#زوج_صديقتي_أصبح_زوجي
بقلم: أم رغد

الجزء 05

طوالي جريت الحمام عملت ماسك عشان الوش يكون ناير ولبست وقشرت انا ما كلمتكم فيني جسم وشعر ..عملت لي شعري حمام زيت وقشرت لبسه جديده كنت مجهزاها لليوم دا يوم حالاقي القمرر 😍😍 وحاشوفو واخيييرا

طلعت من البيت متاخر علي اساس اني كنت مع صحبتي اتصل علي هيثم وين انتي قلت ليهو يدوب مارقه من بيت صحبتي ياحليلها امها تعبانه شديد قال لي سلامتها الف سلامه اها يلا الاقيك وين وصف لي كافيه كدا ظريف مشيت عليهو وهو كان منتظرني بس للاسف ما كان معاهو القمرر 😞😞😞 كان براهو 😭😭😭

دخلت الكافيه وانا بتلفت بفتش فيهو اتصل علي قال لي وين قلت ليهو جوه الكافيه انت وين قال لي انا زاتي جوه .. البت الواقفه واللابسه بنفسجي كدا قلت ليهو دا اسمو عنااابي وين انت طالما شايفني قال لي قصادك لقيتو قاعد براهو حزنت وزعلت تعبي حيروح ساي ولا شنو 😞

هيثم بقا يتونس معاي وانا سرحانه وزعلانه لاني ما حلاقي القمر لحظتها ندمت اني فكرت في المجازفه دي وقررت الانسحاب .. هيثم قال لي هيييي انتي انا بتكلم معاك سرحانه وين يابطه ولا اقول ليك مزه لانو جد طلعتي مزه تاني ماحناديك بي بطه هههه ضحكت وخجلت نفس الوقت الود ظريف ودمو خفيف بس ما دخل لي قلبي ..قمت استاذنتو قلت ليهو الوقت اتاخر وانا كلمت اهلي اني ما حتاخر في بيت صحبتي قال لي ياخساره ماقعدت معاك والله قلت ليهو معليش مره تانيه ورجعت البيت.. امي من جيت داخله بقت تشاغلني شكلو الرز نجض هههههه قلت ليها لسه يا امي بستوي قالت لي بحرق بعد دا قلت ليها اصبري علي نااار هاديه قالت لي طيب ماتوريني انجضو معاك طمنتها قلت ليها بوريك يا امي بس الوقت المناسب هسي خليني اغير هدومي وارقد تعبانه قالت لي خلاص طيب وريني قبل ما ينجض مابنتظر الوقت المناسب قلت ليها طيب يا امي ماتستعجلي علي رزقك بوريك ودخلت غرفتي نمت وماوعيت الا تاني يوم الصباح لقيت مكالمات كتيره ورسايل كلها من هيثم ..الجميل وين وينو العسل والله مشتاقين وكلام من دا

قمت رجعت ليهو بس مسد كوول طوالي رجع لي بي مكالمه قال لي شنو يعني كدا تخليني اقلق عليك قلت ليهو ماف شي تعبانه ساااي ونمت طوالي قال لي لكن طلعتي مبااااالغه شنو يابت السماحه دي ماشاءالله مااااشاء الله مانسحرك😊😊 سكت وخجلت اتونسنا وفي نص الكلام قال لي مالقينا لينا ارض سمحه الارض الكان دايرها حسام طلعت ارض ورثه ربنا سترر وما اشتراها قلت ليهو دي سلامه كبيره وفي سري قلت( العبيطه الاسمها ريان كمان حيبني ليها بيت غايتو بت المحظوظه لكن حطيرو ليها)

قمت سالتو هو صحي ليه ما جا معاك حسام شكلكم مابتتفارقو وطوالي مع بعض قال لي لمن عرف اني ماشي الاقيك قال حيمشي لي خطيبتو اجازتو بسيطه وماحيلاقيها الا بعد سنه انا اتغظت وزعلت والغيييره حرقتني وبقيت ماقادره اكمل كلام مع هيثم يعني ريان الهبله ما حتفشي فيها ولا حقدر اخطف منها حسام بس حسيت بي ناااار جواااااي تكوي فيني .. طيب حالاقي حسام كيييف انا ياخ الحكااايه دي صعبه ومااافي وقت حيسااافر وتاني ماحيجي الا بعد سنه اها والحل 😭

يتبع....

#زوج_صديقتي_أصبح_زوجي
بقلم: أم رغد

الجزء 06

قعدت ابكي وانا ماعارفه ببكي ليه ولا شنو الببكيني وليه انا زعلانه قدر دا حسام دا اصلا ما بعرفك ولا شافك ولا كان بحبك لمن انتي تبكي قدر دا في شنو انا مالي الحاصل علي شنو ..وليه بقيت كدا ماصح الكلام دا منك والله لازم تعقلي وخليهو ليها.. يومين وانا قاعده في البيت ولا بتكلم مع زول وزهجانه .. لقيت رساله من ريان.. البايره صحبتي وينك قلت ليها قاعده قالت لي شكرااا ليك طبعا وشي كان هايج هيجه بس الحمدلله بعد عملت وخلطتك القلتيها لي ط لع حلوو قلت ليها ماشاء الله قالت لي تسلمي والله قلت ليها علي شنو اها اخبار خطيبك شنو ماعرفتينا عليهو قالت لي سافر تخيلي جا اجازه طارئه وطوالي مشي ماقعد 😱😱😱 يابت انتي بتكضبي علي وتقولي سافر غايتو جنس شي انا عارفه انو قااعد ولسه اجازتو ما انتهت .. استهبلت وجاريتها في الكلام قلت ليها خساره والله كان اعزمكم كدا انتي وخطيبك في بيتنا حركه كدا نبارك ليك فيها قالت لي ياسلام عليك ياروحي (روحك!!! بالله😏)

قلت ليها علي شنو بس دا الواجب قامت قالت لي يلا نتلاقي مره تانيه سلام قلت ليها سلام

بسسس النااااار ولعت فيني تاني بعد استغفرت وقلت اعقل غاظتني شديد هي مالها دي كل مره بتخلي فكرت الانتقام في راسي😡😡😡

قمت غسلت وشي وقلت من الليله مااااف بكااا وحاجرب تاني ما خسرانه شي مشيت عملت لي خلطه زبادي بي ترمس وجيت اتونس مع هيثم رسلت ليهو يا شاب قال لي العسسسل ياخ مامصدق انتي الليله تسلمي علي طوالي عامله تقيله وما بتسالي الا انا الاسال😑😑

قلت ليهو مش صحبي ليه ما اسال منك قال لي تسلمي قلت ليهو اها اخبارك وعملتو شنو في موضوع الارض قال لي والله لسسسه جارين وما لاقين لينا وحده كويسه اتزكرت انو عندي ود اهلي داير يبيع ارضو فكرت طوالي اني القا لي فرصه وحتعرف علي حسام قمت سالت هيثم انتو مواصفات ارضكم العايزنها شنو وكم متر ووين لانو عندي ود اهلي عارض ارضو للبيع ممكن اكلمو ليكم وسبحان الله التقووول قسممه😍😍

الارض العايزنها نفس مواصفات حقت ود اهلي فرحت قلت لي هيثم خلاص يبقي انا بمشي معاكم لي ود اهلي علشان تشترو الارض

الفرحه كانت ما شايلاااااني لاني حشوووفو 😊😊😊👍🏻

اتفقت مع هيثم علي يوم نتلاقي فيهو واكون كلمت ود اهلي

فعلا مشيت لي ابوي قلت ليهو عندنا زميلنا وكدا وكدا ودايراك تكلم ود اهلنا انو حنمشي ليهو ان شاء الله ابوي اخد الموقف عادي قال لي خير وكلم ود اهلنا وج اليوم الحشوف فيهو القمر 😊😘😍😍

مشيت اتظبطت وقشرررت اخر قشره وكلمت هيثم قال لي انا في الحته الفلانيه تعالي قلت ليهو تمام وصلتهم وكان معاهو القمر واااي انا العسل دا خاطب ريان كيف مبالغه ود مزز مززز وفي الطبيعه حاجه تانيه انا انبرررررشت واتدشدشت وووشي بقا كلو قلووووب 😍😍😍😍

وقربت ريالتي تسيل🙊

يتبع....

