الاول مارضت تركب العبارة من خوفا هي من بدري بتخاف من البحر بتجها لفة راس بس اتكلمنا معاها كتير

عارفين الحصل شنو 🤔

مسكت في يدي🙈 وانا نفسي طول العمر نعيش في البحر عشان م اتحرم من جمال اللحظة دي يدها دااافية وحنينة طلعنا بالسلم فووق قعدنا في النص هي جنبي وماسكة فيني😍

اما مريود كان مقاصدنا بس هو خجول شوية

اتونسنا واستاذن انه ماشي مشوار والوقت داك العشاء ماوصنا وعدنا انه حيجينا لو لقي وقت وربتو اننا اليوم حنكون قاعدين لوقت متاخرقال اوكي وعايز اقدمو سمية مسكت فيني مريود يضحك وقال خليك خليك وان شاء الله عقبالي سمية خجلت واتحسست مشي مريود وفضلنا انا والحب 😍

سالتني مريود مامتزوج

قلت ليها لا لسه عندو مواصفاة لفتاة احلامو ....

ومن هنا بدا المدخل وبقيت احكي .....😍

تلفوني تاني ضرب ...

قفلتو بدون ما اشوف منو وقلت لسمية هاتي فونك مدتو لي قفلتو ورجعتو ليها ...ونحن في قمة السعادة واخيرا جاء اليوم الح اعبر فيه عن مشاعري بدون قيود براحتي بدون م اختلق اعزار بدون م اتجنبا

❤

اتصلت رباب علي محمد

انت وين

انا مابعيد

الايام دي ماااا براك ماتكون عرست

ههههههه ياوليه انا سموني عرس كفاية علي انتو الجوز

طيب حتجي متين

انتي وين

انا مع امي جيت انوومم لي نوم ينفعني

مالك مانمتي هناك

هو ناجي بخلينا ننوم

قومو صلو استغفرو اتوضو صومو زهجني الله يمرضو

رباب ماتداعيه وبعدين كلامو صاح عايز مصلحتكم

اي زول ادري بمصلحتو بعدين راجلي منو فيكم انت ولاهو اسمع يامحمد الكلام دا معاي مابنفع

رباب روقي انتي مالك هسه من اتصلتي نفسك حار

ماعارفة وانا بعد شوية ماشة بهناك ارتب حاجات وانضف ماتتاخر

كويس مابتاخر

عايزة حاجة

سلامتك بس

تسلمي لي😍

❤

مشت رباب لزت الباب لقت نسرين ونرمين قاعدات سلام الله ما ادتو ليهم شايلا مفتاحا عايزة تفتح غرفتا

نرمين والمطاعنات طبعا.....📸

جيتي يالعاقر😏

اتلفتت عليها والكلمة حرقتا

هدي انتي بعيالك عملتي شنو ......

احمدددد الله عندي عيال الدور والباقي علي الناس العندهم عقم مستديم

ههههه انتي لو ماليه عينو ماكان بقيت ليه مرة زيي زيك ويمكن احسن معاي انا وهاجرك انتي مسكنيي بيتك ممغسااااكي وكاوياكي وريني عمل ليكي شنوخلي العيال ينفعوك مفتكرة العيال بيمسكو راجل تبقي مسكينة ولو عاوزة تعرفي اتعلمي مني يمكن تفلحي وتضمني مايجيب عليك التالته والرابعه

امشي يابتاعت الشيوخ والدجالين شلبتيه مني ومن اولادو ب محاياتك وورقك وسحرك وشياطينك

ماااشلبتو انا عجبتو 😆بالله لهسه محروووقة ...وجععععععع

ياوسخة يارمة ..اتضاربو نسرين ونرمين وقعو في رباب دق والمرة دي مافي زول يحجزا

نسرين انا مش قلت بيك بلم فيك وبشوهك ياعفنة

نرمين الليلة بقتلك وبمشي في جنازتك

وهي تصرخ وتضرب مرة لزوها الاتنين وقعت في الارض كسرت يدها من فوق وشها اتشوه وطلعت دم من خشمها وانفها

❤

نسرين ونرمين طلعو فوووق السطوح وقفلو الباب وخلوها غرقانا في دمها تحت

بعد مسافة محمد جاء لقاها مغمي عليها وحالتا حالا رفعا في الكرسي اتصل علي الاسعاف نادا نرمين بقي يكورك ويصرخ زعلان وهايج مالقاها لاهي لا الاولاد لا نسرين بقي يطمن في رباب اطمئني يارب خير لحد ماجات الاسعاف رفعوها ومشو المستشفي

نسربن ونرمين يضحكوو والله ادبناها ادب بت الكلب

اظن لي بعد دا عينا ماحتقدر ترفعا

دا ع اساس انها حتشوف اصلا هههههه

وووب منك عاد انا اتكيفت كيف لمن دفرناها ووقعت انا قلت ماتت الا بعد ختيت يدي لقيت في نفس

❤

ارح نضرب لناجي نحكي ليه انها غلطت علينا عشان بعدين ماتبقي فينا

نرمين:اي والله

يتصلو ويتصلو ناجي تلفونو مقفول

نسرين:اتصلي علي الماتتسمي دي هي زاتا حارساها دقة زي دي الوسخة

نرمين :بري ماعندي الرقم غيرت رقما ماشفتي التلفون الجديد ....

يمين الا اتفشي فيها زي م اتفشيت في رباب

*خبيرة التجميل يمكن ساعتين ونص بتظبطني بدت بشعري كوتو لي رولتو من تحت رجعتو من قدام كله عادة بطلع خصلة او بشقو هي رجعتو كله ورا وعطرتو لي وثبتتو لي شعري طويل وبالمكوة طووول زيادة لبست الفستان الاحمر كان حلو شديد من فوق ضيق ومن تحت كلوووش فاري ناجي عندو زوق ماحصل....

مكيجتني بطريقة حلوة عملت لي عدسات بني علي عسلي وروج احمر جات لفت لي الطرحة لما وقفت علي المراية لما اتخلعت دي انا ....

يعني ما صورة من مجلة سيدتي ...جد ماعرفت روحي ...عطرتني بعطر اسمو شارلي وقالت دا اكتر عطر انثوي وريحتو مابتروح بالساهل وادتني العطر هدية مش قلت ليكم زوق اتصلت علي ناجي وقال جاي ماتميت عشرة دقائق كان وصل كنت خايفة حاسة اني جريئة بزيادة او اووفر اتوكلت وطلعت من نزلت من السلم وجاية عليه ناجي نزل من العربية ومانزل عينو مني وانا خلاص دخلتني خووفة ولا مالي متوترةة فتح لي الباب قعدت جنبو وهو يشيل ويعاين لي بحب..🦋🦋🦋.نظرات ناجي لي كانت حب ماحاجة غيرو كنت مبسوطة لكوني عجبتوو

سالني قال اتحصنتي

قلت لا ح اتحصن

طلب اقرب منو يقرا لي

اسوء حاجة م

رت بي ماعارفة بس قربت وانا مغمضة دقات قلبو قريبة مني همسو وهو بقرا الايات كان بيدخلني ويحرك جواي احساس جديد ...حصني كنت في قمة سعادتي حسيت اني اليوم انا عايشة حقيقي وانه الكلمة الطيبة والاهتمام هم البنعشو الروح ❤

❤

وصلنا لقيتو مجهز لي كمان سبرايز جديد ...بس كله ولا البحر اصر قال لازم اتغلب علي خوفي قربت ابكي وهو كان مبسوط قلت ح اتحمل وما ح اركز اني في بحر غايتو قويت قلبي اترددت مرتين التالته مسكتو شديد رفعت راسي لقيتو بعاين لي ومبتسم وكمان صحبو مريود اتكلم معاه وقعد قصادنا وانا دايرة ازح يدي ناجي ماسكني احاول ازح يضغط عليها يعني خليكي ....استسلمت 😊وخليتا شووية ومريود مشي وفضلنا انا وناجي ....هو بس بعاين لي وانا بتحرج قلت اخلق جو تواصل بينا وقلت مريود م اتزوج ....وبقي يحكي لي عن فتاة احلامو وانه ماعايز يتزوج زواج تقليدي ...

بقي يكلمني عن نفسو ..... وعن حبيبتو البحبها من وهي صغيرة

زعلت 😔 ويمكن غرت واضايقت بس ماعندي اجابة ليه

حسيت انه الشايلو جواه ماهين وانه عندو كلام كتير جواه تقريبا حبيبتو كانت نسج في خيالو وهي ماعارفة ولاحاسة ....قلت ليه سامعاك احكي لي ...

قال لي ...

تعرفي انك الليلة اجمل وارق انسانة في الدنيا الليلة وبكرة وبعدو وكل يوم جاي

حبيت كلامو مارديت وواصل

سمية انا 13 سنة مستني اللحظة دي

اتخلعت دايرة افهم ...

تعرفي من وانتي في الاساس اتمنيت اللحظة دي معاك ...

قلت: ناجي😳😳😳😳😳

انت ....

ايوا ياسمية انا بحبك❤ من وقت طويل طوووووووويل شديد

ختيت يدي في راسي

وبقيت اتزكر واستوعب في شريط الزكريات.........!

عرفت ليه اتغير مني ليه سافر ليه بعد ليه رجع ليه ليه ....

انهرت قدامو وبكيت بكيت قدرتي

ناجي يبكي وانا معاه ماسك يدي دموعو نازلة بس دموعو كانت دموع فرح دموع شوق دموع شكر

حلقي اتربط ماعرفت اتكلم

قش لي الدموع بالمنديل ...الفي يدو جابو لينا العشاء ختوه قدامنا كان عشاء فخم .....ناجي كان بيبتسم وياكل وانا ماقدرت اكل بحاول اكل ومابقدر قلبي وجعني شديد واني كسرتو قبل كدا بس مابيدي

قال لي

حبيبيتي

🦋

بصوت نساني الوجع المن شوية كله عاينت ليه

قال لي اكلي وماتفكري كتير هسه انا هنا معاكي وانتي مرتي (الجملة دي بتعني ليكي شئ)

يتبع..

#خساسة_ونفسنة_حموات
بقلم: نسرين سعدان

الجزء 32

نزلت قفلت الباب ...نزل وراي وبقي يستهبل مسك يدي وانا خلاص

ياناجي خليني مابخليك

ياود نحن في الشارع ارح ندخل طيب فتح الباب

اول م دخلت شال الدبوس وجر الطرحة انا ختيت يدي في وشي من الخجل

شعري كان مرول اخرو وطووويل اسود ناعم ومرقد بزيادة عشان الحجاب

ناجي قرب مني ومد يدو وقرب علي لحد ماسمعت صوت انفاسو يدو وصلت طرف شعري لمساا

وانا مغمضة واشيل في نفسي واختو ...

جات نرمين من هناك نااجي دا انت نااجي ...

الظاهر ناجي ماسامعا اصلا زحيت بسرعه هو لحد م اتخلع كانه كان في دنيا تانية نرمين لما شافتني شهقت واتخلعت هاه 😳

دي منوو

جات نسرين وراها ناجي ماشفت رباب جات هنا واتشاكلت.......

😳

سمية

ناجي قرب مني وسك يدي وقال ايوا دي مرتي سمية طالعه قمر صح وابتسم

سال نسرين رباب مالا

نسرين كانه لسانا اتربط ما ردت جراني من يدي وقال لي يلا حبيبي

الكلام دا قدامم...

طلعنا فوق وانا كنت مبسووطة من صدمة حمواتي ياخ حسيتم جاهم شلل رعاش وهم منكوشات ومبشتنات وزي تقول حصل العكس الجمال ماميك اب الجمال بيكون في الروح ...حسيت براحة ماعادية كانه ناجي دا مرسل لراحتي وسعادتي

❤

نسرين:لا دي منو اصدميني

نرمين:دي ام عباية وكرعين مشققات

نسرين:ودي عرفت الحاجات دي كيف وكيف قدرت تصل المرحلة دي

انتي شفتي العدسات

لا شفتي الميك اب والفستان

والعطر

لالالا

شعرا كلام تاني

اول مرة انتبه لملامحا كدا

البت دي لو قعدت يوم زيادة حننطرد من هنا

شفتي اخوك ماسك فيها كيف

يابت انا لمن جيت وناديتو ماكان واعي بنفسو وماشايفني

نرمين

انا سمية دي مابخليها هي اتحدتنا مابخليها المرة دي ويا انا ياهي

نسرين:

لا يانرمين ....سمية دي انا ح اخليها تلف زي المجنونة في الشارع بس خلي الصباح يصبح صدقيني دا حيكون اخر صباح ليها وهي وااعية

ارجي الراجيك

قال دي مرتي

هههههههه

ودااخر يوم علي زمتك 😈

........................

يتبع....

#خساسة_ونفسنة_حموات
بقلم: نسرين سعدان

الجزء 33

....خجلي يابي التحرر...لا ادري مازال ناصر يملكني ياسرني يحتويني ...😢

عند خشوعي لا انسي ان ادعو له وعند نومي استغفر ثلاث وارفق اخر تمياتي بدعوة خاصة وعند صحوي ...

ناصر يتركني ويرحل اعدت غيابه ولاكني لم اعتاد نسيانه بعد

اما ناجي يظل معي في كل وقت يهتم يشعرني بشئ ما

اتوه داخل عيناه اضيع في لحيااااه يتوقف قلبي عن الخفقان عند حديثه معي ..وينبض مرة اخري اسرع واعمق 🦋

مابين هدؤ ناصر وافتقادة وجنون ناجي وقربه اضيع انا ....

❤

اول ما دخلنا البيت وفتحت النور دخلت غرفتي قفلت الباب عاينت لنفسي في المراية كنت وحدة تانية خالص مختلفة كاني مابعرفا غيرت ملابسي دايرة البس توبي الابيض

ناجي دق الباب

قلت جاية

لبست توبي وانا قلبي مقبوض ماعارفة ليه ...

طلعت لقيتو مستنيني جنب الباب

م اتكلم معاي

قلت ليه ناديتني

قال لي ليه لبستي التوب الابيض تاني

م اتوقعت السؤال

امم اه اا

يلا حبيبي امشي غيري التوب الابيض دا

:ناجي😰

قلت ليك غيريه وتاني م تلبسيه

طيب حاضر...😔

*غيرتو وطلعت قلت اغير خلقتي القالباها دي بالمرة ..

قلت ليه اعمل ليك شاي☕

قال لي اتعشيت وياك واكلت سلطة فواكه وكمان شربت عصير مافي اي فرقة للشاي تعالي نقعد هنا

(الراجل دا الليلة مالو مابشبع نهائي من الكلام انا نعسانة نعاس السنين ولا مضايقة ولا مالي المهم في حاجة ..

قعدنا علي الاريكة وهو مبتسم

احكي ياناجي

جر مني التوب

نااجي بطل جن

ماببطل حبيبي

قلت ( هو حيشوف شعري وخلاص

قرب مني وهو بعاين فيني لمس شعري وانا ماقادرة امنعو

شعرك طال اكتر وبقي احلي غمض عيونو وقال ياربي نفس الريحة الزمان اخد كم خصلة من شعري في يدو

(الليلة دا حيشم...😕

بقيت اقول ليه ناجي ناجي مارد علي ...

ماعرفت اعمل شنو ...

فجاة الباب دق ودق بصورة مزعجة ومنقذا لي ..

ناجي الباب الباب ...

اتضايق جدا

صلحت توبي وهو مشي يفتحو لقي نرمين واقفة وبتبكي ...

مالك 😳

محمد تحت وكورك فيني😭 وحيطلقني

ناجي:ليه في شنو ارح

نزلو نزلت وراهم ...

كان محمد جايط ونسرين بتتلائم معاه

ناجي:معانا جيران ياناس في شنو يامحمد نسرين ادخلي جووة ماموضوعك

محمد:تدخل وين لا ما تدخل اول اعرف عملت شنو اختك خرابت البيوت

ناجي:عملتي شنو يانسرين

محمد:انا اوريك هي والاستاذة نرمين ضربو رباب وكسرو يدها( رباطة بس

ناجي: نعم 😳 امتي الكلام دا ؟

نسرين الكلام دا صاح

نرمين :

هي في الاول بدت...

ناجي: انتو الاتنين اتلميتو عليها

محمد:اسمع ياناجي اختك دي مابتلزمني ودي ورقتا جااهزة

واولادي بشيلم منها حتي الصغير

نرمين:تشيل منو يشيلك النمل

ناجي:يابت ماتحترمي نفسك احترميني انا

محمد: مابتحترمك دي بعرفا وهدا قدامكم انتي طالق يانرمين طالق وبالتلاته وان محسوبة طلقة واحدة كل يوم بجي وبسمعك طلقة انتي طاالق ....

ومشي ...

❤

ناجي شبك ادينو مع بعض وقال نسرين ادخلي جووة

قالت ادخل جوة ليه هو العفن

ناجي صرخ فيها صرخة واحدة وجاط

قلت ليك ادخلي

طوالي دخلت ..

ناجي: نرمين

نرمين: اي ناجي

عاجبك كدا

ماهو لكن

انتي خربتي بيتك بيدك حتي م اديتني فرصة اصلح غلطك غيرتك عمتك واسلوبك كعب ....

نسرين دي ماتسمعي كلاما وريتك حتخربي بيتك ...واهو خربتيه ...

اسالي ربنا بس ربنا يفتح بصيرة محمد ويرجع عشان اولادو ديل ويكونو سبب انكم ترجعو تتلمو تاني

نرمين بقت تبكي ...

جات سمية تواسيها كل شئ لخير يانرمين ان شاء الله ربنا بسهلا امشي اتوضئ وصلي ركعتين بإذن الله سحابة وتعدي

(انتي بتواسيني ولا شمتانة فيني ..نهايتك مع ناجي قربت انتي برضك اصبري بس ....اتفسحي هسه وارجي الراجيك ..

تعاين ليها بطرف عينا

وسمية زعلانة عليها وقلبها موجع وبتقول في نفسها دا السبب الماكان مريحني قبيل وقابضني..

❤

ناجي طلع غرفتو وقفلا عليه بزعلو اما سمية اتوضت صلت ودعت ل ابوها ول ناصر ول امها وحجة شريفة يجو بالسلامة دعت لنرمين ترجع ل راجلا قرت قران ...

جات لناجي دقت الباب مافتح فتحتو هي لقتو بقرا قران قالت ليه الاذان اذن ورجعت قفلت الباب ومشت تنوم...

في صباح اليوم التاني اتصلو حجة شريفة والسيدة قالو متحركين جاين ...

ناجي كلم سمية ونسرين ونرمين انه امهم جاية والحصل حصل ومافي وحدة تفتح خشما بالحصل امس اي وحدة تشوف العليها تجهزو وتنضف لحد مايصلو الناقص كله بجيبو ا

نا طالع بجي بعد ساعه ....

سمية نضفت بيتا وبخرتو طبخت في بيتا ودخلت اخدت دش لبست ليها فستان اسودجمييل عملت شعرا وميك اب خفيف 👌🏼 ونزلت بطبيخا

شافوها البنات اتجننو دايرين يموتو

نرمين قالت لنسرين يلا نوريها مقاما ونادبا ....

ارح ...

نسرين اتصلت علي اقبال صحبتة قالت ليها طلعتي ولا لسه؟؟

قالت ليها اي في الامجاد ...

خلاص انا جاية عليك

نتلاقي هناك ...

نسرين لبست عباية وجرت طرحتا وركبت عربيتا ومشت نرمين دخلت قفلت غرفتا معاها اولادا

بقت سمية براها تقوم وتقع تنضف وتمسح

جاء ناجي ..س

لم وخت الحاجات وسال ووين نرمين ..

سمية:يمكن جوة مع اولادا

ناجي قرب من سمية وسال من نسرين سمية رجعت حركة وراء وقالت طلعت

ناجي مقرب منها وبسال طلعت وين

ماعارفة والله

وانتي ماشة مني وين

ناجي زح مني

هو انا سالتك انتي راجعه وانا راجع معاك جربتي تقيفي ...

مالك طيب

ماخليتني اشوفو واشم عطرو

ناجي بطل جن

ماح ابطل الليلة وبعدين انتي مش وعدتيني

طيب هسه انت عايز شنو

مسك ايدينا الاتنين وباسم ....

ك العادة اتوترت ...وقلبها دقاتو زادت

بقي يعاين في عيونا

ناااجي

عيونو

امشي

ماماشي

زح الطرحة ومشي يدو علي شعرا وقال...حبيبي شعرك حلو زيك خليني اسرحو زي زمان

سمية ماقادرة تقيف ناجي الله يرضي عليك امشي

امشي وين انا ماصدقت اني جنبك هسه وبرانا

ناجي نحن في المطبخ

نمشي فوق يعني ارح يلا

ماماشة مكان وانت امشي

سمية بتتكلم مع ناجي ..

ناجي قرب منها وحضنا عليه حضنا شديد ومافي حد فيهم اتكلم تاني سمية مغمضة وناجي مغمض

والاتنين احساسم غير غرقانين في حب بعض سمية اتمنت اللحظة دي ماتعدي ويفضل في حضنها طول العمر اما ناجي دمعتو لمن نزلت من شوقو ليها ..

سمية حست بيه قشت ب ايدا دمعتو ...

كانو مبسوطين ببعض ..

ناجي قال لسمية نمشي

م ردت جراها وطلعو فوق

فك ليها الباندة شعرا نزل كله وجذء علي وشها زحاه ليها ...في اللحظة ديك سمية صرخت صرخت 3 صرخات ورا بعض كانها حرقتا نار ولا عضتا عقرب او عقارب في لحظة واحدة ووقعت مغمي عليها

ناجي زاتو اتخلع قرب يجن سمية سمية مالك ضربا في وشها مافاقت رقدا قي الاريكة وجاء نازل بالسلم يجيب موية او بصلة في حين انه المطبخ فوق فيه كل شئ بس من خلعتو جاء بغرفة نرمين الظاهر فتحتا لما سمية صرخت دخل المطبخ يفتش بصلة شال قارورة موية وجاء راجع يكلم نرمين تطلع تشوفا معاه سمعا بتكلم نسرين صحبتك الظاهر المفعول وصلا طوالي وهاك ياصريخ

مفعووول

قرب يخش في حالة رمي القارورة والبصلة والسكين في يدو وجاء خنق نرمين مفعول شنو ياحاقدة مفعول شنو دا سممتوها ..دايرة تقتليها وريني عملتو في سميية شنو

اولادا بقو يبكو

نرمين لسه ماعملنا لكن حنعمل اداها كف طالما ما انا موجود في الدنيا دي ضفرها تمسو روحكم قصادو سمعتي

نرمين بتبكي وشها حمر

وريني عملتو فيها شنو اي مفعول وريني قبل م انتهي منك

نرمين انتو العاجبكم فيها شنو المميز شنو مابوريك والداير تعملو اعملو

ناجي مسك السكين وختاها في رقبت نرمين اسمعي كلامي دا كويس ...سمية خط احمر....سمعتي ...اي حد وقف في طريقي معاها موتو ...انتهيت من امرو ...متزكرة ابوها زمان قال شنو وحيعرسا منو ابوها دا مات فجاة وبزبحة انا كنت سبب نااصر شالا مني وعارف اني مابعيش بدونا انا الرتبت لكل شئ لحد مامات وجابو جنازتو ...

