وقسمه حتجرتك مريم ذي ما هي عايزه وبعد قسمه تمشي مريم تمشي تغير فستانها حتي ندخل الرجال وانصاف تعمل لينا جرتك تاني لكن مرتي يشوفها اي راجل غيري وهي لابسه كدا مااافي واي كلام كتير بسوق مرتي وامشي 😡

نانا: لالالالا تمشي كيف.. كلام عين العقل يلا ياقسمه 👏🏼

انا مت من الضحك 😂 اها يا اخونا لازم اعمل الحركه العبيطه ديك بعد دا 😅 واعفوا لي

انا البت اللبست فستانين زفاف

واتجرتكت مرتين انتو منو 😅 هههه

مشينا غيرت الفستان وابتدت انصاف مدني ، انصاف الحب هججت لينا جنس هجيج والشباب ديل مافي زول ما غنت ليهو وحسام اتفشي تمام وهي ونانا عملوا عمايل 😅

👏🏼👏🏼👏🏼👏🏼👏🏼👏🏼👏🏼👏🏼👏🏼👏🏼

ياما عشاني سوي .. ماساهل ماشويا

وقطر المسا الطول ..ماساهل ماشويا

اثبت ليا انو مثلو ما والدة حواء

ماساهل ماشويا 😍😍😍

بعدو انا وحسام تاني مشينا غيرنا انا لبست توب تاني وحسام غير الجلابية وكان ختام عرسنا ب محمد الريان و وليد جوبا ديل كمااااان عجبين مره 😍 وراني وايليف كانوا نجمات العرس 😍 ومع الحنه انسوا بس

بكدا انتهي العرس ومشينا كلنا علي الشقه الشله حيسافروا بعد يومين لكن انا مفروض اسافر طوالي 😭 وما عارفه ماشه وين وماعندي هدوم غير لبسه السفر يعني هذا الرجل الاسمو حسام دا اتساغل علي سغاله 😭 وكمان ماما زينب و نانا دخلوا لي في دور الوصايا 🙈 يا اخوانا انا دكتوره وعارفه اي شي لكن المصيبه في الحاجه الاسمها ريحه ما بعرفها 😢 مع انهم كاتبين لي علي كل واحده اسمها لكن كنت عايزاهم يوصفوا لي بستعملوهم كيف لكن حسام واقف وشابكني اتاخرنا الميزان حيقفل. نانا قالت لي بعد تصلي اضربي لي او لي حنين بنوريك ..

و دعتهم وبكيت زين وطلعنا ، واكيد الشله 😍موصلننا للمطار

بين الريد والهوى ..عشنا أيامنا سوى

ما قاسينا النوى

ما أحلاك يا هوى ..الهم راح وانطوى

عش ريدتنا استوى

بين ايديه هنايا .. في عينيه منايا

حققنا أحلامنا

والعاشق عقبالو 😘😘

يتبع....

#مريم
بقلم: مريم النصري

الجزء 61

مشينا المطار ومعانا الشله لما وصلنا حسام خلاني واقفه بتونس معاهم ودخل يحصل الميزان قبل ما يقفل و دا كلو وانا ماعارفه نحن مسافرين وين .. سالت مهند واحمد نكروا قالوا ماعارفين مع انهم مستهبلين .. استسلمت وبقيت بتونس مع البنات لحدي ماحسام جاء قال ليهم يلا لازم ندخل بعد دا و ودعناهم ودخلنا صاله VIp ، الصاله رايقه مافيها ناس كتار وطبعا شكلنا ظاهر عرسان من حنه اليدين بتاعت حسام 😬 وفي بتين من بنات الخطوط بس بقوا مركزين معانا نوع البوروك انهم بقطعوا فيك 😂 انا قربت اقول ليهم اتفضلوا يا اخوانا اي سوال 😅

انا : حسام

حسام : عيونو لحسام اطلبي

انا : ممكن تقول لي مسافرين وين أساسا بعد شويه ح اعرف من نداء الطياره بليييز وريني 😘

حسام : لو عايزه تعرفي حالا اعملي اي حركه بوسه ، حضن لكن ساي نووو 😜

انا : خلاص بدينا قلة الادب 😬 جدا ماعايزه اعرف لكن بتاباهو الكلام دا 😉

حسام : التهديد دا كان زمان لكن خلاص هسي بقيتي مرتي رسميا يعني ح اقل ادبي بمزاج ولا علي كيفك 😜

انا : اظهر اظهر علي حقيقتك من اول دقايق قلبت خلاص الله يرحم الحنك و الرومانسيات 😔

حسام : ههههه ما تجمعي .. حنك تاني مافي كمان احنك في حقي 😜لكن ما تخافي الرومانسيات في الطياره 😉

انا : كمان جابت ليها حقي وما حقي كر عليك يابت النصري الوقعتي وقعه سوده ذي وشك 😔

حسام : لو ذي وشك معناتو وقعه سكر وعسل بنقط يا قلبي 😍 طيب اها ماربيا ، مايوركا ، مدريد ، برشلونه وما كدا وبس في مفاجأت اخري

انا : حسااااام اسبانيا نو ووووي ياخ انت احلي زول 😘 ومسكت يدو يا سلام يا قلبي ثانكيو 😍

حسام : هههه طيب ح قول تاني ماشين اسبانيا لكن عبري بطريقه اعمق حضن مثلا 😍

انا : وهو في اعمق من الغناء 😉

حبيبي برشلوني يموت بـ برشلونه 👏🏼👏🏼👏🏼

حسام : معاه امشي بدربه احب اللي يحبه .. ولو لمتوني عادي كيفه يايرضى قلبه 👏🏼👏🏼👏🏼

طبعا البنات ماتوا من الضحك 😂 حسام عاين ليهم كدا وقال ليهم مادام متابعننا قدر دا اتفضلو 🙊 البنات طوالي مشوا 😅

تعلن الخطوط الاماراتية عن قيام رحلتها رقم 555 المتوجهه الي مدينه اسبانيا علي المسافرين التوجهه الي الطائرة عبر البوابه رقم 5 😜

توجهنا انا وزوجي 😍 الي الطائرة وعشان عارفه حسام وحركاته

انا : حسام انا عايزه اموت من التعب عايزه انوم

حسام : ما تنومي ياخ كلها 4 ساعات ونصل الإمارات وتنومي في الفندق

انا : الامارات وفندق قلبي ما اطمن ليك مش قلت اسبانيا المنزلنا الامارات شنو ما نمشي طوالي 😳

حسام : ما بقدر اصبر لحدي ما نصل اسبانيا 😉 نقعد 3 ايام في الامارات وبعد داك نمشي اسبانيا

انا : كنت متخيله اني معرسه لي راجل فاهم وراقي لكن طلعت حيواني وفهمك كلو قلة ادب انا الخلاني اعرسك شنو 😢

حسام : يا هو دا العرس كدا حتعملي شنو قسمتك يابت النصري 😎 وبعدين شهر العسل متعارف عليهو انو هو شنو 😂 بعني كل البعرفوك عارفنك مسافره عشان تقلي ادبك 😅 بقت علي 🙊 ولو دايره تنومي عندك خيار واحد حضني دا بس 😅 غير كدا خليك صاحيه 😜

انا : أساسا كنت عارفه ماممكن تكون بالشكل الملائكي الظهرت بيهو لي و وراك مصيبه

حسام : هههههه مش المصيبه دي اخير من المصيبه الاتهمتيني بيها 😉

سكت منو والمضيفه نزلت لينا الاكل واصلا جعانه قلت اخير اكل واشغل نفسي منو وفعلا قاعده ب اكل بمزاج وطنشتو

حسام : شوف شوف فتحت النفس ما تتكبكبي وتهرشي من الراجيك جنس قوه قلب ولا يا ربي دي خفه وكلامي عجبك 😍

انا : حسام الحسيني اسكت مني وماعندك شغله فيني بعدما نصل الفندق اخد حقك وبس وتاني ماعندي ليك حاجه 😢

قعد يشاغل فيني كدا لحدي ما وصلنا الامارات ونزلنا وما طلعنا طوالي قعدنا في الصاله لحدي ما جوا ساقونا الفندق

حسام : مريومتي اغلي حاجه في حياتي بهظر ياخ انتي متخيله اني فعلا ممكن اكون كدا مع نور عيوني عندنا انتظار 10 ساعات عشان كدا حنمشي الفندق ما شايفاني شايل شنطتنا الصغيره بس فرفشي ياخ 😍

ابتسمت ليهو وبيني وبين نفسي وقلت اصبر يا حسام كان ما وريتك الجن علي اصولو 👌

حسام : خلينا ننوم ونظبط المنبه لبعد 8 ساعات نصحي نغير ونمشي المطار انا ذاتي ميت من التعب وباسني في راسي ومشي رقد وقال لي تعالي السرير واسع ما تخافي ما ح اجي جنبك

انا : دخلت الحمام وطوالي جيت رقدت في الكنبه

حسام : مريم ماممكن تكوني ما بتثقي فيني كدا الخاليني صابر عليك الزمن دا كلو وانتي علي ذمتي هو الحيخليني برضو اصبر لحدي ما نصل تعالي نومي في السرير وانا الحنوم في الكنبه وماداير نقاش

وقام جاء وقف جنب الكنبه وانا طوالي مشيت رقدت في السرير وبالجد انا ملجنه عديل والرقيص هدا حيلي ومع ارهاق الايامات الفاتت طوالي نمت وما صحيت الا لما هو جاء يصحني

حسام : يلا يامريومتي عربية المطار حتجينا بعد نص ساعه

انا : ماقادره وبعد ما رقدت تعبت ذياده ، خلينا نسافر بكره

حسام : ما حبنفع با مريومتي ، انا الحجز دا لقيتو بعد تعب امشي نومي لم

ا تصلي وهسي اخدي شور حتفوقي عندك غيار في الشنطه .. لما عاينت ليهو لقيتو غير ولابس ليهو بنطلون جينز وتي شيرت .. قمت شيلت غياري واخدت شور سريع ولبست ولميت شعري ضنب حصان وطلعت عاينت لهدومي وهدموا وضحكت نفس الطقم انا وهو بس التي شيرت حقي طويل والقبلو برضو كان مطقم معاي بنفس لون لبسي 😍

حسام : ههههه زول رومانسي لكن مين يقدر ، مريومتي بوسه بس ماممكن الجفاف دا انا عريس يا اخوانا

انا : اشرت ليهو علي خدي اداني بوسه ومسكنا يدين بعض وطلعنا 😍

تصرفات حسام معاي خلتني ريلاكس وطول الرحله بنتونس وبنضحك وصلنا بعد 7 ساعات وربع تقريبا .. وكنت ظريفه لحدي ما وصلنا الفندق ودخلنا الغرفه ولقيت السرير كلو ورود ، والشموع نططت عيوني واتوترت خلاص

حسام : مريم والله انتي حتجننيني ماممكن كدا يا قلبي 😔 وجاء قعد جنبي ومسك يدي وبقي يتكلم معاي مريومتي والله انا بحبك وعارف انك تعبانه وما داير اهبشك اصلا الليله وكلو الدايرو انك تنومي في حضني و حتي من بكره ما ح اهبشك الا برغبتك انتي .. ف رجاءا ما توتري الاجواء انا ح ادخل استحمي قدامك لحدي ما انتي تفتحي الشنطه وتتفرجي في شيلتك 😅 وتختاري ح تلبسي ل زوجك حبيبك ياتو قميص 😍

بعدما دخل الحمام جري علي الشنطه فتحتها 😂 و كل ما اشوف قميص نوم اصاب بالذهول 😲 والله حرام ذاتو اقول عليهم قمصان اخير انوم ساي 😭 لكن يصبر لي حسام المجرم طوالي فتحت شنطتو وشلت بجامه منو بنطون طويييل وتي شيرت نص كوم وقفلت الشنطه 🙊 وشلتهم لفيتهم في البشكير وانتظرتوا لحدي ما طلع

حسام : مريومتي اها رايك شنو في ذوقي 😍

انا : ذوقك رهيب تسلم حبيبي 😍 وطوالي دخلت الحمام 😂 وطلعت ليهو بالمفاجاه 😅 لكن كنت لابسه اسدال الصلاه لحدي ما صلينا ودعينا . هو مشي علي السرير وانا مشيت اتبخر ،اتبخرت وجيت لقيتو ليك منبطح بمزاج 😂 اول ما شافني 😂😂😂

حسام : لا حوله ولا قوه الا بالله 🙆 مريم بنكهه احمد صحبي معقوله بس 😂 دا شهر عسل ولا عقاب انا عملت شنو كعب ياربي 😅 عشان تعاقبني كدا

انا : عملت فيها مفتح وجنيت علي نفسك 😂 ومشيت رقدت في السرير بالطررررف 😅

حسام : 😂😂😂 اقسم بالله انتي كارثه ،تعالي يا مجنونتي من الليله مكان نومك هنا واشر لي علي صدروا ولو ما ارتحتي عافي ليك نومي النومه البتريحك

قلت يامريم ما تكتري المحلبيه مشيت رقدت في صدروا ضماني في حضنو وباسني في رأسي .. انا كنت كاشه في الاول طبعا لكن تاني استمخيت بمزاج 🙈 حقيقي إحساس لا يوصف انك تنومي في حضن راجلك البتحبيهو .. احساس بالامان والطمأنينة ما حتحسوا الا البت الحافظت علي نفسها ولقت راجل بحبها وبخاف عليها وعايزه بالحلال .. فشنو ابقوا عشرة علي نفسكم يا بنات شرفك ما بستحقوا الا راجلك حلالك .. اما ناس حبيبي وعمل لي وسوي لي دا ما حب دا دمار لنفسكم البحبك بالجد بخاف ربنا فيك

