ين الموت خطوات وعارف انو جسمك م بستجيب للعلاج وبعد دة كلوو متفائل؟قال لي الموت علينا حق خليهو يجي وقت م يجي بس،😊من كلامو دة إتأكدته انو انا بتكلم مع زول يائس،قولته ليهو على فكرة انت زول ثقييل شديد عارف حاجه زي دي؟قال لي إكتشفتي الذرة يعني؟عايزة ارد ليهو جاتتي مكالمه،كانت من اريج،اول م فتحته قالت لي ي زفته انتي وين؟قولته ليها في المستشفى ليه مالك؟قالت لي عارفاك في المستشفى قصدي في الطابق الكم لأنو نحن برة في المستشفى،قولته ليها شنوو؟الجابكم المستشفى شنوو انتو مجانين؟قالت لي مع السلامه وقفلت الخط في وشي،قولته دي مالها المتخلفه دي؟قصي قال لي انتي دايما منفعله كدة؟الاستكانه مهمه على فكرة😊قولته ليهو شكرا نصايحك وفرها لنفسك،قال لي انتي سنجل ولا حاجه؟قولته ليهو نعم؟😕😒قال لي لانو السنقل دايما بتكون عبارة عن واحدة منفسنه وبتنكد على غيرها دي حالتك صح؟قولته ليهو واااو ي عظيييم انت دقيقه اديك جائزة نوبل على الإكتشاف العظيم دة ننننننن😒😒😒 ضحكك ضحكه استهتار كدة،عاينته ليهو بغيييظ وسكته،فجأة الباب فتح واسمع ليك صووت اريج بتقول لي زفتووووونه😻رفعته راسي عاينته ليها وقولته ليها انتييييي😨😱قالت لي م انا بس نحن ،اسيل وروبي جو داخلين ووراهم ابووي،قولته ليهم انتو الجابكم هنا شنوو؟😨اريج قالت ليهو شايف ي عمو عبدالله بتك دي معاملتها لينا كيف؟😒بس إكسيكيوزمي ي شهد نحن م جاين ليك ابدا نحن جاين نسلم على قصي اوكي😌؟اسيل قالت ليها بالظبط كدة ي قصي كيفكك معليش جينا داخلين شمال بس الحيوانه دي بتخلينا نطلع من طورنا إحم إحم المهم اخيييرا قدرنا شوفناك عندنا فترة بنقول ليها خلينا نزورك بس م بترضى، قصي قال ليهم هههه حباب طلتكم والله،بابا قال ليهم شباب انا اسي دخلتكم بالرغم من انو م صح تدخلو عشان كدة من غير إزعاج تمام؟قالو ليهو تمام تسلم ي عمو 😻بعد م طلع روبي قالت لي قصي هااااي انا ربا بس السجم ديل بدلعوني روبي 😻😅قال ليها اهليين ي سلام احلى اسم والله😻قالت ليهو هههه اي طبعا طبعا على فكرة انا مرسله ليك ادد فترة م قبلتو وجايه هنا اشاكلك 😁😂قال ليها طيب لو كل يووم حتجي تشاكليني معناها م حأقبلو وحأخليك تجي تشاكليني 😂✋اسيل قالت ليهم ي جماعه خلونا نختصر الموضوع ونعمل لينا قروب واتساب وم تنسى ضيف معاك جكس ي قصي 😻هيييي قصدي اصحابك لو عايز😻😂😁😷قعد يضحكك قال ليها جدا تأمري أمر انتي❤اريج قالت ليهن هيييي روقن كدة دقيقه ،سلااااام قصي خبراتك م حأقول ليك مشتاقين لأنو انت اساسا م بتعرفني ولا حأقول ليك الجديد شنو لأنو م بعرف القديم المهم عوافي ياااخ ومبسووطه بي شوفتك😻قال ليها تسلمي ي ست البنات طلتك دي احلى طلهه ❤قولته ليهم هييي انتو بطلو همجيه فاكرين نفسكم في غابه ؟اريج قالت لي اها ي دكتورة شهد مالك😕😒اسيل قالت لي نحن م جاينك على فكرة ماشي؟قولته ليهم طالما م جايني معناها اتخارجو اطلعو برة لأنكم عملتو لينا ازعاج،قصي قال لي دقيقه دقيقه عملو ليكم ازعاج انتي ومنو ؟؟قولته ليهو حيكون انا ومنو يعني؟قال لي مريضه انتي ولا انا؟حمرته ليهو،قال ليهم م تركزو معاها صحبتكم دي منفسنهه سااي😂😁اريج ضحكت قالت ليهو بالظاااابط اكبر منفسنه يلا انت كدة بقيت زوولي شديد😻😂😂😂😂😂💔💪قولته ليها كويس بعد تطلعو من هنا حسابي معاكم بعدين،روبي قالت لي بعد م نطلع حنبلكك ي بيبي معليش 😂😂😂😷قصي قال ليهم أفضل حل اساسا انتو مستحملنها كيف😷اريج قالت ليهو دقيقه ابلكها قبل م نطلع 😂😂😂😂😂😂✋طبعا بقيت واقفه وبعاين ليهم وهم بتفاصحو وميتين من الضحك😒💔اسي ديل صحبات بالله 😕لما قامو طالعين قالو ليهو شهد دي منفسنه سااي يعني لو قعدت معاك 40ساعه حتخليك تبقى زيها حاول م تركز معاها😛😂قولته ليهم انتووووو 😨يلا برة من هنا ي سجم منك ليها😡😕😒بعد م طلعو قصي قعد يضحكك،،،قولته ليهو خير مالك؟قال لي مستغرب هم متحملنك كيف بنات زي قطع المارشيميلو الا انتي شوكه في نصهم؟؟؟قولته ليهو نعم 😒✋سكت م ردة لي بس اكتفي بالضحكك،غيااظ خلاص😡بسس من ناحيه كنت مرتاحه لأنو اول مرة اشوفو بضحك كدة يعني جيتهم فيها فايدة نوعا ما..💔المساء بابا قاال لي ارجعي البيت بعد كدة،قولته ليهو لالا م عايزة ارجع...قال لي ارجعي البيت ي بت قولته ليك،قولته ليهو بابا حأرجع معاك بكرة الصباح بس اصلا الساعه اسي 9 وانا م بحب اركب مواصلات بالليل دة،قال لي طيب تمام بعدين لو عايزة تنومي تعالي مكتبي انا اسي عندي عمليه ،قولته ليهو طيب دخلني معاك😻قال لي مجنونه انتي ولا شنو ؟😒قولته ليهو خلاص خلاص ربنا يوفقك💔😁بعدها رجعته غرفه قصي لقيتو بحاول يصلح المخدة،قولته ليهو انت مش قالو ليك م تتحرك؟قال لي وانا اي حاجه قالو لي م تعملها م اعملها يعني؟قولته ليهو طيب دقيقه ارفع راسكعلشان اصلحها ليكك،صلحته ليهو المخدة وبقيت اعاين ليهو قولته ليهو كدة كيف؟عاين لي وسكت،في اللحظه دي اتصلت علي فاتن قالت لي سمعتي بالحصل😳قولته ليها شنووو؟قالت لي علي خطب بت عمو زهرة وعرس

و الجمعه الجايه،،طبعا نزلته التلفون وسكتته مسااافهه حسيت كأنو زول اداني ضربه في راسي،قولته ليها احم واااو مبروووك عليهو يتهنو ببعض ي رب،وقفلته الخط،طبعا ملامح وشي اتغيرت فكرته لقيت قصي بعاين لي،قال لي خيير المات ليكم منوو؟قولته ليهو ماف زول مات،قال لي ملامح وشك م بتقول كدة ،،،فجأة دموعي جات جاريه مع اني م متعودة ابكي قدام زول ابدا،يمكن دي كانت لحظه ضعف مني،،،قال لي لا بجد في شنو ؟قولته ليهو قولته ليك ماف شي مسحته دموعي وطلعته برة الغرفه وبقيت ابكي،فضلته برة الغرفه تقريبا نص ساعه بعدها غسلته وشي وجيت راجعه،اول م دخلته بقى يعاين لي وضحك،م سألتو سكته سااي،قال لي وشكك لما تبكي م بتقابل😁😂💔قولته ليهو شكرا،قال لي على فكرة م سألتك فضوول مني بس كل زول فينا في لحظات ضعف كدة بكون محتاج لزول يفضفض ليهو عشان يرتاح😊قولته ليهو وانت شايف انو انت الزول دة😒😕قال لي نوعا ما😁قولته ليهو وانا لما سألتك م جاوبته على سؤالي احكي ليك ليه؟قال لي طيب حرة ،😊قولته ليهو فعلا حرة😒انتو الأولاد عموما كدة الواحد يتثاقل ويعمل فيها الود الواو نظام برستيجو وكدة وبعدين تتعولقو في البنات وتكرهوهم حياتهم وأم اليوم الولدوهم فيهو😡قال لي دي ردة فعل واحدة مشوكشنها😂😁😷قولته ليهو نننننن بالله😒قال لي عرسو متين انشاءالله؟قولته ليهو منو هو؟قال لي الشوكشك دة😁قولته ليهو م عارفه وربعته ليهو يدي،قال لي وم عندك فضول تعرفي؟قولته ليهو لا وانا مالي يعرس واحدة ولا يجيبهم دسته هو حر😒✋قال لي ااايوة كدة ولا في بالك حتى صح؟قولته ليهو ابدا،قال لي اسمو منو طيب،من غير م احس قولته ليهو علي المتخلف،😕هيييي قصدي م عارفه 😒😨ضحك قال لي وهزة راسو،قولته ليهو مالك😒😅قال لي سبتو بعض ليه؟سكته،قال لي لو حابه تحكي وتتنفسي عااادي وبكرة حنصبح ولا كأنو حكيتي لي حاجه،قولته ليهو المشكله كانت شخصيه والموضوع كان حساس شديد بسس هو م كان قدرها عشان يتحملها فاا إنتهينا،قال لي مظهريا كدة انتو انتهيتو بس انتي لسه عندك مشاعر تجاهو صح؟قولته ليهو اها ي دكتور الحب استنتج استنتج😒بس ابشركك ابدا م عندي مشاعر تجاهو بالعكس انا حاليا بحتقرو شديد،قال لي طيب دموعك لسه جاريه ليه؟قولته ليهو علشان كل م اتزكرو اتفف في وشي واتزكر البكيه دي،،،قال لي معلومه انا اديك ليها لو م واجهتيهو وقولتي ليهو كل الكلام الفي قلبك تجاهو م حتقدري تتجاوزيهو،قولته ليهو انا ماف شي في قلبي تجاهو هو م بهمني ابدا،،قال لي طيب بس راجعي نفسك واعرفي انتي عايزة شنوو😊اليوم التاني بعد م رجعته البيت لقيت امي دي زعلانه زعل،قالت لي اتخيلي عرفه اختي حتى عزومة م عزمتني ومكلماني نظام لو دايرة تجي تعالي بس،قولته ليها م تركزي معاها ولا تزعلي نفسك هي وولدها يولعو بجاز،طلعته غرفتي وبقيت اقول لنفسي اصلا هو واحد تافه وخايب م بهمني ،م بهمني م بهمني😭💔شلته تلفوني رسلته في قروب البنات قولته ليهم انا كنت بحب الخااايب العررة دة كيييف😡فجأة كلهم جو ناطين قالو لي منوو😳قولته ليهم اسي انتو صحبات ليه م كنتو بتوعوني ؟ليه م كنتو بتفتحو عيوني طالما انا مغمضه😡اريج قالت لي هيييي براك عملتيها في رووحك تتزكري لما كنا بنقول ليك علي دة واحد متخلف ساااي نسيتي روحكك وجايه تختي الحق علينا اجييي😒✋بعد م اتكلمته معاهم كداا الصباح مشيت المستشفى ،قولته لي قصي صباح الخير،قال لي حرارتك طبيعيه؟قولته ليهو ههه ليه مالي؟قال لي م عارف بس اول مرة تصبحي علي كدة😅😂قولته ليهو اي علشان ماشه احضر عرس خطيبي الجمعه الجايه وعندي كميه من الطاقه الايجابيه😌👋💪،قال لي ماشه شنوو؟قولته ليهو كدة بس😅قال لي ودي نعتبرها حاجه كويسه بالنسبه ليك؟قولته ليهو شديد😊قال لي طيب دي خطوة كويسه منك على فكرة❤الفترة دي قصي كانو بفتشو ليهو على كلى ،وانا قولته لي امي الا نمشي العرس بعد جوطه وتحنيس وبكى بابا قال ليها خليها تمشي معاك ،بالفعل مشينا يووووم العرس الصباح بدري ،طبعا لما وصلنا الناس دي كلها كانت متفاجأة وبقولو البت دي الجابها العرس شنو،وم اتلاقيت مع علي الا زمن الغداء،جا ماري وشافني واقفه مع اخواتو ،جا وقف قال لي انتي الجابك عرسي شنوو؟😡قولته ليهو هههه انا جايه عرس ود خالتي ليه انت عندك مشكله؟قال لي شوفي م تكتري كلامك معاي وتعملي حركاتك الأنا بعرفها دي،قولته ليها زينب حبيبتي كيس الهديه القبيل اديتك ليهو داك جيبيهو تمام؟قالت لي طيب،قولته ليهو بالمناسبه مبرووك ياخ فرحته ليك بجد بس انشاءالله تكون بقيت راجل شويه علشان م تخزلها ولا يجي يوم تكسرها فيهو وتبقى قدر المسؤليه،قال لي انتي فاكراها زيك؟قولته ليهو اريتها تبقى زي عااد😌👋قال لي لو زيك انا بحرقها حيه،زينب جات قالت لي هاك،شلتو منها قولته ليهو اتفضل دي حجات بسيطه مزيل عرق وصابون وعطر وليفه وروول اي نعم هي حتنفضك من برة بس م بتبقيك راجل وكل م تشوف الهديه دي إتزكر خيابتك تمام؟☺عايز يضربني كف زحيت منو قولته ليهو ياها خيابتك،زينب مسكتو قالت ليهو علي انت مجن

