#بت_البادية
بقلم: نسيبه مدني

الجزء 05

(المؤتمر شغال والناس مندمجه محمد جا دااخل )

سلام ي نااس ....حبابك محمد..... جيت اشوف اخواتي المتفوقات ديل .......ان شااء الله ي محمد اخوي .......الله يوفقكم

(زاعو الاولي والتانيه والتالته والرابعه وخلاااص اموووونه بقت تبكي وحست انو هي الطيش و م ح يزيعووهاا بس بعد شووويه زاعووهاا الخاامسه علي مستوي السودان واولة الولايه الشماااليه ب نسبة 94.9 وقامت بدون م تشعر بكت وسجدت وامها من الفرحه تبكي وتزغرد ومحمد لما دمع وحسووونه تبكي ب طوول حسهااا وحاجه الرضيه تزغررررد والبيت كلووو يزغرد انقلب بيت عرس عديل ولسه امونه سااجده وتبكي وجرت ع امها حضنته وامها تبوس ليها ف راسه )

مبروووك ي بتي ربنا عوضك تعبك ......م مصدقه ي امي والله م مصدقه الحمدلله ي رب الحمدلله ...

( ومشت حضنت حسوونه ومحمد وبقت تبكي وتقول ل حسوونه عقبالك ....محمد طبعا كان مبسووط شديد وهو شاايف امونه بتبكي وتضحك قدامو من

الفرح )

عقبالك زي حسونه ي حبيبتي ......امين ي امووونه امييين

( ومع دمووع الفرررح النزلوهاا اهلنا الحنان الليله (وقفة حزن )

.... المؤتمر انتهي ومحاسن م زاعووهاا والتعاابيرر المرسومه ع الوش اتغيررت والحزن حااط المكان ومحااسن بتبكي ب كل اسف واهلها حولينا يصبرو ويدعو وامها قلبها اتقطع .....بس محمد قاليها م تبكي بتكون نسبتك كويسه وشال رقم جلووسه ورسلو وبعد شوويه نتيجتهاا ظهرت 83.7 وبقت تبكي وتصرررخ )

ي بت والله النسبه دي كويسه شديد م تبكي سااي ......واي ي محمد كنت عايزه يزيعووني ........قومي حبيبتي كلو ل خيرر ..... نعم ل خير ي امووونه

( امونه وقفت ع حيله وزغردت ليهاا ب صوووت عاالي وباقي النسااوين جروهاا وراهااا زغااريد وكشيح حلاوه ... وقاامت وحضنت صحبته عليها شديد وقالت ليهاا ربنا معانه وعوضنا تعبنا وضحكو ضحكه حلوووه شالت كل الحزن الكان )

امونه الف مبروك ..... الله يبااارك فيك ي محمد ...فرررحت ليك والله ...... تسلم ياخ ..... والله بقيت خاايف بس ي بت عمي ....... والمخوف ود عمي شنوو .......خاايف تمشي الجامعه وتفكي الضفيرتين ديل وتنسينا وتبعدي مننا ........ ف زول بنسي اهلو انا اتربيت هنا وبطبعي قروويه انا م الزوله البتتغير وتبعد عن اهله ي محمد ...... طمنتيني ي بت عمي الا خلي بالك من نفسك شديد ....... حاضر ان شاااء الله يلا معاك سلام انا مااشه البيت الناس فاتوني .......سمح الله معااك

(عدت الاياام وكلها رعي وورد مويه وحلب وشقي بس القعااد تحت النخيل وهواه يرد الروح ويطيب اي جرح حاصل )

امونه ي حبيبتي ان شاااء الله يشيلوووونا ف نفس الجااامعه انا م بقدر اكون بعيده عنك ...... ان شااااء الله ي حسونه الله لا يفررقنا .........بدور اقولك كلام ي رفيقتي بس سر و م تخبري زول ......سمح انضمي .....محمد اخوي ......مالوو محمد ..... اصبري النتملك ي بت ..... اهاا تمي لي ......والله ي امونه محمد

(وفجأه تجي حاجه فااطمه تقااطعهم )

ي بنات تسون ف شنوو شيلن مويتكن دي وارحكن علي البيت الواطه مغربت .......سمح يمه وراك بس .....سمح ارح

(خلاص امونه نست انو حسونه كانت عايزه تقوول ليها حاجه ومشن ف دربن )

( ومررت الايااام والنتيجه ظهرت 😍 )

(امنه الطيب( طب بشري ...جامعة الخرطوم )

( هنا اموونه حست انو ابواب الدنياااا كلهاا اتفتحت ف وشهااا حست انو خلاص باقي خطوات قريبه وحلمهاا يتحقق وهدفه القبيل كانت بتقش ف دمووعه من دخان الفاانوس عشانوو قررب يتحقف 😍😍)

(وحسونه شالوهاا مختبرات الخرطوم والفرحه الاكبر كانت بالنسبه ليهم انهم ف نفس الجااامعه وفرحتهم م بعديها فررحه )

ي امونه ي بتي تعالي اقعدي دايرك ....سمح يابا احكي انا جمبك ....... خلاص ي امنه كبرتي وبقيتي زولة جامعية وشالوك جامعة كويسه بعد دا تفارقي حكاية امونه الشافعه المدلعه دي وتبقي جاااده وتبقي حزره ي امونه ي حبيبتي الدنيا دي برره قاااااسيه م زي حلتنا الناس طيبه وحنينه والمجتمع الانت ماشه عليه دا مجتمع م برحم ح تلقي ناس اشكال والوان وناس نفوسه متغيره واسلوب الحياة العايشنها م زينا ولا قدرنا بس داير اوصيك ابقي عشرره علي روحك واتزكري الهدف السبتي حلتك واهلك ونااسك عشانو ودايرك بعد 6 سنه بإذن الله تكوني الدكتوره امنه الطيب اتزكري كلامي دا طول م انت بعيده عننا و م تفارقي رفيقتك حسونه ياها زولتك وطينتك خليكم دايما سند بعد وعشمي ف ربنا وفيك كبيير ي بتي الدكتوره ........ والله يابا كلامك صاح وعلي عيني وراسي ان شاااء الله ابقي ليك دكتووره كبيررره قدر الدنيااا وتشوفني قدامك اعلي واعلي واصل القمر ف سماه اوعدك بعد 6 سنين اجيك وشايله سماعتي ولا بسه كودي ابشر يابا فوق الشينه تب امونه م بتختك ......... الله يحفظك ويحميك ي اموونه ......ويحفظك ويخليك لي ي ابوي 😘

( وباست راسو وفاااتت تجهز ف حاجاته وامها تلم معاهاا والعبره ماسكاها وبتهاا مودعااهاا ومحمد بيقاادي م قاادر يصدق اصلوووو انو امونه حبيبتو بع

د يومين مفاارقه الحله ومودعااه )

يتبع...

#بت_البادية
بقلم: نسيبه مدني

الجزء 06

(مع المغيرب كداا قااعدين الاهل كلللهم ف بيت نااس حسونه وبشربو ف شاااي المغرب والونسه والقرقريبه حفلة وداااع للبنيااات الا محمد من الصباح م جا داخل البيت )

ي بت حسونه انت اخوك وينوو من الصباح م شفتو .....بري والله م بعررفو ....مالو محمد ي بت ...... والله ي امونه من الصباح م جا .....ان شاااء الله خير بجي بعد دا لكن .... جهزتي حاجاتك انت ...... اي جهزت وابوي اداني قريشات اشتري ملابس من هناك لما انزل الجامعه .....انا برضو اداني خلاص نمشي سوا .....ههههه ونحن عارفين حاجه غير بعض ي حسونه ي اختي م اصلنا اي حته ح نمشيها سوا ...... والله انا م عارفه من غيرك كنت ح اعمل شنو ي امونه ......ح تعملي عصير ليمون بس 😂😂 .......😒ظرريفه ........عارفه نفسي .....قومي ارح نشوف محمد وين .......ي بت امونه انت جاده نمشي بليل دا ....... اي جاده والله قومي .......سمح ارح

( ومشو فتشوو لحدي م لقو قاعد جمب البحرر وبشرب ف سجااره لما شافهم جدعه البحر سريع بس امونه شافتو )

ي بنات بتعملن ف شنوو هنا بليل

( امووونه وقفت حسوووونه وفااتت عليه هي براهاا )

انت البتعمل ف شنو ولي م جيت البيت من قبيل ....... مافي حاجه كنت جاي بس قلت اقعد شويه وامشي ..... والسجاير شنو ي محمد اخوي ....... انا م اخوك ي امونه م اخوك ..........كيفن م اخوي اخوي وستين اخوي وشفتك انا وانت بترميها ف البحر ووقفت حسونه عشاان م تعرف بس انت لي بتضر ف نفسك ....... خليني عليك الله ي امونه قومي سوقي البت دي وامشوووو البيت ...... م قايمه ي محمد انت اخوي وانا م بخليك تضر نفسك والبحر زاتو بليل م تمام احسن تقوم تمشي معانه البيت .....انت لي م قادره تفهمي انك م اختي

( الكلمه دي وجعت امونه شدديد لانها خاتاه اخو بس م فهمتو لي بقول كدا وبقت تتكلم والدموع ف عينه )

انت صاح م اخوي الجابتك امي بس من شافعه م ختيتك غير اخوي وسندي لكن الله يسامحك ي محمد الله يسامحك

( وقامت عايزه تمشي وهي بتبكي محمد مسك يدها وقعده راجعه )

امونه انا بحبك ...... وانا حتي بحبك نان مالك بتزعل فيني .......لالا ي امونه بحبك بجد والله وعايزك مرتي

( امونه نططت عيوونه 😳 واتهجمت واستغربت واتفااجأت وبقت م عارفه تقوول شنو وبقت تقول ف نفسهاا كيف محمد يقول كدا وقاامت من جمبووو وجرت علي محااسن وسااقته من يدهاا وجرو )

ي بت امووونه مالك كدي اقيفي ........ واااي ي محااسن ارح البيت بس ........ طيب مااشين بس فهميني مااالك ....طيب نقعد واحكي ليك .....

(بهناك محمد بقي يقول ف نفسو انا لي قلت كداا وح اخسر امونه وبقي م عااارف يعمل شنووو )

حسوونه محمد قالي بحبك .....والله ي امونه م قال الا الحق .......شنوووو ??? يعني انت عاارفه وم وريتيني ....... والله كنت عايزه اوريك بس م عارفه لي م وريتك ايواااا اتزكرت كنا جمب الجدول وامك جاات قاطعتنا وقالت الزمن فاات .......اي اتزكرت طيب اعمل شنو انا اسي والله ي حسوونه محمد دا كنت عاداه اخووي م اكتر والموضوع دا باقي لي كيف كيف .... والله عاد هوو صادق ف مشااعرو دي اسأليني منو انا محمد بالجد بحبك والله ...... م ح ارد عليه انا زاتي م بعرف للحب دا شي ولا بقيت للعرس انا دايره اشوف قرايتي ...... هههههه نان ي حبيبتي علاقة الحب ب قرايتك شنو ارتبطي بيه وامشي تمي قرايتك وتعالو اتزوجو هو قالو ليك البحب الليله بعرس بكره طوالي ...... لالا ي حسونه م برتبط ولا انا شبه كلام زي دا لما اجي ان بقي ابوي اداه بوافق يلا انا ماشه البيت انوم عشاان بكره علينا سفر ......سمح انا عندي شوية حاجات كدي ارتبه وانوم .....طيب تصبحي ع خير .... وانت بخير ...