#زوج_صديقتي_أصبح_زوجي
بقلم: أم رغد

الجزء 07

بقيت واقفه معاهم ومع ود اهلي ويتفقو في الارض انا ماصدقت لقيت لي مدخل مع انو منظري شين واقفه وسط الرجال لكن المهم لقيت لي طريقه منظري شي ما شين انا واقفه مع القمرر 😎😎

هيثم قال لي ما كان في داعي تتعزبي وتجي كان تدينا رقم ود اهلك ونحن كنا كملنا الباقي قمت رديت ليهو ضايقتك بي وجودي ولا شنو انا غلطانه القلت اجي معاكم قال لي ما تزعلي والله ماقصدي انتي ماعارفه معزتك عندي وحضورك نور لينا بقيت مخلوعه😳😳

كرر علي هيثم حبااااني وااااي ووووووب لالالالا كلو ولا كسر القلوب اها احل نفسي من الورطه دي كيف قلت ليهو عيب منك والله انت اخوي الما ولدتو امي ماتقول كدا حسام ضحك قال ليهو شنو هيثومي ماصح منك انت اخوووونا وصاحبنا هيثم سكت وعرف انو حسام بتريق عليهو قال لينا طيب يلا بعد دا مش جعتو ارح عازمكم قال لي تمشي معانا يا اختي ..ههههه عرفت انو هيثم زعلتو كلمه اخوي لكن اعمل شنو لازم حد والا حتبقي لي خراب قلوب وانا هدفي وااااضح وما دايره اغيرو ..مع انو هيثم وجيه ما شين لكن حسام دخل القلب وخلااااص وسكن فيهو 😍😍😍

مشينا مطعم حلو وطلبنا طلباتنا اول مره كان اتكلم مع حسام وكنا بنتونس ونسه جماعيه ظريفه هيثم استاذن جاهو اتصال 😍😍😍 غايتو حبيت الزول الاتصل عليهو اموت فيهو انا واخيرا خليني اتنفس شويه اها حسام سالني قريتي وين وهسي شغاله وين وكدا .. ووريتو قال لي ماشاء الله بتعرفي وحده اسمها ريان قلت ليهو ريان منو🙊 نكرتها حطب 😅 قال لي ريان فلان الفلاني قلت ليهو ايوااااا بعرفها مالها قال لي دي خطيبتي قلت ليهو ماشاء الله خاطب الف مبروك وربنا يتم ليك علي خير😏😣 ومن نفسي زعلانه لكن اعمل شنو قال لي الله ما ضراك اللهم امين اها انتي شغاله ولا عاطله قلت ليهو اشتغلت فتره وقعدت في البيت تاني قال لي لاا لازم تشتغلي وبقا ينصح فيني كلام كدا كلووو طموووح ومستقبل خسااره فيها ريان دي والله ود فاااهم فااااهم ومخو كبير يعني ما بس وجااهه كمان مخ ملان العاقل الرزين😍 قلت ليهو انا عايزه اشتغل برا قال لي رايك شنو في الامارات قلت ليهو ياااااااريت لو لقيت لي شغل كلمني 😊 قال لي طوااالي يازوله ،،هيثم خلص مكالمتو وجا اتونس معانا بعدين قلت ليهم يلا ياجماعه انا ماقصرت معاكم انا حستاذن حسام قال لي ليه بس ما اتونسنا معاك قلت ليهو الوقت اتاخر لازم امشي الييت انا كلمت ابوي انو حمشي معاكم للارض وخلاص انتو اشتريتوها واموركم تمت علي خير بعد دا مهمتي انتهت ومشيت البيت

رسل لي هيثم اختي وصلتي كيف قلت ليهو بخير الحمدلله قال لي يعني انتي جاده معتبراني اخوك😣

قلتا ليهو هيثم انت جد اخوي وانا اتبسطت جدا من خوتك وياريت نكون احسن اخوان قال لي خير مشيت لقيت طلب في الفيس من حسام 😍😍😍 بالسررررعه دي ياولد اصبر كدا واتقل هههههه بقيت افكر اقبلو ولا اخليهو شويه اتقل عليهو😎

يتبع.....

#زوج_صديقتي_أصبح_زوجي
بقلم: أم رغد

الجزء 08

مبسوطه وفرحانه شديد لاول مره احس بالانتصار ماخده الموضوع تحدي حسيت روحي قربت للمشوار 😈😈..اليوم كلو اعاين لي طلب الصداقه واتبسم وداخله ومارقه في البيت من شده سعادتي 😅😅 خليتو كدا تلاته يوم وبعدين اضفتو طبعا ريان كانت لغت صداقتي بيها في الفيس ماكلمتكم يعني من يوم عرفت خطوبتها هي لغت صداقتي وعملت ليها شله جديده شله المخطوبين وخلت البايرين نفشت ريشها يعني خلاص ملكت الكون قال بالله ..يلا ما علينا

قبلت الطلب طوالي جاتني رساله شكرا لي قبولك الطلب قلت ليهو العفو قال لي لكن قدر دا بتفكري تقبليني ولا لا انا كنت حالغي الطلب خوفا من الاحراج🙊🙊 قلت ليهو لالا ياخ العفو ماحكايه تفكير بس اترددت قال لي ليه بس قلت ليهو يعني استغربت طلبك وانت زول خاطب 😉 قال لي يعني شنو ماينفع نكون اصدقاء قلت ليهو اكيد طبعا في سري قلت انت مااااعااارف ساااي انا تعبت قدر شنو عشان اصل ليك احيااا انا بس دا الدااااايرااااهووو زاتو صداقتك دي ..قال لي اها قلتي شنو في موضوع شغل الامارات قلت ليهو هو انا لاقيه طوالي طبعا عايزه قال لي والله انا جادي اني افتش ليك اصلا قلت اضيفك علشان اقدر اتواصل معاك واشوف ليك موضوع الشغل دا وان شاء الله اتوفق ليك .. غايتوو عامل تقييل 😏😏 قول عجبتك بس وبطل تكبر يلا الصبررر مصيرو يعترف قال لي لو ماف مانع قلت ليهو اكيد طبعا ماعندي مشكله قال لي تسلمي يلا انا طالع مشوار ماتقطعي اخبارك ولمن اصل الامارات بشوف ليك موضوعك اتفقنا قلت ليهو خلاص تمام .. هيثم بقا ما بكلمني قلبي اتقطع عليهو لكن كنت بقول احسن خليهو ما يتعلق بي وماف داعي اعشمو ساي .. مشيت رقدت في السرير وسرحانه اها الخطه الجايه اعمل شنو جاتني امي هجمتني ..سرحانه في شنو يابت انا لسه منتظره الرز هههههه قلتا ليها لسسسه ما استوي يا امي مالك دايره تاكليهو ني اصبري قالت لي ابيت ما بصبر كل مره تكستيني انتظري ينجض خلي النار هاديه وانتي لسه ما وريتيني اها يلا قولي قلت ليها خلاص خير لكن حيكون سر بينا قالت لي تمام المهم قولي قلت ليها متزكره لمن قلت عندي زميلي داير يشتري ارض وكدا ورشحت ود هلي قالت لي قلبي كان حاسي والله قلت ليها بس دااا ياهوو قالت لي اسمو منو وساكن وين وكدا ..طبعا هي ماعارفه انو دا خطيب ريان ولو عرفت حتزعل مني وما حتسامحني 😣😣☹

القلب ياحجه ومايريد😍

قالت لي ربنا يتمو ليك علي خير ويبعد عنك الشر اللهم امييين ياحجه بعد اسبوعين خلاص ناس هيثم وحسام مسافرين وطبعا هيثم قطع مويه ونور وانا ما كنت برسل ليهو علشان مايتعلق بي وحسام ما كان بتكلم معاي كدا يدوب السلام وعليكم السلام علي اساس عامل تقيل ..بس ماااامشكله الصبررر

يوم السفر اتصل علي هيثم ودعني واداني حسام ودعتو قال لي هيثم تبقي البينا عامره وان شاء الله حكون ليك نعم الاخ وتفتخري بيهو قلت ليهو تسلم والله ظا العشم برضو انا وحسام لو احتجي لي حاجا حتلقي اخوانك واقفين معاك قلت ليهو بالجد مابتقصرو يا احلا اخوان ..من جواي بقول هيثم انت اخوووي لكن حسااااام لا حسام دا حبيبي

يتبع....

#زوج_صديقتي_أصبح_زوجي
بقلم: أم رغد

الجزء 09

مرت شهرين من سافرو هيثم وحسام .. وزي ما وريتكم هيثم اختصر نفسو بقا ما متواصل معاي كتير مره مره بسال يشوف الاخبار ..وفي نفس الوقت حسام دخلني في حياتو يومي يسال مني ويطمن علي وعلي اخباري لكن لسسه ما كنا بنتكلم عن الحياة شخصيه ما دخلنا في الغريق ونسه عامه انا كدا ماااااشه تماااام والخطه ماااشه حلووو وبشويش وفي مره قال لي انتي عارفه انتي وحده غير انك ماشاء الله جميله لكن طيبه وظريفه ودمك خفيف بحس بيك ماشاء الله اجتماعيه وحبوبه قلت ليهو تسلم والله من زوقك قال لي الله يسلمك ماقلت كلام مجامله ودي حقيقه

ياسلااام الود شكلو اعجب بي😍😍😎 ماعرفت انطط ولا اعمل شنو من الفرح ياخ ما مصدقه اني عرفت اوقعو لكن لسسسه ما وقع علي شوشتوو ☹

قلت ليهو ماتخجلني قال لي حلاتك وانتي خجلانه 🙊🙊

ضحكت قلت ليهو اها طيب عملت لي شنو في الشغل قال لي ابشرري انا لسه بفتش ليك عايز اشوف ليك شغل قريب من بيتنا قلت ليهو بيتكم!!؟؟؟ قال لي اي عندك اعتراض قلت ليهو كيف يعني !؟ قال لي عادي جدا انتي مش معتبراني صحبك واخوك قلتا ليهو ايوه اكيد قال لي خلاص بس ما دخلك ومابخصك بعد دا تسمعي كلام اخوك قلت ليهو لكن لازم تفهمني قال لي انتي حتجي وحكلم اهلي تقعدي معاهم عندي اختين وانا الولد الوحيد اخواتي متزوجات وحده في دبي والتانيه في مصر وانا وامي وابوي في ابوظبي اهلي ناس طيبين وحيستقبلوك طبعا بقيت مخلوعه😳😳

قلت ليهو اكيد حيكونو ناس طيبين اذا جابو علي الدنيا واحد زيك

اقصد اخ زيك قال لي ماتحنكيني انا خاطب

اتغظت من ردو قلت ليهو قلت اخ زيك لو قريتها قعد يضحك قال لي بهظر معاك ماتتحسسي قلت ليهو عادي قال لي خلاص يازوله ولا تزعلي قلت ليهو مازعلت قال لي يلا انا لازم ارجع لي شغلي قلت ليهو طيب تمام لكن لسه ما اتفقنا في موضوع بيتكم دا قال لي ياستي اذا معتبراني اخوك بالجد ما حترفضي طلبي بعدين انتي ناسيه انك وقفتي معاي في موضوع ارضي انا والله ممنون ليك لانو الارض لقطه وبالجد ما كان عندي زمن قلت ليهو معقوله بس قال لي يلا ياجميل انا حستاذنك شغل قلت ليهو اتفضل

يا الله ياسلام اتطورنا شديد 😍😍 هسي انا حمشي ابوظبي وحقعد في بيت القمرررر😍🙊🙊🙊 ياربي ابوي حوافق وامي حتقول شنو ما حيخلوني 😣😣 ما افرح ساي ما للدرجه دي

يتبع....

