#فلوكستين
بقلم: شهد عبد الله

الجزء 10

،اول م فتحتو اتخلعته ورجعته ورا خطوتين و قولته ليهو خالد ؟؟😳😱😱😱😱خالد إتخلع قام ناطي من السرير والولد المعاهو شال الملايه وإتغطى بيها،طبعا خالد ومعاهو واحد كانو بعملو في حجات م تمام ،وانا والله من الصدمه وقفته في محلي وبقيت أرجف من فووق لتحت،قولته ليهم دة شنوو الإنتو بتعملو فيهو دة؟خااالد انت كدة معقوله؟قال لي اسكتي م تعلي صوتكك ،الولد المعاهو شال بنطلونو ولزاني من الباب وجرى طلع،دخلته لي خالد واديتو كف طااتخ وعدلتو بالتاني لمن وقع في السرير ونزل راسو في الأرض طبعا هو أطول مني بس لحظه الزعل ديك حسيت نفسي بقيت طويله هههه قولته ليهو خالد انت بتعمل كدة معقوله ي خالد انت كدة؟عاااارف لو ابوووك سمع بالحصل دة حيعمل شنوو؟راس مالك حيكون طلقه بسسس،قال لي عليك الله م تكلمي أبووي حلفتك بالله،قولته ليهو موضوع زي دة م بتسكت عليهو وانا شخصيا م بقدر اسكت في موضوع زي دة علشان بكرة أتحمل مسؤليه م مسؤليتي لازم اكلم ابووك وهو حيجي يتصرف معاك ،بقى يبكي زي الطفل قال لي حلفتك بالله م تكلمي زول من ناس بيتنا واهلي والله بعمل ليك أي شي عايزاه بس م تكلميهم😭💔سكته وبقيت اعاين ليهو طبعا ي جماعه الموقف كان صعب خلاص وانا والله م بقدر اسكت على موضوع زي دة،قولته ليهو لحدي الصباح💔مشيت غرفتي انا النوم غلبني وكل شويه أشيل التلفون اقول اتصل على ابوهو برجعو وبقول لا م بقدر كدة ي شهد إستخيري لأنو الموضوع صعب شديد ولو كلمتي ابوهو يمكن يكبر،مشيت صليت ركعتين استخارة ورجعته رقدته،الصباح اول م صحيت إتصلته على عمتو بدريه قولته ليها عايزاك ضروري،قالت لي مالك ي بت في شنوووو ؟اوووعى يكون الجماعه ديل شاكلوك؟قولته ليها لالا بس عايزاك تجيني سريع لما تصلي بحكي ليك،قالت لي سمح بجيك اسي،قعدته انتظرتها لغايه م جات ،قالت لي في شنوو ي بت؟قولته ليها تعالي معي فووق،قالت لي خلعتيني من الصباح دة انشاءالله خير ؟دخلتها غرفتي وقفلته الباب قولته ليها اقعدي كدة ي عمتو ،قالت لي اوووعى يكون الراجل طلقكك؟قولته ليها لا،قالت لي اها في شنوو؟حكيت ليها الحصل ،قالت لي ووووووووووووووووبعلي شنووووو؟الولد بعمل كدة؟قولته ليها اسكتي ي عمتو وطي صوتك،قالت لي اوطي صووتي في شنوو ؟دي كلام بسكتو عليهو اها ابو قال شنو لما كلمتيهو؟قولته ليها امممم لسسه م كلمتو،قالت لي كيف يعني م كلمتيهو ؟اسي ارفعي سماعه التلفون وكلميهو دة م موضوع تسكتي وتتستري عليهو ي بت هوووووي،قولته ليها عمتو ابوهو لو عرف ممكن يقتلو،قالت لي خلي يقتلو اصلا دة واحد م نافع خلي يقتلو طواالي قتلو زاتو حلال ي بتي هوي والله فضيحه الولد اكعب من فضيحه البت انتي مجنونه بكرة يختو اللوم عليك انتي ويشيلوك الذنب مالك ومال الدقو وشالو حقو انتي ي زوله هيي م تدخلي نفسك في حتات ضيقه زي دي خلي ابووهو يجي يتصرف معاهو بس،قولته ليها امممم طيب قبل م أكلم ابوهو خلي نسوقو الدكتور ،قالت لي دكتور لشنو ي بت وانتي قابضاهو وشوفتيهو بعينك؟يعني الدكتور حيكذب ليك الشفتيهو بعينك؟قولته ليها عمتو الله يخليك ساعديني بس في الموضوع دة ولو لقينا الفاس وقعت في الراس حأكلم ابوهو،قالت لي يعني م ناويه تكلمي ابوهو؟عاينته ليها وسكته،قالت لي سمح دقيقه ،شالت تلفوها واتصلت تلفون وقالت:الوو دكتور سميير كيفك انشاءالله طيب يااخ؟والله تمام الحمدلله طولنا منك شديد الله يعافيك اها دايراك في موضوع لكن حساس شويه كدة ،حكت ليهو بالموضوع ،قالت ليهو طيب تمام بعد ساعه كدة نكون معاك انشاءالله،بعد م فصلت قولته ليها قال ليك شنوو؟قالت قال نمشي ليهو اسي هو ماشي على العيادة،قولته ليها كويس طيب حأمشي اصحي خالد،قالت لي وعندو نفس ينووم كمان المعفن،مشيت فتحته باب الغرفه لقيتو نااايم،قولته ليهو خاالد ،ناديتو كم مرة وم صحى فجأة اشووف ليك عمتو جايه داخله الغرفه وشايله شبشبها في يدها وادتو ليك في ضهرو طاااخ طراااخ ،قام قعد قال ليها في شنوو؟بي غضب كدة،قالت ليهو شنينه ي وسخ كمان عندك نفس تسأل ي المغفن قوووم يلا قيااامه تجيب أجلك،قعد يعاين لي ،قالت ليهو م تعاين ليها دايرها تغطي على عفانتك يعني؟انا والله الله م رزقني بي عيال لكن كان الله بديني ليهم عشان يخلوني اتشاقا كدة احسن م يديني ليهم قووم يلا استحمه وغير ملابسك ديل واطلع قدامي ي عفن😡قال ليها امشي وين انا م ماشي محل،قالت ليهو تقوم ولا على كيفك والله اخنقك بي يدي دي لمن اجيب اجلك قايلني زي شهد؟والله اكسر رقبتك وابوك م يقدر يسألني سرعه أللبس واطلع قدامي ،قال لي فضل منو م كلمتي؟قولته ليهو فضل ابووك بس😊قلع عيونو خوفه بس مشى دخل الحمام،والله عمتي كيفتني كيف😂💔بعد م جهز وقمنا طالعين لجين بقت تبكي شلتها معاي،عمتي قالت لي شايلاها معاك وين كمان؟قولته ليها م بقدر اخليها تبكي،مشينا العيادة عمتو دخلت للدكتور أول وإتكلمت معاهو بعدها جات طالعه قالت ليهو طير امشي أدخل،دخل للدكتور قعد معاهو مساااافه بعدها قالو يعملو ليهو فحص ولا شنو م عارفه

المهم قعدنا تقريبا سااعه والله الموقف كان اكتر من محرج ليهو هو ولي انا صراحه بس كنت مجبورة م في يدي شي أعملو غير كدة،بعد م الفحوصات طلعت خليت ليهو لجين ودخلنا انا وعمتو الدكتور ،طبعا انا منزله راسي دة في الأرض يااخي بجد الموضوع كان مقرف حد القرف،عمتو قالت للدكتور اها ي سمير؟قال ليها ماف شي هو تقريبا كدة لحدي الأن تمام م عندو مشكله بس حاولو ابعدوهو من النووع دة من الشباب وبعدين الحاله النفسيه ليها أثر انا من كلامي معاهو عرفتو حالتو النفسيه م تمام وبعدين تعالو اسألكم الولد دة بتعاطى اي نوع من انواع المخدرات؟قولته ليهو لا م بتعاطى،قال لي متأكدة؟قولته ليهو ااااايوة متأكدة ،قال لي طيب على العموم أبشركم هو لحدي الأن في السليم ،،،طلعنا من الدكتور ووصلنا البيت انا البكى شرطني والله بكيت بكى،عمتي قالت لي م تبكي بتبكي لشنوو؟قولته ليها هو الجبرني وخلاني أختو في الموقف دة أنا اعمل شنوو بس كدة قولي لي ،😭😭😭😭😭💔قالت لي ي بتي انتي م عملتي شي غلط العملتي دة كلوو لمصلحتو وعشان م يكرر الغلط دة تاني وبعدين انتي العيال ديل لاقينك صغيرة وم قادرة عليهم والله دي لو انا اسبوع واحد بس أمشيهم ليك زي المسطرة قليلين ادب وم مربين،اثناء م بنتكلم كدة همام إتصل علي،بقيت اعاين للتلفون،قالت لي دة ابوهو ردي لكن طالما ماف حاجه م تحكي ليهو شي،رديت عليهو،قال لي صباح الخير؟قولته ليهو وصباحك ي رب،قال لي صوتك مالو عيانه ولا شنوو؟قولته ليهو لا بس يمكن علشان صاحيه من النوم وكدة،قال لي ايوااا طيب كويس العيال كيفهم بتصل على خالد م برد،قولته ليهو يمكن في المحاضرة علشان كدة،قال لي طيب يلا مع السلامه،قولته ليهو تسلم بعد م قفل قولته ليها انا حأفضل أغطي عليهم كدة لمتين ي عمتو والله راسك حيطق،قالت لي م تغطي م مجبورة انتي خليك واضحه عشان يعرف أولادو ،قولته ليها طيب،بعد تلاته من الكلام دة طلعته البقاله علشان أجيب حجات،سامعه واحد بتكلم مع بتاع البقاله دي وبقول ليهو:يعني الشقه دي ساكننها نسوان بس؟بتاع البقاله قال ليهو نسوان وفوضى فوضى كدة عجيبه والله جايبين لينا السمعه الما طيبه في الحي الراقي دة،اول م شافوني سكتو شلته حجاتي ورجعته البيت، وانا راجعه لقيت واحدة من بنات الجيران الاسمها هديل ديك سلمت علي وبعلي سمحه سماحه حلااااتها بارمه الشعر دة ومشقراهو فظييعه فظاعه تعقد 😻❤️في نفس اليوم دة بالليل حوالي الساعه 11كدة تلفوني ضرب ومن ضمن الأيام تلفوني اليوم دة م قفلتو، رديت المتصل قال لي:السلام عليكم؟قولته ليهو وعليكم السلام،قال لي ياااخي عندكم بتكم دي معانا في الحراصه هنا تعالو ليها،قولته ليهو شنووو؟حراصهه؟حراصه شنوووو؟قال لي تسأليني انا وانتو فاكنها سااي تعالي القسم وحتعرفي،قولته ليهو قسم وين بالظبط ؟قال لي قسم ...في ...،قولته ليهو طيب طيب،هالد كالعادة طبعا ماف لبسته وطلعته براااي بالليل داك مشيت القسم سألته منها الضابط قال لي بتعرفيها؟قولته ليهو ايوة بعرفها وينها هي؟قال لي تعالي مشيت معاهو على اتجاه المكان القاعدين فيهو استغفر الله البنات ديل قاعدات الا بملابسهم الداخليه،وفي واحدات شكلهم م لابسات متغطيات الا بالملايات ،وواحدات قاعدات بالبجامات والجلبابات الخفيفه دي،قعدته اعاين ليهم قولته ليها لميس؟😱بتعملي شنوو انتي مع ديل؟وهي تبكي،الضابط قال لي اول شي اسي في زمتكم بتكم م بتتفقدوها؟م بتعرفوها بتطلع تمشي وين انصاص الليالي فاكنها ماشه ساااي زي البهيمه كدة؟قولته ليهو والله م كلمتنا وم كان عندنا علم بالحاجه دي،قال لي انتي عارفه البيت اللقيناها فيهو دة بيت شنوو؟دعارة ،بيت مشبوه ،فيهو اااي شي مخدرات ،شيشيه كل انواع الفساد في البيت دة ،قولته ليهو شنوووو😳😱كيف يعني وهي الوداها هناك شنوو؟قال لي تسأليني انا اسألي نفسك وبعدين وين ابوها وامها؟لقيناها بتشرب في الشيشه في نص الناس دي البت دي م حاخليها تطلع من هنا مالم ابوها يجيني هنا انا والله شفتها بت ناس وم بتشبه الناس الكانو في البيت دة وبالفعل سألتها ساكنه وين؟ابت تتكلم كانت خايفه شديد،قولته ليها اديني رقم تلفون اااي زول من اهلك ادتني الرقم دة انتي اختها؟قولته ليهو لالا م أختها انا مرت ابوها وابوها مساافر ومحملني مسؤليتهم انا عليك الله خليها تطلع من هنا والله العظيم تاني م أخليها تمشي مكان زي دة،قال لي لالا طالما اتقبضت مع الجماعه ديل م بتطلع من هنا الا تتحاكم وتدفع غرامه كمان،قولته ليهو طيب انا م عندي مشكله بدفع لكن عليك الله خليها تطلع والله ابوها لو عرف بقتلها وكمان حيطلقني بترضاها لي اختك؟ياخي فضلته أحنس فيهو لمن قال لي بطلعها ليك من غير محاكمه ومن غير الغرامه زاتها بس اكتبي لي تعهد ،قولته ليهو طيب بكتبو ليك على طوول،كتبني تعهد وقال لي:والله عشان باين عليها بت ناس محترمين وم بتشبه العولاق الجوة ديل لو م كدة كان خليتها تتمرمط في التائبات ،لما قمنا طالعين قال ليها تاني لو لقيتك في أي لفه من اللفات الماتمام دي بديك سته شهور ،،بعد م رجعنا

البيت لسسه رافعه مناخرها ومتنرفزة اديتها ليك كف لمن ملامح وشها إتغيرت قولته ليها البوديك البيت داك شنووو؟قالت لي وانتي مالك😡تاني اديتها كف ولزيتها رميتها في السرير قولته ليها كمان عندك نفس تسألي ي حيوانه؟الوداك هناك شنو جاوبي؟قالت لي مشيت أشرب شيشه وسجاير عندك سؤال تاني؟طبعا يعني فيها قوة عين مبالغه لمن خلفت لي رجلي،قولته ليها شيشه وسجاير ي حيوانه اسي انتي بت واعيه كدة بتمشي بيوت زي دي؟في بت ناس بتعمل كدة؟قالت لي أمي بت ناس وبتمشي البيت دة عادي يبقى انا البمنعني شنووو ليه م أمشيهو ؟....