(كل وحده رجعت بيتم ومحمد جا راجع نص الليل وشو م بتفسر من الضيق ورقد نام طوالي )

(بهناك اموونه راقده جمب امهاا وامهاا تضفر ليها ف شعرره وبتونسوو)

يمه اسي انا البمشط لي شعري منو تاني ..... ههههه ي بتي تمشطي براك وتعتمدي علي نفسك انت كبرتي ي الحبيبه ماك شافعه ...... والله م عارفه ي امي لكن خااايفه من الدوامه الداخلاهاا دي ح اشتاق ليك ول ابوي واخواني ........ بتجينا كل اجازه ان شاااء الله بس انت خلي بالك من نفسك شددديد وقومي نومي بكره وراك سفر وابوك قبيل راح للخزين وقال قايم الساعه 5 من هنا بصل سوق كريمه وتبيتن هناك عند فتحيه بت محمدين عمي وتقومن فجر علي باصات الخرطوم ان حظك حلو بتلقن مختاار ولده يوصلكن الباصات........ سمح ي امي ......يلا اشربي لبنك دا ونومي

( الصبح اذن وامونه وحسونه صلن ولبسن عبااياتن وطلعن شنطن ووقفن قدام الباب حارساات اللوري يجيهن )

( محمد طلع وشااف زولتو خلاص لابسه جا عليهاا )

امونه كدي تعالي ...... حبابك محمد ..... م اكون زعلتك ب كلامي ..... لالا م تاخد ف بالك م حصلت حاجه ...... امونه اعفي لي ...... لله والرسول ي ود عمي ....... البلد الماشه عليها دي صعبه م زي حلتنا خلن بالكن من نفسكن ........سمح ي اخوي ........يلا ودعتك ال

له ........الله معاك

( ودعه وعيونو مليانه دموع وفات قعد قدام باب بيتم وبعاين فيها من بعيد )

( خالتو فاطمه والرضيه يبكن ساااي الفراق غااالبن ومع جو البكا الحاصل دا الخزين جا )

يلا اررحكن ي بنووت ي حاج الطيب ازيك ......اهلا ي الخزين البنات ديل توصلن كريمه السوق جوه .....لالا ابشر تب ....... يلا ودعتك الله ي امي ..... الله معاك ي امونه ي بتي

( بعد وداع حار وبكااا امونه وحسووونه ركبووو اللوري وقبلووو وربنا يكتب

السلااامه )

يتبع....

#بت_البادية
بقلم: نسيبه مدني

الجزء 07

(يلا بنياتنا بعد م لموو الهديمااات عدلوو وركبووو اللواااري وقبلوو وصلو كريمه مع صلاة العصر والله خلقن م شاافن كريمه دي قبل كدا الا بسمعوو بيهااا سمع ولا عارفات يصلن ل فتحيه القالته حاجه فاطمه دي كيف الا الخزين كتر خيرو وصلن وفات ف دربوو وهن دخلن ل جوه )

امونه ي بت انا م قاادره اقعد عند الناس ديل اشتقت ل امي .......ههههههه انا برضوو عاايزه امي ...

(المره خشت طوااالي ف الونسه)

ي امونه امك كيف وعم الطييب وانت ي حسوونه اهلك كييف? ...... والله كووويسين الحمدلله يسلموو عليك ...... الله يسلمهم والله اشتقنا ل فاطمه والرضيه شدديد ...... هم زاتم اشتاقو ليكم ليكم والله ...... كدي قومن استحمن وتعالن اتعشن عشاان تريحو حبه من تعب السفرر ...... سمح قايمين

( بيتووو مع قريبتم دي واليووم عدا تاني يوووم الصباااح راجل فتحيه وصلن باصات الخرطوم وفات وهن قااعدات ف االبااص م بين خايفات و م بين مبسوطات )

حسوونه اسي كان عملو ليناا جامعه ف الحله م كان احسن ...... هههههه والله كان احسن م عارفه نحن م صدقنا ختينا الحله وتعبه ....... ي بت والله الحله راحه نفسيه اسي عليك الله اتلفتي كدا للبنوت الفي الباص ديل شبه بنات حلتنا والحاله نحن لسه م وصلنا الخرطوم اها الهنااك ديل بكونن كيف ...... الله يبقيناا حلوات كدا .... واسي نحن مالنا ي بت ...... عليك الله ي امووونه اسكتي انت فهمك دا مركب بالقلبه ..... كدي اسي نحن لمن نصل الخرطووم هناك البورينا الجامعه والداخليه منوو ..... م عارفه والله ي امونه لكن يبقي محمد موري لينا زول زي السمعتو قال ل ابوي كدا ...... اها ويعرفناا كيف الا نضرب ل محمد احمد ف التلفوون الثاابت حق الجبل ينادي لينا محمد ولا ابوي ........ انت عندك رقم التلفون الثاابت دا .... ايا عندي كتبتو لي امي ف ورقه ......فكرتي والله ي امونه ي اختي ...... اي قايلاني مطرطشه زيك ...... هههههه مالي انا كمان الله ...... انت ي بت الكشروون دي مااله بعيده كداا ...... اخدي ليك نومه ي امونه لما تصحي بتكوني قربتي ....... وانت برضو نومي عشاان م تتعبي ...... لالا انا دايره اعاين بالشباك دا اشوووف النااس الحلوين ديل ...... والله انت ي حسوونه الله يدينا خيرك

(اخدو نومتم ف البااص لحدي م وصلو والناس كلهاا بتنزل وديل صحو مخلوعات )

حسوونه حسووونه نحن وصلنا تغريبا لانو الناس كلهاا بتنزل .....سمح ارح ننزل ....دقيقه نسأل الشافع دا ي ولد ي ولد لو سمحت ....هي الجني فاات ولا اشتغلبك ..... ههههه ي حسونه ي اختي ديل شنو الناس الغريبين ديل اسي الشافع دا انا م اتكلمت معاه ...... والله ي امونه البلد دي شكلهاا صعبه جد زي م قالو لينا اهلنا .....كدي ارح ننزل

(نزلن وسألن بت كدا وقالت ليهم اي دي الخرطووم )

امونه ح نبقي واقفين كدا ف الشاارع ولا نقبل وين .....ارح نشوف لينا مكان نضرب منو ل ابوووي ......سمح ارح

(لقوو اتصالات كدا دخلوو واتصلو وردا ليهم محمداحمد)

محمداحمد ازيك ....اهلا .....معاك اموونه بت حاج الطيب .....اهلا ي بتي ازيك وحسونه كيف .... والله بخير دايرين ابووي دا ضروري .....سمح ان شااء الله خيررر .... لالا خيرر بس ناديه لينا ..... سمح الننادي لي واحد من البطان ديل ارسلوو يكلمو ....سمح م تتأخر

( طلعو وقعدو ف العتبه حقت الدكان وتعبانين وجعااانين وم عارفين يعملو

شنو )

امونه انا جعانه .....كدي ي حسونه نشوف داخليتنا وين بعداك الاكل هين .....ههههه ابيت ياخ ابيت

(بعد شويه الراجل ناداهم التلفون ضرب اتكلموو مع حاج الطييب ومحمد رسل ليهم صحبوو وجاهم ف مكانم وسااقهم الداخليه وسجلم وفات )

(اتعشو ونامو وم شافو ف الداخليه اي شي من التعب ولا شافو زول من البوابه ول غرفتهم والنوم)

(تاني يوم الصباااح امونه صحت ب جوطة البنات وفتحت عيونه وهي مخلوووعه من اللبس والضحك والشي الحاصل اتلفتت لقت حسونه ف السرير الفوق ل سريره )

ي بت حسونه ..... اها يمه ....يمه شنو ي بت انا امونه😹😹 ....بسم الله ......صحي النوم وشوفي معاي الحاصل دا .....

( حسوونه اتخلعت وبقت تعاين زي الهبله البتتروج قدام المرايه والبتجرب ف لبسه واللبس كيف كيف )

ي امونه ي اختي الحاصل شنوو .... انا عرفت شئ

(بنات الغرفه لاحظوو ليهم صحوو وبقو بعاينو ليهم بأستغراب الشعرتين والعباايات الطويله والملامح الشاحبه وهم 3 بنات وعلي حسوونه وامونه بقوو 5 ف الغرفه ووحده من البنات اتكلمت مع امونه )

هااي ي حلوه .....حبابك

(البت طبعا الكلمه ضحكته وعرفته زوله قرويه م فاهمه اي حاجه وبالكلمه دي كلهم بقو يضحكوو بس نزلت ليك عليهم حسوونه وعرفتهم بستخفو بيهم ودي تريقه منهم وقامت ليك فيهم )

هي مالكن البضحك شنوو اي حبابه دايره شنو مش هااي حقته دي معنااها بتسلم يلا حبابه دي رد ل سلاامه ......الله الله شوف كمان دي عندها لسان .....عندي لساان قدر السنتكن ال3 عشاان كدا اتلموو علي بعضكم وروقو قسما خمشه وحده زي كأني

برفع ف باقة المويه ف الحماره اجيبكن واقعاات

(امونه بقت تمسكه من يدهاا وتقعد فيهاا وحسوونه حلفت كان تقعد بس يدينه ف نصهاا وواقفه تتلائم)

يلا عاايني ي بتاعة الحماره انت مستحيل اناقشك بعد الاسلووب الشفتو دا وح انزل للأداره تشوف ليكم غررفه سررعه او يرجعوكم بيئتكم يلا يلا ي بنااات .... وررح حبيبه

( و ب كدا طلعوو وامونه وحسونه ميتين من الضحك )

يتبع....