حسام : حبيبتي شايفك استمخيتي 😅 هسي يعني انا لما أتذكر ليله دخلتي اتذكر احمد صحبي ما حرام يا اخوانا 😔 طيب ان شاءالله قبله بس وحكي لي نكته ذي وشو 😅 ضحكت واديتو بوسه في خدو وحضنتو وعملت فيها نمت لحدي ماهو نام واساسا انا حلفت ما ح اخلي الليله بعد فصاحتو معاي وكمان من العقد الفاجاني بيهو ناويه ليهو بنيه سوده

بعد ساعتين كدا قمت قعدت في نص السرير وبقيت اصرخ واصلا دموعي ما بتخذلني وهو قام مخلوع

حسام : بسم الله يا مريم في شنو

انا: وانا بصرخ انا الجابني هنا شنو 😲وانت منو 😲وجاده طبعا والدموع 10 10

حسام: لا حوله ولا قوه الا بالله جابت ليها انت منو كمان،يا مجنونه انتي انا راجلك 😅 شكلك شفتي كابوس طير ليك الصاموله الفضلت ليك في مخك

انا: زح مني وماتكذب انا ما معرسه 😭 واتذكرتك انت دكتوري الفي الجامعه

حسام: لالالا نسيتي الرقيص والحت الحتتيهو كمان مريم انتي شكلك جاده 😲 كدي اهدي وماتبكي .. غلطان انا الماسمعت كلام حبوبه لما قالت لي ما اخليك ترقصي بطقوك عين وشكلو دا الحصل .. وبقي جادي وخت يدو في راسي وبقي يقرا لي في قران وانا بعد حوالي 10دقايق كدا بقيت اتراجف ليهو وهو نطط عيونو 😂 لا انتي كدا لازمك رقيه شرعيه عديل واتجرس وفتح رقيه في تلفونو وبقي حاضني انا استمخيت بمزاج وبعد مسافه حتي فكيت الضحكة 😂 حسام اتخلع في الاول ولما قمت منو وبقي شايف وشي وانا ميته من الضحك حتي استوعب انو دا مقلب مني وبقي ساكيني وبخبط فيني بالمخده وبضحك

انا: دا اول مقلب وارجي الراجيك 😉

حسام : 😂😂😂 نهائي ما اتخيلت انك مستهبله وعشان انا فعلا كنت خايف يحصل ليك حاجه وكلام حبوبه كان مخوفني زياده طوالي صدقتك 😅 تعالي ياخ اقسم بالله بموت فيك وجنك دا بجنني فيك زياده يلا النوم رقدني في حضنو ونمنا 😘

صحيت الصباح قبلو استحميت وغيرت بي لبس المرقه لانو هدوم البيت الجايبه ما فرقت كتير من قمصانو .. طلبت الفطور وصحيتو صبحت عليهو وعاين لي كدا ودخل الحمام وجاء لقي الفطور جاهز قعد طوالي

حسام : ايه القشرات دي حنطلع بعد الفطور طوالي ولا شنو

انا : ما تستهبل يا روحي ما انت عارف

الحاجات الجايبه عامله كيف

حسام : يعني ما حتلبسيها 😏

انا : ح البسها اكيد بس بعدما نتعود علي بعض يا حسام

حسام : ما حنتناقش يامريم واخدي راحتك خلينا نطلع ونحن راجعين نمشي نشتري الهدوم البتريحك وربنا يصبرني بس ماعندي كلام غير كدا اقولو ليك

فعلا طلعنا اتفسحنا ونحن راجعين مشينا مول لما جينا ندخل محل اللانجري قلت ليهو انتظرني بره دخلت سريع اشتريت قميصين احسن تسمعوا وصفهم من حسام 🙊

حسام : الساعه 9 يامريم خلينا نرجع بعد دا

انا : بيني وبين نفسي 9 يعني بليل يعني السرير يعني الفيلم الفيلموني طوالي قلت ليهو نفسي احضر فيلم بما اننا في مول خلينا ندخل سينما بليز

حسام : 😂😂😂 جدا يا مريم بس في النهايه برضو حنرجع الفندق الزايغه منو من قبيل 😅

مشينا حضرنا الفيلم ورجعنا الفندق وكالعاده هو دخل الحمام قدامي وطلع وانا دخلت بعدو خليتو بيتبسم ساي 😃 استحميت ولبست قميص النوم وطلعت 😍

حسام : اول ما شافني .. لبيك اللهم لبيك ، لبيك لا شريك لك لبيك ، ان الحمد ونعمه لك والملك لا شريك لك

واتفقع من الضحك 😂😂😂 ايه لبس الاحرام الجميل دا ما كلمتيني البس لبس الاحرام معاك ليه وخالاني قاعد بالشورت كدا في مكه المقدسه 😂😂😂

انا : هههههههاي عجبك يا بيبي

حسام : عجبني موت كدي خلينا اقوم اغير هدومي و اطوف معاك 😅

مريم منو العوض و اليه العوض انا حموت منتحر وانتي السبب 😔 تعالي نومي من غير ما تخافي أساسا خلاص سديتي نفسي

طوالي مشيت رقدت بلبس الاحرام( قميص نوم ستان طويل وتقيل ومعاهو روب طويل عادي ممكن تصلي بيهو ) 😄 واتغطيت كلي ونمت وهو طلع البلكونه بعد مسافه جاء حضني ونام وانا عامله فيها ميته

ثالث يوم صحينا فطرنا وطلعنا اتمشينا في الجزيره شويه و كان في برنامج تبع الفندق طلعنا معاهم في نهايته برضو كان فيهو سينما ونحن قاعدين في السينما

حسام : مريم انتي بالجد بتحبيني ولا لا ؟

انا : اكيد بحبك يا حسام ليه بتسالني السوال دا

حسام : عشان ما لاقي تفسير للبتعملي معاي انتي زوله دكتوره وعارفه وملمه بكل الثقافه الجنسية وعارفه انو الموضوع ما مؤلم لدرجه انك تتهربي مني يعني مستحيل تكوني خايفه لانك عارفه انو الموضوع دا مؤلم في اوله بس وحتي لو خايفه اكيد واثقه اني ح اتعامل معاك بكل لطافه وحستعمل كل الحاجات الحتخلي الموضوع دا ينجز بكل سهوله فيبقي ما في حاجه غير انك ماعندك رغبه تعملي الحاجه دي معاي ودا بدل علي انك ما بتحبيني لانو ماممكن تكوني بتحبيني بالجد وانتي ما عندك رغبه في ممارسه الحب معاي

انا : حسام ما تفسر المواضيع بمزاجك الحاصل دا بسبب اني بخجل منك جدا وبس

حسام : مافي خجل بين الراجل ومرتو في الحاجات دي

انا : دا لما يبقي راجلها بالجد 😅

حسام : 😂 ياربي انا معرسك عرفي وماعارف قال راجلها بالجد يعني انا راجلك بالكذب 😅 نسيتي العقد؟ نسيتي العرس ؟ لالالا نسيتي رقيص العروس كمان 😅 مريم بطلي استهبال

انا : والله ما استهبال خلي حاجز الخجل يتكسر وحتشوف

حسام : لو عايز حاجز الخجل يتكسر اثقي فيني وسلميني نفسك وانا ح اكسر خجلك حبه حبه ، اتفقنا يا قلبي؟

انا : اتفقنا يا حبيب قلبي

حسام : طيب يلا وما تخافي مني رجاءا لانو والله ما المسك الا برغبتك

طلعنا مشينا محل فساتين سهره اختار لي فستان طويل لكن الفتحه لحدي الركبه والظهر فاتح ومن قدام حالته صعبه ومشينا الفندق .. قال لي خلينا نعتبر دي ليله رومانسيه حنقرب فيها من بعض من غير ما نمارس الحب عشان تتعودي علي قربي منك

انا ح ادخل الحمام قبلك وانتي لحدي ما تدخلي تستحمي وتطلعي حتلقيني طلبت حاجات وجهزت القعده .. دخل استحمي وطلع لابس بنطلون وقميص كاننا طالعين وانا دخلت بعدو

طبعا ريحتي من ما جيت ما لمستها بس بتريح بريحه باريسيه و بتبخر ، طوالي ضربت لحنين بقت توريني في الارياح بعملوها وين و وين وطبعا مخلوعه اني ياداب بسال

حنين : انتي ياداب بتسالي كنتي بتستعمليهم كيف الايامات الفاتت

انا : كنت بستعملهم حسب الريحه العجبتني اكتر لكن جسمي اتحسس عشان كدا وريني الطريقه صح

حنين : اي ما تعمليهم من راسك ساي في اي حته فعلا ممكن الاستعمال الغلط يعمل ليك حساسيه خلاص عشان ما تتلخبطي بكتبها ليك في مسج في الواتس.. يابت يامريم اتدلعي واتنياصي لراجلك الرجال ديل كلهم واحد و مهما كان الراجل محترم بحب قله الأدب وبحب مرتو تكون فري خالص في الجنس ما شايفه القصص الراجل مرتو تكون نجفه وبتعمل ليهو السبعه وذمتها وبرضو يمشي يقل ادبه مع بت صعلوقه عشان بحس معها بالمتعه وبتعمل ليهو كل النفسو فيهو ، يلا انتي مع راجلك خليك صعلوقه 🙊 الجنس دا مافي شي محرم غير الدبر غير كدا اعملي لراجلك اي حاجه بتمتعوا عشان ما يعاين بره يلا يا قلب ليله سعيده 😘

كلام حنين حسسني اني متخلفه وحمسني حبه كدا 🙈 رسلت لي المسج طبقتها بحزافيها من الدلكه للريحه والبخور والفستان حالته صعبه اي طويل لكن جميع المشاهد متاحه 🙈 وطلعت وماشه ذي الحراميه

حسام لما شافني ماشه كدا مات من الضحك

وصفر ايه الريحه العجيبه دي براك بتشعللي النيران 😅 ياداب ركزت مع الغرفه لقيت الشموع و الاكل في السفره .. بقينا بناكل وبنتونس بعد خلصنا الاكل .. شال كرسيهو وجاء قعد جنبي وكان في تحليه بقينا نتونس وناكل وبشاغل فيني ومره ياكلني لما وترني لكن ما كنت خايفه منو بالعكس مستمتعه من قعادوا جنبي 😍

بعد مسافه حسام قام شغل ميوزك ومد لي يدو عشان ارقص معاهو قمت رقصت معاهو اسلو وفي اثناء الرقيص بقي بقرب مني كل مره زياده

حسام: مريومتي مرتاحه وانتي جنبي كدا ولا متضايقه وبتجاملي فيني

انا : اكيد مرتاحه يا قلبي

حسام: طيب خلاص خليك مرتاحه كدا وما تتنشني وما تخجلي وخلينا نعيش اللحظات دي ب احساسنا وبس من غير ما نعمل حساب واليحصل يحصل ياقلبي

انا : حاضر يا قلبي

استمرينا في الرقيص وكل مره حسام بقرب مني زياده وبتكلم لي في اضاني لحدي ما بدا يقبلني ولما اتجاوبت معاهو 🙈 اتجرا يعمل اكتر لحدي ما الموضوع وصل السرير والفيلم الفيلموني حصل 🙈

صباح صحيت علي صوت حسام وهو بصحي فيني واول ما فتحت عيوني وشفت وشو طوالي جريت الغطاء وغطيت وشي

حسام : هههههه صباحك سكر يا قلبي يابت انا راجلك البخجلك شنو اقصد يا مرتي لانك ياداب كدا تعتبري ضمن النسوان ولسه كمان مراه الا ربع 😂

انا : حسام بطل ياخ اصلا كلامك هو سبب الحاصل دا 😊

حسام : طيب حتقومي انتي ولا انا اجي اواصل من محل ما وقفنا امبارح 😅

انا : حسااااام 😂 بالجد اسكت وقوم جيب لي روب الحمام عشان اقدر اقوم

حسام : ما تقومي كدا مالو 😉 ما خلاص كلو اتفضح وبان 😂

انا: اقعد شاغل فيني كدا لحدي ما تخليني انتكس وارجع اخجل منك تاني

حسام : لا أرجوك انا ماصدقت الامور سلكت 😉 قام جاب لي روب الحمام وقال لي قومي يلا لحدي ما اطلب الفطور تكوني غيرتي

مشيت شلت لي غيار بيت وخلاص استسلمت علي قولو شاف اي شي ح البس من هدمو دي وخلاص 😂 شلت لي شورت جنيز ومعاهو توب وديل والله اكتر واحدين محترمين 😅 وشلت اسدال الصلاه كحمايه 🙊 استحميت ولبست وطوالي لبست الاسدال ومشيت صليت حتي طلعت ليهو في البلكونه

حسام : 😂 تعبانه ساي دايره تدسي شنو كلو شفتو ح تتطلعي الاسدال دا ولا اوصف ليك الشفتو 👌

انا : حسام ما ممكن ياخ ☺ روق شويه

حسام : ما بروق بعد الحرمان الحرمتيني ليهو وكمان بعد الشفتو تاني مافي روقان 😉 وقام يجرجر في الاسدال ويحنس وطلعت روحو حتي طلعتو وقعدنا نفطر

حسام: مرحبا ب مدام الحسيني 😍 وجاء قعد جنبي وحضني

انا : حسام ما تحاولي تعمل اي حركه لانو بعد الفطور حنطلع طوالي

حسام : والله ما طالع الليله ولا شبر داير اعوض حق الايامات الفاتت 😍

انا: عوضو مع نفسك الانا طالعه ما ح افوت برنامج الليله

حسام : قرب مني شديد برنامج شنو الاهم من برنامجنا يا مريومتي

انا: حسام زح مني وبطل حركاتك دي

حسام: مااااام ما زاحي وبدا يتعابط زياده لحدي ما لقيت نفسي في السرير مره اخري 🙈

كفاكم كدا يا جماعه لانو هذا الشاب الجذاب اثر فيني جدا وخربني خربه كعبه خلاص واستخدمت نصيحه حنين وبقيت انا المعلمه والمسيطره علي الوضع.. قضينا اسبوعين في اسبانيا في 3 جزر اماكن روعه والأجواء رومانسيه 😍