#زوج_صديقتي_أصبح_زوجي
بقلم: أم رغد

الجزء 10

قعدت افكر مع نفسي مستحيل اهلي يوافقو لي يعني لوفرضنا قعدت معاهم اقعد بي صفتي منووو .. لالالا شيلي الاوهام دي من راسك وارجعي للواقع انو مستحيل اهلك يوافقو ليك .. مره كم شهر وانا متواصله مع حسام عادي وفي يوم كان بتونس معاي وهظارو ما زي اول في شنو الغيرو قلت ليهو حاسه بيك ما طبيعي مالك قال لي ماف شي مشاكل شخصيه قلت ليهو اذا بتعزني كنت حكيت لي قال لي ماتشغلي بالك امور عاديه قلت ليهو طيب خير وسكت منو رجع لي بليل قال لي الليله مالك مابريتيني زي عوايدك قلت ليهو ابدا لقيتك متضايق وماحبيت اتدخل في خصوصياتك قال لي لاا ياخ فهمتي غلط انتي ماقصدي ماتتدخلي قلت ليهو طيب مالك قال لي ولا شي بس شويه مشاكل مع خطيبتي انا بقيت عامله كدا😳😳😳

مالهم ياربي متشاكلين هو وريان..اول مره يتكلم عنها معناها بقا يثق فيني قلت ليهو طيب احكي لي الحاصل شنو !؟ قال لي والله ياستي قلت ليها انا ماحقدر اعمل العرس هسي لاني داير ابني البيت لكن هي مصره هسي.. قلت ليها طيب خير لكن ماحقدر علي تكاليف العرس يعني حاجه بسيطه كدا ..زعلت مني انت ماقدر العرس بتعرس ليه وكلام كتير زعلت جد لاني مزنوق ومفروض تقيف معاي قلت ليهو ماتزعل عليك الله لكن جد خطيبتك بالغت فيك لانو جد الزوجه المثاليه تقيف مع زوجها علشان الحياة تمشي وبقيت بتكلم واحكي عن الحياة المثاليه ومفروض الزوجه تضحي علشان زوجها وربنا امرنا بي طاعه زوجنا رسمت ليهو في خيالو حياة حلووه واي زوج بتمني زوجه زي دي

يتبع....

#زوج_صديقتي_أصبح_زوجي
بقلم: أم رغد

الجزء 11

كل يوم بحكي ليهو عن انو زوجي لمن اتزوح حاعمل واعمل وحياتي المستقبليه كيف حتكون اترسم في خيالو صوره حلوه واني حكون زوجه بحلم بيها كل الرجال قال لي انتي عارفه يا فلانه انا اتمنيت انو كان اعرفك اول

😳😳😳😳😳

ياسلاااااااام خطتي ماااشه تمام مامصدقه قلت ليهو اقول ليك حاجه قال لي شنو قلت ليهو من شفتك انا اتعلقت بيك واتقطع املي لمن عرفت انك خاطب قال لي انا زاتي يوم لاقيتك عجبتيني بس المشكله كنت شايف صحبي عايزك قلت ليهو انت عارف علاقتي بي هيثم كان قدااامك دا كلو واني قلت ليهو انو اخوي قال لي عارف ..لكن هيثم اتاثر شويه وبعدين بقا كويس اتعدى مرحله الصدمه قلت ليهو الحمدلله طمنتني ما عايزه اكسر قلب زول قال لي ماعليك هيثم راجل ماتركزي انتي بس قلت ليهو تمام طيب هسي علاقتك كيف بي خطيبتك قال لي اوووف ياخ كل يوم مشاكل ماعارف محسساني انها ما دايره تتزوجني عشان بتحبني قلت ليهو معقوله بس قال لي همها كلو لازم تجيب لي الشي الفلاني وعندنا منو من اهلنا جابو ليهت وسو ليها كرهتني العرس وهي عارفة ظروفي انا طوااااااااالي بقيت بصطاد في المويه العكره😈😈😈

قلت ليهو معقوله بسليه كدا .. هو الزواج دا شنو ما بس فنان وصاله دي حياااة كامله بين شريكين لازم تتعاونو فيها ولازم الواحض يضحي قال لي ياريتك انتي خطيبتي 😊☺

الله ياخ الحمدلله زولي وقع بقيت اقول الكلام المعسول دا واكتر منو واعشمو بي عيشه حلوه زي الرسمتها ليهو في خيالو 😍😍 قلت ليهو ياريت قال لي انتي جاده قلت ليهو في شنو قال لي يعني ماعارفه 😏😏 قلت ليهو لا مافهمتك قال لي انك تكوني خطيبتي قلت ليهو كيف اذا انت خاطب قال لي خليك منها انتي بتوافقي بي قلت ليهو انت في حد برفضك😍😍

طبعا الفتره دي المشاكل بينهم بقت كتيره شديد ولاتطاق حسام قال ليها خلاص انا ما دايرك

الفتره دي كلها ريان ما كانت بتكلمني ولا بترسل لي

في مره لقيت منها رساله انتي في البيت قلت ليها اي قالت لي طيب انا جايه عليك قلت ليها حبابك ريان جاتني البيت والعيون مورمه وحالتها صعبه شديد انا لمن حنيت عليها

يتبع.....

#زوج_صديقتي_أصبح_زوجي
بقلم: أم رغد

الجزء 12

ريان جاتني البيت والعيون مورمه وحالتها صعبه شديد انا لمن حنيت عليها..وقلبي اتقطع قلت ليها مالك يابت عامله في روحك كدا قالت لي حسام خلاني قلت ليها بسم الله ليه في شنو قالت لي ماعارفه مالو مفروض نحدد العرس وبقا يتهرب انا مابقدر هسي وماعارف شنو مع انو مقررررش لو داير عرس بعرس قلت ليها طيب تفتكري مالو قالت لي ماعارفه لكن حاسه انو امو محرشاهو .. ياااشييييخه متين لحقتي تفتري وتالفي كمان في امو بالغتي لكن .. قلت ليها ما مشكله برجع ليك حسيت ريان في اللحظه دي ضعيفه وما مفتريه ولا عامله حركاتها العملت لي من يوم اتخطبت مكسوره ومسكينه .. قلبي ضعف وحنيت وقلت خلاص ياخ كفايه انها اتكسرت ليك انتي ابعدي بعد دا وخليهم يرجعو لي بعض ..

لقيت رساله من حسام سلاك ياجميله قلت ليهو وعليكم السلام ياجميل قال لي الاخبار قلت ليهو الحمدلله انت اخبارك قال لي الحمدلله قلت ليهو طيب اخبار خطيبتك شنو قال لي عليك الله انسينا منها قلت ليهو لا ماحنساك ولا حسمح ليك تنهي علاقتك بيها بي سبب بسيط زي دا قال لي مامني من طلباتها الكتيره قلت ليهو انت مش بتعزني قال لي اي قلت ليهو خلاص سيب الموضوع علي وانا بتفاهم معاها قال لي انتي شايفه كدا قلت ليهو ايوه قال لي مابرفض ليك طلب قلت ليهو تسلم جد ورسل لي رقم ريان علي اساس اني ما بعرفها هههههه المهم دقيت علي ريان وسالتها اها في جديد قالت لي مافي قلت ليها طيب ياستي انتي حاولي رسلي ليهو مع انو ماحكيتي لي المشكله شنو بالتفصيل لكن ما مشكله المهم انتي حاولي اعتزري وخففي عليهو شويه يمكن يهدا ويرجع ليك قالت لي بحاول .. انا خلاص قررت اني ما اسال فيهو وحابعد بعيد بقيت قافله علي روحي وريان وحسام رجعو لي بعض سمن علي عسل 😭😭😭

خلااااص رااااح مني القمرررر راح مني وماحيرجع تاني 😣😣😣

اااه ياقلبي انا قاعده في بيتنا وحزينه جاتني امي قالت لي مالك يابت اخبار الرز شنو وبقت تضحك انا ما ضحكت معاها ☹ جات قريب مني قالت لي في شنو احكي لي انا مش امك مازحت مني الا لمن احكي ليها