#بت_البادية
بقلم: نسيبه مدني

الجزء 08

عليك الله رايك فيني شنو ي امونتي ..... والله خطيرره ي بت لكن بدقوك لي ي حسوونه م يبقي لساانك فالت شديد ..... هي بتستهتر بينا ليه ...... خلاص خلاص الموضووع انتهي ..... لالا م انتهي ولا بتاع تاني بجوني وبدقهم وحات الله ......ههههه لا هم لي بعملو كدا لي بلبسو كدا وهم طالعين يقرو ......هههه والله ي امونه ي اختي زووول غيرك ماارق يقرأ ماف ديل اسي كويسات نسبه للحنشوفو

( مع كلامهم كدا مشرفة الداخليه جات داخله)

السلام عليكم ..... وعليكم السلام ..... امنه ومحاسن انتو متين جيتوو عشاان تعملوو مشااكل ..... والله هم البدو المشااكل ومافي زول بتشااكل براه نحن م مجانين .....علي فكره ي محاسن انت اسي بتتلاائمي لكن عازراك لسه م بتعرفيني يعني عادي بشيلك اجدعك بره واقفل الباب ف حافظي ع لسانك ..... انا م قلت حاجه غلط وريتك الحصل بس ..... ع العموم كان انت ولا كان ليلي ح تتعاقبوو وغرفه فاضيه غير دي مااف تقعدو ب ادبكم فيها بس .....حاضر حاضررر ي استاذه ...... كويس ي امنه يلا ف واحد منتظركم تحت اجهزو واطلعو يوديكم الجامعه .....حاضرر .....

(وطلعت منهم لكن وشهاا صعب ومره سمينه ومررعبه قايتو امونه لاوزت منها لكن حسونه الله يهديها😂)

ي بت حسونه عليك الله نحن م ناقصين مشااكل....نحن م اتشاكلنا ي امونه هم البدوه معانه م تخليك مسكينه بلا ليلي بلا زفت .....خلاص خلاص اعصابك ارح نجهز الولد منتظرنا تحت ....... كوويس عبايتي بس واطلع ..... من هناك نمشي السوق نخلي يوصفو ليناا ..... اااي سمح شيلي قروشك م تنسيهاا

( جهزو وطلعو والولد وصلهم الجامعه ووصف ليهم السوووق وفات وامونه وحسونه بقوو واقفين ف باب الجاامعه ومخلوعين وبتفرجوو المبني كبيييير والنجيله واولاد وبنات مع بعض دا غير الحبيبين المطرفين وملابس ضيقه ومكياج صارخ ودنيا غيرر دنيااهم خااالص )

امووونه انت شااايفه الانا شاايفااه دا ...... شايفه شايفه ي بتي ارح نمشي مكان القرايه ..... اسمها القاعه ي امونه الولد اسي م قال كدا وقال هي فوق ارح ......نجي قاطعين الاولاد ديل كلهم كيف ي حسوونه ...... عاادي بس انت جيبي يدك دي وارح ..... انا قلبي بقي يوجعني ...... واي ي امونه عايني التلفونات دي نفسي يكون عندي تلفون لو م محمد اخوي كتلني ...... عندك قروش ل تلفون قدر الشايله البت اللابسه احمر ديك ....... ههههه لالا م للدرجه دي تلفون بسيط كدا عايزه اخش العولمه ......هههههه والله ي عولمه انت بتحلمي ..... م بحلم والله ي امونه اتلفتي حولينك وشوفي نحن وين من العالم دا عايني عبايااتنا وعايني لبس البنات ديل ...... ي حسونه نحن م شبهم ولا بنقدر نمشي قدام الرجال ب لبس زي دا ...... انت شايفه ليك وحده خجلانه معناها الموضوع عادي هنا وب وب عايني الاولاد ديل سمحين كيف ......هههههه سمحين اولاد حلتنا ......امونه اسكتي اسكتي عليك الله ...... تعالي نسأل بت توصف لينا القااعات كدي

(وقفو جمب بت وسألوهاا وصفت ليهم وطبعا كل وحده قااعته براهاا واثنااء م البت بتوصف ليهم ف شباب قاعدين قريبين منهم وبقو يتريقو عليهم يعني امور السناير ديك )

شنووو ي برلووماتنا م عارفين فصلكم وين ههههههه .....خليهم ي عمك عاين الوهمنه الهم فيها دي شااغل ناس فااهمه ي صحبي ..... والله ياخ صدقت شكلهم النوع العرربشن دااك ..... عربشن جداد كرت كمان 😂😂

( بس حسوونه الكلام حرقه بالرغم من انهاا م عاارفه برالمه زاته معناها شنو ولا فااهمه ديل بتكلمو عنهم لي بس عربشن و م عربشن دي ضاايقته وامونه طبعا كالعاده سااكته )

هي انتوو معاانه ..... لالا مع المضفرره شعرره دي ..... وشعره تحت الطرحه عرفتوو مضفرر كيف (ف بت قااعده ف نصهم ردت ليهاا)

انا الوريتهم وبعدين ظااهرات شعرتين لكن دي جاامعه م روضه هههههههه ياخ نااقصاها بلابل بس وتبقي حلااااته هههههه ....... دي زاته م جامعه دي فارغه لأنو انت مغزوزه ف نص رجال ي الماك بت رجال ....(بس حبيب البت قاام علي حيلو وجا علي محااسن وامونه بتجر فيهاا من يدهاا ومحاسن اصلها م خايفه وااقفه ومستعده ليه )

انت ي حلوه بتتكلمي مع حبيبتي لو م عارفه اعرفي ..... وانت تطلع منو لما توريني اعرف ولا م اعرف .....انت وحده اسلوبك سوقي وانا م شبهك يلا امشي العبي بعيد ولزاها من كتفه ....(امونه اتحرقت من انو يلز صحبته وقامت ليك فيه ) ..... هي ي ولد م تخجل بتلز بت ي باطل ...... عاين دي كمان .... ماله دي الحمدلله بنات رجال و م بنقعد ف نص الرجال ولا انتو م رجال زاتو ولو هي حبيبتك ودايره زحهاا من نص اصحابك ديل وحافظ عليهاا ولو انو انا متأكده انت بتلعب بيها ساي اصلا كلكم فاارغين يلا بس ارجل بعدين وعرسه (ومسكت حسوونه من يدهاا وفاتوو)

هههه لكن لقيتك فالحه ي امونه ..... انا م برضي فيك ي حسونه والبلمسك اناا باكلووو ب اسناني ..... حبيبتي والله ربنا يخلينا ل بعض ..... امين وارح دي قاعتي تعالي نقعد فيها لحدي المحااضره تبدا ....... مش مفروض

يكون ف جدول عشاان نعرف محااضراتنا متين...... بكوون في نسال بعدين بس .......كدي تعالي نسأل البنيه القااعده دي .......السلام عليكم .... عليكم السلااام ...... لو سمحتي عايزين نشيل الجدول بتاع الحااضرات نلقااه وين ...... معلق تحت ..... طيب تسلمي .... انتو جديدات اتفضلو اقعدو (وزحت ليهم جمبها ) ..... تسلمي اي جديدات انا اسمي امنه ودي اسمهاا محاسن ...... وانا اسمي سلمي اتشرفنااا بس من وين انتووو ...... ههههه ظاهر علينا م من هنا مش نحن من الشماليه ...... اي ظاهر وانا من شندي برضو م من هنا .....(عشان كدا لافه طرحتك (دي طبعا حسونه بتعلق جواها).....

ارحكم انزلو اوريكم الجدول ......انت نزلتي متين ......نزلت اول امبارح الجامعه فتحت ليها يومين ودا التالت ....... ايواا كويس ...... الولد دا مالو بحمر لينا ..... عشاان اتشاكلنا معاه اسي ...... ههههه لي ي محااسن ..... الغريبه الولد بعاين ل امنه بس ...... خليه يعاين لي ويخلي الباقي م شغاله بيه ..... لسانكم صعب ي اخواتي حاولو اتأقلمو مع الوضع واتعودو ع كلامهم وسرحو كعكه بدل الضفاير دي هههه ..... نحن دايرين ضفاايرنا دي بس ..... اووو معليش ي محاسن م قصدي شي والله ..... لالا م قلتي حاجه غلط ي سلمي انت ...... تسلمي ي اموونه

(شالو الجدول وطلعوو المحااضرره والدوام خلص والولد طلع سنير تمريض عالي واسمو امجد ومكسررر الجاامعه كلها ومرتبط ب وحده اسمها مايسه دفعتو بس مالو مع امنه ولي بعاين ليها كدا )

يتبع...

#بت_البادية
بقلم: نسيبه مدني

الجزء 09

(حضرو محاضراتهم خلاص والدوام انتهي مشو السووق وساقو معاهم سلمي واشترو عبايات جديده ورجعو الداخليه و ل حسن الحظ سلمي معاهم ف نفس الداخليه ف الطابق الارضي )

سارحه وين ي حسونتي ..... والله ي امونه مخلوعه ف البحصل حولينا دا نحن ولا شي ف المجتمع دا ي بت والله .......نحن كل شئ والله عارفه ليه ... ليه 😒 ....... عشان مخالفنهم وخالف تزكر ..... اسكتي اسكتي انا جبت اسكيرت عايزه اجربو ....... اسكيرت 😰😳 ..... اي اسكيرت اشتريتو لما انت وسلمي بتعزلو ف العباايات ..... وعايزه تلبسيه ...... اي عايزه اجربوو ..... ههههههه م بصدق

( مع كلامهم كدا بنات الغرفه جوو داخلين وبعاينو من فوق ل تحت )

السلام عليكم ... اهلا

(حسونه اتغااظت من امونه التسلم وبتمااسخو معاها دي )

انت بتسلمي لشنوو .... الله م اسلم كمان .... امونه اقدري علي خشمك ...... حسونه م تخليك حقاره ياخ انا قايمه اتعرف عليهم ف النهااايه نحن ف نفس الغرفه ...... تقومي بديك كف .....كدي فكي يدي بجيك ...