ون ولا شنو تضربها كيف يعني،وي شهد خليك عاقله شويه،قال ليها زينب فكيني البت دي حيوانه😡قالت ليهو تعال ارح نمشي💔قال لي كويس انا بوريك رجالتي دي حتعمل فيك شنو،،قولته ليهو حأعيد ليك كلامي تاني اااعلى م في خيلك اركبو ☺😊اليوم التاني اتحركنا الصباح بدري رجعنا الخرطوم صراحه حسيت براحه نفسيه لما اتكلمته معاهو وجها لوجه واستصغرتو كدة💔يووم الرجعنا بالليل بابا جا داخل لقاني بتونس وبضحك مع ناس امي عادي،استغرب طبعا متوقع يجي يلقاني قافله نفسي بين اربعه حيطان وببكي وكدة،قال لينا جيتو متين؟ماما قالت ليهو قبييل من النهار،قال ليها كويس حمدلله على السلامه،قالت ليهو الله يسلمك اها الولد بقى كيف؟قال ليها والله ماف تحسن غايتو عايزين يسفرو الأردن قالو يمكن يلقو ليهو كلى او متبرع،نحن لو لقينا ليهو متبرع للكلى هنا حنقدر نعمل ليهو عمليه القلب المفتوح،قالت ليهو معقوله حالتو متدهورة للدرجه دي؟قال ليها ربنا يعين بس بعد كدة الغسيل زاتو م بنفعو والوقت م في صالحو ابدا 💔اليوم التاني المساء مشيت المستشفى لقيتو مطلعنو من الغرفه،قولته ليهم صباح الخير بالليل😻قال لي صباح النور الأخت المشوكشه😂😁عاينته ليهو بغييييظ وسكته😒قولته للممرضه ماشه بيهو وين؟قالت لي غرفه الغسيل،قولته ليها خلي انا بوصلو،،،وانا سايقاهو وماشه بيهو قال لي اها العرس طلع كيف؟قولته ليهو ااه م تزكرني خونفشااري بجد كان عبارة عن راحه نفسيه😻 قال لي والهديه عجبت زولك؟قولته ليهو لمن قرب ينفجر هههه، طلعته بتفكر والله موضوع الهديه طلع ظابط😅قال لي مع انك م عندك حسنه بس اضمن ليك كدة حالتك النفسيه في السليم يلا ههههه❤وصلنا غرفه الغسيل اول م بدو يغسلو ليهو كان عامل روحو تمام وم متأثر بس شويه كدة ملامح وشو اتغيرت يعني بجد احساس الوجع كان ظاهر في وشو وكان بضغط على يدو شديد،، اوول مرة اشوفو في غرفه الغسيل بس قلبي وجعني عليهو بجد💔بعد خلص غسيل وصلتو غرفتو وقعدته معاهو وانا سرحانه ،مشيت لي بابا في مكتبو قولته ليهو بابا ممكن اتكلم معاك في موضوع؟قال لي اتفضلي،قولته ليهو انت قولته لو لقيتو متبرع بالكلى ممكن تعملو عمليه القلب هنا صح؟قال لي ايوة،قولته ليهو طيب اذا انا اتبرعته ليهو بي كليه ،قاطعني قال لي انتي مجنونه ي بت؟قولته ليهو بابا كدة كدة الكليه التانيه دي قاعدة زيادة عدد طالما انا بقدر اعيش بي واحدة ليه م بقدر اتبرع ليهو بي واحدة،قال لي شهد ي بتي الحاجه دي م بتكون بالسهوله دي فهمتي؟ودي مجازفه،قولته ليهو ويعني؟قال لي اسي في كليه متبرع عايزين نشوفها اذا حتطابق او لا،قولته ليهو طيب انا كمان اعملو لي الفحوصات اذا اتطابقت عشان م تخسرو زمن سااي في الانتظار،قال لي الموضوع دة كدة خلي شويه،لما رجعنا البيت بابا اتكلم مع امي واخواني وحكى ليهم،طبعا امي رفضت وقالت ليهو انت ي عبدالله كان بتك راسها م فيهو عقل انت بتبقى زيها؟😡كليه شنو البتتبرع بيها هي كمان خلاص الخلق كملو م فضلت الا هي عشان تتبرع ليهو؟؟فاتن قالت لي وبعدين عرفه متين لمن بتتبرعي ليهو بي كليه كدة قولي بسم الله،، كلهم قالو لي انتي مجنونه و...المهم كتيرو معاي الكلام بس م ركزته واصريت على راي،بابا قال لي طيب انا كدكتور م من حقي اقول ليك لأ لانو دي حياة زول وهدفي الأساسي المحافظه على حياتو حتى لو كنتي بتي في النهايه انتي بالنسبه لي متبرعة و طالما مصصصرة كدة اعملي الفحوصات وانشاءالله تتطابق،،بعد م عملته الفحوصات بيومين ماذن ومرتو جو نازلين السودان ،وأول م ماذن عرف بالحاصل زعل وقال ليه م كلموهو وجاط شديد،ولما عرف انو م لاقين كلى متطابقه ،قال ليهم من غير تردد انا حأتبرع ليهو بي كليه،الموضوع جاط ،وبقى بدل متبرع واحد ،تلاته متبرعين😂💔بعد الفحوصات بابا المساء جا داخل البيت قولته ليهو اها الحصل شنوو؟قال لينا لحسن الحظ طلعت حقت ماذن هي المتطابقه معاهو،ماذن قال ليهو ااابشششر ي ابوي بتبرع طوالي😻❤ماما قالت ليهو والله انت مجنون بسس م اكتر،قال ليها امي قصي دة اخووي قبل م يبقى صحبي وأخو مرتي😊✋طبعا م كلمو قصي انو ماذن هو المتبرع بس قالو ليهو لقينا متبرع لأنو م كان حيرضى ،بعدها اتعملت العمليه وزرعو ليهو الكلى،بعد الزراعه حالتو اتحسنت شويه،،،واول م عرف انو ماذن هو الاتبرع زعل وجاااط وعمل ضجججه شديدة،بعدها بفترة انا نزلته الجامعه وهو عملو ليهو عمليه القلب ،بقيت اتطمن عليهو من بابا او ماذن بس وخلوهو في المستشفى فترة علشان يراقبو وضعو الصحي،بعد م خرجوهو من المستشفى في يوم امي قالت لي ي شهد وانتي طالعة من الجامعه امشي على ناس ايات دي لانو سألتني منك،قولته ليها امشي ليهم شنوو طيب؟قالت لي امشي سلمي ليهم سااي بس وهاك الكيس دة ادي لي ايات معاك،قولته ليها كيس امشي بيهو الجامعه؟؟ قالت لي اي مالو فيها شنووو؟قولته ليها لا ي امي ولا بحاول يلا بااي،قالت لي خلاص سمح تعالي شيلي مفتاح عربيتي امشي بيها،رجعته خطوتين لي ورا وانا مبتسمه قولته ليها احلفي😻😅قالت لي اعمل ليك شنو لو م عملو لي

ك كدة م بتمشي بت فقر خلاص😒قعدته اضحك ،قالت لي اعملي حساابك وانتي سايقه كان لقيت فيها خدشه واحدة م تجيني البيت😡 بعد م خلصته دوام في الجامعه كنت مترددة امشي او لا بس كمان كنت عايزة اتطمن عليهو،اتوكلته مشيت اول م وصلته البيت لاقتني مرة اخوهو المتوفي ،طبعا سلمت لي بي طرف اصابعها😪جات ايات سلمت علي وفضلتني ،قعدته اتونس معاهم كدااا بعدها ايات قالت لي قصي فووق تعالي سلمي عليهو،قولته ليها اممم لا خليهو يمكن نايم او كدة،قالت لي لا صااحي قاعد مع امنه بت جيرانا سميه امي وكدةطبعا هههه، تعالي،خالتو امنه قالت لي امشي ي بتي عادي البيت بيتكم،طلعته مشيت معاها ،لما وصلنا قريب من غرفتو كان في صوت تلفون بضرب،ايات قالت لي دة تلفوني يمكن ماذن اتفضلي دي الغرفه حأشوف منو وبرجع تمام؟م تقيفي ادخلي على طول😘💋اول م فتحت الباب اتفاجأ ليك بالبت راقدة في حضنو😨😱هم اتخلعو وانا اتخلعته م عرفته اقبل على وين على طوول اتلفته وطلعته من الغرفه،نزلته تحت قالو لي سلمتي عليهو؟طبعا كنت متوترة قولته ليهم ايوة وعايزة امشي البيت ،قالو لي لا م تمشي الا تتغدي و... قولته ليهم لا م بقدر والله وعلى طول طلعته مشيت البيت،،كنت مغيووظه من الشوفتو غيظ ،بس الغلط غلطي انا كان المفروض ادق الباب قبل م ادخل😷اثناء م انا بفكر في الموضوع كدة تلفوني اتصل كان رقم غريب اول م رديت ،قال لي م اتعلمتي تدقي الباب لما تمشي بيت ناس؟قولته ليهو نعم منو معاي؟قال لي معاك قصي،قولته ليهو اهااا وانت م اتعلمته تمارس تفاهتك وتقل ادبك الا في بيتكم؟؟م مشكلتي إذا انت في بيتكم م بتحترم نفسك وبتجيب بناتك😊

يتبع....

#لأنني_أنثى
بقلم: شهد عبد الله

الجزء 08

اثناء م انا بفكر في الموضوع كدة تلفوني اتصل كان رقم غريب اول م رديت ،قال لي م اتعلمتي تدقي الباب لما تمشي بيت ناس؟قولته ليهو نعم منو معاي؟قال لي معاك قصي،قولته ليهو اهااا وانت م اتعلمته تمارس تفاهتك وتقل ادبك الا في بيتكم؟؟م مشكلتي إذا انت في بيتكم م بتحترم نفسك وبتجيب بناتك😊قال لي م عارف بس م ظنيت انو الموضوع بخصك تمام؟قولته ليهو فعلا علشان كدة ممكن اسألك متصل علي ليه وجبته رقمي من وين؟قال لي إتصلته عشان اسألك جيتي غرفتي ليه ومنو السمح ليك تفتحي الباب؟قولته ليهو ههه كانت معي ايات على فكرة يعني الشوفه الانا شوفتها كانت حتشوفها أيات متخيل معاي منظرك كان حيكون كيف😊✋قال لي سلام وقفل الخط في وشي،م عرفتو متخلف ولا مجنون😡😒💔كان نايم معي عبدالرحمن ود خالتو مها كان بتونس معي وفجأة نام ،شلتو علشان اوديهو لي امو في غرفتها،اول م وصلته جنب الغربه سمعتها بتتكلم بالتلفون وبتقول:انت عرسته تاني داير مني شنو واتكلم معاك فيديو لشنوو؟طالما بتحبني كدة م كان تعرس ،كانت بتبكي،قالت ليهو حتى ولو كنت عايز ترضي على امك م كان تعرس انت عارف انو انا بحبك صح؟طيب اها نحن علاقتنا حتستمر بالصور والفديوهات كدة لمتين؟😭انت عارف انو هو م حيطلقني عشان اولادو م حيطلقني لو انطبقت السماء على الارض😭💔كنت في حاله صدمه من الأنا بسمع فيهو دة على طول دقيت ليها الباب وفتحتو ،كانت لابسه ليها فستان قصيير ،اول م شافتني دست التلفون تحت المخدة،قاات لي نام؟قولته ليها ايوة نام❤قالت لي خلاص رقديهو جنب اخوهو هنا،قولته ليها طيب ،حست بالإحراج قالت لي انتي عارفه لقيت نفسي مسخنه ولبسته الجلباب دة،قولته ليها اهااا شغلي المكيف طيب،قالت لي نسيت موضوع المكيف ههههه ،طلعته منها وانا محتارة معقوله؟بس يمكن بتتكلم مع راجلها،بس لو بتتكلم مع راجلها م بالإسلوب دة😨😱رجعته غرفتي ،صباح الجمعه صحيت متأخرة حوالي الساعه 10ونص كدة من تعب الجامعه وإرهاقها وكدة،سرحته شعري ضفيرتين وكان عندي شبس شلتو ونزلته ،لما وصلته قريب للمطبخ سمعته خالتي بتقول لي امي:شهد دي بتخليها تنوم للزمن دة لشنوو يعني؟نوم شنو الليها زانو المفروض تمسكيها شغله البيت دة كلو كبيرة وصغيرة عليها،امي قالت ليها ي مها والله البنات ديل انتي اسكتي سااي خلي عمايلهن افضل شهد دي شويه بتشتغل لكن فاتن دي بس سميها طلعات واكل ونوم ،قالت ليها فاتن دب خليها تنوم وكان م دايرة تشتغل م تشتغل حرة ،لكن شهد دي انا لو مكانك ادفسها تشتغل في البيت دة 24،كفايه اهو انتي،امي قاطعتها قالت ليهو هووي ي مها هووي انا شغل التفرزة دة م عندي شهد وفاتن الإتنين معزتهم عندي واحدة وم عندي واحدة افضل من التانيه،❤م عارفه هي غايتها كانت شنو علشان تتكلم كدة 💔دخلته المطبخ قولته ليهم صباح الخييير❤هي زاتها اتخلعت قالت لي صباح النوور😻مسكته ماما وبوستها بوسه طوييله قولته ليها صباحو عسسسل لأحلى عسسسل 😻قالت لي ي مجنونه دايرة ترميني😂قولته ليها م حأخليك تقعي حتى لو وقعته انا م تخافي😻💪قالت لي سجم دي😂قولته ليها شامه ريحه حريق ولا شنوو؟خالتو مها قالت لي نسيت الكيكه في الفرن،،،طلعتها لقت نصها حرق💔قالت ليها وااااي ي سوسن حرقت مع الونسهه😨😱في قلبي قولته ليها حرقت من القطيعهه الكنتي بتقطعيها ههه😊امي قالت لي شهد اديك شاي لبن؟قولته ليها لاااا م عايزة،قالت لي بت فقر خلاص سمح اديك شاي احمر؟قولته ليها ماما ياخ انا م عايزة شااي بس قولي لي الفطور شنوو😻قالت لي بعمل في ملاح تقليه روووب،شويه كدة بعمل العصيدة😻قولته ليها ي سلااااام ياااخ طيب خليني انا بغسل ليك العدة😘💋قالت لي كدي ي يمه دايرة تبقي مرة😂قولته ليها ننننننن😒قالت لي سمح غسليها نضيف ولمعيها بالسلك كمان😂💔خالتي مها قالت ليها منو دي مش شهد دي والله بكرة يعرسوها ويرجعوها حللها بيضااااااااء زي كلامي دة 😂امي قالت ليها مالها عااد برجعوها حللها بيضاء الحمدلله بتي لا خايبه لا عايبه خلقه واخلاق تربيتي عاااد😻قولته ليها سمعتي ي خالتو انا تربيتها😌☺❤حسيتها اتغاظت بس م ركزته معاها ،بعد م فطرنا طلعت غرفتها وانا جيت عايزة ادخل غرفتي سمعتها بتتكلم بالتلفون،واولادها معاها دة اككتر شي كان قاهرني والمشكله انو هي صوتها واضح وبتتكلم مع راجل،وطريقه كلامها معاهو م تمام نهائي ،يعني المفروض تحترم اولادها شويه حتى ولو كانو صغار بفهمو الكلام ،،،عدت الأيام بقت على الدوام كدة ،بتتكلم في التلفون كل الوقت ،في يوم جاتني صحيه الساعه 12كدة طلعته عايزة اشرب مويه اتلاقيت معاها في الهول كانت جايه ليها من محل لابسه توب ومتمكيجه ،قولته ليها جايه من وين انتي؟قالت لي من الدكتور،قولته ليها العيان منو منير ولا مؤيد؟قالت لي انا عيانه،قولته ليها طيب ليه م اتكلمتي؟قالت لي سااي بس وطلعت غرفتها،طبعا شكلها م كان شكل زول جاي من الدكتور وعيان وكذا،قولته ي شهد انسي،الصباح وانا طالعه الجامعه قولته لي امي ماما خالتو مها دي امس ك