بعد الاسبوعين طبعا كالعاده ما وراني ما شين وين وجميع الحيل ما نفعت معاهو و دي فعلا كانت المفاجأة الحقيقيه واروع حاجه في شهر العسل .. طلعنا علي اساس اننا ماشين المطار وقال لي بعدما نصل المطار حتي اوريك ماشين وين .. وما مشينا المطار مشينا الميناء ولما نزلنا مد لي تذكرتين رحله كروز رويال كاريبيان

اسبانيا _ايطاليا _فرنسا 12 ليله

انا: حسااااام ماعارفه اقول ليك شنو لكن كون انك تذكر ذكرياتي مع اهلي وتحاول تعيشني نفس الاجواء من التاني دي ما حاجه هينه بالنسبه لي ربنا ما يحرمني منك 😘

حسام : اوعدك يا مريومتي ارجع ليك جو الطمأنينة والسعاده العشتيها مع اهلك من اول وجديد و ح اعمل ليك ذي ما كان اهلك بعملو ليك واكتر لانك بتستاهلي ياقلبي 😘

انا : حسام 😭 ياخ انت كدا خلاص بقيت رجل احلامي 😉

حسام : 😍😍😍 طيب رجل احلامك دا انتي عارفه بتبسطيهو كيف ف شنو زيدي الجرعات 🙈

انا : هههههه نفسي مره تطلب طلب بتاع اولاد ناس محترمين 😉

حسام : شهر عسل واحترام كدي استغفري يا مريومتي

دخلنا السفينه استقبلونا وشالو الشنط وبصورك عشان يدوك البطاقه الحتتعامل بيها خلال الرحله مع اني سافرت كم مره رحله بحريه لكن دي كانت ليه مذاق تاني مع حسام 😍

انتهينا من الاجراءات وادونا البرنامج بتاع الرحله .. السفينه عباره عن 14 طابق ممكن اختصرها ليكم في انها عباره عن مدينه كامله اي شي يخطر علي بالك فيها .. حسام عزاني عزه جد بالجناح الملكي 😍 الهو في اخر طابق بعيد من الضوضاء والهيصه التحت واحلي حاجه فيهو القعده العلي البحر المخصصه لكل جناح بخصوصيه تامه يعني عادي الفيلم الفليموني بحصل هناك حيث الهواء الطلق 🙈

برنامج الرحله كان كالاتي 3 يوم في اسبانيا ،ويومين في فرنسا ، ويوم كان في السفينه ماوقفت في ميناء ، و4 ايام في ا

يطاليا، واليوم الاخير هو يوم الرجعة السفينه بتتحرك ما بتقيف الا في اسبانيا في الميناء الاتحركت منو ..

كل يوم كان بكون في مدينه مختلفه يعني مثلا ايطاليا كانت الرحله لأربعة مدن مسموح ليك تطلع كل يوم من السفينه من الساعه 9 صباحا وترجع الساعه 6 والساعه 7 بتتحرك السفينه لي مدينه تانيه وعندك الحريه يا تبرمج براك يا تبع السفينه بودوك المعالم البارزه في كل مدينه . ولو ما طلعت بتستمتع اكتر لانو برامج السفينه في حد ذاتها متعه غايتو نحن برطعنا جنس برطيع و حللنا قروشنا الدفعناها .. انتهت رحلتنا معاهم في ايطاليا ما رجعنا اسبانيا تاني .. كنت متخيله حنرجع لندن طوالي لكن حسام فاجاني باننا حنمشي نعمر حتي نرجع عشان نكفر الذنوب العملناها في الشهر الفات دا 😂

ونحن في السعوديه حسام فتح معاي موضوع اهل ماما

حسام : مريومتي عايز اطلب منك طلب ومن غير ما اضغط عليك خلينا نمشي تركيا ان شاءالله يومين بس نلاقي عيلتك وانا كدا يا داب ح ارتاح

انا : لا يا حسام انا الباب دا قفلتو خلاص لو ربنا كاتب لي الاقيهم حلاقيهم من غير ما افتشهم يا احتمال هم اليعرفوا ويفتشوني.. لو ملاقتهم لخير لي صدقني ربنا حخلينا نتلاقي لاني من جيت لندن ربنا الحاجه الفيها خير لي قعد يسهلها لي من غير ما اسكها لانو عارف انا تعبت قدر شنو

حسام : اوووكي بس خليك عارفه اني نفسي تلاقيهم وفي اي وقت جاتك رغبه تمشي ليهم انا معاك يا قلبي 😘

انتهي شهر عسلنا وكان من اجمل الشهور القضيتها في حياتي وحسام كل يوم بثبت لي انو هو بحبني قدر شنو وشايلني جوه عيونو ..

رجعنا لندن الشله كلها كانت في استقبالنا والسلام والكواريك رجعت تاني كانوا نزلوا الجامعه ليهم يومين

نحن نزلنا في فندق وكنا مكلمين مهند يفتش لينا شقه جنب الداخليه قبل ما نجي ولقي كم خيار ، مشينا شوفناهم وانا اخترت الفاتحه علي الداخليه مع انو كانت في واحده احلي منها لكن طبعا مستحيل ابعد من شلتي .. الشقه مفروشه ما تعبنا في حاجه استقرينا سريع ومفروض انزل الجامعه بكره طوالي عشان كدا الله معاكم بقي عندي راجل ومسؤوليات وواجبات 😉

يتبع.....

#مريم
بقلم: مريم النصري

الجزء 62

هي ضلمة وانت عارف ضي بريقك 💥💥💥

برضو عارف قبل ما تختار طريقك 👣ابقي واثق من رفيقك 💑

وامسك الجمرة البتبرق بين رمادك وبين حريقك مين رفيقك 😍

حسام الحسيني ضي بريقي ورفيق دربي 💗 و الثقتي كل يوم فيهو بتكبر 😍 قبل ما نمشي ننوم كنت بفكر كيف انا من بكره ح اقدر اوفق بين الجامعة وشلتي وشغل البيت وحسام .. في الاول كنت ما مركزه مع موضوع البيت وحسام بقول لي ما تشيلي هم وانا ماعايز منك شي وانا حاساعدك .. لكن هسي بعد البعملو لي حسام بقيت شايله هم ودايره امسك بيتي مسكه صح ، واريح حسام في بيتو ذي ماهو مريحني في حياتي. والكارثه التانيه انا كيف بعد حبي لحسام وجننا المع بعض دا ح اقدر في الجامعه ابقي جاده معاهو واركز في قرايتي 😔 و في عز افكاري دي حسام جاني ناطي

حسام : مريومتي بتخططي لعملية جديده ولا شنو 😉

انا : ههههه عملية سريه وخطيره وحتعجبك لانها من النوع البتحبو 😉

حسام : النوع البحبو 😍 يعني طيب اسرح بخيالي في ياتو اتجاه اليمين ولا الشمال 😉 .. انتي قلتي سريه وبحبها كدا مريومتي اكيد شمال مالك دايره تخليني انسي الكلام الجاي اقول ليك

انا: هههه نفسي مره بس تفكيرك يبقي بريء ، افصح عن ما بداخلك

حسام : طيب ياقلبي انا داير اخلي التدريس او بالاصحي خليتو و دا عشان سببين

اولا: اني وافقت علي طلب الجامعه لما عرضوا علي التدريس عشان كنت في حالتي الصعبه ديك وماعندي شي في حياتي و التدريس كنت مالي بيهو وقتي ، لكن هسي خلاص رجعت لحياتي الطبيعية وعايز اخلي التدريس و اكرس كل وقتي لمهنتي كطبيب وبس ، وحرجع لشغلي الاساسي ذي زمان

ثانيا: وعدي ليك اني ح اقيف جنبك السنه دي وم ح اخلي العرس ياثر عليك دا اكتر حاجه خلتني اتشجع اعمل كدا ، لانو ماممكن اقيف جنبك وانا في نفس الوقت دكتورك ومشرفك ، مستحيل اكون قاعد براجع معاك للامتحان وانا الواضع الامتحان فشنو انتي الاولي وكدا ح اكون مرتاح جدا

انا: ماعارفه اقول ليك شنو كون انك تفكر فيني بالطريقة دي 😊 دي حاجه بتفرحني طبعا بس ترجع لشغلك الاساسي مافهمت قاصد بيها

شنو ؟

حسام : قبل ما اشتغل تدريس كنت بشتغل في 3 مستشفيات ، كل يومين في مستشفي والدوام من 8 صباح ل 8 مساء

انا : الدوام دا مش طويل ما متعب بالنسبه ليك ؟

حسام:ما متعب .. نص اليوم في الحوادث والعمليات وباقي اليوم في العيادات، والعياده شغلها خفيف وما متعب .. وكمان الدوام دا ظريف معاك انتي لانك بتكوني خلصتي ورجعتي قبلي بساعتين

انا : ما دام ما متعب وحتستفيد اكتر اذا بالتوفيق ياقلبي .. يعني ح ارتاح منك في المستشفى 😉

حسام : ههههه بجي انتقم منك حق اليوم كلو في لحظات 😎

كلام حسام كان منطقي بالنسبه لي وكمان انا كدا حستفيد منو اكتر وبقي عندي ساعتين اظبط فيهم اموري

تاني يوم من الصباح صحينا حسام قال الا يوصلني حتي يمشي قطعتوا معاهو عايز اركب في الترحيل مع شلتي .. طوالي مشيت الداخليه بس بقطع الشارع وكدا يعتبر اني وصلت 😅 ولاقيت الشله والجوطه تاني اشتغلت ، اخر اليوم رجعت معاهم لاقيت مهند ومصطفي، قعدت معاهم ساعه ورجعت عشان اعمل الغداء 😔 وكمان استحمي واغير قبل ما حسام يجي 😬 ، براي سويتها في نفسي هسي كان اكون منبطحه في نص راني وايليف لا دلكه لا بخور لا غيرو .. حسام جاء اتخلع طبعا 😂 لما لقاني قاشره والبخور وكمان الاكل في النار

حسام : مريومتي 😍 ماشاءالله ايه دا كلو 😅 دا بث تجريبي ولا ايه 😂

انا : ههههه بث تجريبي طبعا قلت ما احرمك من الجو الاسري من اول يوم

حسام : ظلمتك والله يا مريومتي طبعا جاي جعان وقلت مريم تكون جات من الجامعه تعبانه ونامت وكنت بفكر نطلب شنو ومن وين

انا : دايما ظالمني 😔 ما نمت 😢 رجعت اتونست مع ناس مهند وجيت طوالي عملت الاكل، و كل باقي الطقوس دي عشانك 😍 لسه ح تتخلع لما تمشي الحمام 😅

حسام مشي الحمام لقاهو مبخر ومعلقه ليهو غيارو في الحمام 😅 وجاني طاير

حسام : مريومتي 😍وجاي يتبسم لي

انا : خليك في مكانك واوعك تقرب مني وتعمل حركاتك بتاعت كل مره والله الاكل بتحرق وانا تاني ما بعمل اكل 😉

حسام : هههه كلو ولا الجوع خلاص بنتفاهم بعد الغداء 😅

انا : عندك 10 دقايق وتجي تلقي الاكل جاهز في السفره اتاخرت تاكل الاكل بارد

حسام : جنس ذله يعني لكن كمان ما بقدر اقول حاجه

استحمي سريع وجاء طاير 😂 لقاني برص في الاكل والشمعدانات مولعه وجك العصير والكاسات ذي حركات فرح اوغلو الله يرحمها الكانت بتعملها لينا

حسام : مريومتي😍 انسي كلام اننا تاني نطلب من بره وكلام انو يوم علي ويوم عليك انا الموضوع دا عجبني وتاني ما بتنازل

انا : موافقه لكن بشروط بنتفاهم فيها بعدين لو وافقت العرض بستمر لو عملت حركات ح اقطع البث 😜

يومنا انتهي معاكم خلاص عرسان كمان يا جماعه ما الا تتموا معانا اليوم لنهايته 😉

تاني يوم في البريك طوالي ضربت ل نانا استعين بيها .. نانا مراه مميزه في بيتها وخطيره في موضوع الاكل وكمان شغاله يعني اكتر زوله بتفي

دني في موضوع كيف انسق زمني و اوفق بين الجامعه والبيت .. بعد الونسات والشمارات الح احكيها ليكم منها واحد بعد شويه سالتها

انا : يا نانا ياخ موضوع اني افكر اعمل اكل شنو دا متعب خلاص اكتر من اني عمل الاكل ذاتو

نانا : هههه اتجرستي من اول يوم

انا : اي اتجرست لاني دايره امسك بيتي وكمان القي وقت لباقي حاجاتي

نانا : طيب يا مريومه لو اتعودتي تنظمي روحك والاهم تعودي راجلك معاك علي نظامك وتخلي يشارك معاك في شغل البيت كلو ببقي ليك هين