نرمين عرقت وسخنت وبقت بتبلع في ريقا وخايفة منو

ناجي عيونو اتملو شرار وبقي زول تاني ماطبيعي ...

قال

وحتكوني التالتة انتي لو خشمك دا مافتحتيه ...

يتبع.....

#خساسة_ونفسنة_حموات
بقلم: نسرين سعدان

الجزء 34

..

احسست اني افقدها الي الابد🦋 لا اقوي للوصول اليها وانا عاجز قووتي تملصت مني منذ سماعي ضحكات نرمين 😔

اي حقد تملك اي غيرة اي حسد كيف تجرؤ تلك النسرين علي ان تؤزي رحمها ،دمها ،تجردت من الانسانية" تجردت من الرقة وطيبة القلب" كيف تكون هذه انثي اليست الانثي تملك قلب لين طيب حنين رقيق اليست الانثي تملك قلب من نور ..من هؤلاء؟ خليط من الشيطان الادمي ...! من هم ومن هي التي امامي اهي اختي؟؟ ...بدت اقسي ماتكون ..كنت ساجثو علي ركبتي بزل بكل خوار وترجئ لتعلمني ما اصاب (حبيبتي روحي) التي لطالما افتقدتها وحين وجدتها اصابها مكروه ثلاث دقائق كانت اشبه بثلاثون عام ...وانا بين الحياة والموت اتحلي ببعض الامل لا ادري... صحت اغتياظا وضيقا😡 وكانني فجيع حرب اتوق للوصول الي زوجتي ل امنحها بعض السلام والطمانينة 😠لعلها تحتضر الان🙁 اعلم انها تفتقد وجودي احتاج اكسير او شيئا ما احتاج ان اعلم مابها ...

صرخت وناديت اسمها نرمييين

بكل قووتي

وانا منهار من الداخل كليا

*عملتو فيها شنو* الكان علي بالي انهم شربوها سم منتظرا تقول لي كدا عشان اشيل معاي ليمونة قبل اي شئ ...واجري عليها بس نرمين استفزتني وادتني احساس انه ح افقد سمية ودا الاحساس الوحيد المابتقبلو ماعارف كيف قدرت ارتب الكلام لكن ارهبتها وخليتا تخاف😣 مني ماكان ينفع غير الاسلوب دا هي بتعرفو كويس ومتعودة عليه وخوافة ماذي نسرين نسرين شخصيتا قووية

-قلت ليها انا قاتل قتلت ابو سمية وقتلت ناصر ناقص اقول ليها امي وحجة السيدة هسه في عداد الاموات وانتي الجاية🔪 نرمين خافت شديد واترعبت مني 😥😰حستني متغير وانسان تاني العرق ملا وشها والرعب دخل فيها واخيرا نطقت وقالتا

ياريتا ماقالتا ....استصغرتها هي ونسرين وعرفت انه ديل مافيهم خير طالما وصلت بيهم يازو سمية بالطريقة دي

قالتا وكانه غرزت في قلبي سكين قالت

*عمل*

عشان تتالم

*عمل*

عشان يفرق بينك وبينا

*وعمل*

عشان تمووت

تمووت يانرمين تمووت قاتلاها ليه عملت ليكم شنو ماقدرت اجري عليها بجر رجولي بالعافية لسمية فوق مالياني الدهشة والاستغراب في ناس كدا في الدنيا وكمان اخواتي وكل دا جواهم لا اله الا الله محمد رسول الله حسبنا الله ونعم الوكيل مافوقني من الصدمة الانا فيها الا صوت سمية وهي بتصرخ ب اعلي صوتا وصلتها وهي مرمية في الارض زي الطفلة البردانة المحتاجة دفا زي العصفورة الفقدت جناحاتا وماقادرة تطير شلتها بسرعه نزلت بيها كيف ماعارف لحظة عصيبة ويوم عصيب شلتها وبقيت جاري بيها لقيت محمد برة شكلو جايب رباب البيت ومر بطريقو جنب الباب ....في لحظتا شفت محمد المنقذ قدامي حسيتو ممكن يساعدني ناديتو يامحمد جاء جاري علي وشالا معاي *لما اترسم علي يدي وجودا* رفعناها في العربية ....

رباب بتقول بسم الله الرحمن الرحيم مالا سمية مالا وانا دموعي جرو اقول شنو ولا ارد شنو وسمية في اسوء حالة محمد رجع بالعربية وسالني نمشي مستشفي ووين ولا اقرب مستشفي كوركت فيه قلت ليه لا ماحنمشي اي مستشقي ووشي اتملئ بالدموع وقلبي اتملئ وجع محمد استغربني جدا وفي وشو استفهامات كتيرة محتاجة اجابة نظرتو ماكانت مفهومة ولا كنت قادر اشرح..

رباب قالت كيف يعني مانمشي المستشفي موديها ووين كنت يعني ...ماشايف حالتا عاملة كيف قدرت بالعافية اطلع الحروف من فمي واقول ثمثمتي مسحورة حبيبي بتموت الاتنين بصوت واحد لاحول ولاقوة الا بالله ....رباب طوالي قالت بعرف لي شيخ ..محمد عاين ليها ب استنكار وهي كملت باقي كلاما بصوت اوطئ كنت مشيت مع نرمين ونسرين ...زمان..

رفعت راسي وقلت ماحيكسبو خير ربنا ينتقم منهم ومن عمايلم حسبي الله ونعم الوكيل

محمد قال هم السبب في ..الحاصل لسمية 😳...لا حول ولاقوة الا بالله ...ديل بلا ديل ديل اذية ديل مفروض يتعدمو من وجه الدنيا ربي يحفظ لي اولادي بس ..

قاعد ورا ومرقد ثمثمة في رجولي وبقرا ليها قران بصوت مخنووق اما محمد كانت رباب بتوصف ليه ...الحاجة الما كنت اتوقعا اشوف نسرين وهي طالعه من الزفت العامل نفسو شيخ بتضحك وعندك نفس تضحكي اخجلي ساي استحي علي دمك خافي من ربك وهنا سمية بتشهق وكلها مسالة وقت وكنت ح افقدا

دا ما شيخ مافي شيخ بئذي دا دجال دا كافر دا حسابو عند ربنا عسير ..وقفنا العربية ونسرين كانت معاها وحدة ركبت عربيتا ومشت وماشافتنا جاء علي بالي اقتلا هي و شيطانا البتتعامل معاه دا وارتاح من شرهم نزلنا سمية انا ومحمد وبقول ليها اصبري يا سمية حتتحسني ...شلناها وجرينا بيها للراجل دا دخلنا جووة طوالي كان بحسب في قروش كتيرة وشكلو شرير ومخيف اتخلع لما شافنا رفع لينا عصايتو انتو منو ودايرين شنو مسكت نفسي عشان خاطر سمية تطيب وتبقي بخير قلت ليه الزولة دي بس شوفا مالا عاين ليها وعاين لي وشكلو عرف دي الزولة الازاها من وقت قصير قال علاجا عندي ب ابتسامة ومكر (كاننا ماعارفين... حسابك عندي بعدين )

قلت ليه اطلب العايزو

طلب مبلغ خرافي ...

قلت ل

يه انت عالجا وانا بجيبو ليك

بدا يقول تعاويز وكلام مامفهوم وفجاة بقي يقول لينا اطلعو برة اطلعو برة خلوها لي براها قلت ليه مابخليها براها طلبت من محمد ورباب يطلعو رباب كانت بتبكي وماسكة في محمدوهنا سمية شهقت بصوووت وطلعت من فمها زبد اسود قشيتو بقميصي قربت ليها وبهمس قريت قل هو الله احد الله الصمد الدجال صرخ فيني اسكت *سكت* وتاني قال كلامو وقال لينا ودوها البيت ماعندها شئ تاني قلت ليه شكرا ناديت محمد شلناها وهي غايبة عن الوعي وجسمها متلج ومغمضة قلت لمحمد ارح المستشفي طوالي اطرافا ديل متلجات ووشها معرق دخلناها المستشفي الطبيب قال يفحصا خليت معاها محمد ورباب ومشيت بلغت الشرطة بكل الحصل ووصفت مكان الشيخ لقيت اصحاب ناصر الزمان شالو البينات مني وقالو لي بحصل خير ماتشيل هم

اما نسرين ونرمين ديل يخلوهم لي بس حسابم معاي رجعت المستشفي لقيت سمية يادوبك بتفوق جريت مسكت يدها

انتي كوويسة

ثمثة

قالت بصوت فاتر

*ناصر*

غمضت عيوني شلت نفسي وختيتو

ورجعت ابتسمت وقلت انتي بخير

قالت صدااع ختت يدها في راسا

سلامتك من الصداع

قفلت الغرفة كويس طلعت التلفون فتحت برنامج القران وبديت اقراا

ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ

• ﻭَﺍﺗَّﺒَﻌُﻮﺍ ﻣَﺎ ﺗَﺘْﻠُﻮ ﺍﻟﺸَّﻴَﺎﻃِﻴﻦُ ﻋَﻠَﻰ ﻣُﻠْﻚِ ﺳُﻠَﻴْﻤَﺎﻥَ ﻭَﻣَﺎ ﻛَﻔَﺮَ ﺳُﻠَﻴْﻤَﺎﻥُ ﻭَﻟَﻜِﻦَّ

ﺍﻟﺸَّﻴَﺎﻃِﻴﻦَ ﻛَﻔَﺮُﻭﺍ ﻳُﻌَﻠِّﻤُﻮﻥَ ﺍﻟﻨَّﺎﺱَ ﺍﻟﺴِّﺤْﺮَ ﻭَﻣَـﺎ ﺃُﻧﺰِﻝَ ﻋَﻠَﻰ ﺍﻟْﻤَﻠَﻜَﻴْﻦِ ﺑِﺒَﺎﺑِﻞَ ﻫَﺎﺭُﻭﺕَ

ﻭَﻣَﺎﺭُﻭﺕَ , ﻭَﻣَﺎ ﻳُﻌَﻠِّﻤَﺎﻥِ ﻣِﻦْ ﺃَﺣَﺪٍ ﺣَﺘَّﻰ ﻳَﻘُﻮﻟـَﺎ ﺇِﻧَّﻤَﺎ ﻧَﺤْﻦُ ﻓِﺘْﻨَﺔٌ ﻓَﻼ ﺗَﻜْﻔُﺮْ ,

ﻓَﻴَﺘَﻌَﻠَّﻤُﻮﻥَ ﻣِﻨْﻬُﻤَﺎ ﻣَﺎ ﻳُﻔَﺮِّﻗُﻮﻥَ ﺑِﻪِ ﺑَﻴْﻦَ ﺍﻟْﻤَﺮْﺀِ ﻭَﺯَﻭْﺟِﻪِ , ﻭَﻣَﺎ ﻫُﻢْ ﺑِﻀَـﺎﺭِّﻳﻦَ ﺑِﻪِ ﻣِﻦْ

ﺃَﺣَﺪٍ ﺇِﻻَّ ﺑِﺈِﺫْﻥِ ﺍﻟﻠَّـﻪِ, ﻭَﻳَﺘَﻌَﻠَّﻤُﻮﻥَ ﻣَﺎ ﻳَﻀُﺮُّﻫُﻢْ ﻭَﻻ ﻳَﻨﻔَﻌُﻬُﻢْ , ﻭَﻟَﻘَﺪْ ﻋَﻠِﻤُﻮﺍ ﻟَﻤَﻦِ

ﺍﺷْﺘَﺮَﺍﻩُ ﻣَﺎ ﻟَﻪُ ﻓِﻲ ﺍﻵﺧِﺮَﺓِ ﻣِﻦْ ﺧَﻠـَﺎﻕٍ , ﻭَﻟَﺒِﺌْﺲَ ﻣَﺎ ﺷَﺮَﻭْﺍ ﺑِـﻪِ ﺃَﻧﻔُﺴَﻬُﻢْ ﻟَﻮْ ﻛَﺎﻧُﻮﺍ

ﻳَﻌْﻠَﻤُـﻮﻥَ ‏( 102 ‏) ﻭَﻟَﻮْ ﺃَﻧَّﻬُﻢْ ﺁﻣَﻨُﻮﺍ ﻭَﺍﺗَّﻘَﻮْﺍ ﻟَﻤَﺜُﻮﺑَﺔٌ ﻣِﻦْ ﻋِﻨْﺪِ ﺍﻟﻠَّﻪِ ﺧَﻴْﺮٌ ﻟَﻮْ ﻛَﺎﻧُﻮﺍ

ﻳَﻌْﻠَﻤُـﻮﻥَ ‏( 103 ‏) ﺍﻟﺒﻘﺮﺓ .

• ﻭَﺃَﻭْﺣَﻴْﻨَـﺎ ﺇِﻟَﻰ ﻣُﻮﺳَـﻰ ﺃَﻥْ ﺃَﻟْﻖِ ﻋَﺼَﺎﻙَ ﻓَﺈِﺫَﺍ ﻫِﻲَ ﺗَﻠْﻘَﻒُ ﻣَﺎ ﻳَﺄْﻓِﻜُـﻮﻥَ ‏( 117 ‏)

ﻓَﻮَﻗَﻊَ ﺍﻟْﺤَﻖُّ ﻭَﺑَﻄَﻞَ ﻣَﺎ ﻛَﺎﻧُﻮﺍ ﻳَﻌْﻤَﻠُـﻮﻥَ ‏( 118 ‏) ﻓَﻐُﻠِﺒُﻮﺍ ﻫُﻨَﺎﻟِﻚَ ﻭَﺍﻧﻘَﻠَﺒُﻮﺍ ﺻَﺎﻏِﺮِﻳـﻦَ

‏( 119 ‏) ﻭَﺃُﻟْﻘِﻲَ ﺍﻟﺴَّﺤَﺮَﺓُ ﺳَﺎﺟِﺪِﻳـﻦَ ‏( 120 ‏) ﻗَﺎﻟُـﻮﺍ ﺁﻣَﻨَّﺎ ﺑِﺮَﺏِّ ﺍﻟْﻌَﺎﻟَﻤِﻴـﻦَ ‏( 121 ‏)

ﺭَﺏِّ ﻣُﻮﺳَﻰ ﻭَﻫَﺎﺭُﻭﻥَ ‏( 122 ‏) ﺍﻷﻋﺮﺍﻑ .

• ﻗَﺎﻝَ ﻣُﻮﺳَـﻰ ﺃَﺗَﻘُﻮﻟُﻮﻥَ ﻟِﻠْﺤَﻖِّ ﻟَﻤَّﺎ ﺟَـﺎﺀَﻛُﻢْ ﺃَﺳِﺤْﺮٌ ﻫَﺬَﺍ ﻭَﻻ ﻳُﻔْﻠِﺢُ ﺍﻟﺴَّﺎﺣِﺮُﻭﻥَ

‏(77 ‏) ﻗَﺎﻟُـﻮﺍ ﺃَﺟِﺌْﺘَﻨَﺎ ﻟِﺘَﻠْﻔِﺘَﻨَﺎ ﻋَﻤَّﺎ ﻭَﺟَﺪْﻧَﺎ ﻋَﻠَﻴْﻪِ ﺁﺑَـﺎﺀَﻧَﺎ ﻭَﺗَﻜُﻮﻥَ ﻟَﻜُﻤَﺎ ﺍﻟْﻜِﺒْﺮِﻳَـﺎﺀُ ﻓِﻲ

ﺍﻷَﺭْﺽِ ﻭَﻣَﺎ ﻧَﺤْﻦُ ﻟَﻜُﻤَﺎ ﺑِﻤُﺆْﻣِﻨِﻴـﻦَ ‏(78 ‏) ﻭَﻗَﺎﻝَ ﻓِﺮْﻋَﻮْﻥُ ﺍﺋْﺘُﻮﻧِﻲ ﺑِﻜُﻞِّ ﺳَﺎﺣِﺮٍ

ﻋَﻠِﻴـﻢٍ ‏( 79 ‏) ﻓَﻠَﻤَّﺎ ﺟَـﺎﺀَ ﺍﻟﺴَّﺤَﺮَﺓُ ﻗَﺎﻝَ ﻟَﻬُﻢْ ﻣُﻮﺳَـﻰ ﺃَﻟْﻘُﻮﺍ ﻣَـﺎ ﺃَﻧْﺘُﻢْ ﻣُﻠْﻘُـﻮﻥَ ‏(80 ‏)

ﻓَﻠَﻤَّـﺎ ﺃَﻟْﻘَﻮْﺍ ﻗَﺎﻝَ ﻣُﻮﺳَﻰ ﻣَﺎ ﺟِﺌْﺘُﻢْ ﺑِﻪِ ﺍﻟﺴِّﺤْﺮُ ﺇِﻥَّ ﺍﻟﻠَّﻪَ ﺳَﻴُﺒْﻄِﻠُﻪُ , ﺇِﻥَّ ﺍﻟﻠَّﻪَ ﻻ ﻳُﺼْﻠِﺢُ

ﻋَﻤَﻞَ ﺍﻟْﻤُﻔْﺴِﺪِﻳـﻦَ ‏(81 ‏) ﻭَﻳُﺤِﻖُّ ﺍﻟﻠَّﻪُ ﺍﻟْﺤَﻖَّ ﺑِﻜَﻠِﻤَﺎﺗِﻪِ ﻭَﻟَﻮْ ﻛَﺮِﻩَ ﺍﻟْﻤُﺠْﺮِﻣُـﻮﻥَ ‏(82 ‏)

ﻳﻮﻧﺲ .

• ﻗَﺎﻟُﻮﺍ ﻳَﺎ ﻣُﻮﺳَـﻰ ﺇِﻣَّـﺎ ﺃَﻥْ ﺗُﻠْﻘِﻲَ ﻭَﺇِﻣَّـﺎ ﺃَﻥْ ﻧَﻜُﻮﻥَ ﺃَﻭَّﻝَ ﻣَﻦْ ﺃَﻟْﻘَﻰ ‏( 65 ‏) ﻗَﺎﻝَ ﺑَﻞْ

ﺃَﻟْﻘُﻮﺍ ﻓَﺈِﺫَﺍ ﺣِﺒَﺎﻟُﻬُﻢْ ﻭَﻋِﺼِﻴُّﻬُﻢْ ﻳُﺨَﻴَّﻞُ ﺇِﻟَﻴْﻪِ ﻣِﻦْ ﺳِﺤْﺮِﻫِﻢْ ﺃَﻧَّﻬَﺎ ﺗَﺴْﻌَﻰ ‏(66 ‏)

ﻓَﺄَﻭْﺟَﺲَ ﻓِﻲ ﻧَﻔْﺴِﻪِ ﺧِﻴﻔَﺔً ﻣُﻮﺳَﻰ ‏( 67 ‏) ﻗُﻠْﻨَﺎ ﻻ ﺗَﺨَﻒْ ﺇِﻧَّﻚَ ﺃَﻧْﺖَ ﺍﻷَﻋْﻠَﻰ ‏(68 ‏)

ﻭَﺃَﻟْﻖِ ﻣَﺎ ﻓِﻲ ﻳَﻤِﻴﻨِﻚَ ﺗَﻠْﻘَﻒْ ﻣَﺎ ﺻَﻨَﻌُـﻮﺍ ﺇِﻧَّﻤَﺎ ﺻَﻨَﻌُﻮﺍ ﻛَﻴْﺪُ ﺳَﺎﺣِﺮٍ ﻭَﻻ ﻳُﻔْﻠِﺢُ

ﺍﻟﺴَّﺎﺣِﺮُ ﺣَﻴْﺚُ ﺃَﺗَﻰ ‏(69 ‏) ﻓَﺄُﻟْﻘِﻲَ ﺍﻟﺴَّﺤَﺮَﺓُ ﺳُﺠَّﺪﺍً ﻗَﺎﻟُـﻮﺍ ﺁﻣَﻨَّﺎ ﺑِﺮَﺏِّ ﻫَﺎﺭُﻭﻥَ

ﻭَﻣُﻮﺳَﻰ ‏( 70 ‏) ﻃﻪ .

• ﻗَﺎﻝَ ﻟَﻬُﻢْ ﻣُﻮﺳَـﻰ ﺃَﻟْﻘُﻮﺍ ﻣَـﺎ ﺃَﻧْﺘُﻢْ ﻣُﻠْﻘُـﻮﻥَ ‏( 43 ‏) ﻓَﺄَﻟْﻘَﻮْﺍ ﺣِﺒَﺎﻟَﻬُﻢْ ﻭَﻋِﺼِﻴَّﻬُﻢْ

ﻭَﻗَﺎﻟُﻮﺍ ﺑِﻌِﺰَّﺓِ ﻓِﺮْﻋَﻮْﻥَ ﺇِﻧَّﺎ ﻟَﻨَﺤْﻦُ ﺍﻟْﻐَﺎﻟِﺒُـﻮﻥَ ‏(44 ‏) ﻓَﺄَﻟْﻘَﻰ ﻣُﻮﺳَﻰ ﻋَﺼَﺎﻩُ ﻓَﺈِﺫَﺍ ﻫِﻲَ

ﺗَﻠْﻘَﻒُ ﻣَﺎ ﻳَﺄْﻓِﻜُـﻮﻥَ ‏( 45 ‏) ﻓَﺄُﻟْﻘِﻲَ ﺍﻟﺴَّﺤَﺮَﺓُ ﺳَﺎﺟِﺪِﻳـﻦَ ‏(46 ‏) ﻗَﺎﻟُـﻮﺍ ﺁﻣَﻨَّﺎ ﺑِﺮَﺏِّ

ﺍﻟْﻌَﺎﻟَﻤِﻴـﻦَ ‏( 47 ‏) ﺭَﺏِّ ﻣُﻮﺳَﻰ ﻭَﻫَﺎﺭُﻭﻥَ ‏(48 ‏) ﺍﻟﺸﻌﺮﺍﺀ

صدق الله العظيم

كنت بقرا ومندمج اتلفت لقيت سمية بتعاين لي مشيت عليها قبل م اقول اي شئ قالت لي صوتك وانت بتقرا القران كانه دا السبب الاتخلقت عشانو ..قلت ليها مافهمت قالت كانك اتخلقت عشان تقرا القران بالصورة دي الشئ الفهمتو انها حبت صوتي جدا وحست براحة كبيرة وانا بقرا والحمد لله اطمانيت عليها ناديت رباب قلت ليها خليك معاها قالت لي ماشي ووين بخوف قلت ليها اطمئني الجا

مع

كلاما كان مريح وكان مرضي (بضم الضاء) ...حسيت من الواجب اني اشكر ربنا علي نعمو دي كون سمية بخير وكويسه غسلت وشي و اتوضيت صليت دعيت ليها بدوام الصحة والعافية اترحمت علي اخوي ناصر بكيت قدرتي نزرت انه ح اصوم ايام لربنا شكر وح اوزع صدقات للفقراء والمساكين وح اضبح كرامة واقسما لانه الصدقة بترفع البلاء....