انت عيانه اليوم شوفتيها اصبحت كيف؟قالت لي ليه مالها مها؟قولته ليها امس مشت الدكتور وجات قالت عيانه ،قالت لي دقيقه كدة النشوفها ،قولته ليها طيب انا ماشه💋قالت لي شلتي القروش من المطبقه؟قولته ليها ااااااي شلتها يلا سلام😘❤المساء جيت من الجامعه دخلته غرفتي غيرته ملابسي فجاة جات خالتو مها قالت لي اسمعي هنا انتي مالك قعدتي في البيت دة مضايقاك ولا حاجه؟قولته ليها كيف يعني مضايقاني ي خالتو مها ؟قالت لي شايفاك بقيتي تعملي حركات وتتبعيني عشان تراقبيني اسمعي هنا انا كبيرة وعاقله م دايرة قله ادب البنات دي فهمتي؟قولته ليها خالتو مها استكيني في شنو مالك؟قالت لي بس المهم انا كلمتك اووعى تحرشي علي سوسن تختي فاهمه؟قولته ليها مع اني م فاهمه شي بس حاضر ي خالتو انتي تأمري أمر❤بعدها طلعت من الغرفه وانا احترته يعني في شنو بالظبط علشان تتكلم معاي كدة بس ابدا م حبيت افتح الموضوع مع امي علشان يتطور،،ومن وقتها خاصمتني بقت م بتتكلم معاي،بابا في غرفتو بتكلم مع امي قال ليها انتي ي سوسن اختك مها دي عندها فترة معانا عافيه؟امي سكتت،قال ليها انا م مضايق منها ولا من قعادها بالعكس بس يعني انشاءالله تكون عافيه،قالت ليهو والله ي عبدالله راجلها إتصل علي قبل كم يوم بس م رديت كنت بعيدة وم اتوفقته عشان ارجع ليهو،قال ليها كان ترجعي ليهو تشوفي الحاصل شنوو يمكن عندهم مشكله او كدة،قالت ليهو م اظن لكن بكرة برجع ليهو❤في يوم كنا شغالين لوقت متأخر شديد وطلعته من الجامعه الساعه 7مع زحمه المواصلات والكلام دة وصلته البيت الساعه 9،دخلته البيت كدة جات خالتو مها داخله وراااي وهي مستعجله دخلت قدامي سريييع كانت لابسه عبايه وانا زاتي كنت لابسه عبايه،دخلته البيت بديت اغير جا مجتبى اخووي بصررخ شهد ي زفت شهد تعالي هنا دة،امي قالت ليهو بسم الله ي ولد في شنوو؟قال ليها خليني اول اتفاهم مع الزفته بتك دي وطلع لي فوق الغرفه،قال لي انتي ي حيوانه جيتي مع منوو؟😡قولته ليهو كيف يعني جيت مع منو جيت بالمواصلات طبعا،قال لي وكمان بتكذبي وقام ضربني كف ورماني في السرير،قولته ليها امييي تعالي شوفي ولدك دة😭😭😭امي جات جاريه قالت ليهو في شنو ي ولد مالك مع البت دي؟قال ليها اسأليها الجابها بالعربيه منو ووقفها قدام الباب،قالا ليهو انت مش مشيت الفرن؟شوفتها كيف ؟قال ليه شفتها ي امي، والإسبوع الفات اولاد الحله في الميدان اتكلمو وقالو في عربيه بتنزلها في الميدان كل يوم بالليل ،اسكتي بالله ي امي البت دي قليله ادب😡قولته ليهو اقسم بالله كذابين انا بالليل زاتي م قاعدة اطلع 😭💔قال لي طيب اسي العربيه الوصلتك دي عربيه منو تتكلمي ولا اكلم ليك ابووي؟قولته ليهو مجتبى اقسم بالله انا جيت بالمواصلات ي ماما ماف زول وصلني ولا شي😭😭😭😭😭😭💔قال لي كذابه انا شوفته عربيه احمد صاحب مدثر منزلك قدام الباب كمان بتكذبي😡قولته ليهو احمد منو؟؟قال لي شوفي حركات البنات دي انا بعرفها كويس بس اصبري لي بكسرك،امي قالت ليهو يكسر ضلوعك اطلع من هنا يلا سرعه ،بعد م طلع قعدته ابكي قولته ليها ماما اقسم بالله انا جيت بالمواصلات حتى دقيقه اتصل ليك على اريج واسيل هم الوصلوني وركبوني المواصلات😭😭💔قالت لي ي بت ها انتي عويرة خلاص م تبكي وبعدين يعني شنو لو اخوك اتكلم معاك من خوفو عليك،قولته ليها ماما انا م زعلانه علشان اتكلم معاي ولا علشان ضربني ،انا زعلانه علشان هو م سألني ولا حتى حاول يتأكد من الفهم الفي راسو دة😭💔قالت لي خلاص قولنا اسكتي،،،اليوم التاني جات فاتن قالت لي شهد اسكيرتي الأسود الفنايل وين؟قولته ليها في الدولاب لكن ملبوس😥💔قالت لي شهد م ممكن ياخ مش قولته ليك لما تشيلي حاجه من دولابي ترجعيها محلها؟قولته ليها انتي عارفه انو انا نهايه الأسبوع بغسل صح؟قالت لي المهم تاني م تلبسي ملابسي طالما م بترجعيهم زي م كانو وطلعت،شلته الاسكيرت دخلتو الغساله بعدها نشفتو في النشافه وخليتو شويه كدة كويتو وشلتو وديتو ليها ،لقيت خالتو مها معاها في الغرفه وبتقول ليها:انتي زاتك بتديها ملابسك لشنو اعملي حسابك،م تديها ملابسك ،،،جيت داخله قولته ليها هاك ي فاتن دة اسكرتيك تمام؟قالت لي انتي زعلتي يعني؟قولته ليها لا وازعل لييه؟وطلعته من الغرفه،انا بجد م عارفه خالتو مها دي عايزة تصل لشنوو،،،في يووم اتصل علينا ماذن قال لينا اتا وايات عازمنكم معانا غداء في البيت يوم الجمعه انشاءالله،بالفعل يوم الجمعه جهزنا نفسنا ومشينا ليهم ،هناك إتفاجأنا بي أهل ايات هناك برضو،المهم قعدنا اتونسنا معاهم كدااا بعدها جهزنا الغداء انا ساعدته ايات وكانت معاي اختها الأكبر منها إيمان،لما جينا نتغدأ فتحو سيرة العرس وم العرس وكدة،وكل مرة موضوع بقى يفتح موضوع بعد م خلصنا غداء بابا وعمو يوسف والشباب قعدو في الهول ،اما نحن قعدنا في الإتجاه التاني،،،،بعد يومين من الكلام دة جيت راجعه من الجامعه لقيت ناس بيتنا كلهم ملمومين حتى ماذن معاهم،قولته ليهم ملمومين في الحرم انشاءالله ،وي مذووووون اق

سم مشتاقين بقيت م زي زمان معاي على فكرة انا زعلانه منكك😥قعد يضحك قال لي معقوله ياخ انا اتغيير على اختي حبيبتي 😻😂قولته ليهو اااي مرتك نستك اختك😒✋قال لي تعالي عشان تعرفي انا بحبك كيف جايب ليك خبرحلو حلا زيك كدة😻😂قولته ليهو الله !!جايب لي هديه صح؟😻😻😻😻قال لي جايب ليك عريس عديييييل ههههه😁قولته ليهو ننننننننن عريس بطل استظراف😒✋بابا قال لي تعالي اقعدي كدة،قولته ليهو مع اني فترانه بس اها،،،قال لي طبعا ي بتي يوم الجمعه في بيت ناس ماذن عمك يوسف اتكلم معي وقال لي انتو شلتو مننا بت ونحن دايرين منكم بت ،اها هم قالو دايرنك لي ولدهم قصي دة وانا قولته ليهم الرأي رأي البت اها انتي رايك شنوو؟،،،طبعا بقيت لا قادرة اقعد لا قادرة اقيف ولا قادرة افتح خشمي اتكلم ولا حتى قادرة اتحرك اتشليت شلل كلي،،،خالتو مها نطت قاالت ليهو كان تدو فاتن مالها حلات الدنيا عليها،ماما قالت ليها الراجل قال دايرين بتكم الصغيرة حدد عديييل وبعدين فاتن ناضم فيها ود عمها بس لسه ،،فاتن قالت ليها بري ي خالتو مها بكرة يموت لي واترمل في عز شبابي مالي انا😂👋ماذن قال ليها بطلي سخف ي فاتن ،وي شهد والله قصي م بتعوض م عشان صحبي وكدة لكن هو راجل بحق وحقيقه،بابا قال لي المرة الفاتت شوفته زوقك كان كيف واخترتي غلط المرة دي قولته دي فرصه م بتتعوض غايتو كدة انتي فكري وشوفي البناسبك شنو ،،،قمته مشيت غرفتي،طبعا بقيت ماشه وجايه واقول لنفسي اسي دي شنوو الوقعه دي المهم ي شهد الموضوع دة اتجاهليهو اي حأتجاهلو لأ اااسلم حل أطفشو ،قعدته أكل في ظفوري مسااافه بعدها شلته تلفوني واتصلته على قصي،قولته ليهو الوو،قال لي اهلا،قولته ليهو اممم ممكن اتكلم معاك خمسه دقايق؟قال لي اتفضلي،قولته ليهو شوف بالنسبه للموضوع الاتكلم عنو ابوووك وابوي انا عايزة اقول ليك انا لا بعرف اعمل شي ولا بغسل ولا بكوي ،ولا بطبخ ولا بنضف بس قاعدة زيادة عدد في البيت وحتى لو اتزوجته حيحصل نفس الشي ،يعني ترجع تطبخ لنفسك وتغسل وتكوي وتنضف المكان الشايفو وسخان بتقبل تعرس ليك واحدة زي دي😅💔قفل الخط في وشي حتى م ردة على كلامي😨متخلف خلاص المهم من يومها طفششش انبسطته من نفسي بسطه😂💪 في يوم مشيت البقاله سيد البقاله كان ولد شاب كدة اسمو عاصم،قولته ليهو عاصم رسلته ليك رساله في الواتساب علشان تحول لي رصيد م حولتو لي مالك؟قال لي اي عشان غيرته رقم الواتساب،قولته ليهو اهاااا طيب اديني ليهو عشان م كل شويه انزل واطلع،قال لي طيب ،بعد م اداني الرقم قال لي عليك الله الرقم دة م تديهو لي خالتك مها كويس ولا تكلميها حتى بموضوع انو انا غيرته رقم الواتساب حقي،طبعا احترته قولته ليهو ليه؟قال لي ساي كدة بس،طبعا خشيت في ظفوري من كلامو يعني بجد حاجه م كنت متوقعاها ،،،رجعته البيت لقيتها بتتناقش مع امي وبتقول ليها:انا سواطه م بتنفع معي فاهمين؟م عندكم شغله بي انا زوله كبيرة وعاقله وبعرف مصلحتي وين،وانتي ي سوسن م مسؤله مني خليك في حالك م عشان جيت قعدته معاكي معناها خلاص فهمتي؟امي قالت ليها ي مها ي اختي انا بنصح فيك بس💔قالت ليها شكرا م تنصحيني ،،،قولته ليهم في شنوو؟ماما قالت لي ماف حاجه،قولته ليها لا في وي خالتو معا ليه بتتكلمي مع ماما بالإسلوب دة؟في النهايه هي اختك اكبر منك،ماما قالت لي شهد اسكتي م تدخلي،قولته ليها لا ي ماما المرة دي حأدخل هي منو لمن بتتكلم معاك بالإسلوب دة؟خالتو مها قالت لي انتي كمان مالك؟الدخلك شنو في الموضوع؟قولته ليها دخلني اسلوبك الزفت مع امي،قالت لي احترمي نفسك انا قله ادب شفع صغار م بتنفع معاي،قولته ليها انتي بالزات م تتكلمي عن الإحترام اوك؟قالت لي انتي شايلاها معي لشنو نفسي افهم واجعاك قعدتي دي معاكم؟قولته ليها واجعني عدم احترامك لنفسك ولعيالك اظن انتي فاهماني م ضروري اشررح،،قالت لي اشرحي اشرحي الكلام دة من عقلك الوسخان صح؟قولته ليها ههه م تتكلمي عن الوساخه لو سمحتي فاكرة راجلك م حكى لي ماما عن عمايلك الوسخه ؟لا حكى ليها ودموعو في عينو بس هي مسكتك علشان عيالك ديل بس انتي نسبه الإحترام شكلها عندك عامله صفر،ماما قالت لي شهد انطمي😡قالت لي ي بت انا بلديكي عشان كدة احترمي نفسك وم تدخلي في خصوصياتي،قولته ليها عشان انتي بتلديني المفروض تحترمي نفسك علشان انا اقدر احترمك وشوفي امي دي خطين حمرر فاهمه يعني شنو خطين حمرر؟يعني انتي بس جربي اغلطي وارفعي صوتك عليها تاني وقسما بالله انومك في الشارع✋قالت ليها ي سوسن شوفي دي نهايه تربيتك ودلعك ليها ،قولتي لي تجدعيني وين في الشارع؟الشارع دة كان حقكك انتي وشبهك انتي ومكانك الطبيعي ،كتر خييير اختي اللمتك من جدعان الشارع وربتك ،لكن شايفه ي سوسن شايفه انا مش كلمتك وقولته ليك البت دي تربيتها م بتفيدك بي شي ؟دي اااخرة تربيه عيال الضرات م نافعين بكبرو وبوروكم وشهم التاني ربي الخايبه للجايبه💔✋

يتبع....