يتبع.....

#فلوكستين
بقلم: شهد عبد الله

الجزء 11

؟قالت لي أمي بت ناس وبتمشي البيت دة عادي يبقى انا ليه م أمشي؟طبعا صدمني جوابها😳قولته ليها امك بتمشي البيت دة؟قالت لي ااااايوة بتمشي وبتشرب شيشه وسجاير وبلعبو كوشتينه مع صحباتها هناك عااادي يعني الموضوع م غريب علي ابدا يمكن جديد عليك انتي اما انا م جديد علي،قولته ليها يعني كان اخليك في القسم تتمي ايامك عادي؟طيب طالما الموضوع عادي كدة وامك بتعمل كدة ليه م اتصلتي عليها؟ليه اديتي الضابط رقمي وم اديتيهو رقم امك؟علشان عارفه لو امك جات م حيطلعك صح؟عارفه الحاجه دي انت؟شوفي انا والله فترتا منكم ومن قرفكم ،شويه كدة اسمع ليك خالد جاي داخل وبغني بأعلى صوتو قولته ليهو تعال هنا انت كمان،قال لي م جااااااي ي مزة ي حلوة ي نكديه وبضحكك،عاينته ليهو بإستغراب قولته ليهو خاالد؟مشى غرفتو وقفلها خليت دي وبقيت بفكر في خالد مالو كمان ،شويه كدة نزل تحت فتح باب المدخل وجا راجع دخل المطبخ تبعتو شايفاهو شايل ليهو مويه في جردل ،وانا ولميس واقفين وبنعاين ليهو طبعا،شال المويه وماشي بيها على إتجاه علبه الكهرباء ،جريت لحقتو عايز يكشح المويه في العلبه ،مسكته منو الجردل قولته ليهو بتعمل في شنوو انت؟قال لي داير اطفي الحريقه دي انتي م شايفاها؟وكمان ناس الكهربه وصوني اكشح مويه يومي في المكان دة،قولته ليهو ماف اي حريقه انت الحتحرق روحك وحتحرقنا معاك وشلته الجردل وكشحته فيهو المويه الشايلها ،قولته ليهم ياخي مالكم كرهتوني انتو 😡سوقناهو دخلناهو غرفتو،فتح دولابو شال ليهو قميص لبسو وشال نظارتو لبسها وقام طالع،قولته ليهو ماشي وين؟قال لي عندي مواعيد مهمه مع زول ماشي ليهو،قولته ليهو ي زول هوي إترزع في السرير دة ونوم نومك سااي لمن بكرة ورقدتو في السرير ،قعدته أفتش ملابسو وتحت الفرش حقو م لقيت فيهم شي،لميس قالت لي الحاجه البتفتشي ليها بتلقيها في علبه الدولاب تحت ملابسو،عاينته ليها بإستغراب مشيت فتحته الدولاب طلعته ملابسو كلها لقيت العلبه فتحتها لقيت فيها كميه من الحبوب لونها أحمر،ومعاها كم سجارة بيضاء وحجات كدة م مفهومه ،اتلفته عليها قولته ليها وانتي عرفتي من وين؟سكتت،قولته ليها جاوبيني عرفتيهم من وين الحجات دي؟م إتكلمت معي،قولته ليها طيب م تتكلمي،الصباح اوول شي مشيت صحيتها قالت لي مالك ياخ😡قولته ليها قومي تعالي معاي جريتها من كتفها ودخلته بيها غرفه خالد وصحيت خالد قولته ليهم إنتظروني،مشيت غرفتي شلته الخرطوش طبعا عندي خرطوش مجهزاهو من بالليل قولته ليهم فترته منكم ومن فواصلكم الناقصه انا شويه كدة حأجن فهموني بتعملو كدة لي؟خالد انت بتتعاطى ؟مخدرات ي خالد في زمتك؟قال لي م قاعد اتعاطى ولا شي ي زوله هوووي،قولته ليهو م بتتعاطى صح؟طيب دقيقه فتحته الدولاب وطلعته العلبه قولته ليهو ديل شنوو فهمني؟قعد يعاين لي مخلوع،قولته ليهو امس كنت عايز تولع فينا البيت بسبب عمايلك دي وشكلك ناسي قبل اسبوعين انت عامل شنوو،وانتي م حأقول ليك انتي عامله شنو بس حأسألك عرفتي كيف انو خالد بتعاطى؟وعرفتي مكانهم من وين؟قالت لي عايزة تخوفيني بالخرطوش دة يعني اديتها لي بالخرطوش طاااخ لمن بقت ترقص براها وصرخت ،قولته ليها خوفتي ولا لأ؟وانت سلمني بطاقه الصراف العندك،قال لي م عندي بطاقه انا،قولته ليهو م عندك صح طيب رفعته السوط اديتو اتنين قال لي ياخ انتي وقف على حيلو عايز يضربني قولته ليهو جرب مد يدك دي عشان اكسرها ليك،جرب مدها لو راجل صحي،رجع لي ورا،شلته بنطلونو فتشته الجيوب لقيت المحفظه فتحتها شلته منها البطاقه قولته ليهو شووووف البطاقه دي لغايه م تتعدل م تسألني منها،قال لي تشيلي بطاقتي وربي أكلم ليك ابووي انتي منو زاتك،قولته ليهو أعلى م في خيلك اركبو وابوك خلي يجي يحاسبني انا زاتي عايزة يجي يحاسبني علشان أخت ليهو النقط في الحروف ،قال لي ابقي قدر كلامك دة،عاينته ليهو وطلعته،مشيت غرفه ميدو دقيت ليهو الباب طاااخ قولته ليهو سرعه قوم امشي مدرستكك،وإلا والله الليله الخرطوش دة حأكملو في جسمك،طوالي قام دخل الحمام طبعا ميدو دة ي دوب بقرا سنه خامسه ،لبس وطلع جبته الدواء اديتو ليهو قولته ليهو يلا أمشي ونهايه جيب لي دفتر المتابعه معاك فاهم؟قال لي كويس،م بمشو إلا بالعين الحارة😒💔بعدها مشيت قولته لي لميس سرعه أللبسي وامشي المدرسه👈قالت لي م ماشه،قولته ليها نعم سمعيني كلامك دة تاني كدة؟قالت لي انتي م أمنا مستفيدة مننا شنوو؟يعني إذا نجحنا او فشلنا او مشينا في الطريق الغلط بفرق معاك في شنووو؟ قولته ليها تصدقي فعلا انا م بفرق معاي في شي ولا نجاحكم بزيد من عمري سنه بس انتو مسؤليه حملني ليها ابوكم وكمان الشينه م برضاها ليكم م ممكن اشوفكم ماشين في الطريق الغلط وأسكت اخليكم فهمتي؟،سكتت وبقت تعاين لي،قولته ليها إذا انتو الكبار بتعملو كدة أخوانكم الصغار ديل حيعملو شنوو؟انتي المفروض بدل م تباري الفارغه تهتمي بي أخوانك ديل وترعيهم ،قالت لي هي امهم مشت خلتهم انا مالي بيهم،قولته ليها مالك بيهم

كيف؟لميس انتي م صغيرة السنه الجايه داخله الجامعه يعني مسؤليه بيت ممكن تمسكيها يعني أخوانك ديل إذا امهم مشت خلتهم زي م بتقولي المفروض انتي تبقي ليهم أم وطلعته مشيت خليتها،مشيت لقيت لجين نااايمه والله ماف زول بحنن قلبي وبوجعو غيرها ياااخي بريئه وم عندها ذنب في البيحصل دة كلوو علشان كدة كنت دايما بحاول انومها في حضني وبتفقدها كل شويه وبكاها الكانت بتبكيهو دة بكى زول ناقصو شي💔 رقدته نمممممته والله مرهقهه فترانه وتعبته من كترة المشاكل البتقع في راسي دي،حوالي الساعه10كدة فاطمه الشغاله صحتني قالت لي في ناس تحت عاوزنك،قولته ليها عايزني انا؟قالت لي اااي غسلته وشي ونزلته ،لقيتهم بنات الجيران سلمته عليهم وخليت فاطمه تجيب ليهم العصير،هيفاء قالت لي لميس وين م ظاهرة؟قولته ليها قاااعده والله بس مع المدرسه وكدة هههه،طوالي عاينت لي أختها وإبتسمت،هديل قالت لي خلوها تشد حيلها بس والله تالته دي دايرة قرايه شديدة،قولته ليها صح والله غايتو ربنا يعين مع انها م شادة حيلها شديد غايتو هههه،في يوم طلعته مشيت بيتنا امي كانت عندها صندوق جبنه وكدة مشيت تميت يووومي داك معاهم العصر أجرته لي أمجاد وصلتني لغايه الباب اول م نزلته لقيت لميس واقفه جنب الباب ومعاها واحد وبلز فيها وبقول ليها:ي زوله هوووي م عندي ليك شي اخوووك الكنتي بتشيلي منو دة خلي يديك،قولته ليهم في شنوو؟الولد سكت،قولته ليها لميس بسألك انا في شنوو ودة منو الواقفه معاه دة؟عاينته ليهو لقيتو واحد من اصحاب خالد،قولته ليهو انت مش صاحب خالد؟وأخو ناس هديل؟قام ماشي مسكتو قولته ليهو دقيقه انا بتكلم معاك في شنو مالك معاها؟هديل قالت لي بصوت عالي ماف شي قولته ليك ياخ😡قولته ليهو بسأل فيك انا ي ود الناس في شنوو؟خته يدو في راسو قال لي اسأليها هي بتجاوبك ومشى،سوقتها دخلتها البيت قولته ليها م حأعيد ليك السؤال دة تاني الولد دة مالو معاك؟بقت تهبش في شعرها وتهز في رجلها ،قولته ليها بتكلم معاك انا؟قالت لي ياااخ دايرة أشيل لي منو حبه فايف مالك ياخ؟قولته ليها شنوو؟فايف😳😱😱😱😱😱؟انتي ي بت عايزة تجنيني😱؟اموتك انا ولا أعمل فيك شنو عرفتي الحجات دي من وين؟إتكلمي قبل م أجيب خرطوشي،قالت لي كنت بشيلها من علبه خالد وخالد من يوم م انتي شلتي منو العلبه تاني م جابها في البيت وفوكس دة اصلا بجيبها لي خالد وكنت بشيل منو لما م أللقى عند خالد علشان كدة مشيت أشيلها منو في حاجه تاني؟ طبعا انا ختيت يدي في راسي بجد فترته وحيلي إتهد أطلع من مشكله تجيني الأكبر منها دي حاله شنو ي عالم😭💔قولته ليها من متين بتاخدي في الحجات دي انتي؟قالت لي حكايه بتاعه تلاته شهور كدة،قولته ليها تلاته شهوور ي لميس ؟في زمتك تلاته شهوور قعدته في الأرض وبقيت أبكي،ببكي حرقه على حاله الشفع ديل ومشاكلهم الحاصله ليهم وأهلهم م جايبين خبر يعني معقوله في أم كدة،هي زاتها بقت تبكي معي،قولته ليها فهميني بتبلعيها لشنو الناقصك شنو؟أبوك دة م مقصر منكم في شي ي لميس طلباتكم كلها مجابه،قالت لي هم مقصرين مننا في كل شي اصلا هم سبب مشاكلنا دي كلها،التقصير المادي م مشكله ممكن نقدر نستحمل ونتعايش ،بس أديني تفسير واحد لطلوع أمي من البيت ومخليه وراها بت عمرها 16سنه والتانيه عمرها سنتين,التفسير الوحيد انها بتقول لينا أعملو العايزنو ودة البحصل حاليا،قولته ليها عايني انا بس عايزة منك شي واحد البتعملي فيهو دة كلوو م صح ركزي على مستقبلك لأنو دة مستقبلك انتي عيشي حياتك صح وأبدي الصفر من ربنا ببتلينا الإبتلاءات دي علشان يشوفنا بنصبر عليها ولا لأ،ياخي في ناس ربنا حارمهم من نعمه الأم والأب والله انتو في نعمه،ضحكت قالت لي نعمه؟والله نعمه افضل عدمها ههه ،قولته ليها انسي الفات دة كلوو وأبدي صفحه جديدة وحاولي عقلي أمورك وانا معاك وبعدين انتي لما تدمري نفسك ومستقبلك حتستفيدي شنوو؟قالت لي علشان يعرفو غلطهم،دي أكتر لحظه بكتني ياخي بعد كلامها دة مشيت صليت ركعتين شكر على النعمة الأداني ليها ربنا في أمي وأبوي❤️اليوم التاني صحيت الصباح بدري جهزته ليهم الشاي بعد م ميدو مشى المدرسه جات قالت لي عايزة قروش المدرسه،قولته ليها اقعدي اشربي،قالت لي م عايزة شاي انا بس أديني القروش،قولته ليها طيب هاك أمشي وم أنسى انا حاتصل على أستاذة إبتسام عشان اتأكد منها إذا انتي في المدرسه ولا لأ،سكتت،بعد م مشت قريب لزمن الفطور كدة إتصلته على أستاذة ابتسام قالت لي اااي جات،في نفس اليوم دة العصر شلته لجين ومشيت معاها الدكان واتلاقيت مع هديل في الدكان وكانت بتتونس مع سيد الدكان وانا بقيت أتونس واضحك معاهم ،بعد م رجعنا البيت بي ساعه كدة إتصل علي همام بعد م سلم علي وكدة قال لي شهد انتي مشيتي الدكان اليوم؟طبعا انا مستغربه قولته ليهو أااااايوة مشيت في حاجه؟قال لي تاني م تمشي الدكان تمام؟لو إحتجتي لي حاجه رسلي اي زول من العيال ديل ولو م لقيتي زول ترسلي م تمشي عديل،قولته ليهو ليه في شنو؟وليه م أمشي الدكان وبعدين انت الكلمك منوو؟انت