قابلت الطبيب قال بخير بس ناخدا ترتاح وتاكل كويس ...رجعناها البيت محمد قال مانازل رباب قالت مانازلة سمية قالت مانازلة يا اخونا مالكم في شنو الجووة ديل خلوهم علي م اتادبن بس انا بادبم كل واحد بعاين للتاني ...انا عايش مع سفاحين وماعارف طمئنتهم وقلت اتكلمت مع رباب تطلع تقعد مع سمية مسافة امشي واجي رباب قالت مابتقدر علي نرمين ونسرين ديل نهائي ومابتجامل يدها قداما مكسورة ودي قايمة من موت دخلت انا لقيتم بتوسوسو ناديتم في الصالة اول حاجة قلتها حسبي الله ونعم الوكيل ... ياوكيل الغافلين ....انتو بتاذو في خلق الله مالكم الناقص ليكم شنو ماعايز اصرف عربي كتير عايز كم تعرفو نقطة والنقطة الجاية تنفذ ودا امر والمرة فيكم تغلط والعملتو في سمية حتتجازو بيه ضعف ماشايفني راجل قدامكم مامالي عينكم اذية الناس ماهينة وكمان دي رحمكم اختكم زولة يتيمة يمكن الكلام دا ماعارفنو انتو

نسرين:عملنا شنو نحن بس انت مابتشوف غير السنيورة بتاعتك ولا بتاعت ناصر الكتلتو ماتتكلم عن الاذية وانت قاتل ارواح سمية ورباب ومحمد جو بقو سامعين الكلام رباب قعدت سمية في الكرسي سمية انهارت وبقت تبكي بصووت اما محمد ماسك رباب من يدها وبعاين لنرمين ب استصغار محتقرا جات بتو جارية عليه شالا ...

ناجي: دا عقلك المريض ودي الحاجات البتشبهو وبصدقا ...انا ماقتلت حد بس ناوي اخلص عليكي انتي واختك ياسفاحين سمية حبيبتي من وهي طفلة لحد م اتزوجت ناصر قلعتها قلع من جواي ومابهين ..صبرت عشان اخوي.. ما انا البخون ناصر ربنا كرمني بيها بس اخد روح اخوي مانسيتو ولا بقدر والحمد لله دايما وابدا

(ناجي وشو بقي احماااااااااار *احمر* وعيونو متورمات وصوتو قرب يروح...

ناجي كان موجوع حقيقي وانا مكسورة ومهزوزة حسيت انه الدنيا مقفلة في وشئ بس وبتعاكسني ...ياربي الجاي شنو ماعدت اتحمل اكتر

الحمد لله ...

يتيع.....

#خساسة_ونفسنة_حموات
بقلم: نسرين سعدان

الجزء 35

البنات عموما اسلوب الضرب مابنفع معاهم وهم كبار ماصغار يعني انا اعمل فيهم شنو هسه اتصرف كيف ..فقدت اخواتي اقنع منهم اخليهم يتمادو المسكينة دي زنبها شنو اعاقبم اوديهم الشرطة اعمل شنو العملو ماهين ياارب الهمني الرشد ......

...الحصل ك الاتي

كلهم قاعدين في الصالة وناجي بتكلم ...الانسان هو البيزرع بقوله وفعله وعمله الحسنات والسيئات ودا حيكون حصادكم يوم القيامة البزرع خير بيلقي خير والبيحصد شر بيحصد ندم وغضب رباني ...اسمعو الحديث دا عن ابي هريرة رضي -عنه عن النبي ص ( إن الرجل ليتكلم بالكلمة لايري فيها بأسا يهوي بها سبعين خريفا في النار))

دي الكلمة ...فما بالك بالاذية البي اليد الضرب والسحر ...بتروجو لشنو انتو للازية لفنون الاجرام انتو منو عشان تقلبو حياة غيركم جحيم ماعندكم كبير دايرين تفرقو بين زوجين مابتخافو ربنا دي فتنة ماعندها دوا دا مرض وابتلاءدا خراب بيوت بتزرعو في الضغائن والاحقاد ليه بتخلوها تكبر جواكم ماتخلو الشيطان يسوقكم ويستعبدكم ويمشيكم وبعدين تلقو نفسكم فارغي الايدي من اي حسنة سمية دي اختكم واشر علي صراحة كلامو شداني حسيت اني محتاجة اسمع الكلام دا منو لاني من الحصل منهم قرىت م اسكت نهائي وارد الاساءة با الاساءة قال : زولة يتيمة قاعدة معاكم بتخدمكم لابتكل لابتمل ماسلمت من لسانكم ومكايداتكم وخساساتكم وكذبكم ومؤامراتكم كويس سمعت ب اضاني العملتو فيها وشفت بعيني الحصل ليها لولا كدا كنتو كذبتو لسه وحتكونو مواصلين رباب كسرتو يدها استفزيتوها كتير مغستوها اتقو ربنا ياخ الانتو فيه دا كله بسبب بعادكم من ربنا بسبب انشغالكم ب امور ماتستاهل خليتو المهم التعبد والطاعات والتقرب ومشيتو وراء اهواكم والعايزو الشيطان منكم..ماسمعتو حديث الرسول ص ...

محمد ورباب وسمية بصوت واحد :عليه افضل الصلاة والسلام

(لاتحاسدو ولا تناجشو ولا تباغضو ولايبغ بعضكم علي بيع بعض وكونو عباد الله إخوانا المسلم اخو المسلم لا يظلمة ولا يحقره ولا يخزله التقوي هاهنا اشار بيده الي صدره ثلاثا ...كل المسلم علي المسلم حرام دمه وماله وعرضه )رواه مسلم

وقال برضو لا يؤمن احدكم حتي يحب لاخيه مايحب لنفسه *متفق عليه بعيدا عن رباب وسمية النفوس دي عندها حرمات ياخ تحترم وتعظم وتكرم دا حق رباني اياكم وانتهاك الحرمات والتعدي علي الناس بالاذية دا من اعظم الزنوب بحزركم..

انتو مابتخافو من ربنا ونار الحقد والحسد مشتعلة جواكم يعني تمشو لساحر عشان اذية اختكم انتو طبيعيات ربنا لو داير ياذيها باذيها بس فوق ارادتو او تبقو سبب ...خليكم علي علم قبل مايتعمل السحر لسمية الساحر بعمل ليكم انتو اول عارفين ليه عشان تحبوه وتدمنو المشي ليه وتتهوسو باللجوء ليه اعوذ بالله اعوذ بالله انتي بعتي اختك بكرة تبيعي نفسك ودينك وتدخلي في دوامة ماتقدري تطلعي منها الساحر بيحتاج تكوني زبونة دايمة ليه مترددة سواء استفاد منك ماديا او معنويا او غيرو بيطمع فيك وانتي بتكلمي فلانة وفلانة بتكلم فلانة بتزيدو رصيدو وبتزيدو العددية وبتكوني شاركتي في كل اذية اتعملت لحد.. اعتبروووو واصحوو الله يهمل ولا يهمل ...يمهل ولا يهمل

نرمين بقت تبقي وتصرخ انا غلطانة انا ماعايزة ربنا يغضب علي انا كنت عميانة بتبكي بحرقة😭😭😭😭😭 قرب منها ناجي وقال دي البداية الصحيحة يا اختي امشي اتوضي وصلي ركعتين شكر لربنا وقربي منه ماببخزلك غسلي زنوبك بطاعتو اقري القران اتصدقي

التعامل مع الناس ب الاخلاق الحسنة دا امر رباني ياخ الرسول ص قال مازال جبريل يوصيني بالجار حتي ظننت انه سيورثه فمابالك ب اهلك وناس بيتكم ..و رحمك.. الرسول بوصينا علي بعض نحن عملنا شنو كما تدين تدان الرسول جمع لينا بين التقوي وحسن الخلق قال(اكثر مايدخل الجنة تقوي الله وحسن الخلق...

نسرين قربت من سمية بكسرة والم وقالت سامحيني يا اختي والله انا ماكنت قايلة نفسي اذيتك كدا سامحيني عشان ربنا يسامحني وبقت تبكي

سمية قالت ليها معليش العملتي فيني ماهين وانا مامسامحاك🤚🏻 وخليتك للواحد الاحد محكمتنا عندو

نسرين انهارت قعدت في الارض

ناجي ابتسم وما سال سمية حس انه مشي في السكة الصاح ولقي الحل الامثل

محمد نزل ولدو وساق رباب من يدها نرمين نادتو محمد ماتمشي محمد دا بيتك رباب حبابك معانا جد انا كنت معمية وماشايفة

انتي صحبتي في الاول والاخر ...رباااب

رباب جات عليها حضنتا وبكت وقالت ليها سامحيني انتي انا حرقت قلبك علي راجلك انا م استحق اسم صاحبة اصلا ...بكو كتير

ناجي طلع سمية غرفتا كان ماسكا بحرص وقال ليها اذا تحتجتي اي شئ اتصلي علي انا مكاني تحت 😊 اسف عشان ماكنت جنبك وانتي استحملتي دا كله ...

سمية دخلت غرفتا فتحت الدولاب طلعت صور ناصر حضنتا وبكت دموعا ملو وشها في اللحظة ديك السيدة وحجة شريفة جو داخلين البيت نسرين ونرمين جرو عليهم بكو معاهم سلمو عليهم

نرمين سامحيني يا امي سامحيني انا مابريتك انا وجعتك كتير انا اسفة اعفي لي

عااافي

ة منك يابتي وراضية عنك العفو لله والرسول السيدة مندهشة من سلام نرمين ونسرين ليها ولهفتكم

خالتي السيدة انا طالبة منك تتكلمي مع سمية تعفي مني انا ضايقتها مني بس يشهد الله اني صحيت ووعيت ماعايزة غير تسامحني

السيدة اجي البت دي جنت ولا موتا قرب لالاا دا اصو ما كلاما

جات تطلع لسمية لقت ناجي بنزل في ملابسو اتخلعت قالت ديل مالم الليلة الحصل شنو ياربي ...ربنا يجيب العواقب سليمة سلمت عليه وطلعت لقت سمية قافلة علي نفسها الغرفة دقتا

سمية اتخلعت دي دقة امي ..جرت فتحت الباب لقتا هي اخدتا في حضنها وبكت

يابتي مالك في شنو(سمية عاقلة قالت ليه ادوشا بمشاكلي واصلا الامور ماشة تتحسن انا لازم اتعلم اواجه حاجاتي براي لو وريت امي بالحصل الشيخ والعمل والمستشفي ...يمكن تعمل معاهم مشكلة لانها اصلا زعلانة من تصرفاتم الفاتو وزي العملو لي دا ماهين

قلت ليها اطمئني يا امي انا كويسة اتزكرت ناصر بس

السيدة:وراجلك زعل منك وانتي ليه بتعملي كدا ياسمية مهما كان ناجي اصبح راجلك مافي راجل بقبل علي نفسو يكون نص يعني تحبيه نص حب تعامليه نص تعامل والباقي لراجل تاني ربنا يرحمو مابتقدري انك تحبيه ووتشيليو في عيونك انفصلو

كلمتا دي وجعتني

انفصل عن منو

عن نااجي يا امي

اول مرة احس انه بعني لي حاجة كبيرة اول مرة احس بانه ناجي بهمني امرو وكون انفصل عنه دي مامتقبلاها

قلت ليها مستحيل

قالت لي خلاص لمي صور ناصر ديل اديني ليهن كلهن اولي بيهن انا ان ما حاج فتحي طردني ههههههه

امي حضنتني ودعت لي بالخير وبالسعادة وصتني علي بيتي وراجلي قدر ماحنستها تقعد مارضت وقالت مهدودة من تعب السفر لبست لي توب ونزلت معاها لقيت حجة شريفة جد كنت مشتاقة ليها امي التانية دي قعدت جنبها امي جات تودعيني ناجي حلف انها ماتمشي وانه اليوم في كرامة عاين لي وعاينت ليه بحب ومودة ابتسمت بدون اشعر الحاجة الماقدرت استوعبا نرمين ونسرين لابسين عبايات فضفاضة وطرح كبيرة وشغالين يقطعو في اللحمة وبعدها بقو يوزعو فيها بالعربية في الشوارع تحسهم ناس جداد كانهم اتولدو من اول في الحياة دي ربنا يكملك بعقلك ياناجي

متزكرة كلام ناجي كويس عن الصدقة 😊 انه بيستمر اجرها حتي بعد وفاة الشخص وانه مشاعر الاخوة والترابط والتعاضد بتفيض جوانا بتكبر الصدقة بتشعرنا بالتكامل لو انا شبعان وجاري شبعان والبعدو شبعان دا اسمو تكامل وانه الصدقة بتدفع المصائب والبلاء وانه مابموت المتصدق علي نحو سيئ والصدقة بتمحي الخطايا والزنوب ووسيلة نطهر بيها روحنا ونهذب بيها اخلاقنا بذيد لينا قروشنا وبتطرح فيها البركة بتوفقنا في حياتنا بامر ربنا وبتضمن رضاه بنخيب مساعي الشيطان وبنسمو ونعلي ......

كنت بشتاق لناجي.. كتير بنزل تحت عشان اسرق لحظات اشوفو فيها ..كنت مشتاقة اسمع القران بصوتو كنت بتمني يرجع يقرب مني زي اول نسرين ونرمين مابخلوني اقعد براي طوالي بطلعو لي او بننزل تحت ليما شريفة

اما ناجي اغلب وقتو بكون برة البيت واخيرا بقي ياذن في الجامع الجنبنا ودا السبب الخلاني اسمع صوتو طول اليوم واشوفو 5 مرات واذيد في اليوم استمر الوضع دا قريب 6 شهور وزيادة انا نزلتا الجامعه خصص لي ترحيل طول الفترة دي مهتمة بنفسي وشكلي لدرجة بقيت سمية تانية الشئ الفهمتو لما تهتم بنفسك وتقيما الناس بتقيمك وتديك مكانتك اصلو ماتستصغر نفسك وماتصعر ليهم خدك وفي نفس الوقت خلي عندك هدف وطموح في الحياة اتعامل ب اخلاقك السامية بتكبر في نظرم وقبل تكبر في نظرم بتكبر في نظر ربنا

كنت بعمل كل حاجة بحبها ناجي كنت بشوف الفرح في عيونو ناجي كل يومين بصوم عشان النزر بقيت اصوم معاه ونفطر سوا مع يما شريفة

كان بيمنعي اصوم الا يوم في الاسبوع بقول لي عشان صحتك وربنا م امر بالهلاك بس تستعيدي عافيتك وتشدي حيلك صومي كل سوم مابسالك نسرين كان كله هدفا تسمع مني كلمة مسامحاك بس انا ماقلتها ليها ولا ناوية ماشر مني طالما هسه بتعاملني بالحرص دا وانا بعاملة بطيب خاطر ماضروري اقولا ليها وابرد قلبا اخليها كدا بس وريت ناجي اني عايزة احفظ القران حسيتو اتبسط وقال لي دي احسن حاجة حتعمليها ومن جواي نفسي احفظو ماعشان ناجي بس لكن ناجي كان دافع اتخيلو ناجي هو الحيحفظني ياااه في احلي من كدا وبدا يحفظني في الفترة ديك حبيتو اكتر وبكون عايزة اقرب منو بس هو خت الحاجز بينا بيعمل العليه وبس بيتجنب يعاين لي او يقول انه مشتاق لي كان بيبعد

وبعدها اتنقبت ...

الحمد لله كلنا قربنا من ربنا بالطاعات والعبادات بنتسابق علي صلاة الضحي بنتسابق علي الصيام بنتسابق للتصدق بنمشي بعربية ناجي للايتام بندي البنقدر عليه انا ونرمين ونسرين بنتسابق عشان نمسح راسم راس الايتام كاانو بحبونا ونحن بنحبهم واتمنين يكون عندي اطفال زيهم ارعاهم واملاهم ريدة وحب وعطف وحنان ...كنت بحس ناجي اسعد حد في الدنيا ولو انه السعادة دي ناقصة ..نسرين ونرمين بقولو لي ناجي فاقدك ليه بتبعدي منو ...وهم ماعارفين هو الاختار كدا بزنو لي في راسي عشان نرجع نقرب من بعض

تقييمك لرواية خساسة ونفسنة حموات

رواية #هروب

#هروب
بقلم: نسرين محمد

الجزء 01

ﻣﻊ ﺇﻧﻮ ﺍﻟﺰﻣﻦ ﺍﺗﻐﻴﺮ ﻭﺍﻟﻨﺎﺱ ﺑﻘﺖ ﻭﺍﻋﻴﺔ ﻭﺑﻌﺾ ﺍﻟﻤﻔﺎﻫﻴﻢ ﺍﻟﻘﺪﻳﻤﺔ ﺩﻳﻚ ﺇﻧﺘﻬﺖ ﻋﻨﺪ ﺍﻟﺒﻌﺾ ﺑﺲ ﻓﻲ ﻧﺎﺱ ﻟﺴﺔ ﻣﺘﻤﺴﻜﻴﻦ ﻋﻨﺪﻫﻢ ﻗﻮﺍﻧﻴﻦ ﻛﺪﺓ ﺑﻌﺮﻓﻮﻫﺎ ﺑﺮﺍﻫﻢ ﻣﻊ ﺍﻧﻮ ﻧﻈﺮﺓ ﺍﻟﻤﺠﺘﻤﻊ ﻟﻠﺒﻨﺎﺕ ﺇﺧﺘﻠﻔﺖ ﻛﺘﻴﺮ ﻣﻦ ﺃﻭﻝ ﻟﻜﻦ ﻟﺴﻪ ﻓﻲ ﻧﻮﻋﻴﺔ ﻛﺪﺓ ﺑﻌﺘﺒﺮﻭﻫﺎ ﻛﺎﺋﻦ ﺧﻠﻖ ﻋﺸﺎﻥ ﻳﻜﻮﻥ ﻓﻲ ﺍﻟﺒﻴﺖ ﻳﻐﺴﻞ ﻭﻳﻜﻮﻱ ﺍﻟﻤﻬﻢ ﻛﻞ ﺷﻲ ﻣﺎ ﻳﻜﻮﻥ ﻧﺎﻗﺺ ﻭﻫﻲ ﻗﺎﻋﺪﺓ ﻛﻞ ﺯﻭﻝ ﻣﻦ ﺃﻓﺮﺍﺩ ﺍﻷﺳﺮﺓ ﻟﻴﻪ ﺣﻖ ﻳﻌﻠﻲ ﺻﻮﺗﻮﺍ ﻋﻠﻴﻬﺎ ﻭﻫﻲ ﻣﺎ ﻣﻦ ﺣﻘﻬﺎ ﺗﺪﺍﻓﻊ
ﻋﻦ ﻧﻔﺴﻬﺎ ﺣﺘﻲ ﻟﻮ ﻛﺎﻧﺖ ﺻﺎﺡ ﻭﺗﻔﺎﺻﻴﻞ ﻛﺘﻴﺮﺓ ﻣﺎ ﺑﻌﺮﻓﺎ ﺇﻻ ﺍﻟﻌﺎﺵ ﻓﻴﻬﺎ

ﺩﺓ ﺍﻟﺒﺘﻌﺎﻧﻲ ﻱ ﻣﻨﻮ ( ﺭﻏﺪﺓ) ﻭﻫﻲ ﺍﻟﺸﺨﺼﻴﺔ ﺍﻷﺳﺎﺳﻴﺔ ﻓﻲ ﺍﻟﻘﺼﺔ ﺩﻱ .

ﺭﻏﺪﺓ ﻣﺤﻤﺪ ﺃﺣﻤﺪ ﺑﺘﻘﺮﺃ ﺗﺎﻧﻴﺔ ﺟﺎﻣﻌﺔ ﺍﻗﺘﺼﺎﺩ ﻋﻨﺪﻫﺎ ﺛﻼﺛﻪ ﺃﺧﻮﺍﻥ ﺃﻛﺒﺮ ﻣﻨﻬﺎ ﺍﺛﻨﻴﻦ ﻣﻨﻬﻢ ﺍﺗﺨﺮﺟﻮﺍ

- ( ﻳﻮﺳﻒ ﻣﻬﻨﺪﺱ ﻣﻌﻤﺎﺭﻱ- ﻳﺎﺳﺮ ﺧﺮﻳﺞ ﻣﺤﺎﺳﺒﺔ)

- ﺍﻻﺻﻐﺮ ﻣﻨﻬﻢ ( ﺍﻳﻤﻦ ﺑﻘﺮﺍ ﺍﻗﺘﺼﺎﺩ ﻓﻀﻞ ﻟﻴﻪ ﺳﻨﻪ ﻳﺨﻠﺺ) ﻋﻨﺪﻫﺎ ﺃﺧﺖ ﻭﺍﺣﺪﺓ ﺃﺻﻐﺮ ﻣﻨﻬﺎ ﺑﻜﻢ ﺳﻨﻪ ﺑﺘﻘﺮﺍ ﻓﻲ ﺍﻷﺳﺎﺱ .

-ﺃﺑﻮﻫﺎ ﻣﻐﺘﺮﺏ ﻓﻲ ﺍﻟﺴﻌﻮﺩﻳﺔ ﺑﺠﻴﻬﻢ ﻓﻲ ﺇﺟﺎﺯﺍﺕ ﺑﻌﺪ ﺳﻨﺘﻴﻦ ﺛﻼﺛﺔ

-ﺃﻣﻬﺎ ﺍﺳﻤﻬﺎ ﻣﺮﻳﻢ ﻋﺜﻤﺎﻥ ﻫﻲ ﺍﻟﻘﺎﻳﻤﺔ ﺑﻤﻬﺎﻡ ﺍﻷﺏ ﻭﺍﻷﻡ ﻓﻲ ﺍﻟﺒﻴﺖ

ﺑﺎقي ﺍﻟﺘﻔﺎﺻﻴﻞ ﻋﻨﻬﺄ ﻓﻲ ﺍﻟﻘﺼﺔ

.................. ﺑﺴﻢ ﺍﻟﻠﻪ ﻧﺒﺪﺃ ................