(وقامت مشت ليهم )

انتو لي بتعملو معانه كدا .....بنعمل شنو ي حلوه انت (وحده منهم سكتته وقالت تتفاهم مع امنه حست بيهاا طيبه ) .... والله نحن بس اتنااقشنا مع صحبتك لانو لسانه طويل ....(نطت حسوونه ) واطول مما تتخيلي ..... كدي ي حسونه اسكتي خليني اتكلم .....سكت ي امونه بس لما ينتفو ريشك م بدخل ...... طيب طيب اها طيب نسبة ل اننا ف غرفه وحده ف مافي داعي نتشااكل كدا ولا رايكم شنو انتو .... ايوا احسن اكيد انا اسمي موده ودي هبه ودي ليلي اتشررفناا .....وانا اسمي امنه وصحبتي محااسن .....نحن ممكن نصاااحب مستواكم دا يعني ??(دي ليلي اكتر وحده متكبره وشاايفه نفسهاا ف شلته ) .... والله لك حرية الاختياار ي ليلي المهم انا حبيت انهي الخلاف وتسلمو كتيرر (سكتت منها وطلعو من الغرفه ماشين ياكلو قالو )

(امونه جات قعدت جمب محااسن )

حسوونتي السكره .... انت طيبه والله ي امونه ..... ههههه نبقي كعبين لي ي اختي هي الدنيا دي فيها شنو عشان نتكبر ونتشاكل ..... والله انت عسل وانا بريدك يلا كدي قوومي اجرب ليك الاسكيرت .....ي بت حسونه انت جاده اشتريتي الشي دا ..... اي والله وح البس معاه البلوزه دي جابه لي عمي مختار ف تانيه وم عرفت البسه مع شنو .....كدي البسيه .... اهاا ي اختي حلوه كدا ..... ههههههه كيف كيف م عارفه

(جات داخله هبه )

ههههههههه يلا الوانهم خالص م جاايه مع بعض تعالي انا عندي تشيرت بقي اصغر مني لكن بجي قدرك جربيه ..... اجربو انا 😳 .... اي اي جربي نحن هنا اخوات يعني بنلبس سوا ونتمكيج سوا ونطلع سوا وكدا ..... لا بس نحن اصلا م عندنا حاجه تلبسووها معاانه ..... ي بت كدي جربيهااا ....طيب .....يلا بجد مووبالغه .... (امونه طبعا منططه عيونه وتتفرج )

حلوو صاح .... اي م فيه كلام وطرحه رماادي بالوردي تبقي حلوه ف بوتيك تحت لو عندك قروش بنزل معاك اعزل ليك طرحه ..... طيب اي معااي وررح يلا قومي ي امونه البسي توبك دا ...... انا م قاادره اصدق انك عاايزه تلبسي البتاع دي ي حسووونه .... ياخ هو اسكيرت عادي انت مزوداها ي امونه والله .....سمح كان مزودااهاا ارح ....لا انت مالك ي امنه .... والله ي هبه نحن م متعودين ع اللبس دا ..... معليش يلا بتتعلمو ع كل شي وبس عليكم الله اول خطوه فرتكو شعراتكم ديل نحن عايشين وين نحن 😂😂 ..... لالا انا شعراتي ديل بحبهم .... كويس راحتك ي امنه

(اشتروو الحاجات وتاني يوم الصبااح جهزو وحسونه خشت ف لبسته الجديده وبقت حااست نفسها الكونتيسه محاسن وامونه طبعا عبايته وطرحته وطلعت )

محاسن ي اختي م تخلي الدنيا دي تغيرك عليك الله .... انا م اتغيرت ي امونه انا واكبت الموضه بس ويلا ارح ع القااعه المحاضره بدت ..... طيب الله معاك

(خلصو المحااضره وطلعو ومعاهم سلمي وقااعدين ف الكفترياا بفطرو بس فجأه امونه تتلفت تلقي امجد بعاين ليها وهي طبعا م عارفه اسمو ولا عارفه عنو حاجه )

امونه الولد دا بعاين كدا ليه شكلو زعلان مننا شديد (جات هبه هجمتم ) واااه بتقطعوو ف منوووو يلا يلا سرريع وروني .....هههههه بنعلق ع الولد دا م عايزز يزح عينو من امنه .... وب علي اناا امجد ..... اسمو امجد ??(دي محاسن شمارات )....اي ي بت امجد دا مجنن الجاامعه دي كلهاا وكل م تجي برلومه تعجبو ولا بت جديده يبحلق ليها كدا ويجيبه ..... انت جاده (امونه خافت ) ... يجيبه كيف انا م ناقصه مشاكل .... لالا م بتاع مشااكل دا بتااع حب بس .... ههههههه الجني حباك ي امونه ي اختي .... حسونه قفلي خشمك داا .... تاني م تقولي لي حسوونه من يوم الليله قررت اسمي نفسي ريناد ...... نعم نعم ..... اي ي زوله مالك .... ههههه حسونه حسونه حسونه .... والله ريناد حلو ... مش ي هبوووش حلو عارفاه .... كدي قومو ارح نطلع من الجامعه دي واوريكم الاماكن البنقعد فيهاا برره .... طيب ارح

( قايمين كدا صاحب امجد عتر ل امونه ووكانت ح تقع بس امجد مسكه

والطرحه وقعت وظهرو الشعرتين السود والطواااال ديل وامجد فتح خشمو من الحلا بس الكفترياا كلهاا ضحكت ف الشعرتين ديل والتريقه دورت بس امجد رفع ليها طرحته ف راسه و ضرب الصفره ب يدوو وسكت الناس كلهااا)

....مالكم ف شنوو اول مره تشوفو زول اتعتر يلا كل زول ف شغلوو ..... انا اسفه ....لا انا الاسف مسكتك من طرحتك ووقعت قدام الاولاد ....لالا م مشكله 😢 ...... لي لي عيونك بتدمع انا بجد اسف .... م تعتزر م كنت عايزه راجل يشوووف شعري بس حصل خيررر (طبعا امجد استغررب وبقي يقووول ف نفسووو احترام قدر دا لكن )

يتبع....

#بت_البادية
بقلم: نسيبه مدني

الجزء 10

انا بجد اسفه والله ..... م تعتزري انا الاسف امسحي دموعك بس ..... طيب شكرا ليك ممكن امشي ....العفو اتفضل......

سنه ي امجد يمسكك يلا اجري صلي ركعتين..... اصلي ركعتين لي الله عشاان يغفر لي شعري الظهر دا ولا عشاان الولد الاهبل دا مسكني......ههههه والله انت ي اموونه .....والله ي هبه شكلك بتحبيه ......احبو شنو لا والله بس مكسرني .....اناا قااايتوو لو مسكني كنت صليت 😂😂 ..... بتصلي انت ي حسووونه ي اختي 😂😂😂💔.... امونه قلنا ريناد ريناد حسونه شنو كمان..... والله ريناد ولا سمحح ولاشي يعمل رجعه ف اللساان ..... لي بالعكس انا من يووم الليله ح اناادديك رنوووده بس ...... هههههه اي كداا ي هبوووش وريهااا عليك الله ...... م اوريهاا الا انا يلا تعالوو كدي نقعد مع دودي وللوش .....لالا عليك الله انا ليلي دي بكرها خليناا نرجع الداخليه ...... لي ي رنوده كدا خلاص خلاص طيب نتلاقه بعدين ..... هههههه اي اي رنوده ماشه كويس ....هههه يلا ي قلب باي ..... الله معاك

(هبه دخلت ل صحبااته وامونه وحسونه مااشين علي الداخليه وف البوابه الغفيرر ناداهم )

.. نعم ي عموو .. انت امنه الطييب ?? .... ايوه نعم انا امنه .....طييب ابوكي عايزك ومن قبيل قااعد جمب التلفون كدي اشوفو ليك لسه قااعد .....طييب ... اي اي قاعد هاك ليه .....الو ياابا ..... امونه حبيبتي ازيك ..... انا تمام ي ابوي انت كيف وامي واخواني وناس امي الرضيه ومحمد ......هههه براحه براحه كلهم بخير والله هديل كلهم جمبي انت ومحاسن كيف ..... كويسين يابا هدي برضو جمبي .... كدي م تبكي ي بت خلي الدلع ...... هههه والله ي ابوي اشتقت ليكم اديني امي ...... هاك ليهاا .... يمه الحنينه الشوووق غلب والله .... هي ي امونه ي حبيبتي والله اشتقت ليك شدددديد كيفك وكيف حسوونه وامورك كيف مع الخرطوم دي ان شااء الله ماف زول سألكم ..... لالا ي امي ماف شي انت كيف صحتك ..... انا تمام والله نحمد الله هاك ابوك دا م بعرفو مالو يقابض ف التلفون ...... امونه ي بت ..... ايا ي ابوي.... انا رسلتلك تلفون وكلمت الولد صاحب محمد داك يوصلو ليك عشان تاني تضربي لينا عند عمك محمداحمد دا كل يوم ..... سمح يابا اليجيبو وانا بضرب ليكم ... سمح ادينا حسونه دي

(سلمو علي محاسن والبكا مدور واتزكرو الحله وعلقو بكي شدديد بس المكالمه خلصت قشقشن دميعااتن وراحن علي الداخليه )

حسونه ابوي قالي رسل تلفون مع الجني دا لينا .... ليك ليك ي امونه التلفون دا حاجه خاصه ي بت انا ابوي رسل لي قروش بكره نمشي نشتري واحد لي ..... انا نان بعرفلو هوو م ساكت الا اضرب ل اهلي واختو ف الدولاب .... ههههههه تختي ف الدولاب شنو والله انت ان شااء الله بس يكون ظابط انا انزل ليك فيه الواتس والفيس واعمل ليك صفحه تخشي الشوراس مديا .... ههههههههههههههههه لالا غلبني ارد اسمهاا السوشال ميديا م ممكن تضحكوني كدا والله ...... طيب طيب ي موده السوشال ميديا وشكرا لانك علمتينا 😒✋🏻

(بتكلمو كدا جات مشرفة الداخليه وبتسأل من امونه قالت ف زول منتظره تحت امونه نزلت جري هي وحسونه وجابو التلفون وطلع htc m7 وحسوونه شالتو وتقلب وتعااين فيه وعجبه كسر ضلعه وقالت بس تمشي تشتري زيو وامونه م ناقشه فيه اي شي بس الولد اشتري ليها شريحه ودخله ليهاا وجابتو وجات ل هبه تعلمه )

وااااو ي منونتي والله الفون حلو الف مبروووك ...... الله يبارك فيك ... ومالك م مبسووطه بيه كدا ..... لالا مبسووطه

(علمته ونزلت ليهاا الواتس وامونه اتكيفت وعملت صفحه وبقت تقلب ف الفيس وتشووف ف الحاصل وتاني يوم الصباح فاتو السووق قبل المحاضره واشترو ل حسونه نفس الجهاز واشترو ليها شريحه ورجعو الجامعه وحسوونه طبعا عرفت ليه وبقت طبيعي مفسبكه وصاحبت كميه من الناس بتعرفهم علي م بتعرفهم )

امونه مالك حاسه بيك م مبسوطه كدا .... والله ي حسووونه بفكر ف ابوي جاب القرووش دي من وين وخايفه يكون باعلو بهيمه ول شي وكفاايه الباعه ل سفري والله باقيه لي كيف كيف اسي القال ليه انا دايرالي تلفون منو ..... والله انت زاتك تحيري اسي القال منو انو باع بهيمه يبقي من قروش البرسيم من قروش التمر السووق مشي ولقاهن ورسلن ليك ..... م عارفه م مرتاحه ان شاااء الله بعد دا اقدر اعوضو تعبو دا ..... بتعوضي والله بإذن الله ...... حسونه ارح الداخليه المحاضرات وانتهت ....... اقيفي اقيفي شوفي زولك بعاين ليك كيف ...... زولي شنو انت كمان يعااين ويخلي الباقي ..... وي وي جاي علينا احي ي قلبي .... محاسن احترمي نفسك ...... السلام عليكم ..... عليكم السلام .....امنه ازيك ....اهلا.......استغربت عرفت اسمك من وين صح ههههه من هبه وبرضو ريناد المره الفاتت نادتك ب اسمك .....هبه لي تقوليك وريناد منوو النادتني 😒.... (حسووونه قرصته لما نطت والقرصه زكرته الكلبه كانت ح تفضح البت😂✋🏻)...

