وأنا ما بتخيل إيه ح أبقى
لما أعيش في الدنيا بدونك
ولو خليتك وين راح ألقى الكُت
بلقاهو يَشِع في عيونك
أبقي معاي مَودة ورحمة
يالفي قلبي هواك وسكونك
وكوني في عوني أنا بي تِحنانك
شان بي شوقي أكون في عونك

يا سِت الجمال يالملكة ليها مقام
كآسيكي العفاف متوشِحك هِندام
لي يحفظك المؤمن ولي وِداعتك ضَام
يسترني وينجيك يوم عَرقنا لِجام 💙

السودان حبه في القنوط وفي التمنّي
وفوق ما وسعت ضلوعي وفوق ظني
بلاد المجد أرض الأحرار أنت يا وطني
لك العشق أبدًا من كل سوداني ومني

ما قالوا ليـكَ طـريـح فـراش وشـفاهـو مِـنـُّو تكون قريب
والبينا خطــوات تتحسب عـارفَــك بقيتْ ليْ مـاك حسيب
مـع إني صُـنـتَ هَــواكْ زمـن .. ليـه ليـك أنـادي أنا ياحبيب
ليه ليـك أنـادي ولا مُجيب
"أسـرفـتَ في الأحـــــلام وكِــتْ ظـنـيـتَــكْ الـفـرح القريب "😔💔

لازِلت يافَجري النِشف ريقك معاي خايفك تخاف
ترحالنا والسفر الطويل والعتمة في آخر المطاف
تنزح غيومك عَني يوم تتركني لي مَحل الجفاف
صابر علي العَطش البِحت أوراقي قبال الأوان

-


مرت الايام حبيبي ولسه ظالمنا الزمن
اصلو ماقايلين والله
ندفع الافراح تمن....💛!!!

(هــــــــــديــــــــــــــة)
محمد سليمـان المحســي

هـديــة وجـاتنـا ممــدودة
نحيـلــة جميـلـة محمــودة
دموعة قريبة فـي خـدودة
عـاقلـة وحافظـة لحـدودة

بنحلم بيهـا هــي الفرحــة
دوانــا وللقــلــوب صـحــة
اسمر لونــة دي السمحــة
ليهــا بنقــلــب الــصفحــة

مـا شفتوهــا لمــا تفــوت
نحن للقاهــا زي حنمــوت
عســل واللـه بس ياقــوت
مــا غناهــا يــوم الحــوت

اقــرب لــي فــي محنــي
حنينة قريبـة لــي شجنــي
معاهــا الدنيــا تسعدنــي
دوام بطراهـا فـي لحنــي

فيها خصال شذاها يفــوح
يخلي النــاس عليها نــزوح
بيهتفو بـي شعــار الــروح
حتي الصوت صبح مبحـوح

راجين ولو تسمح ظـروف
يتلاشي من جوانـا خــوف
النــاس تــعبــر بـالالــوف
لــكــن بتغلبنــا الـحــروف

صابرين علي اية الجمــال
بنوتـه بي احلــي الخصـال
القمــة ما اعلــي الجبــال
بس قمتك فـوق المحــال

يارب تحميها مــن النــاس
ومــن الجــن والخــنــاس
بــدل ليهــا مــر احســاس
سعادة لي اخـر الانفــاس

ولٱ زال وراك الليل طويل وأنا في إنتظار الغفوة شارد بالخيال
مابين جبال الهم أجر أقدامي فوق موج الرمال
ولا إتيقن القلب ال ينادي علي سراب محياك تعال
كل ما يشوف أتـرك يقيف،يصرخ يقول كانت هِنا 💔

