن شغاله تقول : ترتيل بت خالتي..وتصفق..ترتيل بت خالتي

اما اختها وداد متجرجرة في المحاكم ..

قدمت طلب استرحام انو ي يرجعو ليها شهادتها وترجع تزاول مهنتها..ومحكمتها قربت .

...

خالي علي وخالو توفيق طبعآ هنا..ويومي بجو بزورني حتي خالتي نوال

اما ليشنو ما فتششوني طول السنوات دي ..قال ابوي رفض واحد منهم يقرب علي وهددهم من لمن كنت صغيرة..وهم قالو يخلوني لمن أكبر ويكون عندي رأي براي وماف زول متحكم فيني ..

...

عمتو آماني للآن خاته انها السبب ..وسافرت السعوديه عشان تعتمر وتدعي لي ..

آميرة و هشام جو لمدة اسبوع شافوني ورجعو..ومتابعين حالتي بالتلفون..وع فكرة..هشام خطب..

والحياة مستمرة

انا خلاص لازم اقرر اقوم ولة يفصلو عني الأجهزه..لانو وحاتكمممم ضهري حينكسسسسسر من الرقده..اربعه شهور وانا راقده

....

في يوم زي حوالي الساعه 7:34ص..لو بتتذكرو دا نفس الزمن الصحيت فيهو ولقيت معالي وآبوي بتشاكلو في موضوعي

امي جاتني ف الحلم...او ممكن نقول جاتني ف الغيبوبة بتاعتي...طبعآ جمييييله جمال مبالغ فيهو..بديها شوية ملامح م كتير يعني..انا اكتر شي بشبه ابوي.

مسحت ع راسي وقالت : شعرك بقي قديييم..وشكلو كمان وسخان

ضحكته وقلت ليها من الرقاد الكتير

قالت لي ما عاوزاني اسرحو ليك ؟؟؟؟

قلت ليها هو انا لاقيه تلمسيني ساي لغاية تسرحي لي شعري بي حالو

قالت لي جدآ..طيب رائيك شنو تقومي من الرقده..حاسسسه بيك اتكسرتي عديييل

فرحتتته وقلت ليها ي ريت ي امي...ي ريت اقوم منها لاني فترته بالجد

قالت لي سمح تعالي اسوقك معاي بالمرة اسرح ليك شعرك

مسكتني من يدي وقومتني..وانا م عارفه القومة دي في صالحي ولا لآ

وهي ماسكه يدي وجاراني ..يدي بدت تتملص منها..كنت بقول ليها : امي امسكيني سمح حأقع منك...امي امسكيني سمح!!

بس للأسف..انا تقيله ولة هي ما بتقدر تمسكني م عارفه..اتملصت منها و رجعته محلي ف السرير..

بي هنا الأجهزه بدت تصرخ..

رضوان ومعاهو. كم ممرضه جو جاريين

جهزو جهاز الصدمات وشحنوهو..

رضوان : 1 2 3 زحو..

م استجبته

تاني شحنوهو ...

وبرضو م استجبته

لغاية الجهاز صفففر

ياربي ( فله علي ) قررت شنو في أمري !!!!

م معروف

*

في جانب آخر ..مبهم

يا جزولي ..حولته الرصيد ؟؟

اي ي ست الناس..بس ليي انتي م عاوزه تقولي للبت انك القعده تحولي ليها ؟؟؟ ياخ دي زاتها ليها اربعه شهور بتستلم ال200 وم بتتصل تشكر ساي

- معليش..بعدين القروش دي من حقها اصلآ..يعني انا م دافعه حاجه من جيبي..بتمني اسي تكون قاممت من غيبوبتها..أمسكينه نامت 4 شهور .

طبعآ استغرب من كلامها..لكن قبل ما تتكلم قال ليها : عارف عارف ي ست الكل..لا تسألو عن أشياء ان تبدو لكم تسوءكم

ابتسمت وقالت ليهو : ماشاء الله..بتتعلم بسرعه

*** معالي وقت الدليل حار بيها ..وخصوصآ اهلها اتزمرو من حكاية يصرفو عليها هي واولادها ...

سبحان الله..بدت تضوق العملتو لي من وقت في دنيتها بس ي ريت تندم..

المهم...قررت انو تسافر القضارف وتشوف الطيب دا مالو

ساقت مجاهد وخلت الولدين مع امها

بطنها كانت لي حلقها وحالتها م بتسمح ليها انو تسافر..بس لكن تقولو شنو..

وصلت القضارف..وهي ماسكه ولدها في يد وشنطتها في يد وما عارفه زاتو تمش وين ولة تقبل وين وفي اثناء ماهي بتقطع الشارع ..في عربية جات خاشه فيها هي و ولدها ..

يتبع....

#ديسباسيتو
بقلم: فلة علي

الجزء 25

وبرجع بقول...ما مشكله انو البطل يموت في نهاية الرواية م دام عاش في فصولها بشرف..لكن هنا غير ..نحن بطلتنا من يوم اتولدت وهي بتتهان وتتزلة..معقققوله تمشش كده بالبساطه دي !!!!؟ معقوله دي قسمتها كده في الحياة دي !!

م معروف..

** رضوان لمن شاف الخط استقام...ضرب علي قلبي بقوة وزحه وهو ببكي لانو خلاص فقدني

امي رجعت تاني وقالت لي : بعد دا لازم تصحي

غمضته عيوني شدييييد..وفتحتهم لقيت نفسي محاطة بالأجهزه..ورضوان دا خاتي يدو في راسو و وببكي

الممرضه : المريضه صحت ي دكتور رضوان !!!

رفع راسو #ببطء ...وعاين لي..

ترتيل !!! انتي صحيتي بالجد !!