وحكيت ليها علي الكنت ناوياهو😣😣 ولحدي ما راااح مني القمر قالت لي لاحول ولاقوة الا بالله ليه كدا يابتي انا ماربيتك علي انك تبقي حاقده قدر دا ليه يعني دا كلو عشان ما كلمتك بي خطوبتها قلت ليها يا امي هي النست العشره والملح والملاح لي بتلوموني لمن انا زاتي انساهو واتعامل زيها واخسس منها قالت لي لكن المسامح كريم عموما انتي بركه الرجعتي لي عقلك والله هداك وربنا بديك علي قدر نيتك بس خلي دايما نيتك طيبه .. اقتنعت بي كلام امي وبعدت منهم بعيد لا حسام ولا ريان وحتي كمان هيثم 😣 بقيت براي

..العرس حق ناس ريان اتاجل علشان ظروف حسام قال عايز يبني بيتو وبعدين البفضل بعرس بيهو ما يكمل قروشو كلها في العرس

بعد تلاته شهور وانا بعيده كل البعد منهم رسل لي حسام سلام عليكم اترددت في الاول ارد عليهو ولا لا قال لي يعني ماعايزه تكلميني قلت ليهو وعليكم السلام قال لي احنسك يعني عشان تتكلمي معاي قلت ليهو لا ابدا ما كدا قال لي اها طيب شنو!؟ قلت ليهو ماف داعي يعني انت خاطب وخلا حتتزوج قال لي اممممم طيب هسي انتي اخبارك شنو قلت ليهو الحمدلله قال لي انا طبعا داير ابشرك بي خبر قلتا ليهو شنو قال لي مش كنتي عايزه تشتغلي في الامارات قلت ليهو ايييييك انت لسه فاكر قال لي هههععع انا وعدتك قلت ليهو لالا خلاص انا صرفت نظر عن القصه دي قلت ليهو بعدين خطييتك تلقاني هناك ممكن تكتلك انا كنت بهظر قال لي ههههه ولا يهمك

المهم ماتكتلك انتي قلت ليهو عليهو طبعا علي فكره ريان دي طلعت صحبتي ودفعتي وعملنا تخريجنا سوا قال لي عارف قلت ليهو عارف!!!؟؟؟؟؟

عرفت كيف قال لي ماف داعي ☹

يتبع.....

#زوج_صديقتي_أصبح_زوجي
بقلم: أم رغد

الجزء 13

قلت لي حسام كيف يعني ماف داعي اصريت عليهو شديد انو يحكي لي واتلايقت فيهو وهو قال لي لا ماف داعي قلت ليهو والله ياحسام بزعل منك قال طيب ياااغاليه كلو ولا زعلك انتي😊 قلت ليهو يلا وريني قال لي يعني صحبتك ريان زمان كانت بتحكي لي عنك وبتقول كلام انها هي بعدت منك انتي وحده كعبه وكلام شين كدا

😳😳😳 ليه بتقول علي كدا عملت ليها شنوو انا بس قال لي لكن زي ما بقول المثل المابعرفك بجهلك 😣😣 قلتا ليهو طيب انت شايفني كيف!؟ قال لي انا هسي قلتا ليك شنو مش الما بعرفك بجهلك ☹ انا لي كم بعرفك قلت ليهو حاليا تمينا السنه قال لي بسس شفتي السنه دي زي العرفتك لي سنين فاكره لمن اتقدمت ليك وانتي قلتي لي ارجع لي خطيبتك☹

وااااي انا هبببببله وعويره واصلا مابتووب ولا بتعظ مالي بيها قال حنيت عليها واتاريها بتبشع بي قدام الناس ياخ ما ممكن الحاله قلت اعقل واهدا لكن جد الحسنه في المنعول 😡😡😡 قلت ليهو ايوه فاكره قال لي انا لي يوم الليله متمنيك😍

ياسلاااااااام ياخ

الجمله دي هدتني من النار الولعت جوااي.. طوالي قلت لي حسام انا كمان لكن القسمه قال لي ان شاءالله قسمتي تكون معاك انا سكت قال لي الجميل ساكت ليه قلت ليهو اقول شنو عامله خجلانه ههههه قال لي السكوت علامه الرضا قلت ليهو طيب وريان قال لي انتي مش موافقه بعد دا دا الباقي خليهو علي

من جوااااي حسيت روحي اني انتصرت ولا محتاج ازعل علي القالتو عني لي حسام 😏

مشيت لي امي وقعدتها ..حكيت ليها حسام قال لي شنو وانو عايز يتقدم لي بقت عامله كدا😳😳 قالت لي مش الله هداك يابتي مالك علي المشاكل قلت ليها المره دي ما خططت ليهو براهو جاااني وقال دايرني قالت لي طيب وريان قلت ليها يا امي انتي عارفه انو كل شي قسمه ونصيب وريان ما نصيبها حسام😊

قالت لي دي حياتك وانتي حره لكن لو دايره نصيحتي استخيري عشان ماتجي تندمي بعدين ..سمعت كلام امي واستخرت والحمدلله كنت مرتاحه حسام بعد تلاته شهور حينزل اجازتو السنويه وحيجي يتقدم لي رسمي معاهو امو وابوهو 😍😍😍..

حسام كلم ريان انو الزواج قسمه وخلاص فسخ الخطوبه لكن ماكلمها انو حيخطب😊😊

انا مبسوطه جدا وطايره من الفرح اتحبست وجهزت حاجاتي للخطوبه وكل شي تمام

لحدي ما جا اليوم النزل فيهو القمرررر حبيبي اناا 😍😍هو واهلو

كلمت امي تحرش ابوي تقول ليهم نحن ماعندنا بناااات بتتخطب ..عقد بسسس😈 امي قالت لي غايتو منك مشت كلمت ابوي واقنعتو بالعقد 😍 زينا البيت بي وكل شي كان تمام التمام طوالي عقدو لينا وبدل البس الدبله باليمين لبستها بالشمال

ريان عرفت لكن ما كلمتها انا 😈😈😈 ماعارفه الوصل ليها منو يلا ماعلينا عملنا عرسنا بعد شهرين من العقد سافرت لي حسام طرد ما حضر العرس لكن ما مشكله حياتنا كلها حتكون حلوه😊😍

شكرا للمتابعه يابنات الروايه من الخيال ان شاء الله تكون عجبتكم 😘 تسلموو جدا ..علي فكره ايوه الروايه خياليه لكن بتحصل كتير في مجتمعنا دا

كسرة

انتو شايفين الغلطان منو !؟

تقييمك لرواية زوج صديقتي أصبح زوجي

🌟2018🌟

سنه سعيده عليكم يارب 😚♥

رواية #زولي_باشمهندس

إهداء للعضوة (أسيل الغرام) 🌹❤️

#زولي_باشمهندس
بقلم: سماح محمد

الجزء 01

انا ريان عمري 18سنة بقرا الجامعة محاسبة مالية اول سنة لي في الجامعة برلومة ومطرتشة م ناقشة حناني😬 نحنا ستة اخوان من بنات لاولاد (قولو م شاءالله) اختي متزوجة كبيرة ساكنة السعودية مع راجلا واخواني اتنين كبار واحد شغال في المطار والتاني متخرج طب اسنان وانا الفي النص والتحت لي ولد في الثانوي وبت في الاساس طبعا انا زولة مجنونة شديد 😁والله العظيم م تستغربو فيني ودايما مهيجة البيت 🐸وجايبة لي امي امراض السكري والقلب 🐸💔وزولة مشاكل وموقفة البيت علي رجل واحدة 😌بحب النوم والاكل زي عيوني والحفلات م يفوتكم😂زولة هجيج وهيص ورداحة من الدرجة الاولي 🐸👏يلا الموووهم يوم كنت نايمة سحر اختي جات تلبع فيني ريان ي جزمة مليون مرة قلت ليك م تشيلي قلمي ياااخ كرهتنا 😡😡العيشة معاك حرررااام زاتو ..يلا انا نوع الناس النومهم تقيل ديك لو قتلتني م اقوم الا اصحي براي شغال تضرب ساي وانا وين في سابع حلمة بعد م قنعت مشت وانا واصلت😂 مشت كلمت امي من سمعت ليك صووت امي فندرب قمت علي حيلي يلااا دي الحاجة الوحيدة الممكن تصحيني 😂😂امي قالت لي شايلة منها القلم لي قلت ليها يمة م شلتو هي الادتني ليهو امبارح 😢قالت لي كزابة انا اصلا حاجاتي م بامنك عليها 😒فجاءة جاء داخل مؤيد اخوي المتخرج طب اسنان بنقول ليهو ميدو قال لينا خير مالكم هايجين كدا ..امي قالت ليهو البهيجنا شنو باقي ليك غير المعولقة دي قعد يضحك قال لي الله يعرس ليك قلت ليهووووامييييين😂😂عارفني بحب الدعوة دي كيف ومرقت ليك كشري دا كلو برا ومؤيد يضحك😂😂😂 امي عاينت لي كدا😐😐طوالي لميت سنوني 😶احسن م افقدم بعدها اتصلت بي مني صحبتي قالت لي م شفتي الحصل قلت ليها انحزي😮وداد طلعت بتحب امير قلت ليها ووووواي الجزمة الما بتسوا وب علي م عارفاني عيني عليهو يمرمر وشها في الوطة 😢احييي انا دا كان فارس احلامي. قالت لي اي والله ي حليلك راح من يدك م تستاهلي😔قلت ليها اسكتي دا بدل تقولي لي بتلقي الاحسن 😠دا كمان الله ياخد سنينو م عرف غير يحب وداد م عندو زوق 😐😐قالت لي والله وداد حلاتة ..اسكتي مني بلاهي الزول اصلو م يطمن نفسو معاك😒😐يلا خلاص لمن نتلاقة بكرة ونتم الباقي ..العصر كدا بعد الغدا قلت لامي ماشة لي مني ..انت مش بكرا ح تلاقيها في الجامعة ..اي ي امي ..طيب مالك ماشة ليها ..ي يمة الجامعة والبيت م واحد🙁..طيب م تتاخري سمح يمة ..لبستة توبي وبعد م اتشطفتة واتمسحت وصلت خشم الباب جيت راجعة امي قالت لي مالك ..قلت ليها م ماشة بكرة بلاقيها 😂😂فنتني ليك بي السفنجة ي بت انتي حركاتك دي م دار تخليها😡يمة اعمل شنو لو مزاجي اتغير ..اتزفتي في البيت بس م تمرقي ..دخلت الغرفة وشلت تلفوني خشيت الفيس قعدت ادردش في الواتس مرة الفيس تاني اتزكرت اني ضايفة امير معاي في الفيس قمت خظرتو 😈😈بس كدا انتقام علي مشاعري وخاطري الاتكسر 😢😢💔بجد انا كنت زعلانة لانو بجد امير عاجبني زينة اولاد حلتنا وخلق واخلاق 😍بس التصبر لي وداد الا م الم فيها وانقش القصة وبزات هي عارفاني دايراهو انده بي اسمو صباح ومساء😡😡الصباح صحيت بصوت منبهي الخاص اللهو امي😂😂اتسوكت واستحمت وصليت وجهزت وطلعت المواصلات منها ضربت لي مني قالت لي انا جاهزة بس مسافة السكة ..واثناء م انا واقف اشوف ليك😨😨...