انا : حسام ماعندو مشكله في موضوع المشاركه

نانا: طيب بالنسبه للبيت اشتروا حاجات البيت بالشهر وفي حاجات ذي الخضار والفواكهه احسن بالأسبوع .. حركه انك تخشي كل يوم المطبخ وتطبخي بالساعات دي انسيها كل اسبوعين تقعدي ليك قعده واحده تجهزي اكلك وتختي في الفريزر و حسام ذاتو في اليوم دا تخلي يساعدك.. جيبي اللحمه والفراخ كميه قطعيهم تطلعي منها شاورمه وكفته وبوفتيك واستيك وللشيه وللتحمير وللطبيخ وكلو تتبلي وتكيسي في اكياس الثلاجه واكتبي عليهو من بره عشان بعد ما يتجمدوا تقدري تفرزيهم كدا بقي عندك اصناف جاهزه وما بتاخد منك زمن في التحضير لو حتاكلو طبيخ برضو اعملي حله دمعه وحله شوربه وجمديهم وكل مره طلعي منهم واضيفي الخضار وما حياخد زمن منك برضو،و الفطائر برضو بتجمد اما السلطات حسب نوعك العايزه تعملي ممكن تقطعي الخضار واشوي جزء وحمري منو جزء وشوحي واسلقي جزء ديل برضو بتجمدو وشيلي منهم حسب نوع السلطه وطعميهم في وقت الاكل ذاتو .. الصواني في جزء ممكن تجمدي .. وفي جزء مع تجهيزاتك القلتها ليك دي ممكن يتعمل فوري وما ياخد زمن .. الرز والمكرونه ديل في لحظتهم وما بياخدوا زمن.. كدا بتتعبي يوم وبترتاحي اسبوعين . وانتي طالعه الجامعه طلعي الحاجات من الفريزر ولما تجي ما بتاخدي زمن في المطبخ ، وكمان ريحيك نفسك و اي جهاز كهربائي بخص المطبخ اشتري

انا : 😍😍😍 علم وينفذ ياقلب

نانا : وحسام مريح كمان طبق رئيسي واحد معاهو رز وسلطه وشوربه دي كدا وجبه .. غيري مره ب اصناف لحمه و مره بالفراخ ومره بدل الرز مكرونه تاني براك بالممارسه بتبتكري اصناف جديده .. لكن حسام بهتم بالبرزنتشين بتاع الاكل معاط ذي ابوه 😅

انا : هههه لا موضوع البرزنتشين دا انا ستو امبارح هو ذاتو اتخلع 😂 طبعا في شهر العسل قلت ليهو انا ما بعرف اعمل اي شي 😂

نانا : هههه والراجل علي ما تعويده خلي يشاركك في شغل البيت لما تخلي يرتب معاك البيت بتعلم هو ذاتو ما يبقي جواط ، وكمان حسام متعود علي الاعتماد علي نفسه اوعك تخربي ويبقي ليك بعدين حار 😅

انا : حسام دا ذي الولدك كدا😅 ما عندك امان انتي 😂

نانا : هو ذاتو لو طلب نصيحتي بنصحو 😜 اوعك يابت تقعدي تتعاوري وتضيعي يومك كلو في المطبخ الرجال ديل لو من البداية ما اتدلعتي فيهم ودلعتي نفسك ما بدلعوك واياك تلعبي في جيهتك

انا : جيهة شنو مع الجامعه الحنه ماعندي ليها زمن وكمان في البلد دي لحدي ما القي لي حنانه موضوع وحسام محرم علي الدخان مع الجامعه ياها الدلكه والبخور

نانا: ما الا تحننني لكن جيبي ساونه المنزليه واتدخني واقعدي في الساونه بخار الساونه بنزلوا ليك بالذات في الويكند ما تحرمي نفسك 😉 لو ما اتعودتي علي الجيهه من هسي تاني بتبقي ليك صعبه ، وكمان انتي لسه عروسه ولدي ببسطتو الشايفها دي شكلو الموضوع لسه يومي 😉

انا : عرفت ولدك جايبو من وين 😂 ما تذكريني لما انق بقول لي انتي دايره تغضبي ربنا وتخشي النار كمان 😅 رضاي البدخلك الجنه 😂 ورضاهو دا بس ياهو الفيلم الفلموني

نانا : شفتي كيف اديناك راجل ميه الميه اعرفي قيمته 🙊 كان شفتي الحالات البتجيني في المواضيع دي حتقومي تصلي صلاه شكر😂 افووو الذي ولدي دا النسوان كايسنو كواسه اقبضي فيهو قوي 😉

يا مريومه سواء عندك موضوع مع حسام ولا لا ، اتعودي انك كان ما اتدلكتي واتريحتي واتبخرتي ولبستي قميص نومك ما ترقدي جنبه ، ما الا تتريحي بالخمره كل يوم، مره مره غيري ب ارياح باريسيه .. لازم يعرف انو دا استايلك كدا وجيهتك لنفسك ما ليهو هو بس ، انا بعد عمري دا كلو ما حصل نمت من غير قميص نوم وكل مره غيري استايل القمصان. (استفيدوا من كل كلام نانا القالتو لي دا، نانا دي بالرغم من جنها لكن بتقول درر وانا بنصايحها مسكت بيتي وراجلي ذي العجب)

انا : نانا كان باريتك في الموضوع دا بنصل حتات صعبه ، اها حلا اتكيفت من الشركه ولا لا ؟

نانا : حلا متكيفه جدا وبتشكر في الباشمهندس عبدالرحمن شديد قالت زول محترم وشغال ب احدث تقنيات

انا: تمام شديد انا قلت ليها مافي داعي تحضر طوالي، تشتغل وتاخد خبره حتي تحضر وانتي اقنعيها بكدا ..

مهند كلها سته شهور وبرجع ينزل الشركه.. انا الموضوع دا لو ما ظبتو ذي ما انا عايزه بموت والله 😔 ما بتلقي ولد لبتك احسن من مهند وانا مهند من شده ما غالي علي مستخسره فيهو اي بت لكن لما اتعاملت مع حلا لقيتها بت ماشاءالله عليها وهي البتسعد اخوي

نانا: انا ما عندي مشكله ومهند ذاتو عاجبني وشايف

اهو احسن من احمد وحسام وكفاية خوتكم انتو الاتنين ووقفتو معاك واسرته محترمه جدا تاني دايره شنو اكتر من كدا بس انتي بتقولي انو رافض موضوع الارتباط

انا : رافض بسبب تجاربو السابقه لكن لما يلقي بت ذي حلا في طريقو اكيد حيتجذب ليها ، وكمان انا قبل ما اقنع حلا تنزل تشتغل في الشركه ايام العرس كنت برسلهم مشاوير هم الاتنين مع بعض وحلا بتجي بتشكر مهند يعني معجبه بيهو ، ومهند بقي ما بتكلم بعد الحصل ليهو لكن انا بعرفوا كويس ومتاكده انو البت الذي حلا بتلفت انتباهو

نانا : نحن حلا ظلمناها بسبب اهتمامنا بحسام وحالته مع انو هي الكانت في سن محتاجه للاهتمام مننا وهسي نفسنا نعمل ليها اي شي يسعدها وانا معاك في الموضوع دا، و البتقولي بعملو

انا : لحدي ما مهند يجي عمو عبدالرحمن بتكون علاقته بحلا بقت قويه وهو الحيتمناها لمهند ، ومهند لما يجي يلقي الوضع كدا مع باقي خططي ال ح اعملها.. السنه الجايا بكون عندنا عرس ب اذن الله 😂

انا : هههه غايتو انتي فتيني في التخطيط ربنا يسعدك يا مريومه ذي ما بتحبي تسعدي الناس 😘

مر يومي في الجامعة ذي اليوم القبلو .. ايليف وراني اصلو ما عاجبهم موضوع اني خليت الداخليه وقالوا حسام حيدوهو تاني شهر وحيجوا يداهمونا في البيت😂 رجعت البيت عملت نفس طقوس امبارح وبعد الغداء قعدت حسام حكيت ليهو بكلام نانا ولازم نجيب الحاجات ونجهز

حسام: جدا يا مريومتي اي نعم الوضع عاجبني لكن كمان ماعايز الموضوع ياثر علي قرايتك ما الا تعملي البتعملي هسي دا

انا: لو نظمنا نفسنا الموضوع ما متعب وانا لو قريت كل يوم بليل حبه ما بكون في مشكله وموضوع القرايه دا انت ابعد منو الا لو انا جيت طلبت منك مساعده لاني جربت القرايه معاك وشفت حركاتك البتعملها ، فشنو خليني مع صحباتي احسن 😅

حسام: جدا ياقلبي نمشي نجيب حاجات البيت ونجهزها وكمان باقي شغل البيت بالمناصفه لحدي ما السنه دي تعدي لكن ما تستغليني تاني 😎 لكن موضوع القرايه عيدي فيهو نظر 😉

انا: مافي اي عاده نظر انا لو باريتك من اولي الدفعه ح اجي طيش الدفعه

مرت 3 شهور والحمدلله قدرت اسيطر علي الوضع بمساعده حسام ، ايليف وراني بجوا كل يوم نقرا ساعه لكن بقعدوا 3 ساعات ما بمشوا الا بعدما نطردهم ومرات بيبتوا معانا عندنا يوم في الاسبوع بنقرا كل الشله مع بعض وحسام البقرينا في القرايه الجماعيه ممتاز لكن في الفرديه بستفرد بي عشان كدا اخير مع الجماعه.. كل يوم أحد بنتلمي مره عندنا ومره عند حنين وباقي اليوم بنطلع نقضي بره ، انا وهنودي ما بمر يوم ما بنتلاقي فيهو وعلاقته هو وحسام احلي ما يكون لكن مستحيل الدنيا بنت الكلب دي تخليني اتبسط كدا بكل سهوله 😢

ضرب لي عمو عمر يوم بالمساء عكر لي مزاجي طبعا سمر اتخرجت واشتغلت معاهو ،بعد السلام والونسه

عمو عمر : يا مريم موضوع الشراكه دا لازم نعيد فيهو نظر انا لو حصل لي شي انتي وسمر ما حتتفقوا ابدا سمر بقت لاتطاق حتي مع محمد اخوها الشحمه والنار وهي طبعا البتغلط عليهو وراجلها هو سبب البلاوي ذاتو مع انو عندو قروش لكن بحب القروش ذي عيونو وعايز سمر تبقي الكل في الكل

انا: جدا يا عمو عمر الشايفو انت مناسب انا موافقه عليهو

عمو عمر : الكلام بالتلفون ما بنفع يا مريم وانا عارفك مع الجامعه ما حتقدري تجي السودان لكن انا ومحمد مسافرين دبي الاسبوع الجاي تعالي ان شاءالله يومين بس

انا: اوكي اشوف حسام وباكد ليك

طبعا حسام كان جنبي وشغلت الاسبكبير مما عمو عمر بدا يتكلم عن موضوع الشغل

انا: عارف يا حسام كنت متوقعه انو دا حيحصل من ما سمر عملت لي حركات

حسام : ماعارف يا مريم ما قادر استوعب انك انتي وعم عمر ممكن تنهوا شراكتم

انا: الله كريم.. بس عمو عمر اكيد مفكر في حاجه مستحيل ينهي شراكتنا كدا ساي من غير ما يفكر فيني وفي اني كيف حتصرف في الحاجات دي براي

حسام : ما قادره اصدق انك اتقبلتي الموضوع ببساطة كدا وبكل البرود دا

انا : ح اعمل شنو يعني لو انفعلت وزعلت وانا متاكده البحصل لي دا كلو لخير..لاني مفوضه أمري لله ومن بعد وفاه اهلي ثقتي في حب ربنا لي هي السهلت لي اموري

حسام : ونعم بالله يا مريم ما قادر اتخيل انو جواك كل الايمان دا

انا: حسام انا عشت ظروف خلتني اشوف انو الدنيا دي تافه وما عادله ابدا ومافي شي تاني بوجعني غير اني افقد زول عزيز علي تاني

حسام: تعالي جيبي حضن طيب ياخ انتي حلوه جنس حلاوه 😍

انا: هههه ياخ خليك جادي شويه وما تستغلني وتعمل روحك عايز تطبطب علي

حسام: بقيتي مفتحه يا مريومتي لازم بعد دا اشوف اساليب جديده 😉 خلاص امشي شيلي اذن من العميد لمده اسبوع نسافر يومين تقضي فيهم امور الشغل والباقي أجازه ، ومع حسام الاجازه غير 😍

(حياتنا مليئة بالأمور التي تحسب أنها صدفة ...ولكن قد تكون الصدفة رسالة من الخالق ... لتحسين مسار الحياة.)

بعد اسبوع سافرنا انا وحسام دبي لاقينا عمو عمر ومحمد بعد سلمنا علي بعض والونسه وشمارات السودان حتي عمو عمر فتح الموضوع

عمو عمر: ذي ما حكيت ليك يامريم

سمر بعد عرست جنت ومما نزلت معاي الشغل هي ومحمد بتشاكلوا وحتي انا بتنتقدني في طريقة شغلي وكنت بمشيها لكن اخر مره وجعت لي قلبي لما قالت لي هو انت دا مخلي لمنو ما لينا وكدا كدا انا من بعدك ح امشي الشغل ،بتي اتمنت لي الموت عشان القروش يا مريم

انا: 😲😲😲

محمد : ما تتخلعي يامريم سمر مما عرست الراجل دا كلامها كلو بقي عن القروش وعايزه تبقي احسن من اخوات راجلها والقصص طويله كدا احسن ما تسمعيها

عمو عمر: اول مره افكر في اني عايز اوزع ورثتي في حياتي بعد كلام سمر لانو لو انا حصل لي شي و سمر بقي عندها سلطه حتعمل معاك انتي ومحمد مشاكل لرب السماء .