معليش انا اصريت عليها الا توريني المهم ي ستي انا اسمي امجد ...... اتشرفنا (

وعايزه تقوم تمشي وقفه )....

مالك انت مستعجله عايز رقم تلفونك بس لو امكن .... طبعا م ممكن بعرفك من وين انا عشان اديك رقمي .....كيف كيف م ممكن سجل عندك 09........... ههههه تشكرري ي رنووده م عدمناك وي وي ادوني رقمه وي وي( بهظر ويتاعور مع امونه وامونه حرقته حركت محاسن وقبلت عليهاا وعاينت ليها شديد وقامت منهم ومشت)

الليله فااتت خلتني يلا باي ...... باي ي رنوو تسلمي ..... الله يسلمك مجووود

(حسووونه قومت ليها رويشات مجود وبتاع )

.... مالك اتنفشتي كدا .....اسكتي مني عليك الله ..... امونه والله الولد طيب وساعدك م حسيت انو فيها حاجه مافي داعي للاحراج...... انت عارفه اني م بتكلم معاه وتاني حاجه انا ابوي رسل لي الشي دا عشااان اتواصل بيه معاهم م عشان اديه للاولاد ..... طيب طيب حقك علي .... زوله غريبه خلاص ...... م قلنا معليش ياخ اسي بشيلك بجري بيك ..... هههه تقدري ..... جربي كدي ..... ههههه حسونه ي هبله الناس خلي العواره ...... هههه كلبه م قلتي لي اجرب..... يلا عايني الولد بضرب ي محاسن ياخ اصلو م عندي رقم غريب اكيد دا هو ...... كدي ردي .... لالا ارح ارح الداخليه ...... طبعا م وريتك اشتريت مكيااجات وارواج😍 عايزه اجربهم بكره وطالعه مشوار هاام جدا 😍...... 😳 حسوووووونه ي بت اقعدي ف الارض دي .....هههههه ابييييت عايزه ابقي ناعمه ......اها والمشوار وين ...... عيد ميلاد هبوووش .... عيد ميلاد دا الشفناه ف مسلسل دموع الورد بتاع الكيكه والغني داك...... اي اي ويجو شباب حلوين 😻...... شباب شباب انت جنيتي بس

( البنات بجهزو وبقشروو ل العيد ميلاد وحسونه طلعت لبسته العاجباها دي وقعدت ل بت من الغرفه الجمبهم مكيجتهاا ورفعت شعره ب مشبك وبقت حسوونه غير حسونه الجات من الحله ديك نهاااائي اما امونه ب نقنقه م عايزه تمشي قالت احسن تقعد تقررا بس محاسن اصرت فقاامت لبست عبايته وسرحت ضفيريتين وقااعده حارساهم يجهزو وبتعااين ف محاسن وهي ماشه وجايه فيها ومخلوعه و م عارفه تعمل ليها

شنو )....

شت شت شت انت لسه ي منوونه م لبستي ..... انا جاهزه ي عيون منونه ..... عايزه تمشي عيد ميلادي ب عبايه ي امونه ..... وماله العباايه لا لا بتباالغي يلا شووفي رنوده ظبطت كيف معقوله ......لالا انا احسن لي كدا ورنوده زاته انا بديها كف لو استمرت .....ههههه ي بت هاك هاك البسي الفستان دا بجي فيك مووبالغه وقماشتو الفنايل الاصلي بجي معاك فظظيييع فظيع وانت منسقه م تتبهدلي ...

(كيدهن عظيم)

يتبع...

#بت_البادية
بقلم: نسيبه مدني

الجزء 11

امونه عليك الله م تحرجيني قدام اصحابي واخواتي وانا حبيتك وعايزه اعرفك عليهم بليييييز ...... انا م بقدر البسو والله 😞...... طيب ي ستي انا اسفه ....انا الاسفه والله

( امونه مرقت عباايته ورقدت حست انها احرجت البت شديد وماف داعي بس م عارفه تعمل شنو)

ي بت امونه ... اها ي حسونه .... شنو ي بت بتحرجي ف هبه كدا زعلت منك علي فكرره ماافي اي داعي للحركات دي الحفله بليل والفستان طويل زي العبايه الفرق انو العبايه سوداا ودا اوف وايت بس ..... ي بت م بقدر ياخ ح يبقيني كيف كيف ..... الشاايفك منو بليل دا كيف كيف ولا غيرووو ...... طيب ناديهاا بلبسو ......

( هبه جات وباسته كدا وقالت ليها انت عسل وادته الفستان وامونه لبستو وبالجد طلع فيها حلو شديد وهي بقت تعاين ل نفسها ف المرايه وتقول لا ضيق بالغتو معاي وتجوط بس هظرو معاها وحموها تطلعو )

يلا طبعا الفستان مع الشعرتين وهمي شديد ..... والله ي قول موده وهمي امسكي البت دي ي رنوده خليني افرتكهم ليها ....لالا عليكم الله دي تسريحة امي البتحبها م تخربوها لي .... ي بت لما تجي راجعه تعالي سرحيهاا تاني ....

(فرتكو ليهااا الشعرتين وسرحوها ضنب حصان ونزلت من عيونه دمعه اتزكرت امهاا واتزكرت كلام محمد لما كان بقول ليها ي امونه م تتغيري اتزكرت نسمات الهوا الكانت بتلعب ب شعره وهي بتحلب ودموعه ابت تقيف بس م خلت البنات يشوفوها )

يلا بس بدره عشان وشك ينعم ...... زحو الروج دا عليكم الله م ببقي خشمي ملون والله ..... طيب طيب ي امونه يلا ورح منير خالي تحت جا يسووقنا

( طلعو وامونه لافه طرحته وحاسه بحاجه غريبه فيها م ياها والبنات كلهم متظبطات وفاكات شعرهم بس محاسن وامنه اللابسين طرح ركبو ف العربيه ونزلو ف بيت نااس هبه او بالاحري قصر كبيررر وقداموو حديقه كبيييييره والحديقه هي العاملين فيهاا العيد ميلاااد بس كان بعيد شديد من الداخليه كلوو انوار صاارخه وملونه وبالوناات وموسيقي عاااليه واولاد وبنات وجوطه وامونه وحسونه مااسكين ف بعض

وبتفرجو بس )

امنه شوفي دا زي قصر الهنود 😻 ...... هو بلاي ف حاجات زي دي ف الواقع .... حاسه اني طلعت بره السودان ..... اسي ي ربي ناس حلتنا ديل عايشين والناس الهنا ديل عايشين .....ههههه والله ي امونه ولا عايشين ولا عايشين حلب ورعيه وجوطه

......هي انتو مطرفين مالكم .... مافي حاجه ي هبه بس م بنعرف زول ...... طيب تعالو عندي ليكم زول بتعرفوو ....( ساقتهم وم توقفهم الا قدام امجد وال2 نططو عيونهم 😳)

امجد .... رنوده .... اهلين ازيك .... م كويس م كويس الله الله دي امنه دي م بصدق معقوله ي بت ياخ انت ملاك ولا بشر عليك الله ..... عاين م تتكلم معاي بالاسلوب دا ريناد ارح ...... دقيقه دقيقه عليك الله اقيفي ي بت والله العظيم من اول يوم شفتك فيه انا م كويس ي بت اهدي روقي مالك اسي انت ...... م عايزه اهدي بلا م كويس بلا زفت لو شايف نفسك جنيت الحق نفسك سررعه ع المصحه لانو دي م مشكلتي انا ي استاذ ...... انت مصعبه الحكاايه اكتر من اللازم والله .... عاين انا م مجبوره اقيف مع انسان م بعرفو

( اتلفتت جمبها لقت ولا هبه ولا محاسن م جمبها زاغو عشان ديل ياخدو راحتهم )

ديل وين ديل .... ديل ماف ف انا بس .... عاين اختاني عليك الله ي ود الناس ... امنه كدي اقيفي عليك الله م ممكن ماشي وراك زي الاهبل كدا ..... طيب نعم وقفت ...... طيب اسمعيني انا والله م كعب ولا عايز منك شئ انا اعجبت بيك وب شخصتك من ردك لي ف قعدة ماايسه وسط اصحابي ونظرتي ليك اتغيرت شديد وكبرتي ف نظري وعاايزك ل قدام بس انت قافله فيني كل الطرق .... طيب اقفله ليك زياده ل قدام دي نحن م عندنا بجي راجل بدق الباب ابوي ي اداه وعرسني ي ابوي رفض والراجل مشي ف دربو وراجل راجل اسمعه لماا اضانك توجعك .... انا م راجل يعني ..... والله انا م قلت كدا بس الرجال الشفتهن ف حلتنا عموني من رجولتكم انتو ..... لالا تمام انا اسف ( وفات خلاهاا وبقت براها ف نص نااس برقصوو ونااس يضحكو وديل يتونسو بس ضربت ل حسونه ولاقته ومن الزعل م قادره تتكلم معاها بس بقت ساكته ومتنشنه بعد شوويه اللمبات طفت ووجابو التوورطه كبيرررره طوابق وشكلهاا حلوو شديد وحسونه تعاين ومخلووعه والوضع عاجبه وامونه قاعده ف كرسي بالطرف كدا بتشرب ف ببسي وتعاين بس والصفاافير شغاله والناس بتكورك وبتغني سنه حلووووه ي هبوووش ومبسووووطه )

مالك ي قلب قاعده براك كدا ...... ماف حاجه ي موده بس راسي وجعني من الجوطه ..... خلاص هي زاته طفت الشمعه بعد دا نرجع الداخليه ..... اي عليك الله ونادي حسونه دي بتعمل ف شنو ..... رنوده ?.... اي رنوده اها وينه ..... شفتهاا واقفه مع وااائل قبل شوويه ...... وائل منووو?😳.... وائل ود عم هبووش ..... ايوااا وواقغه معاه لي ..... م عارفه اسأليهاا تضااحك ساااي ..... هدي هي زاته جات ..... اموونتي اشتقت ليك والله اتفاارقناا ساعات عديل ..... تعالي دايراك (وجرته م

ن يدهاا ومشو بالجمبه كدا ) ....