صحيتي آخيرآ !!!

كان عاوز يطييير من الفرح..

حرام عليك يخ شيبتي راسي

قلت ليهو بتعب : الحصل شنو ؟؟؟؟وانا وييين !!!

رضوان : لحظة اول ابشر خطيبتي ومرتي انصاف

عاينته ليهو بأستغراب..قال لي وهو بتبظ التلفون : اي اي..اتخطبنا وعرسنا حددناهو بعد انتي تصحي ي زفت الطييين زي م انتي بتقولي..

فرحته ليهم بالجد..وخمسة دقايق المستشفي اتملت

ما كنت قايله البحبوني كتاار كده !!

وجو خيلاني علي وتوفيق وخالتي نوال..اتعرفت علييهم وفرحته بيهم كتييير

حتي ناس حنان واروي وكريم وشوقي واحمد و وليد كانو حاضرين

علب الحلاوة والشوكولاتات تطاقش..

سلمو علي وخلوني ارتاح..مع انو انا بس عاوزه اطلع..عاوزه امششششي برجولي شوية .اربعه شهور راقده انا !!!الحمد لله اتعالجته من الكانسر وما تشوفو شر ي رب

**

القضيه حقتي اتقفلت وابوي طلع....سمعته بالعملتو لي وجن والله انا لي اللحظه ما مصدقه انو وجن تعمل كده ! ونهائي م حأصدق !

اما ابوي من الخجل ما قادر يعاين ف وشي زاتو..يوم الخرجوني من المستشفئ

كنت قاعده في الغرفه جا ابوي وكان ماسك مجاهد ف يدو..ياخ كنت مششتاقه ليهو شوق !!

شلتو وسلمته عليهو

مجاهد : انتي لي نومتي كتيييير كده اا توتة !!

قلت ليهو كنت عاوزه ارتاح عشان انا تعبانه

قال : امممم واسي التعب فات !!؟

قلت ليهو ايون فات

عاين لي ابوي وقال ليهو : خلاص اابابا خلينا نمششو ..انا وانت وتوتة وماما

عاينته لي ابوي ولقيتو بدمع..قلت لي مجاهد امشي شوف فرح بتناديك

قام نزل من كرعيني وجرا برة..

ابوي : معالي اتوفت ي ترتيل...ضربتها عربية وماتت هي وبتها اللفي بطنها ..وربنا ستر مجاهد اخوك اتنفض بعيد من العربيه..

استغفرته ربي واتشهودته..صح هي ما عندها اي جانب مشرق معاي ...بس برضو اتآثرتة لموتها..خصوصآ انو البت الكانت حامل بيها ماتت برضو..ربنا يرحمها ويغفر ليها

*

علاقتي بي ابوي رجعت زي الاول واحسن كمان.

كنت عاوزه ارجع معاهو واواصل دراستي في شندي بس عمتي رفضت..ولغاية زعلت كمان

حضر عرس انصاف وسافر خلاني...انصاف سكنوها ممع مني ام رضوان..اصلآ البيت كبير وهي عندها اتنين..رشا ورضوان بس..



وبعد كم شهر ابوي اتزوج ..ونتيجة لاقناعي ليهو اتزوج معزه اخت معالي..ماشاء الله مافي علاقة بين معزه واختها..معزه طيبة لدرجة انتظر وتآمل الموقف..ياما زمان كانت بتعطف علي وبتحميني من بطش اختها ...طبعآ زي م انتو عارفين انها م اتزوجت ..ولانو ربنا كريم قسمتها جاتها ورا

سبحان الله..قبل كده اختها عيرتها بي انها لسع م اتزوجت وانها حتي لو اتزوجت ما حتلد عيال..اسي ربنا عوضها بي 3 اولاد..وبعد عرسها حملت طوالي..

...

انا رجعت قريت السمستر الاول من البدايه لأني جمدته السنه وكده..وياهو امجد كان معاي في نفس الدفعه..

قروب ديسباسيتو اتفركشش

والشجرة زاتها قعدت تحتها خاله بتظبت شاي زي العجب وبتعمل #شيريا تقول ي ليل

***

مرت تلاته سنين ..وانا زاتي كنت ف السنه التالته طوالي يعني توب سنير ..

طبعآ ناس ديسباسيتو اتخرجو..محمد اخبارو انقطعت في أسبانيا لكن هم كنت متواصله معاهم ..اصلآ نحن دراستنا خمسه سنه وياهو انا جمدته سنه كامله وهم كانو سنايرتي..عشان كده فاتوني والحمد لله اسي فاضل لي سنتين واخلص

في مرة من المرات محاضرتنا لسع م بدت ...كنت بتونس مع امجد وملفته عليهو

فجآة القاعه صنت..وسمعته صوت طقطقه..امجد كان برفع لي في حواجبو .لزوم الدكتور جا وكده..

قبل م اعاين اشوف منو قال لي : انتي ما في نادي ولا في قهوة عشان تقعدي تتونسي لي و كمان مع زميلك!!

بغض النظر عن الصوت المآلوف لكن اتذكرتة قبل تلاته سنه وقت قلت الكلام دا لي محمد ..

التفته لقيتو فعلآ دا

#مدريدي_زفت_الطين

ييييك .تلاته سنه ما شوفتو

آخر مرة شوفتو فيها لمن طلعته من الشقه حقتو في اليوم الشوم داك...