مراقبني ولا حاجه؟قال لي م مراقبك واسمعي كلامي الموضوع دة من هنا وأقفلي تمام؟قبل م أرد ليهو قفل الخط ياخي زعلته زعل وإتنفخته نفخهه انا م عملته شي غلط يستاهل دة كلوو، نزلته مشيت المطبخ بديت أعمل في الغداء جا ميدو،قولته ليهو اخت ليك تاكل؟قال لي لا م داير ،قولته ليهو شيبس بطاطس بي كاتشب وجبنه م عايز؟قال لي ي سلاالم ياخ جيبيهو طوالي😻❤️جهزتو ليهو وقولته ليهو اووعى توسخ بيهم غرفتك فاهم؟قال لي كويس،اثناء م انا بجهز في الغداء كدة الجرس ضرب فاطمه مشت فتحت الباب ،قولته ليها منو ي فاطمه؟فجاة اسمع ليك مرة بتقول لي ست البيت طبعا منو غيرها،إتلفته عاينته ليها قولته ليها اهلين إتفضلي قالت لي ما محتاجه تقولي لي إتفضلي براي بتفضل قعدت في الكرسي وخلفت رجلها ،قالت لي جيتك أتكلم معاك بخصوص الورقه دي إتلفته قولته ليها ورقه شنوو؟قالت لي ورقه الإشاعه الطلعتوها في ولدي انتي وعمتك وقولتو فيهو كلام م تمام انتي عارفه الورقه دي لو وصلتها لي ابوهو حيعمل فيكم شنوو؟قولته ليها السؤال البطرح نفسو هل هي إشاعه؟قالت لي لو م إشاعه بكلمه واحدة بس مني مع همام حأعملها إشاعه ي بت انتي م عارفه حاجه همام دة انا متملكاهو ولابساهو زي الخاتم في صباعي وكلامي هو البمشي وااااي حاجه انا قولتها ليهو بنفذها بالحرف الواحد علشان كدة موقفك ضعيف شديد قدامي انا همام دة متزوجاهو من لما عمرو كان 17سنه م أظن انتي بتعرفيهو أكتر مني أنا لأني عايشه معاهو العمر دة كلوو وروحو ونفسو انا وبس وبإشارة مني بعمل ااااي شي،طبعا انا مواصله في طبيخي م مركزة معاها،قالت لي اسي الورقه دي بتثبت انو ولدي بريئ من الكلام القولتيهو فيهو وانا ممكن ادخلكم المحكمه انتي وعمتك وهمام حيقيف معي ،قولته ليها طيب لما انتي بتقدري تعملي دة كلو جاياني انا لشنو ؟أمشي نفذي الفي بالك،قالت لي يعني عايزة همام يجدعك جدعه الكلب في الكوشه؟عشان كدة رجعي لي خالد بطاقه الصراف حقتو الطمعانه فيها دي واقفلي الموضوع على كدة،قولته ليها يعني انتي من قبيل بتلفي وبتدوري علشان بطاقه الصراف هههه 😊فتحته التلاجه عايزة أشيل منها علبه الصلصه ،قالت لي صحي الما بتلقاهو في بيت أبوك بخلعك في بيت أبوك راحه زي دي لو عشتي عمرك كلو م بتلقيها،هنا لقيتي المكيفات والراحه دي م اظنك تاني ترجعي بيت أبوك العدمان دة،أنا في اللحظه دي فقدته السيطرة وم قدرته أتحكم في أعصابي فتحته الفريذر لقيت كوز مويه مجمد شلتو وضربتها بيهو في راسها صرخت بأعلى صوتها واااي كتلتني واااي،،انا ممكن استحملك تتكلم وتغلط علي لمن الله يغفر ليك لكن يوم م وصلته الحد ممكن اموتك عديل،وهي لما غلطت غلطت في أهلي يعني في نظري حتى قتلها حلال،الشغاله بقت تقول:ماما مالك ماما في شنوو ؟قالت ليها وديني المستشفى ودمها دة ملى ملابسها ساقتها ودتها المستشفى وانا والله دخلته غرفتي وقعدته في السرير وبقيت أرجف من فووق لتحت،شلته التلفون إتصلته على همام،اول م رد قولته ليهو عاين من الأخر كدة طلقني....

يتبع.....

#فلوكستين
بقلم: شهد عبد الله

الجزء 12

،شلته التلفون إتصلته على همام،اول م رد قولته ليهو عاين من الأخر كدة طلقني،قال لي بسم الله ي شهد في شنوو؟قولته ليهو وكمان عندك نفس تسأل؟م عارفه بس طلقني انا عايزاك تطلقني عايزة أرجع بيت ابوووي طلقني واحسم الفارغه دي،طبعا بتكلم وببكي،قال لي شهد لو قاعدة أقيفي ولو واقفه أقعدي وروقي شويه كدة وفهميني الحاصل شنوو؟بتبكي مالك؟قولته ليهو انت م عايز تفهم قولته ليك عايزاك تطلقني ولو سمحته في أسرع وقت ممكن رسل لي ورقتي وقفلته الخط في وشو،والله إنهرته عديل كدة وبكيت بكى كدة يمكن اول مرة ابكي كدة،اثناء م انا ببكي سامعه صوت بت بتقول سلام عليكم مسحته دموعي قولته ليها وعليكم السلام جات داخله لي في الغرفه قالت لي في شنوو؟كانت هديل طبعا قولته ليها ماف شي،قالت لي لا في اسي شايفه خالتو سهام معاها فاطمه في الشارع ملابسها ملانه دم مالكم خيير؟قولته ليها انا ضربتها،قالت لي شنوو؟😱ليييه مالها معاك؟قولته ليها موضوع طويل م بقدر أحكي ليك،قالت لي شهد خلاص قومي ارح معاي بيتنا،قولته ليها م ماشه،قالت لي شهد اسمعي الكلام قومي ارح معاي بيتنا علشان الموضوع م يتطور ،قولته ليها انا م ماشه ااي مكان وم خايفه من زول أنا تمام؟قعدت معاي كدااا تقريبا تمت معاي ساعه بعدها قالت لي انا طالعه،قولته ليها طيب،قالت لي هاك سجلي لي رقمك هنا في تلفوني ،سجلته ليها رقمي إتصلت علي قالت لي دة رقمي لو حصلت اااي حاجه إتصلي علي تمام؟قولته ليها طيب،بعد م طلعت مشت تاني جات راجعه قالت لي شهد في ناس واقفين ليك برة،قولته ليها ناس منوو؟قالت لي قالو جايبين ليك أمر قبض ،قولته ليها طيب لبسته عبايتي وطلعته معاها،العسكري قال لي انتي شهد؟قولته ليهو ااايوة😊قال لي اطلعي عايزنك في القسم،قولته ليهو طيب،ركبته الركشه واتحركنا ،لما وصلنا القسم عايزة أدخل كدة هديل قالت لي شهد،إتلفته لقيتها نازله من عربيتها ،جات لاحقاني قالت لي إذا سألوك انكري حطب ودخلت معي،اول م وصلنا لقيت مرت همام قاعدة طبعا ومعاها فاطمه الحبشيه عاينته ليها وقعدته المتحري بقى يسأل فيني،قال لي الزوله دي قالت انتي ضربتيها واتهجمتي عليها الكلام دة صح؟قولته ليهو اايوة ضربتها ،قال لي ضربتيها؟قولته ليهو اايوة😊المهم سألني كداا بعدها قال للعسكري سوقها دخلها الحراصه،هديل قالت ليهو يدخلها الحراصه وين دقيقه نحن عندنا ضمانه طالعه،قال ليها ضمانه المطلعها ليكم منو ي زوله ومتين؟قالت ليهو دقايق بس طلعت تلفونها واتصلت وقالت ليهو اها وين م شايفاك؟اهااا خلاص طيب تعال علي يلا هههه شويه كدة جا زول سلم عليها قالت ليهو اها جاهزة؟المتحري قال ليهو ي باشا واسطاتك ياخ😂💔الضابط ضحك قال ليها هاك أمضي هنا،بعد م مضت طلعنا مشينا ،قولته ليها شكرا ياخ بجد تسلمي ي هديل،قالت لي انتي قولي الحمدلله عدت على كدة انا كنت خايفه خالتها وبناتها يجو يشرشحوك في الحي شكلك م بتعرفي الناس دي،قولته ليها فعلا م بعرفهم وم حابه أعرفهم،قالت لي ي بتي انتي بالنسبه ليهم باعوضه م بتقدري عليهم سببها شنو معاك؟قولته ليها والله ماف شي جات لقتني شغاله في المطبخ وقعدت تتكلم فارغ وانا وحياة ربي أعصابي باردة شديد خليتها ترقي كدااا في النهايه لما غلطت في أهلي شلته الكوز وضربتها بيهو،قالت لي عافيه منك ي زوله المرة دي مع انها جارتنا وصحبه امي الروح بالروح لكن انا وهي نهائي م بنتفق انشاءالله الضربه دي تبقى ليها فتحه راس وبعدين هي كانت عايزة تختك حراصه وم متوقعه في زول حيجي يضمنك وقتي كدة فهمتي هههه قولته ليها اهاا،وصلتني البيت قولته ليها شكرا ي هديل مرة تانيه،قالت لي العفو م عملته شي ياخ انا،دخلته البيت اول م ميدو فتح لي الباب كدة قلع لي عيونو،قولته ليهو مالك؟قال لي ماف حاجه وهو باين عليهو علامات الخوف طبعا دخلته اول م وصلته الهوول لقيت اربعه نسوان قاعدات مرة كبيرة ومعاها تلاته بنات احجام عائليه طبعا،عاينته ليهم تحت لقيتهم لابسين الشورتات حقت الأولاد ديك قولته اصلا الأشكال دي م بتبشر بالخير ،اصلي م فتحته خشمي مع زول فيهم بقيت أعاين يمين وشمال بفتش في طريقه تحلني طبعا وهم بعاينو لي واحدة منهم وقفت على حيلها وقالت لي اسمعي هنا دة ي تيييييت، ،بالله مع الجمله دي انا فكيتها جريه التانيه قالت ليها امسكيها م تخليها تجري ، وربي السلم دة أنا قدرته اطلعو كيف مع عارفه جاريه زي الهواء وهم وراي يس علشان هم سمان م بقدرو يحصلوني 😂فتحته باب غرفتي وقفلتها علي بالمفتاح 😭وووبعلي كان واحدة منهم مسكتني بتجيب أجلي,وبدو يصرخو ويتكلمو فارغ وكلام كلو كلام كعب م بتقال ،يعني اساءة واللفاظ كلها م تمام ،في اللحظه ديك انا قلبي طاار قولته لنفسي ي شهد خلاص انتي الليله الناس دي حتجيب أجلك،شويه كدة سامعه صوت هديل ومعاها كم نفر بتكلمو معاهم،هديل قالت ليهم حتى لو غلطت دي م طريقه تحلو بيها مشكله،واحدة منهم قالت ليها ي زوله هووي انتي انحيازيه م تدخلي في الموضوع دة الليله الدم النزلتو من بت خالتنا دي