محاسن ي بت وائل منو وواقفه معاه لي .... هههههه اسي جايه احكي ليك منو اللحق ليك الشمار ..... بلا شمار بلا بتاع منو دا ..... دا ودعم هبه .....اي عرفت بتتكلمي معاه لي ..... ي بت انت كان شفتي تفمرري ياخ عسل عسل عسل والله .... محاسن اختصري ..... ياخ قال عجبتو بس واتكلم معاي عادي يعني ..... عاادي ايوا انت شايفه عادي ..... فيهاا شنو طيب ..... م فيها شئ ي محااسن ارح ارح بنادونا الناس ديل طالعين ..... منونه ورنوو تعالوو وحده تركب معانه وحده مع مجود عشاان العربيه م بتشيلنا كلنا ..... طيب طيب انا بركب معاكم

( جرت محاسن قعدت مع البنات خلت امونه تتلفت زي الهبله بس امجد فتح ليها الباب )

اركبي .... اركب شنو م بركب معاك .... هههه ي بت اوصلك بس العربيه اتملت

..... اتملت عندي انا بس ( نقنقت وركبت )

.... عايني بس اتحصني عليك الله .... كويس

( بقت تمشي فيه كسر ليها تلج كتير وهي مشتو ووصلو الداخليه فتحت الباب ونزلت ودخلت سرعه بدون م تتكلم مع زول غيرت الفستان داك ولفت شعره كعكه ورقدت وقبلت علي الحيطه وبقت تبكي وتقول جواها يعني انا اسي كدا اتغيرت?)

يتبع....

#بت_البادية
بقلم: نسيبه مدني

الجزء 12

(امنه بكت طول الليل ومحاسن من التعب م حست بيها طلعت سريره ونامت وامونه صحت الصباح عيوونه الكبار ديل وارمات ووشها محمر و م صحت ولا زول لبست عباايته ووقفت قدام المرايه م قدرت تشق شعره براها وقعدت تبكي تاني وتقول جواها ي امي خربت الشقه الشقيتيهاا لي وغلبني اصلحه 😢 سرحت كعكه ولفت طرحته وشالت تلفونه من الشاحن ومشت علي الجامعه بدررري والبنات لسه نايمات وصلت الجامعه ولقت ناس بالعدد قعدت براها بالطرف كدا وركبت سماعاته وبقت تسمع اغاني وتدندن معاها )

( بيقاادي البنات صحن وحسونه عاينت ل امنه لقته ماف ضربت ليها لقته ف الجاامعه وقامت جهزت وطلعو كلهم سوا م عدا ليلي قالت م ماشه تعبانه من الحفله )

... رنوده امنه ماله فااتت خلتنا .... م عارفاها والله امكن عندها محاضره بدري .... سلمي م معااها وياداب طلعت ... بري والله كدي نضرب ليها نشوفه وين .... الو امونه .... اي ي محاسن .... وينك انت .... انا بجااي جمب المكتبه.... طيب جاين عليك

( امونه قشت دموعه ورسمت علي وشها ابتسامه وسلمت عليهم عادي وقعدو يتونسو )

(تلفون حسونه ضرب شالتو وقامت وبقت قااعده بعيد تتكلم براحه وتضحك وشكلو وائل وامونه بتعاين ليها من بعيد ومتأسفه علي تصرفاته )

ارحكم فوق القاعات الزمن كبس .... سمح ي هبه كوركي لي رنوو دي .... ي بت رنوووده .... اي جايه جااايه

( كل ناااس دخلو محاضرتهم وخلصو وقاعدين ف الكفتريا بتونسووو )

يلا فقدنا للوش والله ..... ياخ ليلي كسلانه والله قبيل صحيته سبت لي سب 😂😂.... لالا ي موده غلطانه ف زول واعي يصحي ليلي .... مش عليك الله 😂✋🏻 اخر مره ياخ 😅.....

شوفو ي اخواني ساندي بل فكت الشعرتين ههههههه..... لكن الكعكه ظاابطه ياخ ..... بقت بت اخيرا .... لالا ياخ كانت شنو .... كانت شااافعه ولا م كدا ي ماايسه .... ههههه لالا كدا ي عصوومي كفك 👋🏻 ...ههههههه👋🏻 (ديل طبعا اصحاب امجد بترريقو ف امونه بس مع التريقه الحاصله دي امجد جا وضرب معتصم البتريق دا بنيه ورمااهوو والكفتربا كلها اتلمت وبقت تحجز وامونه خافت يعوقو الولد ب سببه جرت عليه وبتزح فيه من معتصم لحدي م المشكله هدت وزحو من بعض )

امجد انت كويس .... اي ي امنه كويس .... بس خشمك بكب دم ..... لالا مافي حاجه عندك منديل ..... اي عندي ( طلعت ليه واحد من الشنطه ادتو ليه ) ....شكرا ... العفو بس والله م كان ف داعي تتشااكل معاهم انا اصلا م شغاله بيهم .... م قدرت اشوفهم بتكلمو معاك كدا والله ..... انا اسفه والله دي المره التانيه انت تحميني ...... ولا يهمك عادي ..... ع العموم شكرا والله ..... م تشكريني انا راجل ومن الطبيعي ادافع عن اي بت حتي لو م انت ....( اتزكرت لما قالت ليه ب فوق كدا انت م راجل واولاد حلتنا ارجل منك وهو كان قاصد يزكره بقت تعابن ليه وتبتسم )

.... اي والله انت راجل وانا بعتزر 😉 .... لالا ولا يهمك المهم انك اقتنعتي .... طيب انا ح امشي لاني تعبانه والله من حفلة امس ماشه اخد لي نومه واصحي ازاكر .... طيب اخدي راحتك وم ترهقي عيونك ديل شوفيهم عااملات كيف .... طيب ان شاء الله

( ودعتو ومشت ف البوابه لقت ديك منتظرنهاا ناس حسونه وجماعته وبشاغلو فيها من قبل تصل)

اشششي ع البسمه..... لالا شكلك حنكت ي امجد ... م يحنك ي بت دا مجووود ب حاالو .... هههه والله حظك ي زولتي ..... هي هي شنو حظك و م حظك مافي شئ بس شكرتو علي العملوو م اكترر .... ههههه كلهم اوهميهم كدا لكن كدي عينك ف عيني كدا ي بت انا حسووونه بديك كدا اسي ..... هههه والله ي حسونه مافي شي ..... كويس ي زوله براااك بتجي وبتحكي لي

(وصلت الداخليه امونه استحمت ونامت صحت المغرب كدا صلت وضربت ل ناس البيت عند محمداحمد واتكلمت معاهم ومع اخوانه الصغاار وفتحت شيتاته وبقت تزاكر وديك كل وحده ف همها البتسرح والبتقيس ف لبسه والقااعده تتكلم ف التلفوون والخااشه الفيس اماا حسوونه قااعده ف البلكونه بتاعة الغرفه ورافعه رجوله ف الحديده والسماعات ف اضنينه وعامله كريم ف وشهاا لافه شعرره وتتكلم و ضحك للضرس الاخير )

(فجأه تجي رسايل كتيره ورا بعض ل امونه ف الواتس تعاين للرقم تلقااهو امجد والرسايل كلهاا بتتكلم عن انها احلا بت ف الكون وجماله م معقول وليه الشرف انو يدافع عنها وطول م هو ف الجامعه م حتصيبه حاجه وكدا وامونه قرت الكلام وابتسمت وحست نفسهاا بجد حلوه نزلت من سريره ومشت وقفت قدام المرايه وفكت شعره نزل لحدي رجوووله وبقت تسلك فيه بالمشط وتغني ...انا مش بتاعت الكلام دا انا كنت طول عمري جامده والمره دي ايه جرالي انا لي مسلماالك ....)

الله الله الليله امونه واقفه قدام المرايه .....ههههه والله انت ي هبوووش ..... ي بت بلا هبوش معااك والله انت فيك جمال خيالي عديل بس م شغاله بيه ..... بجد انا جميله للدرجه دي .... هههه وانا بحنك معاك يعني والله حلوه بس م تتعولقي ياخ اشتري اسكرتيات وبلاوز راقيه كدا وارفعي شعرك اعملي ميك اب خفيف كدا شوف

ي عيونك ديل لو عملتي ليهم كحل م ببقو عيون غزال عديل ....... ههههه م للدرجه دي بس بجد انا عندي قروش باقيه معاي حقو اشتري بيها ملابس .... اي طوالي والله بكره بعد نخلص محاضرات نكر رنوده ونبقي ماارقين ..... عزلي لي انت لو زوقك حلووو ..... ههههه دا كلامك زوقي احلي مما تتخيلي بس انت نزلت عليك حمي ولا شنوو م كنتي رافضه شديد ..... خلاص م تخليني اغير راي ..... هههه لالا خلاص خلاص واصلي غني انا ماشه اكل جعااانه لو عايزه ارح معاي ...... لالا اطلعي انت انا عايزه اسرح .... طيب

( طلعت وخلته ف وهمه النزل عليهاا فجأة دا ومشت لبست عبايته ونزلت ل هبوش جدعت ليها عبايه )

... ارح ارح البسي عباايتك دي وارح معااي مااشه السوووق اجيب لبسات بكره م ماشه الجامعه ب عبايه .... ههههههه طيب طيب بس ارح اطلعي معاي اجيب تلفوووني من الشااحن

( مشو هي وهبه وحسونه السووق واشترت لبسااات حلوووه وطرح هاديه وجايه مع لونهاا وطبعا لونه بقي نضيف ونااعم احسن من زمن كانت بتحلب ف الغنم داك😂 المهم رجعوو بليل كدا وجابو معااهم عشااا اتعشووو وامونه رقدت ف سريره كدا لقت رساله من امجد(مساء العسل) وكانت م مسجله رقمو سجلتو ب MjøøD وردت ليه ع الرساله )

مسااء النووور ..... اخيرا رديتي علي😻❤ ازيك ي بت ..... هلا ي امجد كيفك ..... بخيرر والله كيف انت ..... تمام الحمدلله عايزه اقول ليك بجد شكرا وانا اسفه شديد ع اسلوبي معاك ..... منونه عليك الله خلاص الموضوع دا انتهي بس بتمني نتواصل دايما والله انت ملاك ماشي ع الارض وانا م عايز ابعد عنك صديق قريب اي دنياا بس .... ان شااء الله ح نكون متواصلين دايما ☺..... تسلمي لي ي منووشتي انت من ككل شرر ... الله يسلمك ..... بكره تعالي الجامعه بدري والله انا مشتاق ليك .... حاضر بجي بإذن الله ..... واتحصني عشاان م يسحروك لي ...... هههههه البسحرني منوو ..... عيوون الناس ياخ ..... خلاص خلاص بطل حركات ..... م حركات والله انا جنبت بيك قايتووو .... امجد😡 ..... ي عيون امجد خلاص خلاص سكت ....طيب تصبح ع خير عايزه انوم ...... وانت من اهلي ي رب 😻😻❤ ..... يلا سلام ...... الله يسلمك

(قفلت الواتس ونامت والصبااح من السهر غلبه تقوم الا موده بالدق صحته قامت استحمت وجات لبست اسكيرت اسود وقميص اسود وجزمه ورديه عااليه وحلوه وطرحه جاايطه بالوردي تحت شعار الاسود يليق بك😻 مع الميك اب الخفيف وسرحت شعره ورفعتو وطلعت خصل صغيرره قدام )

اجججججي دي اامونه بت حاج الطيب .... هههه عليك الله كيف ي حسوونه .... لالا خطيرره ي صحبتي 😻 ..... مش عليك الله 😌.... قايتو انا هبه بكامل قواي العقليه اعلن انبرراشي ف منونه ✋🏻 .... هي هي زحو لي اتحصن 😂✋🏻....... اتحصني اي والله ي امنه لكن انت عارفه محمد اخوي كان شافك كدا بقع بب من طوولووو 😂😻...... هههههه ي بت محمد شنو اسي ف الزحمه دي ارح ارح اطلعو الزمن

(وصلو الجامعه مع البوابه امجد شاف امنه وبقي واقف وبعاااين بس وغالبوووو يتحرك يجي عليهم وبقي يقول ف نفسو ي ارض احفظي م عليك )
يتبع...