قال لي اطلعي برة

قلت ليهو بس انا ما غلطته معاك في شي.ولا قللته من احترامك ...صح كنت بتونس بس ما في وجود حضرتك..واظن دا من حقي كطالبه اني اتونس

قال لي كلامي واضح..اطلعي برة

غايتو اتششاكلته معاهو شكله لي رب السما ..لغاية

رفعني للعميد

كان بعاملني بقسوة كأنو م كان بعرفني..قال لي : لي اسي ما خليتي قوة راسك دي !!؟

قلت ليهو : انت خليت غرورك وعنادك ؟؟

وبتمني تكونو عرفتو انو احيانآ البراءة بتخفئ وراها ذائاب بشريه زي حبيبتنا وجن

واحيانآ الذئاب البتكشر لينا انيابها بتكون بتحمينا من خطر بي ورانا زي مدريدي زفت الطين...

المهم

قبل م انسي..الرصيد الكان بجي لي ترتيل ..بجيها من وين ؟؟ خصوصآ انو اسي انقطع

تفتكرو منو المرا الكانت بترسلو ليها!!!؟

انا متأكده في جزء حيقول دي ام ترتيل..

وفي جزء حيقول دي المرحومة معالي..هههه شر البليه ما يضحك ي الناس القلتو معالي

انا غايتو عرفته منو الكانت بترسلو...

ما عشان انا كاتبه الروايه وكده لالا ..عشان حسبتها بالعقل

زولة قالت عبارة : القروش دي ما حقتنا..من حقت البت اليتيمة .. ولو انتي ي أمي موافقه تاكلي حق اليتيمه..بعدين انتظري عذاب ربنا

الناس النبيهين حيكونو متذكرين الكلام دا كويس

والناس المسهيه ركزو #ببطء حتتذكرو...يلا استودعكم الله الذي لا تضيع ودائعه

نتلاقي في رواية آخري

رائيكم بهمني ..ودعمكم لي من خلال صفحتي #fulla_Ali بفرحني ولو في اي اسئله الخاص للجميع

سكت خلاني وطلع..العميد قال لي الدكتور دا جاييكم من اسبانيا نحن م عاوزين نخسرو..وهو رضا يدرس هنا لأنو قرا في الكليه دي قبل كده

م اشتغلته بي كلام العميد وطلعته خليتو..

مرت الايام..ويومي انا و د.محمد زي ما بقولو ليهو بنتناقر زي الشفع..لغاية طلعو اشاعة انو بحبني وكده

في يوم اتشاكلته معاهو وقال لي اجيهو بعد المحاضرة

بعد م طلعنا امجد قال لي امشي معاك !؟

قلت ليهو م تخاف انت عارف محمد بغيظ فيني ساي..امشي امشي

ابتسم لي وطلع مع ناسو..

مشيت ليهو المكتب وانتظرتو

الساعه كانت 4:34م والجو مغممم شكلو حتصب مطرة

وهو يخش يشيل ورق ويطلع..يخش ويطلع وانا عارفاهو قاصد يآخرني وبس عايزني انضم

وانا اعجبكم ..خشمي دا عندي نهائي م فتحتو.. عشان افتحو وهو يقوم يزلني ويشاكلني

انتو عارفين في النهاية جا وقعد وقال لي شنو ؟؟؟

قعد وربع يدو وقال : تاني م تعيديها..يلا فيك تمشي

طبعآ في اللحظة دي لو ادوني مسسدس كنت قتلتو اقسسسم..

م رديت ولا اتكلمته..بس شلته شنطتي وطلعته..لقيت الجامعه مافيها ولا قرد ينطط

مع طلعتي المطرة صبت...

جريت ع الظلط يمكن المح لي هايس بس يا ارض احفظي ما عليكي

طوالي قعدته ابكي..

المطرة كانت صابه شديد وانا اصلآ كارهة نفسي وكارهة محمد لانو السبب..

ضرب لي بوري..انتبهته للسنتافي حقتو الحمرا الواقفه جمبي.فتح الباب وقال لي اركبي

م اشتغلت بيهو ولا كأنو في زول بتكلم معاي

نزل و وقف قدامي وصرخ في وشي : ترتيل انا بتكلم معاك ! اركبي !

وانا كمان صرخته في وشو : م عايزه اركب ي مدريدي..م عايزه اركب مع زول بكرهني.!!

قال لي بهدوء انا م بكرهك

جوطتة فيهو طوالي : انت من يوم جيت بتعاملني بقسوة ليي !! انت عاوز تموتني كم مرة !!

قبل تلاته سنه برضو آزيتني! واسي عاوز تواصل الشي القطعتو صح !!!

مدريدي : البحب م بآزي ..انا بحبك كيف ءآزيك وانا بحبك !! كيف اكرهك وانا بحبك !!!

عاينته ليهو باستغراب ...بديت اضربو في صدرو وانا ببكي وبقول ليهو : انا بكرهك ي محمد! بكرررههك !! انت عمرك م حبيتني..انت بتحب نفسك وبس !!

حضني عليهو قووي وقال لي : هششششش خلاص كفاية..انتي حقتي انا ي ترتيل..حقتي انا وبس ..انتي حبيبتي..عمري ما كرهتك ولا حأكرهك..انا بحبك ..كل العملتو دا لأني بحبببك..حتي لمن كنت سكران م قدرت المسسك...لانك عرضي وشرفي ي تويتي..لاني عاوزك تبقي مرتي ف المستقبل ..وتكوني ام عيالي..انا ما بكرهك..انا بحببك..حاولتة انسسساك طول السنوات دي بس م قدرتة..كان هدفي اقرا وانجح عشان اجيك وانا زول وااعي وبقدر يتحمل المسؤليه !!