#لأنني_أنثى
بقلم: شهد عبد الله

الجزء 09

قالت ليها ي سوسن شوفي دي نهايه تربيتك ودلعك ليها ،قولتي لي تجدعيني وين في الشارع؟الشارع دة كان حقكك انتي وشبهك انتي ومكانك الطبيعي ،كتر خييير اختي اللمتك من جدعان الشارع وربتك ،لكن شايفه ي سوسن شايفه انا مش كلمتك وقولته ليك البت دي تربيتها م بتفيدك بي شي ؟دي اااخرة تربيه عيال الضرات م نافعين بكبرو وبوروكم وشهم التاني ربي الخايبه للجايبه💔✋طبعا انا من الصدمة بقيت اعاين لي امي واعاين ليه خالتي،امي قالت ليها مها اسكتي دي حاجه م بتخصك فاهمه😡قولته ليها دقيقه انتي قصدك شنو انو ماما هي اللمتني وربتني،وقصدك شنو بي تربيه عيال الضرات؟😨😱ماما قالت لي مافي شي مها خالتك دي مجنونه سااي بتتكلم برة راسها تعالي ارح نمشي فووق،قولته ليها لا دقيقه خالتو مها فهميني انتي قصدك شنو بالكلام دة؟خالتو مها قالت لي كلامي واضح م داير شرح ولا شي اسي انتي شايفه في شبه بينك وبين امك ولا اخوانك؟م شايفه فاتن دي بتشبها كيف؟انتي بت ضرتها وعشان م تتجدعي في الشارع سوسن اختي شفقت عليك وربتك ي الرافعه راسك ،،امي ضربتها كف قالت ليها اسكتي الموضوع دة م بخصك فاهمه ولا لأ؟وانا مليون مرة كلمتك م تدخلي بيني وبين اولادي فاهمه😡طبعا في اللحظه ديك م كنت شايفه حاجه ولا سامعه حاجه وراسي دة حسيتو لااافي صرخته بأعلى صوووتي وبعدها م حسيت على روحي،،،صحيت لقيت امي مرقداني في رجليها وفاتن واقفه بتبكي وبتقول ليها هي مالها ماما احكي لي الحصل شنوو بالظبط؟حركته يدي ،فاتن قالت ليها صحت،ماما قالت ليها اجري كلمي ابوك وتعالي،،،شويه كدة بابا جا داخل قال ليهم صحت؟جا قعد جنبي قال لي شهد بتي مالك انتي في شنوو؟قعدته ابكي وابكي ،كل م زول يهبشني منهم بقول ليهم بس م تهبشوني م تهبشوني انا كلمتكم😭فاتن قالت لي شهد انتي مالك؟قولته ليهم انا م بعرفكم،م بعرف زول فيكم،حتى امي طلعت م امي انتو كنتو بتكذبو علي كل السنوات المضت دي ،،بابا عاين لي ماما مخلوع ،وقال لي انتي جنيتي دة كلام شنوو دة ي بت،قولته ليهو انا م مجنونه انا حاليا أنصح واحدة،لميتوني من الشارع ليه؟ليه م كلمتوني الحقيقه من البدايه،😭بابا قال ليها في شنوو ي سوسن دة شنو البتقول فيهو البت دة؟؟امي طبعا كانت بتبكي قالت ليهو اتناقشت مع خالتها مها وخالتها مها حكت ليها....بابا قاطعها وقال ليها ليه م سكتي اختك؟وانا ببكي وبرجف من فووق لي تحت،مدثر قال ليها اصلا اختك دي انا عندي معاها حساب تاني لأنو مواقفها كترت،فاتن مسكتني قالت لي شهد انتي اختي فاهمه انتي اختي البتشاكل معاها دايما بس بحبها شديد،ماما قالت ليها انا ربيتها من عمر يووم البت دي قطعه مني و روحي ونفسي كلوو 😭😭😭😭😭💔قولته ليهم انا عايزة انوووم اطلعو لي من غرفتي لو سمحتو،ماما قالت ليهم اطلعو خلوني معاها انا،قولته ليها حتى انتي م عايزة زول معي في الغرفه،،،بعد م طلعو بقيت ابكي بي حرقه ،قولته لنفسي حتى امي طلعت م امي،حتى امي طلعت م امي طيب في حاجه بتوجع اكتر من كدة😭مدثر مشى غرفه خالتو مها اول م فتح الغرفه قالت ليهو اهلين مدثر،قال ليها بلا اهلين بلا بطيخ عارفه المشكله وين؟انو انتي خالتي،عاين لي عيالها قال ليها لو بتشوفي لعيالك ديل مرة واحدة بس م بتعملي عمايلك دي ياخي حتى المراهقات م بعملوها ،ياخي حتى علاقتي مع صحبي خربتها بسببك انتي عايزة شنو بالظبط؟قال ليها بكرة اولادك ديل يكبرو ويعايروهم بيك عارفه حيقولو ليهم شنو؟امكم بتاعت رجال بترضيها لنفسك انتي؟ي ريت بعدين اولادك م يستصغروك زي م مستصغرك انا حاليا ،م بتقدري تتخيلي الواحد حجمو بكون اصغر من حجم السمسمه كيف لما يعايروهو بي امو💔وطلع مشى خلاها،،،الليل كلو كانت عندي حمه وكنت بتخلع امي فضلت مساااهرة جنبي وبتعمل لي في المكمدات طوول الليل،الصباح صحيت جهزته سريع قبل م يصحى زول وطلعته مشيت،م كنت عارفه روحي ماشه وين بس بعد العرفتو دة البيت بقى بالنسبه لي زي الملجأ م اكتر،،،فضلته طووول اليوم برة البيت،وناس البيت بتصلو علي ،في النهايه قفلته التلفون،ركبته مع بتاع استايركس كان شايل ركاب وبقول المعمورة المعمورة،وقفتو ركبته ،لحدي م وصل اااخر محطه قولته ليهو انت راجع تاني المكان الاسي جيت منو دة؟قال لي اااي ،قولته ليهو طيب رجعني معاك،قال لي نسيتي حاجه ولا شنوو؟قولته لي اااي ،اتحركنا وانا كنت برااي بس في العربيه،فجأة طفى الأنوار وقال لي قفلي الستاير ديل،قولته ليهو لشنوو؟قال لي سااي بس،شويه كدة قال لي عايني انتي شغاله؟قولته ليهو شغاله شنووو م فهتك؟قال لي شغل البنات الياهو داك،لو شغاله ارح معاي بيتي وبكرة الصباح بديك العايزاهو،قولته ليهو شنوو انت مجنون ،الله يخليك وقف لي هنا انت م عندك اخوات انا م شغاله كدة والله😭😭😭😭😭😭وهو سايق العربيه بسرعه،قولته ليهو عاين انت ماشي وين ؟وقفني قولته ليك😭اتزكرته تلفوني طلعتو واتصلته على ماذن ،اول م ردة علي قولته ليهو ماذن اللحقني😭قال لي وين انتي في شنو مالك؟قولته ليهو راكبه مع

بتاع استايركس وهو م عايز يوقف لي العربيه😭قال لي شنوو؟وانتي البخليك تركبي براك شنو بالليل دة ي بت انتي مجنونه وين انتو في اي شارع كلميني؟قولته ليهو م عارفه 😭😭😭😭😭قال لي افتحي الإسبيكر سرعه وقربي التلفون دة من السواق،سرعه،فتحته الاسبيكر ماذن قال ليهو شوووف م بعرفك لكن وقسما بالله اختي دي تهبش شعره منها احسب انو الله م خلقك،ولو تحت الأرض بطلعك انا ياهو كلمتك لو م داير السودان يبقى ليك ضيق نزل البت دي في المكان الانتو فيهو دة،،،ماذن كان من الخوف لمن صوتو منتهي،السواق فجأة وقف العربيه قال لي أنزلي ،بعد م نزلته قال لي قولي لي اخوك انا في شارع البلابل خلي يجي يسوقك وتاني م تطلعي براك انصاص الليالي عشان م تتعرضي لمواقف زي دي فهمتي ي السمحه؟ومشى خلاني ،اتصلته على ماذن ووصفته ليهو،والغريبه بتاع العربيه كان واقف ومراقبني من بعيييد لحدي م جا ماذن وساقني،ماذن قعد يشاكلني وقال لي المطلعك بالليل شنو فهميني انتي م عارفه انو البلد دي م مضمونه واولاد الحرام راقدين😡وناس البيت بهناك راسهم داير يطق م خلو زول م سألو منك وانتي لافه لي في الشوارع ي بت مالك انتي😡قولته ليهو انا م عايزة امشي البيت،قال لي م عايزة تمشي بيتنا؟قولته ليهو اي😭😭قال لي طيب بطلي بكا ارح معي بيتي تمام؟قولته ليهو طيب،لما وصلنا البيت ايات اول م وصلنا حضنتني قالت لي شهووووودة حبيبتي ي سلااام جيتي مع ماذن ليه ي ماذن م كلمتني بالمفاجأة الحلوة دي نووووووورتي حبي😻😘💋قولته ليها النور نورك حبيبتي❤بعد م دخلنا قالت لي أجهز ليك حاجه تاكليها على السريع كدة،قولته ليها لا م عايزة شي والله بس عايزة انووم،قالت لي لييييه يااخي طيب تعالي ادخلي دي الغرفه بجيك اسي ،دخلته الغرفه رقدته ،قعدته اتخيل يعني لو مثلا م كان معي تلفون وماذن م لحقني😭💔وكل مرة الخوف يتملكني 💔الصباح ماذن فتح الغرفه لقاني نايمه قال لي ايات م تصحيها تمام؟قالت ليهو طيب بس هي مالها امس حسيتها م طبيعيه،قال ليها حتى انا م عارف يلا حبيبتي سلام،قالت ليهو باي خلي بالك من نفسك حبيبي💋❤،،ماذن طلع مشى بيتنا ،قال ليهم انتو الحاصل شنوو شهد مالها؟فاتن حكت ليهو بالحصل،بابا قال ليهو اسي هي كويسسه؟قال ليهو خليته نايمه ،ماما قالت ليهو انا بمشي بجيبها وبجي،ماذن قال ليها لالا م تمشي خليها شهد حالتها شويه م تمام وانتو عارفين شهد م بتستحمل اي ضغوطات اسي تطير وتقع وتروح فيها،وبعدين ي امي اختك دي شوفي ليها صرفه رجعيها لراجلها م ممكن ياخ ،البيت دة قبل م تجي هي كان كويس وم فيهو اي مشكله لحدي م جات جاطت الأمور كلها معقوله ياخ؟امي قالت ليهو سمح اطردها يعني؟عندها مشكله مع اهل راجلها وراجلها اجدعها مثلا؟قال ليها ونجدع شهد يعني؟انتو م متخيلين شهد امس حالتها كانت كيف ،انا شخصيا لو اختك دي م مشت من البيت دة م بخليها ترجع😊💔بابا قال ليهو ااي خليها معاك فترة،بالفعل قعدته مع ماذن فترة،ايات كانت ظريفه وطيبانه وكل الوقت بتخلق ليها موضوع،في يوم اثناء م بنتونس قالت لي تتزكري لما اتشاكلتي معاي انا ونور في المشغل😂قولته ليها هههه وقتها رفعتو ضغطي ياخ،قالت لي انتي عارفه دة كلو من نور حالتي كلمتها اقسم بالله خوفتيني خوف للحظه حسيتك حتفلقينا😂👋💔قولته ليها لو كان كترتو كنت حأعملها هههه ههههه هههههه ،قالت لي بالمناسبه ياخي وافقي عرسي قصي اخووي حلفتك اقسم اخوي طيبان ومؤدب😻😂👋قولته ليها قصدك تافه وبتاع بنات صح؟قالت حرام عليك م تظلميهو ماف ولد م بتاع بنات حتى ماذن اخوك دة انا لما عرفتو كان بتاع بنات 😂💔قولته ليها هههههه بس انتو حبيتو بعض وهنا الوضع مختلف انا اخوك دة م بنزل لي من زوري فهتمي؟قالت لي كرفستي مشاعري😥💔بالليل ماذن جاب لي التلفون قال لي هاك؟قولته ليهو منوو؟قال لي اتكلمي بس،شلته التلفون ،كانت المتصله ماما قالت لي شهد بتي كيفك انتي كويسه قطعتي قلبي عليك طمنيني؟سكته مسافه قولته ليها الحمدلله انا كويسه،قالت لي كنت جاياك لكن ماذن م رضى لي شهد م تشتغلي بي كلام خالتك مها نهائي حلفتك انتي بتي انا،انا بس دايرة اقول ليك امي زمان بتقول لينا الأم م هي البتلدي الطفل،الأم الحقيقيه هي البتربيهو❤وانا والله حاولته يعلم الله م حصل بالغلط فرزتك من اخوانك والله انتي غلاوتك عندي أكبر منهم زاتو عليك الله تعالي راجعه البيت والله مسختي علي الدنيا واي شي💔وبقت تبكي وانا ببكي معاها،الصباح صحيت بدري جهزته قولته ليهو ماذن وصلني البيت،قال لي الجن ولا النفسيات،قولته ليهو مالك😂😒ايات قالت لي لااااااا وانا تخليني لمنوووو😭💔قولته ليها معليش ي بيبي بس جات كدة💔بعد م وصلنا البيت اول م جينا داخلين لقينا فاتن طالعه الجامعه اول م شافتني صرخت قالت لي شششششهد 😻حضنتني قالت لي زي المشتاقين ي هبله،قولته ليه م بالأكتر والله،قالت لي حيوانه😂💔ماما اول م شافتني انبسطت شديد قالت والله اسي في بالي قولته اصبح عليك،قولته ليها وانا جيت اقول ليك صباح الخير😊💋فاتن قالت لي شهوودة م وريتك الجا