يتبع....

#زولي_باشمهندس
بقلم: سماح محمد

الجزء 02


اشوف ليك وداد راكبة مع امير في العربية وتقرقر 😨بس انا فاتحة خشمي سجمي يخسي ومرض نفسي البت دي م بتخجل لو شافة زول من الحلة 😨😨بري بري ولابسة ليك الفريم وم خالة مكياج وم جالطاهو في وشها عاد م بسالك 👏👏وامير يتبسم ساي وانا قلبي اتقطع 😢تنجازة ي قاسي وانا حالتي حابك من الروضة 😢هيييي قصدي الاساس ..فجاة جات مني فاتحة خشمها قالت لي انا شفت وداد راكبة مع امير في العربية ولا بتخيل 😨😨قلت ليها يكون بتتخيلي حتي انا اتخيلت كدا 😒وركبنا الامجاد قمت سالتها انتي عرفتي من وين انو امير ووداد مرتبطين ..قالت لي انو عندها ود جيرانهم اسمو علي قال ليها كم مرة شفتهم مع بعض في كافي ..امممم😐..طيب اسالك انا ..اها قولي ..انتي بجد امير دا عايزاهو لا بتستهبلي ..قلت ليها بستهبل كيف يعني اجي😐..م بعيد تتزكري لمن مرة مشينا الصيدلية وعجبك الولد الفيها عملتي شنو 😒لا لا م بتزكر زكريني 🐸م تتعولقي هوي 😒😒جادة معاك انا🐸والله بتزكر اليوم دا زي امبارح حلفت كان اتحرك من مكاني كان م شلت الرقم واتعاور الولد لمن قايلانا بنات م كويسااات😂😂وقلت لي مني انو الولد دا حبيتو ومستحيل اتخل عنو بعد م عديت ايام اتشبكت في سايق برادو ونسيت الصيدلي ونسيت حنانو زاتو😂😂🐸👏

بعديها وصلناالجامعة دخلنا المحاضرة ولا حظتة انو وداد مافي قعدت اتمتم وسبيت لي وداد لي جدها الاخير م خليليها شي لا ورا..الليلة ي خاينة العشرة تعملي فيني كدا اوريك نجوم الليل انا 😂😂كنت مبالغة طايرة لي شكلة في راسي بعد م انتهت المحاضرة بدون مفاهمة مشينا الكفتريا ملينا بناتنا كويس وشربنا عصير 😌قلت لي مني كدا ي داب الزول يتشاكل بي مزاج وقعدنا نضحك😂😂قمنا ضربنا لي علي علي حسب الجامعة فاتحة ليها ايام وم بنعرف زول غيرو فيها وغير كدا يشتغل في المخابرات السرية بتاعتنا للكشف عن وداد وتزويدنا بالمعلومات عنها😌😂جا واتونس وسالناهو لو شاف وداد قال شفتها الصباح تتونس مع اولاد ..ايووو ي داب قبضتك ي المفعوصة 😈وهاا اوريك ..من مكانا داك انا ومني اتحركنا مشينا وبقينا لافين اشان نلقاها فجاة كدا مني لفتتني قالت لي ريان عايني 😨قلت ليها وب علي شوفي المنظر قاعد في نص الاولاد وتضحك زي ست العرقي 😨الخايبة يخسي عليها 🙁قلت لي مني ارحكي ليها قالت لي بي شنو ولي شنو 😨😨 قلت ليها بي رجولك ديل بي شنو كيف يعني😒ونشوفها بتكزب ليهم تقول شنو 😐جينا ماشين بي جنبها قالت لي ريان عملت نفسي م سمعتها تاني نادتني قلت ليها خير قالت لي الليلة من الصباح م شفتكم ..قلت ليها طبيهي الظاهر انو روادك كتار😏😂قالت لي م كدا بس محاضرة الراجل دا م بحبها اشان كدا قلت ليها ايو ظابط ي زولة ..قلت ليها طيب ارجعي الاولاد يكون حارسنك قالت لي لالا من قبيل كنا بنتونس. خلاص تاني ..مشت معانا قعدنا في بنشات كدا قلت ليها وبدون مقدمات انتي مرتبطة مع امير مني قرصتني😨لقيتها تتكبكب قلت ليها جاوبي قالت لي بصراحة بصراحة اي قلت ليها وانتي لمن عارفاني انا بحبو وحالتي مكلماك من زمان تجي تطعنيني في ضهري وتحبيهو ..قالت لي اسمعي ي ريان انا م قلت ليهو تعال حبني هو براهو حباني اعمل شنو لو عجبتو انا وانتي م عجبتيهو اقول ليهو لا لا عليك الله حب ريان وخليني وبعدين انتي م تعايني لي حاجة فوق ليك عايني لي مستواك وم تعايني لي ولد احلا منك ومشت طبعا انا دموعي م بتنزل بي سهولة بزات قدام زول ولا في مكان عام سكت بس ومني دي تقول لي م تشتغلي بي كلامها مستوي شنو وحلاوة منو قلت ليها اصلا م شغالة بيها😐 بس الحاجة البجد صدمتني انو وداد دي انا وهي ومني في الثانوي نهائيا م بنفترق من اجازة تالتة اتغيرت حاجة غريبة ..

برغم من اني قاعد اشتمها طوالي بس م نسيت صداقتنا وانو في يوم من الايام كنا صحبات وصحيح هي احلا مني ومستواهو حاجة كدا بس الناس بتتقاس بي الاخلاق م بي المستويات ولمن كنا راجعين البيت مني قالت لي ي ريان سيبي وداد وامير في حالهم وعيشي حياتك عاينة ليها بس وسكتت😐م عرفت اقول شنو بجد هو م عايزني انا تاني مالي اسحب نفسي براحة مالي ومال الكلام ...

يتبع....

#زولي_باشمهندس
بقلم: سماح محمد

الجزء 03

طبعا مرة سنة علي الكلام دا وامير سافر واغترب وسمعت بي انو هو ووداد خلو بعض 😆😆😂😈طبعا فرحت فرح امي اليوم دا كلو تراقب فيني وانا اوزع في البسمات واي شي تقول لي اعمليهو اعملو نضفت البيت دا بي القلبة والعدلة وشوية كدا قربت اشد كرامة 😂😂 احييي انا بركة تستاهل اصلا راجل الشلب مشلوب😌😏وانا ومني عملنا شلة في الجامعة وانا بقيت اكرة حاجة اسمها حب ..ومرة حاولت اربط مع ولد من الجامعة عديت معاهو اسبوع بس وخليتو😂🐸قلت لي مني الشافع دا م بنفع معاي قاعد يتامر فيني☹وانا جني وجن الولد الزي دا اعملي وم تعملي هو مالو عاقد علي😐☹غايتو ي ريان انتي البي ينفع معاك منو م عرفنة😒المووووهم بقينا اربعة انا ومني وسهي ونون اتعرفنا عليهم واحلا بنات والله 😍😍وخالد ووليد ودي شلتنا😬السنة التانية قربت تخلص وكنا شغالين امتحانات بنقعد في الجامعة لوكت متاخر اشان الشرح برجع البيت هلكانة 😪😪