الا نشربو ليها بمناخرها علشان تاني لما تلعب تلعب مع القدرها الشافعه القليله أدب دي اسي هي كان مرة صحي خليها تطلع لي برة هنا عشان اهرسها هرسه البطاطس المسلوقه ،في واحدة قالت ليهم لو م طلعتو من هنا وخليتو بت الناس دي في حالها انا حأضرب للشرطه تجي ترفعكم من هنا،واحدة منهم قالت ليها انتي بصفتك منو تخلي الشرطه تجي ترفعنا من هنا ي زوله جيبي اااي شي م خايفين نحن الحكومه زاتها اها تاني عندك كلام،المرة قالت ليها انا شغاله في أمن المجتمع مكالمه واحدة بس مني بوقف ليك تلاته تسعات اسي قدام الباب دة وم تنسي دة تهجم منزلي ونحن شاهدين على الكلام دة،تاتي في واحدة قالت ليهم ي جماعه إستهدو بالله كدة تعالو نطلع برة ،في مرة كانت فايرة وبتقول ليهم:انا والله البت دي الليله لو م دقيتها وخليت جسمها دة كلو يرشح دم م بخليها العفنه العواليقه الما بتشبه النسوان تقدر تواسي نفسها مع بت اختي كمان ماف مقارنه بينهم زاتو كان همام واحد واعمى وم بشوف ،المهم نبحت كدااا بعدها ساقوهم نزلوهم تحت واظن طلعو بيهم برة البيت💔شويه كدة هديل جات دقت لي الباب قالت لي انا هديل أفتحي ،فتحته ليها طبعا ميته من الضحك،قالت لي مش كلمتك وقولته ليك الناس ديل صعبين؟😂😂😂😂😂💔قولته ليها ي بت انا لو م جريت ولحقته نفسي وقفلته الباب كانو حيموتوني؟😳قالت لي ياخ انتي م شوفتي حاجه عندنا جارتنا رحلت من الحي دة بسبب مشاكلها مع سهام ،المرة دي ضربوها في الشارع لمن أغمى عليها لكن راجلها سجنهم تلاته يوم ادبهم أدب بعد تحنيس بعداك إتنازل عن القضيه،قولته ليها انا م خفته بس عارفه روحي لو ضربته واحدة فيهم بجيب أجلها لأني بضرب بي اي حاجه لقيتها قدامي،قالت لي اها كلمتي همام؟قولته ليها إتشاكلته معاهو،قالت لي ي بت انتي عويييرة؟تتشاكلي معاهو لشنوو اقسم بالله انتي هبله عايني راجلك اكسبيهو في صفك خليك مفتحهه واحسبيها صح بالزات في حاله إنو مرتو دي قاادرة والله سهام دي ي شهد شدة م مرة مفتحه توديك البحر وترجعك عطشانه عشان كدة انتي كوني اخطر منها اوووعى تديها فرقه في راجلك عشان هو في النهايه راجلك انتي وحلالك وهي طلقيتو يعني انتي أقرب ليهو منها ،قولته ليها انا م شغاله بيهو. كتير وبعدين زهجته عايزة يطلقني،قالت لي يطلقك شنوو ي بتي انتي متخلفه ولا حاجه؟تطلقي عشان تخلي ليها؟ي زوله لو م دايرة زاتو أكليهو سفي سف التراب،ي بت اسي سهام دي اقسم بالله القروش الطلعت بيها تفرشها وتنوم فيها ،اول شي عندها عربيه وبيت ،والدهب دة م يديك الدرب والله عازيها عزز اسكتي بس عشان كدة انتي زاتك ابقي مسلطه زيها واحسبيها بي عقلك م تطلعي من المولد بلا حمص مالك ومال الدقو وشالو حقو ي زولهه😪💔شويه كدة الجرس ضرب قالت لي خلي انا بمشي بفتح،بعد م نزلت نزلته وراها كانت عمتو بدريه في الباب ،قالت لي هيفاء شهد قاعدة؟قالت ليها اااي قاعدة إتفضلي،نزلته ليها قولته ليها اهلين عمتو ،قالت لي ي بت في شنو انتي كويسه؟قولته ليها ايوة كويسه،قالت لي اسي ضرب لي راجلك اظن حاصله عندكم مشكله مالكم؟هديل حكت ليها الحصل،قالت لي حييبيب انا مالك م ضربتي لي كان اجي أفرمهم ليك فرم اللحمه ،دقوك ولا واحدة فيهن هبشتك؟قولته ليها لالا،شالت تلفونها وضربت لي همام وقالت ليهو:اسمع هنا ي همام هووي انت مرتك لو م قادر تحسمها انا بحسمها ليك ،فوضى وقله ادب الضرات دي نحن م بتنفع معانا،تدخل بتنا نحن الحراصه ؟الحراصه دي شبها هي م شبهنا نحن ،واسمعني والله وقسما بالله م توقف مرتك وخالتها في حدهم إلا أوديهم ليك ورا الشمس انا ياهو كلمتك ،كلهم جاين يضربو ليهم بت بلدوها في زمتهم كان نسوان صحي خلي اليواجهوني انا دي ،قال ليها اسي وين شهد اديني ليها،قالت ليهو دخلوها في حاله نفسيه اسي البت خايفه وترجف من فوق لتحت في زمتهم اسي البت دي قدرهم؟هديل قالت ليها اايوة كذبي كذبي ي خالتو😂💪قالت ليهو خلاص هاك ليها إتكلم معاها،ادتني التلفون قال لي الوو شهد؟قولته ليهو بصوت وااااطي اايوة،قال لي انتي إتشاكلتي مع سهام؟قولته ليهو هي الشاكلتني انا م سألتها😭💔قال لي عايني بطلي بكى سألتك انا ضربتيها؟سكته،قال لي جاوبي ضربتيها ولا لأ؟قولته ليهو اايوة ضربتها لأنها إتكلمت كلام م حلو في أهلي 😭قال لي طيب تاني لو بالغلط رجلها عتبت عتبة باب البيت دة أكسريها ليها اوكيييييهه؟...

يتبع....

#فلوكستين
بقلم: شهد عبد الله

الجزء 13

قال لي طيب تاني لو بالغلط رجلها عتبت عتبة باب البيت دة أكسريها ليها اوكيييييهه؟قولته ليهو نعمم😳طبعا مخلوعه من ردة فعلو وبرودو،قال لي زي م قولته ليك كدة لو جاتك في البيت وغلطت عليك اضربيها ،قولته ليهو انت...قاطعني قال لي أنا عارف هي عايزة تخلق ليها مشكلها وحزرتها ومنعتها م تمشي ليكم في البيت بس طالما هي م سمعت كلامي يبقى لو جاتك في البيت أعملي فيها العايزاهو وبالنسبه لخالتها وبناتها امشي أفتحي فيهم بلاغ رسمي انهم إتهجمو عليك وانا معاك ولو إتضطر الأمر انا ممكن انزل السودان عشان احسم الموضوع دة م تخافي فهمتي ؟❤️قولته ليهو طيب تمام،بعد م قفل فتحته خشمي وبقيت اعاين لي عمتي وهديل،قالو لي مالك شاكلك؟قولته ليهم الغريبه انو م شاكلني بالعكس قال لي تاني لو رجلها عتبت باب البيت أكسريها ليها ،هدييل قالت لي واااااااي عجبني وسررره بالي😂😂😂😂😂😂😻💔اثناء م نحن بنتكلم لميس جات داخله ،سلمت على عمتو وهديل وطلعت غرفتها ،بعد المغرب كدة انا قاعدة في الهول ومشغله التلفزيون وجنبي راقد ميدو وشايله لجين،خالد وامو وفاطمه الشغاله جو داخلين،خالد اول م شافني قال لي انتي لسسه قاعدة ي تييييييت وبقى يفلت في الكلام رقدته لجين في الكرسي ووقفته على حيلي عايز يضربني مسكته ليهو يدو وفي فاظه كدة قاعدة جنب الكرسي شلتها قولته ليهو عايز دمك يجري زي أمك؟قال لي انتي رفعتي يدك على امي و...قولته ليهو م تنبح سااي م دايرة معاك قلهه ادب انا عايز تعمل لي شنو يعني يدك دي حأكسرها ليك،امو قالت لي انتي لسسسه م ضوغطي يدي والله عشان كدة بتطولي في لسانك،قولته ليها بس انتي جربتي يدي صح؟لقيتيها كيف معاك؟المرة دي دمك جرى بس المرة الجايه انتي والمعاك كلهم الإنعاش م بحلكم ،قالت لي اصبري البيت الفرحانه بيهو دة بكرة أطلعك منو زي الكلبه ،قولته ليها مشكلتك بتحبي تهددي وترقي في الفاضي سااي ،قالت لي م برقي في الفاضي سااي انا ست الشي وكل شي ،لجين قعدت تبكي قالت لي خالد سيبك منها وشيل اختك دي طيرها مني غادي غادي،لما لجين بقت تبكي شديد قالت ليهو م سامع انت قولته ليك شيل التييييييت دي من هنا،طبها انا مع اللفظ القالتو دة بقيت مقلعه عيوني وبعاين ليها،خالد شالها وطلع بيها فوق ،قالت لي عايني همام دة م تملي بيهو يدك اقرب مثل اضربو ليك بالرغم من انو مطلقني بس كأننا متزوجين بتصل علي صباح ومساء وبعرف أخباري وبسالني الناقصك شنو عشان كدة م تتعبي روحك همام دة إن لف الزمن ودور برجع لي انا لأنو انا بالنسبه ليهو محور حياتو كلها وكل شي أنا بس انتي منو؟موقعك شنو في حياتو؟هو جايبك بديل عشان اولادو وبس،حتى الشي البحصل بين مرة وراجلها م أظن يكون حصل بينكم هههه يعني عرس على ورق بس😂😂😂طبعا هي بتتكلم وكلها ثقهه كدة،وانا إتغظته وكان ممكن عادي أشيل طربيزة القزاز القدامي وألبسها ليها بس استغفرته وقولته ي شهد اهدي المره دي لو ضربتيها بالطربيزة دي يمكن تفتحي ليها راسها على إتنين،قولته ليها طيب دقيقه اوريك انا منو،شوفتي همام الإنتي فرحانه بيهو والمجننك دة أنا اخر إهتماماتي وم مركزة معاهو انتي واحدة أقصى طموحاتك راجل،زي م اسي شايفه كل كلامك همام يعني م عندك حاجه تانيه ،ماف إنجاز عظيم عملتيهو في حياتك غير انك إتزوجتي همام وم أنسى جسمك العاجبك دة ،قالت لي هههه جسمي دة شايفاهو مخليك ميته عديل من الحقد،قولته ليها هههه يلا إنتي زوله جاهله شديد بالمناسبه على قول حبوبه الطول طول النخله والعقل عقل السخله ههه حتى النقاش معاك عقيم،وم انا البتشاكل لي مع مرة علشان راجل حاجه مخجله زاتها على فكرة وانا لو في إحترام طالع مني ليك م علشان خايفه منك لا والله بس عشان اولادك ولو انا بخاف بجد من قبل العرس لما كنتي بتتصلي علي وبتهدديني بي مويه النار كان خوفته بس انا م خايفه منكك ،لكن طالما إنتي فرحانه كدة دقيقه أبشرك همام الانتي فرحانه بيهو دة أنا بقلعو من عيونك وبكرة تقولي شهد قالت وقمته ماشه لقيت لميس واقفه وبتعاين لينا،اول م شافتني ماشه على السلم طلعت معاي انا دخلته غرفتي وهي دخلت غرفتها،وطبعا كلامي القولتو ليها دة كانت فخفخه مني سااي علشان غاظتني😂😂😂😂😂💔بس انبسطته من نفسي خليت خشمها ملح ملح😂💪وبجد زعلته واتضايقته،لأنو الموضوع دة حيأثر على الحاله النفسيه حقت الأولاد ،انا حاولته اتجاوزها وحبيت أتظارف معاها وكنت بفكر أحسن علاقتي معاها واصاحبها واحنن قلبها عليهم شويه وكدة بس هي م أدتني فرصه بدت بالشين،بالليل إتصل علي همام قال لي إستكنتي؟قولته ليهو لا،قال لي بجد؟قولته ليهو انا متضايقه من اااي شي انت فاهمني؟يعني والله دي م عيشه دة جحيم كل يوم دراما جديدة،قال لي شهد عشان كدة انا كررته ليك السؤال دة كم مرة قبل م نتزوج اذا حتقدري تستحملي الوضع ولا لأ،قولته ليهو م كنت عارفه الوضع حيكون متأزم كدة انا أعصابي تلفت،قال لي فترة وحتعدي انشاءالله،قولته ليهو شكلها م حتعدي على خير والله لأنو انا مرتك دي لو لاقيتها في أي لفه

قلت أدبها علي م بشوف قدامي اي شي جنبي بكشطها بيهو انت م بتعرفني انا بتجاوز وبستحمل وممكن أسكت ليها مرة واتنين وتلاته وم بحب الردحي والرقي الكتير البلا فايظة دة بس لو ختيتها في راسي وربي بطلع زيتها ،ضحك قال لي انتي حاولي اتجاوزيها وبعدين ماف سبب بجمعكم مع بعض،قولته ليهو اااي خليك باارد وبتضحك كدة لمن تسمع خبر موتها على يدي تمام،قال لي طيب أعمل ليكم شنو يعني ؟قولته ليهو طيب تصبح على خير،قال لي تلاقي الخيير انشاءالله،بعد م قفل،طلعته مشيت غرفه لميس حبيت أتكلم معاها ،فتحته الباب لقيتها فارشه كتبها في الدرج وقاعدة بتزاكر،اول م شافتني طلعت نظارتها قالت لي عايزة حاجه؟قولته ليها اممم لا بس لو في حاجه غالباك تعالي أشرحها ليك،قالت لي طيب انشاءالله،نزلته المطبخ عملته ليها عصير دخلتو ليها ومشيت غرفتي،عدت الأيام وبقينا على الروتين اليومي ،لميس حسيتها بدت تجتهد وبطلت تعمل حركات،وميدو دة أصلا بسمع الكلام م عندو مشكله بس غلباوي ههه ،اما لجين دي بس يختوها في الجرح تبرى خفه دم ولذاذة م بعدها لذاذة😻😘❤️بس خالد ود امو ،انا م شغاله بيهو وهو م شغال بي مع انو قلبو ملان مني بس ابدا م قاعدة أركز معاهو،في يوم مدرسه ناس ميدو كان عندهم اجتماع اهالي في المدرسه ،كان يوم سبت ولميس م شغاله،قولته ليها لميس انا بمشي المدرسه ساعه واحدة بس وبجي راجعه خلي بالك من لجين دي تمام؟قالت لي طيب،مشيت المدرسه الأستاذة قالت لي ياخي ميدو دة هو شاطر ومستواهو كويس واي شي بس م بكتب وتاني شي بشرط الكراسات اسي شنطتو دي كلها عبارة عن ورق ،سألتو مالك؟قال لي المدرسه دي م عاجباني عايز يغيروها لي،قولته ليها ميدو؟قالت لي ااي والله،قولته ليها طيب انا بحاول أتكلم معاهو والله،سوقتو وطلعنا،قبل م نطلع قال لي ارح إشتري لي شوكلاتات وعربيه من المول الجنبنا دة،قولته ليهو طيب دخلته معاهو شلته ليهو اااي حاجه نفسو فيها ورجعنا البيت ،لقيت لميس نايمه في الكنبه حقت الهول شكلها كانت بتحضر في التلفزيون،قولته لي فاطمه لجين نايمه؟قالت لي والله م عارفه قبييل كانت مع لميس بتلعب هنا،قولته ليها م شايفاها تكون نايمه في غرفتها اها أكلت؟قالت لي لالا شربت لبن بس،قولته ليها لييه م أكلتوها حالتي قولته ليك حمري ليها بطاطس خلاص جهزيهو انا بمشي بجيبها وبجي راجعه تمام؟قالت لي كويس،قولته لنفسي خلاص امشي أغير ملابسي واجي اأكلها اول م وصلته السلم سمعته صوتها بتبكي بس صوتها م واضح،قولته شكلها صحت وم لقت زول معاها في الغرفه،فتحته باب الغرفه ومع فتحة الباب صرخته وااااي دة شنووو؟،دخلته جري لزيت الولد وشلتها قولته ليهو انت مجنووون دة شنوو دة البتعمل فيهو دة انت عايز تعمل ليها شنو ي مجنون ،ولجين دي بتصرخ بأعلى صوتها ونفسها قايمه شكلو كان بقفل ليها خشمها بي يدو وعايز يغتصبها ،انا لما دخلته لقيتو قالع ليها البمبرز وهو بقلع في بنطلونو،،قولته ليهو انت منو وبقيت أضرب فيهو ،والولد بقى يقول لي م عايز أعمل ليها حاجه انا ي زوله انتي مجنونه،جات لميس جات قالت لي في شنوو؟قولته ليها انا البت دي مش قولته ليك م تخليها تغيب عن نظرك ثانيه؟ا ؟انتي عارفه لو م انا جيت كان الحاصل شنو دة منوو دة؟لميس قالت ليهو إبراهيم كنت بتعمل في شنو انت؟فهمني؟ضربتو كف والولد مع الكف دة جرى طلع من الغرفه ،قولته ليها دة منو دة افتحي بوزك دة انتي كمان؟قالت لي دة صاحب خالد،قولته ليها خالد؟هو الليله م مشى الجامعه؟وصاحبو بعمل هنا شنو؟المدخلو ليكم هنا شنو ؟قالت لي لالا قاعد مع اصحابو في صالون الرجال ،نزلته مشيت دقيت ليهو باب الصالون طاخ ودخلته لقيتهم ليك شاربين سجاير البنقو دي والشيشه والريحه فايحهه وقاعدين بلعبو في الكوتشينه،قولته ليهم قومو اطلعو من هنا سرعه،خالد قال لي ي زوله مالك ؟قولته ليهو تزاول من ضلك قوم سوق وسخك دة واطلعو لي من البيت دة سرعه وإلا قسما بالله اضرب لي تلاته تسعات تجي ترفعكم كلكم من هنا سوق وسخك دة وأطلع من هنا قولته ليك،قال لي مالك انتي في شنو؟قولته ليهو وين هو صحبك؟انت عارف انو واحد من اصحابك ديل كان داير يغتصب لجين؟م عارف طبعا ي خايب دقيقه انا الا اسجنكم لميس جيبي لي تلفوني دة،مع كلمه تلفوني كلهم جو طالعين والله لمن إتسابقو في الباب،أديت خالد كف قولته ليهو عشان انا من زمان بضاري ليك قعدته تقل ادبك لكن دقيقه الليله لو م كلمته ليك أبوك ابقى م اسمي شهد،بقى يعاين لي ،قولته ليهو م تعاين لي قله الأدب الانت بديتها دي انا بتمها ليك،قال لي انا زاتي طالع مخلي ليك البيت دة،قولته ليهو اطلع طوالي شيل شنطتك وامشي محل م تمشي امشي م بمنعك انا حالتك دي اسي حاله زول عندو اخوات؟جايب ليك شماسه لاميهم في البيت م بتخاف على اخواتك منهم انت؟،مشى غرفتو شال شنطه الملابس حقتو وطلع، ياخي انا دي اوول مرة أحس بالخوف كدة ،يعني انا لو إتأخرته شويه كدة لجين دي كنت حأجي أللقاها منتهيه للأسف والله قلبي كان حاسي انو في حاجه حتحصل اليوم دة علشان كدة خليتها مع لميس ووصيتها