يوم تم الاتفاق بين المجلس العسكرى وقوى الحرية والتغيير
بحي فيها شباب الثورة :-

صحيت بزغرودة قبل الصياح
في صباحا مليان هتاف وأفراح
أبشر يا قلمي هيا اكتب بارتياح
قول كلمة حق بعد ما اتحقق النجاح
هلل و بشر الأوطان بيوم الفلاح
بيوم النصر الجانا من الصباح
لشبابنا اللابسين السلمية وشاح
شباب الأمل والتفاؤل والكفاح
يا ما كم تعب شال الهم والجراح
بيحلم بحياة كريمة ليها غرد وصاح
ملأ الساحات هتاف يطالب بالإصلاح
وهبوا أرواحهم الغااالية اتوسدوا
الأرض عز المطر والهجير والرياح
شالوا الصبر همهم للحرية كييف نصل
اتوحدوا كسروا الحواجز والعلل
أولاد الكرم والشجاعة منذ الأزل
انحن ما بنستعمر ولا للظالم بننذل
متفائلين دوام عمرنا ما فقدنا الأمل
كل العالم يشهد حتى الصغير عرف الحصل
لابد للحق ينتصر مهما طال الأجل
ـ🍇🍇🍇🍇🍇ـ
الخير في أولادنا شيالين التقيلة
ما بيهابوا الموت ديل أمل القبيلة
خاضوا النيران ماهم أصحاب رزيلة
بلدنا تستاهل بلدالعزة مافي مثيلها
بلد العلم و الأخلاق منو البيقدر يطولها
خيراتها وفيرة تعالوا نعدل ميلها
ماهي محتاجة لينا في كل صباحها وليلها
نقعد نتفاكر تحت اشجارها الظليلة
نشرب من نيلها وناكل من نخيلها
بدون حزبية بالترابط بتبقي عديلة
يلا افرحوا زغردوا وذيدوا تهليلا
ـ🍇🍇🍇🍇🍇ـ
تعالو ننسى الفات ونعيش أحرار
نخطط نعمر لبلدنا الكان منهار
بقلوب صافية لا ظلم لا احتكار
ياهو ده بلدنا البنحلم بيو يا ثوار
يلا شدوا الحيل وابقوا كتار
في سبيلو فقدنا الشهداء الأبرار
عشان عزة بلدنا لازم نجيب التار
حرية سلام وعدالة لازم نجيب التار
لازم نجيب التار لازم نجيب التار
ـ🍇🍇🍇🍇🍇ـ

الشاعره :- عائشة عوض الجيد

الحب ماهو تمني
حسام الدين عبد الحافظ

انا ما انكرتا لي ريدك ..
وما حرمتا الريدة تغني ..
ولا شتتا لي احساسك ..
بس الحب ما هو تمني ..
الحب للزول البقدر يدفع ..
ويقدر يقيف قدام المدفع ..
يقدر يخطب وطوالي يعرس ..
ويتحمل زوجة ومسئولية شفع ..
يقدر يصبر وكمان يتعايش ..
يزرع .. يصنع .. يقابض .. يقلع
وانا شاب ولسة بحاحي ..
ولي فطوري ابويا بيدفع ..
لمن احصل كل مطالبك ..
بكون العمر ولا وودع ..
وما اظن بعدها تقبلي ..
بي عجوز راسو دا صلع ..
عشان كدا اكسبي زمنك ..
وشوفي مغترب باليورو بيدفع ..
وانا ما انكرتا لريدك ..
وما حرمتا الريدة تغني ..
ولا شتتا لي احساسك ..
بس الحب ما هو تمني

قروب ديني حتى لا نهجر القرآن للرجال والنساء
القروب خاص بنشر صفحه يوميه من القرآن فقط
أسأل الله أن يجعله في ميزان حسناتي وكل من ساعد في نشر الرابط
فكما قال النبي ﷺ :{ الدال على الخير كفاعله}
أو كما قال النبي ﷺ
رابط القروب 👇
https://chat.whatsapp.com/CNBoR0MwjnF4Pa5YaVDoJN

إنت كنت ضَرا وكنت ضُلو
وهلال أفرآحو البهلو
وحنين دايماً تنحلو
تزيل من حولو المصايب
وراك إعتادت تذلو

حبيبك تاه من دريبو
ومنو الباقيلك بِدلو
قولو يامُرسالي قولو

عينيها في ليله الطويل زي التقول قِطعة نهار
أو زي كأنها نيل ونيل قاسمه القمر قمرين صغار
ريانة زي ورد الخَميل من كل ناحية تشِع نَضار
وأنا غايتو شايف مُستحيل ، الغُنية غيره تكوس مَدآر
-ست المكان - 💙

الحَبيب إن فات اليفوت
لا تقولي انا باكر بموت
الحيط هي الساتره البيوت
هِينو قلبك ، عِز النَفِس
أركز أخير
أركز إن بقى قلبك يئِس
وعُود هواك قِدامك يِبس
إن وَقع مقدورك أخير لا تخرب الموت بالرفِس

أنا في قلبي الوَجع تاويتو لكن طَفر
بي هِدم اليقين غطيتو أبا يدثر
كل ما أقول جِديول أفرآحي سال إتحدر
ألقى مياهو عَكراني ونكد تتقطر