ﺭﻏﺪﺓ ﻣﻌﺎﻫﺎ ﺑﺖ ﺧﺎﻟﺘﺎ ﺯﻳﻨﺐ ﻣﻦ ﺍﻟﺒﻠﺪ ﺑﺘﻘﺮﺃ ﻣﻌﺎﻫﺎ ﻓﻲ نفس ﺍﻟﻜﻠﻴﺔ ﺍﺳﻤﻬﺎ( ﺷﻬﺪ) ﺻﺪﻳﻘﺘﺎ ﺍﻟﻤﻘﺮﺑﺔ ﺑﻞ ﻫﻲ ﺃﻭﻝ ﺻﺪﻳﻘﺔ ﺗﻜﻮﻥ ﻓﻲ ﺣﻴﺎﺓ ﺭﻏﺪﺓ ﻷﻧﻬﺎ ﻣﻦ ﻭﻫﻲ ﺻﻐﻴﺮﺓ ﻣﻤﻨﻮﻋﺔ ﺗﻄﻠﻊ ﺇﻻ ﻣﻊ ﻧﺎﺱ ﺍﻟﺒﻴﺖ ﻣﻦ ﺍﻟﻤﺪﺭﺳﺔ ﻟﻠﺒﻴﺖ ﻣﺎ ﺗﻤﺸﻲ ﻟﺒﺖ ﻭﻻ ﺑﺖ ﺗﺠﻴﻬﺎ ﻭﻟﻤﺎ ﻛﺒﺮﺕ ﻣﻦ ﺍﻟﺠﺎﻣﻌﺔ ﻟﻠﺒﻴﺖ ﻟﻮ ﺇﺗﺎﺧﺮﺕ ﺩﻗﻴﻘﻪ ﺍﻟﺤﻲ ﻛﻠﻮﺍ ﺑﻌﺮﻑ ﻣﺎﺻﺪﻗﺖ ﻟﻤﺎ ﺷﻬﺪ ﺟﺎﺕ ﻗﻌﺪﺕ ﻣﻌﺎﻫﻢ ﺑﻘﺖ ﺷﻮﻳﺔ ﺗﺘﺎﺧﺮ ﺑﺤﺠﺔ ﺍﻧﻬﺎ ﻣﻨﺘﻈﺮاﻫﺎ ﺧﺎﺻﺔ ﺑﻌﺪ ﺍﻟﺘﺨﺼﺺ ﻣﺎ ﻓﺮﻗﻬﻢ ..

ﺷﻬﺪ ﻛﺘﻴﺮ ﺑﺘﻔﻜﺮ ﺗﺴﻜﻦ ﻓﻲ ﺍﻟﺪﺍﺧﻠﻴﺔ ﺑﺲ ﻟﻤﺎ ﺗﺘﺬﻛﺮ ﺭﻏﺪﺓ ﺑﺘﺘﺮﺍﺟﻊ ...

ﻓﻲ ﻳﻮﻡ ﻫﻢ ﻓﻲ ﺍﻟﺠﺎﻣﻌﺔ ﺟﺎ ﺃﻳﻤﻦ ﺯﻱ ﻋﺎﺩﺗﻮﺍ ﻛﻞ ﻳﻮﻣﻴﻦ ﺛﻼﺛﺔ ﺑﺠﻲ ﻧﺎﻃﻲ ﻟﻴﻬﻢ ﻓﻲ ﺍﻟﻜﻠﻴﺔ ﻣﻊ ﺇﻧﻮ ﺑﺠﻲ ﻣﻌﺎﻩ ﺻﺤﺒﺎﺗﻮ ﺑﺲ ﻟﻮ

ﺟﺎ ﻟﻘﻲ ﺭﻏﺪﺓ ﻗﺎﻋﺪﺓ ﺟﻤﺐ ﻭﻟﺪ ﺳﺎﻱ ﺑﺘﻘﻮﻡ ﻗﻴﺎﻣﺘﺎ ﻓﻲ ﺍﻟﻴﻮﻡ ﺩﺍﻙ ﺭﻏﺪﺓ ﻧﺴﺖ ﺃﻳﻤﻦ ﻟﻴﻪ ﻛﻢ ﻳﻮﻡ ﻣﺎ ﺟﺎ ﻭﻣﻤﻜﻦ ﻳﺠﻲ ﻛﺎﻧﺖ ﻗﺎﻋﺪﺓ ﻣﻊ ﻭﺃﺣﺪ ﺍﺳﻤﻮ ﺳﻴﻒ ﺩﻓﻌﺘﺎ ﻭﻣﻌﺎﻫﻢ ﺑﻨﺎﺕ ﻣﻦ ﺍﻟﺪﻓﻌﺔ ﺑﺲ ﻫﻮ ﻛﺎﻥ ﺑﺘﻮﻧﺲ ﻣﻌﺎها ﻭﺑﻀﺤﻜﻮ ﻛﺎﻧﺖ ﻣﺪﻧﻘﺮﺓ ﺣﺴﺖ ﺑﺰﻭﻝ ﻭﺍﻗﻒ ﻗﺪﺍﻣﺎ ﺇﻓﺘﻜﺮﺗﻚ ﺩﻱ ﺷﻬﺪ ﺧﻠﺼﺖ ﺍﻟﻤﺤﺎﺿﺮﺓ ﺟﺎﺗﺎ ﻋﺸﺎﻥ ﻳﻄﻠﻌﻮ ﻭﻫﻲ ﻣﺒﺘﺴﻤﺔ ﻗﺎﻟﺖ : ﺷﻬﻮﺩﺓ ﺩﻱ ﻣﺤﺎﺿﺮﺓ ﻭﺍﺣﺪﺓ ﻣﻌﻘﻮﻟﺔ ...

ﺍﻳﻤﻦ ﻋﺎﻳﻦ ﻟﻴﻬﺎ ﻋﻴﻮﻧﻮﺍ ﺯﻱ ﺍﻟﺸﺮﺍﺭ ﺇﺭﺗﻜﺒﺖ ﺷﺪﻳﺪ ﺷﺎﻟﺖ ﺷﻨﻄﺘﺎ ﻭﻗﺎﻣﺖ ﻣﻦ ﺍﻟﻜﺮﺳﻲ ﺑﺴﺮﻋﺔ ﻭﻫﻲ ﺑﺘﺮﺟﻒ ﻣﻦ ﺍﻟﺨﻮﻑ ﻗﺎﻟﺖ ﻟﻴﻬﻮ: ﺍﻳﻤﻦ ﺃﻧﺖ ﻫﻨﺎ ﻣﻦ ﻣﺘﻴﻦ .

أيمن: ﺑﻼ ﺍﻳﻤﻦ ﺑﻼ ﺯﻓﺖ ﻣﻌﺎﻙ ﻣﺶ ﺃﻟﻒ ﻣﺮﺓ ﻗﻮﻟﺘﺎ ﻟﻴﻚ ﻣﺎ تقعدي ﻣﻊ ﺃﻱ ﺯﻓﺖ ﻣﺤﺎﺿﺮﺗﻚ ﻭﺍﻟﺒﻴﺖ ..

رغدة: ﺃﻧﺎ ﻣﻨﺘﻈﺮﺓ

أيمن: ﺃﺳﻜﺘﻲ ﻳﻼ ﻗﺪﺍﻣﻲ ...

ﺭﻏﺪﺓ ﺑﻘﺖ ﻗﺪﺭ ﺍﻟﺴﻤﺴﻤﺔ ﻗﺪﺍﻡ ﺍﺻﺤﺎﺑﺎ ﻣﺎﻗﺎﻟﺖ ﻟﻴﻬﻢ ﺷﻲ ﻧﻈﺮﺍﺗﻬﻢ ﻛﺎﻧﺖ ﺑﺪﻝ ﻋﻠﻲ ﺍﻧﻬﻢ ﺍﺗﻔﻬﻤﻮﺍ ﻣﻮﻗﻔﺄ ﻣﻊ ﺍﻧﻬﺎ ﻛﺎﻧﺖ ﺣﺎﺳﺔ ﻓﻴﻬﻢ ﺃﻟﻒ

ﺳﺆﺍﻝ ..

ﺭﺟﻌﻮﺍ ﺍﻟﺒﻴﺖ ﺍﻳﻤﻦ ﻃﺒﻌﺎ ﺑﻮﺻﻞ ﺍﻟﻜﻼﻡ ﺑﻄﺮﻳﻘﺔ تانيه ﻣﺘﺎﻛﺪ ﻣﺎ ﺡ ﻳﻄﻠﻊ ﻏﻠﻄﺎﻥ

ﺃﻣﻬﺎ ﻣﻦ ﺷﺎﻓﺘﻬﻢ ﺩﺍﺧﻠﻴﻦ ﺟﺎﺕ ﺗﺴﺎﻟﻬﻢ : ﻋﻤﻠﺖ شنو ﺍﻟﺒﺖ ﺩﻱ ﺗﺎﻧﻲ ..

أيمن: ﺑﺘﻚ ﺩﻱ ﻓﻬﻤﻴﻤﻬﺎ ﺗﺎﻧﻲ ﻟﻮ لقيتا ﻗﺎﻋﺪﺓ ﻣﻊ ﻭﻟﺪ ﺑﻘﻄﻊ ﺭقبتا ..

امها: ﺗﺴﺘﺎﻫﻞ ﺃﻧﺖ ﺍﺧﻮﻫﺎ ﺍﻟﻜﺒﻴﺮ ﻣﻦ ﺣﻘﻚ ﺗﺘﺼﺮﻑ ﻣﻌﺎﻫﺎ ﺯﻱ ﻣﻦ ﺃﻧﺖ ﺩﺍﻳﺮ ..

ﻗﺎﻃﻌﺘﻬﻢ ﺭﻏﺪﺓ : ﺃﻣﻲ ﻣﺎﻣﻤﻜﻦ ﻭﺍﻟﻠﻪ ﺍﻟﺒﻌﻤﻞ ﻓﻴﻪ ﺩﺓ ﺗﺤﺮﺟﻨﻲ ﻗﺪﺍﻡ ﺩﻓﻌﺘﻲ ﺃﻧﺎ ﻗﻌﺪﺗﺄ ﻓﻲ ﺍﻟﺸﺎﺭﻉ ﻭﻻ ﻓﻲ ﻧﺎﺩﻱ ﻛﻠﻬﺎ ﻋﺸﺮﺓ ﺩﻗﺎﻳﻖ ﺍﻧﺘﻈﺮﺕ ﺷﻬﺪ

- ﺍﺳﻜﺘﻲ

امها : ﻭﻻ ﻛﻠﻤﺔ ﻗﻮﻣﻲ ﺷﻮﻓﻲ ﺍﻟﺒﻴﺖ ﺩﺓ ﻧﻀﻔﻲ ﻭﺑﺎﻗﻲ ﺍﻟﻐﺴﻴﻞ ﻓﻲ ﺍﻟﻐﺴﺎﻟﺔ ....

ﺭﻏﺪﺓ ﻛﺎﻧﺖ ﻋﺎﺭﻑ ﻣﺎﻓﻲ ﻣﺎ ﺡ ﻳﺴﻤﻌﻮﺍ ﻛﻼﻣﺎ ﻣﻬﻤﺎ ﺣﺼﻞ ﻭﺣﺘﻰ ﻟو ﻛﺎﻧت على ﺣﻖ ﻗﺎﻣﺖ ﻃﻮﺍﻟﻲ ﻋلى ﻏﺮﻓﺘﺎ ﻭﻫﻲ ﺑﺘﺒﻜﻲ ﺟﺎﺕ ﺷﻬﺪ ﺩﺍﺧﻠﺔ ﻗﻌﺪﺕ ﺟﻤﺒﻬﺎ

شهد: ﺭﻏﺪﺓ ﻭﺍﻟﻠﻪ ﺍﺳﻔﺔ ﺃﻧﺎ ﺍﻟﺴﺒﺐ ﻓﻲ ﺍﻟﺤﺼﻞ

رغدة: بﻴﻚ ﻭﺑﺪﻭﻧﻚ ﺃﻧﺎ ﺗﻌﻮﺩﺕ ﺍﺗﺒﻬﺪﻝ ﻛﻞ ﻳﻮﻡ

شهد: ﺑﺲ ﺃﻧﺎ ﻣﺎ ﺑﺮﺿﻲ ﺘﺴﻤﻌﻲ ﻛﻼﻡ ﻳﺰﻋﻠﻚ ﺑﺴﺒﺒﻲ ﻋﺸﺎﻥ ﻛﺪﺓ ﻗﺮﺭﺕ ﺃﺳﻜﻦ ﻓﻲ

ﺍﻟﺪﺍﺧﻠﻴﺔ ..

ﺭﻏﺪﺓ ﻣﺎ ﻭﻗﻔﺖ ﺑﻜﺎ ﻣﻦ ﺳﻤﻌﺖ ﻛﻼﻡ ﺷﻬﺪ .. ﻛﻴﻒ ﺗﻔﻜﺮ ﻣﺠﺮﺩ ﺗﻔﻜﻴﺮ ﺇﻧﻬﺎ ﺗﻤﺸﻲ ﺗﺨﻠﻴﻬﺎ ﻭﻫﻲ ﺍﻟﻮﺣﻴﺪﺓ ﺍﻟﺘﻘﺎﺳﻢ

ﻣﻌﺎﻫﺎ ﺃﺣﺰﺍﻧﺎ ﻛﻴﻒ ﺑﺘﻘﻮﻝ ﻣﺎﺷﺔ ﻓﻲ ﺍﻟﻮﻗﺖ ﺩﺓ ﻭﻫﻲ ﻓﻲ ﺃﺷﺪ ﺍﻟﺤﻮﺟﺔ ﻟﻴﻬﺎ ..

ﻳﺘﺒﻊ....

#هروب
بقلم: نسرين محمد

الجزء 02

ﺷﻬﺪ ﺣﺴﺖ ﺇﻧﻬﺎ ﻏﻠﻄﺖ ﻣﺎ ﻛﺎﻥ ﺍﻟﻤﻔﺮﻭﺽ ﺗﻔﺘﺢ ﺳﻴﺮﺓ ﻣﺸﻴﺔ

ﺍﻟﺪﺍﺧﻠﻴﺔ ﻓﻲ ﺍﻟﻮﻗﺖ ﺩﺓ ﻭﻫﻲ ﻋﺎﺭﻓﻪ ﺭﺍﻱ ﺭﻏﺪﺓ ﺷﻨﻮ ﻓﻲ ﺍﻟﻤﻮﺿﻮﻉ

ﻣﻦ ﺍﻷﻭﻝ ..

ﺭﻏﺪﺓ ﻟﺴﻪ ﺑﺘﺒﻜﻲ ﺷﻬﺪ ﻗﺎﻟﺖ ﻟﻴﻬﺎ - ﻳﺎﺑﺖ ﻛﻔﺎﻳﺔ ﻗﺸﻲ ﺩﻣﻮﻋﻚ

ﻭﺧﻠﻴﻨﺎ ﻧﺘﻜﻠﻢ- ﻣﺶ ﺩﺍﻳﺮﺓ ﺗﻤﺸﻲ ﻫﺴﻲ ﺷﻴﻠﻲ ﺷﻨﻄﺘﻚ ﻣﻨﺘﻈﺮﺓ

ﺷﻨﻮ- ﺃﻧﺎ ﺍﺳﻔﺔ ﻭﺍﻟﻠﻪ ﻣﺎ ﻗﺼﺪﻱ ﺍﺯﻋﻠﻚ ﺑﺲ ﺩﻱ ﺍﻟﻤﺮﺓ ﺍﻟﺘﺎﻧﻴﺔ ﺍﻳﻤﻦ

ﻳﺸﺎﻛﻠﻚ ﺑﺴﺒﺒﻲ

-ﺑﻴﻚ ﻭﺑﺪﻭﻧﻚ ﺑﺸﺎﻛﻠﻨﻲ ﺑﺲ ﺇﻧﺘﻲ ﻛﻞ ﻣﺎ ﺗﺤﺼﻞ ﻣﺸﻜﻠﺔ ﻓﻲ ﺍﻟﺒﻴﺖ

ﺗﻘﻮﻟﻲ ﻣﺎﺷﺔ ﻳﻌﻨﻲ ﻋﺸﺎﻥ ﻋﺎﺭﻓﺎﻧﻲ ﻣﺎ ﻋﻨﺪﻱ ﻏﻴﺮﻙ

-ﻭﺍﻟﻠﻪ ﺍﻟﻌﻈﻴﻢ ﺗﺎﻧﻲ ﻣﺎ ﺑﻔﻜﺮ ﻓﻲ ﺍﻟﻤﻮﺿﻮﻉ ﻧﻬﺎﺋﻲ ﻭﻻ ﺣﺘﻰ ﺑﻘﻮﻝ

ﻟﻴﻚ ﺑﺲ ﺇﻧﺘﻲ ﺑﻄﻠﻲ ﺑﻜﺎ ﻳﺎﺥ ﻭﻗﻮﻣﻲ ﺍﺭﺡ ﺇﻧﺘﻲ ﺍﻋﻤﻠﻲ ﺍﻟﻐﺪﺍ ﻭﺃﻧﺎ

ﺑﻨﻀﻒ ﻧﺨﻠﺺ ﺑﺴﺮﻋﺔ-ﻣﺎ ﻗﺎﻳﻤﺔ ﻳﺎ ﺷﻬﺪ -ﺧﺎﻟﺘﻮ ﻟﻮ ﺟﺎﺕ ﺑﺘﻘﻮﻣﻲ

ﻏﺼﺐ ﻋﻨﻚ ﺃﺣﺴﻦ ﻟﻴﻚ -ﺷﻬﺪ ﺇﻧﺘﻲ ﻛﻞ ﺍﻟﻨﺎﺱ ﺩﻱ ﻋﺎﻳﺸﻴﻦ ﺯﻳﻨﺎ

ﻛﺪﺓ ﻭﻻ ﻻ ﻳﻌﻨﻲ ﻣﺜﻼ ﺑﺎﺑﺎ ﻛﺎﻥ ﺑﻔﻬﻤﻨﻲ ﻭﺑﻘﺪﺭ ﺍﻗﻮﻝ ﻟﻴﻪ ﻛﻞ ﺷﻲ ﻭ

ﺍﺗﻔﻘﻨﺎ ﻳﺠﻲ ﺭﺍﺟﻊ ﺧﻼﺹ ﻛﻔﺎﻳﺔ ﻏﺮﺑﺔ ﺑﺲ ﺍﻣﻲ ﺭﺍﻓﻀﺔ ﻟﺴﺔ ﻣﺎ

ﻋﻤﻠﻨﺎ ﺷﻲ ﺍﻟﺒﻴﺖ ﺍﻟﻔﻼﻧﻲ ﻣﺎ ﺧﻠﺺ ﻗﺮﻭﺵ ﻟﻸﻳﺎﻡ ﻭﻭﻭ ﻟﻤﺎ ﺑﺎﺑﺎ ﺑﻘﺎ

ﻛﻞ ﺗﻔﻜﻴﺮﻭﺍ ﺑﺲ ﻛﻴﻒ ﻳﺠﻤﻊ ﻗﺮﻭﺵ

-ﻫﻬﻬﻬﻪ ﻧﻔﺲ ﺳﺆﺍﻝ ﻣﺮﻳﻢ ﺑﺖ ﺧﺎﻟﺘﻮ ﺃﺳﻤﺎﺀ ﻓﺎﻟﻤﻬﻢ ﺍﻟﺒﻌﺮﻓﻮﺍ ﺃﻧﺎ

ﺃﻣﻲ ﻭﺧﺎﻟﺘﻲ ﻭﺍﺭﺛﻴﻦ ﺍﻟﻄﺮﻳﻘﺔ ﺍﻟﺘﻌﺎﻣﻞ ﺩﻱ ﻣﻦ ﺣﺒﻮﺑﺔ ﺍﻟﻠﻪ ﻳﺮﺣﻤﺎ

-ﻫﻬﻬﻬﻬﻬﻬﻪ ﻣﺘﺬﻛﺮﻳﻨﻲ ﻳﺎﺥ ﻣﺮﺍ ﻣﺘﺴﻠﻄﺔ ﺑﺘﺤﺐ ﺗﺘﺤﻜﻢ ﻓﻲ ﺍﻟﻨﺎﺱ

ﻛﻞ ﺷﻲ ﺧﻄﺄ ﺇﻻ ﺃﻟﻔﻲ ﺭﺃﺳﺎ ..

-ﻫﻬﻬﻬﻬﻬﻬﻪ ﺍﻫﻲ ﻣﺎﺗﺖ ﻭﺧﻠﺖ ﻟﻴﻨﺎ ﻭﺭﺛﺘﺎ ﻗﺎﻋﺪﺓ -ﻫﻬﻬﻬﻬﻬﻬﻪ ﻭﻟﻠﻪ

ﺃﻣﻲ ﺗﺴﻤﻌﻚ ﻳﻮﻣﻚ ﺃﺳﻮﺩ

-ﻫﻬﻬﻬﻬﻬﻬﻪ ﻗﻮﻣﻲ ﻗﺒﻞ ﻣﺎ ﺗﺨﻠﺺ ﺗﻠﻔﻮﻧﺎ ﺩﺓ ﺗﺠﻴﻨﺎ ﺑﻌﺪ ﺍﻟﻐﺪﺍ ﻋﺎﻳﺰﺓ

ﺍﻗﻮﻝ ﻟﻴﻚ ﺷﻲ ...

ﻓﻲ ﺩﻗﻴﻘﺘﻴﻦ ﺷﻬﺪ ﻗﺪﺭﺕ ﺗﺮﺟﻊ ﺍﻟﻀﺤﻜﺔ ﻓﻲ ﻭﺵ ﺭﻏﺪﺓ ﻗﺎﻣﻮﺍ

ﻧﻔﺬﻭﺍ ﺍﻻﺗﻔﻘﻮﺍ ﻋﻠﺒﻪ ﺷﻬﺪ ﺗﻨﻀﻔﺖ ﺍﻟﺒﻴﺖ ﻭﺭﻏﺪﺓ ﺗﻌﻤﻞ ﺍﻟﻐﺪﺍ .