انا : ربنا يديك طوله العمر انشاء الله وانا قلت ليك موافقه علي اي قرار انت حتتخذوا

عمو عمر : طيب يا مريم انا وانتي هسي متشاركين بالنص في المستشفي والفندق وانا بعدما شفت تعامل سمر ومحمد قررت افرز اسهمهم من هسي وعشان محمد في المجال الطبي قررت كل اسهمي بتاعت المستشفي تبقي ب اسمو وبالمقابل اسهم الفندق تبقي ب اسم سمر باقي حاجاتي الانتي ما شريكه فيهم ديل قصتهم براهم

انا : يعني انت عايز الشراكه تستمر بينا وانا اكون شريكه اي واحد من اولادك براهو وعايز تلمني مع سمر مع انك عارف انا وهي ما حنتفق

عمو عمر : وانتي قايله سمر موافقه علي كدا لما اتكلمت معها قالت هي عايزه المستشفي

محمد: دا ضر منها بس هي شنو الفهمها في المجال الطبي وليه ما كلمتني ياابوي والله دا حقد منها ما اكتر لو كنت عارف قالت كدا ما كان سكت ليها

انا : انا ما حمل الجوطه دي ياعمو عمر خلاص انا بتنازل عن اسهمي كلها في المستشفي لي سمر ومحمد ، و اخد الفندق وشوف قيمتهم الاتنين كم ولو في اي فرق في السعر نتفاهم

محمد: لا يا مريم عليك الله ما تلميني مع سمر في حاجه

عمو عمر : والله انا فترت وروني احلها كيف

حسام: مع احترامي ليك ياعم عمر لكن انت اساسا بتستشير سمر ليه مش عايز تعدل بينها وبين اخوها مع انو ربنا ذاتو ما قال اعدلو بين البت والولد وانت ماشاءالله عندك املاك تانيه سجل ليها باقي املاكك وخلي اسهمك بتاعت الفندق والمستشفي ب اسم محمد وكدا الشراكه تستمر ذي ماهي وانت ذاتك تكون داير شغلك بالطريقة الشايفه صح ،سمر بتك انانيه وما تستاهل تلقي شي علي الجاهز مادام هي شاطره كدا وعامله نفسها بتفهم احسن منك سجل ليها شركتك بتاعت الاستيراد والتصدير نشوفها حتعمل شنو

انا :يا سلام عليك يا حسام كلامك ميه الميه عفيت منك 😘

محمد: بس انا رائي ذي راي حسام عليك الله يا ابوي ماعايزين اي جوطه خلي شغلنا ذي ما هو وانت الله يديك طول العمر وتمشي الشغل ذي ماعايز وانا ومريم من يدك دي لي يدك دي سجل ليها ان شاءالله باقي املاك كلها بس ما تخسر مجهودك بتاع السنين البنيتو انت وصاحب عمرك

عموعمر : ما كنت عايز اعمل كدا لكن مادام انتي ومحمد متفقين مع بعض ابقي دا احسن حل وح افاجي سمر

حوار الشراكه دا استمر لمدة يومين وعموعمر كل مره يقول هو خايف من حساب ربنا وانو يكون ظلم سمر وحسام يشيل ويقنع فيهو 😅 لحدي ما عموعمر ومحمد سافروا ، وانا وزوجي عندنا 4 ايام عايزين نبرمج فيها

قبل سفرنا بيوم

انا : ياحسام انت عارف شقه ماما الهنا انا ما حصل شفتها المره الفاتت مشينا نقلنا الملكية لكن ما مشينا شوفناها لاننا ماقعدنا كتير وكنت مبرمجه مع ناس سمر

حسام : لو جايبه معاك المفتاح ممكن نمشي تشوفيها

فعلا ونحن حايمين قبل مانرجع الفندق بليل طلعت العنوان وقلت لحسام نمشي لاني جايبه معاي المفتاح .. وصلنا الشقه وحسام قدر ما حاول يفتح باب الشقه ابا يفتح

حسام : المفتاح ياهو يا مريم لانو بدخل لكن ما بفتح لانو في مفتاح جوا راكب في الباب

انا : كيف يعني في مفتاح جوه مافي زول عندو نسخه غيري

حسام : احتمال يكون في زول عندو من عيله امك مش قلتي اشتراها ليها ابوها

انا : طيب خلينا نرجع خلاص ماعايز اعرف في منو جوه ولا عايزه الشقه

حسام : ضرب الجرس ومسك يدي لا ما حتمشي يا مريم مش قلتي لو ملقاتهم فيها خير ليك ربنا بسهلها من عندو، شوفي نحن جابتنا الصدفه لكن دي ما صدفه وبس دا قدر ربنا انك تجي دبي عشان تلاقي زول من اهلك

انا: حسام قلت ليك انا ماعايزه الاقيهم ياخ

في اثناء كلامنا فتح الباب وظهر شاب استغرب فينا وقال لينا انتو عايزين منو بتكلم انجليزي بطلاقه

انا: دي شقتي انت المنو ؟

الشاب: هههه شقتك كيف دي شقتنا نحن وكل سنه بنزل فيها زول من عيلتنا

حسام : بعد اذنك ممكن اعرف اسمك بالكامل ؟

الشاب: اسمي احمد مراد احمد اوغلو لي بتسال؟

حسام : بسالك عشان دي مريم بت فرح احمد اوغلو يعني بت عمتك وانت ود خالها

الولد اتخلع وانا ذاتي مخلوعه وبقي يكورك ل ابوهو والاب جاء ومن شافني اندهش وبقي يقول فرح فرح

حسام : دي ما فرح دي مريم بتها الانتو اصلا ماعارفين بوجودها

الراجل جاء حضني ويبكي ويبكي لما انا الماعندي اي احساس اتجاهو بقيت ابكي ببكاهو واصر اننا ندخل وحسام طبعا جراني من يدي ودخلنا

مراد: يا الله يا مريم شوفتك ردت الروح فين

ا ما تتخيلي انا مشتاق لفرح قدر شنو وما ندمان الا لاني سمعت كلام ابوي وقاطعتها وخبر موتها كان خبر مفجع لينا كلنا واكتر حاجه علي ابوي الحزن والندم الدخل فيهو لحدي هسي ما مرق

بس والله مافينا زول عارف انها عندها بت حية و انا لو ما الشبهه ما كان صدقت لاننا سمعنا انها اتوفت هي وراجلها واولادها كلهم .. انتي معجزه يا مريم لو ابوي وامي عرفوا انو فرح عندها بت حيطيروا من الفرحه وكمان دينيز خالتك ممكن تجن عديل من الفرح لانو بتحب امك جدا

انا: انا ما جيت عشان اتعرف بزول ولا عايز اعرف زول فيكم ولو ما الصدفه ما كان اتلاقينا انتو بعد العملتو مع ماما والقهر القهرتو ليها انا مستحيل ابقي فرد من عيلتكم

مراد : ما تبقي قاسيه يا مريم انتي امك كانت كلها حنيه واي نعم اتظلمت ونحن غلطنا عليها كلنا لانها قدر ما حاولت تتواصل معانا نحن رفضنا لكن انتي خلي قلبك كبير وابقي الاحسن

انا : وانا قلبي ما كبير قلبي كلو كره ليكم ، وطوالي طلعت وحسام بكورك لي ما اشتغلت بيهو جاء نازل بعدي بشويه لقاني واقفه منتظراهو

حسام : يا مريم ...

انا : ما تقول لي يا مريم احسن تسكت مني ياحسام وما دايره اي نقاش في الموضوع دا ، انت لما عرستني مش عارف ماعندي اهل حيين وانو اهلي في المقابر وماعندي غيرهم

حسام : روقي يا مريم

انا : ما ح اروق وماتعمل مشكله بينا ساي بسبب الموضوع دا

حسام : جدا يا مريومتي .. وحضني وبقي يهدي فيني ومشينا

يتبع....

#مريم
بقلم: مريم النصري

الجزء 63

كان لها رجلاً

فكانت له أربع نساء

وكان لها قمراً

فحجبت عنه الشمس كأنها تُرتّل :

" لا الشمس ينبغي لها أن تُدرك القمر " 😍😍😍

راجعه من دبي و مودي كعب جدا ما ممكن سمر واهل ماما في وقت واحد .. اول ما وصلنا لندن ما كنت محتاجه لزول غير مهند هو الوحيد البقدر يفرق الطاقه السلبية الجواي من غير ما يضغط علي ، لما وصلنا البيت كان الساعه 11 بليل

انا : حسام انا زهجانه وعايزه امشي اسلم علي البنات مشتاقه ليهم وكمان ح اضرب لمهند يجيني في حديقه الداخلية محتاجه اتكلم معاهو

حسام : الوقت متاخر وكمان انتي جايا تعبانه خلي بكره

انا : لا يا حسام انا مخنوقه وبالجد محتاجه اتكلم مع مهند

حسام : محتاجه لمهند؟ عارفه يعني شنو انا اكون جنبك وانتي تقولي لي محتاجه لزول تاني..! عارف مهند اخوك يامريم لكن لو حتي قلت لي محتاجه ل ابوي انا كلامك حيضايقني في الوضع دا

انا : حسام ما تكبر المواضيع عادي الواحده بتتضايق وبتكون محتاجه تتكلم مع ناس بيتهم وتفضفض معاهم ودا ما بعني أنو راجلها ما قريب منها ، وانا مهند هو بالنسبه لي ناس بيتنا

حسام : طيب يا مريم مافي مشي في الوقت دا مش عايزه اخوك .. شال التلفون ضرب لمهند وسلم عليهو وقال ليهو تعال لينا في البيت ، ياهو دا اخوك جايك عارفه عملت كدا ليه عشان الرسول صل الله عليه وسلم قال

( ما اكرمهن الا الكريم وما اهانهن الا اللئيم ) وانا كرمي ما ليهو حد يا مريم

انا : يا حسام ...طوالي قاطعني

حسام : مريم انت قلبي عشان كدا ما توجعي لي قلبي ، الموضوع دا مشي كدا بس عشان انا بحبك وما بحب اشوفك متضايقة فرضيت اني اضايق نفسي عشان انتي ضيقك يفك

انا : حسام ما تقول لي كدا 😢

حسام : بقول ليك يا مريم عشان ما متخيل المرأه الانا اكتفيت بيها عن كل الدنيا هي ما مكتفيه بي ولما تضايق بتحتاج لزول غيري يفك ليها ضيقها مش لو الزول دا اخوك لو الزول دا كان امك ولا ابوك كنت حتضايق

طوالي شلت تلفوني ودخلت الحمام ضربت لمهند

انا : هنودي مشتاقين ياخ

مهند : بالاكتر يا مريومتي الشوق بحر

انا : انت وين؟

مهند : انا ومصطفي كنا في مشوار وهسي جنب البيت حنزل الحاجات الشايله حتي اجيكم

انا : ما دام ما اتحركت علينا خلاص خليك نتلاقي بكره محتاجين لجلسه اخويه بمزاج هسي الوقت اتاخر

مهند : مالك يا مريومتي مش قلت لي عم عمر ما نهي شراكتكم

انا : مفروض يعمل كدا لكن لسه متردد لكن دا ما موضوعنا انا مشتاقه ليك وكمان محتاجه افضفض معاك ف احسن نتلاقي بكره بمزاج تعالي لي في المستشفي اخر اليوم ونطلع من هناك نتغداء

مهند : اتفقنا يا مريومتي 😍

كدا ياداب ارتحت لاني ما كنت حتستحمل اني ازعل حسام بعد حبو لي دا كلو .. طوالي استحميت واتدلكت ولبست روب الحمام ولازم امشي اشوف لي قميص كارب واجي اتريح واتبخر وامشي احنك حسام وارضيهو 🙈

انا طلعت من الحمام هو طوالي دخل ولا اتكلم معاي 😅 انا تميت باقي الطقوس واتظبطت تمام وصليت وما طلعت الاسدال مع انو متعود وعارف انا ما بنوم الا بقميص النوم لكن مصنفين القمصان 🙊 في وحدات كدا لو لبستهم ديل تصريح واضح للفيلم الفلموني 🙈 وانا تقيله يا اخوانا ما قعد اصرح بالهين 🙈 قلت اهيئ جو الاعتذار ولعت الشمعدانات واي شمعه تاني عندي في بيت ولعتها وقفلت الانوار وشغلت الاسبوت لايت والميوزك وطلعت مشيت المطبخ عملت عصير وصحن مكسرات مالقيت فواكه كنا علي سفر يا اخوانا😔 لقيت عجوه ختيت معها شوكلاته سايحه 😅 الله يجازي ود الحسيني 😬 يوم واحد ما جهزت لي قعده هو البجهز لكن الليله يومو وفرصه ولقاها 😏

شلت الحاجات ومشيت الغرفه لقيتو قفل الميوزك وشغل البليستشين وقاعد بلعب وبتبسم ابتسامه خبيثه نظام فاهم انتي بتعملي في شنو 😅 انا بقلبي كويس ياحسام ح اوريك الخباثه المابتعرفها .. ما طلعت الاسدال وقعدت جنبه في الكنبه هو بلعب وشلت صحن المكسرات بقيت اكل بعد شويه مديت ليهو طوالي شال ولا عاين لي 😅 ومد لي الجويستك التاني نظام العبي معاي ، بقيت بلعب معاهو

حسام : مهند ليه ما جاء 😅

انا : انا قلت ليهو ما يجي 😏

حسام: ليييه 😉

انا : عشان فكرت اني محتاجه لجلسه طويله مع اخوي والوقت اتاخر بكره ح اطلع نتغداء مع بعض ونتونس بمزاج 😝

حسام : تمام طيب اذا بكره انا امشي ل أحمد وحنين مادام انتي مافي واتغدي معاهم واتونس بمزاج

انا: فكره برضو لكن لو عشان الغداء بجهز ليك من بليل وانت تعال بس سخن

حسام: ما عشان الغداء ممكن اطلب من بره عادي لكن انا ذاتي محتاج لجلسه اخويه 😉

انا : خيرا ما فعلت اصلو الجلسه الاخويه غير

تميت معاهو القيم و إتساءبت بالاستهبال طبعا 😉

انا : يلا يا قلبي تصبح علي خير 😘

حسام: شنو ياقلبي ما بدري ولا ماشه تقيمي الليل باسدالك دا 😂

انا: طوالي طلعت الاسدال لا ماشه انو يا روح قلبي تشااااو 😘

دخلت الحمام وطلعت لقيتو شغل الميوزك و واقف لي جنب باب الحمام 😂 واول ما شافني مد لي يدو نظام يلا نرقص