عليها ،المساء مشيت لي ميدو فتحته شنطتو لقيت كراساتو كلها مشرطه والشنطه عبارة عن ورق بس ،قولته ليهو ميدو دة شنوو؟سكت،قولته ليهو جاوب وبعدين انت ليه م بتكتب وليه م عايز المدرسه دي؟قال لي ساي،قولته ليهو ماف حاجه اسمها سااي إتكلم ليه م عايز المدرسه دي في أولاد قاعدين يشاكلوك؟قال لي لأ،قولته ليهو طيب الأساتذة شاكلوك؟قال لي لالا،قولتع ليهو زعلان من اصحابك؟قال لي لأ،قولته ليهو طيب مالك ي ولد؟قال لي م دايرها سااااي كدة بس م عاجباني ،قولته ليهو يعني لو نقلتك منها بتشد حيلك؟قال لي اااي ،قولته ليهو طيب بس حأشيل البليستيشن،قال لي الا البليستيشن،قولته ليهو لا حأشيلو لمن تتعدل ولو إتعدلته حأخلي ليك خميس وجمعه ،سكت،اثناء م انا بتكلم معاهو كدة لميس جات قالت لي حبوبه فايزة وعمتو تحت،قولته ليها طيب ،نزلته سلمته عليهم ،طبعا اخت همام سلمت علي بي أطراف اصابعها بس م ركزته،قعدته ،ماما فايزة قالت لي دايرة اسألك سؤال ي بتي ،قولته ليها إتفضلي ،قالت لي انتي البيت دة بيتك؟همام سجلو بي إسمك ونحن م عارفين؟قولته ليها كيف يعني ي ماما فايزة؟اخت همام قالت لي شوفيي ي بت الناس نحن حركات نسوان الرجال دي م بتنفع معانا انا سامعه بي تصرفاتك مع العيال وامهم وساكته ليك عشان خاطر همام لكن حاجه دايرة اوريك ليها همام كان جابهم دسته نسوان نحن سهام عندنا هي الأساس والبرشها بالمويه نحن بنرشو بالدم اووعى شفتي فتحي عينك وشوفي الأرض دي كووويس،ماما فايزة قالت لي تطردي خالد من بيت ابوهو لييه؟وريني بكل قوة عين كمان طارداهو من بيتهم لو جينا للجد والطرد انتي المفروض تنطردي م هم اسمعي هنا سهام لو عايزة من حقها تجي تطلعك من البيت زي العجب لأنو البيت بيتها وبيت أولادها انتي عندك فيهو شنو؟والله تطلعي ولا ملعقه م تشيليها معاك،قولته ليها ماما فايزة كلامك على عيني وراسي وابدا انا الشينه م بتطلع مني بس سؤال خالد م قال ليك انا طردتو من البيت لييه؟قالت لي وراني وأااااي خلي يجيب اصحابو يقعدهم معاهو في البيت انشاءاللع بالدست انتي صارفه عليهم حاجه؟في النهايه الخير خير ابوهو وهو حر فيهو ،طبعا اصلا م اتكلمته عاينته ليهم كداا واديتهم العين البيضاء،قالت لي وزي م قالت بتي سهام نحن لو همام جاب دسته نسوان م بنبدلها بي زول لأنها بتنا ومننا وفينا وهي الأساس عندنا ونحن كان في حاجه بتربطنا بيك ياهو حبل همام دة بس ❤️ زعلته زعل للحظه كنت حأتكلم فارغ بس ضبطته اعصابي،يعني الناس دي انا والله م حصل سمعتهم كلام فارغ وم حصل سمعته زول منهم كلمه شينه وم حصل اساسا اتجاوزته حدودي مع زول فيهم بس سااي كدة شانين علي هجوم والله أخت همام دي م فضل ليها شي غير انها تقوم تضربني ،لميس جات نازله قالت ليها حبوبه ليه انتو كدة؟ليه دايما بتشوفو الأمور من جانب واحد بس ؟ليه سمعتو شهد فارغ انتي وعمتو واساسا انتو م عارفين الموضوع شنوو؟انا سامعاكم بالمناسبه ،عمتها قالت ليها ي بت هووي دايرة تقيفي مع مرة ابووك يعني؟دايرة تقيفي ضد امك؟قالت ليها انا بقيف مع الحق م انحيازيه زيكم كدة،وبعدين تعالو اوريكم بالسبب الخلى شهد تطرد خالد واصحابو من البيت،خالد ي حبوبه جايب اصحابو يشربو بنقو وشيشيه ويلعبو كوتشينه في البيت،والأوسخ من كدة انو واحد منهم كان عايز يغتصب لجين لو م شهد لحقتو في الدقايق الأخيرة،،،في ولد عندو بنات اتنين في البيت بعمل كدة؟ماما فايزة ختت يدها في راسها وقالت لا اله الا الله محمد رسول الله،طبعا حسيتهم دخلو في اظافرهم،قولته ليهم عن إزنكم ماشه أصلي المغرب😊طلعته خليتهم قاعدين تحت،لميس قالت ليهم ياااخي بجد حاجه تخجل طوول عمركم حتفضلو ضلالين كدة لمتين ؟نحن البتعملو عشانا شهد امنا الوالدانا م قاعدة تعملو لينا ولا حتى انتو اقرب الأقربين لينا عشان اكون واضحهه اكتر،بعد م صليت المغرب اتصلته على همام قولته ليهو عايزة احول ميدو دة مدرسه تانيه،قال لي لييه مالو؟قولته ليهو م مرتاح فيها ياخ وبعدين المدرسه بعيدة والترحيل بجي بسوقو بدري وهو بكون مرهق وكدة،قال لي بس دي نص السنه،قولته ليهو حيتأقلم لأنو مستواهو كويس،قال لي طيب تمام البتشوفيهو انتي مناسب أعمليهو❤️قولته ليهو طيب مع السلامه تصبح على خير ،قال لي شهد؟قولته ليهو اايوة،قال لي م تقفلي خليك معي شويهه !!!

يتبع....

#فلوكستين
بقلم: شهد عبد الله

الجزء 14

،قال لي شهد؟قولته ليهو اايوة،قال لي م تقفلي خليك معي شويهه !!!،قولته ليهو في حاجه؟سكت ،قولته ليهو في شنوو؟قال لي ماف شي بس متضاايق،قولته ليهو من شنوو؟قال لي شهد م عارف ابدأ ليك من وين ولا وين بس حاسي نفسي ظالمك شديد ضميري بأنبني دايما ،خليتك تتحملي مسؤليه م مسؤليتك ويمكن لخبطته حياتك كلها وعلقتك بي علاقه يمكن م تنجح لقدام،طبعا بعد قال الكلام دة قولته ليهو لحظه اذا انت خايف من قصه انو العلاقه دي م تستمر لقدام وانك تكسرني انا اساسا م شايفه ليها مستقبل ولا متأمله في فكرة نجاحها علشان أكون واضحه معاك أكتر ،وبالفعل إنت شيلتني مسؤليه م مسؤليتي بس برضو انا أبدا م زعلانه من الحاجه دي لأني عملته كدة بقناعه وكل الإحتمالات الإتوقعتها تواجهني واجهتني ،قال لي طيب الجابرك على دة شنوو؟قولته ليهو بتزكر انو انا قولته ليك طلقني صح؟قال لي بس انا م قنعان منك عشان أطلقك،سكتته مسااافه وقولته ليهو انت بتسأل سؤال وبتجاوب عليهو بنفسك؟طيب ي ممكن سؤال ؟قال لي اسألي،قولته ليهو انت إتزوجته متين ؟ولييه انفصلتو وحاصله بينكم كل الخلافات دي م تقول لي مشاكل مع أهلي لأنو امك واضح عليها بتحبها وشديد كمان،قال لي انتي عارفه دي المشكله هنا وسكت،قولته ليهو اممم لو م حابب تحكي م مشكله اصلا دي خصوصيات،قال لي لا م كدة والله ،طيب ي ستي انا لما إتزوجته كان عمري 17سنه،قولته ليهو شنوو😳بصوت عالي طبعا😂💔قال لي زي م سمعتي كل الناس بتستغرب وبتتسائل انا إتزوجته في العمر دة كيف ههه،قولته ليهو فعلا لأنو شافع بالجد حصل كدة كيف؟اووعى تقول لي حبينا بعض ونحن صغار وهربنا ومشينا القاضي عقد لينا والأفلام الهنديه دي ،قال لي لا م كدة ههه ،هو فعلا انا وسهام حبينا بعض هي كانت بت صحبت أمي شديييد يعني امها وامي صحبات من صغار ومولودين في نفس البلد ومتربين مع بعض ،المهم امها رسلتها من البلد عشان تمتحن معانا شهادة سودانيه وانا زاتي كنت ممتحن معاها، ابوها رفض بس أمها وامي أصرو عليهو في النهايه وافق ورسلوها قعدت معانا في البيت،وعلى حسب الطور النحن كنا فيهو هي كانت مراهقه وانا مراهق وهي أكبر مني بسنتين المهم حبينا بعض وغلطنا وم أكزب عليك كررنا الغلط مرة واتنين وتلاته لحدي م بقى بينا عااادي وانا الفترة ديك حبيتها بجد م هي في النهايه فترة مراهقه يعني عااادي ممكن تتعلق بي زول حتى لو إبتسم ليك سااي بتحبو هي إتعلقت بي وانا نفس الشي،بعد إمتحنت ورجعت أهلها المهم بعد فتررررة شهرين امها في يوم ضربت لي امي وحكت ليها ،امي كزبت الموضوع طبعا وجات سألتني قالت لي انتي غلطته مع سهام دي ي ولد؟وانا م كزبته قولته ليها ااايوة ي أمي ،المهم حصلت مشاااااكل وجووطه شديدة بين أهلها واهلي ،أبوي كان في دبي شغلو كلو هناك ،نزل السودان عشان يحل المشكله قال ليهم أعقدو ليهم بس،امي قالت ليهو الولد صغير وم بقدر يتحمل مسؤليه بيت و...ابوي قال ليها يعقد ونجيبها نقعدها معانا هنا في البيت لحدي م يكون نفسو ويشتغل ويصرف عليها براااهو ماف زول يساعدو ولا بي قرش خلي يشتغل ااااي شغله يطلع بيها مصاريف ليهو ولمرتو ويقرا الجامعه طالما غلط يتحمل مسؤليه غلطو وي دار م دخلك شر،وبالفعل دة الحصل عقدو لينا هي كانت بطنها كبييرة يعني داخله على الشهر السابع تقريبا المهم عقدو وجابوها لينا في البيت بعد العقد بفترة أبوها مات بذبحه وم تم تلاته شهور أمها لحقتو وماتت ،بس انتي عارفه انا لغايه الأن حاسي انو انا السبب في موتهم؟طبعا انا بقيت ساكته ومستغربه يعني الجماعه ديل أسرتهم خربانه من جذورها😳🐸قولته ليهو م انت بس انتو الإتنين لأنو هم لما رسلو بتهم كانو على ثقه فيها وتاني شي على ثقه في المكان الرسلوها فيهو والأسوأ من كدة إنهم على ثقه تامه في الناس الحتقعد معاهم وم اتوقعو يحصل كدة هم إتخزلو في بتهم وفي اهلك كمان صعبه عليهم والله بس ممكن نقول يومهم تمهه ربنا يرحمهم وقسمه ونصيب ،فضل سااكت بعدها م إتكلم،قولته ليهو انت كويس؟قال لي انا تمام يلا تصبحي على خييير ،قولته ليهو طيب وانت من اهلو،جدعته تلفوني وقولته:هم زاتهم لو م غلطانين وأغبياء في زول بخت بنزين جنب النار م أكيد حيشتعلو 😪💔الغريبه هو م جاب لي سيرة بعد العرس حصل شنو وطريقه حياتهم كانت كيف وكذا وانا م حبيت اسألو لأنو حسيتو متضايق ومخنووووق شديد سكتتته على كدة،اليوم التاني الصباح لقيتو منو مكالمات،رجعته إتصلته عليهو قال لي :الكلام القولتو ليك أمس ي ريت م يطلع برة خليهو سرر بينا،قولته ليهو امممممم انت حاسي انو انا ممكن احكيهو للناس وكدة؟قال لي لو كنت حاسي بكدة م كنت حكيت ليك ،قولته ليهو طيب خليك على ثقه انو م حيطلع مني،قال لي للأسف انا عامل الثقه في الناس عامل ليهو بلووك م بثق في حد انا،قولته ليهو طيب دامك فاقد الثقه حكيت لي ليييه؟سكت ،قولته ليهو م كنت مجبور تحكي على العموم يلا سلام😊،بعد اسبووع حولته ميدو مدرسه جديدة وبقيت متابعه معاهو وبراجع ليهو وكدة،في يوم اثناء م انا