قلت ليهو انا بحببببك ي عمري

قال لي

وانا بموت فيييك ي مرتي

شوفو الحب دا بالله "! اقعدو لي انتو ..اقعدو لي

***

ديسباسيتووو

وااا

بعد 3سنيييين فررح ف العاصمه الاسبانيه #مدريييد

كنت حامل وبطني لي حلقي

محمد جا وحضني من ورا وباسني حيييينا لكن اقعدو لي انتو تابعو لي الروايات والناس تعرس بي جاي..اقعدو انتو واقعد انا احييينا

وفي نص لحظة الحضن شميت الريحه الما بتغباني قلت ليهو بآالم : حرام عليييك سمك !!

محمد : ايون..وعشان خاطر عيونك والنونو الفي بطنك

قلت ليهو : بس انا م حأقدر انضفو ولا اطبخو !!

قال لي والقال منو حتنضفيهو انتي ؟؟ حنان واروي البايرات بعملو ف شنو ؟؟

قبل م افتح خشمي حنان واروي جو هاجمين عليهو : نحن بايرات!!! الليله اصبر لينا

وجو بي وراهم احمد وكريم وشوقي و وليد

سلمته عليييهم بالجد كانت مفاجآة سمحه لي

بعد م جهزنا الآكل قعدنا برة

قلت ليهم من متين هم هنا والجابهم شنو ؟؟

شوقي : فرقتنا حتشششب تاني..وعندنا حفله اليوم وكده

قلت ليهم يعني الليله ناس ديسباسيتو حيغنو ؟؟

احمد قال وهو بلتهم في السمك : يب يب .ياخ الاكل دا #راااييييع ياخ..

مدريدي : بغض النظر عن كلمة #رايييع الغلط الانتا قلتها لازم تعرف انو البايرات اكلهم سمح

حنان : ترتيل لمي راجلك دا قبل ما اوري الجن الأحمر

قعدنا نضحك..و وقت خلصنا الآكل قعدنا ف حديقتنا البرة وكنا بنتونس وانا كنت راقده في رجول محمد حبيبي قام عاين لي وقال : بنزيما ؛

قلت ليهو : يعني شنو ي حبي

قال لي : يعني بحبك وبموت فيك وبعشقك

قمت قعدته وعاينت ليهو وقلت ليهو : بغض النظر عن انك قلته كلمه واحده وفسرتها بتلاته كلمات انت متأكد بنزيما دا ما لاعب في الريال؟

كريم : كتمت كتمت كاتميتو

شوقي : انا غايتو طالع من هنييتو

احمد : حبل الكضب قصيريتوو

قلت ليهم : وا دق يييييتو

محمد قام جاري وانا سكييتو

الليله لو مسكتو حاطلع زييتو

كاتمه فيهو حبيبي دا يخرب بيتوو

واا دق يييتو

خلوهم العورة ديل منفسنين ساي ..

طبعآ

انتهت رواية ديسبايستو..بتمني تكون نالت استحسانكم

وبتمني تتعلمو منها انو مهما انظلمتو في الدنيا دي ربنا حيكون واقف معاكم

وبتمني انكم تعرفو انو احيانآ..الزول البتكرهو وبكرهك ياهو زاتو الفي النهايه حيعرسك وبكرة قولو فله علي قالت ..

تقييمك لرواية ديسباسيتو

📖 رواية #دار_الأيتام

(6 حلقات)

#دار_الأيتام
بقلم: دلال سند

الجزء 01

انا رويده عمري ٢٤ سنه خلصت ثانوي ولدتي ووالدي اتوفو من 5 سنه واخوي حسام متزوج وسافر دوله اوربيه عشان وضعو المادي اصلو عندو خمس اطفال ومرتو علاقتي معها م تمام كنا دايما مشاكل..

بابا خلي لي شقه بي اسمي تلات غرف وحمام ومطبخ قاعده براي فيها اخوي كان برسل لي مصاريف بس فجاء وقف وانا كرمتي ابت اتصل واسالو لي م بترسل لي قررت اشتغل واكل من عرق جبيني والفكره ريحت نفسياتي لان كنت مزعوجه وحاسه بزل...

في يوم من الايام طلعت برا شقتي ونزلت كشك البواب ببيع فيه جرايد وانوع من البسكوت والسجاير وكدا وانا بشتري ف البسكوت عشان اسد فيو جعوتي لفت نظري اعلان ع الجرئده طالبين بنات مؤهل متوسط ومن عمر 20 لي 30 مع مبيت ف دار ايتام وخاتين الرقم والعنوان اخدته قام من البواب وورقه وسجلت الرقم والعنون وطلعت شقتي اكلت بسكوت مع شاي وجبت موبايلي ودقيت الرقم

رويده... الو السلام عليكم

الراجل... وعليك السلام تفضلي

رويده... انا دقيت عشان الوظيفه

الراجل... اهلا بيك اتفضلي بكره للساعه 8 صباحا للمعاينه

رويده... شكرا ليك بكره بكون ف المواعيد

الراجل... بتنوري

وقفت الخط وقمته جهزت غياري الحمشي بيو ومره اليوم عادي جدا ملل ما عارفه اعمل شنو اتفرجت ف التلقزيون وبعدين قلت بيضه وعملتها سندوش مع كاسه شاي واكلت الحمدلله ونمت...

صحيت الساعه 6 ونص الصباح دخلت استحميت ولبست وفطرته وطلعت وصلت الدار...

الدار مبني قديم ف اطراف المدينه قريب من شقتي م بعيد شديد بوابه كبيره تشبه باب المدرسه حوش كبير ومبني كبير يشبه القصور القديمه دخلت ممر طويل بينتهي بي صاله كبيره جدا وفاتحه فيه سته غرف وطابق تاني فوق فيو اربعه غرف ومكتب المدير...

دقت الباب وجاني صوت من جوه اتفضل دخلت وقلت السلام عليكم لقيت راجل قاعد ورا المكتب عمرو 45 تقريبا طويل وضخم وعندو كرشه شايل سجاره ف يدو بدخن فيها وعليكم السلام ي انسه اتفضلي اقعدي

الراجل قال لي انا اسلام عبد الرازق..