انا : بدلع ونياصه طبعا

🙈 معليش يا قلبي نعسانه شديد خلي بكره

حسام: بكره شنو يا مريومتي بعد الشايفو دا اكيد مافي نوم

انا: شايف شنو دا الطبيعي بتاعي وهسي بقيت مريومتك خلاص

حسام : ما طبيعي دا البجنني ذاتو وانتي مريومتي ونن عيني واحلي حاجه في دنيتي واسف لاني ضغطت عليك

انا : طوالي بتضغط علي 😔 لكن خلاص رقصه لمده دقيقتين بس وتاني مافي حاجه النوم طوالي

حسام : هو انا قلت ليك عايز حاجه تاني انتي نفسك في حاجه تانيه ولا شنو 😉

انا : حسام لم لسانك عشان كدا الرقصه ذاتها ما حتلم فيها

اثناء ما بنرقص

حسام : مريومتي انتي القميص دا مش اشتريتي مخصوص ولبستي لي احتفالا بعيد ميلادي

انا : اها يعني مفروض ما البسوا تاني ولا شنو

حسام : لا حبيت بس اذكرك لما لبستي حصل شنو😍 يا سلام كانت ليله من الليالي التي لن تنسي 😘

انا : شوف ليك حنك تاني والعب غيرها الحنك دا معاد 😜

حسام : ههههه انا بكون اكتر راجل بحنك مرتو بالجد انتي عذاب لكن الليل ما ح افتش حنك تاني و اوووبا شالوني تموا الباقي خيال 😘

وحكينا القصه دي ليه عشان انتي يا المتزوجه القريتي الكلام دا اوعك تنومي وراجلك مزعلاهو و مارضيان عنك لكن كمان ما تتعتذري عديل استعملي كيد النساء وهو البعتذر ليك ذي ما شايفه كدا 😂 والسناقل مامشكله اتعلموا من هسي ان كيدهن عظيم 😍

انا : حسام ممكن تاني ما تزعل مني والله ما قعد اقصد ازعلك وبراك عارفني اني واضحه معاك جدا وما بحب الف و ادور يعني امبارح كان ممكن اخلي مهند يجيني في الداخليه من غير ماانت تعرف لكن مافي سبب يخليني ادس عليك

حسام : ولا تفكري في يوم تلفي وتدوري لا علي ولا علي غيري لانو وضوحك دا سبب ثقتي الزايده فيك

انا : طيب ياحسام برضو تاني ما تقارن علاقتك بي بعلاقتي مع مهند وما عشان انا قلت ليك محتاجه لمهند معناتو انت ماقريب مني ، اي واحد فيكم مكانتو مختلفه ، وانا امبارح قلت ليك محتاجه اتكلم مع مهند عشان مهند في نقاشاتنا ما ذيك، انت معاي قعد تستعمل عاطفتك وبتضغط علي لكن مهند مابضغط علي ذيك ، مهند بيوريني الصح من غير ما يجبرني انا اعملو

حسام : سوري يا مريومتي وان شاءالله تاني ح احاول اتحكم في نفسي وما اضغط عليك

انا : بحبك يا احلي راجل في الدنيا 😘

حسام : هل عندك شك انك أحلى وأغلى امرأة بالدنيا 👏🏼وأهم امرأة بالدنيا 👏🏼 هل عندك شك أن دخولك في قلبي هو أعظم يومٍ في التاريخ وأجمل خبرٍ بالدنيا 😘

انا: هل عندك شك أنك عمري وحياتي

وبأني من عينيك سرقت النار وقمت بأخطر ثوراتي 😘

حسام : قولي لي كيف سأنقذ نفسي من أشواقي وأحزاني 👏🏼قولي لي ماذا أفعل فيك، أنا في حالة إدمان 👏🏼قولي لي ما الحلّ فأشواقي وصلت لحدود الهذيان 😍

اصبح صباح جديد شلت الهدايا وجري علي الداخليه والترحيل يعم بالضجه من جديد، قلت ل راني وايليف الليله تجوا تبيتوا معاي مشتاقه ليهم ياخ

ايليف : ليه عشان حسام يطردنا 😅

راني : بطردك عشان قله ادبك بتقولي ليهو خلي مريم تجي تبيت معانا في الغرفه شنو لاصق فيها طوالي كدا 😅

انا : ههههه ايليف تعالي ياخ وخليك مؤدبه عشان ما تتطردي ، وما تخافي ح نتونس لي بلييييل لكن برضو ما ح انوم الا في حضن راجلي 😜

ايليف : متين اتخرج واعرس عشان نلقي الاحضان دي 😔 و قلت لي شنو ح نتونس لي بليييييل وبقت تهبش لي في شعري 😂 .. امممم قولي كدا شكلو السهره كانت صباحي ومالقيتي زمن حتي تجففي شعرك بالاستشوار عشان كدا الليله عايزانا نبيت معاك عشان ماعندكم برنامج لكن اها كمان انا ما بجي ابيت الا بعد بكره

راني : لالالا بعد بكره حيطردونا من بدري 😂 انا ح ابيت معاك الليله

انا : حتي انتي يا رنو 😂

وصلنا المستشفي ونفس الروتين اليومي والبريك في مكتب احمد مع لسانو الطويل والمشاغلات، خلصت وطوالي جاني مهند وطلعنا مشينا مطعمنا المفضل اتغدينا وبقينا بنتونس حكيت ليهو بالحصل في دبي بالتفصيل

مهند: بالنسبه لموضوع اهلك عايني يا مريم العلاقات بين الناس يا بالفطره او مكتسبه .. وعلاقه الاهل بالفطره لانو ربنا الاختارهم لينا، لكن حبنا ليهم حب مكتسب بنكتسبوا بالتعامل ومدي عطاءنا لبعض .. انتي الناس ديل ما مجبره تحبيهم هسي لكن عشان هم اهلك الاختارهم ليك ربنا اتواصلي معاهم وبعد كدا معاملتهم ليك هي البتحدد شكل علاقتكم مع بعض

انا : ماعندي رغبه اتواصل معاهم تعبت يا مهند ما داير ابذل مجهود عشان اتعرف عليهم ولا اوريهم انا شخصيتي كيف

مهند : واصلا انا ما ح اخليك تبذلي مجهود ولا تتعبي نفسك عشان تتواصلي معاهم ، انا متاكد انهم هم الحيفتشوك بعد دا ، وكل العايزو منك انك ما تصديهم واتعاملي معاهم ذيهم وذي اي غريب والايام كفيله بانها يا تبعدكم يا تقربكم من بعض.. وعد اخوان يا مريم انك ما تصديهم لو جوك؟

انا: وعد 😏

مهند : اما موضوع الشراكه دا شوفي يا مريم لو عم عمر بعد سمر عنك استمري فيها لو لماك مع سمر في اي شي طوالي تتنازلي ليها وشيلي قروشك اشتري ليك اي اسهم في واحده من الشركات المعروفه والموثوقه مالك ومال وجع القلب ..

لكن سمر حقيقي جنت عمري ما اتخيلتها حتصل المرحله دي كل يوم بحمد ربنا علي اني بعدت منها

انا : طيب عشان هي ما بتستاهل ما مفروض تقفل من البنات بسبب واحده ذيها.. وين هنودي الولد الحبيب مهند انت قربت تتم سنتين من ما موضوعك مع سمر انتهي

مهند:الفتره دي ساعدتني اني انفض وانظف قلبي من الغبار بتاع السنين الفاتت

انا: طيب يا ابو قلب نظيف انت مافي اي بت كدا ولا كدا لفتت انتباهك ما الا تكون وصلت مرحله الاعجاب يعني لو لفته صغيره كدا ، هنودي قول ياخ انا بعرفك كويس ما بتكون مافي ولا بت ما جذبتك في الفتره الفاتت يعني مثلا مثلا في عرسي كدا 😉

مهند : يعني مثلا في عرسك كدا ويعني مثلا من حمواتك كدا ويعني مثلا كنتي بتقصدي ترسلينا مع بعض كدا ويعني مثلا نزلتيها تشتغل في الشركه مع ابوي ويعني مثلا اسمها حلا كدا 😂

انا :ههههههه ياخ يلعن ابو ذكاك ذاتو ما انا كنت عارفه لما ارسلها معاك انت حتعرف انا قاصده وحتنتبه ليها

مهند : بت مافيها ولا كلمه لا هي ولا اهلها وعجبتني جدا لكن يامريم بالجد ما وقتو عايز في الفتره الجايا اركز مع الوظيفه واثبت نفسي حتي افكر ارتبط وكمان عمك عبدالرحمن عشان ما ينق لي

انا : عمو عبد الرحمن حلا عجباهو لانو عاشرها وشاف اخلاقها ، والمره دي انت بره الموضوع انا بعدما هو بقي يشكرها لي قلت ليهو انا عايزاها لمهند لكن مهند منفسن وقال تاني ماعايز يعرس 🙈 قال لي ما علي كيفو المره دي انا البخطبها ليهو بس خلي يجي 😂

مهند : اناي جاده يا مريومتي؟ 😂 ابوي قال ليك كدا ؟ 😂😂😂

انا : افو كمان وانا بلعب ، هوي يا ولد انا عندي اخو واحد وما بهظر فيهو وبعدين العيله دي ناقصك انت بس لانو افرادها كلهم قلبهم ابيض ذي قلبك كدا

مهند : مريومتي ربنا ما يحرمني منك ياخ طوالي كدا شايله همي حتي في وقت فرحك

انا : بطل عباطه هو انا عندي فرحه من غيرك ، وخلينا في المفيد انا ح اتكلم مع حلا و استئذان منها اني اديك رقمها ، و ح اقول ليها انت حابب تتعرف عليها ، حلا بت دغريه وما بتاعت امور وكمان زوله زوق جدا فشنو خلينا نجيها بالدرب العديل، ومع اني كنت دايره الموضوع يبدا بعدما انت تمشي لكن انت لسه عندك شهرين وحلا ممكن تطير الشركه فيها جكس ظريف وكمان يا ابني انجز سريع عشان نعقد ليك ونقدم ليك عشان تجي هنا بمزاج انت ناسي انو حلا جوازها بريطاني 😅 تاني تجي تبرطع هنا ساي 😉

مهند : ههههههه اقسم بالله انتي ما جاده والله موضوع الجواز ابدا ما خطر علي بالي

انا وهنودي اتونسنا تمام ، كدا يا داب ارتحت لاني كنت مفهمه حلا انو مهند معجب بيها😅 وبمجرد ما انهم يتواصلو امورهم بتظبط رجعنا الداخليه وسوقت البنات ومشينا البيت فاجأنا حسام 😅

بعد شهر من الكلام دا حسام شابكني عندي اصحابي دكاتره جاين لندن من ولايه تانيه لشغل وانا ح اعزمهم هنا جهزي البيت خلاني قمت وقعدت ومنتظره اصحابو .. وكان معانا مهند الجرس ضرب مشينا نستقبلهم ولما فتحنا لقيت دي عيله احمد اوغلو😏 و ناهد اوغلو اول واحده واقفه في وشي

احساس لايوصف ك اني شايفه ماما قدامي😢 وهي ذاتها اتخلعت وانا ابكي وهي بتبكي ومافي زول اتحرك من مكانو لحدي ما حسام قال ليها اتفضلي وظهر بوراها احمد اوغلو الاتخلع اكتر من ناهد اوغلو لما شافني وكان معاهم مراد ودنيز خالتي الشفتها في الصور بس وهي برضو كان منظرها ذي منظر امها وابوها ، انا ما سلمت عليهم طبعا مشيت قعدت في الهول وبكيت لما الله غفر لي مهند جاء دخلهم وقعدهم معاي في الهول وحسام قعد جنبي وبقي حاضني وبقول لي مريومتي أسمعيهم عليك الله

والبدا يتكلم احمد اوغلو طبعا هم اصلا ماعارفيني بعرف تركي قعدوا يتكلم بالانجليزي وبركه عشان انا اصلا ما كنت قادره اسمعم البسمعوا فيهم مهند و حسام انا بس ببكي وبتذكر في ماما وانها هي الكانت متمنيه تقعد معاهم القعده دي 😢

حسام : ياريت تدوا مريم فرصه عشان هي العاشتو ماهين، من ما اتولدت ما بتعرفكم، ومن ما قامت لقتكم مقاطعين امها، ومريم الشهدت علي حزن امها بسبب فقدها ليكم، وكمان هي بقت وحيده ، ولو ما مقاطعتكم لامها انتو الكنتو وقفتوا جنبها لما فقدت اهلها

احمد : خليها تسلم علينا بس

ناهد : عايز احضنها و اشم ريحه بتي

حسام : مريومتي عشان خاطري سلمي عليهم الله يرضي عليك ما صح هم في بيتنا

مهند : مريم انتي وعدتني بشنو

قمت وقفت ومديت ليهم يدي كل ما امد يدي لواحد فيهم يحضني ويبكي حقيقه مافيهم ولا زول اثر فيني غير ناهد اغلو حسيت ب اني حاضنه ماما بالضبط انا وهي بكينا لما حسام جاء فكانا .. ومهند جاب المويه والعصير ضيفهم وحسام البقي المستلم الجلسه وبتونس معاهم..