براجع ليهو جات لميس شايله كتابها قالت لي عندي حجات في الوراثه م فاهماها ممكن تشرحيها لي؟طبعا اول مرة تعملها قولته ليها طيب تعالي أقعدي م فاهمه شنوو؟قعدته أشرح ليها،،بعد م خلصنا قعدنا نحضر لينا في فيلم في Mbc2قريب للساعه 12ونص كدة سامعين الجرس ضرب،قولته ليها دة منو الجاينا بالليل دة؟قالت لي م نفتح الباب يمكن حراميه،قولته ليها في حرامي بدق الباب هههههه ههههه خليك مع الشفع ديل لمن أجي،قالت لي شيلي معاك حاجه م تمشي ساااي،،،طلعته مشيت ،طبعا بيتهم كبييييييير وعبارة عن شجر والبنى في النص،بقيت أقول منوو؟منو الفي الباب؟فجأة اسمع ليك صوت بقول :انا خالد أفتحي لي الباب،إستغربته طبها لأنو من يوم المشكله م جانا فتحته ليهو الباب ،قولته ليهو خالد؟قال لي اااي،طبعا قميصو ملان دم ويدو تنزف،قولته ليهو في شنوو مالك؟قال لي ماف شي،وهو أظنو كان ببكي وصوتو متغير،قولته ليهو م تقول لي ماف شي العامل في كدة منوو؟قال لي قولته ليك م عارف ياخ م تسأليني ولا زفت مالك؟قولته ليهو طيب أدخل سوقتو دخلتو البيت ،دفيت ليهز مويه بي ملح جيت نضفته ليهو بيها يدو ولفيتها ليهو بي قطعه ،لميس بتسأل فيهو اتشاكلته مع منو لمن عمل فيك كدة؟اكيييد مع واحد من شلتك الوسخه البتابعها دي صح؟قال ليها م تسكتي مني انتي ي تيييييت،قولته ليهو هييي أللفاظك لو سمحته م قدام اخوانك الصغار فاهم ولا لأ؟قام مشى غرفتو،خالد كان غريب اليوم دة بالزات غضبان غضب شديد وم شايف قدامو وجسمو كلو برجف انا انا خفته منو للحظه حسيتو حيعمل مشكله في البيت او حيقوم يضرب لميس او كذاا،،،اليوم التاني نهائي م طلع من غرفتو قعد اليوم كلوو في البيت،المساء شلته أكل وديتو ليهو قال لي م عايز،قولته ليهو لما تجوع تلقاهو في الطربيزة ،الولد فضل تلاته يوم على الحاله دي قافل على نفسو لا بتكلم مع زول لا بطلع من البيت مرتين قولته أكلم همام تاني قولته أكلمو اقول ليهو شنو مثلا اسي حيعمل ليك سين وجيم،اثناء م انا بتكلم مع نفسي كدة إتصلت علي هديل قالت لي سمعتي بالحصل؟قولته ليها الحصل شنوو؟قالت لي كان شوفتي خالد قوم الدنيا وم قعدها مع أمو واتشاكل معاها شكله السواد،قولته ليها لييه في شنوو؟قالت لي أظن جا راجع بالليل ولقى عربيه واقفه قدام بيت امو ولما دخل لقى راجل قاعد أظن قال خطيبها واتشاااكل مع الراجل وضربو وطلع كسسسر ليهو عربيتو وعمل فضيحه لي أمو في الحي الساكنه فيهو م جاكم في البيت؟قولته ليها وبعلي لكن واااي علشان كدة جا راجع البيت وقافل على نفسو كرر علي😥💔قالت لي النصيييحه أمو مرة كبيرة وم عاقله طالما عااارفه انو ولدها قاعد معاها في البيت البخليها تجيب رجال في البيت شنو والله كان شافع م برضاها خلي ولد كبيير ،سكتته م حبيت أتكلم فيها بعد م قفلت قولته :والله هو الربنا م بهديهو دة م بتهدي يلا😪💔اثناء م انا بجهز في الغداء كدة خطرت في بالي فكرة، بعد المغرب مشيت لي خالد في غرفتو قولته ليهو تعال عايزاك تحت،قال لي في شنو م نازل انا،قولته ليهو انزل أبوك عايز يتكلم معاك بالتلفون،قال لي كويس،نزلته وهو نزل وراي،كانت لميس ولجين وميدو قاعدين تحت،لما جا قال لي وينو التلفون؟قولته ليهو تعال أقعد،قال لي ي زوله م داير أقعد وينو التلفون؟قولته ليهو ماف تلفون عايز يمشي مسكتو جريتو من يدو ورميتو في الكرسي،قال لي مالك ي زوله؟😡قولته ليهو دقيقه كانت عندي علبه خاتاها في الطربيزة شلتها قولته ليهو العلبه دي غريبه عليك؟لا طبعا ااي ياها حقتك زاتها فتحتها طلعته منها الحبوب والسجاير ،قولته ليها لميس هاك السجارة دي طبعا بعاينو لي مخلوعين،بعد م شالتها اديتو السجارة ومعاها شريط خرشه قولته ليهو امسك رميتهم ليهو في يدينو وشلته لجين اديتها ليهو،شلته الكبايه وجك المويه قولته ليهو يلا أفتح الشريط دة وأدي لجين وميدو كل واحد حبه من الحبوب دي ،مش انت بتحس نفسك مرتاح لما تتعاطى ؟نحن كمان عايزين نرتاح معاك وي لميس هاك الزناد دة ولعي السجارة دي وإشربيها على كيف كيفكك ،خالد قال لي ي زوله انتي جنيتي ولا شنو؟قولته ليهو م جنيت زي م انت بتتسمم خلي اخوانك يتسممو معاك يلا أدي لجين الحبه مالك ماسك يدك؟ابلع واديها معاك واحدة وانا زاتي بشرب معاكم ولما يخلص م تخاف انا بمشي أشتريهم الفي شنو والماف شنو م أنت الكبير بتعمل كدة يبقى اخوانك حلال عليهم ،قعد يبكي ويقول لي انا لو بعمل كدة فكرك حأخلي أخواني يعملو زي ؟معقوله أخلي اخواني يمشو في الغلط؟قولته ليعو يعني انت عارف انو الحجات دي غلط وبتعملها صحح؟بقى يبكي ومنزل راسو في الأرض،قولته ليهو ارفع راسك واتكلم معاي،ولميس بقت تبكي معاهو،قولته ليهو خالد اخوانك ديل انت سندهم بالمناسبه الشي الانت بتعملو هم بعملوهو ،بدل م تمشي في الطريق الأعوج أعدل طريقك عشان اخواتك م تقول انا صغير انت م صغير والله ي خالد الراجل م عندو عمر محدد لأنو ابوك ساافر وأغترب وخلاك انت الراجل و عمود البيت وهو كلو ثقهه فيك لما يعرف بي عمايلك دي متخيل موقفو حيكون شنوو؟حيخلي كل شي

وراهو وحيجي نازل السودان صح ولا م صح؟،ياخي موفر ليك كل شي وم مقصر منك في شي طلع من البلد دي وخلى امو واخواتو واسرتو كلها علشان يمشي يشتغل في بلد لا عندو فيها ام لا أبو ودة كلو علشان شنو ؟علشان م يحوجك لي شي ،وانا والله م بتفرق معاي ممكن أخليك تمشي في الطريق الانت عايزو لأنو اساسا انا م مستفيدة منك في شي دي حياتك انت ومستقبلك انت لو ضيعتو انت الحتضيع م انا وانا بإمكاني أطلع واخلي ليكم البيت واخليكم تعملو العايزنو بس ضميري م حيريحني لو طلعته انا بعاين لي لميس ولجيين كل واحدة فيهم في عمر صعب الواحد يخليهم براهم ويمشي اسي متخيل معاي اليوم داك لو م لحقته صحبك كان حيحصل شنو في لجين؟كنت انت حتتحمل مسؤليه الغلط دة لأنو دي اختك والولد للأسف صحبك انا بتكلم معاك علشان مصلحتك وعلشان أخوانك الأصغر منك ديل في الفترهه دي بالزات انت بالنسبه ليهم كل شي على فكرهه صح ولا أنا غلطانه جاوبني؟،قال لي صح لكن الله يهديني 😭...

يتبع.....

#فلوكستين
بقلم: شهد عبد الله

الجزء 15

،قال لي صح الله يهديني 😭وقام طلع غرفتو على طول لحقتو قولته ليهو م تقول الله يهديني وبكره اللقاك تاني رجعته للعولاق دة،قال لي م برجع انشاءالله والله،قولته ليهو وانا معاك إذا إحتجته لي أااااي شي تعال بتلقاني قدام م تعاين لي على أساس انو انا مرة ابوك وكدة لأنو لو فضلته تتعامل معي على الأساس دة كل يوم حتحتقرني اكتر إعتبرني أختك الكبيرة وصحبتك واااي شي تمام؟سكت م ردة لي طلعته من الغرفه ومشيت غرفتي جا ميدو قال لي دي شنو الحبوب الأسي دي؟قولته ليهو حبوب إلتهاب عاديه،قال لي كذاااابهه😒قولته ليهو والله المهم الليله الخميس م عايز البليستيشن؟قال لي حرارتك طبيعيه😳؟قولته ليهو خلاص خليهو م بديك ليهو زاتو😒،قال لي لالا خلاص اقسم تاني م بفتح خشمي بي حرف جيبيهو يلا😭😥😂💔قولته ليهو طيب تعال هاك فتحته الدولاب طلعتو ليهو،جات لميس شايله لجين والعلبه في يدها قالت لي هاك ،قولته ليها اووووعى تكوني عملته رايحه بالسجارة؟قعدت تضحك قالت لي م تخافي رجعتها علبتها لكن لو يوووم إحتجته ليها بجي بشيلها منك بالجابس كدة😂😂😂😂😂😂😂💔قولته ليها سمح تعالي اليوم داك نشربها سوا ونوزن ال Dبالمرة😂💔قالت لي يعني شنوD😕قولته ليها دماغ ي هبلهه😂😂😂😂😂😂💔قالت لي اتخيلي معاي لو خالد شال الحبه وبلعها لي لميس😂😁قولته ليها لا م حيعمل كدة كنت واثقهه من الحته دي انا ههه،قالت لي يلا تصبحي على خييير😘قولته ليها تلاقي الخير ❤️يمكن من يوم م عرفته لميس دي اطول ونسسسسه حصلت بينا ودي حاجه كويسه بالنسبه لي،انا لما عرفته مشكله خالد مع أمو حبيت أستغل الوقت دة بالزات وأعمل معاهو الحركه دي علشان عارفاهو متأثر شديد واي شي ممكن يأثر عليهو والدليل على كدة بكاهو ،انا مقتنعه بي فكرة انو الزول صعب يتغير في يوم وليله بس على الأقل محاوله انو يتغير دي في حد زاتها خطوة كويسه شديد،عدت الأيام وعلاقتي بيهم كانت ماشه في تطور،يعني تعاملهم معي بقى إيجابي أكتر ،في يوم جمعه قولته ليهم انا اليوم ماشه أهلي أسلم عليهم وكذاا تمشو معاي ؟لميس سكتت سااي ،قولته ليها خلاص ي زوله انا بمشي وانتو خليكم قاعدين ؟قالت لي طيب بنمشي معاك،مشيت جهزته لجين وإنتظرتهم يجهزو وطلعنا،ونحن طالعين إتلاقينا مع خالد في باب الشارع قال لينا وين ماشين؟قولته ليهو ماشين على ناس امي الغداء جاهز تمام؟قال لينا ماشين بمواصلات؟قولته ليهو اايوة ليه مالك ؟قال لي تعالو انا بوصلكم مع انو م بحب امدر دي نهاائي ولا بحب أمشيها امدرمان ولا قشران دي 😪💔قولته ليهو لو سمحته م تغلط فيها انا منها انت علشان م بتعرفها بس،قال لي ياخ م بعرفها شنو والله من اسمها م بتنطاق م عارف ساكنين فيها كيف،قولته ليهو ي شيييييخ😪😏قال لي وجهه نظر بغض النظر عن منو الساكن فيها😒لميس قالت ليهو بيني وبينك هي فعلا م بتنطاق وتحت تحت كدة سمعته انو معظمها مجارمه😂😁قولته ليها ياخ والله انتو علشان م بتعرفوها بس علشان كدة بتتكلمو كدة 😒👊فضلنا نتناقش لغايه م وصلنا البيت ،اول م نزلنا لقينا مؤتمن أخوي قاعد برة ومعاهو أصحابو برش في الشارع،قولته ليهو مؤتمن ياخ شوق الشوق😻بعد م سلمته عليهو قال لي خالد م بتمشي إلا تدخل تسلم على ناس البيت المهم بعد تحانيس دخل سلم وقعدو،شموخ تقرص فيني وبتقول لي وبعلي البت سماحتها تعقد في زمتك بت راجلك تكون انضف منك إذا البت كدة الأم حتكون كيييف وبعليي ي شهد م بتنافسي يختي😪قولته ليها ي شيييخه ماف مجال للمقارنه 😂😂💔شويه كدة جات سلمى وقعدنا نتونس طبعا الونسه جرت للمغرب ،وخالد مع ابوي ومؤتمن ومدثر بإتجاه الولد كل م يقول ماشي يمسكوهو يقولو ليهو م بتمشى ولعبو كوشتينه 😂💔ومن مشينا امي شايله لجين نهائي م نزلتها ،لميس شافت أمي مضفرة لي اسراء أربعه شعرات ورا قالت ليها خالتو حلفتك أعملي لي شعري كدة،امي قالت ليها طوالي تعالي أقعدي جابت المشط وضفرتو ليها بعدها طلعنا والله م حسينا بالزمن اساسا 💔ونحن راجعين لميس قالت لي ياااخي عاجباني تسريحه شعري دي كيف😻😂قولته ليها انا بعرف تاني تعالي اسرحو ليك هههه،خالد قال ليها مشاط حبوبات ههههه ،قالت ليهو حبه تقوم ليك في نص راسك ي بعيد😕😒👊لميس قالت لينا أرح سيلفي على السريع كدة😻المهم قعدت تصور فينا لغايه م وصلنا البيت ،قبل م أنوم إتصلته على همام،قولته ليهو اليوم مشينا لي أهلي إتصلته عليك علشان أكلمك بس شكلك كنت قافل الشبكه،قال لي ياااخي مشيتي إنتي والأولاد؟قولته ليهو ااايوة،قال لي غريبه ههه،قولته ليهو وين الغريب في الموضوع؟قال لي إنو هم مشو معاك وكدة،قولته ليهو حتى خالد مشى وصلنا هو زاتو😃قال لي سبحان مغير الأحوال فچأة 😂💔قولته ليهو بالمناسبه عايزة أقول ليك حاجه ،قال لي اايوة،قولته ليهو انت لييه م تجرب تصاحب أولادك؟يعني مثلا تتكلم معاهم كل يووم حتى لو م قدرته على الأقل راسلهم وأعرف تفاصيل يومهم كيف وكدة يعني،قال لي هههه،قولته ليهو م تضحكك انا جادة معاك بالمناسبه انت جرب يعني مثلا المساء إتصل على خالد اتكلم معاهو وارجع إتصل على