#بت_البادية
بقلم: نسيبه مدني

الجزء 13

احم احم امجد يشعر بالصدمه .... حسونه قفلي خشمك ...... عايني رنوده قلنا ..... اي خلاص .... رنو ومنو والله الولد دا غلبو يتحرك ..... يشوف السماااحه دي كلها ي هبوش ويتحررك ..... مش ي موده والله انبهر عديل 😂😂...... اهو دا جاي علينا قفلو خشماتكم ديل ..... هههههه خلاص جمع قواه😂 (حسونه والتريقه 😂😂💔)

السلام عليكم .... عليكم السلام ....هبوش رنوده ديدي ازيكم .....تماامين الحمدلله ومنونه مااله م ليها سلاام ......لالا منونه سلامه براه ( وجراهاا من يدهاا ومشو ) ..يلا مععاكم سلاامه 😂✋🏻...... ايوا كدا ي مجوود صااح لالا ظاابط ي صحبي .... اعصاابك هبوشتي انا داير اتمعن ف السماااحه دي مالك معاي ..... لالا اخد راحتك (وفاتوو قعدو براهم )

اجي ساقه ومشي ..... هههههه ومالك انت ي رنوده مستغربه ...... دي اصلها م امنه الطيب الخلت الولد دا يمسك يدها ويسوقه وهي تتبسم كدي وساكته 😕..... وفيها شنو يعني ...... م بتعرفو امونه انتو بعرفه انا والله م قادره اصدق لكن كدي لحدي م تجي بنتكلم ...... انت م تتكلمي هداك وائل جاا ..... الليله م قالي جاايكم ف الجامعه🙊 ...... ههههه لمن صوتك بقي واطي اعصاابك شدي حيلك ..... اسكتي الولد جاا ي هبه

(ديك بيقادي ونسه شديده )

عارفه ي منونه انا لو منك م بمشي ع الارض 😻....... مجود عليك الله م تبالغ ..... ياخ مجود دي ف خشمك زي العسل تاني مافي زول يقوله غيرك نهاائي وبالمنااسبه حلوه الخصل الصغار ديل مبقنك بريئه كدا وطيووبه ...... هههههه حلوه عيونك ويلا بالمناسبه برضو انا طالعه محاضرتي باقي ليهاا 5 دقايق .... لالا م تمشي تخليني عليك الله ...... انت ي ولد م عندك محاضره ..... عندي لكن م قادر اقوم م عايز امشي اخليك ..... لالا كدا م بنفع كل شئ ولا المحاضرات يلا يلا قوووم ....م قايم ولا اقول ليك ارح

(مسكه وبقي سايقه ع باب الجاامعه ) مااشي وين ي ولد ..... ماشين نقعد جمب البحرر ......امجد لا انا عندي محاااضره .....بتلقيها عند سلمي ولا منو دي بعدين

(فتح باب العربيه وركب ودورو ) والله م بقدر افوت المحاضررات بالغت معاي .... معليش اول مره واخر مره ارح بس اوديك كاافيه كدا ع البحرررر موبالغه ح ننبسط ونطلع من جوو القرااايه دا شويه .....طيب م نتأخر عشان ارجع مع البنات الداخليه ..... انا برجعك ....... طييب ....يلا انزلي وصلنااا .....يلا بجد المكااان روعه😻😻.... روعه عيووونك والله

(فتح باب العربيه ومسك يدهاا ونزله يلا هنا امونه حست نفسهاا ملكه ❤✋🏻)

(نزلو وقعدو ف الطابق الفووق وتحتهم البحر وبتونسو)

.... يلا احكي لي عنك اكتر واكتر عايز اعررف عنك كل كبيره وصغيره ......احكي لي انت اول ..... حاضر ي ستي انا اسمي امجد اكبر واحد عندي اخواتي 2 اصغير مني دينا ودنيا عايشين ف فله ف العمارات ابوي ودينا قاعدين ف امريكاا لانو دينا بتقرأ هناك وانا ودنياا مع امي هنا وبتمني يجي اليوم الاسوقك واعرفك عليهم بإذن الله 😻 ...... هههههههه😂😂😂 براحه ي دنيااا.... مالك ي بت بتضحكي ...... لانو فلا وامريكا والكلام دا جديد علي حياتي غير حياتك وفهمي غير فهمك انا عايشه ف حله بعيده عباره عن شبه جزيره الناس الجواها كلهم اهل بعض طيبه وحنان وبيوت طين وكل بيت جمبو زريبتو عندنا غنمنا جوه الزريبه وانا كنت بجيب ليهم القش والمويه من البحر فوق حمارتي شفت كيف نحن م شبه بعض ....... لا حولا الرقه دي كلها تركب حماره لالا طبعا اسي الكوابيس دي كلهاا انتهت انت حتبقي حقتي وحتعيشي معاي انا ...... يبقي ابوي م يديك ..... شنو دا .... لالام قلت شئ خير خير ..... طيب يلا قوومي اركبك اليخت دا ونعمل جوله ف كل البحر ...... اوك

( نزلوو ف اليخت وامجد اجرو كلوو قال م عايز ناس معاهم وطلب نسكافيه ومشغل اغاني رومااانسيه وقاعد بتغزل ف اموونه وهي تضحك .../

نمشي نشوف ناس الجامعه بيقادي بعملو ف شنو )

اووووف يلا محااضره زي الزفت واب كرش دا معااط ياخ .... هههه والله انت ي هبه اصلك م ناويه ليك ل قرايه .....قراية شنو ف الزحمه دي ياااخ ي موده عليك الله كدي ارح ل رنووده ديك ماله مضبلنه كداا ..... هبوش موده ازيكم .... مالك عامله كدا.....محاضره بايخه والله نعستني ......كلنا محاضرتنا بايخه منونه وين ارح نفطر الضهر اذن ونحن لسه م فطرنا ..... م عارفاها كدي اضرب ليهاا اشوفه طلعت من المحاضرره ....الو ..اهلين رنوده ....انت وين ارح الفطور .....لالا افطرو انا طلعت من الجاامعه ...... نعم نعم طلعتي وين كمان ..... طلعت مع امجد .....اممممممم امجد ولي م وريتيني واسي انت وين ..... انا ف كافيه كدا ع البحر .....طيب طيب يللا باي .......

اها قالت ليك شنو ....قالت طلعت مع امجد كافيه .... ايوا طيب حلو ومالك شانه عليها هجوم ...... انتو م عارفين امونه دي اختي ياخ ..... اها وف شنو يعني ..... م ح تفهمو ارح ارح نفطر ..... وائل راح وين .....مشي المستشفي عندو شغل قال (طبعا شغال دكتور

اسنان وعندو مستشفي ف الخرطوم ب اسموو كبيرره )

... ايواا طيب ارح

(ومشو قااعدين ف الكفترياا شافتهم مايسه وامونه م معاهم وامجد برضو مختفي قلبهاا اكله قالت تجي تسأل منهاا )

هاي صبايا ....هلا والله (دي موده يخلو ليها طولة اللسان ).... ممكن اعرف وين صحبتكم بتاعة الشعرتين .....( حسوونه طوالي اتلفتت عليهاا وحمرت ليهاا ) ودايره بيهاا شنو انت بتسألي منهاا ...... امممم م شبيهتك طبيعي لما اجيب سيرته انت تفتحي خشمك .... اي افتح خشمي مش كويس م فتحت راسك اتخارجي من وشي عليك الله مايسه ولا جن ..... عايني ي حلوه انت كان م بتعرفيني اسألي مني اقسم انت وصحبتك ابيدكم من الدنيا دي واسي هي ماف ومجودتي ماف لو عرفت انها راميه طعمهاا ف بحري م بحصل خير انا هدي وريتك ..... هي هي لمي مجودتك طوالي ماف زول حنسو وتعرفي ولا م تعرفي كان ماليه عيونو م بشوف غيرك ومنونه م رمت حاجه ف بحرك يختي هو الغرق ف بحره يعني من الاخر عجبتو م شلبتو انت اتقلي واتكلي ع الله والله بعووضك ي حبة عيني .....( البت من الزعل عيونه حمرو شالت شنطته وطلعت )

عااد لكن ي رنووده فيك لسااان لا حولا 😂 ........ لازم لازم يختي كل شي ولا امونه ✋🏻 .....ربنا يخليكم ل بعض .....امين

(امونه بيقادي مبسوووطه والدنيا م ساايعااها نست المحاضره الفوتته ونست حلته ونست اي شئ وحنك امجد مااشي فيهااا )

امنه انا عايز اعرفك علي امي قلتي شنو ...... نحن م عندنا بت تمشي ل اهل زول دايره ..... انتو منو هو عليك الله اطلعي لي من جو العربشن دا ياخ انا داير اوديك وتعرفي اسرتنا وياريت توافقي وانا متأكد انو امي ح تفرح بيك ...... طيب اشوف ...... مافي حاجه اسمهاا اشوف يوم الجمعه انت ح تجي تفطري معاانه ...... بشوف والله .... طيب ي حلوتي ..... انا اتأخرت ارح وصلني .... حاااضر انت تأمري بس

(طلعو وركبو العربيه اداهاا علبة شكوولاته كبيرررره وفيهاا اشكال وانواع من الشكولاته ووصله الداخليه وفات وهو مبسووط بس لي بعامل امونتنا كدا داير منها شنوو بس ان شااء الله يكوون فعلا جادي معااها )

هاي سلام بنات .... عليكم السلااام منونه واوووو شكولاته ..... ههههه براحه ي موده ....امنه ....ي عيون امنه ..... دايره اتكلم معاك ..... طيب ي حسونه هاكم اكلو من الشكولاته دي وانا ماشه استحمي واجي تعبانه والله نحكي بعدين ..... تمام

(امونه استحمت وغيرت وجات عملت شعره كعكات وشالت شكولاتات كدا ختتهم قدامه وقبلت علي الحيطه وبتتونس مع امجد نست تسأل من المحاضره ونست حسونه عايزه تتكلم معااها وبرضو نست تضرب ل ناس بيتهم وتشوف حالهم كيف )

يتبع......