ﺧﻠﺼﻮﺍ ﻣﻨﻮ ﻭﺍﻟﻤﻐﺮﺏ ﺻﻠﻮﺍ ﻭﺟﻬﺰﻭﺍ ﺷﺎﻱ ﺍﻟﻤﻐﺮﺏ ﺳﻮﺍ ﺣﺘﻰ ﺭﺟﻌﻮ

ﻏﺮﻓﺘﻬﻢ

ﺷﻬﺪ ﻗﻌﺪﺕ ﻓﻲ ﺍﻟﺴﺮﻳﺮ ﺧﺘﺖ ﺍﻷﺏ ﺗﻮﺏ ﺟﻤﺒﻬﺎ ﺭﻏﺪﺓ ﻭﺍﻗﻔﺔ ﺑﺘﺮﺗﺐ

ﻓﻲ ﻣﻼﺑﺴﻬﻢ ﻓﻲ ﺍﻟﺪﻭﻻﺏ ﺷﻬﺪ ﻗﺎﻟﺖ ﻟﻴﻬﺎ

-ﺭﻏﻮﺩ ﻋﺎﻳﺰﺓ ﺗﺴﻤﻌﻲ ﺷﻨﻮﻭ - ﻣﺎﺟﺎﻱ ﻋﻠﻲ ﺑﺎﻟﻲ ﺍﺳﻤﻊ ﺷﻲ ﻫﺴﻲ

ﺑﺲ ﺃﻱ ﺷﻲ ﺗﻜﻮﻧﻲ ﻋﺎﻳﺰﺓ ﺗﺴﻤﻌﻲ

- ﻫﻬﻬﻪ ﻃﻴﺐ ﻗﻮﻟﻲ ﺳﻮﺩﺍﻧﻲ ﻭﻻ ﻋﺮﺑﻲ

-ﺍﻧﺠﻠﻴﺰﻱ

-ﻏﺎﻳﺘﻮ ﻫﺴﻲ ﺩﺓ ﻭﻗﺖ

-ﺍﻳﻮﺓ ﻣﺎ ﻭﻗﺘﻮ ﺧﻠﻴﻨﺎ ﻓﻲ ﺍﻟﻜﻨﺘﻲ ﻋﺎﻳﺰﺓ ﺗﻘﻮﻟﻲ ﻟﻲ

-ﺗﻌﺎﻟﻲ ﺍﻗﻌﺪ ﻋﺸﺎﻥ ﺍﻗﺪﺭ ﺍﺣﻜﻲ ﺑﻤﺰﺍﺝ

- ﺷﻜﻠﻮﺍ ﻛﺪﺓ ﺷﻤﺎﺍﺍﺭ ﺟﺪﻳﺪ .

- ﺍﺟﻠﻠﻠﻞ

-ﻫﻬﻬﻬﻬﻬﻬﻪ ﻛﺎﻥ ﻛﺪﺓ ﺟﻴﻴﻴﺖ ﺃﻫﺎ ﺃﺣﻜﻲ ..

-ﺳﻴﻒ؟

- ﺃﻧﺎ ﺃﻗﻮﻝ ﺍﻷﺑﺘﺴﺎﻣﻪ ﺍﻟﻌﺮﻳﻀﺔ ﺩﻱ ﻭﺭﺍﻫﺎ ﺷﻨﻮ ﺍﺗﺎﺍﺍﺭﻱ

-ﻫﻬﻬﻬﻬﻬﻬﻪ ﺩﻗﻴﻘﺔ ﺩﻗﻴﻘﺔ ﻣﺸﻴﺘﻲ ﻭﻳﻦ .

-ﻫﻬﻬﻬﻬﻬﻬﻪ ﻣﻌﺎﻙ ﻣﺎ ﻣﺸﻴﺖ ﺣﺘﺔ

- ﻋﺸﺎﻥ ﺑﻌﺮﻑ ﻛﻮﻳﺲ ﺃﺣﺴﻦ ﺃﻗﻮﻝ ﻟﻴﻚ ﺑﺪﻭﻥ ﻣﻘﺪﻣﺎﺕ

ﺳﻴﻒ ﺇﺗﻜﻠﻢ ﻣﻌﺎﻱ ﺑﺨﺼﻮﺻﻚ ﻛﺮﻫﻨﻲ ﻛﻞ ﻳﻮﻡ ﺑﺴﺎﻟﻨﻲ ﻓﺘﺤﺘﺎ ﻣﻌﺎﻙ

ﺍﻟﻤﻮﺿﻮﻉ ﻭﻻﻻ

-ﻣﺎﻓﻬﻤﺖ ﺷﻲ

-ﻫﻬﻬﻬﻬﻬﻬﻪ ﺩﺓ ﻋﻠﻲ ﺃﺳﺎﺱ ﺑﺘﻔﻬﻤﻲ ﺍﻟﻤﻬﻢ ﺍﻟﺸﺎﺏ ﺍﻟﻈﺮﻳﻒ ﺩﺓ ﻗﺎﻝ

ﺑﺤﺒﻚ ﻟﻴﻪ ﺳﻨﻪ ﺧﺎﻳﻒ ﻳﻔﺘﺢ ﻣﻌﺎﻙ ﺍﻟﻤﻮﺿﻮﻉ

-ﻫﻬﻬﻬﻬﻬﻬﻪ ﺷﻜﺮﺍ ﻧﺎﻗﺼﺔ ﻣﺸﺎﻛﻞ ﺃﻧﺎ ﻋﺸﺎﻥ ﺃﺟﻴﺐ ﻟﻲ ﺯﻭﻝ ﺗﺎﻧﻲ

ﻳﺨﻨﻘﻨﻲ

-ﻫﻬﻬﻬﻬﻬﻬﻪ ﻏﺎﻳﺘﻮ ﻓﻜﺮﻱ

-ﻻﻻ ﺇﻧﺘﻲ ﻋﺎﺭﻓﺔ ﻟﻮ ﻳﻮﺳﻒ ﻋﺮﻑ ﺣﺎﺟﺔ ﺯﻱ ﺩﺓ ﺑﻘﺘﻠﻨﻲ

-ﻳﻮﺳﻒ ﻫﻮ ﻓﺎﺿﻲ ﻣﻈﺒﻂ ﺍﻣﻮﺭﻭﺍ

- ﻗﺼﺪﻙ ﺷﻨﻮ ﻳﺎ ﺷﻬﺪ

-ﻭﻻﺷﻲ ﺃﻧﺴﻲ

- ﺑﺖ ﻗﻮﻟﻲ

- ﺧﻼﺹ ﻣﺎ ﺗﺤﻤﺮﻱ ﻟﻲ ﻗﺒﻞ ﻳﻮﻣﻴﻦ ﺷﻮﻓﺘﻮ ﻣﻌﺎﻩ ﻣﺮﺍ ﻣﺘﺰﻭﺟﻪ

ﻭﺿﻌﻬﻢ ﻣﺎ ﻋﺠﺒﻨﻲ

- ﺩﺓ ﻣﺎﺟﺪﻳﺪ ﻳﺎ ﺷﻬﺪ-

-ﺷﻨﻮ ﻛﻴﻒ ﻣﺎ ﺟﺪﻳﺪ؟؟

- ﻗﺒﻞ ﻳﻮﻣﻴﻦ ﺷﻮﻓﺘﻮ ﺟﻴﺖ ﻛﻠﻤﺘﺎ ﺃﻣﻲ ﺃﺗﺨﻴﻠﻲ ﻗﺎﻟﺖ ﻟﻲ ﻣﺎ ﻭﻟﺪ ﻫﻮ

ﺣﺮ ﺣﺎﻭﻟﺘﺎ ﺃﻭﺿﺢ ﻟﻴﻬﺎ ﺍﻟﻌﻴﺐ ﻃﻠﻊ ﻓﻴﻨﻲ ﺷﺎﻛﻠﻮﻧﻲ

- ﻻ ﻣﺎ ﺑﺼﺪﻕ ﻳﺎ ﺭﻏﺪﺓ ﻣﻌﻘﻮﻟﺔ ...

ﺭﻏﺪﺓ ﺗﺎﻧﻲ ﻣﺎ ﻗﺎﻟﺖ ﻛﻠﻤﺔ ﺑﺪﺕ ﺗﻔﻜﺮ ﻓﻲ ﺳﻴﻒ ﺑﺪﻭﻥ ﺗﺸﻌﺮ .. ﺍﻣﺎ

ﺷﻬﺪ ﻣﻔﺎﺟﺌﺔ ﺑﺎﻟﻘﺎﻟﺘﻮﺍ ﺭﻏﺪﺓ ﻋﻦ ﻳﻮﺳﻒ ﺍﺧﻮﻫﺎ ﺳﻜﺘﻮﺍ ﻣﺴﺎﻓﺔ ﺑﻌﺪﻫﺎ

ﻗﺎﻭﻣﻮﺍ ﻋﺸﺎﻥ ﻳﺼﻠﻮﺍ ﺍﻟﻌﺸﺎﺀ ..

يتبع.....

#هروب
بقلم: نسرين محمد

الجزء 03

ﺑﻌﺪﻫﺎ ﺷﻬﺪ ﺭﺳﻠﺖ ﻟﺴﻴﻒ ﺭﺳﺎﻟﺔ ﺑﺄﻧﻬﺎ ﻓﺘﺤﺖ ﺍﻟﻤﻮﺿﻮﻉ ﻣﻊ ﺭﻏﺪﺓ

ﻭﺍﻟﺒﺎﻗﻲ

ﺗﺎﻧﻲ ﻋﻠﻴﻮ ..

ﻣﺎ ﺻﺪﻕ ﻟﻤﺎ ﻗﺮﺃ ﺍﻟﺮﺳﺎﻟﺔ ﻣﺘﻴﻦ ﺗﺼﺒﺢ ﻋﺸﺎﻥ ﻳﻼﻗﻲ ﺭﻏﺪﺓ ﻓﻜﺮ

ﻳﺘﺼﻞ ﻋﻠﻲ

ﺷﻬﺪ ﺇﺗﺬﻛﺮ ﻗﻮﺍﻧﻴﻦ ﺑﻴﺘﻬﻢ ﺧﺎﻑ ﻳﺴﺒﺐ ﻟﻴﻬﻢ ﻣﺸﻜﻠﺔ ﻗﺎﻝ ﻳﺼﺒﺮ ﻛﻠﻬﺎ

ﺳﺎﻋﺎﺕ

ﻭﻳﻼﻗﻴﻬﻢ ..

ﺗﺎﻧﻲ ﻳﻮﻡ ﺍﻟﺼﺒﺎﺡ ﻛﺎﻧﻮﺍ ﺷﻐﺎﻟﻴﻦ ﻣﺤﺎﺿﺮﺓ ﺍﻟﺴﺎﻋﺔ 12 ﺭﻏﺪﺓ ﻗﺎﻟﺖ

ﻟﺸﻬﺪ

ﻳﺨﻠﺼﻮﺃ ﺷﻐﻞ ﺍﻟﺒﻴﺖ ﺑﺪﺭﻱ ﻳﻄﻠﻌﻮﺍ ﻋﺸﺎﻥ ﻟﻤﺎ ﻳﺠﻮ ﺭﺍﺟﻌﻴﻦ ﻳﻘﺮﻭﺍ

ﺭﺩﺕ ﻟﻴﻬﺎ

ﺷﻬﺪ ﻭﻫﻲ ﺑﺘﻘﻮﻝ

- ﻳﺎﺑﺖ ﺩﺓ ﺍﻟﻴﻮﻡ ﺍﻟﻮﺣﻴﺪ ﺍﻟﺸﺎﻏﻠﻴﻦ ﻓﻴﻬﻮ 12ﺧﻠﻴﻨﺎ ﻧﻄﻠﻊ ﺑﺪﺭﻱ ﺍﻗﻠﻮﺍ

ﺑﺘﻮﻧﺲ ﻣﻊ ﺍﻟﻨﺎﺱ ﻭﻧﻌﺮﻑ ﺍﻟﺤﺎﺻﻞ ﺍﻭ ﻧﻤﺸﻲ ﺍﻟﺴﻮﻕ

- ﺑﻌﺪ ﺍﻟﺤﺼﻞ ﺃﻣﺲ ﻣﺎ ﺩﺍﻳﺮﺓ ﺍﻻﻗﻲ ﻭﻻ ﻣﺨﻠﻮﻕ ﻣﺤﺎﺿﺮﺗﻲ ﻭﺍﺭﺟﻌﺔ

ﺍﻟﺒﻴﺖ

- ﻭﺳﻴﻒ ﺍﻟﻤﻨﺘﻈﺮﻙ

- ﺷﻬﺪ ﺍﻟﻤﻮﺿﻮﻉ ﺩﺓ ﻣﺎ ﺩﺍﻳﺮﺓ ﺍﺗﻨﺎﻗﺶ ﻣﻌﺎﻙ ﻓﻴﻬﻮ ﺳﻴﻒ ﻣﺎ ﺡ ﻳﻜﻮﻥ

ﺃﺣﺴﻦ

ﻣﻦ ﺍﺧﻮﺍﻧﻲ ﺍﻛﻴﺪ ﻧﻔﺲ ﺍﻟﺪﻗﺔ ﻫﺴﻲ ﺗﻠﻘﻲ ﻣﺰﻫﺞ ﺍﺧﺘﻮ ﻓﻲ ﺍﻟﺒﻴﺖ

- ﺇﻧﺘﻲ ﻣﺎﻟﻚ ﻭﻣﺎﻝ ﺍﺧﺘﻮ .

- ﻛﻴﻒ ﻣﺎﻟﻲ ﺍﻟﻤﺎ ﺑﺘﻌﺎﻣﻞ ﻣﻊ ﺃﻫﻞ ﺑﻴﺘﻮﺍ ﻛﻮﻳﺲ ﻋﻤﺮﻭ ﻣﺎ ﺑﺘﻌﺎﻣﻞ ﻣﻊ

ﻏﻴﺮﻫﻢ

ﺍﻻ ﻓﻲ ﺣﺪﻭﺩ ﻣﺼﻠﺤﺘﻮﺍ

- ﺑﻘﻴﺘﻲ ﻏﺮﻳﺒﻪ .

- ﻣﻦ ﻳﻮﻣﻲ ﻛﺪﺓ

- ﻣﺘﻌﻘﺪﻱ ﺍﻷﻣﻮﺭ ﻭﺗﺤﻜﻤﻲ ﻋﻠﻴﻪ ﻗﺒﻞ ﻣﺎ ﺗﻌﺮﻓﻲ ..

- ﻫﺴﻲ ﻓﻲ ﺫﻣﺘﻚ ﻳﺎ ﺷﻬﺪ ﻋﺼﺎﻡ ﺯﻱ ﺩﻳﻞ ﻭﺗﻔﺘﻜﺮﻱ ﺃﻧﺎ ﺑﻜﻮﻥ

ﺳﻌﻴﺪﺓ ﻓﻲ

ﻳﻮﻡ ..

- ﺍﺣﻢ ﺍﺣﻢ ﺩﺓ ﺣﺒﻴﺐ ﻗﻠﺒﻲ ﻛﻴﻒ ﻳﻜﻮﻥ ﺯﻱ ﺍﻟﺴﺠﻢ ﺩﻳﻞ ﻭﺑﻌﺪﻳﻦ

ﺇﻧﺘﻲ

ﺑﺘﺘﻜﻠﻤﻲ ﻣﻌﺎﻩ ﺃﻛﺘﺮ ﻣﻨﻲ ﺃﻛﻴﺪ ﻋﺮﻓﺘﻲ ﻃﺮﻳﻘﺔ ﺗﻌﺎﻣﻠﻮﺍ ﻭﺃﺧﻼﻗﻮﺍ

ﻛﻴﻒ ﻋﺸﺎﻥ

ﻛﺪﺓ ﻳﺨﺘﻲ ﺃﺩﻱ ﻗﻠﺒﻚ ﻓﺮﺻﺔ ﻳﺎﺥ ﺟﺪ ﺣﻴﺎﺗﻚ ﺡ ﺗﺘﻐﻴﺮ ﺃﻗﻔﻠﻲ

ﺍﻟﺴﻴﺮﺓ ﺧﺎﻟﺘﻮ

ﺟﺎﻳﺔ .

- ﻫﻬﻬﻬﻬﻬﻬﻪ ﻭﺃﺿﺢ ﺡ ﺗﻐﻴﻴﺮ ﻳﺎ ﺟﺒﺎﻧﻪ ...

ﺍﻡ ﺭﻏﺪﺓ ﺟﺎﺕ ﺩﺍﺧﻠﺔ ﻭﻗﻔﺖ ﻓﻲ ﻧﺺ ﺍﻟﻐﺮﻓﺔ

ﻋﻤﻠﻮﺍ ﻓﻴﻬﺎ ﻗﺎﻋﺪﻳﻦ ﻳﻘﺮﻭﺍ ﻭﻣﺎ ﻣﻨﺘﺒﻴﻬﻴﻦ ﻟﻴﻬﺎ ﻗﺎﻟﺖ ﻟﻴﻬﻢ ..

-ﺃﻗﻞ ﻣﻦ ﺛﺎﻧﻴﺔ ﺻﻮﺗﻜﻢ ﻭﺍﺻﻞ ﺍﻟﺸﺎﺭﻉ ﺧﻼﺹ ﺩﺧﻠﺘﻲ ﺑﻘﺘﻜﻢ

ﻣﻬﺘﻤﻴﻦ

ﺑﻤﺴﺘﻘﺒﻠﻜﻢ ﻗﻮﻣﻮﺍ ﺷﻮﻓﻮﺍ ﺍﻟﺒﻴﺖ ﺩﺓ ﺍﻟﺤﺎﺻﻞ ﻋﻠﻴﻪ ﺷﻨﻮ ﺃﻧﺎ ﻃﺎﻟﻌﺔ

....

ﻣﺎ ﺍﺩﺗﻢ ﻓﺮﺻﺔ ﻳﺴﺄﻟﻮﺍ ﻣﺎﺷﺔ ﻭﻳﻦ ﻭﺑﺘﺠﻲ ﻣﺘﻴﻦ ﻷﻧﻬﻢ ﻫﻢ ﺷﻐﺎﻟﻴﻦ

ﺑﻌﺪ ﺳﺎﻋﺔ

ﺃﻭ ﺃﻗﻞ ﺭﻏﺪﺓ ﻋﺎﺭﻓﺔ ﻟﻮ ﻫﻲ ﻣﺎﻓﻲ ﻣﻤﻨﻮﻋﺔ ﺗﻄﻠﻊ ﻷﻱ ﻣﻜﺎﻥ ﺃﻳﻦ

ﻛﺎﻧﺖ ﺍﻷﺳﺒﺎﺏ ..

ﺭﻏﺪﺓ ﺭﻓﻌﺖ ﺗﻠﻔﻮﻧﺎ ﺗﺸﻮﻑ ﺍﻟﺴﺎﻋﺔ ﻛﻢ ﻟﻴﻘﺘﺎ ﻋﺸﺮﺓ ﻭﻧﺼﻒ ﻗﺎﻣﺖ

ﺑﺴﺮﻋﺔ

ﺑﺪﺕ ﺗﻨﻀﻒ ﺑﻌﺪﻫﺎ ﺗﺠﻬﺰ ﺍﻟﻔﻄﻮﺭ ﻭﺷﻬﺪ ﺗﻜﻮﻱ ﻟﻴﻬﻢ .

ﺭﻏﺪﺓ ﻃﻠﻌﺖ ﺑﺪﺕ ﺗﻨﻀﻒ ﻭﻫﻲ ﺑﺘﻐﻨﻲ ﻣﺒﺴﻮﻃﺔ ﻣﺎﻓﻲ ﺯﻭﻝ ﻓﻲ

ﺍﻟﺒﻴﺖ ﻋﺸﺎﻥ ﻳﻘﻮﻝ ﻟﻴﻬﺎ

ﺧﻔﻀﻲ ﺻﻮﺗﻚ ﺃﻭ ﺃﺳﻜﺘﻲ

ﻭﻗﺘﻬﺎ ﺟﺎ ﺩﺍﺧﻞ ﻳﺎﺳﺮ ﺩﺍﺧﻞ ﺍﻟﺒﻴﺖ ﻣﻌﺎﻫﻮ ﺻﺎﺣﺒﻮ ﻓﻴﺼﻞ ﻣﺎ ﺳﻠﻢ

ﺟﺎ ﺩﺍﺧﻞ

ﻃﻮﺍﻟﻲ .

ﺭﻏﺪﺓ ﺇﺗﺠﻤﺪﺕ ﻣﻜﺎﻧﺎ ﻟﻤﺎ ﺷﺎﻓﺘﻢ ﻣﺎ ﻋﺮﻓﺖ ﺗﺘﺼﺮﻑ ﻛﻴﻒ ﻣﺎﻓﻲ ﺗﻮﺏ

ﻭﻻ ﻋﺒﺎﻳﺔ ﻗﺮﻳﺒﺔ

ﻟﻴﻬﺎ ﻛﺎﻧﺖ ﻻﺑﺴﻪ ﺑﺠﺎﻣﺔ ﻗﺼﻴﺮﺓ ﻭﺑﺪﻭﻥ ﻃﺮﺣﺔ

ﺟﺮﺕ ﺟﺮﻱ ﻟﻐﺮﻓﺘﺎ

ﻳﺎﺳﺮ ﻣﺸﻲ ﻭﺭﺍﻫﺎ ﺷﺎﻟﺖ ﻟﻴﻬﺎ ﺃﻗﺮﺏ ﻋﺒﺎﻳﺔ ﻟﺒﺴﺘﺎ ﻭﻫﻲ

ﻃﺎﻟﻌﺔ ﻣﻦ ﺍﻟﻐﺮﻓﺔ ﻟﻘﺘﻮ ﻓﻲ ﻭﺷﺎ

ﺍﻟﻐﻀﺐ ﻇﺎﻫﺮ ﻓﻲ ﻋﻴﻮﻧﻮ ﻗﺎﻝ ﻟﻴﻬﺎ

- ﺃﻧﺎ ﺍﻟﻒ ﻣﺮﺓ ﻗﻮﻟﺘﺎ ﻟﻴﻚ ﻋﻮﻟﻘﻚ ﺩﺓ ﻣﺎ ﺗﻠﺒﺴﻲ ﻓﻲ ﺍﻟﺒﻴﺖ ﺑﺪﻭﻥ

ﺗﻮﺏ ﺍﻭ ﻋﺒﺎﻳﺔ ..

- ﺑﺲ ﻳﺎﻳﺎﺳﺮ

- ﺍﺳﻜﺘﻲ ..