لميس حاول إتقرب منهم انا بقول ليك كدة لأني شايفع في حواجز بينكم او بالأحرى هم بخافو منك علشان كدة م بقدرو يتعاملو معاك بطبيعتهم انت م تتعصب في التعامل معاهم لأنو انت كل م تخوفهم منك بتقسي قلبهم عليك فاهمني انت؟بالزات الجيل دة صعب تتعامل معاهو لو م فهمتو،قال لي حااضر ححاول،قولته ليهو طيب ،ياخي اول يووم أحس فيهو بي إستكانه وراااحه نفسيه كدة غريبه خلاص ،الصباح فتحته الشبكه لقيتو عامل قروب واتساب وضايفنا فيهو ،طبعا زوول مدردش ولا كات وه سااي ماف،وانا الضحك شرطني ،فضلنا يومين زول شارك ماف ،قولته كدة اخلق ليهم موضوع رسلته في القروب وقولته ليهم ساالخير،بعد نص ساعه همام قال لي يسعد مسااك❤️قولته ليهو وين الناس؟قال لي والله انا زاتي بسأل زيك هههه،شويه كدة جات رساله من خالد قال فيها:السلام عليكم ورحمه الله تعالى وبركاته،والله موتني ضحك نظام محترم وكدة😂😂😂😂😂💔همام قال ليهو وعليكم السلام خالد ❤️لميس قالت لينا سلامات❤️همام قال ليها هلا بالغلا لموستي الحلوة❤️على طول طلعت جاتني في الغرفه قالت لي شهد انتي حاسه انو ابووي دة م طبيعي؟قولته ليها ليه مالو😳قالت لي قروب في الواتساب وكلام حلوو لا في شي غلط أبوي دة أكيد تلفونو مسروق حتى اليوم في تويتر غرد بكلام كدة غريب خلاص😕💔قعدته اضحك قولته ليها والله بكون مزاجو عالي بس 😂💔قالت لي شي عجيب،بعد م طلعت جاتني مكالمه رديت قولته الوو؟؟المتصل قال لي إتوقعتك تكوني غيرتي رقمكك،قولته ليهو منو معاي؟قال لي معاك معتصم معقوله حتى صوتي بقى غريب عليك،قولته ليهو اهلين😊قال لي دي شنو نبرة الجفاء دي؟قولته ليهو معتصم متصل علي لشنوو؟مش انا قولته ليك انو البينا انتهى؟قال لي بس انا بالنسبه لي م إنتهى ي شهد،قولته ليهو عايز مني شنو متصل علي من رقم غريب ليييه؟قال لي عارفك م حتردي لو إتصلته عليك بي رقمي شهد انا فاقدك وعندي كلام كتير عايز اقولو ليك بس عايزك تديني فرصه وتسمعيني،قولته ليهو م تفقد عزيز إنشاءالله بس انا م عايزة اسمعك ولا حابه أتواصل معاك ابدا،قال لي حتى ولو قولته ليك عشان خاطر الكان بيناتنا؟؟؟؟

يتبع....

#فلوكستين
بقلم: شهد عبد الله

الجزء 16

قولته ليهو م تفقد عزيز إنشاءالله بس انا م عايزة اسمعك ولا حابه أتواصل معاك ابدا،قال لي حتى ولو قولته ليك عشان خاطر الكان بيناتنا؟؟؟؟بعد م قال لي كدة سكتته،قال لي ممكن نتلاقى؟قولته ليهو لا أبدا الشي العايز تقولو إتفضل قولو اسي ،قال لي أنا لو إتغيرته إتغيرته عشانك ي شهد،قولته ليهو معتصم الموضوع إنتهى ،قال لي لا م إنتهى انتي لازم تفهميني،قولته ليهو عايزني أفهم منك شنو مثلا بس كدة فهمني أفهم منك شنو؟إنو انت علقته البت وعملته علاقه مع أمها؟دة الشي العايز تفهمني ليهو؟معتصم انا إتصدمته فيك م أتوقعتك كدة؟انت عارف قبل العرس بي اسبوعين لما حكيت لي انا لأخر لحظه كنت فاكراك بتهظر ،قال لي بس انا لو م كنت حاسي بنفسي بعمل غلط م كنت حأحكي ليك صح ولا لأ؟انا حكيت ليك عشان تساعديني اعمل شنو انا في الحاله دي ،وبعدين انا نفسي اعرف انتي بتلوميني على شنو بالظبط؟قولته ليهو اساعدك في شنو مثلا؟معتصم انت بلومك لأنك كنت بتستغباني ،كنت عارف سبب المشاكل البتمر بيها لميس وكنت ساااكت علشان انت كنت السبب الأساسي،طالما عملته علاقه مع امها ماف سبب يخليك تواصل معاها وانت اساسا لما م عايزها وعايز امها ليييه علقتها فييك ليييه كزبته عليها؟قال لي انا م كزبتها عليها ،انا واجهتها،قولته ليهو انت واجهتها الا بعد م شافتك انت وامها بتعملو في حجات غلط ،قال لي شهد انا معترف انو انا غلطتهه بسس انا راجل والراجل ضعيف قدام شهواتو،انا لو كنت عايز اغلط مع لميس بالجد كنت غلطته معاها في اليوم الجاتني فيهو في البيت وقعدت معي يومين لأنها كانت بتحاول تتقرب مني بالرغم من معرفتها بعلاقتي مع امها بس كانت مستعدة تسلمني نفسها بس علشان تغيظ امها عارفه انا ليه إتصلته عليك وقولته ليك لميس معاي في البيت؟عشان م كنت عايز أغلط معاها وهي كانت ساذجه مستعدة تغلط معاي وتعمل معاي زي م بتعمل امها ، وكمان ام لميس كانت هي البتفرض علي نفسها هي البتتصل علي ،هي البتتطلب نتقابل ،وانا كنت عامل حساابي منها عشان لميس وانا كلمتك هي في البدايه إتواصلت معي على أساس انو عايزاني أبعد من بتها لأنو هي لسسسه صغيرة وم قدر الكلام دة و...وانا اتوقعتها أم وعايزة مصلحه بتها وخايفه عليها لغايه م شويه شويه بقت تتواصل معي وإتقربت مني يعني إذا أمها م حسبت حساب لمشاعرها انا منو؟قولته ليهو لو هي مره جاهله وتفكيرها سطحي انت تطلع زيها؟؟؟معتصم علشان باقي الإحترام الفضل بينا خلينا نقفل الموضوع ممكن؟قال لي شهد،قولته ليهو يلا سلام ي ريت تاني م ترجع تتصل علي ي معتصم الله يخليك لأني م قادرة اتواصل معاك المشكله انو انا م.

قادرة أشيل الصورة الكنت خاتاها ليك من بالي انت فاهمني؟؟،قال لي زي م لميس بقت بت راجلك م تنسي نحن كمان كنا اصحاب ،قولته ليهو وعلشان الصحبه دي انا بحاول انو م أخسرك ي ريت انت كمان تساعدني بكدة،قال لي حاااضر ي شهد حأقفل وبعد م اقفل تاتي م حأرجع اتصل عليك أبدا،قولته ليهو يكون أحسن ي معتصم لي وليك😊بعد م قفل قعدته أبكي اكتر زول إنصدمته فيهو كان معتصم دة ،حتى اليوم الإتصل علي فيهو وحكى لي فيهو الكلام دة انا م صدقتو حسيتو بكزب بعدها لما إتأكدته انو حقيقه إتشاكلته معاهو وطلبته منو تاني م يتصل علي ولا يجي العرس حتى ومن يومها تواصلو معاي إنعدم اسي م عارفه الزكرو بي شنو 😭😭😭😭😭😭💔حسيت بالوجع الحست بيهو لميس لما عرفت علاقه معتصم بي أمها يعني ختيت نفسي محلها مراهقه طايشه فقدت عامل الثقهه في أمها وفي الزول البتحبو وفي أصعب مرحله ليها إضافه لإنفصال أمها وابوها والمشاكل والضغوطات المارة بيها هي كمان صعبه عليها فأكيد تصرفاتها حتكون كلها طايشه ويمكن تنحرف وتمشي في الطريق الغلط علشان كدة كنت بتحمل كل تصرفاتها ومزاجها المتقلب كنت دايما بحاااول ألتمس ليها العذر ،،،الصباح إتصلته على همام قال لي صباح السرور،قولته ليهو صباح النور كيفك؟قال لي تمام الحمدلله طالع على الدوام وكدة في حاجه؟طبعا فكرته لنفسي لقيت نفسي ضاربه ليهو من غير سبب ماف شي اقولو ليهو 😳،حكيت راسي وقولته ليهو ماف شي بس إتصلته عليك عشان اقول ليك الأولاد طلعو المدرسه😥متخيلين معاي منظري كان بيييش كيف وووب♀‍🙇🙉♀‍🙆قال لي طيب تمام موفقين انشاءالله ههه ،ضحك ضحكهه غريبه كدة😭💔قولته ليهو طيب😥قال لي طيب😅ياااخ سخييف لدرجهه😭💔قولته ليهو مع السلامه،قال لي لجين صحت؟قولته ليهو لا لسسسه ناايمه،قال لي بتنوم للزمن دة؟ي بختها نوم العوافي،قولته ليهو وكمان بتنوم بدري تخيل؟قال لي نحن هنا بنوم متأخرين وبنصحى بدري،قولته ليهواممممم بتداوم لزمن متأخر يعني؟قال لي لأ بالعكس بطلع بدري برتاح في البيت بس طبعا موضوع العشاء والسهرات بجر فبرجع البيت متأخر،من غير م أحس ،قولته ليهو سهرات مع منو، وربي انا لسااني د ة عايز قطع 😭😭😭😭😭♀‍🙆قال لي ههههه سهرات عاديه مع زملاء وكدة ،قولته ليهو م قصدي شي انا قولته كدة عفوا😥،قال لي ولا يهمك أخدي راحتك ،قولته ليهو أسي متأقلم على العيشه هناك كيف يعني م صعبه عليك؟قال لي لما الحاجه تتفرض عليك بعد فترة من الزمن حتشوفها شي عادي وجزو من حياتك اايوة بلد غربه بس الواحد بقدر يتأقلم فيها وبعدين السودانين المستقرين في دبي والدوحه اكتر من العايشين في السودان نفسها😂😂😂💔قولته ليهو بس برضو الأهل والأحباب وكذاا م بتحسها صعبه؟قال لي انا اصلا متعوود لأني من قمته لقيت نفسي بسااافر للبلد دي كتيير حسب شغل أبوي الله يرحمو وكدة وبعدين انا السودان ودبي دي عندي زي الخرطوم وجزيرة مدني يعني عادي أنزل السودان الصباح وأرجع المساء هههههههههههه 😂💔قولته ليهو عندك طيارة خاصه ولا حاجه؟قال لي م بالضرورة طيارة خاصه😂💔قولته ليهو طيب بتطبخ برااك؟قال لي ههه أحيانا بس عادتا في مطاعم فيها أكل سوداني يعني لو في يوم اشتهيت لي شي كدة ولا كدة بمشي باكل عندهم بس انتي بتسألي مالك شايله همي ولا حاجه؟😅قولته ليهو اناااا لا ابدا والله بس بسأل😳 ،قال لي طيب طيب ي ستي شنو إتلخبطتي على طول كدهه هههههه،قولته ليهو م إتلخبطته ولا شي وبعدين مع السلامه انا ماشه،قال لي ماشه وين؟قولته ليهو ماشه أشوف لجين ،قال لي حتشوفيها وين مش قبل شويه قولتي نايمه معاك؟قولته ليهو قصدي ماشه أجهز ليها اللبن وكدة،قال لي ايواا طيب ههه يلا وباقي يوم سعيد عليكم انشاءالله،قولته ليهو وعليك انشاءالله يلا في أمان الله ❤️بعد م قفلته منو قولته لنفسي ي ربي دة شنو الهبل البتهابلو انا دة؟تاني لو م في حاجه مهمه اوووعى ي شهد تتصلي اسي يفهمك غلط😨😱،طبعا دي اووول مرة أتكلم فيها مع همام مكالمه عاديه وم نتكلم عن الأولاد ولفترة طويلهه كمان ههه ،عدت الأيام وحياتنا بقت شبه مستقرة ماف مشاكل او مهاترات تواصلي بقى دايم مع همام ،وهو شبه إتقرب من اولادو ،يعني في القروب بقينا نتونس على الدوام وبنمسك زمن ببعض لغايه م جات فترة إمتحانات ميدو ونتيجتو طلعت جا التاني طبعا حتى انا م صدقته جابها كيف لأنو عزبني في المزاكرة وم اتوقعتو يتزكر شي في الإمتحان😂💔وفي نفس الشهر الطلعت فيهو نتيجتو كان عيد ميلادو المهم قولته لي لميس رايك شنو نعمل مفاجأة لميدو بمناسبه عيد ميلادو ،قالت لي طيب ارح نمشي نشتري الكيك والهدايا ونرجع بس من غير م يحس،قولته ليها لالا خلي التورته انا بعملها ليهو هنا في البيت انتي امشي جيبي البوالين والألعاب وإشتري ليهو الهديه العايزة تجيبيها ليهو انتي،قالت لي طيب بس حيعرف،قولته ليها قاعد في البليستيشن م اظن ههههه،المهم انا جهزته الكيك وهي مشت جابت الحجات وجات راجعه ،اتصلته على خالد وريتو قال لي ظابط يزوله اسي بجي ،ظبطنا البيت وطفينا الأنوار ولميس جرت قالت ليهو ميدو اجري الحريق في البيت 😱قال