اخر يوم قلنا نطلع البحر وفعلا مشينا كلنا لاقونا اتنين قاعدين مع بعض الولد دا مبالغة حلووو واسمراني كدا والطول معقول 😉والبسمة دي بس عندو براهو😍😶والبت المعاهو دي جميلة جمال والون دا يسوي في الكدي👋🏻👋🏻تقول مستحمية بي لبن🐸😂طبعا خالد ووليد م معانا قعدنا في الطاولة المقاصدة ليهم واشتغلنا تعاليق تحلف تقول معلقين في الاستاد😂😂..الود لاحظ لي لقاني مندمجة معاهم وكل مرة اديهم نظرة ابتسم لي وانا راسي لفة وجاني امساك ورجولي اتلو😂😂 الولد فجاة تلفونو دقة المووهم قعد يتكلم يقول خلاص جاي عليكم يعني الكلام بتسمع اصلا المسافة قريبة كدا وتاني قام اعتزر لي البت قالت لبهو راجية صحبتها ودعها وماشي كدا ندهت ليهو ي باشمهندس نسيت مفتاح العربية 😍 وانا من الساعة ديك حبيت المهندسين والهندسة ومشتقاتها😂😂وبعديها رجعنا البيت بعد ايام كدا وبعد الغدا كلنا كنا متجمعين قلت لي محمد اخوي الكبير والله عيوني دي واجعاني😢😢وبقيت م بشوف كويس ..امي قالت لي ها ي الكزابة😒 ..والله جد ي امي 😥.. محمد قال لي بكرة بوديك الليلة م بقدر .. مؤيد قال لي بليل بسوقك الدكتور اجهزي بس بعد المغرب..تسلم لي 😘ي خوة وريدك في القلب جوه😍😂عمر قعد يصفر امي ناشتو بي السفنجة ي صايع اووع تعمل الحركات دي في البيت دا 😂😂انا قلت ليهو البيت دا طاهر ي ود اسمع كلام امك وخلي حركات الصياعة 🐸انا زاتي فنوني بي السفنجة 😂عمر قال لي امي ماشي الكورة ..ي ولد انت مش ممتحن كورة شنو ..ي امي بقرا بليل ..والله ي عمر سجمك دي امتحانات شهادة قايلو لعب انت ☹..ولا اشتغل بينا لبس الشعار وطلع...

بعد المغرب لبست عبايتي وجهزتة مايد قال لي نمشي بي عربية محمد ولا بي الموتر قلت ليهو اكيييد الموتر 😍😍ركب وركبت وراهو وصلنا الاخصائي قعدنا في كراسي الانتظار في الصف والناس كانت كتيرة فجاة شفت ليك الولد دا قعدت اتزكر فيهو 😮😮ايووو دا ياهو زاتو الولد الكان قاعد مع البت في الكافي زووولي😍😍(ايووو مالكم سميتو زولي😂😂)مؤيد تلفونو دقة قال لي م تتحركي وطلع انا م كان فاصل بيني وبين زولي الا مرة عجوز كدا قربت اشيلها وافنها بعيد 🐸✊🏻طوالي زولي عاين لي وقعد يبتسم وانا قلبي اشتقل دلوكة 😂احيي انا بي ابتسامتو دي كان م غطس لي حجري يوووم ...

يتبع.....

#زولي_باشمهندس
بقلم: سماح محمد

الجزء 04


زولي خلا العجوز القدامي تدخل اول. شغالة تدعي ليهو ساي الله يعليك وم يدلليك وان شاا تتعدل عليك وين م قبلتة💙..هو قال امين وانا قلت امين طولي اتلفت علي عينتة ليهو كدا قلت جمعا ي رب 😂😂😂

مؤيد جاء داخل قال لي لسة قلت ليهو فضل نفر بس ..زولي قال لينا م مشكلة ادخلو قدامي (فديتو البحب الخير 😌)مؤيد قال ليهو لا لا ي زول ادخل انت ..واصر علينا العجوز طلعت ولسة تنده ليهو وتدعي غايتو ي هناي قالو دعوات العجايز مستجابة😐🐸😂دخلنا وعملت لي البت اختبارات وصرفو لي نظارة ..البت تتمايع مع مؤيد اخوي وكلام النواعم داك ..وواي ي هناية والله انا خفت منك تقومي تختي عنيك علي زولي 😐😐طلعنا وقابلنة زولي قال لي مؤيد ان شاء الله خير مؤيد قال ليهو الله صرفو ليها نظارة لكن لفترة مؤقت ان شاا الله ..ربنا يشفي ان شاء الله ..امييين ..وطلعنا رايك شنو نتعشاء بيتزا ..احلف😍😍..وحات الله ..اكيد موافقة ي عمنا ارح 😍✊🏻..اكلنا وشبعنا ومشينا البيت قال لي اوع تقولي لي عمر وسحر ..اصلا م ح اكلمهم 😌..المرة الفاتت قلت نفس الكلام وكلمتيهم 😒..المغرزة سمحة ي اخوي لكن المرة دي والله بحاول 🐸😅😂

رجعنا البيت اخواني مشغلنها لي عموش عمووش ..امي قالت لينا العشاء مؤيد عاين لي انا قلت م عايزة بطني طامة ..عمر قال ريان م عايز الموضوع دا فيهو ان اصلو م ساي 😐مؤيد شغال ليهم والله انا جيعان جوع 😂😂ويحشي في بطنو ساي الصباح اصبح بي وجع بطن الليل كلو م نام دفسة دفس 😂😂الصباح اصبح اصلا كنت ماجزة البنات قالو جاييني في البيت كلمت امي وبقينا نجهز في الحاجات جو فطرو وقعدنا نتونس وقلت ليهم بالمناسبة اليوم داك في العيادة شفت زولي مني قالت لي زولك منو🙁😟قلت ليها المهندس داك ياخ بتاع الكافي😅نون :متين بقيتيهو زولك

سهي:😂😂والله ي ريري

مني:تحبي تصلبطي في الناس غايتو😒😒😒

ياخ خلوني اتم كلامي وحكيت ليهم ....

نون:لكن والله الولد دا قررررضة😍

هييي ي نون 😒واتونسنا غايتو ومرة نتشاكل ومرة نضحك😂😂

وبعديها مشينا اتغدينا مع ناس مني ووعدنهم انو يوم بنمشي ليهم ..

بعد يومين كدا نشطة ودخلت الواتس اصلا بقيت م بحبو عاملينا قروب فيهو نحنا الاربعة نون منزلة صورة زولي 😱😱انا طبعا دخلت مخلوعة دا شنو دا

مني:دا زولك 😂

جبتي الصورة دي من وين ي نون😍

نون:من الفيس 😌لقيت حسابو وسرقتها ليك

سهي :احي انا من الضحكة دي 😂

نون:ولو دايرة رقم تلفونو بجيبو ليك ي ريري 😌😉😂

مني :لزي ساي

لا لا الصورة دي تكفي وتوفي خليك كدا بس😍😍😍

طبعا طالع مبالغة رهيب واقف جمب العربية الضحكة البي تلبشني وتخليني ابول في كرعيني والشياكة ديك اخخخخ السكسوك مضبطة اكتر من السلطة البتعملها امي 🐸💙 كنا مسافرين بس اختي انغام قالت جاية من السعودية وعمر كان ممتحن م في اي طريقة نسافر اشان كدا حبوبة قالت ح تجينا 😍😍😍ياااخ حبوبة دي عسسسل عديل يوم كان يوم جمعة ممحمد اخوي

الصباح. قاعدين نشرب الشاي قال لامي انو عايزين نشتري بيت في المطار ..امي قالت ليهو انامن البيت دا م متحركة دا ابوكم بناهو بي تعبو اصلا م طالعة منو ...هو اصلا بيتنا كبير وعمارة طابقين قالت ليهو عرس انت وامشي اسكن فيهو قال ليها معقولة ي حاجة ..انا هنا فتحتة خشمي😮بجد ي محمد انت م عايز تعرس ..مؤيد:الناس في شنو وانتي في شنو😂..عمر:البت

دي طيييرةوالله😂😂الهي تتطير م ترك ي عمر😒✊🏻..اميين😂

محمد قال لي شوفي لي العروس ببس قلت ليهو سمحح😍🐸✊🏻

بجيه ليك تب😌وبكريتها كان اختي نازلة السودان 😍😍طبعا عندها ولد وبت صغار😍😍منزر ومنار 😍🐸💙وحبوبة كانت جاية الاحد...

يتبع.....