منوو😻قولته ليها منوو؟قالت لي واااي م بتصدقي تعالي ،ماذن قال ليها معاكم ضيوف؟قالت ليهو احلى ضيف تعالو الهوول وبالمرة نشرب الشاي سوا😻مشينا على الهول ،فاتن قالت ليهو خااالو شوووف جبته ليك منوو😻انا اول م شوفتو رجعته خطوتين لي ورا ومسكته في ماذن،ماذن قال ليهو اوووو الخاال ياخ ماف مفاجأة احلى من كدة زاتو متين الجيه ،بابا قال ليهم نحن زاتنا اتفاجأنا 😂💔ماذن مشى سلم عليهو وانا فضلته واقفه وبرجف دخلته في حاله تانيه طبعا،فاتن قالت لي شهد مالك نسيتي حبك لي خالو معتز ؟الله يرحم ايام كنتي م بتنزلي من حضنو وم بتخليهو يتحرك خطوة وتبكي وتقولي الا ماشه معاهو😂💔بابا قال ليهم شكلها م مصدقه انو جا ،خالي معتز قال لي بتي بتي ي سلااام ياخ وجا ضماني عليهو شديد وبطريقه مقرفه عايز يبوسني لزيتو مني بقوة ،،،هو عمل انو الموضوع عااادي وبقى يضحكك قال ليهم زعلانه مني من زمن جاتني زيارة في السعوديه وانا قولته ليها بنزل معاك السودان وم نزلته خليتها تنزل براها هههه هههه ههه،انا طلعته مشيت غرفتي وقفلتها بالمفتاح وقعدته في الأرض وبقيت ابكي حسيت بالقرف من لمستو لي ،طلعته ملابسي ودخلته الحمام استحميت ،بقيت زي المجنونه اتكلم براي ،ماما جات دقت لي باب الغرفه وانا كنت من الخووف م قادرة اسمع شي،والباب بقى يدق شديد،نزلته فتحتها ليها ،قالت لي شهد ي بت مالك؟هبشت جسمي لقتني محمومه قالت لي انتي الحاصل عليك شنوو فجأة وبتبكي مالك اسي مش كنتي كويسه؟قولته ليها بس بردااانه ماف شي،وانا من شدة م برجف لمن اسناني بتضرب في بعض،قالت لي سمح تعالي غطتني وقفلت المروحه والمكيف قالت لي اسي بجي راجعه،فضلته طوول اليوم متغطيه في سريري،لما جا زمن الغداء ماما قالت لي الا تنزلي تتغدي مع الناس،نزلته لما قعدنا في الغداء خالي معتز يتونس ويضحك حتى خالتو مها كانت قاعدة برضو،فجأة قال لي شهد م ماشه معي السعوديه تاني منار زاتها قالت مشتاقه ليك والله والعيال برضو،طبعا انا اعصابي تلفانه وبالجلاله قاعدة في الكرسي ودموعي دي كل م تجي جاريه امسحها من غير م زول يشوفها،بابا قال ليهو ويين ياخ زولتك كبرت وخلت حركات الشفع ديك وبقت بت جامعه😂😂😂💔عاين لي وضحك ضحكه خبيثه وقال ليهو هي الحلاوة في كبرها دة زاتو اسي بتكون بقت احلى من زمان بمراحل❤على طوول قمته على حيلي وقولته ليهم انا شبعته،ماما قالت لي بسم الله متين اكلتي اسي ي بت؟فاتن قالت ليها ماما شكلها شهد عايزة تعمل دايت وهي اساسا م محتاجاه😂💔خالي معتز قال ليها دايت شنوو ليها كمان جسمها كدة حلو شديد😂💪،اتخيلو بهذا الإسلوب،على طوول طلعته غرفتي وقفلتها كل م اقعد معاهو كنت بقرف من نفسي وبدخل في حاله تانيه،طوول الليل فضلته صاحيه وانا الخوف كان متملكني ،فجأة بب الغرفه دقه،فاتن قالت لي شهد افتحي لي الباب ،فتحتو ليها قالت لي عايزة سماعتك حقت البلوتس اسمع بيها،قولته ليها شوفيها في الدرج،قالت واااي نسيت حله الرز في النار الليله امي بتكتلني م تقفلي الباب دقيقه جايه،نزلت وانا رجعته اتغطيت ونمته من غير م احس،،،جاتني صحيه حسيت بي زول بجرر مني الغطى ،قمته مخلوعه وقعدته في نص السرير ،لقيتو دة خالي معتز قولته ليهو انت الجابك هنا شنووو ؟قال لي اشتقته لي بتي جيت اتونس معاها،بقيت ارجف من فوق لي تحت قولته ليهو انت واحد تافه اطلع من هنا وم تقرب مني اووعى تقرب مني،،قال لي انتي عارفه انا قاطع تزكرة من السعوديه لي هنا عشان اشوفك بقيتي سمحه شديد وم بتتقاومي،قولته ليهو اقسم بالله م تطلع من هنا اصرخ واكلم ليك اهلي،قال لي اهلك منو؟وحتقولي ليهم شنوو؟وتفتكري حيصدقوك لو اتكلمتي؟ليه م عايزة تفهمي انو انا بريدك شديد وم بقدر اعاملك معامله خال لي بت اختو،بقيت ابكي واصرخ قفل لي خشمي ،م بتتخيلو لحظتها انا اتمنيت الموت لأي درجه،عضيتو ولزيتو بس هو مقاومتو كانت اكببر وانا كل م احاول اصرخ يقفل لي خشمي ويتحسس جسمي بي يديهو بطريقهه قوله مقرفه عليها بسيطه،قال لي اصلا جسمك دة حقي انا وماف زول بعرسك لأنو حتى لو قولتي الحقيقه ماف زول بصدقك ،والدليل على كدة علي مش لما حكيتي ليهو الحقيقه خلاك ومشى لي بت عمو؟ماف راجل بقبل ليهو بي مرة هبشها واحد غيرو وم معروف هو منو اساسا ،وم حتقدري تتكلمي وتقولي انا العملته كدة ماف زول بصدقك ،وم حتعرسي برضو عشان م بتقدري تقولي الحقيقه ،عشان كدة انا مطمن وم خايف منك م تتعبي تهددي سااي،في اللحظه ديك حسيت بي ضعفي بجد بس بقيت اقاوم فيهو وابعدو منو بي اقصى قوتي ،لغايه م اتفكيت منو وفتحته الباب وجريت ،نزلته المطبخ لقيتو فاضي وناس البيت كلهم نايمين شلته لي سكين من الدرج قولته الليله لو قرب علي الا أشرحو اقسم بالله،احيانا لحظه الضعف بتتحول لي قوة ودة الحصل معاي ،وفي اللحظه ديك بالفعل لو كان جا قرب مني كنت حأطعنو 😭فضلته قاعدة في الهوول لمن الصباح اصبح انا عيني دي م شافت النوم ،لما جا زمن الشااي نزلته لقيتهم كلهم قاعدين يشربو الشاي وبتونسو وبضحكو،قولته ليهم صباح الخير،بابا قا

ل لي صباح النور،ماما قالت لي مالك ي بت انتي اليومين دي ؟بابا قال لي لو م كويسه اللبسي ارح نعمل ليك فحوصات،قولته ليهم لالا انا كويسه،فاتن قالت لي خمني الضرب اسي منوو؟قولته ليها منوو؟قالت لي عمو يووسف 😻قولته ليهو بابا انا عايزة اقول ليك حاجه مهمه❤قال لي في شنوو خير؟بقيت اعااين لي خالي معتز وانا عيوني محمرة وملانه دموع،وهو قلع عيونو وبقى خايف خوف ،قولته ليهو انا امس بالليل ،قال لي اها ،،قولته ليها امس بالليل اتصلته على قصي وكلمتو انو انا موافقه ،فاتن قالت لي موافقه على شنوو😨بابا قال لي عشان كدة اسي عمك يوسف ضرب لي لكن انتي متأكدة ي بت؟ قولته ليهو ايوة متأكدة وانا موافقه على العرس دة😊....

يتبع.....

#لأنني_أنثى
بقلم: شهد عبد الله

الجزء 10

بابا قال لي عشان كدة اسي عمك يوسف ضرب لي لكن انتي متأكدة ي بت؟ قولته ليهو ايوة متأكدة وانا موافقه على العرس دة😊ماما قالت لي كدة تعالي ي شهد ساقتني وطلعت غرفتها ،قعدت جنبي في السرير قالت لي انا دايرة اتكلم معاك كلام ام مع بتها انتي مالك فيك شنو حاساك م طبيعيه عندي فترة ولما اسألك م بتجاوبي احكي لي لو في حاجه مضايقاك؟سكتته مسااافه فكرته في حبوبه وجدي لو انا قولته الحقيقه الحيحصل شنو؟قولته ليها ماف شي والله،قالت لي الولد دة كنتي رافضاهو وم دايراهو كلمتيني بعضمه لسانك اسي الحصل شنوو؟قولته ليها م حصل شي بس كدة سااي،قالت لي شوفي ي شهد ي بتي الزواج دة قرارمصيري م حتعيشي معاهو يوم او يومين،يعني لو عندك زرة خووف او حاجه داساها خليك صريحه عشان م تورطي نفسك سااي ،قولته ليها ماما ماف شي م تخافي تمام؟قالت طيب الله يهدي سرك ي بتي❤قولته ليها ماما ممكن سؤال؟قالت اها،قولته ليها بالنسبه لي أمي الولدتني و،قاطعتني قالت لي امك الله يرحمها اتوفت في غرفه الولادة بعد م نحن نزلنا من سويسرا بي اسبوعين كانت حالتها صعبه شديد في فترة الحمل واول م ولدتك ماتت،دموعي جات جاريه،قولته ليها طيب انتي كنتي عارفه انو بابا متزوج عليك؟قالت لي ايوة هو اتزوجها عندو فترة كان نزل فيها السودان هنا وهي زميلتو في المهنه يعني دكتورة،بس ابوك م كان عايز يجيب منها اطفال انتي فاهماني صح؟قولته ليها ايوة،قالت لي المهم حصلت بينهم مشاااكل هو رجع سويسرا وخلاها هنا في السودان وم كان عارف بموضوع حملها اساسا الا قريب للولادة بعدها عرف وبعدها حصل الحصل وانتي زاتك تعبتي شديد راقدين بيك المستشفى شهر كامل ،،،قولته ليها طيب ،واسفه اذا ضايقتك بالموضوع❤قالت لي ابدا حبيبتي حتى انا كان المفروض احكي ليك الموضوع من زمان من غير انانيه،قولته ليها حتى لو م كلمتيني علشان انانيه منك بس انانيه الأم حلوووة ❤بعد اسبووع من اليوم دة جو اهل قصي في البيت جابو قوله الخير والكلام دة قالو بعد م العرسان يحددو وقتهم نحن بنبدأ نجهز للعرس،في نفس الوقت بعد م رجعو إتصلته على قصي ،قال لي خييير مالك؟قولته ليهو انا م عايزة عرس وضجه والكلام الكتير دة،قال لي اها وبعدين؟قولته ليهو ممكن عقد في الجامع والموضوع ينتهي على كدة؟قال لي انتي جادة؟عارفه دة عرس منو؟قولته ليهو انا م عارفه وم بفرق معي شي،قال لي م اي شي عايزاه انتي يبقى على كيفك فهمتي؟قولته ليهو شوووف نحن الإتنين م طايقين بعض والعرس دة كلوو عبارة عن قصه خياليه بس في الواقع كدة انت عندك اسبابك المخلياك تتزوجني وانا نفس الشي ممكن نختصر الموضوع ؟قال لي بالضبط كدة حتى انا كنت منتظر الخطوة دي منك طيب طالما نحن متفقين على الحاجه دي ممكن نعمل العرس بعد اسبوعين بدون تجهيزات ولا اي شي؟قولته ليهو انا لو عملتو بكرة م بفرق معاي في النهايه م بعني لي شي،قال لي طيب يلا سلام ،قفلته الخط وجدعته التلفون،اليوم التاني في الجامعه اسيل واريج وربى قاعدين يتكلمو معي،اريج قالت لي شهد لقيتك تافه بشككل يعني اسي دردقتي الولد لمن خليتيهو يعرسك 😳اسيييل قالت ليها عااادنحن الخفاف اللفاف فلانهه تقلت كدة لمن خلتو يركز معاها😭روبي قالت ليهم ندمني على اللحظه القولته ليهو فيها ضيفني عندك لانو م برد على مسجاتي،اريج قالت لي هييي سرحانه وين انتي؟ روبي قالت ليها خليها يمكن بتفكر في فلان😪😕اسيل قاات ليهم المهم في الموضوع دة كلوو انو اخييرا واحدة فينا بورتها اتفكت وحيكون في عرس وضجهه وجكشفهه كدة ي يمهه 😻😻روبي قالت ليها والأحلى عاد ي يمه نحن شباين العروس متخيلين معاي لما نجي داخلين الصاله كدة ورا العروس ونكون ملفتين للنظر واااي يااخ اتحمسته من اسي شهد حددتو العرس متين ولا لسسه عشان نبدأ نظبط نفسنا ونختار القصات ،قولته ليهم م حيكون في عرس وجوطه عقد بس😊اريج قالت لي هعهعهعهعهع شوفو فلانه دي بتقول في شنو،قولته ليهم جادة معاكم والله،اسيل قالت لي كيف يعني جادة القال كدة منوو؟قولته ليها انا وهو اتفقنا على كدة 😊روبي قالت لي انتي وهو منو؟طيب الناس الحتحضر عرسكم زنبها شنو تنفسن وتكتئب كأنو مطلعين جنازة م عرسان؟اريج قالت ليهم انا غايتو خشمي عندي لأنو عارفه إذا اتكلمته حأفلت وحأكرفس الوسخهه دي😡💔قولته ليهم ياااخي انا متمنيه مرررة واحدة بس تفهموني مرة واحدة احكي ليكم حاجه تشوفوها من وجه نظري،اريج قالت لي انتي عندك نظر يعني؟قولته ليها فعلا م عندي نظر لو عندي م كنت صاحبتكم يلا سلام،شلته شنطتي واتحركته منهم،اسيل قالت لي شهد ماشه وين؟م رديت عليها،روبي قالت ليهم زعلت يعني؟اريج قالت ليهم خلوها تطق دي منفسنه سااي نرفزتني يااخي بت م بتعرف طعم الفرحه نهاائي نكديه بشكل م طبيعي،،اسيل قالت ليها بس واضح انو عندها اسبابها ونحن كمان يوم لينا ويوم علينا ولا شنووو؟؟

في الجانب التاني قصي كان قاعد مع اهلو وبقول ليهم:انا ي جماعه كلمتكم م عايز اعمل عرس وجوطه وبرنامج بس عقد في الجامع وخلاص و

لو عايزين تعملو كرامه دي حاجه بترجع ليكم،امو قالت ليهو هييي ي ولدي لكن كيفن كلامك دة؟طيب ناسنا وحبانا نقول ليهم شنو؟قال ليها امي دي م اول عرسه هنا في البيت دة تمام؟عمر اخووي الله يرحمه عرس قبل كدة ومن مات م تم سنه ،انا م اعترضته على الحفلات في عرس ايات لأنو كان من حقها تفرح بس اسي الوضع مختلف انا م عايز عرس والضجه البعملوها الناس دي تمام؟بس عقد وخلاص،فجأة جا طفل جااري قال ليهو عموووو،قصي قال ليهو اووو ميدو حبيب عمو تعال كدة وشالو في حضنو قال ليهو وين كنت انت؟قال ليهو ماما كانت حابساني فوق بلعب في البليستيشن،قال ليها طيب ي بعدين نطلع مشوار انا وانت تمام؟قال ليهو ويييين؟قصي ضحك قال ليهو وين دي خليها بنعرفها انا وانت😂💔ابو قصي قال ليهو طالما دة رأيك خلاص الله يقدم الفيهو الخير ي ولدي ❤إيمان قالت ليعو لكن ي قصي كيف يعني عايز تعمل لينا العرس سليقه سااي كدة ؟قال ليها قبل فترة حضرتو حفله ايات خلاص كفايه عليكم كدة،،،،