مدير الدار...

قلت ليو اهلا بيك ي استاذ انا رويده حسن ابراهيم دارسه ثانوي بتقدير جيد جدا وهي اوراقي ومدت الملف اخدو وقلب فيو وقال لي ممتاذ اسمعي ي رويده شروطنا..

المعمله الحسنه عشان ديل ايتام ومساكين والنوم ف الدار اجازه يوم الجمعه بس واراتب 2000 مبديا بذيد لو كنتي ملتزمه بشغلك

قلت لي ان شاءالله اكون عند حسن ظنك قال لي امشي استلمي شغلك وجيبي كل حاجاتك لانك ح تبدي من اليوم...

فرحت فرح شديد وشكرتو وطلعته جبت حاجاتي ورجعت الدار عمي عثمان البواب وراني غرفتي طبعا م قعده فيها براي اول م دخلت لقيت بت بي عمري مسيحيه اسمها كاترين اتعرفت عليها وهي انسانه طيبه شديد والمسا طلعنا انا وكاترين ع الغرف عشان نتمم علي الايتام وهي بتحكي لي عن الدار والايتام وكده ف غرفه من الغرف فيها اربعه اطفال ف عمر العشره سنوات فيهم طفل حجمو صغير وحلو شديد من اول م دخلت جا ومسكني من يدي والتصق فيني حسيت بحنيه اتجاهو سالتو من اسمو قال عيسي طلعتو سريرو وغطيتو ووعدتو اجي الصبح والعب معه

وطلعنا من الغرفه رجعنا غرفتنا بعد اطمنا ع الاطفال ف كل الغرف...

ورقده نمنه الساعه 3؟ صباحا صحيت ع صوت تك تك تك تك قمته سمعت صوت تاني الحنفيات ف الحمام بتاعنا مفتوحه قمت والنعاس ف عيوني قفلتها وقبل م اطلع من الحمام فتحت تاني هنا صحصحته وفتحت عيوني رجعت قفلتها وطلعت وفجاء

النور بقطع وصوت اطفال بتصرخ شديد...

يتبع...

#دار_الأيتام
بقلم: دلال سند

الجزء 02

وفجاء النور بقطع وصوت اطفال بتصرخ شديد وبي صوت غريب خفته شديد قشعر جسمي كلو وجيت صحيت كاترين قامت وقالت لي في شنو قلت ليها اسمعي قالت م سامعه شي ورجعت نامت انا لسه سامعه صوت الاطفال بتصرخ طلعت براحه ومشيت بطرف اصابعي وصلت الصاله الصوت راح مافي شي..

رجعت ورقدته وانا مقتنعه انو كان ف صوت ما عارفه كيف النوم دخل عيوني ونمته صحيت الصباح ع صوت كاترين بتصحي فيني قمته وغسلت وشي وفطرنا ورحنا ع غرف الاطفال وزعنا الاكل والعصير عليهم وصلت لي الغرفه الفيها عيسي وجا ومسكني من يدي اديتو فطورو وقعدته جنبو وبقت اسالو جا الميتم وهو صغير م متذكر مين اهلو وهو بتمني يكون عندو اهل ومرت الايام وانا ذادت صحبتي مع عيسي وجات الاجازه وكان الدنيا ليل الخميس بليل بنرجع بيوتنا والسبت الصباح بنبدا الشغل ف الدار انا طالعه رسلت لي كاترين ع الفيس مع تطلعي سوي لينا شاي انا جايه عليك قلت ليها طيب ختيت الموبايل ع سريري ورحت المطبخ وشنطتي ع كتفي عملت الشاي وجات كاترين وشربنا الشاي وطلعنا سوا كاترين ساكنه عكس اتجاهي قلت ليها الدنيا ليل اول م توصلي طمنيني عليك قالت لي اوكي كاترين بت جميله شديد خفت عليها لان ف منطقتها منتشر التحرش بالبنات.. و

وصلت شقتي وختيت شنطتي ورحت ع الدولاب طلعت البشكير والبجامه ورحت ع الحمام..

فتحت المويه وختيت شانبو ع راسي وبديت ف الحمام حسيت بي شي حوليني شلت البشكير مستحت الشابو من عيوني مافي شي رجعت غمضته عيوني وانا بغسل ف شعري شفت ايوه شفته اطفال بس شكلهم مرعب شديد يلي بطنو مفتوحه مصاريني طالعين برا ويلي عيونو مافي ويلي جنباتو مفتوحين ويلي راسو مقطوعه فتحت عيوني بسرعه وانفاسي بقت تعلو وجسمي برجف مافي شي رجعت وغمضته عيوني شفت الاطفال مادين يدهم باتجاهي زي كانو عاوزين يمسكوني او هم محتاجين مساعده رجعت فتحت عيوني ولبست بي سرعه وطلعت من الحمام وقعدته ف الصاله وانا برجف من الرعب الدخل قلبي...

بقيت افكر منو ديل وعوزين مني شنو وف شنو م قدرت اوصل لي شي..

مره اليوم والمساء الساعه 12 جهزت حاجاتي ورقده نمته وتكرر معاي نفس الشي بس المره دي حلم او كابوس.

صحيت لقيت الساعه 3 الصباح وتزكرت انو كاترين م دقت لي وقلقته عليه قمت ومشيت ع شنطتي اطلع الموبايل لقيت نفسي نسيتو ع سريري ف الدار..

قعدته شويه افكر ده شنو البحصل لي ده وقررت امشي اجيب موبايلي من الدار لان كنته خايفه ع كاترين لبست وطلعت الدار وصلت سريع لانو الدار م بعيده من شقتي..