#زولي_باشمهندس
بقلم: سماح محمد

الجزء 05

نضفنا ورتبنا البيت وانا اشكي وووي ي ضهري وجعني من الخشرة تحت السراير لي الكنيس 😥😥 امي عاينت لي بي قعر عينها خلي النقة ونضفي سريع😒😒محمد قال لامي ي امي انا مش قلت ليك شوف ليكم حبشية ولا مرة تنضف ليكم ..لالا ي ولدي خلي البنات ديل يتعودو علي الشغل والمسوولية النصيب والقسمة م معروفة تكون وين ❤(كلام في الصميم ي حجة😌)انا م صدقتة جابو سيرة عرس تاني خشمي دا م فتحتو زي الحصان نطيط.ونظفت البيت كلووو😂😂بعد م انتهيت طلعت غرفتي فوق انا وسحر طبعا لقيت سحر تقرا رقدت في سريري ومسكت تلفوني شوية كدا وجاتني رسالة من رقم غريب قال لي سلام وريت ليهو وسالني كيفك قلت ليهو تمام بس منو معاي قال لي واحد قلت ليهو واحد ولا اتنين 😒عايز تقول ولا احظرك قال لي والله معاك امير ..انا طبعا م رديت عاينت لي الرسالة وطنشتها 😨😨مخلوعة (دا امير 😨امير عايز مني شنو وجاب رقمي من وين ومرسل لي لي) كلها اسالة كانت دايرة في راسي قال لي مالك م رديتي قلت ليهو ايو اهلين قال لي اسف لو ازعجتك قلت ليهو ولو م فيها ازعاج 😅😅 قال لي عايز اعرف حاجة ..اتفضل ..انتي مالك حظراني في الفيس ..قلت ليهو متين انا م حظرتك ولا شي (نكرت حظب😂)االايكون بلغط ولا شي ..قال لي م تتهربي ..اتهرب من شنو ..وداد كلمتني بي اي حاجة ...وداد 😨😨انا هنا خفت خوف قالت شنو السجمانة دي ...طبعا م رديت غلبني اكتب ويديني ديل عرقو ...قالت ليك شنو...اي حاجة ...اي حاجة كيف ...يعني انكم اتشكلتو بي سببي وانك كنتي عايزاني وكدا وانا اسف للنو بي سببي حصل كدا ..ايو طيب اقول ليك انا اصلا موضوع وداد كدا كدا م كان علاقتنا كصحبات كويسة لانها اصلا انا وثقت فيها ومسكتها امانة انو م تكلم زول بي كدا وبعد الحصل كلو م اتوقعت انها تكلمك او تتكلم زول بس لمن كلمتك اسبتت لي انو صداقتنا او العلاقة المسمنها صداقة انا وهي كانت علي الفاضي اما بنسبة لموضوع اني عايزاك فدا كان اما بعد العرفتو بطلت احلام وحرفات واتعودت علي انو لازم الزول يعرف الطرف التاني عايز اي..بس انتي م صرحتني ..يعني انت شايف من المفترض انو انا اجيك واصرحك? ??..لا م قصدي بس انا لو عرفت م كان وصلنا لي مرحلة زي دي ..ي زول انا نسيت الموضوع دا ولو انت نسيتو بكون احسن ..قلتي كدا ..ايوووو.. طيب

بعد كدا مشيت فطرت وبعدو نمت بيني وبين نفسي فرحانة لانو عملت كدا 😌(دا اميير الكنت بهاتي بيهو ليل ونهار اليلة انجزتة😌😝)دخلت الواتس لقيت البروفايل الحالة العاملها مافي قلت معقول حظرني 😨😨طوالي حظرتو حلال عليك وحراما علينا ☹👊رسل لي رسالة عادية كاتب لي فيها (بالمناسبة انا م حظرتك اخفيت الصورة والحالة بس)م اشتغلت بيهو شوية كمان رسل لي ( دا م اسلوب تتعاملي بيهو مع زول دا اسلوب زول جاهل اتعلمي البوتقية مهمة في الحياة) اتخيلووو قالها لي بهذا الشكل 😦😮😨😨وانا خلاص يعني شنو قاصد انا جاهلة موووش طيب ح اوريك 😡😡بس قلبت ليهو واتس وفكيت الحظر ...قلت ليهو البوتقية اتعلمها انت وبعدين مش جاهلة جاهلة بي حقي م في زول طلب منك تقيمني ولو جينا لي الزي دا بتلقي نفسك اكتر زول جاهل فاشنو لو سمحت تاني م ترسل لي 😏😏وتاني رجعت حظرتو احمد ربك انو م كترت معاك ردح ودا اشان كنت محترماك وولد حلتي والا كان سمعتك كلام عمرك م سمعتو 😒😌👊حكيت لي البنات في القروب م صدقو😒 طبعا قلت ليهم المحادثات معاي استكانتكم بس😌اليوم دا عدا علي كدا وبكرة اختي جاية😻😻😻...

يتبع....

#زولي_باشمهندس
بقلم: سماح محمد

الجزء 06


صباح الله اصبح وانا وسحر فرحانين لانو اختي جاااية😻😻😻ومنزر ومنار طولنا منهم حلاتهم ياااااخ😻😻😻نضفن البيت وبخرناهو وبس منتظرنهم بفارق الصبر وصلو قريب العصر كدا زي 3وداك ي السلام والبكي م بعرف كان م بتجي كل سنة كان عملنا شنو😂يلا والونسة اشتقلت وشاي المغرب الجيران يجو يحمدو ليهم السلامة راجلها جه معاهم وقال ماشي بعد المغرب يسلم علي اهلو وطلع راجلا دا مزة ياااخ🙊(سمعتكم قلت قليلت ادب😒)نحنا قاعدين نتونس كلنا اناواخواني انغام قالت لي ريري قلت لي كيف مع الجامعة ...والله تمام م شا۽الله😌..م جاك عريس يعني وهي بتعاين لي مؤيد اصلا هي ومويد بي يشغلوها لي 😂😂عاينت ليها كدا 😒 محمد قال ليهم ياخ حرام عليكم صحبي اكان طلبها مني بس انا رفضت هي لسة صغيرة ..قلت ليهو احلف😳😳😳..جادي معاك انا😌..م تقول لي صحبك عمرو الكسار داك والبجيك كلو يوم جمعة😰😥 ..عمر قال لي لقيتك مركزة شديد 😂😂😂 وكلهم بقو يضحكو ..امي قالت عاد بري منك انتي خفة وشعر تفة 😒..هي ي حجة الا الشعر دا م تتكلمي فيهو😌 تربايت حبوبة عاد كيفن 😌😍بليل دخلت الواتس قلت لي نون اخبار زولي شنو قالت لي صادقتو في الفيس اها وقال ليك شنو.. ي بت اسكتي ساي الود عامل نفسو تقيل وم. برد لي سريع ويرد علي حسب السوال😐 لالا هو م تقيل بث يكون انتي الشليقة😂

اليوم البعدو فردتي وزولتي جاية 😍راجيها زي العروس لمن ترجة عريسها حبوبة وصلت قريب العصر كان جايبها خالي 😍😍😍حضنتها وسلمت عليها سلام حااار واللمة والونسة اشتغلت بعدو تاني يوم من الصباح جوني البنات سلمو علي انغام وحبوبة ..ومشو والمغرب كدا نشرب في الشاي حبوبة قالت لي محمد انت ي ولد مك دار تعرس ..محمد عاين لي 😒☹هووي شنو والله م حرشتها 🐸🙊😂❤قال ليها قريب ان شاء الله قالت ليهو استعجل لانو عايزة اشوف اولاد قبل م الله ياخد امانتو 💔قال ليها توفي من خشمك ي الغالية 😥💔انا دموعي نزلو عمر قال لي مالك بتبكي ..قلت لي حبوبة وانا م عايزة تشوفي عيالي 😥😥😥ينفع كدا ي حنينة😂😂وفكوها ضحكة

رمضان جه واستعدينا للصيام انا غريتو مقضيهو كلو نوم 🐸😪واخبار عن زولي اتقطعت لانو نون قالت لي دمو تقيل م بتكلم معاهو تاني 😂رمضان كدا والعيد جة وبليل نضفنا البيت وجهزناهو الصباح صحبت عيدت عليهم واتزكرت ابوي الله يرحمو كان دايما بدعي لينا الله يرحمو😞😔💔

الوطة لسة بدرري فكيت شعري وحبوبة بقت تسرح فيني طبعا شعري ماشاء الله طووويل وناعم زي حق حبوبة مع انو ابيض بس لسة طويل بتسرحو ضفاير اما اخواتي طويل برضو بس انا احسن منهم😌

وبعدها سحر بقت تجوط حبوبة قالت ليها تعالي ي حبيبة ماما اترزعي لي هنا بلا جوطة معاك🐸😂الناس جو باركة وانا مشيت مع منيحايمين الحلة وصلنا بيت ناس وداد مني عاينت لي قالت لي نتوكل ..علي بركة الله🐸..دخلنا سلمنا وعيدنا عليهم وطلعنا وداد اعتزرت مني قالت لي ي ريان انا بعتزر منك عن كل القلتو ليك وانابجد اسفة والدنيا عيد قلت ليها حصل خيير وطلعنا وصلنا بيت ناس امير مني قالت لي لا لا كدا خططططر 😨قلت ليها بلا خطر بلا قطر انا داخلة غايتو 😐وفعلا دخلنا طبعاهو ح يكون جا من السفر للعيد دخلنا سلمن علي امو واختو اختو قالت لي عاد ي ريان م بتجيبك الا الاعياد والمناسبات قلت ليهاوالله مع جري الجامعة والمشغوليات م في طريفة. مني تقرص فيني اشان اقوم وانا حالفة كان م شفتو بايتة معاهم يعني بايتة😂😂فجاة جاء نازل من غرفتو طبعا اتخلع بس يعاين لي واعاين ليهو😑سلم علينا وشرب موية ورجع بعديها انا قمت طوالي 😂😅....

يتبع....