انا رجعته البيت لقيت امي وفاتن ومعاهم خالتو مها قاعدين مع بعض ،خالتو مها قالت ليهم والله دة عرس رخصه سااي منهم اول م شافوني سكتو امي نادتني قالت لي تعالي هنا ي شهد كدة،قولته ليهم مساء الخيير❤قالت لي مساء النور انتي ي بت مجنونه؟قولته ليها ليه مالي؟قالت لي كيف يعني م دايرة تعملي مناسبه ومعازيم كدة دة جن منك بس،قولته ليها ماما والله جات كدة م عارفه بس انا م عايزة لا عزومه لا زفاف لا جوطه عقد بس وخلاص،فاتن قالت لي شهد انتي م جادة صح؟طيب اذا حابه ازكرك الفستان الصممتيهو في الدفتر حقك وقولتي لي دة حأصممو في عرسي وافكارك المتخلفه ديك كلها مشت وين؟مش كنتي بتقولي لي دايرة عرسي يكون وااااو و مميز؟قولته ليها ياهو التميز زاتو يلا هههه،قالت لي م بسموهو تميييز دة الناس بتسميهو عرس رخصصصهه سااي فهمتي؟قولته ليها هههه ونفس الناس دي لو عرسته عرس بهرجه وعملته فيهو البدع حيقولو مبزرة وعملت كدة نظام شوفوني بس،طيب طالما في الحالتين حينتقدوني وم حيريحوني ليه اركز مع الناس؟انا مقتنعه عايزة عرسي يكون كدة م عايزة اعمل عرس كبيير ابسط بيهو الناس المهم عرسي يبسطني انا لانو في الأول والأخير هو عرسي انا وانا الحأعيش الحياة دي م الناس علشان كدة انا م مركزة مع حد ،،،على العموم انا مرهقه حأطلع ارتاح تمام؟يلا سلام ،بعد م طلعته سامعه خالتو مها قالت ليهم والله صحي الرخيص بي رخصتو،فاتن قالت ليهم بجد ي جماعه شهد دي م طبيعيه انا شايفه افضل لو قابلت ليها اخصائي امراض نفسيه حيكون افضل ليها،ماما قالت ليها قصدك مجنونه يعني؟فاتن قالت ليها لا م قصدي كدة م اي زول بمشي للدكتور النفسي معناها مجنون،احيانا بتكون في تراكمات وحجات م ينفع نحكيها للناس البنعرفهم ولا حتى الناس القريبين مننا وحتى لو حكينا ليهم م حيفهمونا لكن الطبيب النفسي من خلال تصرفاتك وطريقه كلامك حيفهمك فهمتي قصدي؟؟ماما فضلت طوول الليل مساهرة منتظرة بابا لحدي م جا ،قالت ليهو تعال ي عبدالله شوف بتك شطبت راسي كيفن،قال ليها خييير في شنوو تاني كمان؟قالت ليهو قالت م دايرة عرس كامل بس عقد وخلاص م دايرة اااي شي،قال ليها اها وانا اعمل ليها شنو يعني؟قالت ليهو تعمل ليها شنو كيف اتكلم معاها ،قال ليها الموضوع دة بين البت وخطيبها نحن م عندنا صلاحيه نتدخل فيهم،هم احرار وبعدين انا يوسف ضرب لي وكلمني قال لي قصي دة قال اخوهو من مات م تم سنه عشان كدة هو رافض فكرة الحفلات والعزومه والكلام دة ،يعني عندو اسبابو ،قالت ليهو يعني لو هو م عمل حفله في عرسو اخو دة حيطلع من القبر؟قال ليها ي سوسن ياخي معقوله انتي البتقولي الكلام دة؟انتي اكبر من كدة ياخ،،قالت ليهو اها اعمل شنوو؟قال ليها اديهم البيضاء بس وانشاءالله كل شي يكون تمام وم تتكلمي في الموضوع دة تاني طالما البت موافقه على كدة❤قالت ليهو سمح سكتته غايتو انتو لو م شليتوني يوم بالقهرر ماف زول بشلني تاني✋💔ضحك قال ليها ااشلل القهري دة شكلو تخصص جديد في الطب ولازمو دراسه😂💔قالت ليهو خلاص لكن بتي بعمل ليها جرتق وبلبسها زيها زي اي بت بتلبس في جرتقها وماف زول يقول لي لا انا فهمتكم✋قال ليها والله انا م تدخلوني في مواضيعكم دي انتو حرين،،،في الوقت داك كان خالي معتز رجع السعوديه وهو م متوقع انو العرس حيكون على طوول كدة حياخد فترة كم شهرر كان مطمن من الناحيه دي،،،عهد اختي م كانت بتقدر تجي علشان اولادها شغالين مدارس وكدة ،خالي معتز امي كلمتو قبل العرس بيومين ،قالت ليهو ماف داعي تجي لأنو م عاملين برنامج ولا اي شي عقد بس،انفعل وقال ليها ليه م كلمتوني من بدري و....المهم بعد م قفل منها اتصل علي ،انا عرفته الرقم سعودي حظرتو مكالمات،بقى يرسل لي في الواتساب ،كلام كلو كعب وم بيتقري وماف زول طبيعي بقول كلام زي دة،حظرتو من اااي شي م خليت ليهو مجال يتواصل بيهو معاي،يوم العقد كان يوم الجمعه ،طبعا انا كأني م عروس ايوة نعم متحننه ومتدخنه بس م فيني احساس الفرحه والتفاؤل وكدة بس زوله وعايزة تعرس،وأه

لنا والجيران يشيلو ويغنو ويزغردو والدلوكه صوتها فوووق💔قاعدة مع اسيل واريج وربى في الغرفه كدة سمعنا الناس بتزغرد ،جات فاتن قالت لي عقدو وبقت تزغرد ومسكتني وقعدت تبكي،انا تلقائيا لقيت نفسي ببكي بي حرقه،يمكن كنت ببكي من حظي ،علشان م جاني احساس اني عروس زي زي اي بت عرست،واسيل وروبي واريج كلهم بقو يبكو،فجأة الغرفه اتقلب بيت عزاء،م عارفه بس كنت حاسه نفسي داخله في علاقه غلط،حتى ولو شرعيه اساسا كان غلط،وم كنت عارفه حتمشي على وين بالظبط،بس كنت محبطه شديد من ناحيتها وم شايفه ليها ضو ابدا،اثناء م هم ببكو كدة حبوبه جات داخله قالت ليهم اسكتن ي قليلات ادب البيبكيكن شنوو عرس وعرست تاني شنو يلا اسكتن وانشاءالله سعدتكن جااي م تهمن سااي م بتبورن😂💔بعد م طلعو جو ماذن ومدثر ومجتبى مسكتهم وقعدته ابكي ،مدثر قال لي عايني بكرة حأرحل غرفتك ي سلام ياخ دة ااهم م في الموضوع بس حأفقدك في موضوع المكوة والغسيل😻😂قولته ليهو سججججم دة😂👊😭💔المغرب جو أهل قصي ،امي قالت ليهم الإ نعمل الجرتك بعداك تسوقوها ،لما جهزوني للجرتق وطلعته طبعا عيني م رفعتها بس منزلاها في الأرض وببكي،بعد م عملو لينا الجرتق قرو لينا يس ،،،اگكتر شي وجع قلبي وقهرني لما شوفته بابا ببكي،ياااخي إحساسي م كان بتوصف بجد💔بعد م طلعنا ايات قالت لي مرت اخوووي اخييييرا😻😂💔سكته م رديت عليها،قالت ليهوو قصي لا فرحتنا بي عرس ولا بغيرو طيب على الأقل كان تسفرها شهر العسل جزر المالديف ياخ 😂💔ايمان قالت ليها هو اتكلم قال الفترة دي م بقدر ماف داعي تطوري المواضيع😒💔قصي قال ليهم يلا ي جماعه سلام ،،،بعد م اتحركنا ومشينا نص المسافه قصي جاتو مكالمه ،قال:طيب تمام راجعين اسي،بعد م قفل قال لي انتي عقلك دة وين ناسيه شنطتك مالك😡بي زهج ونهرة كدة،قولته ليهو م تتنرفز وتتزهج تمام ؟ايوة بدون عقل وصلت كدة؟لفه العربيه وبقى سايق بأقصى سرعتو لما وصلنا اتصل على فاتن قال ليها نحن برة،ونزل من العربيه،عايزة انزل قال لي خليك محلك م تنزلي،نزل شال الشنطه،نزلته القزاز فاتن رفعت لي يدها ،واتحركنا،،،طول الطريق هو ساكت وانا ساكته لغايه م وصلنا البيت،قال لي انزلي وصلنا،دخلنا البيت كان كبير وبخوف ومضلم ،ولع الأنوار وطلع فووق،فضلته انا قاعدة ومنتظراهو تحت عشان ينزل ويجيب لي شنطتي بس م نزل،طلعته وراهو كان في تلاته غرف،،في واحدة كانت فاتحه،فتحته الباب لقيتو راقد ،اتخيلو باارد كيف؟قولته ليهو لو سمحته ،،هيييي انت ،رفع راسو قال لي نعم؟قولته ليهو شنطتي في العربيه م نزلتها لي،،قال لي بنزلها ليك بكرة الصباح ،قولته ليهو كيف يعني تنزلها لي بكرة الصباح وانا محتاجه ليها اسي؟اللبس شنو يعني؟قال لي نومي باللابساهم ديل وم تكتري معي الكلام بالله لانو م عندي ليك اخلاق اتناقش معاك😊✋قولته ليهو احساس انو انا العندي اخلاق وكدة المهم انا م بقدر انوم بالملابس دي انزل امشي جيب لي شنطتي ،م اتكلم معاي عمل روحو م سامع،حيوان خلاص😡نزلته تحت وانا بشتم فيهو ،وصلته باب المدخل وفتحتو برااااحه لقيت الدنيا كلها ضلام قفلته الباب ورجعته عااد البيت مخيف لدرجه😭💔طلعته فوق لقيتو طالع من الحمام قولته ليهو عاين انا م بقدر انوم كدة وم بنوم لو م جبته لي شنطتي،،،قال لي طيب خليك واقفه كدة للصباح اوكي؟ 😊

يتبع.....

#لأنني_أنثى
بقلم: شهد عبد الله

الجزء 11

طلعته فوق لقيتو طالع من الحمام قولته ليهو عاين انا م بقدر انوم كدة وم بنوم لو م جبته لي شنطتي،،،قال لي طيب خليك واقفه كدة للصباح اوكي؟ 😊قولته ليهو يعني فوق م انو انت م بتنطاق كمان فيك سخافه،م ممكن تكون لا خلقه لا اخلاق كدة انت طينتك شنو اصلا م بني بشششر ياخي😡جا مسكني من يدي قال لي انتي عايزة تغيري صاح؟طيب انا عندي ملابس هنا تعال اغير ليك انا بنفسي وعايز يقفل الباب،قولته ليهو شنوو؟انت واحد متخلف يلا فكني ولزيتو،قال لي عايني عشان م تتعرضي لمواقف زي دي حاولي خلي مسافه بيني وبينك اوك؟طووول م انتي بعيدة م حأقرب منك بس م اي تصرف غلط منك او محاوله لنرفزتي اتوقعي مني اعمل فيك اي شي عشان اكون واضح معاك من البدايه فهمتي؟قولته ليهو دي تفاهتك بتخليك تعمل كدة صح؟عايز يلز الباب ويجرني قولته ليهو خلاص خلاص واتفكيت وطلعته جريت دخلته الغرفه التانيه وقفلتها علي، حسيت نفسي لمن ضاق، وبقيت اقول لنفسي دة واحد حيوان الله يقطع سنين الرجال واليوم الإتولدو فيهو علشان يكونو عبارة عن وجع بس 😭💔رقدته في السرير بي ملابسي حقت الجرتق واتغطيت بالتوب والله الليل كلو بتقلب دخل فيني خوفه غريبه😭😂💔الصباح صحيت ،حالتي كانت تحنن واصلا انا م قدرته انوميمكن علشان البيت جديد وغرفه جديدة والوضع والعيشه مختلفهه😥💔😷لبسته توبي ونزلته عشان اجيب شنطتي لأنو فيها كل إحتياجاتي م ممكن انتظر الثقيل دة لمن يصحى ويزلني عشان يجيبها لي،لما وصلته الهول لقيتو جاي داخل بتكلم بالتلفون وشايلها في يدو،وقفته ولفيت منو وشي،بعد م خلص مكالمه قال لي دي شنطتي الساهرتي بينا بسببها😊قولته ليهو قصدك اللي حاولته تتراجف علي بسببها؟؟قال لي اعملي الفطور😊قولته ليهو نعم نعم؟منو دي الحتعمل فطور ولمنو؟ابشررك انا لو عملته فطور حيكون لنفسي وبس والحمدلله انا بطني طامه من خلقتك دي علشان كدة م عايزة فطوور،جامي بإتجاهي من غير م يفتح خشمو بس ملامح وشو م كانت بتبشر بالخييير ابدا والله اول م شوفتو جريت من غير اااي مقدمات لقيت نفسي في غرفتي وصلتها كيف واتخطيت السلالم دي كلها كيف زاتي م عارفه 😭😭😭😭😭💔وهو تحت عايز يموت من الضحكك😂😂😂😂😂😂😂😂💔قال لنفسو دي شنو الهبلهه دي؟😂💔انا في الغرفه بقيت اقول:والله م بقعد معاهو دة حيشلني ولو م شلاني حأتكسر بسببو ،انا حأتصل على ماما تجي تسوقني منو م بقدر للحاله المعيشني فيها دي😭😭😭💔شلته تلفوني اتصلته على امي ،،،ردت علي بي خلعه قالت لي ي بت شهد مالك انتي كويسه😳قولته ليها ماما تعالي سوقيني من الحيوان دة😭طبعا امي بقت ساكته م ردت علي ابدا،قولته ليها انا حتى شنطتي م مخليني اشيلها علشان اغير ملابسي😭💔👊ماما بعد مساااافهه قالت لي احم احم ي بت هوووي عندي حله في النار برجع ليك بعدين يلا مع السلامه في امان الله وقفلت الخط،😥💔قولته ي ربي امي مالها اسي انا قولته ليها شي غلط😥💔كدة دقيقه افتح الشبكه ارسل للرمم ديل يمكن ينقزوني😭رسلته ليهم قولته ليهم:زفتونات😭تعالو هنا اللحقوني انا خلاص اعصابي تلفت،اسيييييل،رووووووجهه حبيبيتي،روووبي ،انتو سامعني🔊🔊🔊🔊🔊🔊🔊🎤اريج رسلت لي بسم الله الرحمن الرحيم في شنوو ي هنايه انتي مش امس كنتي عروس😳😱قولته ليها رووجه حبيبتي اقرب عربيه جنبك تعالي حصليني بيها 😭💔قالت لي ليييه ي بت مالكك؟قولته ليها تعالي اقعدي معي احرسيني الحيوان دة متحيووون بجد😥💔قالت لي شششششششهههههههههد😂😂😂😂😂😂😂😂😂😂💔روووبي جات داخله قالت ليها واااااااااااي ي ارييييج اقسم بالله من شدة م ضحكته لمن رميت تلفوني وكسرته شاشتو😂😂😂😂😂😂😂😂😂😂😂😂😂😂😂😂😂😂😂😂😂💔اريييج قالت ليها رووبي حبيبتي معليييش دي نهااايه عرس الشفع حسبي الله اسي كان عرسنا نحن مالو😂😂😂😂😂😂😂😂😂😂😂😂😂😂😂😂💔قولته ليهم بنات انا جادة معاكم تعالو زوروني والله بعمل ليكم كيك وشاااي وبظبط ليكم القعدة وي روبي بعمل ليك شعرك كيرلي زي حقي الزمان داك بس تعالو😭اريج قالت لي بمناسبه الكيرلي دقيقه اتصل على اسيل تجي تشوف المهزله دي حييييييييي ي قلبي اصلي م بحرمها من حاجه 😂😂😂😂😂😂😂😂😂😂💔قولته ليهم انتو ليه سخيفات كدة اسي انتو بتضحكو على شنو يعني😥💔رووبي قالت لي وكمان بتسألي؟😂😂😂😂😂😂😂✋️قولته ليهم اسي ماما سفهتني حلفتكم م تعملو زيها😭💔اريج قالت لي وكمان اتصلتي كلمتي امكك ي شهد😳😱روبي قالت ليها وااااااااااااي ي اريج لا كدة اوووووووووووووڤر شديييد البت دي متخلفهه😭😂😂😂😂😂😂😂😂😂😂😂😂😂😂😂😂اريج قالت لي شهد شهد ياااخي يغسي على المسافات المنعتني اشووفك واتووف في وشكك واديك كف يجيب ليك شلل رعاشي ي بت انتي متخلفه؟ولا بتتهابلي ؟شويه كدة حاساك حتقولي لي اتصلته على ابوووي وماذن وباقي اعلك كمان😡 قولته ليهم انت. بنات متخلفات غلطانه انا البتكلم معاكم يلا دقيقه احظركم😡😭💔👊