ﻭﻫﻮ ﺑﻘﻮﻝ ﺍﻟﻜﻠﻤﺔ ﺩﻱ ﻭﻳﺪﻭ ﻓﻲ ﺧﺪ ﺭﻏﺪﺓ

ﺃﺩﻫﺎ ﻛﻒ ﻟﻤﻦ ﻭﻗﻌﺖ ﺭﺃﺳﺎ ﻁﻗﺶ ﺍﻟﻄﺮﺑﻴﺰﺓ

ﺷﻬﺪ ﺟﺎﺕ ﺟﺎﺭﻳﺔ ﻣﻦ ﺍﻟﻤﻄﺒﺦ ﻟﻤﺎ ﺳﻤﻌﺖ ﺻﻮﺕ ﻳﺎﺳﺮ

ﻭﺻﻠﺖ ﺍﻟﻐﺮﻓﺔ ﻟﻘﺖ ﺭﻏﺪﺓ ﻏﺮﻗﺎﻧﺔ ﻓﻲ ﺩﻣﻬﺎ

ﺻﺮﺧﺖ ﺑﺄﻋﻠﻲ ﺻﻮﺕ

- ﻳﺎﺳﺮ ﻗﺘﻠﺘﻬﺎ

.. ﻳﺎﺳﺮ ﻃﻠﻊ ﻭﻻ ﺇﺷﺘﻐﻞ ﺑﻴﻬﺎ ﻭﻫﻲ ﺑﺘﺒﻜﻲ ﺍﺗﺼﻠﺖ ﻋﻠﻲ ﺧﺎﻟﺘﺎ

ﻣﺎ ﻗﺪﺭﺕ ﺗﻨﺘﻈﺮ ﻟﻤﺎ ﺗﺠﻲ ﻧﺎﺩﺕ ﺟﺎﺭﺗﻬﻢ ﺳﺎﻋﺪﺗﺎ ﺗﺮﻓﻊ ﺭﻏﺪﺓ ﺑﻌﺪﻫﺎ

ﺃﺟﺮﺕ ﻟﻴﻬﺎ ﺭﻛﺸﺔ ﻟﻠﻤﺴﺘﺸﻔﻲ ..

يتبع....

#هروب
بقلم: نسرين محمد

الجزء 04

ﻣﺮﺕ ﺟﻴﺮﺍﻧﻢ ﺇﻋﺘﺬﺭﺕ ﻟﺸﻬﺪ ﻣﺎ ﺑﺘﻘﺪﺭ ﺗﻤﺸﻲ ﻣﻌﺎﻫﻢ ﺃﻭﻻﺩﺍ ﺑﺮﺍﻫﻢ

ﻗﺎﻟﺖ ﻟﻴﻬﺎ ﺗﺘﻘﺪﻡ ﺑﻌﺪ ﻣﺎ ﺗﺸﻮﻑ ﺯﻭﻝ

ﻳﻘﻌﺪ ﻣﻌﺎﻫﻢ ﺑﺘﺠﻲ ..

ﺷﻬﺪ ﻣﺎ ﻛﺎﻥ ﻫﺎﻣﻴﻬﺎ ﺷﻲ ﻏﻴﺮ ﺇﻧﻬﺎ ﺗﺼﻞ ﺍﻟﻤﺴﺘﺸﻔﻰ ﺑﺴﺮﻋﺔ

ﺑﺘﺎﻉ ﺍﻟﺮﻛﺸﺔ ﻣﺎ ﻗﺼﺮ ﻭﻗﻒ ﻣﻌﺎﻫﺎ ﻟﻤﻦ ﺩﺧﻠﻮﺍ ﺭﻏﺪﺓ ﻏﺮﻓﺔ ﺍﻟﻌﻤﻠﻴﺔ

ﺑﻌﺪ ﺍﻃﻤﺌﻦ ﻋﻠﻴﻬﻢ

ﻛﺘﺐ ﺭﻗﻤﻮ

ﻓﻲ ﻭﺭﻗﺔ ﺍﺩﻫﻮ ﻟﺸﻬﺪ ﻗﺎﻝ ﻟﻴﻬﺎ ﻟﻮ ﺇﺣﺘﺎﺟﺖ ﻟﺸﻲ ﺗﺘﺼﻞ ﻋﻠﻴﻪ ..

ﺷﻬﺪ ﻗﺪﺭ ﻣﺎ ﻓﺮﺣﺖ ﺑﻮﻗﻔﺘﻮﺍ ﻣﻌﺎﻫﺄ ﻗﺪﺭ ﻣﺎ ﻫﻲ ﺯﻋﻼﻧﺔ ﻣﻦ ﻳﺎﺳﺮ

ﻭﺧﺎﻟﺘﺎ ﺍﻟﻤﺎ

ﺍﺗﺼﻠﺖ ﻭﻻ ﺟﺎﺕ ﻋﺸﺎﻥ ﺗﻌﺮﻑ ﺍﻟﺤﺎﺻﻞ ﻣﻊ ﺑﺘﺎ ﺷﻨﻮ ..

ﺷﻬﺪ ﻣﺎ ﺟﺎﻳﺒﺔ ﺧﺒﺮ

ﻳﺎﺳﺮ ﺇﺗﺼﻞ ﻋﻠﻲ ﺃﻣﻮ ﻋﺸﺎﻥ ﻳﺄﻣﻦ ﻧﻔﺴﻮ ﻭﻣﺎ ﻳﻄﻠﻊ ﻏﻠﻄﺎﻥ ﺣﻜﻲ

ﻟﻴﻬﺎ ﻋﻜﺲ

ﺍﻟﺸﻲ ﺍﻟﺤﺼﻞ ﻭﺷﻬﺪ ﻣﻜﺒﺮﺍ ﺍﻟﻤﻮﺿﻮﻉ ﻣﺠﺮﺩ ﺟﺮﺣﺔ ﺻﻐﻴﺮﺓ ﻭﻫﻲ

ﺻﺪﻗﺖ

ﻛﻼﻣﻮﺍ ..

ﺷﻬﺪ ﺍﻛﺘﺮ ﻣﻦ ﺳﺎﻋﺔ ﻣﻨﺘﻈﺮﺓ ﻣﺘﻴﻦ ﺯﻭﻝ ﻣﻨﻬﻢ ﻳﺠﻲ ﻓﻲ ﻧﻬﺎﻳﺔ

ﻋﺮﻓﺖ ﻣﺎﻓﻲ ﺯﻭﻝ ﺑﺠﻲ ﻣﻨﻬﻢ

ﺇﺕﺼﻠﺖ ﻋﻠﻲ ﺃﻣﻬﺎ ﻛﻠﻤﺘﺎ ﻗﺎﻟﺖ ﻟﻴﻬﺎ ﻟﻮ ﻟﻘﺖ ﻣﻮﺍﺻﻼﺕ ﺑﺘﺠﻲ

ﻃﻮﺍﻟﻲ .

ﺑﺮﺿﻮ ﺟﻴﺔ ﺃﻣﻬﺎ ﺍﻟﺒﻌﺪ ﻛﻢ ﺳﺎﻋﺔ ﻣﺎ ﺑﺘﻔﻴﺪ ﻭﻣﺎ ﻣﻀﻤﻮﻥ ﺍﺻﻼ ﺗﺠﻲ

ﻭﻻﻻ ..

ﻭﻋﺼﺎﻡ ﺣﺒﻴﺒﺎ ﺗﻠﻔﻮﻧﻮﺍ ﻣﻘﻔﻮﻝ ﻣﺎ ﻓﻀﻞ ﺯﻭﻝ ﻏﻴﺮ ﺳﻴﻒ ﺭﺳﻠﺖ ﻟﻴﻪ

ﺭﺳﺎﻟﺔ

ﻭﻫﻮ ﺃﺻﻼ ﻛﺎﻥ ﻣﻨﺘﻈﺮﻫﻢ ﻓﻲ ﺍﻟﺠﺎﻣﻌﺔ ﻣﻦ ﻗﺮﺃ ﺍﻟﺮﺳﺎﻟﺔ

ﻃﻠﻊ ﺑﺴﺮﻋﺔ ﺃﻗﻞ ﻣﻦ ﻧﺼﻒ ﺳﺎﻋﺔ ﻭﺻﻞ

ﻟﻘﻲ ﺷﻬﺪ ﺣﺎﻻ ﻳﻐﻨﻲ ﻋﻦ ﺍﻟﺴﺆﺍﻝ ﺭﻏﺪﺓ ﻳﺎﺩﻭﺏ ﻃﻠﻌﻮﻫﺎ ﻣﻦ ﺍﻟﻌﻤﻠﻴﺔ

ﻣﺸﻲ

ﺟﺎﺏ ﺍﻷﺩﻭﻳﺔ ﺍﻟﻤﻄﻠﻮﺑﺔ ﻭﺩﻓﻊ ﺑﺎﻗﻲ ﺭﺳﻮﻡ ﺍﻟﻤﺴﺘﺸﻔﻰ

ﺑﻌﺪﻫﺎ ﺟﺎ ﺳﺄﻝ ﺷﻬﺪ ﺍﻟﺴﺒﺐ ﺍﻟﻮﺻﻞ ﺭﻏﺪﺓ ﻟﻠﺤﺎﻟﺔ ﺩﻱ ﺣﺎﻭﻟﺖ ﺗﺘﻬﺮﺏ

ﻣﻦ

ﺍﻻﺟﺎﺑﺔ ﻗﺎﻟﺖ ﻟﻴﻪ ﺍﺿﺮﺑﺖ ﺑﺎﻟﺴﺮﻳﺮ ﻣﺎ ﺻﺪﻗﺎ ﺍﻻﻧﻮ ﺗﻘﺮﻳﺮ ﺍﻟﺪﻛﺘﻮﺭ

ﺑﻘﻮﻝ ﻏﻴﺮ

ﻛﺪﺓ ﻓﻲ ﻧﻬﺎﻳﺔ ﺣﻜﺖ ﻟﻴﻪ ﺍﻟﺤﺼﻞ ﻗﺎﻡ ﻣﻦ ﻣﻜﺎﻧﻮﺃ ﺑﻐﻀﺐ ﺷﺪﻳﺪ

ﻗﺎﻝ ﻟﻴﻬﺎ

- ﻣﺎﺷﻲ ﻫﺴﻲ ﺃﻓﺘﺢ ﻓﻴﻬﻮ ﺑﻼﻍ ﺍﻟﺤﻴﻮﺍﻥ ﺩﺓ ..

- ﺟﻨﻴﺖ ﺷﻜﻠﻚ ﺩﺓ ﺍﺧﻮﻫﺎ ﺍﻟﻌﻤﻞ ﻛﺪﺓ

- ﻟﻮ ﻛﺎﻥ ﺃﺑﻮﻫﺎ ﺯﺍﺗﻮ ﻻﺯﻡ ﻳﺘﻌﺎﻗﺐ ﻋﺸﺎﻥ ﻣﺎ ﻳﻜﺮﺭ ﻋﻤﻠﺘﻮﺍ ﺩﻱ ﻗﺎﻳﻞ

ﻧﻔﺴﻮ

ﺑﺘﻌﺎﻣﻞ ﻣﻊ ﺣﻴﻮﺍﻥ ﻭﺍﻟﻠﻪ ﻣﺎ ﺍﺧﻠﻲ

- ﺳﻴﻒ ﺃﺳﻤﻌﻨﻲ ﺇﻧﺘﻈﺮ ﻛﺪﺓ ﺑﺘﺠﻴﺐ ﻟﺮﻏﺪﺓ ﻣﺸﺎﻛﻞ ﺗﺎﻧﻴﺔ ﻭﻫﺴﻲ

ﻣﺘﺄﻛﺪﺓ

ﺑﻄﻠﻌﻮﻫﺎ ﻫﻲ ﺍﻟﻐﻠﻄﺎﻧﺔ ﻋﺸﺎﻥ ﻛﺪﺓ ﻣﺎ ﺟﻮ

- ﻋﺸﺎﻥ ﻛﺪﺓ ﻻﺯﻡ ﺍﺩﻳﻬﻢ ﺩﺭﺱ ..

ﻭﻫﻢ ﺑﺘﻨﺎﻗﺸﻮ ﺷﻬﺪ ﺷﺎﻓﺖ ﺧﺎﻟﺘﺎ ﺟﺎﻳﺔ ﻣﻦ ﺑﻌﻴﺪ ﻣﻌﺎﻫﺎ ﻳﺎﺳﺮ ﻭﺃﻳﻤﻦ

ﻗﺎﻟﺖ ﻟﻲ

ﺳﻴﻒ

- ﺳﻴﻒ ﺃﻣﺸﻲ ﻣﻦ ﻫﻨﺎ ﺳﺮﻳﻊ

- ﻳﺎﺑﺖ ﻗﻮﻟﻲ ﺑﺴﻢ ﻟﻠﻪ ﻓﻲ ﺷﻨﻮ

- ﺍﻡ ﺭﻏﺪﺓ ﻭﺍﺧﻮﺍﻧﺎ ﻭﺻﻠﻮﺍ ﻟﻮ ﺷﺎﻓﻮﻙ ﻫﻨﺎ ﺑﺘﺤﺼﻞ ﻣﺼﻴﺒﺔ ﻭﺃﻳﻤﻦ

ﺃﺻﻼ

ﺑﻌﺮﻓﻚ ﻭﺃﻧﺖ ﻋﺎﺭﻑ ﺑﺮﺍﻙ ﺍﻟﺒﺤﺼﻞ ..

- ﻛﻮﻳﺲ

...ﺳﻴﻒ ﺭﺟﻊ ﻟﻠﺪﻛﺘﻮﺭ ﺷﺎﻝ ﺍﻟﺘﻘﺮﻳﺮ ﻋﺸﺎﻥ ﻳﻘﺪﺭ ﺑﻔﺘﺢ ﺑﻼﻍ ﺷﻬﺪ ﻣﺎ

ﺟﺎﻳﺒﺔ ﻟﻴﻬﻮ ﺧﺒﺮ . ..

يتبع....

#هروب
بقلم: نسرين محمد

الجزء 05

ﺃﻡ ﺭﻏﺪﺓ ﻋﻠﻲ ﺣﺴﺐ ﺍﻟﻜﻼﻡ ﺍﻟﻘﺎﻟﻮ ﻟﻴﻬﺎ ﻳﺎﺳﺮ ﻗﺒﻞ ﻣﺎ ﺗﻔﻬﻢ ﺍﻟﺤﺎﺻﻞ

ﺷﺎﻛﻠﺖ ﺷﻬﺪ ﻗﺎﻟﺖ ﻟﻴﻬﺎ

ﻛﻴﻒ ﺗﺠﻴﺐ ﺭﻏﺪﺓ ﺍﻟﻤﺴﺘﺸﻔﻰ ﻃﺎﻟﻤﺎ ﺍﻟﺠﺮﺡ ﺑﺴﻴﻂ ﻭﺗﻌﻤﻞ ﻣﻮﺿﻮﻉ

ﺳﺎﻱ

ﺷﻬﺪ ﺑﺘﻌﺎﻳﻦ ﻟﻴﻬﺎ ﺑﻨﻈﺮﺍﺕ ﺣﻘﺪ ﻭﻏﻀﺐ ﺷﺪﻳﺪ ﻟﻮ ﻣﺎ ﻛﺎﻧﺖ ﺧﺎﻟﺘﺎ

ﻛﺎﻥ ﺃﺩﺗﺎ ﻛﻒ ﻣﻌﻘﻮﻟﺔ ﺍﻡ ﺗﻜﻮﻥ ﻗﺎﺳﻴﺔ ﻟﻠﺪﺭﺟﺔ ﺩﻱ

ﺑﻌﺪ ﺧﻠﺼﺖ ﻛﻼﻣﺎ ﺷﻬﺪ ﻗﺎﻟﺖ ﻟﻴﻬﺎ :

- ﺃﻧﺎ ﻣﺘﺄﻛﺪﺓ ﻳﺎﺳﺮ ﻛﺬﺏ ﻋﻠﻴﻚ ﺑﺲ ﻗﺒﻞ ﻣﺎ ﺗﺼﺪﻗﻲ ﻭﺗﺠﻮﻃﻲ ﺳﺎﻱ

ﺃﻣﺸﻲ ﺷﻮﻓﻲ ﺭﻏﺪﺓ ﺣﺎﻟﺘﺎ ﻛﻴﻒ ﻭﻋﻨﺪﻱ ﺳﺆﺍﻝ ﻳﺎﺭﻳﺖ ﺗﺠﺎﻭﻳﻨﻲ

ﻋﻠﻴﻪ ﻳﺎ ﺧﺎﻟﺘﻮ . ﺭﻏﺪﺓ ﺩﻱ ﺑﺘﻚ ﻭﻻ ﺍﺷﺘﺮﺗﻴﻬﺎ ﻣﻦ ﺍﻟﺴﻮﻕ .. ﻣﺮﻳﻢ

ﻏﺎﻇﺎ ﻛﻼﻡ ﺷﻬﺪ ﺷﺪﻳﺪ

ﺭﻓﻌﺖ ﻳﺪﻫﺎ ﻋﺎﻳﺰﺓ ﺗﻀﺮﺏﺍ ﺑﺱ ﺇﺗﺮﺍﺟﻌﺖ ﻗﺎﻟﺖ ﻟﻴﻬﺎ

- ﻳﺎﺑﺖ ﺃﺳﻜﺘﻲ ﻧﻴﺴﺘﻲ ﻧﻔﺴﻚ ﺑﺘﺘﻜﻠﻤﻲ ﻣﻊ ﺧﺎﻟﺘﻚ ..

- ﻭﺻﻠﻲ ﻳﺪﻙ ﻳﺎ ﺧﺎﻟﺘﻲ ﻣﺎ ﺃﻧﺘﻮ ﺑﺲ ﺍﻟﻤﻔﺮﻭﺽ ﺗﺘﻜﻠﻤﻮﺍ ﻭﺍﻟﺒﺘﻘﻮﻟﻮﺍ

ﺍﻟﺤﻘﻴﻘﺔ ﺗﺴﻜﺘﻮﻧﺎ ﻏﺼﺐ ﺇﺗﻌﻮﺩﻧﺎ ﻋﻠﻲ ﻃﺮﻳﻘﺘﻜﻢ ﺩﻱ ..

ﺷﻬﺪ ﻣﺎ ﺇﻧﺘﻈﺮﺕ ﻭﻻ ﺛﺎﻧﻴﺔ ﻣﺸﺖ ﺗﺸﻮﻑ ﺭﻏﺪﺓ

ﻣﻦ ﻭﺷﻬﺎ ﻇﺎﻫﺮ ﺇﻧﻬﺎ ﻛﺎﻧﺖ ﺑﺘﺒﻜﻲ ﺭﻏﺪﺓ ﻗﺎﻟﺖ ﻟﻴﻬﺎ

- ﺷﻬﺪ ﻣﺎﻟﻚ ﻳﺎﺑﺖ ﻋﺎﻳﻨﻲ ﻟﻲ ﻓﻲ ﺷﻨﻮﻭﻭ ..

- ﻣﺎﻓﻲ ﺷﻲ .

- ﻧﺎﺱ ﺃﻣﻲ ﻟﺴﻪ ﻣﺎ ﺟﻮ ..

- ﻳﺎﺭﻳﺖ ﻟﻮ ﻣﺎ ﺟﻮ .

- ﻟﻴﻪ ﺑﺘﻘﻮﻟﻲ ﻛﺪﺓ ﻭﻳﻨﺄ ﻋﺎﻳﺰﺓ ﺃﺷﻮﻓﺎ ﻧﺎﺩﻳﺎ ﻟﻲ ..

ﻗﺒﻞ ﻣﺎ ﺗﺘﻢ ﻛﻼﻣﺎ ﺩﺧﻠﺖ ﺃﻣﻬﺎ ﻣﻌﺎﻫﺎ ﻳﺎﺳﺮ ﻭﺃﻳﻤﻦ

- ﺃﻣﻲ ..

- ﺑﻼ ﺃﻣﻲ ﻣﻌﺎﻙ ﻫﺴﻲ ﻓﻲ ﺩﺍﻋﻲ ﻟﻲ ﺩﺓ ﺃﻟﻒ ﻣﺮﺓ ﻗﻮﻟﺘﺎ ﻟﻴﻚ

ﺃﺧﻮﺍﻧﻚ ﺗﺴﻤﻌﻲ ﻛﻼﻣﻬﻢ ﺃﻃﻠﻊ ﻋﺸﺮﺓ ﺩﻗﺎﻳﻖ ﺗﺘﺸﺎﻛﻠﻲ ﻣﻌﺎﻭ ﻗﺪﺍﻡ

ﺍﻟﻀﻴﻒ ﻭﺑﻠﺒﺴﻚ ﺍﻟﺸﻴﻦ ﺩﺓ ﺃﻭﻝ ﻣﺎ ﺍﺭﺟﻊ ﺍﻟﺒﻴﺖ ﺑﺤﺮﻗﺎ ..

ﺷﻬﺪ ﻣﺎ ﻗﺪﺭﺕ ﺗﺴﺘﺤﻤﻞ ﻋﺎﺭﻓﺔ ﻟﻮ ﻗﻌﺪﺕ ﺍﻛﺘﺮ ﺑﺘﺨﺴﺮ ﺧﺎﻟﺘﺎ ﻃﻠﻌﺖ

ﻃﻮﺍﻟﻲ

ﺭﻏﺪﺓ ﻣﺎ ﻛﺎﻧﺖ ﻣﺘﺨﻴﻠﺔ ﺃﻣﻬﺎ ﻣﻤﻜﻦ ﺗﻘﻮﻝ ﺍﻟﻜﻼﻡ ﺩﺓ ﻭﻫﻲ ﻓﻲ ﺍﻟﻮﺿﻊ

ﺩﺓ ﺍﺗﻤﻨﺖ ﻟﻮ ﺍﻟﻀﺮﺑﺔ ﺩﻱ ﺟﺎﺑﺖ ﺃﺟﻼ ﻭﺧﻠﺼﺘﻬﻢ ﻣﻨﻬﺎ ﻗﺸﺖ ﺩﻣﻮﻋﺎ

ﺑﺴﺮﻋﺔ ﻗﺎﻟﺖ ﻟﻴﻬﺎ

- ﺃﻣﻲ ﺃﻧﺎ ﺍﺳﻔﺔ ﺑﺠﺪ ﺯﻱ ﻛﻞ ﻣﺮﺓ ﺑﻄﻠﻊ ﺃﻧﺎ ﺍﻟﻐﻠﻄﺎﻧﺔ ﺑﺲ ﻳﺎﺭﻳﺖ ﻟﻮ

ﻣﺮﺓ ﺍﺩﻳﺘﻴﻨﻲ ﺣﻖ ﺃﺩﺍﻓﻊ ﻋﻦ ﻧﻔﺴﻲ ﻭﺃﻗﻮﻝ ﻟﻴﻚ ﺍﻟﺤﺼﻞ ..

- ﻣﺎﺷﺔ ﺃﺷﻮﻑ ﺍﻟﺪﻛﺘﻮﺭ ﺑﻌﺪ ﻧﺮﺟﻊ ﺍﻟﺒﻴﺖ ﻗﻮﻟﻲ ﺍﻟﻌﻨﺪﻙ ..