#بت_البادية
بقلم: نسيبه مدني

الجزء 14

(كملت ونسته بالتلفووون وناامت حوالي الساعه 2 كدا والصباح صحااها امجد ب تلفون فتحت عيوونه اتكلمت معاه بسيط وقاامت استحمت وصلت الصبح الساعه 7 وبتعمل ف عصير عايزه تشربو وتجهز للجامعه حسونه صحت وبقت تعاين ليها )

صبااحوو حسوونتي ....حسونتك مش ولا حسونتك ولا بعرفك ي زوله ..... مالك بسم الله ف شنوو .... لالا ماافي اي شئ.... لا بجد مالك ي بت .... انا امبارح م قلت ليك دايره اتكلم معاك .... ايوااا والله نسيت حقك علي اها كنت عايزاني ف شنووو ...... والله حقو ازعل وخشمي دا م افتحوو معاك لكن ف النهايه نحن اخوات ..... اصلا اخوات حبيبتي اها وريني مالك ..... م عندي ميل انت المايله و م واعيه ب نفسك امبارح الولد دا جراك كدا ف نص الجامعه ي استاذه وانت تتبسمي .... 😂😂 امجد اصلا مجنون ..... جن يخنقك ي امنه مجنون شنو تخلي يمسك يدك لي زاتو وتخلي محاضرتك عشان تمشي تقعدي معاه جمب البحر دي ياها الجامعه الساهرتي ليهاا بالفانوس لمن عيونك حمرو وقربتي تموتي عشان تجي تدكي المحاضررات وتطلعي مع واحد لا عارفه اصلو لا فصلو ولا زينا ولا بشبهناا ...... محاسن براحه علي😔 ..... والله م براحه لانك وجعتيني والكلام دا انا بقولو ليك وانا من جوه تعبانه انا لمن قلت ليك شباب الخرطوم وبتاع ضحكتي فيني وتكل بيتكم يشهد اسي تجي تباريهم انت ...... محاسن بجد انا غلطاانه للدرجه دي ?? ..... انت شايفه شنو ي امنه ..... م شايفه شي طيب بتمشي مع واائل لي ولا حلال عليك وحرااام علي ..... لا حلال لا حرام انا وائل م دكيت محااضاراتي عشانو ولا ف مره قدر يمسك يدي شوفي نفسك واوعي ليها ولو م اختي م بتلقي مني الكلام دا اهو انا من الاول وريتك والنوع الزي امجد دا عايز يلعب بس وانت براك سمعتي كلام هبه عنو اظنو لسانو الحلو وحنكو الوهمي دا مشي فيك الا ي حليلو محمد اخوي م كان بعرف يتكلم عشان كدا م قدر يصل قلبك ........ محاسن م تكوني كدا م تنهريني فهمت خلاص فهمت 😭 والله م قصدي شئ ولا ف نيتي حاجه اوعدك م اخلي محاضره تاني ولا ل اي سبب 😭😭.... خلاص م تبكي انا والله بريدك ي امونتي والله ولا عاجبني لبسك دا ولا سريحك حتي لو انا برضو اتغيرت الا لسه بحب امونه البشوفه المغرب تحلب ف الغنم للشاي 😭..... انا زاتي بريدك والله ي حسونتي مهماا نادووك ريناد وبتاع تفضلي حسونتي البريده ...... قومي سمح قشي دمووعك ديل واشربي العصير وارح نمشي الجامعه سوا ي رفيقتي ....زي م بتقوول امي 😍❤

(قامو وجهزو وقشرو وسرحو وطلعو ع الجامعه بس امونه كانت زعلانه وموجوعه بس بتقول جواها اسمع كلام مبكيك ولا تسمع كلام مضحكك)

امونه الولد دا حاارسك هناك..... شايفاه ي محاسن والله انا ردتو هو سااعدني كتير و م شايفه فيهاا حاجه اني اتواصل معاه بس تاني م ح ادك المحاضره عشاانو ...... طيب حبيبتي بس عليك الله خلي بالك من نفسك يلا باي انا بنتظرك فوق .....

( اثناء م امونه ماشه ع امجد كدا تقيف قدامه ماايسه وخاته يدينا ف نصهاا وجااهزه للردح ) (وطبعا مايسه دي النوع الشايفه نفسها ومخلوعه يعني زولة فوضي اصلا )

بسم الله .... بسم الله مالك شفتي شيطان ..... لالا شفت الاكعب منوو .... عاين العربااويه طلع ليها لساان

( بس امجد جا عليهم )

العرباويه دي مرتي ي مايسه ....... نعم شنوو دقيقه دقيقه م سااامعه قلت شنو انت مررتك ?? دي دي مرتك انت لالا اكيد حاصل ل عقلك حاااجه ...... مافي اي شئ حاصل ل عقلي انا اسف ي ستي و م لينا نصيب مع بعض ....... امجد انت بتبيعني انا عشااان خاطر دي ...... اي ماله دي ..... امجد حبيبي ف شنووو لي بتعمل فيني كدا حبيبي انا زعلتك ف حاجه ..... كدي م تبكي لي اسي عليك الله وتفرجي فينا الجامعه ونبقي سيره ف الالسن للاسبووع الجاااي .... انا مستحيل اسيبك للبيئه دي امجد اصحي دي م شبهك ..... مايسه لو سمحتي م تغلطي اكتر من كدا يلا عن ازنك ....طيب طيب لكن اسمعه مني كلمه لو اتهنيت بيهاا دقيقه بس م ابقي انا مايسه وانت ي حرباايه حسابك معاي براه (مشت وعيونه محمرات وكلهم شر )

(امونه بقت تبكي حست انها فرقتهم)

.... ماله حبيبتي الصغيروونه بتبكي .... امجد انا حاسه اني فرقتكم والله ..... ياخ كدي دقيقه انا اصلا مستحيل كنت اعرس ماايسه دي ي امونه عليك الله كدي ..... لي كدا مش كنت بتحبهااا ...... ابدا ولا عمري حبيته بس انت اسي م تبكي ي قلبي حقك علي ..... طيب كدي انا مااشه محاضرتي بدت ..... اوك ي بيبي خلي بالك من نفسك ..... حاضر يلا باي

( اموونه حضرت المحااضره وخلصت وطلعت مع البنات الكافترياا وفطرو وقاعدين يتونسوو وائل جا ل حسوونه بره طلعت ليه وقاعدين امونه وموده وهبوش وليلي )

منونه شوفي مايسه شكلهاا عرفت بالحاصل .... اي يختي عرفت وجات صفقت لينا بره بس امجد سكته .... وااي ي حليله والله من قبيل تبكي .... ي حليله 😢😢💔 اعمل شنو انا ي هبووش طيب ابعد عن امجد دا ..... تبعدي هههههه انت هبله ولا شنو تبعدي بتاع جنك مش هوو ا

ختارك خلاص ف شنو تاني ..... م عارفه والله .... اكسري حنكه ي بت بس انت اتلفتي براحه كدا شوووفيها بتعاين ليك كيف م نااويه ع خير البت دي .... دايره تعمل شنوو يعني ..... هييييي ي اختي م بتعررفي مااايسه انت دي شيطاان ماشي علي قدمين ...... بسم الله ي رب .... ههههه م تخاافي نحن معاك ..... ياااااك انا جيت .....رنوووده الحب .... الله جابك طبعا قلت استشيرركم ..... اتفضلي ..... امجد قااال عايز يعرفني علي امووو ..... الله الله اشييي عليه ياريتو ي يمه حاالي ..... هي ي بت انت متأكده انك ماشه .... م عارفه والله ي حسووونه م عارفه اعمل شنووو .... م مطمنه للكلام دا ..... انا برضو م مطمنه ارحكي معااي عليك الله ...... منو بري يختي بري ..... حبيبتي انا عليك الله يعني حتكوني مطمنه علي وانا براااي .... الليله حنكتيني يلااا ..... ههههههههه معاي مش .... معااك ي زولتي ..... يلا هو بضرب لي بالمناااسبه

( مشت ردت عليه وخلت هبوش وحسونه بتونسوو )

ي بنات قالي عايز اوديك المول تختاري لبسات حلوه 😳 ..... يلا تنطلقي طوالي .... بس م صاااح كدا .... هو الصاااح شنو ف الزمن دا عليك الله كدي قومو الداخليه نرتاح

( وصلو وقعدو كدا ف البلكونه بتونسو امونه قاالت تضرب ل اهله تطمأن عليهم ضربت ل محمد احمد لقتو ماف ولقت محمد مااسك ليه المحل )

الو .... عليكم السلام ....... محمد😳( مع قوولة محمد حسونه لصقت ف السماعه ) .......امونه😻 ازيك ياااخ كيفك ي بت ....تمام الحمدلله كيف انت 😢 .... انا كويس بس مشتاااق ليك شديد والله ي بت عمي ❤😻😻..... الشوق كتيرر والله ...... م عندكم اجازه قريب تجونا .... لالا والله لسه .....حسونه كيف ....كويسه هاك ليهاا ....محمد اخوووي 😭.... حسووونه ي اختي الصغيره كيفك لعلك طيبه ....طيبه ي محمد الا اشتقتلك واشتقت ل امي عليك الله هي كيف .... كويسين كلهم والله كدي النرسل لي واحد من البطان ديل يناديهم كلهم

( الاهل جوو والونسات والبكي وخلاص قفلو الخط المغرب اذن تلفون امونه ضرب)

منونه ازيك حبيبتي ..... اهلا امجد ..... ارح انزلي تحت سرريع انا واقف .... الليله تحت وين ي ولد جنيت ..... ارح ارح انززلي سررريع يلا منتظرك ( وقفل الخط )

ي بنات ي بنات .... مالك اها ..... امجد جا تحت وعايزني انزل ليه .... ماالو انزلي .... ب كعكاااتي ديل كدا ..... ي بت هااك التوب دا اجري كدا احلا حاجه ...... ههه طيب

(نزات لقتو جاايب ليهاا شكوولاته وملااابس رااقيه وكاتب ليها بكره عايز اشوفك بالفستان دا الساعه 10 بجي اسووقك تقابلي امي )

(والبنات بليل اكلو الشكولاتات ومنونه قااست الملابس والبنات ينظروو ويضحكووو ورقدو نامو الصباح قامو عملو ليها بدكير واستشوار وضربو ليهاا منكيررر سرحووو ليهااا وفكووو ليهاا الشعر طووويل ومن نص ضهرره ظااهر ومموجين اطرافو ولابسه فستان اسود انيييق ب جنز كااانت انيقه شديد وحلووه ولأول مره المكيااج يكون ظاهر والروج وكانت وحده تااانيه من الاخررر بس ان شااء الله بعد دا كلوو تعجب الست

هانم امو )

يتبع....