مهند : ما تضغطوا علي مريم خلوها علي راحتها والايام كفيله ترجع علاقتكم مع بعض

أحمد : نحن محتاجين ليها اكتر من هي محتاجه لينا انا حاسس ب انو الزمن رجع بينا لوراء وقاعد مع فرح ونفسي اعمل مع مريم الماعملتو مع فرح

حسام : كلو ح يحصل ان شاءالله بس كمان ماممكن تكونوا دايرنها طوالي كدا تقبل بيكم هي صبرت السنين الفاتت دي ع

لي بعدكم وانتو المفروض تصبروا بعدا

قعدوا مسافه تاني نقنقوا مع مهند وحسام وانا خشمي ما فتحتوا تاني معاهم لحدي ما مشوا .. اول ما طلعوا

حسام : من غير ما تسالي الحصل كالاتي انا لما لقينا خالك في دبي اديتو رقمي وجيت محصلك وما ضرب لي الا قبل اسبوع قال لي نحن عايزين نقابل مريم وكان مفتكرينك في دبي وانا قلت ليهم نحن في لندن ورسلت ليهم العنوان وهم جاين ضربوا لي

مهند : حسام اتصرف صح يا مريم واي زول في مكانو كان حيتصرف كدا

حسام : وعشان انا عارفك عنيده لما قالوا جاين قلت ليهم مريم ما حترضي تقابلكم غير مره واحده الهي في بيتنا وهم مسافرين بكره لاني وعدتهم اني ح اوديك لحدي عندهم في تركيا بس بعد تستوعبي وجودهم في حياتك

مهند : هم كسروا الحاجز وجوك وذي ما قلت ليك يامريم علاقتك بالفطره هي البتحتم عليك تقابليهم وبعد داك تحبيهم ولا لا دا موضوع تاني

مهند وحسام نقوا كتييير في الموضوع دا وما قابلتهم تاني لحدي ما سافروا

مهند وحلا علاقتهم ماشه ذي الفل وانا ونانا المسيطرين علي الوضع ونلز في دا ونلز في دي لحدي ما فجاءه كدا بقت في لوف استوري حاصله 💗 ومهند الليله جاي يتكلم مع حسام وطبعا اكيد حسام عارف .. ما كنت مدخلاهو في القصه من الاول لكن من ما بقي في تواصل بين مهند وحلا جيت كلمتو وعجبو الموضوع جدا

مهند جاءنا وماعارفه مالو متوتر كدا😅 كان هو وحسام ما اصحاب ما كنت عارفه حيعمل شنو 😅 قلت اخير اختصر القصه

انا : يا دكتور حسام طبعا انت بتعرفنا كويس انا واخوي المتوتر دا وبالواضح كدا نحن جاين نطلب يدك اختك حلا قول رأيك سريع عشان الليله يوم المطبخ وتجهيز الحاجات 😂

حسام : طيب خلاص قولي ل اخوك المتوتر دا اني موافق وبشده وسوقيهو معاك المطبخ عشان يساعدك بدلي الليله 😌 وبالمقابل انا ح اساعدوا واكلم محمد الحسيني

انا : حسام يا كيشه انت قوم امشي قطع اللحمه ساي لانو محمد الحسيني عارف وما تستغل اخوي المتوتر دا

مهند :هههه ياخ بطلوا جنكم دا المتوتر المتوتر لما وترتوني بالجد 😂

سوقتهم الجوز المطبخ شغلتهم شغل الجن ، وبمساعده نانا لي ، بعد اسبوع حصل لقاء القمه بين محمد الحسيني وعبدالرحمن الشريف وطلب حلا لمهند واول ما مهند يرجع السودان حيعملو الخطوبه

افارقك والعمر عندك زهيراتاً غشاها الطل

واحاسيسك بتتكمل غنيواتك بتتبارك مع الايام وتتجمل

افارقك والزمان اجمل عشان

تشعل ملامحي ضياك كل مانجيمه

تتحول

وشان تفضل ملامحك فيّ زى ماكنتي في الاول

مهند : عايزاك تذكريني كل ما تسمعي الاغنيه دي لانك انتي عندي كل الخير واعرفي انو ولا حتي المسافات البعيده بتقدر تفرق بينا نحن بخوتنا والمحبتنا الصادقه مافي شي بفرقنا الا الموت ، كلها سته شهور وحتتخرجي وحنتلاقي تاني ب إذن الله واحتمال نتلاقي قبل كدا 😉 وشنو سوداني وخليك سوداني 😘 ومريم ومهند شنو

انا : اخوان للابد 😍

سفر مهند خلق فراغ ما لي انا وبس لكل الشله حتي مصطفي فقدنا ونستو وهظارو 😭 نفسنه انا والشله كم يوم وراني وايليف جوا قعدوا معاي كم يوم ،وكمان قمت لي في جن جديد كنت بنوم معاهم وحسام يتفرج فينا ساي لما جاء اليوم الثالت حلف وقال لي والله الليله ما تجي تنومي في حضني اجي انا انوم في نصكم 🙉 اجي يا الفي نصكم وفي نص هنديه وتركيه كمان 🙉 طوالي احترمت نفسي ومشيت قدمت فروض الولاء والطاعه 🙈

بعد سفر مهند بشهر فجاءه كدا ظهر موضوع عقد حلا ومهند ونانا حلفت ما ما في عقد بتعمل الا نجي نحن وناس حنين ، حنين واحمد سافروا قبل اسبوعين .. وانا بعد تعب حتي قدرت اخد اجازه اسبوع

طبعا نانا شبكتني ليك هوووي يامريم دايراك تجي بتبرقي ما تعملي فيها انك صفراء عندك اسبوعين اتدخني واتعركي عشان تنوري انتي لسه في اعتبار انك عروس ما شفتي فلانه وفلانه وعلانه اللونهم كان بني علي كحلي 🙉 بقوا عاملين كيف كان عصرتيهم بطلعوا كريم 😂 خليك من ديل هو السودان بقي ما ندر تلقي فيهو بت خضراء ولا ما عندها شعر اغلبهم اتفسخوا و مركبين الاكستنشن وباروكه الجزور 😂 واوعك تعملي لي حركات الخواجات وتقولي لابسه فستان للعقد 😬 امشي فتشي ليك توبين كاااربين واحد للغداء في البيت وتجي هنا تلبسي معاهو من دهبك والتاني للعشاء في الصاله اشتري ليهو اكسسوار فاهم كدا .. دايره لما اقول دي مراه حسام ولدي اقولها بفخر كدا 😂 ..

انا وحسام متنا من الضحك في نانا 😂 وانا مبسوطه اهو دا ولدها سمع باضانو ، وحومتو حوامه الجن عشان اجهز حاجاتي .. وعملت لي حله عروكه وكلمت ايليف وراني عشان يشجعوني بنقرا ساعه وبنتعرك وبنتونس في اكتر من ساعه😅 وايليف مجتهده معاي كل يوم ماسك ، غايتو انا السنه دي الله يستر علي ، وحسام جاتو نفسيات من اللطيخ البلطخو في جسمي وما شغاله بنقتو كلو ولا كشف الحال علي قول نانا 😅 ومع اني بليل كان ما استحميت ما بجي انوم جنبه لكن مع المنظر البشفو بوقفني من بعيد وبقعد يشم في الريحه ذي الكلب 😂 لحدي مايتاكد حتي بخليني انوم في سريري 😅 غايتو اتقطعت مع نانا وعملت كل القالتوا لان

و كلامها عجبني وبعد دا الله يسترني من لسانها

يلا ودعتكم عافيه وراي سفر

يتبع....

#مريم
بقلم: مريم النصري

الجزء 64

تعلن الخطوط الجوية الاماراتية عن قيام رحلتها رقم 555 المتوجهه الي مدينه الخرطوم علي جميع المسافرين التوجهه الي الطائرة عبر البوابه رقم 5 😜

قبل ما اركب الطياره بدقايق ضربت لي نانا زعلانه وعكرت لي مزاجي

من ما قالوا عقد انا قلت ليهم نعملوا في صالة الفندق وموضوع الصاله والعشاء دا انسوا ظبتوا موضوع الديكور بس ، نانا نقنقت انو هم لازم يدفعوا قروش العشاء لانو انا معاي شريك وطوالي حسمتها لانو انا وعمو عمر ماقعد نتحاسب علي حاجات ذي دي ومن حياة بابا هم متفقين اي مناسبه بتخص عيلتهم تتعمل في الفندق من حساب الفندق ، وضربت حددت لي عمو عمر اليوم و وافق طوالي واتفقت مع الشيف انو يعمل نفس الميني البوفيه العملوا في عقدي، والكلام دا ما عشان ديل اهل حسام لانو انا حالفه اعمل لمهند ذي ماعملت لنفسي واحسن ، لانو انا مهما عملت لمهند مابقدر ارد ليهو العملو معاي، العملو معاي مهند مابتحكي والعرفتو عننا انا ومهند دي ابسط الحاجات الحصلت ، انا مرت علي لحظات في حياتي اسوا من كدا بكتير خصوصا اول ماسافرت للجامعه واتخطيتها بسبب وجود مهند معاي والحاجات دي هي الخلقت علاقه الخوه البينا دي 😍

نانا ضربت لي وهي زعلانه بسبب قله ادب سمر معها

نانا : اثناء ما انا في الصاله مع بت الديكور بنتفق علي شكل الديكور جات سمر ولا حتي سلمت علي وكانها ما بتعرفني وقالت لينا في شنو ، وانا رديت ليها بنفس اسلوبها وقلت ليها ذي ما انتي شايفه مدام ... يعني جاين للديكور ، طوالي ردت قالت لي انتو ما دفعتوا عربون واكدتو الحجز وفي ناس جادين جو دفعوا عربونهم وحجزوا الصاله ، انا ولافتحت خشمي معها ومن زعلي طلعت لفيت كل الصالات الجنبنا وضربت لباقي الصالات مالقيت حجز في نفس اليوم ، وهسي يامريم ماعندي حل غير اننا نعمل العقد اوت دور في حديقه الفندق لانو غير اني ما لقيت صاله انا وزعت الكروت المكتوب فيها المكان، ولو ما دفعنا حق العشاء كامل ما ح اعمل حاجه عندكم

انا : 😲 اسمعي اي شي حيتعمل ذي ما اتفقت معاك ، وسمر ماعندها اي سلطه عشان تعمل كدا وانا شريكي ابوها ما هي ، وهي ما ضمن موظفين الفندق اصلا عشان تحجز لزول ولا تشيل عربون من زول ولو ابوها ما قادر عليها انا البقدر عليها روقي وخليني بس لحدي ما اصل ، وتدفعي شنو يانانا يعني انا هسي لو جيتك العياده حتدفعيني ؟

نانا : اكيد لا يا مريم مافي ام بتشيل من بتها لكن هنا الوضع مختلف

انا: وبرضو مافي بت بتشيل من امها ومافي اي وضع مختلف ، عليك الله يانانا ما تزعليني منك وانسي الحصل وسمر حسابها معاي لما اصل

حسام : في شنو مالك منفعله كدا كنتي بتتكلمي مع منو

انا : ما منفعله 😀 بتكلم مع نانا في تجهيزات العقد بس وياها جوطتنا المعتاده

حسام : انتي يا مريومتي مصره اننا ننزل في شقتك ، ما صح منك كدا نانا ما حترضي

انا : هههه ننزل؟ وانت جامع نفسك معاي ليه؟ انت من هنا علي بيتكم دي اسمها اجازه يعني ااجز منك انت اول زول 😜 وبعدين نانا عارفه وموافقه عشان هي عازمه الدنيا والعالمين علي اساس انو دا اخر عرس ليها وبيتكم جايط ، وعايزاني انا والبنات نقعد في الشقه و حنين وحلا مشوا الليله الشقه من دغش الرحمن حنين الحاله قايمه عليها مع الوحم وما طايقه الناس 😅

حسام : غايتو بعد حركات حنين الانا شفتها دي لا دايرين حمل ولا وحم 😂 انسي يا مريومتي

انا : ههههه اهم شي الوحم دا بس شفت نفس حركات حنين 😜 طبعا يا اخوانا حنين من قالوا ليها حامل نكشت شعرها واشترت ليها جلابتين هزاز من مراه سودانيه وبقت مابتلبس غيرهم وطردت احمد من غرفه النوم وبقت تقول ليهو زح مني ماطايقه ريحتك 😂 الموضوع دا مؤرق حسام اكتر من احمد 😅

حسام : بتخيل ليك يا مريومتي الا تحملي من زول تاني لكن انا لو ما بعد اتخرجتي اتفرقتي لي ودلعتيني وصعنا واتفشينا مافي ليك حمل

انا : انت زول جاحد انا هسي مقصره منك في شنو 😏

حسام : ماقصره معاي يامريومتي الله يخليك لي لكن انا عندي باقي صياعه معاك لسه ك جكس كدا برانا خلينا نتفشي قبل مانبقي في نكيش الشعر وزح مني وما طايقاك 😅

انا : انا كمان وحمي حيكون اكعب من حنين لانو اي راجل لصقه في مرتو ذيك كدا مرتو ما بتطيقوا في الحمل وما بتخلي يلمسها وبعد الولاده طوالي بتدخل في اكتئاب 😂

حسام : كده معناهو انسي الحمل خلاص وخلينا نتبني اطفال 😅 لاني ما حتغير 😜

يا معشوقي ..