ﺑﻌﺪ ﻣﺎ ﻃﻠﻌﻮﺍ ﺷﻬﺪ ﺟﺎﺕ ﺭﺍﺟﻌﺔ ﻟﻘﺘﺎ ﻗﺎﻋﺪﺓ ﺗﺒﻜﻲ ﻗﺎﻟﺖ ﻟﻴﻬﺎ

- ﻳﺎﺑﺖ ﻣﺎ ﺗﺒﻜﻲ ﻳﺎﺥ ﺍﻟﻀﺮﺑﺔ ﺩﻱ ﺑﺘﺎﻟﻤﻚ ﺯﻳﺎﺩﺓ

- ﻳﺎﺭﻳﺖ ﻟﻮ ﻣﺘﺎ ﺃﻧﺎ ﺃﻗﻠﻮ ﻳﺮﺗﺎﺣﻮﺍ ﻣﻨﻲ ..

- ﺭﻏﺪﺓ ﺩﺓ ﻛﻼﻡ ﺷﻨﻮ ﻛﺪﻱ ﻫﺴﻲ ﺣﺎﻭﻟﻲ ﻧﻮﻣﻲ ﻋﻠﻲ ﻓﻜﺮﺓ ﺳﻴﻒ

ﺑﺴﻠﻢ ﻋﻠﻴﻚ ﺩﻳﻞ ﻟﻮ ﻃﻠﻌﻮ ﺑﺠﻲ ﺭﺍﺟﻊ .

- ﺑﺠﻲ ﺭﺍﺟﻊ ﻫﻮ ﻛﺎﻥ ﻫﻨﺎ ..

- ﺃﻱ ﻭﺍﻟﻠﻪ ﻟﻮ ﻻ ﻫﻮ ﻛﻨﺖ ﺟﻨﻴﺖ ﻟﻮ ﺷﻮﻓﺘﻲ ﺍﻟﻤﺠﻨﻮﻥ ﺧﺎﻑ ﻋﻠﻴﻚ

ﺷﺪﻳﺪ ﺑﺒﻜﻲ ﺑﺪﻣﻮﻋﻮﺍ ﻗﺎﻝ ﺇﻻ ﻳﻔﺘﺢ ﺑﻼﻍ .

- ﺑﻼﻍ ﺷﻨﻮ ﻃﻠﻊ ﻟﻲ ﻣﻦ ﻭﻳﻦ ﺍﻟﻤﺠﻨﻮﻥ ﺩﺓ ﻛﻤﺎﻥ ﺩﺍﻳﺮ ﻳﺰﻳﺪ ﺍﻟﻤﺸﻜﻠﺔ

ﺍﻛﺘﺮ ....

ﻭﻫﻲ ﺑﺘﺘﻜﻠﻢ ﺳﻤﻌﻮﺍ ﺟﻮﻃﺔ ﻗﺮﻳﺐ ﻟﻠﻐﺮﻓﺔ ﺻﻮﺕ ﻳﺎﺳﺮ ﻭﺍﺿﺢ

ﺷﻬﺪ ﻃﻠﻌﺖ ﺗﺸﻮﻑ ﺍﻟﺤﺎﺻﻞ

ﺍﺗﺠﻤﺪﺕ ﻣﻜﺎﻧﺎ ﻟﻤﺎ ﺷﺎﻓﺖ ﺳﻴﻒ ﻭﺍﻗﻒ ﻣﻌﺎﻭ ﺍﻟﻌﺴﻜﺮﻱ

يتبع....

#هروب
بقلم: نسرين محمد

الجزء 06

ﻋﺪﺕ ﺩﻗﻴﻘﺘﻴﻦ ﻣﻦ ﻣﺎ ﻣﺮﻗﺖ ﺷﻬﺪ ﻭﺍﻟﺠﻮﻃﺔ ﺯﺍﻳﺪﺓ

ﺑﻴﻦ ﺭﻓﺾ ﺍﻡ ﺭﻏﺪﺓ ﻭﺇﺻﺮﺍﺭ ﺍﻟﻌﺴﻜﺮﻱ ﻻﺯﻡ ﻳﺎﺳﺮ ﻳﻤﺸﻲ ﻣﻌﺎﻫﻮ

ﻭﻓﻲ ﺍﻟﻄﺮﻑ ﺍﻟﺘﺎﻧﻲ ﺃﻳﻤﻦ ﻣﺎﺳﻚ ﻓﻲ ﺳﻴﻒ ﻣﻦ ﻟﻴﺎﻗﺔ ﻗﻤﻴﺼﻮ ﻋﺎﻳﺰ

ﻳﻀﺮﺑﻮ ﻧﺴﻮﺍ ﺍﻧﻬﻢ ﻓﻲ ﺍﻟﻤﺴﺘﺸﻔﻰ .

ﺷﻬﺪ ﻟﺴﻪ ﻭﺍﻗﻔﺔ ﻓﻲ ﻣﻜﺎﻧﺎ ﺑﺘﻌﺎﻳﻦ ﻟﻴﻬﻢ ﻣﺎ ﻋﺎﺭﻓﺔ ﺗﺘﺼﺮﻑ ﻛﻴﻒ

ﺑﻘﺖ ﺗﺪﻋﻲ ﺭﺑﻨﺎ ﺗﺘﺤﻼ ﺍﻟﻤﺸﻜﻠﺔ ﻗﺒﻞ ﻣﺎ ﺭﻏﺪ ﺗﺴﻤﻌﻬﻢ .. ﻭﻗﺘﻬﺎ

ﺇﺗﺬﻛﺮﺕ ﺧﺎﻻ ﻋﻮﺽ ﻣﺴﺆﻭﻝ ﻋﻦ ﻗﺴﻢ ﺍﻟﺸﺮﻃﺔ ﻗﺎﻟﺖ ﺇﻛﻴﺪ ﻟﻮ ﺇﺗﻜﻠﻢ

ﻣﻊ ﺍﻟﻌﺴﻜﺮﻱ ﻣﻤﻜﻦ ﻳﻘﻔﻞ ﺍﻟﻤﻮﺿﻮﻉ

ﻣﺸﺖ ﺑﻌﻴﺪ ﻣﻨﻬﻢ ﺑﺨﻄﻮﺍﺕ ﺇﺗﺼﻠﺖ ﻋﻠﻴﻪ ﺣﻜﺖ ﻟﻴﻪ ﻛﻞ ﺷﻲ

ﺑﻌﺪﻫﺎ ﻃﻠﺐ ﻣﻨﻬﺎ ﺗﺪﻳﻬﻮ ﺍﻟﻌﺴﻜﺮﻱ ﻳﺘﻜﻠﻢ ﻣﻌﺎﻭ

ﺃﻗﻞ ﻣﻦ ﺩﻗﻴﻘﻪ ﻗﻔﻞ ﻣﻨﻮ ﺇﻋﺘﺬﺭ ﻣﻨﻬﻢ ﻭﻃﻠﻊ .

ﻳﺎﺳﺮ ﻭﺃﻳﻤﻦ ﻗﺒﻠﻮﺍ ﻋﻠﻲ ﺳﻴﻒ ﻣﻦ ﺗﺎﻧﻲ

ﺷﻬﺪ ﻣﺎ ﺳﺄﻟﺘﻬﻢ

ﺭﺟﻌﺖ ﺗﺸﻮﻑ ﺭﻏﺪﺓ ﺍﻟﺤﺎﺻﻞ ﻋﻠﻴﻪ ﺷﻨﻮﻭﻭﻭﻭﻭ ..

ﺩﺧﻠﺖ ﺍﻟﻐﺮﻓﺔ ﻟﻘﺖ ﺍﻟﺴﺮﻳﺮ ﻓﺎﺿﻲ ﻣﺎﻓﻲ ﺃﺛﺮ ﻟﻲ ﺭﻏﺪﺓ

ﺍﻟﻄﺮﺣﺔ ﺍﻟﻤﻌﻠﻘﺔ ﻣﺎ ﻟﻘﺘﺎ ﻭﻻ ﺍﻟﺘﻠﻔﻮﻥ ﺧﺎﻓﺖ ﺷﺪﻳﺪ

ﻃﻠﻌﺖ ﺟﺎﺭﻳﺔ ﻭﻫﻲ ﺑﺘﻘﻮﻝ

- ﺧﺎﻟﺘﻲ ﺍﻟﻠﺤﻘﻲ ﺭﻏﺪﺓ ﻣﺎﻓﻲ ﻓﻲ ﺍﻟﻐﺮﻓﺔ ﻓﺘﺸﺖ ﻋﻠﻴﻬﺎ ﻓﻲ ﺍﻟﻐﺮﻑ

ﺍﻟﻘﺮﻳﺒﺔ ﻣﻨﻬﺎ ﺑﺮﺿﻮ ﻣﺎ ﻟﻴﻘﺘﺎ .

- ﺷﻨﻮ ؟ ﻛﻴﻒ ﻳﻌﻨﻲ ﻣﺎﻓﻲ ﻃﺎﺭﺕ ﻭﻳﻦ ﺗﺎﻧﻲ ﻛﻤﺎﻥ .

- ﺩﺓ ﻣﺎ ﻭﻗﺖ ﺍﻷﺳﺌﻠﺔ ﻳﺎﺳﺮ ﻭﺃﻳﻤﻦ ﺍﻣﺸﻮﺍ ﻋﻠﻲ ﺍﻟﺒﺎﺏ ﺍﻟﻘﺎﺩﻡ ﺃﻧﺎ

ﻭﺳﻴﻒ ﻋﻠﻲ ﺍﻟﺒﺎﺏ ﺍﻟﺘﺄﻧﻲ ﻭﺍﻧﺘﻲ ﻳﺎﺧﺎﻟﺘﻲ ﺷﻮﻓﻲ ﻓﻲ ﺑﻘﻴﺔ ﺍﻟﻐﺮﻑ

....

ﺭﻏﺪﺓ ﺇﺧﺘﻔﺖ ﻧﻬﺎﺋﻲ ﻓﻲ ﺩﻗﺎﻳﻖ ﻓﺘﺸﻮﺃ ﻋﻠﻴﻬﺎ ﻓﻲ ﺍﻟﻤﺴﺘﺸﻔﻰ

ﻭﺍﻻﻣﻜﺎﻥ ﺍﻟﻘﺮﻳﺒﺔ ﻣﻨﻬﺎ ﻣﺎ ﻟﻴﻬﺎ ﺃﺛﺮ .

ﺳﻴﻒ ﻃﻮﻝ ﺍﻟﻮﻗﺖ ﺑﺮﺩﺩ ... ﻭﺍﻟﻠﻪ ﻣﺎ ﺗﺘﻠﻘﻲ ﺭﻏﺪﺓ ﻟﻮ ﻣﺎ ﻧﺪﻣﺘﻚ

ﻳﺎﺯﻓﺖ ﺇﻥ ﺷﺎﺀﺍﻟﻠﻪ ﻣﺎ ﺍﺧﻮﻱ ﻣﻌﻘﻮﻟﺔ ﻓﻲ ﺍﺥ ﺑﺘﻌﺎﻣﻞ ﻣﻊ ﺍﺧﺘﻮ ﻛﺪﺓ

...

ﺷﻬﺪ ﺯﻫﺠﺖ ﻣﻨﻮ ﺷﺪﻳﺪ ﻭﻗﻔﺖ ﻗﺪﺍﻣﻮ ﻭﻫﻲ ﺑﺘﻘﻮﻝ .

- ﻛﻠﻮﺍ ﻣﻨﻚ ﺍﻛﻴﺪ ﺭﻏﺪﺓ ﺑﺘﻜﻮﻥ ﺷﺎﻓﺖ ﺍﻟﺤﺼﻞ ﻗﺒﻞ ﺷﻮﻳﺔ ﻭﺧﺎﻓﺖ

ﻣﻦ ﺍﻟﻨﺘﻴﺠﻪ ﻗﻮﻟﺘﺎ ﻟﻴﻚ ﻣﺎ ﺗﻔﺘﺢ ﺑﻼﻍ ﺍﻟﻨﺎﺱ ﺩﻳﻞ ﻣﺎ ﺑﺘﻌﺮﻓﻬﻢ ..

- ﺷﻬﺪ ﺃﻧﺎ ﺍﺳﻒ ﻭﺍﻟﻠﻪ ﻣﺎ ﻛﻨﺖ ﻣﺘﻮﻗﻊ ﺗﺼﻞ ﺍﻷﻣﻮﺭ ﻟﻠﺪﺭﺟﺔ ﺩﻱ ..

- ﺍﺳﻒ ﻭﺡ ﻳﻔﻴﺪ ﺍﺳﻔﻚ ﺑﺸﻨﻮ ﺑﺮﺟﻊ ﺭﻏﺪﺓ ﻭﻛﻞ ﺷﻲ ﺯﻱ ﻣﺎ ﻛﺎﻥ .

- ﺷﻬﺪ ﺃﻓﻬﻤﻴﻨﻲ ﺃﻧﺎ ﺑﺤﺒﻬﺎ ﻭﻣﺎ ﻗﺪﺭﺕ ﺍﺳﺘﺤﻤﻞ ﻟﻤﺎ ﺷﻮﻓﺘﺎ ﻛﺄﻥ ﻻﺯﻡ

ﺍﺧﺎﺩ ﻟﻴﻬﺎ ﺣﻘﻬﺎ ﺑﺎﻟﻘﺎﻧﻮﻥ ..

- ﺍﻫﻮ ﻧﻔﻌﻚ ﺍﻟﻘﺎﻧﻮﻥ ﺻﺎﺡ ﻳﺎ ﺭﻭﻣﻴﻮ ﻗﻮﻡ ﻧﺮﺟﻊ ﻟﻨﺎﺱ ﺧﺎﻟﺘﻲ ﻳﻤﻜﻦ

ﻋﺮﻓﻮﺍ ﻣﻜﺎﻧﺎ ....

ﺣﺎﺟﺎﺕ ﺻﻐﻴﺮﺓ ﺑﺘﺤﺼﻞ ﻣﻤﻜﻦ ﺗﻐﻴﺮ ﺣﻴﺎﺓ ﺍﻷﻧﺴﺎﻥ ﻟﻼﺑﺪ ﻧﻔﺲ

ﺍﻟﺤﺎﺟﺎﺕ ﺍﻟﺼﻐﻴﺮﺓ ﺩﻱ ﺑﺘﻜﺒﺮ ﻣﻊ ﺍﻻﻳﺎﻡ ﻭ ﺇﺗﺮﺍﻛﻤﺖ ﻋﻠﻲ ﺭﻏﺪﺓ

ﺧﻼﻫﺎ ﺗﻔﻜﺮ ﺗﺘﺨﻠﻲ ﻣﻦ ﻛﻞ ﺷﻲ ﺗﻤﺸﻲ ﻟﻤﺼﻴﺮ ﻣﺠﻬﻮﻝ ﻣﺎ ﺑﺘﻌﺮﻑ

ﺍﻟﺮﺍﺟﻴﻬﺎ ﻫﻨﺎﻙ ﺷﻨﻮﻭﻭ ....

يتبع....

#هروب
بقلم: نسرين محمد

الجزء 07

ﻋﺪﺍ ﻳﻮﻣﻴﻦ ﻋﻠﻲ ﺇﺧﺘﻔﺎﺀ ﺭﻏﺪﺓ

ﺷﻬﺪ ﻭﺳﻴﻒ ﻣﺎ ﺧﻠﻮ ﻣﻜﺎﻥ ﻗﺮﻳﺐ ﻟﻠﻤﺴﺘﺸﻔﻲ ﻣﺎ ﻓﺘﺸﻮﺍ ﻓﻴﻬﻮ ﺑﺬﻟﻮﺍ

ﺟﻬﺪﻫﻢ ﻋﺸﺎﻥ ﻳﻠﻘﻮﻫﺎ ...

ﻳﺎﺳﺮ ﻣﺎ ﻗﻌﺪ ﻓﻲ ﺍﻟﺒﻴﺖ ﻧﻬﺎﺋﻲ ﻣﻦ ﻭﻗﺖ ﺇﺧﺘﻔﺖ ﺭﻏﺪﺓ ﺍﻟﻴﻮﻡ ﻛﻠﻮ

ﺑﻠﻒ ﻓﻲ ﺍﻟﺸﻮﺍﺭﻉ ﻳﻤﻜﻦ ﻳﻠﻘﻲ ﺧﺒﺮ ﻳﻮﺻﻠﻮ ﻟﻴﻬﺎ ﺑﺴﺃﻝ ﻛﻞ ﺯﻭﻝ

ﻳﻼﻗﻴﻬﻮ ﻓﻲ ﺍﻟﻄﺮﻳﻖ

ﻟﻤﻦ ﻳﺄﺱ ﻛﻞ ﺗﻔﻜﻴﺮﻭ ﻣﻊ ﺭﻏﺪﺓ ﻫﻲ ﻭﻳﻦ ﻭﺍﻟﺤﺼﻞ ﻟﻴﻬﺎ ﺷﻨﻮﻭ ﻗﻌﺪ

ﻓﻲ ﺍﻻﺭﺽ ﺧﺎﺗﻲ ﻳﺪﻳﻨﻮ ﻓﻲ ﺭﺍﺳﻮ ﺿﻤﻴﺮﻭ ﻣﺎﻧﺒﺆ ﻋﻠﻲ ﺍﻟﻌﻤﻠﻮ ﻓﻲ

ﺭﻏﺪ ﺣﺴ ﺑﺎﻟﻨﺪﻡ ﻋﺮﻑ ﻧﻔﺴﻮ ﻏﻠﻂ ﻓﻲ ﺣﻖ ﺃﺧﺘﻮ ﻭﻗﺘﻬﺎ ﺇﺗﺼﻠﺖ

ﻋﻠﻴﻪ ﺍﻣﻮ ﻗﺎﻟﺖ ﻟﻴﻮ ﻳﺠﻲ ﺭﺍﺟﻊ ﺍﻟﺒﻴﺖ ﻳﻔﻜﺮﻭﺍ ﻳﺘﺼﺮﻓﻮﺍ ﻛﻴﻒ ..

ﻋﺸﺮﻳﻦ ﺩﻗﻴﻘﺔ ﻳﺎﺳﺮ ﻭﺻﻞ ﺍﻟﺒﻴﺖ ﺍﻣﻮ ﻗﺎﻋﺪﺓ ﻣﻘﻠﻘﺔ ﻭﺧﺎﻳﻔﺔ ﺗﻮﺻﻞ

ﺍﻟﺨﺒﺮ ﺩﺓ ﻻﺑﻮ ﺭﻏﺪﺓ ﻭﺍﻷﻫﻞ ﻛﻴﻒ

ﺟﺎ ﻗﻌﺪ ﺟﻤﺒﻬﺎ ﻓﻲ ﺍﻟﺴﺮﻳﺮ ﻭﻫﻮ ﺑﻘﻮﻝ

- ﺃﻣﻲ ﺍﻟﺤﻞ ﺷﻨﻮ ﺃﻧﺎ ﺧﻼﺹ ﻓﻘﺪﺗﺄ ﺍﻷﻣﻞ ﻭﻣﺄ ﻋﺎﺭﻑ ﺃﻋﻤﻞ ﺷﻨﻮ ..

- ﻗﻮﻡ ﺍﺭﺡ ..

- ﻭﻳﻦ ﻳﺎ ﺃﻣﻲ ﺍﻟﻤﻐﺮﺏ ﻗﺮﺏ ﻳﺄﺫﻥ

- ﻧﻤﺸﻲ ﻟﺨﺎﻟﻚ ﻓﻲ ﺍﻟﺒﻴﺖ ﺍﻛﻴﺪ ﺑﻘﺪﺭ ﻳﺴﺎﻋﺪﻧﺎ ﺑﺪﻭﻥ ﻣﺎ ﻳﻌﺮﻑ ﺯﻭﻝ

..

- ﺇﻧﺘﻲ ﻟﺴﻪ ﻣﺼﺮﺍ ﻣﺎﻓﻲ ﺯﻭﻝ ﻳﻌﺮﻑ ﺍﺑﻮﻱ ﻛﻞ ﺳﺎﻋﺔ ﺑﺘﺼﻞ ﻋﻠﻲ

ﺑﻘﻮﻝ ﺩﺍﻳﺮﺓ ﺭﻏﺪﺓ ﻭﺯﻫﺠﺖ ﻣﻦ ﺍﻧﻲ ﺍﻛﺬﺏ ﻋﻠﻴﻪ ..

- ﺩﺍﻳﺮ ﺗﺨﺮﺏ ﺑﻴﺘﻲ ﺍﻭﻋﻚ ﺗﻘﻮﻝ ﺍﻷﺑﻮﻙ ..

- ﺑﻴﺖ ﻗﺮﻭﺵ ﺍﻷﻫﻞ ﻭﻭﻭﻭﻭﻭ ﻟﻤﺘﻴﻦ ﻧﺤﻨﺄ ﺡ ﻧﻔﻀﻞ ﻛﺪﺓ ...

- ﺃﺳﻜﺖ ﻳﺎ ﻭﻟﺪ ﻭﻗﻮﻡ ....

ﻳﺎﺳﺮ ﻋﺎﺭﻑ ﻧﻬﺎﻳﺔ ﺍﻟﻤﻮﺿﻮﻉ ﺷﻨﻮ ﻟﻮ ﻣﺎ ﺳﻜﺖ ﺷﺎﻝ ﺍﻟﻤﻔﺘﺎﺡ ﻣﻨﻬﺎ

ﻋﺸﺎﻥ ﻳﺴﻮﻕ .. ﻣﺎ ﻛﺎﻧﻮﺍ ﻋﺎﺭﻓﻴﻦ ﺷﻬﺪ ﻣﻦ ﺍﻟﺼﺒﺎﺡ ﻣﺸﺖ ﻟﺨﺎﻻ ﻫﻲ

ﻭﺳﻴﻒ ﺍﺗﻜﻠﻤﻮﺍ ﻣﻌﺎﻭ ﻋﺸﺎﻥ ﻳﺒﺪﺃ ﺍﺟﺮﺍﺀﺍﺕ ﺍﻟﺒﺤﺚ ﻋﻠﻲ ﺭﻏﺪﺓ ﻳﻤﻜﻦ

ﺗﺘﻠﻘﻲ ...

ﻧﺮﺟﻊ ﻟﺮﻏﺪﺓ ﻣﻦ ﻃﻠﻌﺖ ﻣﻦ ﺍﻟﻤﺴﺘﺸﻔﻰ ..