ليها حريق وين وين؟قالت ليهو اجري البيت كلوو مولع اطلع سرعهه انزل تحت علشان نطلع من البيت😱والله جا جاري بسرعه البرق نزل تحت اول م نزل ولعنا الأنوار ،لميس قالت ليهو تخاف ي راااجل ههههخخخ😂😂😂😂😂😂خالد قال ليهو هابي بيرث داي 2يوووو ي خواااااااااف قلبك قلب طيرة😂قال لينا عاملين الحجات دي لي انا😳؟لميس قالت ليهو لا لخيالي😒ارح اطفي الشمعه دي جعانين عايزين ناكل الكيكهه 😪خالد قال ليهم الموضوع دة م يفوت الحاج دقيقه دقيقه وبقى يصوور بعد م خلصنا رسل الصور في قروب الواتساب قال ليهو فاتك عيد ميلاد ميدو ي ابوي،المهم على كدة الأيام مرت ولميس إمتحنت شهادة وأجزت ،همام قال لينا بما انو لميس أجزت نعمل ليكم اجراءات السفر وكدة،انا كنت مترددة في موضوع السفر دة اساسا جواز سفر م عندي،في يوم همام بتكلم معاي قال لي لميس قالت لي انتي م عايزة تسافري صح الكلام دة؟قولته ليهو ااايوة يعني انا م حابه الفكرة وبعدين اسافر أعمل شنو مثلا ههه،قال لي كيف يعني حتسافري تعملي شنو؟حنقضي الإجازة مع بعض طبعا ،إحم يعني قصدي انا وانتي والأولاد،قولته ليهو م عارفه غااايتو وبعدين حتى جواز سفر م عندي خلي الأولاد يسافرو وانا أمشي أقعد مع أهلي لغايه م يجو،قال لي لا وبعدين لمن خالد يخلص إمتحاناتو وقتها مشكله جواز السفر حتكون إتحلت ،المهم بعد شهر من الكلام دة ماما فايزة تعبت ودخلوها مستشفى ،قالو عندها ورم تحت الثدي بتاعها وقررو ليها عمليه ،يوم العمليه إتفاجئنا بي همام في المستشفى طبعا حتى انا إتخلعته لأنو م جاب لي سيرة إنو جاي وكدة فجأة بس،سلم على الناس كلها حتى مرتو سهام كانت قاعدة،جا يسلم علي قولته ليهو م جبته لي سيرة انو انت جاي؟😳قال لي جات صدفه كنت مقلق شديد يعني حتى لو طمنتوني عليها بالتلفون قلبي م حيرتاح لو م شفتها بعيني،قولته ليهو حيدخلوها العمليه بعد ساعه كدة،قال لي ايواا طيب كويس،ياااخي نضافتو عقدتني من نفسي والعجب ملمس يدينو كأنو بيبي ولا اللبس غايتو بس الأناقه يخلوها ليهو كان لابس قميص بالبني والساعه بنيه♀‍🙆والعطر حكااايه وروااايهه ياااخي حاجهه كدة فخمهه😻❤️👋وانا ي يمه لابسه العبايه ومخولقه خولقه السوااد😭😂💔شويه كدة سهام مرتو نادتو قالت ليهو همام،قوله ي همام دي على طوول إتلفت ومشى ليها قال لي ثواني وبرجع ليك،قعد يتكلم معاها مسااااااافه م بتقل عن نص ساااعه وكأنو م شايفني ولا عبرني حتى تاني ،طبعا هي لابسه تووب ونضيييفهه وم خاته ااي مكياج لكن تسوو كدي👋وانا والله إتغظته غيييظ وأهلو كلهم يعاينو ليهم وهم بتكلمو مع بعض ومرتو كل شويه تعاين لي من فوق لي تحت 😭اقسم أول مرة أتعقد واخجل من نفسي، نسوان أخوانو كلهم سمحات ونضيفات الا انا😭 من شدة م إتغظته لمن طلعته برة وقفته مساافه لغايه م زمن العمليه خلص بعدها رجعته البيت وانا روحي دي محرقاني تقول أبكي ،بس الشي العرفتو انو همام دة بجد ضعيف قدام المرة دي م بقدر يقاومها يعني ونحن واقفين اول م قالت ليهو همام إتلفت وقال لي عن إزنك يعني هو بجد م بقدر يتجاوزها وهي واثقهه من الحتهه دي ،طبعا كلهم كانو في بيت ناس ماما فايزة هناك انا علشان عارفه سهام حتمشي معاهم البيت م حبيت أمشي أجرت لي عربيه ورجعته البيت،اول م وصلته البيت اتلاقيت مع هديل في الباب سلمت علي واتطمنت على ماما فايزة وكدة،قالت لي كنتي بتبكي؟قولته ليها لا وأبكي لييه؟قالت لي م عارفه بس حسيتك بتبكي وكدة،قولته ليها ماف شي والله ،دخلته البيت وعلى طول دخلته المطبخ جهزته ليهم العشاء علشان همام حيجي م متعشى وكدة وجهزته الصحون والعصير خلطتو ودخلتو التلاجه وقعدته منتظراهم، خالد جا راجع البيت حوالي الساعه 12كدة لقاني قااعدة في الهول ومشغله التلفزيون ،قولته ليهو اخوانك وين كنت منتظراكم طبعا،قال لي اخواني ديل في بيت ناس حبوبه هناك،قولته ليهو اهاا يعني بايتين هنااك طيب كويس ابوك جا لاقيتو؟قال لي اااي لاقيتو من قبيييل كان قاعد معانا في بيت ناس حبوبه واسي انا قدمتو المطار وجيت راجع البيت...

يتبع.....

#فلوكستين
بقلم: شهد عبد الله

الجزء 17

قال لي اااي لاقيتو من قبيييل كان قاعد معانا في بيت ناس حبوبه واسي انا قدمتو المطار وجيت راجع البيت،قولته ليهو قدمتو المطار كيف يعني؟😳قال لي عدييل كدة عشان طيارتو بتقوم الساعه 12ونص اسي بكون إتحرك ههه،قولته ليهو يعني أبوك رجع؟قال لي اااي،بقيت اقول لنفسي همام رجع وم قال لي راجع ولا حتى فكر يتصل علي علشان يكلمني في اللحظه دي انا الحاجه الوحيدة الإتأكدت لي انو انا بالنسبه ليهو ولاااااا شي ،بس حتى لو هو م خاتي لي إعتبار المفروض يكلمني إنشاءالله ضر اللوم ساااي علشان م اتفاجأ من برة حركتو كانت باااايخهه بجد،انا من الزعل لمن دموعي جرت،إتصلت علي هديل اول م فتحته الخط قالت لي عايني في بيتكم في حاجه بياكلوها انا جايه أكل عندكم أمي الليله طبخت لينا رجلهه😪😭😭😭💔قولته ليها تعالي والله عامله مكرونه بالبشميل وعامله فراخ بالفرن ومعاهو كبسهه😪قالت لي جايه عليكم وبالفعل شويه كدة دقت الجرس مشيت فتحته ليها،قالت لي واااي قلبي حيقيف من الجوع صدقيني انا لو نمته كدة م بصبح الصباااح فتحت التلاجه قالت لي حأدفي لي أي حاجه تملى لي بطني،قولته ليها طيب وسكته خليتها بعد م دفت الأكل وجات قعدت تاكل لاحظت لملامح وشي متغيرة قالت لي عايني انتي الليله مالك؟م تقولي لي علشان عمتي في المستشفى وبتاع عمتك الحمدلله طلعت من العمليه نصيحهه وزي الحصان بكرة بطلعوها ليكم علشان تهريكم كلام كتير قولي لي مالك خيير؟قولته ليها ماف حاجه والله،قالت لي لا في قولي 😒قولته ليها امممم همام اليوم جا المستشفى،قالت لي شنووو😳همام نزل السودان؟علشان أمو ولا علشان مشتاق ليك وبعلي بس😻♀‍🙆؟قولته ليها نزل علشان أمو طبعا أنا عايز بي شنوو؟قالت لي وانتي المزعلك شنوو مش المفروض تفرحي؟دقيقه أسي هو قاعد هنا في البيت وااااي😳😱قولته ليها لا م تخافي اساسا م جا البيت هنا جا المستشفى ومشى بيت ناس امو ورجع دبي،قالت لي شنوو؟رجع كيف يعني 😳قولته ليها عديل كدة،قالت لي اهاا ودة الشي المزعلك يعني؟؟ ي ستي م تزعلي اساسا كدة كدة حتسافري ليهو قريب😌قولته ليها م مسافرة لو دبي دي جابوها لي قدام باب البيت دة😭💔قالت لي ي بت مالك انتو متشاكلين ولا زعلانين من بعض ولا حاجه؟قولته ليها لا،قالت لي سمح مالك ي بت الجن ولا النفسيات،قولته ليها سااافر من غير م يكلمني وطول اليوم في المستشفى كان واقف مع مرتو وسفهني قدام اهلو حتى اتخيلي سفهني عدييل كدة ووقف معاها لدرجه انو اهلو كلهم بقو يعاينو لي بي نظرات غريبه😭💔والأوسخ من كدة انو النسوان ديل كلهم كانو سمحات ومجيهات ونضاف نضافه تعقد الا انا وقعدته أحكي ليها بالحصل كلوو😭😭😭💔قالت لي انتي المزعلك ورافع ضغطك شنو بالظبط؟يعني محرقاك وقفه همام مع سهام وتطنيشو ليك ولا نضافه النسوان الكانو في المستشفى؟قولته ليها لو كنت نضيفه كان وقف معي😭😭😭😭😭💔قالت لي ي بت شنو لو كنتي نضيفه وم نضيفه مالو هو لما عرسك م كان شايفك غبشه وشينه يعني م شينه شينه بس سمحه ومحتاجه لصيانه لازم تدخلي ورشه😁😁😁😁😁😂عاينته ليها وسكته،قالت لي عايني النصيحه سهام دي مرة نضيييفهه ودايما انيقه ورشيقه في أي ممان معاهو حق يقيف معاها ياخ سهام دي كان عملت مخالفه وهي سايقه بتاع المرور م بقطعها إيصالات فما تزعلي اصلا هم في أسرتهم دي م بعرسو غير الجكس الطبي بس دي حاجه عايزة ابشرك بيها لكن على العموم كدة انا مشكله غيرتك دي م عندي ليها حل لكن لو عايزة تبقي نضيفه ومزة قرضه لمن م يعرفك علاجك عندي انا بظبطك اصلا انتي محتاجه صيانه خفيفه بس😅😂قولته ليها حسستيني انو انا عربيه عندك😪قالت لي م عربيه قولي خردة محتاجه صيانهه ههههههههههههههه،قولته ليها بس انا م قاعدة أغير وبعدين هم حرين م مركزة معاهم انا كان يقيف معاها ولا يرفعها في راسو م شغاله بيهو بس انا إتغظته من حته انو هو سافر وم كلمني ولا فكر يتصل علي ويودعني حتى ،قالت لي واضح انو انتي م مركزة وماف اااي غييرة المهم ي زوله نحن مالنا خليني أكل اكلي دة واقوم أمشي بيتنا الساعه واحدة إلا الليله أبوي بضبحني ههه8،قولته ليها أكلي يلا،بعد م خلصت ومشت حاولته انووم م قدرته النوم غلبني عديل كدة وكل م أتزكر اللحظه النادتو فيها ومشى ليها على طول ووقف جنبها دمي بفوور وبغلي وبقول :هي قاصدة تعمل كدة 😭💔صباح اليوم التاني عيوني دي لمن مورمه من البكاء،المهم بعد م امو خرجوها من المستشفى واولادو رجعو البيت وكدة في يوم كانو بتونسو في الواتساب همام وخالد وشويه كدة جاتهم لميس وانا الرسايل بقت لي كتيرة طبعا بقيت ولا بتونس معاهم في القروب ولا برد على مكالماتو ولا برد على رسايلو ،اصلا كنت زهجانه ومع كترة الرسايل تلفوني علق على طوول غادرته من القروب،شويه كدة لميس جات دقت لي باب الغرفه قالت لي شهد بابا عايزك،قلبي عمل شحح طبعا قولته ليها عايزني انا لشنوو؟قالت لي هاك امسكي ادتني التلفون وطلعت ،رديت قولته ليهو اهلين😊قال لي ي هلا كيفك تمام؟قولته ليهو الحمدلله،قال لي مالك غادرتي من القروب؟قولته