ليك من شوقى كل الشوق

فيا الخرطوم إذا نامت عليك عيون

تشوف الضلمة في الضحى

والنَهار مخنوق

ولو غنيتِ والغُنا للسلام مخنوق

أعرفي إنك الزمن اللى جاي شروق

وأعرفي إنك .. الزمن الحبيب وحنون

وصلنا الخرطوم 😍 كان في استقبالنا عمو محمد و مهند وبعد السلام

انا : هنودي مشتاقين 😭😭😭

مهند : بالاكتر يا مريومتي الدنيا من غير مسيخه ياخ

انا : مسيخه برضو 😉 يا ولد بطل فاضي انت من الحب وقصص الغرام ياهو دا عيونك ظاهره قلوب قلوب 😍

مهند : ههههه ما مشتاق لمشاغلاتك وجنك دا ، عليك الله ظاهر في عيوني

اكيد شايفه حلويتي حبيبه قلبي 😍

انا : جنس خفه 😂 عرفت من متين

مهند: ههههه حلويتي دي عوض ربنا لي عن البنات الكرور الدخلو حياتي قبلها ، زوله براها كدا عرفت معها معني الحب الحقيقي

انا : شفت انا ما بوقعك ساي 😉

مهند : الله يخليك لي يا احلي اخت في الدنيا 😍

حسام : احلي اخت واحلي مراه ذاتو بس ممكن تخارجونا وتاجلوا الغزل بتاعكم دا لوقت اخر

مهند : مريومتي انا قطعتوا مع اي زول عشان النقه الكتيره و ما جهزت حاجه منتظرك انتي ياخ

انا : كلو جاهز انت شيل الشنط ديل واتخارج بكره من الصباح الفطور فسيخ في بيتكم طنط سعاد عارفه

مهند : اكيد ما جاده يا مريم ليه دا كلو انا وافقت اني تجيبي لي شنطه فيها الحاجات الما بتتلقي هنا مش 3 شنط

انا : ديل ما عشانك ديل عشان حلويتي 😉 انت اطلع منها

حسام : يلا اقطع وشك خلينا نمشي بكره انا جاي للفطور مع مريم انا ذاتي تبع العريس مالي ومال نانا كمان 😅

انا : ما بتباريني عايزه اقطع فيك براحتي ياخ 😅

حسام : الحجل بالرجل انا ذاتي بقطع معاكم في نفسي 😂

مهند : خلي يجي دا اخو حلويتي 😍

حسام : امممك راحت عليك يامريم ويا حليل مريومتي ليك تاني الموضوع جاب ليهو حلويتي 😂

عمو محمد : شنو يا شباب ما نمشي وتموا ونستكم في البيت عندنا بيت والله 😅

ضحكنا ومشينا لما وصلنا البيت لقيناهم ضابحين لينا وعاملين غداء ولما قلت لنانا ما كان في داعي للتعب والجوطه دي

نانا : كيف ما نضبح ليكم اي عرسان بضبحوا ليهم انتو بالنسبه لينا ياداب رجعتوا من شهر العسل وماشاء الله يا مريومه منوره ما ناقصك غير الحنه والحنانه جاياك بليل

حسام : اي والله لسه عرسان سمعتي يا مريومتي 😉

انا : حنه شنو من هسي 😔 خلوني اتحنن معاكم للعقد

نانا : لا يختي انتي عروس العقد لسه بعد 3 ايام اتحنني الليله ولو طلعت تتطبقها ليك هي ذاتها للعقد

انا : اوووب علي انا منك يا نانا

نانا : وتمشي الشقه تلقي الطلح والشمله الجديد وغرفتك مبخره وقسمت ليك خمر في قزاز صغير وتلقي المبخر وعلبه البخور والدلكه في حمامك ، وجبت لي معاي كم قميص كدا 🙈 تلقيهم في دولابك عملت ليك ذي ما ام محمد كان بتعمل لي ، يابت دايره تجيبي الكلام لولدي ويقول عليهو ... نحن ماعندنا عريس بنوم بعيد من مرتو ، وحلا وحنين قاعدين معاكم في الاوضه التانيه ماعندهم علاقه فيكم ، اخدوا راحتكم في اوضتكم

حسام : ينصر دينك ودين حبوبه يا نانا 😍 ايوه مافي عريس بنوم بعيد من مرتو 😅

انا : انتي و ولدك بتحبو قله الادب ذي عيونكم عريس شنو البعد 6 شهور وهو لدك براهو ما مقصر عشان انتي كمان تهيئ ليهو اجواء ذي دي 😡

نانا : اجي كمان قلة الادب اهم ركن من اركان الزواج وكمان طبع من طبائع النفس البشرية 😂 معاك دكتوره نساء وولاده كان اتفتحت ليك في المواضيع دي ما بتقدري تسكتيني

قمت منها هي ولدها لانهم اي واحد فيهم افظع من تاني وبقيت اتونس مع الناس لحدي ما الجوطه ذادت ضربت لعمو عمر وسالتو من سمر قال ي ياهو دي معانا قلت ليهو انا خلاص جاياكم هسي، كلمت نانا وزغت مشيت ماعايزه اكلم حسام الا بعدما احسم الموضوع دا

مشيت لناس عمو عمر سلمت عليهم واتونست معاهو هو وماما زينب تمام حتي قلت ليهم نادوا سمر ، لما سمر جات حكيت ليهم العملتو وكالعاد اتخلعوا في تصرفها وانا عارفه هي اتصرفت كدا ليه كون مهند يخليها وكمان يجي يعرس بت ذي حلا دا بفرسها وكمان حلا اخت راجلي وعرسني ذاتو كا حارقها لكن صحي وعلي نياتكم ترزقون انا ومهند ربنا وقعنا في احسن ناس وهي بقلبها الاسود وقعت وقعه ذي نيتها

انا : اسمع ياعموعمر انا والله استحملت سمر اكتر مما تتوقع وفي الوقت الانتو اهلها كنتوا بتشكوا لي منها انا ماشكيت ليكم منها لكن الموضوع يصل لحدي انها تهين نسيبتي الفي مقام ماما وكمان في حقي لحدي هنا الكلام انتهي ، انا شريكتك انت ياعمو عمر ما شريكه سمر ، وحسب الانا عارفاهو منك انها اشتغلت في المستشفي يعني سمر ماعندها اي صلاحيات في الشغل ولا موظفه في الفندق عشان تحجز لزول ولا تلغي حجز لزول

عموعمر: الغلط مني انا كنت تعبان شويه وكنت بخليها تمشي تتابع لي بعض الحاجات وما اتخيلتها انها ممكن تعمل كدا

انا : ممكن اعرف انت قررت شنو في موضوع شراكتنا ؟

عمو عمر : التسجيل ما صح لما تحصل لي حاجه الحاجات تتوزع حسب الشرع

انا : انت المره الفاتت الجيت تفضي الشراكه وانا الهسي عايزه نفض الشراكه البينا لاني ماعايزه اي حاجه تلمني مع سمر ولا مجبره استحمل قله ادبها لاني استحملتها كتير عشانكم لكن خلاص وصلت الحد، اختار بين الفندق والمستشفي واي واحد فينا يتنازل عن نسبته لزول التاني وقيم الاتنين ولو في فرق نتحاسب

عمو عمر : ليك حق انا بتي ما قادر استحملها ، وكدا ذاتو احسن لانو محمد حيبقي صاحب اكبر نسبه والاداره من حقو ،انا مافارق معاي اشيل ياتو لكن انتي الاولي بالمستشفي لانها في مجالك

سمر : لا نحن العايزين المستشفي انا شغاله في الاداره وعندي خطط كتيره ليها وكمان محمد حيبقي دكتور ذيها والمستشفي

في مجالوا

انا : انا ذاتي ما دايره المستشفى لاني ما ح افضي ليها عايزه احقق حلم فرح اوغلو واعمل مركز قلب او اي حاجه بتخدم مرضي القلب ، واحسن لي الفندق

عمو عمر : خلاص من بكره ح اكلم عثمان يبدا في الإجراءات طوالي عشان نخلصها قبل ما تسافري

انا : الكلام دا بالنسبه لي علي الورق بس ياعمو عمر لكن انا عايزاك تستمر في اداره الفندق ذي ما انت عايز وبدل كان عندك اسهم يبقي عندك نسبه من الارباح كدا لا انت حتخلي شغلك ولا حتحصل مشاكل لقدام

عمو عمر : اريتك لو كنتي بتي الشايله اسمي بدل البت الزباله الانا جبتها وانا ذاتي ما بخليك يا مريومه وحقك ذي حقي لحدي ما اموت

انا : ربنا يديك طوله العمر ان شاءالله تفرح بمحمد وأولاده ، دا كرت العقد بتاع مهند رسلتو ليكم نانا وعمو محمد قال ضرب ليكم ، منتظراكم في عقد اخوي حبيب قلبي وعاينت لسمر من تحت لفوق وطلعت .. كدا ياداب اتفشيت فيها 😎

رجعت البيت حكيت لنانا بالحصل نانا اتبسطت جنس بسطه لما زغرت 😅 اتغدينا وطلعت ليهم هداياهم واتونسنا .. وبعد داك مشينا الشقه انا ونانا والبنات .. نانا اصرت لي تدخني قعدتني ربع ساعه كدا لحدي ما جات الحنانه حتي مشت خلتنا ..

قاعده محننه في امان الله وبنتونس انا وحلا وحنين جرس الباب ضرب اكيد عرفتو منو 😂 اي ياهو العريس الموهوم ذاتو الاسمو حسام 😅 جاء خامي ليهو كميه من الاكياس ويشم في الريحه الدخان ويتبسم ساي 😂 ولا اشتغلت بيهو لحدي ما فكيت الحنه 😅 لكن بعد داك شلت قميصي و دخلت اتدلكت واتخمرت واتبخرت الجوء فارض نفسو يا جماعه 🙈 حسام بعدما خلاااص عايزين ننوم لقيتو ماسك السرير وبتكلم 😅

انا : سجمي يا حسام استمتعت لما فكت منك ولا شنو 🙊

حسام : هههه لا بعتذر لي امك وابوك عشان بتهم الفاضله بتمارس الرذيلة في سريرهم 😂

انا : ههههه ما قصرت اعتذرت وعملت العليك والباقي علي ربنا 😅

يا هو دا حالنا انا وزوجي العزيز ربنا يهدينا من عندو بس قدر ما حاولنا نبقي جادين فشلنا 😂

صحينا من الدغش الرحمن بتلفون نانا قالت لحسام حبوبتك عملت اللقيمات ومنتظراك بالشاي ، مشينا اول المقابر لاهلي ومن هناك الي منزل ناس نانا بعدما ماخلصنا من برنامج شاي طلعت هي وحسام وانا الي منزل ناس هنودي

سلمت عليهم واتونسنا واهم حاجه اكلت الفسيخ حتي شفت الحاصل .. طبعا مهند بالجد عشان طيبان اموروا استهلت بطريقه ماعاديه والناس البحبوا ساعدوا من غير ما هو يطلب .. عمو عبدالرحمن طبعا هو الاصر علي العقد وهنودي قال ليهو لسه انا ما جاهز خلي العقد لقدام ، قام عمو عبدالرحمن قال ليهو ما عندك شغله حلا ذي بتي ومهرها علي 😍 فشنو موضوع المهر عمو عبدالرحمن ما قصر فيهو ابدا .. عم مهند جاب ليهو من السعوديه ريحه فاهمه جدا ، انا جبت معاي الارياح الباريسية والميك اب و كميه من الكولكشن من كريمات لشور جل لشامبو واكسسوارات والشوكلت والمكسرات ،طنط سعاد جابت 6 غوايش دهب ومعاهم خاتمين وهو اساسا عندو ست دهب من خطوبتو بساره والتاني من خطوبتو بسمر

شلنا الدهب وطلعنا انا وهو مشينا بدلناهم واشترينا بدلهم اتنين تانيات ، وانا شلت ليهو من دهب ماما سد جديد ومعاهو اسوره وخاتم نقنق وسكت مع الخبيز والعصائر المعلبه بقي عندنا سدمال ذي العجب وامورنا كلها ظبطت حسام جاب ليهو البدله معاهو وكمان فرحتنا تمت بقدوم مصطفي جاء عمل لينا جو ظريف 😍

الليله يوم العقد من الصباح حلا من الصباح مشت للميك اب ارتست وانا وحنين مشينا لنانا من الصباح ومن جاء الظهر كشتنا قالت لينا يلا البسوا تيابكم ودهبكم وتعالوا 😂 غايتو مؤدبانا جنس ادب 😅 قشرنا ومشينا حنين طبعا مركبه وش الوحم مابتقدر تسالها لكن انا قبلت علي لاني ما بعرف للبس التوب كويس وكل مره اقوم اصلحوا 😂

دخلتني اوضتها دبستو لي وولعت لي البخور وريحنتي بالخمره تقول انا العروس حسام طبعا جاء عاين ليها كدا الكلام ما عاجبو و من غير ما يتكلم قالت ليهو ما تحمر لينا هي قاعده جو البيت ونسوان بس ومافي رجال خليها تتكبرت هي عروس ولا العروس دي بتعرفها في السرير بس 😂 انا من شده ما اتبسطت لما فكيت الضحكه وحسام خشموا ما قدر يفتحوا ود الذين عجبني ليهو 😅

انتهينا من طقوس العقد والغداء وجري مشينا غيرنا تيابنا ومشينا لمهند وحلا لاوت دور ، حلا طلعت سكره وبسيطه جدا ومهند تاكلوا بجزمتو حلوين جنس حلاوه، وانا وحسام اتصورنا ذي ما هم بتصورا اي وقفه بوقفوها ليهم نحن بنحاكيها 😅

بعدما دخلوا ابتدت الحلفه ما رقصوا اسلو حلا قالت بتخجل ومهند قال ليها براحتك شفتوهم عاقلين كيف 😂 مش ذي ناس فلان و فلانه البرقصوا مرتين 😎 الحفله كانت ب عاصم البنا والاوفر نايت بي بكري المغربي ومن غير ما تسالوا حتيناهو جنس حت حلا رايقه لكن مهند في نصنا انا وحسام ونانا واحمد ومصطفي

تاني يوم من الصباح مشيت لعمو عمر من الصباح مضيت علي كل الاوراق وبكدا تكون انتهت شراكتنا من غير مشاكل، المستشفي من نصيبه والفندق بقي من نصيبي وعمو عمر شغال في الفندق ذي ما كان ومن غير اي تدخل من سمر

..

اخر يوم كنا كلنا مملومين في بيت ناس هنودي عمو عبدالرحمن عازمنا ضربنا الشيه وودعنا الجميع وودعتكم انتو ذاتكم

يتبع.....