قفلته منهم،اريج قالت ليها شهد دي طفله ي روبي فهمتي يعني شنو طفله؟يعني مهما حاولنا نفهمها ونشرح ليها حتفرسنا وحتهرد فشفاشنا وكبدنا كمان😪روبي قالت ليها حسبي الله بس اللله يسعدها موتتني ضحكك😂👐انا بقيت اتكلم مع نفسي واقول:يعني اسي هم لو م بنات متخلفات فيها شنو لو جو ؟بس يلا انا اساسا م فاضيه ليهم ،بس انا حأنزل اجيب شنطه ملابسي كيف والحيوان دة قاعد كدة😥💔فضلته حابسه نفسي لغايه م الساعهه 2جات طلعته براااحه ،البيت اصلا م فيييهو صوووت ،نزلته برااحه لغايه م وصلته تحت م سامعه ليهو لا حس شكلو طلع من البيت لقيت الشنطه قاعدة في محلها حتى م حاول يطلعها لي فوق😪💔شلتها وبقيت اجرر فيها لغايه م وصلتها غرفتي لكن على بال م اوصلها انا حيلي إتهد ويدي دي حسيتها اتكسرت 😭💔بعد م استحميت وغيرته ملابسي طلعته مشيت المطبخ،م لقيت شي بياكلوهو ولاااا حتى رغيف ناااشف ساااي ماف تخيلو؟وطلع مشى خلاني على الحاله دي؟بقيت اقول لنفسي اسي دة يقولو عليهو شنوو؟انا امس غداء م اتغديت واسي جعانه اقول ي منووو بس الراجل دة حيموتني ضحى😭💔فضلته قاااعدة غلبتني القومه والقعدة،والمشكله شي عشان يسوهو في البيت ويتأكل ساااي ماف😭😥💔👊قولته والله م اتصل عليهو عشان اقول ليهو جعانه اصل دة العايزو هو😥👊💔شغلته التلفزيون وقعدته،شويه كدة حسيت الباب فتح،بقيت اتااااوق برااحه فجأة اشوفو جاي داخل وشايل أكياس في يدو،عملته روحي م شايفاهو عاد نهاااائي مع اني مركززة مع الأكياس الشايلها😂😥💔،جا على طووول دااخل مشى المطبخ وكان في سجارة في خشمو،تاني طلع مشى جاب اكياس ودخلهم المطبخ ،بعد م خلص نقل جا ماري بي جنبي وقعد يكح،حتى م قال لي امشي أكلي ولا ااي شي بس سكت وطلع فووق،انا من جوووعي الفيني م كنت قادرة اسيطر على نفسي قمته على طوول دخلته المطبخ قولته اشووف لي حاجه اكلها سريع سريع قبل م يجي نازل 😂😷فتشته الأكياس شلته لي جبنه مضفرة وبقيت اكل فيها،قولته المتخلف دة من الصباح مالو م جاب لينا شي ناكلو فاكر نفسو عايش براهو يعني؟فتحته التلاجه ي سلاااااام ياااخ جايب كرتونه جلكسي وعلبه نوتيلا وغباشه كابو ،اي نعم بالرقم من انو متخلف وااااي شي بس طلع عندو زرة احساس،💔فتحته علبه الزيتون طلعته منها زيتون في صحن وختيتو على جنب،شلته لي خمسه شوكلاتات في يدي والسادسه باكل فيها،بعد م خلصتها شلته ملعقه وفتحته علبه النوتيلا وبقيت خالفه رجلي ومتكيه جنب البوتجاز وباكل فيها اصلا طعمها م بتقاوم ولا دة جوووع ال24ساعه الجوعتهم م عارفه😂قفلتها عايزة ارجعها التلاجهه لقيت قصي واقف وخالف رجلو وبعاين لي طبعا حسبي الله من دي لحظه ومن دة موقف😳😱😨😭💔طبعا م عرفته اقول ليهو شي😭فتحته التلاجه برااحه دخلته العلبه ،طبعا هو بعاين لي من فوق لي تحت وماسكه الشوكلاته في يدي وحالتي حاله😥💔قولته ليهو جيت اشرب مويه واجهز شي يتأكل😥💔قال لي واضح انك بتجهزي في شي يتأكل اها خلصتي ولا لسسه؟😊قولته ليهو بي حييل ميت شكلك أكلته برة عشان كدة م حأعمل ااي أكل يلا😪قال لي وانتي م عايزة تاكلي؟قولته ليهو لا وم عندي نفس أكل😊قال لي واضح جدا انو م عندك نفس ههه😊عايزة اطلع كدة مسكني قال لي م تنسي صحن الزيتون حقكك بما انك شايله الشوكلاته في يدك شيلي معاك صحن الزيتون والجبنه لازم تاكلي الشوكلاته والزيتون والجبنه في نفس الوقت شكلك مهبطه وجسمك محتاج للنوع دة من الجلكوز😊💔...

يتبع......

#لأنني_أنثى
بقلم: شهد عبد الله

الجزء 12

عايزة اطلع كدة مسكني قال لي م تنسي صحن الزيتون حقكك بما انك شايله الشوكلاته في يدك شيلي معاك صحن الزيتون والجبنه لازم تاكلي الشوكلاته والزيتون والجبنه في نفس الوقت شكلك مهبطه وجسمك محتاج للنوع دة من الجلكوز😊💔في اللحظه دي انا دموعي مسكتها بالعافيه موقف زباالهه صراحهه😭💔وطبعا حالفه م اخلي الشوكلاته😂💔قولته ليهو انا اساسا مجهزاهم ليك انت فلوو م عايزهم دخلهم التلاجه 😪ابتسم وقال لي ي شييييخههه؟قولته ليهو والله ولو م مصدق مشكلتك بس 😷😥اتفكيت منو وطلعته جريت غرفتي وقفلتها وبقيت اقول واااااي من دة موقف حسبي الله بس😭😭😭😭💔طبعا وشي في وشو م بتلاقو الا بالصدفه بس،عدينا تلاته اسابيع في الحاله دي وانا كنت طووول اليوووم بكون برااي وهو بطلع طوالي وبقضي الليل كلوو برة وبرجع نص الليل،بعد التلاته اسابيع دي في يوم جا دق لي باب الغرفه قال لي شهد ،فتحته ليهو قولته ليهو خيير؟قال لي بعدين المساء جهزي نفسك عشان نمشي اهلي،قولته ليهو لا انا عايزة امشي اهلي أول😊قال لي طيب نمشي لي أهلي وأوديك اهلك كدة تمام؟قولته ليهو طييب،عااااد انا كنت عايزة اطيييييير من الفرحهه اخييييييرا حأرجع بيتنا واتصرف بصورة طبيعيه بدل الحبسه والنكد الأنا فيهو دة😻انتظرته المساء دة بفاأارق الصبر جهزته شنطتي ولميت حجات كلهم م خليت شي وراي ،لما جا المساء لقاني منتظراهو في الهوول تحت،لااابسه ومظبطه نفسي ،عاين لي وطلع فوووق غييير ملابسو وجا نازل كان بتكلم بالتلفون وبقول:متين الكلام دة ؟لا يااااخ،طيب انا جاااي اسي يلا سلام،قال لي طلع لي موضوع ضروري م بنقدر نمشي بيت ناس امك قولته ليهو كيف يعني م حنقدر نمشي؟طالما انت م عايز تمشي وعندك مشاوير مخليني انتظرك ليه؟قال لي طيب ارح معااي لانو،قاطعتو قولته ليهو شووووف م تقول لي ارح معاي ولا زفت ماف داعي تكزب علي انا جهزته نفسي وم برجع تمام؟انت امشي مشوارك وانا بمشي اهلي بس حاول بطل الكزب الفيك دة لو سمحته😡💔قال لي ياااخي حررة مع نفسكك وطلع مشى،ياخي حيوان بصورة م طبيعيه دة شنوو دة،مشيت نزلته شنطي من فووق وطلعته الشارع بقيت اتلفت ماف زول في ااشارع والحي كأنو م ساكننو ناس،لقيت قاعدين برة حديقه بيتهم عمر 15سنه كدة،قولته ليهم ازيكم ي حلوين،قالو لي تمام الحمدلله،قولته ليهم عايزة لي امجاد او تكسي ممكن تجيبوهم لي من الظلط علشان م بقدر امشي بالشنط دي؟قالو لي حاااضر😻مشو وقفو قريب نص ساعه بعدها جابو لي امجاد ،وصلته بيتنا اول م دخلته فتحت لي الشغاله بقيت اصرررخ ليهم ماااامااااا انا جيييييييت😻الشغاله قالت لي ماما دي في غرفتها،طلعته مستعجله فتحته باب غرفتها قولته ليها ماماااااا حبيبتي😻قالت لي شههههد جيتي متين؟جريت حضنتها قولته ليها مشتاقاااك انا اقسم بالله😭قالت لي ي قلب ماما انتي وانا كمان اشتقته ليك كيفك انشاءالله كويسه؟قولته ليها اسي بعد م شوفتك بقيت كويسهه❤️قالت لي راجلك خليتي تحت؟هزيت ليها راسي بمعنى(لا)قالت لي وين م جا معاك؟قولته ليها لالا جيت براااي💔قالت لي جيتي براك كيف م وصلك هو؟قولته ليها لالا،،،بنتكلم كدة جات الشغاله قالت لي شنطك ديل اوديهم ليك وين؟؟قولته ليها في غرفتي مش فاضيه؟😻💋ماما بقت تعاين لي بإستغراب قالت لي جيتي بشنطك ليه؟قولته ليها قصي قال لي كدة،قالت لي قصي قال ليك امشي بشنطك حقت العرس كلها؟قولته ليها لالا هو قال لي نمشي نسلم على اهلو اول وبعدها يوصلني هنا بس بعدين اتعولق وطلع خلاني فاكرني بنتظرو😪ماما قالت لي يعني جيتي من غير م تكلميهو صح؟قولته ليها لالا هو عارف،جات فاتن داخله قالت لي شهه8ههههههههههههههد ورررررربي مشتاقين ي العروس ال 24ساعه اونلاين قي السوشيال ميديا😻😻😻😻😻😂😂😂😂قولته ليها فوووفه حبيبتي وااااي م بتلحقيني مشتاقاااك جنس شووق وحضنتها ،،قالت لي اشييي على العروس البقت تشتاقني عااادي ي حظي بالشوق دة😻😻😻😻😻😻😂قولته ليها حيوانه😂💔قالت لي انتي عرستي ولسسسه م خليتي الريحه الاسمها Pinkدي ي بت وين ارياح العروس الفااايحهه 😂قولته ليها بلا ياخدك يلا 😂😂😂😂😂😂😂💔ماما قالت ليها فاتن م بتجيبي حاجه لأختك دي تشربها برري منك انتي دي دقيقه اسي بجي راجعه وطلعت،فاتن قالت ليها انا زاتي عندي طلعه ماشه اكوي شعري دة شهد الله جابك تكوي لي 😻قولته ليها ابيييييييت يلا😂قالت لي ابيييت دي علمك ليها قصي هههه ههه هههه😂قولته ليها نننننننننننننننننن😒✋️قالت لي خلاص خلاص ماشه اجيب مكوتي وجايه،قولته ليها طيب تعالي لي في غرفتي،مشيت غرفتي غيرته ملابسي،بعدها جات قالت لي انتي جايبه الشنط كلها مالك ي فلانه😳قولته ليها ماف شي سااي😂💔قالت لي اتلومتي قصي م شافك؟قولته ليها بطلي كلام كتير وتعالي اقعدي اكوي ليك،وبعدين انتي ماشه وين لو سألتك؟قالت لي ماشه وين دي خليها ساااي ماشه اشوف البوي فريند بتاعي😌قولته ليها تااني بويفريند تاني؟كدة بقو كم بيني وبينك كدة؟😂قالت لي م بتحسبو وبعدين انا حاليا بغربل فيهم😂😻قولته ليها فاتن مجتبى لو قبضك حيعلقك من لسانك،قالت