دقيت الباب عمي عثمان عمي عثمان جا وقال مين قلت انا رويده قال لي الجابك شنو ف الوقت ده قلت نسيت موبايلي ف غرفتي فتح الباب وكان متوتر وجلبيتو مليانه دم قلت عم عثمان انت متعور مالك الضربك منو قال لي لا ابدا بس ضبحت خروف عشان العيال ف الدار اصلو نحنا بنضبح خروف وبنختو ف التلاجه عشان تهاني بتطبخ للاولاد ديل بيني وبينكم حسيتو بكذب وانو ف شي م طبيعي المهم قلت الله يديك العافيه اناوح اخد موبايلي وح ارجع البيت زح لي من الطريق دخلت غرفتي ولقيت الموبايل مطفي وشلتو وعاوزه اطلع سمعت صوت انين زي ف طفل متالم كدا طلعت الصاله لقيت ف دخان طالع من مكتب المدير بالطابق الفوق وسامعه عم عثمان بقوم نست موبايله ح تشيلو ماشه م تشيل هم طلعت بي طرف اصابعي والباب كان متاكي وعاينته من فتحت الباب شفته طفل ممدد ف سرير ومغطي بي ملايه بيضه بس مليانه دم وبيهتز كده هزات خفيفه صرخت واغمي علي لمن عم عثمان زح الملايه كان الطفل مفتوح بطنو وكلوشي القلب الكبد الكلي العيون كلو مافي...

يتبع...

#دار_الأيتام
بقلم: دلال سند

الجزء 03

زح الملايه كان الطفل مفتوح بطنو وكل شي القلب الكبد الكلي العيون مافي..

صحيت لقيت نفسي مربوطه بي حبل والمدير قاعد ف كرسي مولع سجاره وخالف رجلو وعم عثمان واقف قلت لي انتو بتقتلو الاطفال انا ح ابلغ عنكم الشرطه وبقيت اكورك الحقوني الحقوني وم حسيت الا وشي ضربني ف راسي من ورا واغمي علي تاني..

صحيت لقيت نفسي قاعده ف مكتب المدير وم مربوطه والمدير قاعد قدامي وبقول لي حمدلله ع السلامه انتي مالك ي بتي قمت صرخته وقلت لي انا م بكلم زول عليك الله م تقتلني انا م ح اتكلم قال لي تتكلمي تقولي شنو انا م فاهم حاجه قلت ليو انكم بتقتلو الاطفال م ح اتكلم ضحك ضحكه طويله وقال لي انتي شكلك كوبستي ماف شي من الكلام ده انتي دختي ووقتي وجابك عم عثمان لقاك واقعه عند باب الدار وانا جبته ليك دكتور واداك حقنه امشي ي بتي البيت ارتاحي وبكره لو قدرتي تعالي..

قلت ليو والضربه العلي راسي دي قال عم عثمان وم بعرف دخل المكتب بتين انا اسف ي بنتي وانا شايلك وعاوز ادخلك المكتب وانتي مغمي عليك انضرب راسك بالباب انتي تقيله وانا صحتي ع قدري معليش ي بتي قمت وطلعته من مكتب المدير وانا راسي يودي ويجيب وده شنو الحاصل ده وانا م فاهمه حاجه وصلت الشقه وختيت شنطتي وعاوزه اتصل بي ك

اترين اتذكرت موبايلي مطفي ختيتو ف الشاحن ودخلت الحمام استحمه ودقيت لي كاترين وقلت ليها عوزاك ف موضوع مهم...

ودخلت نمته م صحيت غيررتاني يوم الساعه سبعه صباح قمت ولبست وطلعته..

دخلت الدار وفورا ع كاترين وحكيت ليها البحصل معاي معاده الحصل لي الطفل م حكيتو فضلت اتاكد اول..

قالت لي هههههه اصلا الدار مسكونه انا كل يوم بسمع اصوات وبشوف كابوس بس اتعودته بقيت م بخاف وقلت لي اليوم عيد ميلاد عيسي حبيبك نحنا بنعمل عيد الميلاد من تاريخ دخول الطفل لي الدار عشان م بنكون عارفين تاريخ ميلادو وقررت اطلع اشتري لي هديه وفعلا رحت واشتريت ليو دبدوب وجيت وعملنا عيد الميلاد واديتو الدبدوب وفرح بيو شديد وقال لي اول مره تجيني هديه حلوه كدا انا ح اخلي معاي طوالي ولو لقيت اسره اتبنتني باخدو معاي ذكره منك لان انا بحبك شديد بسته وقلت خلاص يلا ع النوم نامو الاطفال..

وجينا انا وكاترين غرفتنا و الساعه3 صباح سمعت صوت مويه كابه قمته ولقيتها الحنفيه الفي الحمام والدش قفلتهم ورجعت عشان انوم..

وفجاء بقطع النور وبشوف ف ركن الغرفه طفله واقفه بس راسها مفتوح بالنص صرخته وطلعت ف سرير كاترين وهي قامت مخلوعه في شنو قلت ليها عايني ف الركن قالت لي ماف شي اهدي رجعت الكهربا وقعته جنب كاترين قلت ليها شنو البحصل لي ده قالت لي عادي اصلو الدار دي مسكونه ارواح بس م بتأذي زول بكره بتتعودي بعدين ي بت خشمك عندك نحننا جاين عشان الراتب نحنا محتاجين ليو...