ﻟﻤﺎ ﺷﺎﻓﺖ ﺍﻟﻌﺴﻜﺮﻱ ﻭﺍﻗﻒ ﺧﺎﻓﺖ ﺷﺪﻳﺪ

ﻭ ﻃﺮﻳﻘﺔ ﺗﻌﺎﻣﻞ ﺍﻳﻤﻦ ﻣﻊ ﺳﻴﻒ ﻣﺎ ﻛﺎﻧﺖ ﻣﺒﺸﺮﺓ ﻟﺨﻴﺮ ﻗﺎﻟﺖ ﺃﺣﺴﻦ

ﺗﻤﺸﻲ ﻣﻨﻬﻢ ﻧﻬﺎﺋﻲ

ﻃﻠﻌﺖ ﻣﻦ ﺍﻟﻤﺴﺘﺸﻔﻰ ﺑﺎﻟﺒﺎﺏ ﺍﻟﺘﺄﻧﻲ ﻭﻫﻲ

ﻣﺎﺷﺔ ﻓﻲ ﺍﻟﺸﺎﺭﻉ ﺳﺎﻋﺔ ﻣﺎ ﻋﺎﺭﻓﺔ ﺭﻭﺣﺎ ﻣﺘﺠﻬﺎ ﻭﻳﻦ ﻭﻻ ﺗﻌﻤﻞ ﺷﻨﻮ

ﻛﻞ ﺗﻔﻜﻴﺮﺍ ﻛﻴﻒ ﺗﺘﺨﻠﺺ ﻣﻦ ﺍﻟﻤﺸﺎﻛﻞ ﺩﻱ ﻟﻤﻦ ﻗﺮﺏ ﺍﻟﻤﻐﺮﺏ ﻳﺄﺫﻥ ..

ﻓﺘﺤﺖ ﺗﻠﻔﻮﻧﺎ ﻋﺸﺎﻥ ﺗﺮﺳﻞ ﺭﺳﺎﻟﺔ ﻟﺸﻬﺪ ﺗﻄﻤﻨﺎ ﻋﻠﻴﻬﺎ ﻭﻗﺘﻬﺎ ﻭﻗﺖ

ﻓﻲ ﺍﻷﺭﺽ ﺃﻏﻤﻲ ﻋﻠﻴﻬﺎ .

ﻓﻲ ﻧﻔﺲ ﺍﻟﻠﺤﻈﺔ ﺟﺎ ﻣﺎﺭﻱ ﺍﻟﺒﺎﺷﻬﻨﺪﺱ ( ﺇﻳﻬﺎﺏ ) ﺑﻌﺮﺑﻴﺘﻮ ﻓﻲ

ﻧﻔﺲ ﺍﻟﻄﺮﻳﻖ .. ﺡ ﺍﻋﺮﻓﻜﻢ ﻋﻠﻴﻪ ﻓﻲ ﺍﻟﺤﻠﻘﺔ ﺍﻟﻘﺎﺩﻣﺔ .. ﺍﻟﻤﻬﻢ ﺇﻳﻬﺎﺏ

ﻧﺰﻝ ﻣﻦ ﻋﺮﺑﻴﺘﻮ ﺑﺴﺮﻋﺔ ﺭﺍﻓﻌﺎ ﻓﻲ ﺍﻟﻌﺮﺑﻴﺔ ﻓﻜﺮ ﻳﻮﺩﻳﻬﺎ ﺍﻟﻤﺴﺘﺸﻔﻰ

ﻟﻜﻦ ﻟﻤﺎ ﺷﺎﻑ ﺍﻟﺠﺮﺡ ﺃﻟﻔﻲ ﺭﺃﺳﺎ ﺧﺎﻑ ﻳﺪﺧﻞ ﻓﻲ ﻣﻮﺍﺿﻴﻊ ﻻﻧﻮ ﻣﺎ

ﻋﺎﺭﻑ ﺍﻟﺤﺎﺻﻞ ﻣﻌﺎﻫﺎ ﺷﻨﻮ ﻗﺒﻞ ﻣﺎ ﻳﻠﻘﺎﻫﺎ ﻭﺻﻞ ﺍﻟﺒﻴﺖ ﻃﻠﺐ ﻣﻦ

ﺍﻣﻮ ( ﺻﻔﻴﺔ ) ﺗﺎﺧﺪ ﺑﺎﻻ ﻣﻦ ﺍﻟﺒﺖ ﻟﻤﺎ ﻳﺸﻮﻑ ﻳﺘﺼﺮﻑ ﻛﻴﻒ ..

ﺑﻌﺪﻫﺎ

ﺍﺗﺼﻞ ﻋﻠﻲ ﺻﺪﻳﻘﻮ ﺃﻧﺲ ﺩﻛﺘﻮﺭ ﻗﺎﻝ ﻟﻴﻪ ﻳﺠﻲ ﺍﻟﺒﻴﺖ ﺿﺮﻭﺭﻱ ..

يتبع....

#هروب
بقلم: نسرين محمد

الجزء 08

ﺍﻟﺪﻛﺘﻮﺭ ﺃﻧﺲ ﻛﺎﻥ ﻗﺮﻳﺐ ﻟﺒﻴﺖ ﻧﺎﺱ ﺇﻳﻬﺎﺏ ﺃﻗﻞ ﻣﻦ ﻧﺼﻒ ﺳﺎﻋﺔ

ﻭﺻﻞ ﻛﺸﻒ ﻋﻠﻲ ﺭﻏﺪﺓ ﺣﺎﻟﺘﺎ ﺑﺘﻄﻠﺐ ﻳﻨﻘﻠﻮﻫﺎ ﺍﻟﻤﺴﺘﺸﻔﻲ

ﻗﺎﻝ ﻹﻳﻬﺎﺏ

- ﺇﻳﻬﺎﺏ ﺍﻟﺒﺖ ﺍﻟﻤﻔﺮﻭﺽ ﺗﻜﻮﻥ ﻓﻲ ﺍﻟﻤﺴﺘﺸﻔﻰ ﻣﻦ ﺑﺪﺭﻱ ..

- ﺃﻧﺲ ﺇﺗﺼﺮﻑ ﻫﻨﺎ ﻋﻠﻴﻚ ﺍﻟﻠﻪ ﺃﻧﺎ ﺍﻟﺒﺖ ﺩﻱ ﻟﻴﻘﺘﺎ ﻓﻲ ﺍﻟﺸﺎﺭﻉ ﻭﻣﺎ

ﺑﻌﺮﻑ ﻋﻨﻬﺎ ﺷﻲ ﻛﺪﺓ ﺡ ﺍﺧﺶ ﻓﻲ ﺍﻟﺴﻴﻦ ﻭﺟﻴﻢ ..

- ﺷﻜﻠﻬﺎ ﻛﺎﻧﺖ ﻣﻀﺮﻭﺑﺔ ﺗﺎﻧﻲ ﺍﺗﻀﺮﺑﺖ ﻣﻜﺎﻥ ﺍﻟﺠﺮﺡ ﻣﺎﻓﻲ ﺣﻞ ﻏﻴﺮ

ﻧﻤﺸﻲ ﻫﺴﻲ ﺍﻟﻤﺴﺘﺸﻔﻰ ﻭﺇﻻ ﻣﺎ ﺑﻌﺮﻑ ﺍﻟﻤﻤﻜﻦ ﻳﺤﺼﻞ ﻟﻴﻬﺎ ﺷﻨﻮ

ﻓﻲ ﺍﻟﺴﺎﻋﺎﺕ ﺍﻟﺠﺎﻳﺔ ﻣﺎ ﺍﻛﺬﺏ ﻋﻠﻴﻚ ﻭﺍﻟﺤﻤﺔ ﻣﺎﺷﺔ ﺗﺰﻳﺪ ..

ﺇﻳﻬﺎﺏ ﻳﻘﻮﻡ ﻳﻘﻌﺪ ﺷﻮﻳﺔ ﺗﺎﻧﻲ ﻳﻠﻒ ﻓﻲ ﺍﻟﻐﺮﻓﺔ ﻣﺤﺘﺎﺭ ﺑﻔﻜﺮ ﻳﻄﻠﻊ

ﻣﻦ ﺍﻟﻮﺭﻃﺔ ﺩﻱ ﻛﻴﻒ ﺍﻣﻮ ﻭﻗﻔﺖ ﻗﺪﺍﻣﻮ ﻗﺎﻟﺖ

- ﺃﻧﺖ ﻟﺴﻪ ﻭﺍﻗﻒ ﺍﻟﻤﻮﺿﻮﻉ ﻣﺎ ﺩﺍﻳﺮ ﺗﻔﻜﻴﺮ ﺩﻱ ﺭﻭﺡ ﺇﻧﺴﺎﻥ ﻻﺯﻡ

ﻧﻨﻘﺬﻫﺎ ﻭﺑﻌﺪﻫﺎ ﺭﺑﻨﺎ ﻳﺴﻬﻞ ﻭﺇﻥ ﺷﺎﺀﺍﻟﻠﻪ ﻣﺎ ﺑﺠﻴﻚ ﺷﻲ ﺇﻳﻬﺎﺏ .

- ﺑﺲ ﻳﺎ ﺃﻣﻲ ..

ﺍﻣﻮ ﻋﺎﻳﺰﺓ ﺗﺮﺩ ﻗﺎﻡ

ﺃﻧﺲ ﻣﺸﻲ ﻋﻠﻲ ﺍﺗﺠﺎﻩ ﺇﻳﻬﺎﺏ ﺧﺘﺎ ﻳﺪﻭ ﻓﻲ ﻛﺘﻔﻮ ﻗﺎﻝ ..

- ﻣﺘﺨﺎﻑ ﺧﻠﻲ ﺍﻟﺤﻜﺎﻳﺔ ﺩﻱ ﻋﻠﻲ ﺑﺘﺼﺮﻑ ﺑﺲ ﺧﻠﻴﻨﺎ ﻫﺴﻲ ﻧﻠﺤﻖ

ﺍﻟﺒﺖ ﻗﺒﻞ ﻣﺎ ﺗﻤﻮﺕ ﻟﻴﻚ ﺗﺒﻘﻲ ﻛﺎﺭﺛﺔ ...

ﺇﻳﻬﺎﺏ ﻣﻦ ﺳﻤﻊ ﻛﻼﻡ ﺃﻧﺲ ﺑﻘﻲ ﺑﺮﺣﻒ ﺭﻓﻊ ﺭﻏﺪﺓ ﺑﺴﺮﻋﺔ ﻟﻠﻌﺮﺑﻴﺔ

ﺍﻣﻮ ﺭﻛﺒﺖ ﺃﻭﻻ ﻋﺸﺎﻥ ﺭﺍﺱ ﺭﻏﺪﺓ ﻳﻜﻮﻥ ﻓﻲ ﻓﻴﻬﺎ ﺧﻮﻓﺎ ﻣﻦ ﻫﺰﺓ

ﺍﻟﻌﺮﺑﻴﺔ ﺗﺰﻳﺪ ﻋﻠﻴﻬﺎ ..

ﻃﻮﻝ ﺍﻟﻄﺮﻳﻖ ﺑﺘﺪﻋﻲ ﺭﺑﻨﺎ ﻳﺸﻔﻲ ﺭﻏﺪﺓ ﻣﻊ ﺇﻧﻬﺎ ﻣﺎ ﺑﺘﻌﺮﻓﺎ ﺑﺲ ﻛﻞ

ﻣﺎ ﺗﻌﺎﻳﻦ ﻓﻲ ﻭﺵ ﺭﻏﺪﺓ ﺑﺘﺒﻜﻲ

ﺃﻧﺲ ﻣﻦ ﻃﻠﻌﻮﺍ ﻣﻦ ﺍﻟﺒﻴﺖ ﺃﺩﺍﻩ ﺧﺒﺮ ﻟﻠﻤﺴﺘﺸﻔﻲ ﻫﻮ ﺟﺎﻱ ﻭﻣﻌﺎﻩ

ﺣﺎﻟﺔ ﻣﺴﺘﻌﺠﻠﺔ .

ﺩﺓ ﺳﺎﻋﺪﻫﻢ ﻣﻦ ﻭﺻﻠﻮﺍ ﻟﻘﻮ ﻏﺮﻓﺔ ﺟﺎﻫﺰﺓ ﻟﻌﻤﻠﻴﺔ ﺻﻔﻴﺮﺓ

ﺇﻳﻬﺎﺏ ﻭﺍﻣﻮ ﻗﺎﻋﺪﻳﻦ ﺑﻔﺎﺭﻍ ﺍﻟﺼﺒﺮ ﻣﺘﻴﻦ ﻳﻄﻠﻊ ﺃﻧﺲ ﻳﻄﻤﻨﻢ ﻋﻠﻴﻬﺎ ..

ﺇﻳﻬﺎﺏ ﻛﻞ ﻣﺎ ﻳﻌﺎﻳﻦ ﻷﻣﻮ ﻳﻠﻘﻲ ﺩﻣﻮﻋﺎ ﺟﺎﺭﻳﺔ ﺍﺍﺗﺤﻮﻝ ﻣﻦ ﻣﻜﺎﻧﻮﺃ ﺟﺎ

ﻗﻌﺪ ﺟﻤﺒﻬﺎ . ﻗﺎﻝ ﻟﻴﻬﺎ

- ﺃﻣﻲ ﻛﺎﻥ ﺳﺎﻟﺘﻚ ﺑﺘﺒﻜﻲ ﻟﻴﻪ ﺍﻟﺒﺖ ﺩﻱ ﻗﺒﻞ ﺳﺎﻋﺔ ﻣﺎ ﻛﻨﺘﻲ

ﺑﺘﻌﺮﻓﻴﻬﺎ ..

- ﺩﻱ ﺣﺎﺟﺔ ﻣﺎ ﺑﺘﻔﻬﻤﺎ ﺃﻧﺖ ﺑﺒﻜﻲ ﻋﻠﻲ ﻗﻠﺐ ﺃﻣﻬﺎ ﺑﻜﻮﻥ ﺍﺗﺸﻖ ﻣﻦ

ﺍﻟﺤﺰﻥ ﻋﻠﻴﻬﺎ ﻣﺎ ﻣﻌﺮﻭﻑ ﺍﻟﺤﺎﺻﻞ ﻋﻠﻴﻬﺎ ﺷﻨﻮ ﻭﺑﺘﻬﺎ ﺑﻌﻴﺪﺓ ﻣﻨﻬﺎ ..

- ﺇﺗﻠﻘﻲ ﻫﺴﻲ ﻫﻲ ﺳﺒﺐ ﻣﺮﻗﺘﺎ ﺩﻱ ﺑﺘﺒﻜﻲ ﺳﺎﻱ ﺃﻣﻲ ﺍﻟﻄﻴﺒﺔ ﺍﻟﻔﻴﻚ

ﺩﻱ ﺏﺘﺨﻠﻴﻚ ﺗﺸﻮﻑ ﺍﻟﺒﺸﺮ ﺩﻳﻞ ﻣﻼﺋﻜﺔ ﻭﺍﻧﺘﻲ ﻣﺎ ﻋﺎﺭﻓﺔ ﺷﻲ ..

- ﻛﺪﻱ ﺧﻠﻲ ﻓﻠﺴﻔﺘﻚ ﺩﻱ ﻭﻗﻮﻡ ﺷﻮﻑ ﺍﻟﺤﺎﺻﻞ ﺷﻨﻮ ...

- ﺃﻣﻲ ﺣﺴﺴﺘﻴﻨﻲ ﻛﺄﻧﻬﺎ ﺑﺘﻚ ﺩﻱ ﺍﻟﻤﺮﺓ ﺍﻷﻟﻒ ﺗﻘﻮﻟﻲ ﻟﻲ ﺍﻣﺸﻲ

ﺃﺷﻮﻑ ﺍﻟﺤﺎﺻﻞ ﻣﻊ ﺍﻧﻮ ﺍﻟﻐﺮﻓﺔ ﻗﺪﺍﻣﻚ ....

ﺇﻳﻬﺎﺏ ﺩﻱ ﻃﺮﻳﻘﺘﻮ ﻓﻲ ﺍﻟﺘﻌﺎﻣﻞ ﻣﻊ ﺃﻣﻮ ﻛﺄﻧﻬﻢ ﺍﺧﻮﺍﻥ ﺍﻭ ﺍﺻﺪﻗﺎﺀ

ﺍﻟﻤﺎ ﺑﻌﺮﻑ ﻳﻘﻮﻝ ﻋﻠﻴﻪ ﻗﺎﺳﻲ ﻭﻣﺎﻋﻨﺪﻭ ﻋﻼﻗﺔ ﺑﺎﻟﻨﺎﺱ ﺑﺲ ﺍﻟﻌﻜﺲ

ﺩﺍﺋﻤﺎ ﺑﺤﺐ ﻳﺴﺎﻋﺪ ﻏﻴﺮﻭﺍ ﻟﻜﻦ ﻣﻦ ﺑﻌﻴﺪ ﻣﻦ ﻭﻫﻮ ﺻﻐﻴﺮ ﻣﺎ ﺑﺤﺐ

ﺍﻟﻤﺸﺎﻛﻞ ﻭﺍﻱ ﺣﺎﺟﺔ ﺑﺘﺴﺒﺐ ﻟﻴﻪ ﻣﺸﻜﻠﺔ ﺑﺒﻌﺪ ﻋﻨﻬﺎ ﺃﻳﺎﻡ ﺍﻟﺜﺎﻧﻮﻱ

ﺍﺻﺤﺎﺑﻮﺍ ﺑﻨﺎﺩﻭ ﺑﺎﻟﺠﺒﺎﻥ ﻣﺎ ﻛﺄﻥ ﺑﺸﺘﻐﻞ ﺑﻴﻬﻢ ﻛﺘﻴﺮ ..

ﺷﺨﺼﻴﺘﻮ ﻏﺮﻳﺒﺔ ﺑﺤﺐ ﺍﻟﻬﺪﻭﺀ ﻣﺎ ﺑﺰﻋﺞ ﺯﻭﻝ ﻭﻻ ﺑﺤﺐ ﺯﻭﻝ

ﻳﺰﻋﺠﻮ

ﻭﺍﻟﺠﻮ ﺍﻻﺳﺮﻱ ﺳﺎﻋﺪﻭ ﻻﻧﻮ ﻭﺣﻴﺪ ﻣﻦ ﻗﺎﻡ ﻣﺎ ﻋﻨﺪﻭ ﺯﻭﻝ ﻳﺸﺎﺭﻛﻮﺍ

ﺗﻔﺎﺻﻴﻞ ﺣﻴﺎﺗﻮ ﻏﻴﺮ ﺍﻣﻮ ﻭﻫﺴﻲ ﻋﻤﺮﻭ ( 29 ) ﻟﺴﻪ ﻫﻲ ﺃﻗﺮﺏ ﺯﻭﻝ

ﻟﻴﻮ ..

ﺍﻟﻤﻬﻢ ﺩﻱ ﺷﻮﻳﺔ ﺗﻔﺎﺻﻴﻞ ﻋﻦ ﺇﻳﻬﺎﺏ

ﻧﺮﺟﻊ ﻟﺮﻏﺪﺓ ...

ﺑﻌﺪ ﺳﺎﻋﺔ ﻃﻠﻊ ﺃﻧﺲ ﻣﻦ ﻏﺮﻓﺔ ﺍﻟﻌﻤﻠﻴﺔ ﻛﺎﻧﺖ ﺭﻏﺪﺓ ﻣﺤﺘﺎﺟﺔ ﻟﻨﻀﺎﻓﺔ

ﺍﻟﺠﺮﺡ ﻭﺷﻮﻳﺔ .. ﻗﺎﻝ ﻟﻴﻬﻢ

- ﺣﻤﺪﺍﻟﻠﻪ ﻋﻠﻲ ﺍﻟﺴﻼﻣﺔ ﺍﻟﺒﺖ ﻛﻮﻳﺴﻪ ..

ﺭﺩﺕ ﻟﻴﻮ ﺍﻡ ﺇﻳﻬﺎﺏ ..

- ﺷﻜﺮﺍ ﻟﻴﻚ ﻳﺎ ﻭﻟﺪﻱ ﻣﺎ ﻗﺼﺮﺗﺎ ..

- ﺍﻟﻌﻔﻮ ﻳﺎ ﺃﻣﻲ ﺩﺓ ﻭﺍﺟﺒﻨﺎ .

- ﻣﻤﻜﻦ ﻧﺮﺟﻌﻬﺎ ﻣﻌﺎﻧﺎ ﺍﻟﺒﻴﺖ ﻫﺴﻲ ...

ﺇﻳﻬﺎﺏ ﻋﺎﻳﻦ ﻟﻴﻬﺎ ﺑﺎﺳﺘﻐﺮﺍﺏ ﻭﻫﻮ ﺑﻘﻮﻝ - ﺍﻟﺒﺖ ﻟﺴﻪ ﻣﺎ ﻓﺘﺤﺖ ﻋﻴﻮﻧﺎ

ﻧﺮﺟﻌﻬﺎ ﻛﻴﻒ ﻣﻌﺎﻧﺎ

- ﺃﻧﺖ ﺃﺳﻜﺖ ﻫﺴﻲ ﺃﻧﺲ ﻳﺎ ﻭﻟﺪﻱ ﻗﻌﺎﺩ ﺍﻟﻤﺴﺘﺸﻔﻰ ﺻﻌﺐ ﻗﻮﻝ

ﺍﻟﻌﻠﻲ ﺷﻨﻮ ﻭﺃﻧﺎ ﺑﻨﻔﺬﻭ ﻭﺇﻥ ﺷﺎﺀﺍﻟﻠﻪ ﻣﺎ ﺑﻘﺼﺮ ﻣﻌﺎﻫﺎ ...

ﺃﻧﺲ ﺍﺩﺍﻫﺄ ﺍﻻﻭﺩﻳﺔ ﻭﻭﺻﻒ ﻟﻴﻬﺎ ﺗﻌﻤﻞ ﺷﻨﻮ ﺷﺎﻟﻮ ﺭﻏﺪﺓ ﺭﺟﻌﻮﺍ ﻣﻊ

ﺍﻧﻮ ﺇﻳﻬﺎﺏ ﻣﺎ ﻣﻮﺍﻓﻖ ﺑﺲ ﻣﺎ ﺍﺗﻌﻮﺩ ﻳﻌﺘﺮﺽ ﻋﻠﻲ ﻛﻼﻡ ﺍﻣﻮ ﻣﺎ ﻗﺎﻝ

ﻭﺍﻟﻜﻠﻤﺔ

ﺭﺟﻌﻮﺍ ﺍﻟﺒﻴﺖ ﺍﻟﺴﺎﻋﺔ 2 ﺻﺒﺎﺣﺎ ﺇﻳﻬﺎﺏ ﻣﺎ ﻛﺎﻥ ﺷﺎﻳﻒ ﻗﺪﺍﻣﻮ ﻣﺸﻲ

ﻧﺎﻡ ﻃﻮﺍﻟﻲ

ﺍﻣﻮ ﻓﻀﻠﺖ ﺑﺎﻗﻲ ﺍﻟﻠﻴﻞ ﻣﺴﺎﻫﺮﺓ ﻣﻊ ﺭﻏﺪﺓ ....

يتبع....