#زولي_باشمهندس
بقلم: سماح محمد

الجزء 07

مني قالت لي عاد بري منك انا قلت ليها ولو علي اكان عملت اكتر 😈

في رجعتنا علي البيت مني غشت معاي البيت لانو الدنيا ضلمت قلت نغشي بيتنا واسوق معاي واحد من اخواني نقدمها شوية بيتهم ابعد لقيت مؤيد جمب الباب قلت ليهو ميدو قاشر كدا علي وووين😍😍

قال لي حفلة والله 😌قلت ليهو طالع قرررضة وكان م اخوي اكان جازفتك😉هههه انتي والله مجنونة 😂بيك ي جميــل😙😉ي بت صحبتك رجياك امشي طيب عمر جوه في اي لي عايزة شنو يمشي معاي نقدم مني قال لي طيب اصلا انا منتظر اصحابي وشكلهم اتاخرو ارح انا بمشي معاك وصلنها ورجعنا اصحابو كانو منتظرنو سلمت عليهم ودخلت 😌احييي انا من اصحابو المزز ديل معقولة واحد م م دايرني فيهم☹ضربت لي سهي وهي فرحانة ولمن صوتها يقطلع من الفرح ونفسها قايم يبت مالك قولي بسم الله😟عايزين يخطبوني كزابة 😳😳والله العظيم جادة معاك و بكرة كمان اخيرا 😍😍قلت ليها الف مبروك مقدما كدا وعقبالي ان شاء الله😻😥😔قالت لي امين

كلمتي مني لالا اسي بتصل بيها طيب ..نزلت تحت قلت ليهم صحبتي بكرة خطوبتها ❤😍 امي قالت لي منو قلت ليها سهي قالت لي والله م شاء الله بت رزينة تستاهل وانا ي يمة😥انتي بس البدورك دا ي ام احوص او م عندو زوق😒اخواني ضحكو حبوبة قالت ليهم هوووي مالكم مع بتي السمحة دي بعدين بتشوفو كان م جابت عريس يسد عين الشمس 😌قلت ليهم شوفتو القميــل😈😜تاني قلت ليهم هي اتزكرت ماشة اجهز حاجاتي يمكن القط لي واحد بكرة😂😂وجري💃💃مشيت جهزت حاجاتي بكريتها من الصباح مشينا لي سهي شلنا هدومنا في شنط وصلنا طبعا بيتهم م شاء الله م بتوصف حاجة كدا خرافية😍قلت لي مني نحنا في لندن ولا باريس 😍م عارفة والله لو كان حلم النبي م تصحني 😍دخلنا ولاقتنا سهي سلمنا عليهم وناس بيتهم ظراف والله زي سهي لقينا نون وبقينا نجهز معاهم سهي قالت لينا كان عايزين نجيب الحاجات جاهزة بس اضمن بتاع البيت قلت ليها صح ✔انتهينا وسهي مشت الكوفير مع بت عمها اسمها رنا بت طيبة وعسسل انا حبيتهاوالله😍وبعديها رسلت لينا عربية اشان نلحقها في الكوفير رسمنا كل وحدة يد بليل جهزنا انا عملت روج كبدي بصيت وكحلت عيوني طبعا حواجبي نهاية م بلمسها وعملت بدرة بصيتة واصلا لوني اصفر وسهي دي طلعت مبالغة عسل طبعا هي حلبية 😍😍😍مني ونون زي ام العروس 😂لكن طلعو حلوات😚مشينا الصالة والحفلة وم احكي ليكم عن خطيب سهي م شاء الله مبالغة غايتو م بتوصف😂لبسو الدبل والحفلة بدت ربينها ليك رب انا ونون ومني والله رقصنا رقيص والمصور دا بس شغال فينا تصوير😂😂ونحنا نقوم ونقعد 😂محمد وانغام وسحر شيفاهم جو امي شكلها قعدت مع حبوبة محمد دا يحمر لي ساي ولا اشتغلت بيهو طولت من الهجيج والله😌💃

جا فاصل مشيت سلمت علي اخواني قلت لي محمد عندي ليك عروس عاين لي كدا😐😒جادة معاك والله حلوة عاين ليها البت الجمب سهي 😉مني جات قاطعتني سلمت وقالت لي يلا عايزين نتصور😻ويلا ديك ي الصور 😅عاينت كدا ناحية الشباب وانا في نص الدارة وارقص اشوف ليك زولي بس خلاص لقيتو يعاين لي 😳الليلة وووا فضيحتك ي ريان 😰😨واسي يقول البت دي هايجة ساي 💔كلمت نون ومني قلت ليهم تمو الحفلة براكم انا من الليلة ح اخيلي الهجيج😥مشيت لي سهي ي كلبة عان زولي يبقي ليكم وم توريني😡👊قالت لي والله العظيم م ببقي لينا اسي قالت عرفت انو ببقي لي هاني 😧(خطيبها)طلعت برا الصالة جمب البحر قلت هووووي ي ريان انتي مش قلتي بطلتي احلام وانو تاني مافي حب بلا زولي بلا طلس معاك امشي تمي حفلتك وعيشي ي بت وانا راجعة علي الصالة اشوف ليك زولي وراي 😳ااتخلعت وزنقني بووول 😰قال لي م شاء الله لقيتك بتاعت هجيج وكدا الزول اليشوفك يقول هادية ..قلت ليهو ببـبــ بري م بببـعرف قصدي اااااي رقيص 😅😥😨بق يضحك قال لي اسمك منو قلت ليهو ريان قال لي اسمك حلوة ..انت الاحلا قصدي تتتــ تحلا اااايامك 🙊😳😂اتونسنا وشال رقمي وقال اسمو احمد😍❤ قال لي مدام دي المرة التالتة نتلاقة انا فرحت فرح ودخلت لي البنات مبسوطة 😻😻😻....

يتبع....

#زولي_باشمهندس
بقلم: سماح محمد

الجزء 08

دخلت ليهم مبسوطة لي الطيش وسنوني دي لي الضروس برا 😂راجية متين يرسل لي رجعنا البيت بليل رقدت نمت الصباح اول م صحيت شفتة تلفوني م لقيت رسالة منو 😪نزلت وكلنا اتلمينا لي الشاي. محمد قعد جمبي قال لي شفت البت قلت ليهو ياتو بت قال لي الفي الحفلة الجمب سهي قلت ليها اهاااا كيف ليك😉قال لي صراحة حلوة قلت ليهو ولسة اخلاقها احلا ..طيب اسالي لي منها سهي قلت ليهو من عيوني ي عيوني 😚😍دا كلو ونحنا بي نتكلم براحة امي قالت لينا خلاص انتهيتو ولا لسة في باقي كلام 😒 قلت ليها خلاص خلاص🙊طلعت غرفتي فوق اتصلت لي سهي صباح الخير ي عروسة😍 صبااح النور بالبايرة😧😂 بلا يبلاك ي سجمانة 😒بالمناسبة عايزة اقول ليك بت عمك رنا مخطوبة.. لالالي يعني سالتي والله محمد اخوي دا قال عايزها وكدا ..طيب انا ح اكلمها 😍ااسي عليث الله واديني الرد ❤حاااضر ..محمد جاني اها بشري قالو مخطوبة خاطبها ود خالها😪😔اصلو م معقووول 😥

وخت يدو فوق راسو قلت ليهو ها ها اكزب😝😜😸صدقت م تقول لي ..انعل ابوو هبلك ي مرض 😡 اها قالت شنو 😍بعدين بجيك الرد وان شاء الله توافق😌 ..ان شاء الله ياااخ☺امي تاني جات لقتنا مع بعض نتكلم قالت لينا اانتو الليلة مالكم الحاصل شنو م يكون ريان عملت ليها حاجة وداسنها علي 😕😒قلت ليها بتعرفي كل حاجة في وكتها ي حجة 😌دخلت الواتس لقيت رسالة من رقم غريب م صدقت رديت ليهو االسلام😍قال لي انا احمد عرفتني قلت ليهو اي (بي قلبي اقول ليهو هو انت عاد بتتنسي😚😂)اتونسنا واتعرفنا والحاجة العرفتها انو ممهندس يعني ي داب ليهو تلاتة سنة متخرج قلت ليهو اانا ح انزل السنة التالتة ان شاء الله وونستنا كانت عادية 🙂نادوني االفطور فطرت ولقيت مكالمة من سهي قلت ليها اها قالت شنو😨قالت لي وافقت 😍قلت ليها ح ارسل ليك الصورة وريها ليها رسلت ليها صورة محمد اخوي وهو زول شياكة ووجيه 😍❤بس مشكلتو جادي شوية لانو هو الاتحمل المسولية بعد ابوي الله يرحمو ورتها ليها وقالت لي اي موافقة لمن صدعت لي اضاني لمن شافتو بقت تصرخ😂😂قلت ليها عاد تمام🙊مشيت لي حمودي قلت ليهو قالت موافقة وبليل كدا كلمنا امي وامي ي داب نقشت القصة ووريتهم صورتها حبوبة قالت لي عاد سمحة م شاء الله امي زاتها عجبتها واتفقنا انو يوم الجمعة نمشي ليهم 😍طلعت غرفتي لقيت محمد قاعد لي في السرير قلت ليهو ي ولد مالك 😳قال لي لزي لي الصورة دي سوووورعة 😂قلت ليهو ابيت 😜قال لي عليك الله ياااخ ..عايز تعمل بيها شنو انت 😉تعرفي انك واحدة قليلت ادب وامي لمن بي تنهرك م غلطانة عليك 😒يلا انا كدا وامشي خلي زول تاني يحول ليك الصورة😌خلاص خلاص عايزة شنو 600الف عايزة اشتري فستان وحاجات 😬ولو زتهم لي حتي الرقم بجيبو ليك 😉قال لي اوووكي😒 طلع وانا دخلت الواتس اتونست مع البنات ومع احمد مرت الايام ومحمد وامي وانغام وعمي ومويد مشو ناس رنا اشان اتقدم ليها وفعلا وفقت والحمد للله انا نزلت الجامعة وطبعا احمد بقي جزو من حياتي ولو م اتكلمت معاههو يومي م بكمل وبقيت بلاقيهو طواالي بجيني في الجامعة.وربطة معاهو 🙈اول مرة احس بي الفرح لدرجة دي في يوم بليل كنت بتكلم معاهو بعد م قفلنا دخلت الواتس لقيت رسالة من رقم غريب فتحتها اتخلعت بي الكلام الفيها 😨😨...

يتبع....