رجعت ف سريري ونمته ومرت الايام وقربت اتعود ع الكوابيس دي.. وجا يوم الاجازه ولميت حاجاتي ومشينا انا وكاترين هي مشت بتجاها وانا جيت شقتي.. كان الساعه 8ونص بليل دخلت اخدته حمام وجيت اتعشيت وقعدته احضر التلفزيون بس سرحانه ف البحصل لي ده وقررت انوم وانسي اي شي ودخلت غرفتي ورقدته نمته.. وزي الساعه 3 الصبح بصحي ع شي بناديني بصوت حزين ومخيف رويده رويده فتحت عيوني واشوف عيسي بس كان عيونو مافي وصدرو مفتوح وكلو فاضي من جوه وراسو مفتوح وبرضو مخو مافي صرخت وهو كان بفتش وبقول لي وين الدبدوب بتاعي وين وانا بخوف قلت هو ف الدار وانا بزح شويه شويه لمن وقعت من السرير واختفي عيسي...

قمت بسم الله الرحمن الرحيم طلعت الصاله وقعدته وبفكر ده شنو البحصل لي ده وفجاء تقطع الكهرباء بس ف ضو ف غرفتي بقوم امشي بطرف صوابعي وبفتح الباب بلاقي اطفال كتيره اشكلهم مرعبه كل واحد فيهم مقطوع بطنو ومافي شي جوها ويلي عيونو مافي ويلي راسو مقطوع صرخته ورجعت لي ورا وبسمع صوتهم بقولو الحقينا الحقينا رويده ساعدينه

وبرجع النور برجع اقعد ف الصاله ع الكنبه وبقرر لازم اعرف البحصل ده شنو وبلبس وبطلع الدار...

بدخل كانت الساعه 6 الصباح وفورا بدخل الغرفه الفيها عيسي بس م بلقه بلقه الدبدوب ع سريرو باخدو بطلع مكتب المدير صباح الخير

المدير.... صباح النور

رويده... عيسي وين

المدير... عيسي جو ناس طيبين واتبنو حرام كان نفسو يروح ويكون عندو اهل..

رويده... طيب الحمدلله

ونزلت من عندو بس م مقتنعه عيسي كان متعليق بالدبدوب وقالولو اتبنو ناس هو بشيلو معه...

مره اليوم وانا منتظره فرصه ادخل مكتب المدير عشان اتاكد من موضوع عيسي..

وفعلا جات الفرصه المدير طلع مشي بيتو بس عم عثمان قاعد ح استني لمن ينزل بيتو تحت..

وجات الساعه واللحظه دخلت مكتب المدير فتشته الفايلات بس مافي زول اتبني عيسي وفي اسما اولاد كتير مختفيين.

رجعت بي سرعه غرفتي وبقيت افكر اعمل شنو عشان اكتشف السر ونمته

شفت ف منامي عيسي وهو ماسكني من يدي

يتبع....

#دار_الأيتام
بقلم: دلال سند

الجزء 04

شفت ف منامي عيسي وهو ماسكني من يدي ودخلني مكتب المدير وبهتز مكتبو وبينزح من مكانو وبطلع ف باب من ورا بينفتح الباب وبدخلني جوه وبنصدم من المنظر جثث اطفال متقطعه وجثت عيسي معاهم. بصرخ وبصحي من النوم...

كانت الساعه 5 صباحا قمت وقررت اجرب واشوف ورا المكتب وبي طرف صوابعي طلعت السلم وفتحت باب المكتب ودي فرصه لانو ف الوقت ده الكل نايم دخلت وبراحه زحيت الصوره الكبيره الورا مكتب المدير والمفاجاء فعلا باب قلبي بقي يدق بي،شده وجسمي برجف مديت يدي وفتحت الباب لقيت سراير كتيره وتلاجات والغرفه ضلمه فتحت الكاشف بتاع موبايلي وقربت من اول سرير مديت يدي وانا برجف شالت الملايه من شي مغطي بيها جثه طفل ملامحو متغيره وشكلو مرعب عيونو مافي وخشمو مفتوح وبطنو فاضيه وطالعه من ريحه قاتله..

كنت ح اصرخ بس مسكت نفسي غطيتو ف محلو ومشيت ع التاني ونفس الشي والتالت والرابع وهنا انهرت تماما وقعدته ف الارض ابكي بي حرقه شديده واااي ي عيسي واااي ي حبيبي ده انت معقوله كانت جثه عيسي مفتوح راسو مخو مافي وعيونو. مافي والقلب والكبد والكلي مافي مصارينو مكبوبه جنبو وخشمو مفتحوح زي الكان بصرخ يا حرررام ي عيسي قلبي ح يقيف من كتر البكي عليه قمت بي صعوبه ومشيت ع التلاجه فتحتها لقيت فيها مراطمين كبيره مليانه ماده غريبه وكلهم اعضاء بشريه عرفت ايوه عرفت الحاصل تجاره اعضاء بشريه..

رجعت كل شي محلو وطلعت وانا بفتح الباب لقيت ف وشي المديرر....

يتبع....

#دار_الأيتام
بقلم: دلال سند

الجزء 05

رجعت كل شي محلو وطلعت وانا بفتح الباب لقيت ف وشي المدير...

شهقته من الخوف وفورا ضربني ع راسي ووقعته مغمي علي..

صحيت لقيت نفسي جوه الغرفه مربوطه بحبل مع الجثث حاولت افك نفسي بدون فايده دخل علي عم عثمان والمدير قال لي انتي الدخلك ف الغرفه دي شنو وعرفتيها كيف الكلمك بيها منو قلت ليو صدفه دخلت عليك المكتب والصوره وقع براها لقيت باب الفضول خلاني تدخل قال لي وشفتي شنو قلت لي جثث واعضاء بشريه قال لي الجثث دي ح تلحقيها قريب وجا واحد جديد اول مره اشوفو شكلو دكتور جا وانا بعاين عاوز يدني حقنه صرخت مسكوني المدير وعم عثمان واداني الحقنه حسيت اني نعسانه شديد وبديت ادخل ف النوم سمعتو بقول لي المدير ح تنوم لي بكرا وبطلب من المدير اعضاء بشريه وبنووم انا بصحي بلاقي نفسي وسط الجثث وضلام شديد وبتفتح الباب وبظهر عم عثمان جايب مويه واكل انا م بعرف لي كم يوم بالحاله دي وباكلني غصب عني وبشربني مويه وبجي الدكتور بديني حقنه وبراج انوم...