لي الاسبوع الفات قبضني في النادي بس انا هينه ليك والله طلعته منها زي الشعرة من العجينه😻😂😂😂😂قولته ليها واااااااااااي انتي م نصيحهه غايتو لو قبضك بالثابته يومك اسوود،قالت لي م تخافي ي بيبي اختك خبررة في الحجات دي😌😂💔👋بعد م خلصنا نزلنا تحت لقيت مدثر ي دووب داخل البيت قولته ليهو حبيب قلبي😻قعد يضحكك قال لي العروووس الهبله😂💔قولته ليهو هبله في عينك م مشتاق لي؟قال لي نحن ارتحنا منك ومن جوطتك ياخ اشتاق ليك شنوو😂قولته ليهو حيوان كلب معفن😡قال لي شنو شنو؟مشيتي بقيتي تشتمي كمان؟تعالي هنا ي حيوانه فاكرة نفسك عرستي معناها خلاص ماف زول بسألك؟مسكني من جضوومي،قولته ليها امييييييييي تعالي شوفي ولدك دة 😭قال لي كلبه😂قولته ليهو مجتبى وين؟قال لي مجتبى م فاضي ليك كل الوقت شايل كمرتو وبصوور في الجكس😂💔👋قولته ليهو طوووول عمرو حيفضل بتاع جكس😂قال لي نسيبنا كيف وين م جا معاك؟قولته ليهو لا😪قعد اتونس معاي كدااا مرة نتشاكل ومرة نضحك لغايه م جات امي وقعدت تتونس معانا،قولته ليهم بالمناسبه خالتو مها وين؟ماما قالت لي مشت لي اخت راجلها تتم معاها كم يوم كدة،قولته ليها وساقت معاها منير ومؤيد؟مدثر قال لي اكيييد م حتمشي براها ي الغبيه😂😒💔قولته ليهو غبي براك😒قال لي قولتي شنووو؟😒قولته ليهو ولا شي اسي انا سألتك ماما شوفي ورم لي جضومي كيييف😭💔امي قالت ليهو مدثر انت اصلك عويير كدة😒😂💔قال ليها مع دي بالزات😂😒✋️،،قعدته انتظرته بابا علشان يجي بس م جا طلعته غرفتي اتصلته مكالمه جماعيه للبنات،اتكلمته معاهم قولته ليهم انا جيت بيتنا ي سجم منك ليها ومشتاقاكم بكرة ضروري تجوني،اريج قالت لي بكرة عندنا لاب تشرييح مهم م بنقدر نحن محتاجين لأعمال السنه دي،قولته ليهم حراام عليكم ياخ انا مشتاقكم اسي انا مفوته محاضرات تلاته اسابيع م بتقدرو تفوتو لاب يوم واحد؟😥💔اسيل قالت لي يختي انتي عرستي وضمنتي مستقبلك م بتفرق معاك لو فوتي محاضرات تلاته اسابيع ولا شهر لكن نحن نتابعك انتي ونهايه السنه نشيلها ملاحق بري وحات الله م بتملحق ناقصه جوطه انا كفايه علي السنه الفاتت😪💔روبي قالت ليهم وااي استاذ عبدالعظيم دة م برحم م برحم حسبي الله فيهو بس👐قولته ليهم طيب م تجو تمام يلا سلام وقفلته الخط في وشوشهم،،رقدته نمتتته ،بعد صراع تلاته اساابيع اول مرة أحس براحه نفسيه وانوم وانا مطمنه بدون خووف،صباح اليوم التاني صحيت الساعه 10 على صوت صرااخ،رفعته راسي مخلوعه لقيتهم اريج واسيل وروبي،اريج قالت ليهم وااااي قصي كل يوم بشوف الخلقه دي من الصباح حسبي الله😱💔اسيل قالت ليها مؤلمه حد الألم صراحه😂💔قولته ليهم سجمااانات وربي مشتااقه ليكم شوووق😻😒💔لا دقيقه انتو الجابكم شنوو؟؟اريج قالت لي جيت اشوف مدثر😌قولته ليها نعععععم تشوفي منو يختيييييي؟؟روبي قالت لي انزلي من السرير دة كدة وررربي شوووق الشووق دي تلاته اسابيع بحالها اول مرة تحصل م نشوف بعض،حضنتها قولته ليها حبيبتي انتي الزيكك منوو😻💔اريج جرتني قالت لي انا في تعالي وضمتني قالت لي ااي عارفنك متعودة من الصباح تلقي الحضن دة من زول تاني بس الليله ماف ليك😂😂😂😂قولته ليها حتفضلي طووول عمرك تافه وزفته كدة نننن😒؟؟قالت لي ربطي لي مع مدرثر اخوك خليهو يأدبني😥😂💔قولته ليها اخونا بعاين لبنات الناس المحترمين لو سمحتي ي بطه😂👋قولته ليهم خليكم هنا ادخل الحمام وارجع ليكم،جهزته وطلعته وبقينا نتونس،اريج قالت لي اها احكينا لينا الحصل😎قولته ليها شنوو؟قالت لي بتستعبطي ي اوختشييي؟روبي قالت ليها اكيييد م حتحكي لينا دي خصوصيات ي بت هاا😒اسيل قالت ليهم غاايتو م عارفه بس عندي احساس انو قصي دة روومنتكك لدرجه واحساسي م بخيب صح ي شهد😌😻💔👋قولته ليها ههههه هههه ههه قولته لي شنوو رومنتك؟قالت لي اي ليه مالك؟قولته ليها ماف شي يلا،،،اريج عاينت لي شنطي قالت لي دي مش شنطك ؟😳جايباها معاك لشنوو؟قولته ليها مزاج بس،اسيل قالت ليها يكونو عايزات غسييل 😂💔المهم فضلنا نتونس كداا لغايه م الساعه 2جات بابا جا داخل لقانا قاعدين وبنتونس،سلم علينا ،وشو كان متغيير انا حسيت من شوفتو،قال لي انتي قاعدة هنا بتعملي في شنو؟قولته ليهو جيت اسلم عليكم،قال لي تسلمي علينا واهل راجلك مساهرين في المستشفى معقوله ي شهد ي بتي؟قولته ليهو شنووو؟المساهر منو وفي شنووو؟قال لي م عارفه انتي يعني؟قولته ليهو لا في شنوو،طبعا خلاص حيلي مات قولته معناها قصي تعب وحالتو اتدهورت،قال لي ود اخوهو لي راجلك امس تعب تعب شديد خلاص ورقدوهو المستشفى،قولته ليهو متيين وليه ماف زول كلمني😱قال لي انتي جايه من بيتوراجلك م عارفه؟قولته ليهو بابا والله م عارفه😥💔قال لي خلاص اسي عرفتي امشي أللبسي انا زاتي راجع المستشغى اسي،قولته ليهو طيب طلعته لبسته سريع شلته تلفوني اتصلته على قصي م برد ،اتصلته كتيير في النهايه بقى يفصل مني المكالمه،بعد م جهزته طلعته اسيل واريج وروبي طلعو مشو قالو م بقدرو يمشو معانا،طلعنا انا وماما وبابا مشينا المستشفى ،،بابا طووول الطريق يشاكل فيني وبقول لي:انتي اتزوجتي

بعد كدة الوضع اختلف حاولي خليك مسؤله شويه معقوله من امس مساهرين في المستشفى وانتي م عندك علم؟لو اتصلتي وسألتي من راجلك كان عرفتي،ياخي شاكلني لمن بكيييت،ماما قالت ليهو عبدالله خلاص البت قالت م كانت عارفه،قال ليها سوسن هوووي البت دي بعد كدة ست بيت المفروض تعرف الصح من الغلط م تبرري ليها ابدا ماف شي خاربها غير الدلع والكلام الفارغ دة،،وصلنا المستشفى طبعا اهل قصي كلهم كانو قاعدين ،وكلهم كانو بعاينو لي بغيييييظ ووشوشهم متغيرة كأنو انا عامله ليهم حاجه غلط،لما جيت اسلم عليهم ايمان وامها سلمو علي بي طرف اصابعهم سلمته على ايات قولته ليها بجد م كنت عارفه ميدو مالو؟قالت لي اسكتي ساااي ي شهد ميدو عيشنا في حاله م يعلم بيها الا الله بس الحمدلله،قولته ليها ليه هو مالو؟قالت لي اصلا هو عندو زي حساسيه في الصدر كدة وجاهو اللتهاب وكتم نفس لمن خلاص قولنا مات والدكاترة افتكروهو مات بس الحمدلله قدرو ينفسوهو،قولته ليها لا حولااا متين الكلام دة م كنت عارفه والله،قالت لي امس المساء انا لما اتصلته على قصي قال لي انا في البيت انتي م كنتي معاهو ،سكتته واتزكرته كلامو معاي وانا م اديتو فرصه يكمل،قولته ليها طيب وين قصي اسي؟قالت لي في الغرفه ديييك مع ميدو لكن م بخلوك تدخلي،قولته ليها حأحاول،مشيت فتحته باب الغرفه براحه لقيت قصي ماسك مغطي وشو بي يديهو ،واتفاجأته بي انو ببكي ،كان ببكي بجد،وميدو كان مركبين ليهو انبوبه اوكسجين قصي قام على حيلو عايز يطلع لقاني واقفه،مسح دموعو وم اتكلم معي وطلع،حسيتو موجوع شديد لأنو الشي البخلي الراجل يبكي دة م ساهل معقوله ميدو يكون مهم بالنسبه ليهو للدرجه دي؟بابا جا لقاني واقفه وبعاين لي ميدو،قال لي م معاهو زول؟قولته ليهو قصي اسي كان هنا وطلع،قال لي ايوااا طيب تمام كدة هاك الجهاز دة قيسي لي حرارتو،شلته الجهاز قيستو ليهو ،قولته ليهو حرارتو طبيعيه 37،،قال لي طيب كويس ،عندو اخر جرعات تحاميل نديها ليهو،قولته ليهو بدل التحاميل خلينا نحممو ممكن؟قال لي فكرة برضو معناها شيليهو حميهو بس اقفلي التكيف والمروحه،،،شلتو دخلتو الحمام فكيت فيهو المويه وغطيتو وطلعته شايلاهو لقيت بابا ماف،اثناء م انا شايلاهو كدة قصي جا داخل لقاني شايلاهو ،قال لي شايلاهو مالك ومحركاهو من سريرو مالك😡قولته ليهو حميتو عشان كدة،قال لي شنووو؟حميتيهو كيف؟ي بت انتي مجنونه انتي؟بابا جا داخل قال لي خلصتي؟قولته ليهو ايوة،قال لي طيب رقديهو وتاني قيسي ليهو حرارتو،قولته ليهو طيب تمام،قصي قال ليهو يعني الحمام كويس معاهو؟بابا قال ليهو شديد بنزل ليهو الحمى لكن ااهم شي يتغطى كويس بس،بعد قسته ليهو الحرترة تاني لقيتها طبيعيه،بابا قال ليهم حقن الساعات خلصت تاني م عندو حاجه سوقوهو البيت لكن اعملو حساابكم شديد م تخلوهو يلعب بالمويه تاتي واقل شي رجعوهو لينا،قصي قال ليهو الحمدلله طيب تمام،عمي يوسف قال ليهو بعد العيشنا ليهو دة تاني انشاءالله م يتكرر ،،،طلعنا من المستشفى لما جيت ماشه على عربيه قصي امو فتحت الباب القدام ركبت،ونور مرت اخوهو وايمان ركبو ورا ،امجد قال لي تعالي معانا انا وابوي ،قولته ليهو طيب ركبته معاهم،

في عربيه قصي كان حاصل نقاش ،ايمان قالت ليهم:شفتوها جات بعد شنوو؟جيتها اخيير عدمها،نور قالت ليها تجي بدري ليه ؟لا ولدها لا بتعرفو شي طبيعي ،،،عمتي امنه قالت ليهم اسي عليكم الله حالتها دي حاله عروس ي كافي البلا لا حنه لا دخان ي قصي ي ولدي م تتكلم مع مرتك دي خليها تتحنن وتدخن غايتو بس فضحتنا مع الخلق ،،،قصي قال ليهم اسي نحن في شنو وانتو في شنو كدة اول شي خلونا نحمد الله على سلامه ميدو ولو سمحتو تاني م تخلوهو يلعب بالمويه وي نور انتي بالزات ولدك دة مسؤليتك انتي فاهمه ولا لأ؟قالت ليهو حااضر😥💔نحن وصلنا البيت بعدهم بمساافه ،لقيناهم قاعدين،ايمان جابت لي ابوها مويه ورجعت الكبايه،ايات قالت ليها ليه م جبتي مويه لشهد ي ايمان؟ايمان قالت ليها اهااا نسيتها شهد انتي عايزة مويه؟قولته ليها لا،قالت ليها وبعدين ي ايات العايز مويه بقوم بشرب م بنتظر يجيبوها ليهو😒💔قصي جا نازل من فووق قال ليهم م عندو حمه اسي كويس الحمدلله م تفوتو ليهو الادويه بس تمام؟وم تخلوهو يلعب بالمويه الود دة ياخ ،،،امو قالت ليهو انشاءالله والله ي ولدي تعال اقعد يعملو ليك كبايه شاي ولا حاجه تاكلها،قال ليها لالا م عايز شي انا والله،عمي يوسف قال ليهو خلاص امشي بيتك ارتاح من امس واقف على حيلك سوق مرتك وامشي،ايات قالت ليهو اي والله ي قصي امشي ارتاح انت زاتك امس تعبته،قال ليهم طيب يلا سلام بجي عليكم بكرة الصباح انشاءالله،قام طالع م قال لي اطلعي ارح حتى ، كلهم بقو يعاينو لي ،على طول مشيت وراهو،فتحته باب العربيه ركبته،طووول الطريق ساكتين لغايه م وصلنا البيت على طووول دخل غرفتو ،كنت مترددة اتكلم معاهو ولا لا ،فضلته افكر نص سااعه بعدها طلعته من غرفتي دقيت ليهو الباب،لما م فتح لي لزيتو ودخلته لقيتو واقف بوصل تلفونو في الشاحن،قولته ليهوقصي!قال لي خير؟قولته ليهو انا م كنت عارفه انو ود اخووك..قاطعني قال لي م مشكله،قولته ليهو بجد انا م كنت عارفه ولو كنت عارفه كنت اول واحدة حتشوفني هناك،جا قرب مني ومن غير م يعاين لي قال جيتي او لا وجودك م اظن كان بفرق كتييير،،،قولته ليهو لو م بفرق م كان اسي انت زعلان مني ومسكتو من كتفو،قال لي شهد اطلعي واقفلي معاك الباب لو سمحتي،قصي كان متأثر بمرض ود اخوهو دة شديد وحتى الحاجه دي ظاهرة في وشو،قولته ليهو طيب لو م طلعته😥💔قال لي م عايزة تطلعي؟طيب تمام انا حأطلع اخليها ليك ،مسكتو قولته ليهو انت زعلان مني صح؟طيب لو م اتكلمته معااي م بخليك تطلع 😥قال لي شهد لا إله الا الله؟قولته ليهو محمدا رسول الله بس برضو م حأخليك تطلع...قال نتكلم عن شنو بالظبط م فهمتك؟قولته ليهو كنت بتبكي في المستشفى ليه السبب شنوو؟وبعدين السؤال المحيرني قصي انت اتزوجتني ليه السبب شنو ؟انت عارف انو م حتكون مبسوط معاي ولا حيكون في بينا شي اتزوجتني لشنوو؟سكت م رد،قولته ليهو جااوب كان بإمكانك تتزوج البت اللقيتها معاك في الغرفه اليوم داك او اي واحدة تانيه وتعيش مبسوط !!!قال لي وانتي نفس الشي ليه اتزوجتيني السؤال دة المفروض انا اسألك ليهو وانتي اسأليهو لنفسك ،قولته ليهو الموضوع م بخصكك ابدا 😊جراني قال لي بالعكس بخصني شديد طالما انتي مرتي حاليا،بقيت الز فيهو قولته ليهو قصي أبعد مني خلاص ،قال لي مش من قبيل قولتي لازم اتكلم معاك ؟اسي انا بتكلم معاك اتفاهمي معاي،قولته ليهو ماف شي اتفاهم فيهو معاك وم بخصكك دي المرة المليون اقولها ليك يلا زحح مني ،،قال لي اذا انتي كلك على بعضك بتخصيني يبقى كيف م بخصني😊؟؟....

يتبع.....