وكل يوم نفس الشي وفي يوم بنفتح الباب وبدخل المدير مع عم عثمان وفي يدهم جثه جديده بس الجثه لسه حيه لان بسمع انينها وشخير زي البطلع في الروح بختوها ف السرير الجنبي وبطلعو م قربو علي لان عملت نفسي نايمه..

قفلو الباب وسمعت صوت الصوره بتتخته ف مكانه والمكتب بتزحه قمت وبديت افك الحبل واخيرا انفكه نزلت من السرير وجيت رفعت الملايه من الجثه بس كان مات طفل بعرفو من اطفال غرفه رقم 2 وبرضو شايلين اعضاءو.. اتذكرت منظر عيسي وبكيت حسيت بي رغبه الانتقام وقررت لازم انتقم لي عيسي وكل الاولاد..

قربت اضاني من الباب م سمعت صوت م كنت بعرف الساعه كم موبايلي اخدوه..

فتحت الباب وزحيت الصوره براحه ع جنب وتاوكته الحمدلله ماف زول طلعت وزحيت المكتب شويه شويه وطلعته فتحت باب المكتب عاوزه اهرب وفجاء بشوف قدامي

يتبع....

#دار_الأيتام
بقلم: دلال سند

الجزء 06

عاوزه اهرب وفجاء بشوف قدامي كاترين الحمدلله قلت وين انتي قطعتي قلبي قلت ليها تعالي نهرب وبحكي ليك كل شي طلعنا وفتحنا البوبه براحه وبقينا نجري ف الشارع كانت الساعه 4 صباحا قلت ليها اسمعي لازم نمشي محل غير بيتنا وبيتك قالت لي تعالي بيت صحبتي وجرينا امكن ربع ساعه نحنا بنجري وصلنا بيت ارضي دقت الباب كاترين مره واتين وتلاته واخيرا جانا صوت بت مين ف الباب صوتها ف رجفه اكيد البت خافت الساعه اربعه وربع الصباح ردت كاترين دي انا افتحي ي جوجو البت جات سرعه وفتحت الباب دخلنا ونحنا بنهلث ونفسنا قايم قعدنا وجابت لينا مويه وبعد ارتحنا شويه وهدي نفسنا بديت احكي لي كاترين وجوجو الحاصل والاحلام الكنتا بشوفا ولحدي م شفت الجثث وجثت عيسي والمدير والدكتور واتذكرت اسال كاترين انا غايبه لي كم يوم كاترين قالت لي ليك 4 يوم صحيت من النوم الصباح وجيت عشان اصحكي م لقيتك واستغربت وجود شنطتك وشبشبك ع السرير طيب مشت وين وهي حفيانه وفتشت وسالت عنك عم عثمان قال شافك طالعه الصباح بدري وكنتي بتتكلمي ف التلفون قال لي امكن حصل شي لزول م اهلها لانها طلعت بي سرعه وتاني م شافك انا بين مصدقه كلامو وم مصدقه اليوم الصباح زي 3 الصباح حلمت بي عيسي بياخدني من يدي وبدخلني الغرفه ورا المكتب وبفتح الباب وبشوف الجثث وانتي مربوطه بي حبل فقررت اجي واتاكد ولقيتيك...

قلت ليها لازم نبلغ الشرطه بسرعه اخت شبشب من جوجو وطلعنا التلاته اقرب قسم شرطه وحكينا لي الضابط المناوب كل شي وقلت لي لازم تتحركو هسي قبال م يعرفو يهربو ويدسو اي حاجه وفعلا طلعنا مع الدوريه ووصلنا كانت الساعه خمسه اول شي دخلو غرفه عم عثمان ومسكو بقي يقول لمن شافني انا ما لي دخل انا بواب قفير وقلت لي الضابط تعال اوريك دخلتو مكتب المدير وفتحت الباب وشاف كل شي قال لي ارجعي اقعدي ف السرير عشان نقبضو متلبس وربطوني ورقدته ف محلي ونزلو لي عم عثمان وقال ليو ح اطلعك منها بشرط تنفز البقولو ليك واتفقو يكون طبيعي ويعمل زي م بعمل كل يوم وادسو جوه الغرفه تحت السراير وجزاء برا ه

الساعه 8 جا المدير ودخل الغرفه قلت ليو فكني م بكلم زول عن الجثث ولا عن بيع الاعضاء بس فكني خليني امشي ضحك هههههه انتي اليوم حترقدي جنب عيسي حبيبك الطلبيه العيزنها ف عمرك كدا قعدته ابكي واقول ليو حرام عليك خليني امشي والله م اكلام زول ضحك وعاوز يمرق من الغرفه وبطلع الضابط والعساكر من تحت السراير وبمسكو...

وبفكوني واخدو قسم الشرطه وبفتحو الغرفه وبطلعو الجثث وبدا التحقيق برغم حزني علي عيسي كنت فرحانه شديد لانو ريحته اروح الاطفال ديل وانقذت الحيين منهم

والمدير والدكتور وعم عثمان اتفتحت قضيتهم وطلع ف شبكه كامله لبيع الاعضاء البشريه ومستمر التحقيق...

....... الـنـهـايـة ......